Miliarderja greke: Dashuria ime me shqiptarin...

[PRI-LTN]

“Dashuria ime me shqiptarin që s’më deshi kurrë”


• Në Greqi e njohin të gjithë. Ka qenë pjesë e garës "The world", një emision reality gjatë vitit 2003, tepër i shikuar që realizohej në ATN1.

Marko Caka / Athine

Ishte epiqendra e atij emisioni, jo vetëm për moshën, 58 vjeçe, por edhe për sinqeritetin që tregonte. Për këtë u bë tepër e njohur në Greqi. Por jo vetëm se është e famshme, por edhe sepse pak kohë më parë bëri bujë në mediat greke, për një histori të pazakontë. Për një histori të vërtetë. Histori me shqiptarë. Quhet Rula Brohopulu. Pas reality show, pothuaj të gjitha ekranet televizive nuk reshtën ta ftonin në emisionet e tyre, ku edhe Rula nuk reshti duke thënë fjalët më të mira për shqiptarët. Është dashuruar me një 27-vjeçar, shqiptar. Quhet Fran Shtjefni nga fshati Nënshat i rrethit të Shkodrës. Prej 13 vjetësh jeton e punon në Greqi si usta në një punishte duralumini. Dashuria e saj me shqiptarin një vit më parë u kurorëzua edhe me martesë, pas së cilës jeta e 58-vjeçares ndryshoi plotësisht. Zotëron pasuri marramendëse, qofshin të ardhura, qofshin prona të patundshme në Amerikë, Londër, Paris, ishujt grekë apo edhe në Athinë, ku zotëron qendra të shumta tregtare. Por kjo nuk mjafton për t'i shuar zjarrin e shpirtit. Pas martesës, në shtëpinë e saj mori dhe familjen e Franit në Greqi, të ëmën e tij (se i ati nuk jeton) dhe tre vëllezërit. Jetoi me ta për më shumë se një vit. Por dashuria e saj për Franin nuk mori kurrsesi çmimin që meritonte. E shfrytëzoi vetëm për para dhe me familjen e tij, Rula kurrë nuk shkoi mirë. Kanë më se tre muaj që jetojnë bashkë. Por nuk kanë bërë divorc. Kjo, sepse Rula dëshiron të ndjehet me dokumente gruaja e tij dhe një shqiptare e përjetshme. Këtë e tregon dhe në intervistën ekskluzive që jep për gazetën "Panorama". Dashurinë për Shqipërinë dhe shqiptarët, e cila edhe pas ndarjes nuk është shuar kurrsesi tek ajo. Tregon se për Krishtlindje do të jetë në Shqipëri dhe dëshiron të marrë nënshtetësinë shqiptare. Por cila është historia e saj. Njohja me shqiptarin, dashuria, vizita në Shqipëri, marrëdhëniet me familjen e tij, si e priti djali i saj 19-vjeçar, dashuria për Shqipërinë dhe shqiptarët, Rula i rrëfen.

