Vetëvrasja

[SaS]

vettrasje bejn vetem njerezit e dobet qe skan fuqi te shohin para dhe te perballojn realitetin

skam cfare shtoje me !!! ky postim i ve vulen te gjitha gjerave edhe statistikave te kota qe mund te jene !!! pergezime per postimin !!!

[alibaba]

Nga i miri lind i keqi e nga i keqi i miri...

Atëherë pse i keqi të bëjë vetëvrasje, përderisa nga ai mund të lind një njeri i mirë, apo i fortë.

[Hyj-Njeriu]

Atëherë pse i keqi të bëjë vetëvrasje, përderisa nga ai mund të lind një njeri i mirë, apo i fortë.

Jo i keqi,por i dobeti ben vetevrasje e sidoqofte ke te drejte,i dobeti eshte edhe i keqi ne njefare menyre...

Sepse i dobeti,ka ngelur i dobet per shkak te mosthithjes se urtesise popullore e sigurisht edhe per arsye dytesore gjenetike...

Per mua i dobeti ne shpirt,apo shpirtdobeti ben vetevrasje....

Kur e tha Leka ate u kundershtua nga i Madhi Skenderbe,vecse Leka i tha:
Pyet tet'eme nese yt ate ishte i mire apo i keq....

[alibaba]

Pyet tet'eme nese yt ate ishte i mire apo i keq....

Sikur i ati i tij i dobët, të kishte ba vetëvrasje nuk do ishte Skenderbeu.

[Hyj-Njeriu]

Sikur i ati i tij i dobët, të kishte ba vetëvrasje nuk do ishte Skenderbeu.

ishte i keq...i dobet sepse ngeli pa femije mashkull,fati e shpetoi skenderbeun...
pastaj nuk eshte matematike ...Mes shpirtdobetve gjendet ata qe bejne vetevrasje....

[xfiles]

ishte i keq...i dobet sepse ngeli pa femije mashkull,fati e shpetoi skenderbeun...
pastaj nuk eshte matematike ...Mes shpirtdobetve gjendet ata qe bejne vetevrasje....

e di qe ja ke fut pordhes kot ketu, me gjithe respektin qe kam per ty.

po ai qe ka vetem femije vajza, eshte i dobet?
Po njeriu nuk ka kontroll mbi gjinine e femijes qe do lindi.

[J@mes]

Jashtezakonisht shume analitike shkrimet e tua J@mes_Douglas, nuk di se a jane punime tua apo te dikujt tejter, por te uroj dhe te falenderoj per keto postime "fantastike"!

Flm shakespeare per vleresimin.
Jane punime te bera nga une gjate periudhes se universitetit.

[J@mes]

Ndikimet gjenetike

Rreziku për vetëvrasje është rreth katër herë më i lartë se mesatarja në të afërmit e një personi që ka kryer vetëvrasje dhe gjashtë herë më i lartë në fëmijët e adoptuar të një prindi biologjik që kryen vetëvrasjen. Mendohet se kjo lidhet dhe me neurotransmetuesin serotoninë.
Njerëzit e depresuar kanë nivele të ulta të serotoninës dhe kanë tendenza të larta për suicid.
Mendohet se një kombinim i impulseve të agresivitetit dhe ndjenjës së pashpresshmërisë, shoqëruar këto edhe me defiçiencën e serotoninës, që ndodh më tepër te burrat se te gratë, shpjegon faktin se pse burrat vetvriten më shpesh se gratë edhe pse këto të fundit kanë një probabilitet më të madh të vuajnë nga depresioni.

Klasifikimi kryesor i vetëvrasjeve; Arsyet/Motivet e tyre.

