Kur jeta e njeriut zhvlerësohet

[Beqari002]

Kur jeta e njeriut zhvlerësohet


Nga Mustafa Nano


Dy ditët e fundit shtypi e media kanë informuar për tri krime tipike shqiptare. Them "tipike" e në mendje kam "absurde", e me këtë kuptohet që ka diçka absurde tek shumëçka që tipizon shoqërinë tonë. Tipike këtejpari është që diskutimi më i parëndësishëm i llojit "e lagu, s'e lagu" të marrë përmasat e një sherri; tipike është që një fyerje çfarëdo të shpërblehet nga tjetri me një fyerje që godet më shumë se e para; tipike është që sherri të marrë përmasat e një kacafytjeje pa kthim; tipike është kur, për të zgjidhur një problem, gjëja e parë që të vjen në mendje është përdorimi i metodave e mjeteve të forta shpaguese; tipike është që sherrit t'i jepet fund - Me çfarë? Me kompromis, marrëveshje, paqe, shtrëngim duarsh? Jo! Eshtë bash e kundërta, tragjikisht e kundërta. - me asgjësimin fizik të tjetrit. Dhe këtu zë fill pastaj festivali i vdekjes. Viktimat, si të ishin gola pafund në një ndeshje, ku asnjë skuadër nuk kalon dy herë radhazi në avantazh, pasojnë njëra-tjetrën. Rregulli është: E bëre? Prit të ta bëjnë". Arbitri, që duhej të ish shteti, nuk duket gjëkund. Lipset barazimi, por krahasimi idiot me lojën e futbollit këtu mbaron: loja s'resht kurrë. Pas çdo krimi, pala që e pëson ndihet e goditur rëndë.
Në fshatin Vreshtas të Korçës, një djalë i ri, të cilit, me sa duket, prej kohësh nuk i shqitet nga mendja imazhi i të vëllait të masakruar, nuk di të jetojë ndryshe, veçse si princi danez i mesjetës, Hamleti. Ai e di që vrasësi është fshehur, që policia e kërkon e që gjyqi do ta dënojë. Por kjo nuk e ngop. Nuk është çudi që një fund i tillë i historisë ta bëjë të ndihet i turpëruar. Ai vazhdimisht planifikon hakmarrjen, derisa i lodhur nga pritja e gjatë bën "më të lehtën": Me një revolver në dorë futet qetësisht në shtëpinë e "hasmit" e qëllon mbi prindërit e vrasësit të vëllait. Nuk dihet se ç'ndodh në shpirtin e ndërgjegjen e tij pas kësaj. Ajo që dihet është se ne kemi një vrasës gjakftohtë më shumë. Një viktimë më shumë gjithashtu. Të pafajshme.
Në Himarë krushku vret krushkun, ndërsa ish në dyqanin e tij duke luajtur tavëll. Futet në lokal me qetësinë e një klienti, nxjerr armën me po atë lehtësi që do të nxirte portofolin, dhe e zbraz mbi gjoksin e viktimës. Del jashtë, i hipën benz-mercedes-it të tij, dhe largohet. I qetë? Me siguri jo! Por thellë-thellë nuk është çudi të ndihet i lehtësuar. Nuk është çudi të mendojë, se duhet të ketë bërë diçka të rëndë, por diçka që duhej bërë amá. Krushku i kish rrëzuar me një buldozer shtëpinë e ngritur në tokën e tij. Mund të shkonte të trokiste në dyert e shtetit, mund të shkonte në gjykatë për ta zgjidhur çështjen, por çdo zgjidhje e ndryshme nga ajo që gjeti, do ta linte të çnderuar. Atij nuk i lipsej më shtëpia. Ai duhej të vinte nderin në vend. Dhe "e vuri". Alla shqiptarçe.
Në Zhej të Laçit kushëriri vret kushëririn. Janë grindur. Nuk dihet për çfarë, por në grindje e sipër kanë zënë të shkëmbejnë fjalë, të shtyra, grushta, derisa duart e njërit kanë gjetur karar tek arma. Pa u menduar gjatë ka qëlluar mbi tjetrin, i cili, sipas çdo kodi klanor, fisnor e identitar, aq të respektuar në shoqërinë tonë klanore, ishte i të njëjtit gjak. Po si është e mundur? Cili ka qenë ai motiv, që e ka bërë një shqiptar të mos ndalë dorën as përballë apelit domethënës për shoqërinë shqiptare të "gjakut të njëjtë që rrjedh në damarë"?
Këto raste e të tjera që kanë ndodhur më parë dëshmojnë, se ka një shthurje tronditëse në shoqërinë tonë, e cila ngrihet më së shumti mbi zhvlerësimin e jetës së njeriut. Shoqëria shqiptare për fat të keq nuk ka mundur të krijojë e nuk po krijon dot mekanizma mbrojtës ndaj kësaj shthurjeje. Të gjithë bëjmë sehir, ndërkohë që secili mund të bëjë diçka. Të gjithë kemi përparësi të tjera në jetën tonë të përbashkët e individuale. Këto përparësi kanë të bëjnë me integrimin në Europë apo me miqënien tonë, dhe harrojmë se e para është e pamundur, ndërsa e dyta e pasigurtë, në një shoqëri ku jeta njerëzore vlen më pak se sa kapriçoja vrastare e njërit prej nesh. Ja ç'thotë Wole Soyinka, nobelisti nigerian i letërsisë, pikërisht këto ditë, kur në vendin e tij ndodhi një masakër pas revoltës së integralitëve islamikë kundër organizimit të konkursit "Miss Bota": "Një shoqëri që toleron masakrimin e të pafajshmëve apo instiktet vrastare, duke i konsideruar këto të fundit një mënyrë legjitime për të reaguar, është një shoqëri e prishur deri në atë masë, sa mundësitë për t'u rindrequr janë gati zero". Ai flet kështu pas një ngjarjeje tragjike e në një kontekst të caktuar (Nigeria është një nga vendet më të prapambetura e më të varfra të botës)), që është i ndryshëm nga konteksti shqiptar. Por pavarësisht nga ky fakt, fraza e sjellë më sipër shkon edhe për realitetin e këtushëm, sidomos kur flasim për ngjarje si ato të mësipërmet e sidomos kur dhuna vrastare nuk i bën përshtypje askujt.
------------------------------------------
----------------------------------------------
Oj sharki e lehete si era , a ka ardhur ne Shqiperi pranvera?