Mund të na thoni si u njohët me Franin?
U njoha në verën e vitit 2006. Isha në bregdetin e Glifadhës dhe një shok i tij i tha se është Rula e "The world", një emision reality tepër i shikuar në vitin 2003. Mirëpo Frani më kishte ndjekur gjatë kohës që unë isha protagoniste në këtë emision të suksesshëm të kanalit televiziv ANT1. Unë kisha bërë porosi për disa dyer alumini për vilën time dhe Frani, si usta në këtë zanat, m'i solli në shtëpi. Sapo e pashë nuk e dija që ishte ai dhe më thotë për ustain e aluminit. Dhe unë i them: lëre ustain tani se po bisedoj me një djalë të bukur. E pashë dhe me shikimin e parë më ra "tjegulla në kokë". E dashurova që në takimin e parë.
E dije që ishte nga Shqipëria dhe a ndikoi kjo për të mbajtur distancë ndaj tij?
Po, e dija që ishte shqiptar dhe meqenëse në jetën time kam kryer udhëtime në të gjithë botën, nuk e kisha problem. Ndaj nuk jam raciste, jo se është nga Shqipëria, por dhe nga Uganda e Afrikës të ishte, të njëjtat ndjenja do të kisha për të.
Si u prezantuat?
Pasi i thashë se kush isha ndërruam telefonat. Por në momentin që u ndamë, ky njeri nuk m'u hoq aspak nga mendja ime. Menjëherë e mora në telefon dhe më tha se do të shkonte në Halkidha, në një zonë bregdetare turistike dhe i kërkova që të shkoj dhe unë me të, dhe ai më përgjigjet jo. Por unë që nga momenti i parë doja të isha pranë tij.
Çfarë sjellje kishte Frani kur ju krijuat takimin e parë?
Frani ishte një djalë serioz. Ishte një zotëri me të gjithë kuptimin e plotë të fjalës dhe nuk e besova se ai ishte 27 vjeç. Ishte i turpshëm dhe për çdo gjë vetëm unë bëja hapin e parë.
Po pastaj si rrodhën ngjarjet?
Në fillim e humba numrin e telefonit të tij. Por më vonë e gjeta përsëri në plazhin ku u njohëm për herë të parë. Më pas shkuam në vilën time në Poro. Gjatë rrugës udhëtuam me makinën e tij, por në kthim u bë ajo që unë nuk e besoja dot. U turpërova pak, sepse isha një grua me moshë të madhe dhe si nënë me djalë po të madh. Gjatë rrugës një moment nuk durova dot dhe i thashë ndalo pak diku, se dua të më japësh një të puthur. "Si është e mundur - më tha - kjo nuk është në marrëveshjen tonë". I them - nëse ti ke dëshirë… dhe ai më puthi. Atë çast pashë yje në qiellin e shtatë. Po atë mbrëmje shkuam për darkë në një restorant italian dhe darkuam së bashku. Pas ushqimit më tha nëse doja diçka tjetër. Dhe i thashë: dua të shoh sërish nesër, pasnesër… gjithnjë. Më pas i thashë se isha e dashuruar marrëzisht me të. Atë natë ishte dhe finalja e Botërorit 2006. Frani më tha se donte të vinte bast për penalltinë për Italinë. I dhashë 5 mijë euro dhe fituam 50 mijë euro. Sapo fituam 50 mijë eurot shkuam përsëri në restorantin italian. I vura në zarf gjysmën e parave, pra 25 mijë euro dhe më besoni, nuk i mori. Atëherë i dhashë 5 mijë euro dhe më tha se do të marrë vetëm 1 mijë euro për fat. Nga ky veprim kuptova se ai do ishte burri i ëndrrave të mia. I shpreha po aty dashurinë time dhe se nuk mund të bëja dot pa të.
Po Frani si e priti këtë gjë. A ishte i dashuruar, kishte ndonjë lidhje tjetër?
Gjatë kësaj kohe Frani kishte një lidhje me një shqiptare 32-vjeçare të bukur, që banonte afër shtëpisë së tij. Më prezantoi tek ajo si shoqe e mamasë së tij, sepse nuk donte të tregonte për lidhjen tonë, megjithëse deri atëherë nuk kishim kryer ndonjë kontakt seksual. Gjatë kësaj kohe Frani më thotë se do të shkonte në Shqipëri, sepse familja i kishte gjetur një vajzë për ta martuar. Unë nuk doja t'i thosha për ndjenjat e mia, kisha frikë se mos reagonte negativisht dhe e humbisja. Por gjatë gjithë kohës që ai ishte në Shqipëri, unë çdo