Në studimin e parë bashkëkohor lidhur me vetëvrasjen, sociologu i njohur francez Emil Durkheim ka theksuar tri motive të vetëvrasjeve, të gjitha prej tyre janë të lidhura ngushtë me mënyrën se si një person e gjen vendin e tij në shoqëri.
Durkheim këto motive i ka quajtur anomike, egoiste, altruiste dhe fataliste.
Vetëvrasja anomike karakterizohet me çrregullime të rënda dhe shpërthen nga prishja e marrdhënieve të një individi me shoqërinë e tij; humbja e vendit të punës, depresionit ekonomik, pasurimit të papritur, ndërrimi i sistemit shoqëror etj.
Vetëvrasja egoiste ndodh atëherë kur personi ka shumë pak lidhje me shoqërinë e tij. Kërkesat shoqërore, ndër to kryesisht kërkesa për të jetuar, nuk e arrinë individin egoist.
Vetëvrasja altruiste, është vetëvrasje që kërkohet nga shoqëria, nga grupi social ku individi është i integruar. Individi e jep jetën e vet në mënyrë që shoqëria e tij të përfitojë. Hara-kiri është një lloj prej vetëvrasjeve altruiste. Murgët budistë që dogjën veten e tyre deri në vdekje si shenjë e protestës ndaj padrejtësive të luftës së Vietnamit janë përkujtues të atyre individëve që bëjnë vetëvrasje altruiste. Ka edhe kulte të ndryshme (disa sekte sataniste, “Tempulli i Davidit” etj) të cilat si pjesë të ritualeve të tyre kanë vetëvrasjet.
Në fund të këtij klasifikimi kemi edhe vetëvrasjen fataliste. Ky lloj i vetëvrasjes të cilin Durkhemi e kishte përshkruar në një fusnotë, karakterizohet me një mënyre të rregullacionit apo të të rregulluarit të shtuar apo të tepërt. Këto janë shumë të rralla dhe ndodhin atëherë kur individi e vlerëson se rrethanat në të cilat ai jeton janë bërë thjeshtë të papërballueshme. Kështu p.sh. shërbëtorët dhe skllevërit të cilët nuk mund të përballojnë rregullat e imponuara mbi ta, ushtari i cili nuk i përballon urdhërat etj. mund të vetvriten.
Mendimtarët bashkëkohorë shohin edhe dy motive të tjera fondamentale që shtyejnë në vetëvrasje:
Dhënia fund (mbarimi) dhe manipulimi. Ata që dëshirojnë mbarim, thjeshtë janë dorëzuar. Shtrëngimi / vuajtja e tyre emocionale është e patolerueshme dhe ata nuk shohin asnjë zgjedhje tjetër. Vdekjen e shohin si përfundim të të gjitha problemeve të tyre. 56% të tentativave të vetëvrasjes të shqyrtuara në studime sistematike janë klasifikuar se si këta persona kishin tentuar të arrijnë një ndalje/ fund ( angl: surcease). Këto tentime të vetëvrasjes kanë qenë të përcjella me depresion, pesimizëm të madh dhe gjithashtu viktimat kanë qenë të prirë që të jenë më vdekjeprurës se sa të mbeten vetëm në tentim-vetëvrasje (Beck, 1976).
Si motivim tjetër për të bërë vetëvrasje (apo për të tentuar vetëvrasjen) është edhe dëshira për të manipuluar njerëzit e tjerë me tentim-vetëvrasjeje. Disa dëshirojnë të manipulojnë botën që mbetet pas vdekjes: të kenë fjalën e fundit si argument, t’i hakmerren dikujt për shkak të dashurisë së refuzuar, t’ia shkatërrojë jetën ndonjë personi etj. Zakonisht me anë të vetëvrasjes së manipuluar, personi ka për qëllim të mbetet gjallë, mirëpo përmes seriozitetit të dilemës së tij, ai thërret në ndihmë ata të cilët janë të rëndësishëm tek ai.
13% e tentativave të vetëvrasjeve janë vetëvrasje manipulative; këto vetëvrasje janë të përcjellura me më pak depresion, me më pak pesimizëm dhe më me pak metoda vdejkjeprurëse se sa tentativat tek vetëvrasjet me motive të dhënies fund apo mbarimit (surcease) (Beck 1976). Vetëvrasjet manipuluese qartazi janë thirrje për ndihmë, por duhet pasur të qartë se jo të gjitha vetëvrasjet janë njëkohësisht edhe thirrje për ndihmë. Ata persona që dëshirojnë të ikin ngaqë jeta nuk është diçka që ia vlen për të jetuar, janë persona që nuk thërrasin për ndihmë, por për t’i dhënë fund telasheve të tyre. 31% e tentativave të vetëvrasjeve janë “të kombinuara”; kombinim i motiveve për të dhënë fund dhe i qëllimeve manipulative. Këtu personi nuk është i sigurt se a dëshiron të jetojë apo të vdes, a dëshiron “surcease” apo ndryshim në botën e tij. Në këtë grup të pavendosur, sa më shumë pesimizëm dhe depresion që e godet personin aq më të forta do të jenë motivet “surcease” për të tentuar vetëvrasje (Beck, Rush Shaw dhe Emery; 1979).