[Brari]

Dje gazeta njoftonte se e jema e djalit kishte ikur ne pik te mengjezit diku dhe kur ishte kthyer nuk e kishte gjetur djalin4 vjecar ne shtepi dhe ja sot HATAJA ka ndodhur.


Shekulli tregon:

Armando Zijai njihej si një fëmijë i shkathët. Një vit më parë, kishte mbetur pa baba. Kishte vdekur në emigrim


Gjendet i mbytur në një gropë 4-vjeçari


Fëmija i zhdukur në mëngjesin e së dielës është gjetur në një gropë të hapur për themele

GJIROKASTËR

- 4-vjeçari, i konsideruar i zhdukur që prej mëngjesit të së dielës është gjetur i mbytur në një gropë me ujë afër pallatit të tij. Armando Zijai, i mbetur jetim (pa baba) kur ishte 3 vjeç është gjetur pas tre ditë kërkimesh në paraditen e djeshme. Fëmija, banor i lagjes "18 Shtatori" është gjetur i mbytur në një gropë me ujë, rrëzë një shtese pallati, shumë afër shtëpisë së tij. Gropa ishte hapur si themele shtesë për një pallat anës rrugës kryesore, në brendësi të lagjes. Trupi i fëmijës u nxorr me ndihmën e zjarrfikëses së qytetit, që boshatisi më parë gropën me ujë, që ndodhej vetëm rreth 100 metra poshtë banesës ku 4-vjeçari jetonte me gjyshërit, nënën e dy vëllezërit më të rritur. Ka qënë një parandjenjë e nënës ajo që ka rikthyer kërkimet në zonën rreth pallatit, pikërisht tek dy gropat e mëdha, të mbushura me ujë dhe të hapura si themele shtesë.

Kërkimet

Kërkimet për gjetjen e fëmijës nisën fill sapo nëna konstatoi se djali i saj nuk ndodhej gjëkundi përreth lagjes. Krahas familjarëve, në kërkim të 4-vjeçarit u vunë dhe forcat e policisë, si dhe miq e shokë të të afërmëve të familjes Zijai. E gjithë zona përreth banesës u kreh disa herë, si nga të afërmit, banorë të lagjes dhe nga policia. Ata i erdhën disa herë rrotull gropave por askush nuk e mendonte se në thellësi të njërës prej tyre kishte mbetur peng Mandi. U lajmërua dhe dogana e Kakavijës, për të parandaluar një trafikim të mundshëm. Postoblloqet policore morën fotografinë e djalit. Televizionet lokale dhanë njoftimin për zhdukjen e fëmijës. Një operacion kërkimi u krye dhe anës brigjeve të lumit Drino. Deri në orën 10.00 të paradites së djeshme, askush nuk mund të jepte një përgjigje për zhdukjen e fëmijës, edhe pse dyshimet shkuan deri në rrëmbim për hasmëri.

