Koplik: Kapet nje sasi e madhe droge

[iliria e para]

Ky titull është i imi e jo i autorit të tekstit, kurse teksti poshte eshte nga
balkabweb.com


Koplik, Policia sekuestron rreth 1 ton hashash
• Gjatë kontrollit të ushtruar janë gjetur dhe sekuestruar në cilësinë e provës materiale 100 thasëve me kanabis sativa (totali rreth 900 kilogramë) si dhe 1 kilogram marijuanë

MALESI E MADHE -Zbulohet laboratori i përpunimit të drogës në Malësinë e Madhe. Pas një hetimi dyjavor, forcat e Sektorit të Antidrogës në Drejtorinë e Policisë së Shkodrës në bashkëpunim me ato të Komisariatit të Koplikut, kanë sekuestruar pasditen e së martës rreth 900 kilogramë lëndë bimore të thatë, që dyshohet të jetë kanabis-sativa, si dhe 1 kilogram bimë narkotike që dyshohet të jetë e llojit “marijuanë”. Burime zyrtare nga dikasteri i Rendit, bëjnë me dije se sasia e madhe e drogës është gjetur në banesën e Bahri Delajt, nga fshati Jubicë e Komunës Qendër të Malësisë së Madhe. Ndërkohë, është bërë shpallja në kërkim e 25-vjeçarit, i cili akuzohet për “prodhim dhe shitje të lëndëve narkotike”, si dhe “prodhim dhe fabrikim të lëndëve narkotike”. Për të mundësuar vënien në pranga të autorit të krimit, uniformat blu të Shkodrës kanë kërkuar ndihmën e homologëve të tyre në Mal të Zi. Zbulimi i ndërtesës ku ishte instaluar laboratori i drogës është bërë i mundur pas sinjalizimeve të marra në rrugë operative si dhe pas identifikimit të disa parcelave të kultivuara me kanabis-sativa në zonën e thellë të Shkrelit.
LABORATORI
Dy javë më parë, në zonën e Shrelit në malësinë e Madhe janë zbuluar dhe asgjësuar disa parcela të mbjella me kanabis-sativa. Nisur nga ky fakt, efektivat e Sektorit të Antidrogës në Koplik dhe Shkodër kanë nisur punën për zbulimin e rrjetit që merrej me përpunimin dhe shpërndarjen e lëndës narkotike. Nga hetimet e bëra, të cilat janë fokusuar në lidhjet e mundshme mes personave që kishin në pronësi këto parcela dhe shpërndarësve të drogës është arritur deri tek Bahri Beqir Delaj. Rreth orës 15:00 të së martës, forca të shumta policore kanë shkuar për kontroll në banesën e Delajt në fshatin Jubicë. Gjatë kontrollit të ushtruar janë gjetur dhe sekuestruar në cilësinë e provës materiale 100 thasëve me kanabis sativa (totali rreth 900 kilogramë) si dhe 1 kilogram marijuanë. Gjithashtu, në banesën e 25-vjeçarit është gjetur dhe një pajisje metalike në forme U–je që mendohet se bën presimin dhe paketimin e lëndës narkotike; 42 copë letër ngjitëse natriban, 2 thika dhe 1 palë doreza.
KËRKIMI
Në momentin e ushtrimit të kontrollit, Bahri Delaj nuk ndodhej në banesën e tij. Sipas burimeve policore, dyshohet që 25-vjeçari të ketë kaluar kufirin për në Mal të Zi. Ky dyshim shtohet duke pasur parasysh afërsinë e zonës ku banon autori i krimit me Malin e Zi. Është kjo arsyeja që blutë e Shkodrës iu kanë kërkuar ndihmë homologëve të tyre të vendit fqinj, për kapjen e të kërkuarit Delaj. (G.SH)

[Linda5]

o iliria e para ne ja kalojme kolumbis per kto gjona ne jemi ne vendin e par per kto ne gjith boten nuk lejm te tjeret te na dalin perpara

[iliria e para]

Une pra mendoj qe 1 eshte Kolumbia, 2 Afganistani, 3 Shqiperia.

[derjansi]

po hashash mer burr paskan kap.

paskeni ba namet ne ju

[Darius]

Titullin e ndryshova sepse ishte jashtezakonisht i ekzagjeruar. Si qenka Shqiperia me keq se Kolumbia? Dhe per cfare, per 1 ton hashash? E keni idene ju sesa hashash kapet ne vit ne Canada dhe kufirin e saj me Ameriken?

[iliria e para]

USA ka 100 here me shume banore se Shqiperia. Kjo do te ishte sikuse te kapnini 100 ton ne USA. Nuk besoj se ka vend qe prodhon me shume narkotike se Shqiperia per koke te banorit.
Eshte fjala per Evrope.