[Hyj-Njeriu]

Sidoqofte kush ka shpirt te forte nuk e vret veten per probleme personale.

[J@mes]

Vetëvrasjet aktive dhe pasive

Për disa njerëz zgjedhja e mënyrës për të kryer vetëvrasjen është një vendim i shqyrtuar me kujdes përderisa të tjerët marrin spontanisht mjetet më të afërta kur të mbërrijnë në pikën e dëshpërimit të skajshëm. Bazuar në mënyrën e kryerjes së tyre, shpesh përmendet një ndarje e vrazhdë e vetëvrasjeve në dy kategori që janë emërtuar “vetëvrasje aktive” dhe “vetëvrasje pasive”.
Metodat aktive të vetëvrasjes konsiderohen; e shtëna me armë zjarri, kërcimi nga lartësitë etj, pra metoda këto që prijnë të jenë të rrëmbyeshme (të shpejta) dhe efektive dhe lejojnë fare pak hapësirë për ndonjë ndërprerje apo kohë për rishqyrtim.
Metodat pasive përfishjnë mbidozimin, gazimin (helmimin me gaz), ngulfatjen në ujë etj. Pra metoda të cilat janë më pak të tejdhunshme dhe të cilat mund të lejojnë hapësirë për intervenim, apo kohë për rikonsiderim.

Dilemat dhe motivet në vetëvrasjen e të rinjëve

Vetëvrasja e të rinjëve është nje problem në rritje në shoqërine bashkëkohore. Ka shumë faktorë që kontribojnë dhe shumë mënyra që mund ta ndalojnë vetëvrasjen. Nëse shoqëria mundohet të parandalojë, atëherë numri i vetëvrasjeve do të zvogëlohet shumë.
Ka shumë faktorë që kontribojnë në vetëvrasjen e të rinjëve. Disa prej këtyre faktorëve janë çrregullimet psikologjike, varësia në substanca kimike, dhe pasiguria në identitetin seksual. Është vërtetuar që tek të rinjtë të cilët kanë çrregullime psikologjike numri i atyre që tentojnë të vetërvriten është shumë më i madh se i atyre që nuk kanë çrregullime. Gjithashtu është gjetur se të rinjtë që tentojnë vetëvrasje vijnë nga familjet jo funksionale që kanë pësuar trauma të vazhdueshme. Këta të rinjë janë në depresion të vazhdueshëm dhe ekstrem dhe kanë probleme të sjelljes. Tek të rinjtë që kanë përjetuar abuzim fizik dhe seksual është gjetur se numri i vetëvrasjeve është shumë më i madh se i atyre që nuk kanë përjetuar këto abuzime. Të rinjtë që kanë elemente vetëvrasjeje në veten e tyre shumë shpesh kanë notë mesatare të ulët ne shkollë. Në vitin 1987 është bërë një studim për nxënësit e shkollave të mesme dhe është vërtetuar se statusi akademik i të rinjëve me tendenca suicidale ka qenë shumë i ulët. Është gjetur se prindërit e këtyre fëmijëve kanë probleme bashkëshortore, probleme në lidhje me profesionin e tyre dhe probleme me të qenurit prind.
Shkenctarët A.F. Henry dhe J.F. Short kanë ardhur në një konkluzion interesant: se vetëvrasja ndodh tek ata persona të cilët nuk janë të lumtur, pa pasur ndonjë burim të jashtëm për fajësim. Ata dallojnë nga personat të cilët kanë ndonjë burim të jashtëm, siç është varfëria, për ta fajësuar. Këta të fundit tentojnë të jenë agresivë ndaj forcave të jashtme sesa të mendojnë për vetëvrasje. Nëse kjo është e vërtetë, atëherë gjithnjë duhet ta kemi parasysh se krahasuar me të kaluarën të rinjtë e sotëm kanë shumë më pak faktorë të jashtëm që t’u shkaktojnë vuajtje. Zvogëlimi i varfërisë, edukimi më i mirë, ruajtja e bërthamës familjare dhe shpenzimet për mirëqenien e për shërbimet e fëmijëve që janë rritur dukshëm, janë disa prej këtyre faktorëve. Edhe përkundër këtyre, numri i vetëvrasjeve tek të rinjtë është rritur.
Disa ngjarje shpesh ndodhin në jetën e të riut të cilat kanë potencial të shpiejnë personin jashtë arsyes racionale. Në këto ngjarje numërohen humbjet personale, problemet me shkollën, apo konfliktet me familjen. Në humbjet personale nënkuptohet; vdekja e prindit, humbja e shokut, mbarimi i lidhjes romantike. Këto ngjarje mund të jenë shkatërrimtare për keqësimin e gjendjes emocionale të një të riu duke e çuar atë në depresion të thellë.
Konflikti mes familjes dhe të rinjëve përkatësisht konflikti mes gjeneratave ëshë një problem i shoqërisë moderne. Shpeshherë adoleshentet do t’i keqkuptojnë këto konflikte dhe do ta ndiejnë veten vazhdimisht të poshtëruar. Kjo ndjenjë konstante e të qenurit i poshtëruar ka tendenca që ta shpie adoleshentin në një gjendje vetëvrasjeje.