Si njihej Mandi

Ishte vetëm 4 vjeç, por ka lënë aq shumë mbresa, ka shkaktuar aq shumë lotë e hidhërim tek familjarët, sikurse edhe te shokët, komshinjtë e të gjithë ata që e njihnin. Vdekja e të atit bëri që më shumë ta përkëdhelin të tjerët, jashtë familjes, sesa nëna. "Erdhi shumë shpejt të dielën, ashtu siç ishte ngritur nga gjumi. Shko vishu, i thashë, pasi i dhashë një banane", tregon një shitëse aty pranë. Mori bananen dhe iku duke qeshur, ndërsa në kokë mbante një kuti kartoni, tregon më tej ajo. Kishte edhe një petull në duar. "Ishte shumë i shkathët",- thotë një tjetër shitëse, poshtë banesës së familjes Zijai. Për moshën që kishte, ishte shumë i zgjuar dhe çapkën. Të bënte për vete,- shprehet ajo. Shkonte vetë me këmbë në shtëpinë e gjyshërve në "Arshi Lengo" (shumë larg shtëpisë së tij), tek fusha e sportit, tek puna e xhaxhallarëve, tek e ëma në rrobaqepësi. Edhe të dielën e ëma fillishimisht shkoi në Arshi Lengo, por kur nuk e gjeti aty dha alarmin. Edukatorja e kopshtit "Soros", ku Mandi shkonte çdo ditë, tregon se ai ishte fëmija më i zgjuar, më i shkathët. Të gjithë e donim, e ndihmonim, si jetim që ishte, thonë më tej ajo.

Hetimi

Policia po heton rreth ngjarjes që mori jetën e 4-vjeçarit. Janë dy gropa në mes të lagjes, të hapura disa javë apo muaj më parë, që kanë rrezikuar jetë njerëzish. Shtesa është bërë me 4 kate, por pa themele dhe rrezikon të bjerë, thonë banorët e zonës përreth, të cilët e kanë ngritur zërin edhe më parë. Ajo tashmë ka marrë çarje, është plasaritur dhe mund të shkëputet fare, ndaj kanë hapur dy gropa të mëdha mbi 2 m të thella, rrëzë mureve të pallatit, për të hedhur kolona betoni, si përforcim, thanë banorët, pa dashur t'u përmendet emri. Ata akuzuan policinë e ndërtimit dhe bashkinë e qytetit që lejojnë ndërtime pa leje.Sidoqoftë, prokuroria po heton edhe në këto pista, pak të rrahura në qytetin e gurtë.

Në familje

Në familjen Zijai, ankthi mori fund, ndërsa lotët nuk kanë të sosur. Oni e ëma e 4-vjeçarit, nuk mbahet. Mezi e ngrejnë nga trupi i pajetë i të birit. Gjyshe Temen po ashtu. E pesta vdekje radhazi, por kjo e fundit e nipit i ka helmuar tërësisht. "Mu bë gjaku ujë. Si nuk më gjen mortja mua derëzezën?",- thotë ajo. Nuk ka fjalë ngushëlluese për familjen Zijai. Para më shumë se një viti, kur Oni s'kishte as 15 ditë që ishte kthyer nga Greqia me fëmijët e saj, i sjellin burrin të vdekur nga emigrimi. I kishte vdekur motra dhe kishte ardhur për 6 muajt e saj. Pak kohë më parë, i kishin vdekur dy motrat e burrit, nipi i tij. Plot 5 vdekje tragjike në familjen Zijai. Këto fakte e kanë bërë edhe më të dhimbshme këtë vdekje, që "hapi plagët" e ku fjalët nuk ngushëllojnë dot dhimbjen e madhe.

Violeta Duri




-----------------


Si mundet nji femij 4 vjec te lihet te bredhe rrugve i vetem??

Ku shkon kjo mama pa femijen per dore?

Kujt ja la kur e dinte se plot gropa me uje jane rreth pallatit??

Cdo njeri e ka detyre te pa shkruar ne ligje qe ne se shikon nji femije te vogel pa prindin prane duhet te leje cdo pune e ta marre kete femij perdore e ta dorzoje prinderve ose Policise.

Popull injorant qe din te bejne me barre e te behen me barre e pastaj se si rriten femijet..ci ..i temen e semes..


Fmija 4 vjec dhe lihet vetem...TURP !

[Henri]

Brari, kjo dhemb shume. E me shume me dhemb komenti yt! Shumica jone jane rritur me çelesin ne qafe e na ka ushqyer kush komshije vinte e para nga puna. Eshte gropa Brar, gropa jo vetem me uje qe mori frymen e kesaj foshnjeje, por gropa me e madhe qe qendron ne sfond. Eshte ajo qe ne, te nisur nga deshira dhe domosdoshmeria per te mohuar problemet (quaje optimizem, quaje hipokrizi, zhgenjim, apo qofte dhe deshperim), quajme shtet!