ditë shkoja në kishën katolike në qendër të Athinës dhe lutesha që Frani të mos gjente nuse tjetër. Kur u kthye, më tregoi se nuk kishte gjetur nuse. Unë nuk durova dot dhe i thashë se doja të fejoheshim. Ai menjëherë reagon: a je mirë, si mund të fejohemi me këtë diferencë moshe që kemi. Por i tregova se sa shumë e doja dhe kjo zgjati vetëm 3 ditë. Kishim rënë dakord me njëri-tjetrin se do të martoheshim pas një viti. Por nuk durova dhe i thashë se doja të martoheshin muajin tjetër, më 4 nëntor 2006. Dhe kjo ditë ishte dita e dytë më e veçantë e jetës sime. Njëra është ditëlindja e djalit tim, 31 korrik 1989 dhe tjetra është dasma me Fran Shtjefnin, më 4 nëntor 2006.
Thatë që nuk kishit problem për diferencën e moshës...
Nuk e kisha problem, por ky është gabimi im më i madh. Deri sa u martova doja që të mos ndahej me familjen e tij, sepse Frani ishte kryefamiljar dhe është që 14 vjeç në Greqi. Babai i tij u vra ditën e zgjedhjeve të para pluraliste, pa u rrëzuar akoma sistemi i kaluar në qendrën e votimit të Nënshatit dhe Frani u desh që të luftonte me jetën për të mbajtur dhe tre vëllezërit e tjerë më të vegjël. Solla gjithë familjen e Franit në vilën time dhe u detyrova të bëhem shërbëtore e të gjithëve, të gatuaj dhe të laj rrobat e tyre, meqenëse mamaja e tyre shkoi në Shqipëri për të bërë dokumentet. Frani më kishte thënë që në fillim se nusja në anët tona gjithnjë është me familjen. Dhe nga dashuria e madhe me Franin, preferova më mirë të zbatoj zakonet e tyre dhe të largoj djalin te babai i tij në Kretë, se sa të sjell shqetësim te njerëzit e burrit tim shqiptar. Kur mamaja u kthye nga Shqipëria filluan dhe problemet e mëdha mes nesh. Burri im, Frani, filloi të largohej dhe vinte 2-3 orë vetëm sa për të fjetur. Doja që çdo mëngjes të zgjohesha dhe ta shikoja sesi po flinte dhe t'i përgatisja mëngjesin. Pra, e ndieja brenda në zemrën time dhe e kisha si mbret. E shihja si të madhin Zot. Kudo ia bëja qejfin. Shkova në Paris, në Londër dhe në "Kroçiera", vetëm e vetëm që ai të ndjehej shumë mirë. Por unë shihja se ai ishte tjetërkund dhe nuk më ndjente fare, vetëm qëndronte për paratë e mia. Pas një viti më thotë se, në qoftë se nuk më shkruan shtëpinë që kisha në ishullin e Kefalonjase si dhe xhipin dhe 200 mijë euro, unë për dy muaj do të largohem.
Përse mendoni se burri juaj, Frani, e trajtoi ndryshe martesën?
Në fillim ishte po Frani që donte të martohej, por ka mundësi që ai të ketë rënë dakord me familjen e tij, që të martohej me mua vetëm e vetëm që unë të shkruaja pasurinë në emrin e tij dhe pastaj ai të kërkonte divorcin. Unë pasurinë time kurrë nuk e kisha menduar asnjëherë të ndarë me Franin, madje si burri im juridikisht ka të drejtën e gjysmës së pasurisë time dhe nuk kishte nevojë të ngutej, duke dëgjuar të tjerët. Madje, unë doja të bëja dhe fëmijë me të, por ai ishte i kujdesshëm për lidhjen tonë, vetëm për pasurinë time.
Ku u zhvillua ceremonia e dasmës?
Dasma u zhvillua këtu në lagjen time, në kishën ortodokse Sotira me dy kumbarë, njëri shqiptar dhe tjetri grek. Për fat të keq dasma nga ana e burrit u bë për interes, por unë besova tek ajo që më tha se shqiptarët nuk ndahen, aq më tepër ata që janë nga Shkodra, se kur japin besën vetëm vdekja mund të na ndajë. Të gjitha këto, për hir të Zotit, isha e detyruar t'i besoja.
Kur shkuat për herë të parë në Shqipëri?