[biligoa]

ai qe ska mashkull,nuk percjell gjakun e vet...fuqia eshte tek percjellja e gjakut,kulti i te pareve nuk eshte budallek,eshte fuqi e fisnikeri....

Vetevrasja vje nga nje shkak teper i madh qe mban emrin 'Stres kritik'
-Te rrethon nje hije e zeze
-Te mbulon bukurite qe te rrethojne
-I shef gjitha gjerat me nje sy tjeter, nate dite vere dimer, mashkull femer e pse te jetoj une jam "femer" ? sikur duan te te perpijne...
-I kap gjerat me nje sens talles dhe perbuzes, sikur te gjith duan te tallen me ty dhe s'te duan!
Mungesa e deshires, vullnetit, pelqimit ku t'bejn te thuash:
'Ca jete koti, pse te jetoj? S'kam asnje arsye, askush s'me do, asgje s'me pelqen, asgje s'me terheq ne ket bote, une kot ec mbi kte toke rrethuar nga gjithcka fallco'

Atehere ktu lind pyetja:
-Existon dicka? per te mposhtur kte lloj semundjeje qe t'kap? *Stresante*

[J@mes]

Mundohem ne maksimumin e mundshem qe te shfaq tolerance ne moderimin e postimeve. Po nuk arrij te kuptoj se cfare force i ben disa nga ju te devijojne nga nje problem aktual tejet problematik sic kunder eshte vetevrasja, ne "ceshtjen bombastike" te "gjakut qe percillet nepermjet mashkullit". Cfare lidhje ka kjo me vetevrasjen? Per Gjergjin, Gjonin, per gjakun qe percillet nepermjet mashkullit mua s'me intereson fare ne kete teme. Kam pershtypjen se cdokush mund te jap nje mendim lidhje me temen, nuk e kuptoj pse ju paska ngel ora ju tek Gjoni dhe te Gjergji njehere, nc.

[J@mes]

Parandalimi i vetëvrasjes.

E vetmja mënyrë është përmes trajtimit të depresionit dhe çregullimeve të tjera emocionale. Progame informative shkollore, masmedia dhe ndërhyrja e saj kanë treguar se nuk janë të efektshme.
Një tjetër metodë mendohet të jetë vendosja e linjave telefonike dhe këshillimi urgjent në rast krize, por problemi në këto raste ka qënë fakti se jo të gjithë ata që kanë telefonuar ose telefonojnë janë duke tentuar vetëvrasjen, dhe shumë tentues janë aq të vetmuar sa s’marrin në telefon gjatë krizave të tyre.
Shpesh pacientët depresivë shpresojnë të pyeten nga doktori ose terapisti i tyre për episodet vetëvrasëse ose mendimet, por realisht ata nuk pyeten.

Shneidman mendon për disa hapa në rastet vetëvrasëse me terapinë me ta:
1.Vendosja e një marrëdhënie pozitive. Besimi te këshlluesi. Këshilluesi duhet të jetë dëgjues, kuptues, i interesuar, jo paragjykues dhe i gatshëm.
2.Kuptimi dhe qartësimi i problemit.
3.Vlersimi i potencialit suicidal.
4.Vlersohen dhe mobilizohen burimet e personit.
5. Formulohet një plan.