[MI CORAZON]

Mbase nuk ju kuptova mire Henri, po c'hyn shteti ketu?
Problemi qendron brenda familjes. Nuk duhet ne asnje rrethane nje nene te leshoje nga dora femijen 4 vjec. Kurre!

[Brari]

GSH
---------

Banorët e zjarrfiksja i gjetën 4-vjeçaren dhe 7-vjeçarin të karbonizuar.

Sot varrimi

Zjarri shkrumbon dy fëmijë
Ndezën mullarin me bar, i zuri poshtë


--------------------------------------------------------------

KUKES

Flakët shkrumbojnë dy fëmijë në Kukës. Ilmie Sopi, 4-vjeç, dhe Arben Palushi, 7-vjeç, janë dy viktimat që tragjikisht mbyllin maratonën e zjarreve të këtyre ditëve të fundit. Ndërsa flakët përcëlluese në Shkodër kanë depozituar hi mbi themelet e 7 shtëpive, në fshatin Gostil të Kukësit kanë marrë dy jetë të pafajshme.

Dy vogëlushët, Sopi dhe Palushi, kanë përfunduar poshtë një mullari bari, shumë afër shtëpisë së tyre, në orën 12.30 të ditës së djeshme. Burime nga Policia e Kukësit pohojnë se nuk është bërë e mundur shpëtimi i dy fëmijëve, megjithëse zjarrfikësja ka shkuar shpejt në vendngjarje.

Ngjarja
E marta ka sjellë gjëmë në fshatin Gostil të Kukësit. Kanë mbyllur sytë përgjithmonë, përmes flakëve e tmerrit, dy fëmijë. Ndërsa kishte shkuar për vizitë te dajat, vogëlushi 7-vjeçar, Arben Palushi, nuk ka mundur t'i shohë edhe një herë prindërit e tij në fshatin Bicaj. Së bashku me vajzën e dajës, 4-vjeçaren Ilmie Sopi, i është afruar një mullari bari, afër shtëpisë dhe shkollës së fshatit. Kurioziteti prej fëmije i ka shtyrë vogëlushët në një lojë të rrezikshme. Duke lozur, ata i kanë vënë flakën mullarit të shtrembër. Duke qenë kohë dreke, zjarri fillimisht nuk ka rënë në sy të familjarëve apo banorëve të tjerë. Ndërkohë flakët dhe era e kanë thyer mullarin më dysh, duke zënë poshtë të dy fëmijët fatkeq. Kur banorët janë kujtuar ta fikin zjarrin, ka qenë tepër vonë. Të zotët e shtëpisë Sopi i kishin parë fëmijët tek loznin afër mullarit të barit, por as që u shkonte ndër mend, se ata kishin mbetur mes kashtës e zjarrit. Burimet nga blutë pohojnë se familjarët kanë njoftuar zjarrfikësen, e cila ka mbërritur menjëherë. Vetëm pasi janë shuar flakët, në grumbullin e zi të pluhurit janë gjetur të shkrumbuar dy vogëlushët, Sopi dhe Palushi.

Fenomeni

Sot dy njomëzakë do të përcillen me një ceremoni të thjeshtë për në banesën e fundit. Ilmia 4-vjeçare do të varroset në Gostil në orën 12.00 dhe Arbeni në Bicaj, në orën 14.00. Në këtë lamtumirë qëlloi që faji të ngelej jetim, pasi ishte një lojë fëmijërore apo fati i keq ai që i dha fund jetës së dy vogëlushve. Kësaj here vdekja nuk erdhi për faj të një shkëndije elektrike apo të mungesës së ujit të zjarrfikëseve. Zjarri u ndez me shkrepëse pafajësisht, ndërsa zjarrfikësja e vetme e qarkut të Kukësit, ashtu e kërrusur nga vitet e shumta, mbërriti në kohën e duhur pavarësisht se... Ndërkohë raste të tjera bëjnë fjalë për rrangalla (zjarrfikëset) që, edhe kur arrijnë të shkojnë në vendngjarje, është tepër vonë. Vjet një 15-vjeçare nga fshati Novosej ngeli brenda mureve të shtëpisë, pasi as që bëhej fjalë për zjarrfikëse në rrugët copë-copë të Kukësit. Vetëm gjatë këtij viti në qarkun e Kukësit numërohen 15 raste të rënies së zjarrit. Ndërkohë zjarret në Shkodër janë kthyer në një makth të vërtetë. Energjia dhe zjarrfikëset kanë lënë hirin mbi rreth 50 shtëpi këtë vit në qytetin verior.