Shkova më 10 janar të këtij viti në dasmën e kushërirës së tij të parë. Ishte një dasmë fantastike, tepër e shkëlqyer. Atë ditë vendosa të vishesha me veshjen e bukur tradicionale zadrimore të kësaj treve dhe u ndjeva shumë bukur me këtë veshje, saqë dasmorët në vend të pëlqenin nusen e re më pëlqyen mua, që fluturoja në qiellin e shtatë, si një nuse e asaj ane. U dashurova pa masë me Shqipërinë. U dashurova me çdo gjë që shihja, pasi mua më pëlqen origjinaleti dhe realiteti i saj. Më pëlqeu pa masë Shkodra, Tirana dhe Durrësi. Por dëshira ime është të vdes vetëm në fshatin e burrit tim, në Nënshat të Vau-Dejës. Me një popull të dashur dhe të thjeshtë, që të japin gjithçka me dashurinë e tyre të zjarrtë. Pra, me pak fjalë, zemra ime mbeti atje. Ajo që më ka bërë përshtypje, që të afërmit e Franit që jetojnë në Athinë nuk më jepnin aspak rëndësi dhe nuk më donin fare, ndërsa fshatarët e varfër të Nënshatit më dhanë gjithçka me atë buzëqeshjen e tyre të vuajtur nga hallet e tyre, por plot shpresë.
Historia juaj e dashurisë me shqiptarin si u trajtua në të gjitha mediat greke?
Duhet të dini se unë isha shumë e njohur për publikun grek si protagoniste në emisionin më të shikuar të kanalit ANT1 në vitin 2003 dhe publiku kishte shfaqur një dashuri ndaj figurës sime. Kjo histori mori shumë famë, sepse unë besova shumë te mediat televizive për zgjidhjen e çështjes sime. Por kjo ishte dhe një shembull për të gjitha ato gra të moshuara që duan njeriun e tyre të shtrenjtë pa dallim të diferencës së moshës me djem të rinj. Për këtë arsye, thashë se edhe unë dua të shpreh atë që ndiej në zemrën time, pa asnjë tabu për të demonstruar vuajtjen time shpirtërore dhe jo si një padi ndaj burrit tim shqiptar. Me të vërtetë kjo ngjarje bëri bujë të madhe mediatike, duke më bërë si personi më i kërkuar i show bizit në televizion. Madje, më e çuditshmja ishte se duke parë për numrin rekord të audiencës, filluan që edhe kanalet e mëdha të kërkonin që të bëja marrëveshje për të firmosur kontratë me emisionet e tyre. Revistat më të mëdha greke filluan të publikojnë në faqen e parë foton time me Franin dhe intervistat e mia për martesën me shqiptarin.
E gjithë kjo bujë mediatike a ndihmoi ndopak në zgjidhjen e çështjes suaj?
Mund të them se tek unë nuk ndihmoi aspak, se Frani nuk po kthehet në gjirin tim. Me njerëzit veprimi im bëri më mirë. Tek të gjithë gjeta mbështetjen e tyre, për origjinalitetin tim dhe për dhunimin tim shpirtëror që po kaloja. Ndërsa për veten time, e mendoj se jam bërë rezil vetëm për atë që një grua bën si e marrëzuar për një djalë të ri, të qajë para kamerave dhe të kërkojë ndihmë që t'i kthehet burri i saj mbrapa. Por ai ishte ëndrra ime dhe ishte Zoti im…
Ju mendoni se u bëtë rezil, por në të vërtetë ju dhatë mesazhe pozitive për shqiptarët, gjë që shqiptarët e vlerësojnë shumë. Ju flisnit fjalët më të mira për kombin shqiptar dhe thatë se unë jam shqiptare dhe do të vdes shqiptare…
Është çmimi im më i madh si komb, që shqiptarët ngjajnë me ne grekët. Çfarë bëmë ne para 50 vjetëve në emigracion, në USA, Australi dhe Gjermani për një jetë më të mirë, për një të ardhme të shëndetshme, atë bëni ju tani dhe latë vendin tuaj shumë të bukur. Së shpejti ju do të jeni në BE dhe nuk keni asgjë që të lakmoni nga ne dhe Perëndimi. Ju keni perlat më të bukura dhe popullin e çmueshëm. Ju keni meshkujt dhe femrat më të bukura dhe kjo është një realitet që të tjerët ju lakmojnë. Jeni një popull krenar dhe ju adhuroj që me të gjitha ato vuajtje shekullore keni arritur të ruani historinë tuaj dhe traditat tuaja.
Në televizion para katër milionë shikuesve grekë thatë gjatë kësaj kohe se unë ndjehem shqiptare dhe është krenari të jesh shqiptare!