[Hyj-Njeriu]

Vetevrasja vje nga nje shkak teper i madh qe mban emrin 'Stres kritik'
-Te rrethon nje hije e zeze
-Te mbulon bukurite qe te rrethojne
-I shef gjitha gjerat me nje sy tjeter, nate dite vere dimer, mashkull femer e pse te jetoj une jam "femer" ? sikur duan te te perpijne...
-I kap gjerat me nje sens talles dhe perbuzes, sikur te gjith duan te tallen me ty dhe s'te duan!
Mungesa e deshires, vullnetit, pelqimit ku t'bejn te thuash:
'Ca jete koti, pse te jetoj? S'kam asnje arsye, askush s'me do, asgje s'me pelqen, asgje s'me terheq ne ket bote, une kot ec mbi kte toke rrethuar nga gjithcka fallco'

Atehere ktu lind pyetja:
-Existon dicka? per te mposhtur kte lloj semundjeje qe t'kap? *Stresante*

Lufta e Zoti jane ilacet e kesaj semundje *Stresante*...

[Iliron_Eagle]

Vetvrasja bëhet për mendimin tim,ather kur njeriu pretendon që ka kuptuar çdo ligj t'jetës pra si një fund i një kapitulli t'hidhur ather kur nuk kishte fat dhe nga aj fakt humbi vetbesimin e gjithashtu edhe besimin në gjëra pozitive (si të vërteta),e mbulon një personalizim i veçant i ligjeve t'jetës dhe një bindje e determinuar për arsyen e qëndrimit të personit që i jep fund jetës së tij.

-Kurse nga kendvështrimi real është se,personat e till nuk kan jetuar mjaft për t'kuptuar vuajtjen e thellë si një "ciceron" i rrugtimit të mëtutjeshëm por,si një heshtje e opozim ndaj njê mashtrimi për t'qen gjall n'ketë planet dhe me pyetjen: "përse jam këtu unë?" ,"kujt ia kerkova t'jem unë këtu?" ,"përse t'vuaj sot,çfar kujt i kam bërë t'keqe?" etj.,etj.....pra t'gjitha kto me një drejtësi t'verbër absolute e shumê personale e cila mund t'qoj deri aty!

Metodat t'cilat njeriun mund ta largojn nga këto pyetje mund t'jen,vërja e vetës n'pyetje,e jo fajsim siq ndodh shpesh,prase t'jem unë në vuajtje?, pse mos t'jem edhe unë i lumtur?, si t'jem unë i lumtur?,etj.,....e shum e shum tê tjera pozitive,pra me nje fjal stimulim psikologjik pozitiv si luftê ndaj kësaj dukurie deri n'shprehi! 21 dit.....kurse sa i perket depresionit që është n=1 për kët gjë ësht ather kur njeriu kerkon e djeg shpresen e fundit n'mendjen e tij me determinim,sikurse ta digjte nje mashtrim qe si dhimbset fare nga sterngopja e deshtimeve t'njepasnjishme që ka pësuar nga vet ky fenomen.

[Arsyetimi]

Vetëvrasja

vallahi se kam mendu ndonjehere!!!!!!!

[ylli_pr]

Ne jete ka aq shume njerez dhe mundesi , sa nuk mund te ekzistoj nje njeri apo nje kerkese se dikush te pakten mos ta kuptoj. Njeriu qe mendon ne vetevrasje eshte e quditshme si nuk ka mundesi ta shikoj te pakten nje YLL, ne mesin e miliardave sa ekzistojne.
Qenja njerezore, por edhe te gjitha qenjet tjera te gjalla, kur vijne ne kete bote, nuk i ka pyetur askush se a deshironi te vini. Thjeshte vijne dhe ajo qka ju takon eshte, te mundohen ma se miri per nje jete te mire. Jeta ka nje ligj. Nese vjen jeto deri ateher sa te lene jeta ne kete toke. Lindjen dhe vdekja nuk na takojne ne tij menagjojme. Ato jane ligje te pa prekshme. Njeriu duhet te jete i bindur per kete.

