Ditë e zymtë

[xheladin]

Faleminderit z. lili99 për mendimin tuaj për shkrimet e mia.

Me respekt të veçantë
xheladin hamza

[xheladin]

është bërë një gabim teknik gjatë shkrimit, duhet të jetë z. bili, e jo z. lili, shpresoj se do të keni mirëkuptim dhe ju kërkoj falje.

me respekt
xheladin hamza

[xheladin]

shkruan: xheladin hamza

LAMTUMIRË PËRGJITHMONË

Atë natë që dy lule u ndanë
Hëna nga pikëllimi humbi shkëlqimin e saj
Shiu dhe loti bashkohen në një rrugë për në lum

Toka dridhej qielli gjëmimin e tij filloi
Herë herë vetëtima bënë ndriçimin e rrugës
Nëpër terrin e së cilës ecin dy lule kokulur
Në kahje të kundërta njëra prej tjetrës

Me hapa të pasigurta e zemra të ndarë në dysh
Humben në errësirën e territ të natës
Duke pëshpëritur fjalën më të dhimbshme
LAMTUMIRË DASHURI PËRGJITHMONË.

Poezi e botuar në librin tim PSE TRËNDAFILAT ÇELIN

[xheladin]

shkruan: xheladin hamza

TË KËRKOJ

Të kërkoj
Mes yjeve
Dhe burimeve të ëndrrave...

Të kërkoj
Në vetminë e mjegullës
Dhe në sytë e kalimtarëve...

Të kërkoj
Në syrin
Të cilin me lot e lagi...

E di që kjo është
E kot
Por unë të kërkoj...

Poezi e botuar në librim tim PSE TRËNDAFILAT ÇELIN

[xheladin]

shkruan: xheladin hamza

TERRI I BALLKANIT

Mbi qytetin tim të bukur
Mbretëron terr i rëndë
Terri i Ballkanit...

Shikoj tërë qytetin si në ëndërr
Tek valvitej në terrin e errët
Dëshiroj me duart e mia
Ta përkdhel e shtrëngoj...

Shpirti më është shndërruar
Në copëza xhevahiri
Të shkëputura nga errësira e kaluar
Që reflektohen në jetën time...

Në këtë qytet të shurdhër e të verbër
Flokë mu zbardhën
Veshtë dëgjimin e humbën
Sytë nga lot mu verbuan...

[xheladin]

shkruan: xheladin hamza

LOTI MBI QERPIK MU NGRI

Brigjeve të gjelbëruara pamëshirshëm
Lulet më të bukura u thanë
E unë vajtoj, vajtoj mbi petalet e tyre
Të gjitha portat e jetës mbyllen
Andej me krah të lehta kah fluturoj

Përsëri pas mortit lindje
Ura nga shpirti në shpirt
Nëpër tehun e shpatës kalon
Ëëë sa e vështirë është ringjallja
Të duket se më nuk je ti
O shpirt që zjarr digjesh
Rend nëpër shtresat e xhehenemit
E loti mbi qerpik mu ngri...

[xheladin]

xheladin hamza

I ETUR JAM

I etur jam
Për fjalë të sinqerta
Që nëpër shpirt kalojnë
Dhe ngjallin ndjenjat e ekzistimit...

Djalli më sjellë shqetësime
Më duket se jam në ëndërr
Dhe vallëzoj me hijen time
Dy herë më të gjatë se unë...

Uria dhe varfëria
Shtrëngojnë barkun e thatë
E tensioni i lartë i gjakut
Në gjoksin tim krijon dhembje anginoze...

Mushkëritë hapen dhe mbyllen
Me frymëmarrjen time të thellë
Dhe ndjej aromën e luleve robinje
Të pranverës së hershme...

[xheladin]

shkruan: xheladin hamza

NA NDIHMO I MADHI ZOT

Me buzë të plasaritura
Me zemër të plasur
Me shpirtin e djegur
Me duar të zgjatura kah Ti
Prej të keqes e cila na kaploi
Në tokat tona
Na shpëto o i Madhi Zot

Lutjet të cilat i bëjmë
Në orët e vona të mesnatës
Në nafile bijë në sexhde
Për shpirtrat e atyre
Që dhanë jetën
Që derdhën gjakun
Për këtë tokë të djegur
Na i dëgjo o i Madhi Zot

Mjerimi zemrat na i ka pushtuar
E mira me të keqen është ndërruar
Parajsa në ferr e shndërruar
Nuri të cilin na e dha
Nga shpirtzi është fikur
Na ndihmo o i Madhi Zot

poezi e botuar në librin tim PSE TRËNDAFILAT ÇELIN

[shpirti_i_bukur]

Urime per keto poezi qe na e solle ketu ne forum, vetem vazhdo ,te lumet.

shpirti _i_bukur

[xheladin]

xheladin hamza

MËKATARE


Nëse ndonjëherë
Do të takohemi përsëri
Mëkatet e tua
Nuk do t’i fali
KURRË...

Je mëkatare
E madhe
Mëkati yt
Është sa qielli
E i rëndë sa
TOKA...