Po, është e vërtetë se e kam thënë dhe vazhdoj ta them deri sa të vdes, se Shqipëria është në zemrën time, me një popull të mrekullueshëm. Prandaj dhe gjithë grekët më duan për atë që jam dhe ndjej. Këtë e vërej kudo. Sapo më shohin në rrugë më kërkojnë autografë dhe vijnë të më puthin, duke më thënë: Bravo që thua atë që ndjen dhe nuk je false. Shqiptarët që jetojnë në Greqi kanë të drejtë se më vlerësojnë ashtu, sepse përveçse unë ndjehem në shpirt shqiptare, dua të ndjehem dhe në dokumente si shqiptare, se jam grua e një burri shqiptar. Pastaj ata më duan, se unë u çmoj vlerat e tyre të mira publikisht dhe grekët këtë e dinë shumë mirë, por nuk duan ta shfaqin. Ndërsa tek unë nuk qëndron asnjë tabu, por mbi të gjitha njeriu. Në zemrën time ka vetëm tre atdhe, Greqia që më lindi, Amerika që më bëri të pasur dhe Shqipëria që më dha dashurinë.
Keni kërkuar që të merrni shtetësinë shqiptare nga autoritetet e saj?
Së shpejti do të jem në Shqipëri dhe do të kërkoj sipas legjislacionit shqiptar që të pajisem me pasaportë shqiptare. Madje, në Shqipëri kërkoj të bëj dhe gjëra të tjera bamirësie dhe dua që me anë të organizatave kush kërkon ndihmën time ta japë për të varfrit shqiptarë.
Me të vërtetë është e rrallë që një grua e pasur të dashurojë një djalë të një familje të varfër. Sa llogaritet pasuria juaj nëse dëshironi të jepni shifra?
Nuk do të doja të jepja shifra për llogarinë për shumë arsye, por unë kam shumë prona të patundshme në Amerikë, Londër, Paris dhe në shumë ishuj grekë. Ndërsa në Athinë kam shumë pallate dhe qendër tregtare në sheshin e Glifadhës.
Vazhdoni ta doni Franin dhe a besoni se do të kthehet ndonjë moment?
Jo, jo. Besoj se nuk do të kthehet më kurrë, sepse mendoj shumë se ju shqiptarët nga veriu keni një kokë që nuk bën kurrë prapa dhe nuk pajtohet kurrë. Pra, me kuptimin e mirë të fjalës janë kokëfortë, që nuk bëjnë as majtas as djathtas, por vetëm drejtë. Por unë do të përpiqem që të mos i jap divorcin, sepse dua të ndjehem me dokumente gruaja e tij dhe shqiptare përjetë. Dhe këtë e besoj dhe sikur t'i firmos të gjithë pasurinë time, me kokën që ka ai nuk do të kthehet tek unë. Dhe një nga arsyet përse nuk e bën këtë është se opinioni do t'i thotë se shkove për para te një plakë 58-vjeçare.
Po djali si e priti dasmën tënde me një moshatarë të tij dhe shqiptar?
Në fillim shumë negativisht dhe erdhi në kishë dhe më hodhi testamentin e më tha se nuk e dua. Por pastaj u soll shumë mirë dhe jetoi së bashku me Franin, duke e trajtuar si shok.
A ndikon ndarja me Franin për të ndryshuar tek ju dashurinë që keni për shqiptarët?
Absolutisht jo, se Frani nuk përfaqëson shqiptarët me veprimin e tij. Të gjithë shqiptarët e kanë kritikuar se përse u tall me mua, me ndjenjat e mia. Unë di të them këtë, se shqiptarët janë të besës dhe të fjalës. Dhe këtë besoj se nuk e ka askush në botë dhe janë virtyte që e çmojnë njeriun përpara çdo pasurie tjetër.
Kur keni programuar ta vizitoni përsëri Shqipërinë?
Do të jem për Krishtlindje atje, se dua të shoh të afërmit e burrit tim si dhe bashkëfshatarët e mi, e thashë se Nënshati është fshati im.
Duke qenë se jeni personazhi më i kërkuar nga televizionet greke, besoj se nuk do t'i shmangeni edhe emisionit të Arian Çanit në Shqipëri, ku publiku i atyshëm do të mësonte nga ju historinë e rrallë të dashurisë me një shqiptar?
Eshtë çmim i madh për mua që të ftohem nga një gazetar kaq i suksesshëm siç është ai dhe shumë simpatik kam dëgjuar. Pra, pas Trendafillopullos, Lazopullos dhe gazetës suaj, ekskluziviteti i intervistës time le të jetë dhe për Arian Çanin, për të mësuar të gjithë shqiptarët që dhe grekët dashurojnë verbërisht shqiptarët. Dhe të mësojnë nga goja ime se i dua si komb dhe si popull.