[land]

Vetvrasje ben ai qe del ne konkluzionin qe jeta eshte me e tmershme se vdekja.besoj te gjithe jane dakord qe jeta nuk eshte dhe aq e bukur!por te gjithe ne kemi eksperienca te ndryshme jetesore,disa i kane te tmershme,disa te tjere jo dhe aq te keqia.ja pra pse behen vetvrasjet.
nuk eshte problemi je i dobet apo i forte siç thote hyll njeriu,perkundrazi,ai qe ben vetvrasje eshte i forte,e mund egon e tij,kujtoj samurajt japoneze qe bejne harakiri ne shenje nderi.

[DI_ANA]

Jorida Rustemi-Magjistër në Psikologji Klinike e Këshillim

Paragjykime të rrezikshme:

Disa mendësi tejet të gabuara mbi vetëvrasjen


Për fat të keq, edhe kur flitet për një fenomen kaq serioz si vetëvrasja, të shumtë janë ata që bazohen në idetë e pasakta e të përcipta që gjerësisht qarkullojnë në shoqërinë tonë. Opinioni publik tenton të heqë përgjegjësitë nga vetja duke e klasifikuar vetëvrasjen si një ngjarje të paparashikueshme nga mendja njerëzore, e për rrjedhojë të paracaktuar e të diktuar nga logjika e 'profecisë që përmbushet'. Mendësi të tilla mund të përkthehen në fatalitetin vetëvrasës të atyre që me zë të mekur kërkojnë dëshpërueshëm ndihmën tonë, ndaj dhe duhen njohur. Kështu, mendohet se:



1 Njerëzit që flasin për vetëvrasje, nuk kanë ndërmend ta bëjnë. Në fakt, tre nga katër prej atyre që i janë larguar me dashje jetës, ua kanë bërë me dije këtë qëllim të tjerëve. Zakonisht personat paralajmërojnë, përmes atyre që thonë a bëjnë. P.sh., ata mund të shprehen se të tjerët do të ishin më mirë pa ta, ndërsa në raste të tjera bëjnë dhurata të papritura e të pashpjegueshme shpesh duke falur sende me vlerë apo që kanë domethënie personale.

2 Ёshtë e lehtë të përcaktohen motivet që kanë çuar në vetëvrasje. E vërteta është që ne e kemi mjaft të vështirë të kuptojmë arsyet përse njerëzit vetëvriten. Mund të hamendësojmë, por jo domosdoshmërisht të jemi të saktë. Kupa mund të ketë kohë që është mbushur, e ajo çka vëmë re ne mund të jetë thjesht gjykimi ynë i cekët i situatës. Motivet mund të jenë të dukshme ose të fshehura: agresivitet i kthyer së brendshmi, shtrembërim psikologjik për të nxitur ndjenja të fajit te të tjerët, përpjekje për të marrë me dhunë dashurinë e të tjerëve, tentativë për të shlyer gabime të së shkuarës, tentativë për t'iu larguar ndaj ndjenjave të papërshtatshme për nga normat sociale a personale (psh atyre incestuale a homoseksuale), dëshira për t'u ringjallur, dëshira për t'u bashkuar me një person të dashur tashmë të vdekur, dëshira apo nevoja për t'iu larguar stresit, shtrembërimit, dhimbjes a boshllëkut emocional.

3 Të gjithë ata që vetëvriten kanë kaluar gjendje depresive. Vërtetë, por jo të gjithë. Pjesa më e madhe e atyre që vetëvriten nuk janë të dëshpëruar. Ata madje mund të shfaqen të qetë e në paqe me veten pas pjekjes së vendimit. Megjithëse personat që vetëvriten janë përgjithësisht të palumtur, ata funksionojnë brenda logjikës e në kontakt me realitetin.

4 Përmirësimi i gjendjes emocionale shpie në uljen e rrezikut për vetëvrasje. Fakt është që personat e kryejnë atë pikërisht atëherë kur dhimbja e tyre shpirtërore duket se lehtësohet. Në këtë moment është provuar që ata gjejnë fuqinë e duhur për të vënë në jetë aktin.

5 Kush ka frikë nga vrasja nuk ia heq vetes. E megjithatë, pjesa më e madhe e tyre kanë ndjenja të mbivendosura që luhaten midis dëshirës së madhe për të jetuar dhe 'nevojës' për t'iu larguar situatës së pashpresë.

