Pse Ahmeti Dhe Thaci U Bene Yje Ne Shqiperi?

[Studenti-Te]

Ne nje forum studentor nje profesor universitar ka paraqitur nje debat ku ka te bej me reklamimin e figurave politike shqiptare ne Maqedoni ne gazetat shqiptare ne Shqiperi ai me tej ka caktuar edhe ca shifra ne te holla por a jane te verteta keto ai pret pergjigje nga ata qe kan njohuri mbi kete ceshtje.

Profesori universitar Postuar në: 08.10.2007, 11:35


Kur lideret shqiptare te Maqedonise filluan te marrin publicitet te madh ne Shqiperi me lindi dyshimi se mos valle opinioni i atjeshem eshte aq i interesuar per politikanet tane?
Deshiroja ta ve veten ne lekuren e nje shefi gazete ne Shqiperi dhe me syte e tyre te shoh se a ka interes per lexuesin te marr ne emision, interviste apo ta portretizoj nje lider te nje partir nga Maqedonia. E bera kete dhe pergjigjja me doli se nje politikan i tille NUK ESHTE INTERESANT NE MOMENTE PAQEJE PER MEDIAN TIME! Per te perforcuar kete bindje, simulova kinse une ne Maqedoni drejtoj nje media dhe sa do te ishte interesant per mua dhe lexuesit e ketushem te marr ne interviste apo emision nje lider te shqiptareve te Mailit te Zi? Aspak, nese atje shqiptaret nuk jane duke bere lufte me malazezet.
Tani, me lindi kurreshtja se nga u bene interesant lideret shqiptare te Maqedonise ne per opninionin ne Shqiperi?
Menduh Thaci kishte disa paraqitje ne media ne Shqiperi, madje ishte edhe ne emisonin prestigjioz SHQIP te Rudina Xhunges. Se nuk ishte interesant deshmon fakti se gazetarja as qe e dinte se kush eshte Thaci, cfare veprimtarie ka pas tij e cfare kredibiliteti ka te shqiptaret.
Se fundmi, kemi paraqitjen e Ali Ahmetit ne gazeten Shqip, nje interviste e paralajmeruar si teper eksluzive dhe e afishuar edhe ne faqen e pare.
Kjo kurreshtje me beri te bej nje investigim te vogel. Pasi kam miq profesore ne shqiperi (te cilet kane nje miqesi me gazetare te atjeshem) dhe mora pergjigjen:
Per nje paraqitje ne media paguan:
1. te emisioni i Rudina Xhunges SHQIP - 50 mije euro e me larte
2. interviste ne ndonje gazete (Shekulli, Shqip...) - 35 mije euro
3. Propagande nga ndonje analist si Mentor Nazarko,
Koco Danaj, Mustafa Nano... - 20 mije euro

Me thane se, disa gazetare te niveleve me te ulta, vijne "argat" ne Maqedoni dhe e bejne punen per shume pak pare. Kjo me shtangoi se vertet kam patur nje mendim te mire per gazetaret. Nese kjo eshte e vertete, gazetaret na qenkan pa fijen e etikes dhe moralit.

Kerkoj qe, nese dikush nga ju di me teper ne kete drejtim, te shkruaj, Dhashte Zoti te mos jete e vertete se do zhgenjehem nga mediat, e sidomos nga gazetaret nga Shqiperia.

Pres mendimin dhe informatat tuaja.....

Kliko Ketu per te pare Shkrimin e Profesorit

[land]

Kush eshte ky Ahmeti dhe Thaçi?, ça jane kto yje dhe idhuj?.......nuk ka njeri kohe te merret me idhuj dhe yje,jemi te ngopur deri ne fyt me idhuj dhe yje.......Shqiptaret e Shqiperise kane halle te tjera lol nuk kane halle yjesh

[biligoa]

PROVOKIM I RËNDË NGA GJYKATA KUSHTETUESE MAQEDONASE
Ish - republika jugosllave e Maqedonisë (IRJM), po dëshmon qartë dhe hapur para opinionit vendor dhe atij ndërkombëtar se nuk e dëshiron pajtimin e vërtetë me shqiptarët.
Shqiptarët kudo në trojet e veta etnike, po provokohen rëndë nga shovinistët sllavë.