Gazeta PANORAMA

[PRI-LTN]

Fotografia e ciftit

[Jack Watson]

Hallall Frani, lool

[Xhuxhumaku]

pushka top Frano

[Clauss]

e shikojme Rullen tere diten neper televizora duke u qurravitur, duhet ta shikojme dhe ketu?
o Frani, jepi nje mbas koke (me dashuri natyrisht) se na ka care .... Rulla.

[samer]

Edhe ne forum do shikoj Rulen ketu ne Greqi na merziti duke qare PER Franin, ishte budallaqe fare ajo qe do kujtonte se do e mbante ai. Lajmet ketu thone se eshte nisur ne Shqiperi per te takuar njerzit e tij, kujton se do ti ndrojne mendjen atij njerzit

[DI_ANA]

Mua mu duk teper prekese kjo histori...
Me vjen me te vertete keq qe historia e tyre ka marre fund,nuk mund te gjykoj as per diferencen e viteve qe i ndanin,pasi te dy ishin koshient ne ate qe bene dhe personalisht mendoj qe dashuria nuk duhet te njohi dhe te kete pengese moshen.
Vihuni ju pak ne vendin e kesaj femre qe nuk ka kerkuar asgje tjeter perveç dashurise!
Kur njeriu dashuron behet i verber,kur ka njerez me zemer ne kete bote merren per te dobet dhe i shkelin me kembe ose perfitojne prej tyre!
Si mund te perfitonte ky shqiptar nga nje femer kaq e larte....sepse une te tille munda ta quaj?!
Disa nga ju do te thone qe ishte mosha ajo qe e detyroj kete zoterine te largohej,mesa shoh nuk qenka martuar nen kercenimin e armeve!
Pra per mua ai ka perfituar dhe nuk me duket sjellje e denje ndaj nje njeriu qe te jep zemren,pasurine,qe te jep jeten ne duart e tua!
Shikoni pak respektin qe ka kjo femer per kombin tone,ndonese e zhgenjyer,shikoni qe tek fjalet e saj nuk ndjehet fare urrejtja per personin,shikoni dashurine qe ajo ka akoma per te dhe shikoni sa keq denon ajo veten duke e quajtur "enderr" nje dashuri te humbur te ciles ajo i besoj dhe lutej per te.
Per mua kjo femer eshte njeri teper i larte qe meriton respekt,dashuri dhe admirim!
Me vjen keq per te dhe bashkohem ne dhimbjen e saj....i uroj fat pasi deri ne fund te jetes se tij,njeriu ka te drejten e kerkimit te lumturise!

[DI_ANA]

Edhe ne forum do shikoj Rulen ketu ne Greqi na merziti duke qare PER Franin, ishte budallaqe fare ajo qe do kujtonte se do e mbante ai. Lajmet ketu thone se eshte nisur ne Shqiperi per te takuar njerzit e tij, kujton se do ti ndrojne mendjen atij njerzit

Per çfare ishte budallaqe?
Sepse dashuroj?.......dashuria kur te vjen nuk te pyet fare!

E perse te mos e mbante?
Cfare kishte me teper ai?
Kishte vite me pak,por ajo kishte nje zemer dhe nje dashuri aq te madhe per te..