-------------


Gazeta thote..."Në këtë lamtumirë qëlloi që faji të ngelej jetim, pasi ishte një lojë fëmijërore apo fati i keq ai që i dha fund jetës së dy vogëlushve. Kësaj here vdekja nuk erdhi për faj të një shkëndije elektrike apo të mungesës së ujit të zjarrfikëseve. Zjarri u ndez me shkrepëse pafajësisht, ndërsa zjarrfikësja e vetme e qarkut të Kukësit, ashtu e kërrusur nga vitet e shumta, mbërriti në kohën e duhur pavarësisht se... ""


Po mire..po me se merreshin familjaret e ketyre dy femijve..njeri 7 e tjetri 4 vjec???
Po ato nenat e ketyre femijve cfare benin?
Edhe pula i ruan me mire zogjt e saje..
Skane turp..


Gazeta thote:"Ndërsa kishte shkuar për vizitë te dajat, vogëlushi 7-vjeçar, Arben Palushi, nuk ka mundur t'i shohë edhe një herë prindërit e tij në fshatin Bicaj".


Mire femijen e tyre nuk e shikojne po femijen e mikut qe ja ka lene amanet si e lene vetem..??

As ne fiset aborigene nuk ndodh kjo.

Nga keto katunde dalin Gafurr Mazrreket..dhe ato maskat qe perdhunojne udhetaret nga Kosova..

[erzeni]

C'behet ne spitalet socialiste.

Ato spitalet demokratike te tritan Shehut e Sali berishes gjate 92-96-es i pame.

"Normalizuesit" e Gjinush Neritan Mejdan Nanos.. rrahen gjoks se do bejne namin ta normalizojne shtetin Shqiptar..por..nji tum te madh bene..


gazeta shqiptare-------shkruan.....ne lidhje me ate qe vran me kallash ne maj te shtylles ne nji fshat te humbur te "Somalise"...para dy ditve..

------

Policia shoqëron 4 prej tyre

Familjarët, terror mbi bluzat e bardha:

Shpëtoni Alfredin


-----------------------------------------------------

j.d.

Puna e uniformave blu nuk ka përfundur me arrestimin e autorit që vrau 29- vjecarin Alfred Murra. Atyre u është dashur të ndërhyjnë sërish vetëm pak minuta pas ngjarjes, në ambientet e Spitalit numër dy, në Qendrën Spitalore Universitare "Nënë Tereza". Të afërm të viktimës kanë vënë "shtetrrethimin" për personelin mjekësor që nuk mundi të mbante në jetë 29- vjecarin e plagosur. Asnjëri prej tyre nuk mund të dilte nga salla e operacionit, ndërsa të afërm të viktimës qanin, bërtisnin dhe u binin me grushte xhamave të dritareve të urgjencës. Vetëm pas ndërhyrjes së uniformave blu që kanë shoqëruar në komisariat katër persona dhe kanë shpërndarë të tjerët, gjendja e ankthit ka mërrë fund për personelin.

Mbërritja
Automjeti që sillte të plagosurin i afrohej urgjencës së kirurgjisë së përgjithshme, por hyrja e saj për dreq ishte e bllokuar. Një tjetër automjet kish preferuar si "parking" pikërisht hyrjen e saj. Deri në momentin kur një rast urgjent mbërriti pranë këtij spitali, askush nuk u kujtua se kjo hyrje duhet të ishte e lirë. Katër burra kanë zbritur nga automjeti i tyre duke mbartur të plagosurin që kullonte gjak, ndërsa parkimi i gabuar i automjetit tjetër i ka penguar jo pak për t'ju afruar hyrjes së urgjencës së kirurgjisë. Vetëm pas pak minutash në Spitalin numër dy të Qendrës Spitalore Universitare "Nënë Tereza" kanë "zbarkuar" të tjerë të afërm të viktimës, që mes dëshpërimit dhe lotëve pyesnin me sy personat që sollën të plagosurin nëse ai kish mundur t'i shpëtonte vdekjes. Deri në ato momente zotëronte heshtje. Një heshtje varri që i kishte mbërthyer të gjithë të afërmit e Alfred Murrës. Heshtja u thye kur dikush u tha se nuk mund të bëhej asgjë për ta mbajtur në jetë 29- vjeçarin. Plumbi e kishte marrë në zemër dhe ishte e pamundur të shpëtonte.