6 Vetëvritet ai që ndjehet vetëm. Megjithëse gjithë reflektimi që çon në vetëvrasje ndodh brenda mendjes së personit, shpesh është e mundur që arsyeja kryesore të jetë marrëdhënia e dhimbshme me bashkëshortin, fëmijët, të dashurin, apo dikë tjetër të rëndësishëm.

7 'Nuk duhet përmendur litari në shtëpinë e të varurit'. E thënë ndryshe Nuk i duhet folur rreth vetëvrasjes, pasi personi mund të drejtohet drejt marrjes në shqyrtim të atij veprimi. Në fakt, të mos flasësh me një person që ka mundësi të kryejë vetëvrasje mbi problemet e tij, nuk do të çojë askund tjetër veçse në izolim akoma më të madh dhe do ta bëjë të ndjehet i mbytur në problemet e tij. Një sy i jashtëm do ta ndihmonte të rishikonte në një dritë më realiste problemet që nga këndvështrimi i tij ngjajnë të pakapërcyeshme.



Praktikisht, nëse dyshoni se dikush pranë jush ka qëllim të dëmtojë veten, mbani parasysh ato që u thanë më lartë dhe ndiqni këshillat e mëposhtme:



Përpiquni:


Mos bini në gabimin që:

* Të flisni hapur e qartë mbi shqetësimin që keni rreth gjendjes së tjetrit.
* Të shfaqni interes për gjendjen e tij.
* Të ruani qetësinë gjatë bisedës.
* Të jeni pozitiv, duke nxjerrë në pah rrugëzgjidhjet përkundrejt veprimit të pashpresë.
* Të shmangni premtimin e gjërave të pamundura e për rrjedhojë të pabesueshme.
* Të viheni në kontakt me një profesionist të shëndetit mendor.



* Të rrisni ndjenjat e fajit te tjetri.
* Të premtoni të mbani sekretin.
* Të shfaqni gjykime morale mbi vetëvrasjen.
* Të minimizoni problemin.
* Ta lini personin vetëm.
* Të përfshiheni më shumë se duhet te problemi dhe te zgjidhja e tij.

Revista "Jeta"

Cili është mendimi juaj personal mbi fenomenin e vetëvrasjes?!

[DI_ANA]

Vetëvrasja

Eshtë një mundësi reale në rastet e depresionit.Afërsisht një në cdo dhjetë mijë amerikanë kryen vetëvrasje cdo vit.Ndërkohë që më shumë gra tentojnë të bëjn vetëvrasje sesa burrat,janë burrat ata që vdesin prej vetëvrasjeve tre herë më shumë se gratë.

Përse njerëzit kryejnë vetëvrasje??
Ndonëse ka arsye të ndryshme dhe të vecanta,shumica e tyre kanë të bëjnë me faktin se ata që përpiqen të kryejnë vetëvrasje kanë një ndjenjë se jeta nuk ja vlen të jetohet,ndjenja e të qenit pa shpresë dhe e fajit janë zotëruese të depresionit.Në qoftë se gjendja duhket e pashpresë kjo mund ta shtyejë personin depresiv të bejë vetëvrasje.Disa njerëz besojnë që akti i vetëvrasjes është një kërkesë e dëshpëruar për ndihmë.Me sa duket,personat që bëjnë vetëvrasje janë individ që nuk janë të zotë të merren siq duhet me stresin e tyre dhe nuk gjejnë rrugëdalje tjetër.Disa gjëra mund të bëhen pë të ndihmuar në ndalimin e vetëvrasjes.Rastet kur viktimës së mundshme për vetëvrasje i kërkohet që të mos e kryej vetëvrasjen pa takuar më parë një këshilltar duket se janë të sukseshme.Duke biseduar me ta se si ndihen,ai mund të krijojë tek ata një ndjenjë besimi deri sa tu jepet ndihma e vërtet profesionale.Po të jeni me një viktimë potenciale për vetëvrasje,shoqëroheni atë për të marrë ndihmë.Një qendër këshillemore,një urgjencë spitali,madje edhe një stacion policie janë vende ku profesionistët do të dijnë se si ta përballojnë situatën.Nëse me të vërtet personi e ndjen se nuk ka arsye për të jetuar,atëher trajtimi më i mirë do të ishte që atij ti jepet shpresë................Dhe vetëm shpresë!