Ai mashkull nuk meriton dashurine e saj,pasi ka perfituar dhe ajo akoma e do!!
Si mund te gjykoni njerezit ne kete fare menyre?!
Cfare do te mendonit po te ishit ju ne vendin e saj nje dite,ose dikush qe ben pjese ne familjen tuaj?!
Keshtu do gjykonit?!......them qe jo,sigurisht qe jo!

[samer]

Mua mu duk teper prekese kjo histori...
Me vjen me te vertete keq qe historia e tyre ka marre fund,nuk mund te gjykoj as per diferencen e viteve qe i ndanin,pasi te dy ishin koshient ne ate qe bene dhe personalisht mendoj qe dashuria nuk duhet te njohi dhe te kete pengese moshen.
Vihuni ju pak ne vendin e kesaj femre qe nuk ka kerkuar asgje tjeter perveç dashurise!
Kur njeriu dashuron behet i verber,kur ka njerez me zemer ne kete bote merren per te dobet dhe i shkelin me kembe ose perfitojne prej tyre!
Si mund te perfitonte ky shqiptar nga nje femer kaq e larte....sepse une te tille munda ta quaj?!
Disa nga ju do te thone qe ishte mosha ajo qe e detyroj kete zoterine te largohej,mesa shoh nuk qenka martuar nen kercenimin e armeve!
Pra per mua ai ka perfituar dhe nuk me duket sjellje e denje ndaj nje njeriu qe te jep zemren,pasurine,qe te jep jeten ne duart e tua!
Shikoni pak respektin qe ka kjo femer per kombin tone,ndonese e zhgenjyer,shikoni qe tek fjalet e saj nuk ndjehet fare urrejtja per personin,shikoni dashurine qe ajo ka akoma per te dhe shikoni sa keq denon ajo veten duke e quajtur "enderr" nje dashuri te humbur te ciles ajo i besoj dhe lutej per te.
Per mua kjo femer eshte njeri teper i larte qe meriton respekt,dashuri dhe admirim!
Me vjen keq per te dhe bashkohem ne dhimbjen e saj....i uroj fat pasi deri ne fund te jetes se tij,njeriu ka te drejten e kerkimit te lumturise!

lol...
ke te drejte... por vrapon nga kanali ne kanal per ti the cfare popullit Grek
Derisa thone qe merr leke nga kanalet prandaj e ka hapur shume temen me Franin
perpara tre ditesh na tha qe do shkoj ne Shqiperi.... mire ben po neve cna duhet

[Xhuxhumaku]

une mendoj, qe rudha, duhet te beje nje rruge per fsahtin e Franit, te ngreje nje kopesht per femije dhe te jape nja 30 viza per fshatin. Po i beri kto fshati do e beje Franin te kthehet tek dashuria e rudhes

[Clauss]

hahahaah ja dhe gazetarët. me këto pyetje, kap njërin e bjeri tjetrit. gazetarë i bëftë perëndia.
Frani, herë tjetër ta marrësh më të madhe që të mos zgjasë dashuria kaq shumë, 2-3 vjet, ajde 4 pastaj të të ngelet lumturia.

o DI_ANA nuk i dërgon një e-mail Franit tani që është available?

[DI_ANA]

lol...
ke te drejte... por vrapon nga kanali ne kanal per ti the cfare popullit Grek
Derisa thone qe merr leke nga kanalet prandaj e ka hapur shume temen me Franin
perpara tre ditesh na tha qe do shkoj ne Shqiperi.... mire ben po neve cna duhet

Nje miliardereje nuk ka çfare ti duhen leket e kanaleve televizeve...
Ajo e ben pasi kerkon mbeshtetje,pasi vuan,pasi vazhdon te shpresoje dhe pasi e di shume mire qe si ne rastin e saj ka me miliona femra qe vuajne padrejtesi te kesaj natyre.
Ty mbase nuk te intereson fati dhe jeta e saj....dhe respektoj mendimin tend.
Po di ti valle sa te tjere mund te jene te ndjeshem ndaj saj?!

[samer]

Per çfare ishte budallaqe?
Sepse dashuroj?.......dashuria kur te vjen nuk te pyet fare!

E perse te mos e mbante?
Cfare kishte me teper ai?
Kishte vite me pak,por ajo kishte nje zemer dhe nje dashuri aq te madhe per te..