Revoltimi
Atëherë janë dëgjuar jo vetëm britma e lotë, por edhe të bërtitura, përbetime dhe thyerje xhamash. Fakti që 29- vjeçari vdiq, i ka revoltuar të afërmit e tij. Të paktën në ato momente fajtor për vdekjen e tij ishte personeli i urgjencës. "Ishte e tmerrshme ajo që ndodhi. Gjithë ata burra i vërsuleshin derës së sallës së operacionit, thyenin xhamat e dritareve të korridorit dhe bërtisnin". Kështu thotë njëra prej infermiereve që tregon se nuk ka pasur kohë as të hapet trupi, pasi ka vdekur shpejt si pasojë e plumbit të marrë në zemër. Ndërkaq një mjek thotë se kanë përjetuar një gjendje të tmerrshme ankthi. Të mbyllur brenda në sallë, dëgjonin të bërtiturat e familjarëve të viktimës, ndërsa copat e xhamave të thyer përplaseshin në dysheme. Më pas kanë mbërritur dy furgonë policie dhe pak minuta më vonë edhe dy të tjerë. Ata u kanë kërkuar pjesëtarëve të personelit të qëndronin mbyllur në sallë. Uniformat blu kanë qëndruar aty deri në momentin kur të afërmit janë larguar, kohë kur edhe personeli ka dalë nga "shtetrrethimi".




-------------


Ja ku parkojne Somalezet..


"Një tjetër automjet kish preferuar si "parking" pikërisht hyrjen e saj. Deri në momentin kur një rast urgjent mbërriti pranë këtij spitali, askush nuk u kujtua se kjo hyrje duhet të ishte e lirë. Katër burra kanë zbritur nga automjeti i tyre duke mbartur të plagosurin që kullonte gjak, ndërsa parkimi i gabuar i automjetit tjetër i ka penguar jo pak për t'ju afruar hyrjes së urgjencës së kirurgjisë. "

[Brari]

TIRANE (4 janar) - Kjo nuk është dora ime", mendon Igli Doraci teksa vështron mollëzat që mezi duken mes mbështjellave të fashos. Gishtërinjtë që mezi janë ngjitur pas operacionit e që prej tri ditësh janë të palëvizshëm, "përkëdhelnin" klarinetën një javë më parë. Sot ai sjell ndërmend se objekti i fundit që ka shtrënguar me to ka qenë një nga fishekzjarrët e festës, që nuk ka fluturuar drejt qiellit, por i ka plasur në dorë.
Pa klarinetë
Shkoi e vate e premtja muzikore në sallat e Liceut. Ndarja me pasionin e tij, për hir të të cilit sot ndjek klasën e shtatë të Liceut Artistik, do të jetë ca më e gjatë, do të shtyhet shumë më tej se e premtja e javës së ardhshme. "Për një vit nuk do mund ta prek më me dorë, nuk do t'i bie klarinetës. E di unë. Më tha edhe doktori", thotë 12- vjeçari gjithnjë me vështrimin në dorën e plagosur, që prehet mbi një peshqir të palosur në katërsh. Që prej mbrëmjes së 1 janarit ndodhet në Spitalin Ushtarak duke numëruar orët që përcjellin njëra-tjetrën bashkë me qeset e gjakut e shishet e serumit. Nuk do të mund të shkojë në shkollë që të hënën. "Doktor Artani më ka thënë se duhet të qëndroj dy javë në shtëpi". Por, e di fare mirë se edhe kur të marrë rrugën e zakonshme të mëngjeseve nga "Ali Demi", për në Lice nuk do të jetë njëlloj. Do të ndjekë shpjegimet e zyshave e do të lexojë mësimet. Klarinetën, pasionin për të cilën ia ka trashëguar që së vogli i ati orkestrant, do ta ketë në duar ndoshta pas një viti.
Ngjarja
Nuk e ndjen hiç dorën. "Nuk më dhemb jo. As kur shpërtheu fishekzjarri nuk më dhembi", kujton ai. Ka qenë në ballkonin e shtëpisë mbrëmjen e parë të 2003. "Isha bashkë me babin dhe po plasja të gjithë fishekzjarrët që më kishin mbetur nga nata e festës". Ka pasur për herë të fundit në dorë një nga ato fishekzjarrët e gjatë, që plasin dhjetë herë. "E shtata më krisi në dorë. Nuk ndjeva gjë fare. Babi më mori në krahë dhe më çoi në banjë. Aty e plasa dorën në ujë të ftohtë", tregon ai. Kujton ndërkohë ulërimat e mami Teutës dhe stepjen e tij kur ka parë dorën e gjakosur. "Nuk po kuptoja asgjë. Gishtat më vareshin poshtë, kujtoja se do më binin në tokë. Më rridhte shumë gjak. Vetëm kur e pashë si më ishte bërë dora, atëherë u tremba shumë".
Spitali
Operacioni ka qenë i suksesshëm. Kockat e shkërmoqura tashmë janë ngjitur, vetëm se gishtat do qëndrojnë dhe për ca kohë ashtu të mbështjellë. Paraditja e djeshme ishte e fundit në shtratin e spitalit. Mesdita e përcolli në shtëpi Igli Doracin. Sikur gjërat të kishin rrjedhur ndryshe e 12-vjeçari do ta urrente në jetë të jetëve mbiembrin e tij, që mbase i ndolli fatkeqësinë. "Do ta vazhdoj në shtëpi mjekimin. Doktori më tha se këtu mund të marr infeksione dhe unë nuk dua të rrezikoj, po të më infektohet kocka pastaj, kushedi kur do më shërohet dora". Nuk është hiç i pezmatuar. Eshtë shumë optimist, madje dhe nuk gjen fjalë për të falënderuar doktor Artan Distafën që e operoi, dhe të gjitha tetat e spitalit, që e kanë mjekuar e i kanë shërbyer. Dje u kthye në shtëpi. Pas një jave do të shkojë në shkollë për të dëgjuar shokët në klarinetë.