Këto ditë Gjykata Kushtetuese e Maqedonisë me në krye me kryetarin e saj, një „shqiptar“ i cili nuk paska gjak shqiptari në venat e tij, Mahmut Jusufi, vendosi që Flamuri Kombëtar Shqiptar, me të cilin Flamur identifikohet edhe ai si shqiptar, mori vendimin arbitrar që të ndalohet Flamuri shqiptar në të gjitha vendet publike dhe atyre institucionale, madje të ndalohet edhe në tubime publike, si ato kulturore, sportive dhe në manifestime tjera.
Ky vendim i gjykatës maqedonase është shume provokues për shqiptarët dhe tregon hapur se IRJM nuk është e gatshme t’jua njoh shqiptarëve as drejtat e tyre minimale, pra të drejtën jetike, siç është kjo e drejta për përdorimin e simboleve kombëtare dhe përdorimit të gjuhës.
Gjykata Kushtetuese e „Maqedonisë“ ra nën ndikimin politikës së vjetër serbe, të xhelatit Aleksandër Rankoviç, i cili me politikën e tij fashiste ua pat ndaluar Flamurin shqiptarëve të Kosovës.
Kjo, damkë e zezë fashiste , politikës sllavo –maqedonase, kur tani po çirret për demokraci dhe po pretendon të hyjë në Evropën demokratike, kurrsesi nuk do të duhej t´i ndodhte...
Gjykata Kushtetuese e një shteti demokratik, e ka obligim t’i mbrojë të gjithë shtetasit e saj pa dallim etnie, feje apo race, këtë parim të shenjtë kjo gjykatë nuk po e realizon! Përkundrazi, po e plagosë rëndë...
- Në Evropë, gjykatat kushtetuese janë aq e forta dhe që shkojnë deri në atë shkallë dhe ndeshen shpesh me sovranitetin e parlamenteve, vetëm e vetëm që t´i mbrojnë të drejtat e qytetarëve të tyre.
Pra, gjykatat është dashur ta mbroj popullin autokton shqiptar nga ky sulm diskriminimi dhe nga rreziqe të reja që munden ta shpiejnë vendin...
Z. Mahmut Jusufi u shpreh se: “ky vendim u miratua me shumicë votash nga deputetët maqedonas pa marr parasysh fare se ky ligj për përdorimin e gjuhës dhe flamujve te etnive tjera është miratuar në vitin 2005. IRJM pa e zbatuar fare ligjet e veta që i ka në fuqi, ajo ato ligje po i heq edhe nga dokumentet e saj, se këto ligje deri me tani për shqiptarët kanë qenë veç dokumente të pa zbatuar fare në praktikë”.
Nëse, vota “demokratike” e shumicës nga kundërshtarët e demokracisë, ia paska rrëzuar “qëndrimin e tij”, përse zotëriu në fjalë, lejon që edhe më tutje të jetë pjesë e asaj shkelje kriminale kushtetutare, përse nuk jep dorëheqje të parevokueshme?!
Këto padrejtësi që iu bënë popullit shqiptar, e detyruan të ngrihet në luftë të armatosur me sllavo-maqedonasit.
Me ndërhyrjen e qarqeve ndërkombëtare, kjo luftë përfundoi me Marrëveshjen famëkeqe të Ohrit në gusht e vitit 2001.
Këtë“ marrëveshje“ e pati nënshkruar kryetari i BDI-së Ali Ahmeti, i cili sot nuk është në gjendje as vet ta mbrojë këtë „marrëveshje“. Ai, e pati nënshkruar këtë marrëveshje pa e ditur fare se çfarë pasojash mund të sjellë ajo pastaj dhe ja tani po del në shesh se çfarë „marrëveshje paqësore“ paska qenë...
Dua të theksoj faktin që: edhe bashkësia ndërkombëtare e cila ka garantuar se kjo marrëveshje do të zbatohet, duhet të reagojë fuqishëm kundër këtij vendimi kundër-historik të kësaj gjykate.
Por, ky nuk është provokimi dhe sulmi i vetëm që po bënë shteti maqedonas ndaj shqiptarëve.
Kujtojmë këtu rastin e sa e sa të rinjve shqiptarë ish-ushtarë të UÇK-re, që po dergjen burgjeve maqedonase dhe shokët e tyre po vriten edhe në pragjet e shtëpive të tyre, nën akuzat të paqëndrueshme se janë terroristë etj...
Gjithashtu, kohëve të fundit ata i provokuan rëndë shqiptarët në Tanushë me qëllimin e vetëm që ta destabilizojnë rajonin dhe që me shqiptarët të nxisin konflikte të reja...
Po të njëjtat provokime të rënda sot po bëjnë shovinistët serbë, ndaj popullsisë shqiptare në Kosovën Lindore, atje para pak ditësh ishin rrahur në stacionin e policisë tre të rinj nën akuzën se ata kinse e kishin rrahur një qytetar serb.
Vala e dhunës që po ushtrohet ndaj shqiptarëve nuk bëhet pa plane të errëta shoviniste sllave, ajo na e kujton aleancën ballkanike të vitit të mbrapsht 1913, kur copëtohej Shqipëria nga Evropa plakë.
Është në të mirën e paqes në rajon dhe në të ardhmen e ndritur të popujve fqinjë ballkanas, që t´ju ndalet turri okupatorëve sllavë, nga diplomacia euro-atlantike, të cilat çdo ditë po e përkëdhelin Maqedoninë “demokratike” dhe po i premtojnë se së shpejti do t´i ketë dyert e hapura në Evropë.
Përndryshe, kjo egërsi e lashtë kundër-shqiptare e okupatorëve sllavë, së shpejti do t´i ketë rreziqet e veta, që zor se mund të riparohen lehtë!
Shqiptarët, nuk janë më ata të vitit 1913-të, tani dinë t´jua tregojnë vendin me kohë pashallarëve “të rinj” të sojit Toptani.
Zvicër, 29.10.2007