Ai mashkull nuk meriton dashurine e saj,pasi ka perfituar dhe ajo akoma e do!!
Si mund te gjykoni njerezit ne kete fare menyre?!
Cfare do te mendonit po te ishit ju ne vendin e saj nje dite,ose dikush qe ben pjese ne familjen tuaj?!
Keshtu do gjykonit?!......them qe jo,sigurisht qe jo!

lol
Rulen ne e njohim nga nje loje qe luante ne televizor e dime pak a shume tipin e saj
nuk them qe ka bere gabim qe ka dashuruar por kur njeriu te thot nuk mund te jetoj dot me me ty cfare ben duhet te te mbaje me zor
Pastaj ajo kishte bere nje kontrat martese me te te cilen nuk e mbajti
lol..
nuk eshte dashuri te tjera luajne

[DI_ANA]

o DI_ANA nuk i dërgon një e-mail Franit tani që është available?

Ti kujdes pak me ato budallalleqet e tua....!!!
Po te le ty ta besh ,se te paska vajtur ne mendje si ide.

[Xhuxhumaku]

Se ha me ate tek Frani

pa marre cekun ne dore, nuku ben me Frani dashuricka,....lol

P.s nje lajm qe me erdhi para do kohesh nga Greqia, eshte hap Frani Fun Club, ku antare mund te jene vetem parallije ne moshe dhe fee-ja e antaresimit eshte 10 000 evro/vit.

[samer]

une mendoj, qe rudha, duhet te beje nje rruge per fsahtin e Franit, te ngreje nje kopesht per femije dhe te jape nja 30 viza per fshatin. Po i beri kto fshati do e beje Franin te kthehet tek dashuria e rudhes

Avash mos e ben ajo nje makine nuk i dha Franit qe e kishte ne kontrate martese

[Endless]

Te fotua me larte shikoje dy burra Kush eshte Rula aty?Ai majtas apo ai djathtas? lol

[elen]

Nje miliardereje nuk ka çfare ti duhen leket e kanaleve televizeve...
Ajo e ben pasi kerkon mbeshtetje,pasi vuan,pasi vazhdon te shpresoje dhe pasi e di shume mire qe si ne rastin e saj ka me miliona femra qe vuajne padrejtesi te kesaj natyre.
Ty mbase nuk te intereson fati dhe jeta e saj....dhe respektoj mendimin tend.
Po di ti valle sa te tjere mund te jene te ndjeshem ndaj saj?!

Honey une e njoh Rulën personalisht. Nuk vuan Rula e dashur fare. Ka bërë çfarë i ka dashur qejfi ne jeten e saj.
Gruaja është e cmendur. Totalisht.
Është si ti vijë ora.
Ai djali shqiptar është shumë djalë i mire. Dhe Rula ka vajtur dhe te shtëpia e tij ne Shqipëri dhe e kanë pritur mirë. Rula është shumë e sinqerte dhe e tha dhe vetë. Morën për nuse mua që jam më e madhe në moshe se vjerra.
Ajo dashuroi dhe e drejta e saj po nga mendte nuk rri mirë.
Ky djali nuk u be mendjemadh hic në fakt. Dhe vazhdoi punen e vet.
Po ajo nderroi testamentin dhe i la shumë para. I biri i Rulës eshte djalë shumë i mire gjithashtu.

[elen]

Avash mos e ben ajo nje makine nuk i dha Franit qe e kishte ne kontrate martese

Makinën e mori që diten e pare ai.
Akoma dhe femije donte Fran mavria. haha

[Endless]

^Po si nisi, na e trego te gjithe? Sa dhembe ka ne goje Rula?

Sa e ka nr e kembes Rula? loooooool....


apapapaapaapa,ju qe rrini ne Greqi si femrat dhe meshkujt vdisni njecik per thashetheme,po kujt po ja ndjene me se kush eshte Rula!lol

Aq sa mjaftonte te dinim e morem vesh; fakti qe nje Shqiptar ka palluar nje Greke te pasur dhe me pas si rjedhoje e finalizuan lidhjen me kurore!Kaq mjafton,mos na hy ne detaje tani lol