dxh/ko (gazetashqiptare/BalkanWeb)

--------

Baba idiot.
Nji muaj perpara dhane alarm mjeket e gazetat..Kujdes fishekzjarret..

Po ku pyet Shqipo.
Po kte radhe ky baba idiot e mama tarallake nuk vrane femijet e botes por e pesuan tek i veti..
pis Milet.

[Brari]

Djali; “Nuk e dija se çiftja ishte e mbushur. Po bëja shaka me mamin dhe pa dashje hoqa këmbëzën e çiftes”

Pakujdesia, fëmija 9-vjeçar vret nënën

Tragjedi në familjen Kapllani në Fratar të Fierit. Djali i mitur qëllon me çifte të ëmën

FIER- Një fëmijë 9-vjeçar ka vrarë aksidentalisht nënën e tij me një çifte që mbante në dorë. Ky është konkluzioni i policisë që shkoi në vendngjarje, por edhe i familjarëve, ku ndodhi edhe tragjedia. Ngjarja ndodhi në orët e para të mëngjesit të djeshëm, në fshatin Fratar, 25 km larg qytetit të Ballshit, në familjen Kapllani. Sipas dëshmivee në vendngjarje kryefamiljari Hasan Kapllani i ka thënë të birit, Arditit 9- vjeçar që t’i sjellë çiften se do të shkonte për gjah. Fëmija, pasi e ka marrë armën e gjahut, i është drejtuar të ëmës duke i thënë “mami, do të të vras”. Arma është shkrehur duke e goditur Bukuroshën 37- vjeçare në kokë, e cila në ato momente ka qenë duke ndezur zjarrin. Vdekja, sipas dëshmive në vendngjarje, ka qënë e menjëhershme, pasi saçmet i kishin përshkuar në pjesën e përparme.

Rrëfimi i Hasanit
Në familjen e Hasan Kapllanit, baba i tre fëmijëve, dje kishte rënë zija. Në orën 10.00 (rreth katër orë pas tragjedisë) shtëpia e tij ishte e mbushur plot me miq dhe të afërm. Kryefamiljari Kapllani rrëfen për gazetën; “U ngrita herët dhe isha duke u veshur në korridorin e shtëpisë. Për shpejtësi i them djalit të vogël, Arditit, që të më sjellë çiften e gjahut. Djali shkoi në dhomën ku ndodhej Bukuroshja, e cila ishte duke ndezur zjarin. Me çiften në dorë ai duke lozur i drejtohet të emës me fjalët se do ta vriste dhe kryen shkrehjen. Në dhomë dëgjova krismën. Gruaja ishte mbuluar me gjak. Nuk dija ç’të bëja. U mpiva i tëri. Ndërkohë që gjithë banorët e lagjes erdhën brenda në shtëpi”. Aty mes shumë njerëzve ndodhet edhe Arditi. I hutuar ai thotë se “unë nuk e dija se çiftja ishte e mbushur. Po bëja shaka me mamin dhe pa dashje hoqa këmbëzën e çiftes”.

Policia
Ndërsa tragjedia në familjen Kapllani ka ndodhur në orën 06:30, aty rreth orës 09.30 kanë mbërritur uniformat blu të policisë së Ballshit dhe ekspertët e drejtorisë së policisë së Fierit. Pasi kanë siguruar provat materiale ata kanë pyetur edhe familjarët. Për ekspertët e policisë së qarkut të Fierit vrasja e ndodhur në familjen e Hasan Kapllanit ka ardhur nga pakujdesia fëminore. Nisur nga kjo uniformat blu nuk kanë kryer veprime të mëtejshme me të miturin, po ashtu nuk janë shoqëruar në polici as pjesëtarë të tjerë të familjes

Ceremonia
Bukuroshe Kapllani, e vrarë aksidentalisht nga djali i saj i mitur, është përcjellë rreth orës 15:30 të ditës së djeshme në banesën e fundit, nga dhjetëra bashkëfshatarë dhe të afërm. Nëna 37-vjeçare ka lënë pas tre fëmijë, dy vajza dhe djalin 9- vjeçar. Familja Kapllani në Fratar renditet si një nga familjet më të respektuara në fshat. Kryefamiljari, Hasani, punonte si taksist, ndërsa bashkëshortja e tij ishte shtëpiake.
Vladimir Muçaj

----------



Pse nuk i carmatos PS-ja mallakastriotet?

Apo i llogarit si rezerviste ne rast te nje revolucioni tjeter ne te ardhmen.

pis milet.

[Brari]

Femija 2 vjec lihet mes helmeve. Kulmi ..


gazeta shqiptare.

-----------------

Pasi e ka kthyer epruvetën, ka lëshuar disa klithma të çuditshme dhe është rrëzuar përtokë

Foshnja është helmuar në serë, vetëm pak metra larg prindërve

Aksidenti i Marikajt, Sara 2 vjeç shuan etjen me helm


--------------------------------------------------------------

Ardita Hysa

TIRANE

Nuk kanë mundur ta shpëtojnë dot, edhe pse kanë qenë shumë afër vajzës së tyre. Një fëmijë 2 vjeç është helmuar në serën ku punonin prindërit dhe motra e saj më e madhe. Vogëlushja Sara Mara ka ngatërruar dje në drekë shishen e ujit me epruvetën që përmbante helmin e perimeve, i cili i mori jetën.

Ajo ishte shkëputur për një moment nga të tjerët, kur e gjithë familja po merrej me përkuj-desjen e bimëve në serën e Marikajt. Ata kanë qenë aq të përqenduar te puna, sa për një moment kanë harruar të kontrollojnë se ku ishte Sara. Por edhe Sara në atë moment kishte harruar të thërriste mamin dhe ka "marrë përsipër t'ia plotësonte nevojat vetes". Kështu, duke u sjellë nëpër jeshillëqet e serës dhe duke lozur me gjethet e tyre, ka parë një shishe, por në formë të veçantë. Në atë moment vogëlu-shja ka qenë shumë e etur për ujë dhe e ka kapur menjëherë shishen që i ka tërhequr vëmendjen. Në fakt ajo që i ka tërhequr më shumë vëmendjen ka qenë ngjyra e lëngut që kishte shishja. (Të dhënat e para të hetimve në vendngjarje tregojnë se Sara ka pirë helmin me ngjyrë gurkali që përdoret zakonisht për spërkatjen e hardhive.) Pasi e ka kthyer epruvetën, ka lëshuar disa klithma të çuditshme dhe është rrëzuar përtokë. Kështu, u ka tërhequr vëmendjen prindërve që kanë lënë punën të alarmuar. Janë përpjekur ta përmendinin, e kanë lagur edhe me ujë, por ajo ka reaguar shumë pak. Kur kanë parë epruvetën pranë saj, e kanë kuptuar se cfarë ia kishte shkaktuar këtë gjendje dhe kanë vendosur ta shpien sa më shpejt në spital. Çastet në makinë kanë qenë të fundit për jetën e shkurtër të Sarës. Prindërit i kanë kërkuar me urgjencë doktorët, sapo kanë mbërritur në spital, me shpresën se vajzës së tyre thjesht i kishte rënë të fikët. Por asgjë nuk ka mundur ta kthejë më në jetë Sarën. Shumë shpejt spitali ia ka kthyer trupi të atit, që e ka nxjerrë prej andej të mbështjellë kokë e këmnbë me xhaketën e tij. Te shtëpia asnjëri prej prindërve nuk ishte në gjendje të fliste. Ata merren me përgatitjet e rastit, ende pa kuptuar se si u iku nga duart një engjëll.


----------------


Pse femija te ngaterroje shishen e ujit?

Nji dy vjecari i jepet uje nga prindi e jo ta kerkoje vete si partizan.

Fshatarsia jone e skllaveruar per 50 vjet stalinizem jetonte vetem qe te prashiste arave. Ata kurre nuk u morren me mirre-rritje femijesh.
Prandaj dhe nga gjiri kesaj fshatasie lindi armata e prinderve injorante e te pa kujdeshem dhe armata e banditve, bij te ketyre lloj prinderish..

[MI CORAZON]

E keqja s'paska fund. Lajme shume tronditese sjell ndonjehere ti Brari. Apapapapaaa cfare shije te hidhur me la.
E tmerrshme. Sa per komentin qe ke bere ne fund, e drejte eshte...por i thone edhe nje fjale.."fukarallik maskarallik".