[biligoa]

Ndalesa e përdorimit zyrtar të flamurit shqiptar: Dhe, sërish në qorrsokuakun e njëjtë
Shkruar nga Xhelal Neziri
Sunday, 28 October 2007
Pas manipulimeve matematikore ma parimin e Badinterit, mosimplementimin e decentralizimit, moszyrtarizimin e gjuhës shqipe me ligj, lënien pas dore të njerëzve që përbëjnë njërin nga dy segmentet e konfliktit, vendimi i Gjykatës Kushtetuese paralajmëron një temp tjetër drejt shndërrimit të Marrëveshjes së Ohërit në një letër toaleti.

Saherë që kemi dëgjuar nga gjyshërit tanë se shqiptarëve shpesh u është përsëritur historia, aq më shumë i kemi ngatëruar protagonistët me periudhat e ndryshme kohore. Tani më na janë koklavitur në kokë kongresi i Londrës, Traktati i Versajës, Parisit, Rambujesë, Konçilit, Ohërit…apo edhe ndonjë tjetër që duhet të ndodh në një të ardhme jo të largët. Gjeneratat që do të vijnë pas mbase do t’i kenë edhe më të paqarta kujtimet ngase këto ngjarje historike për shqiptarët kanë një emërues të përbashkët – fitorja e luftës në teren dhe humbja e saj në tavolinë.

Nga kjo distancë kohore, ngjarjet e ndodhura në pjesën e parë të shekullit XX i mund t’i shohim me një mendje më të kthjellët, të bëjmë rivlerësimin e figurave, t’i detektojmë gabimet e tyre politike, të dënojmë naivitetin politik e intelektual të disa protagonistëve që i kemi kënduar për heronjë dhe me ngulm dëshirojmë të gjejmë fajtorët që shteti i shqiptarëve u copëzua , u bë një tokë për pazar midis atyre që dinin më mirë të zhvillojnë luftën në tavolinë. Historianët me ndjenja folklotiste e romantike akuzojnë Evropën për këto padrejtësi, ato më racionalë akuzojnë pavendosshmërinë e protagonistëve shqiptarë dhe naivitetin e tyre politik për të bërë një strategji të veprimit kombëtar, për të elaboruar mirë atë plan dhe për të krijuar miq nëpër botë në realizimin e tij.

Dhe, sërish gjendemi në qorrsokuakun e njëjtë.

Pasi u nënshkrua Marrëveshja e Rambujesë dolën në pah defektet që komplikojnë shkëputjen përfundimtare të Kosovës nga Sërbia, si një përmbyllje logjike e procesit të shpërbërjes së ish-federatës jugosllave. Pas fillimit të zbatimit të Marrëveshjes së Konçulit për garantimin e një statusi të avancuar për shqiptarët e Luginës së Preshevës, tani po shihen mangësitë dhe disbalanci midis sakrificës për një liri të mirëfilltë individuale dhe kolektive dhe marrëveshjes që definon të arriturat në atë rafsh. Në momentin kur menduam se Marrëveshja e Ohrit është një bazë e mirë për realizimin e një barabarësie të plotë politike, ekonomike e kulturore midis shqiptarëve dhe maqedonasve, tani dalin në sipërfaqe se paskemi haruar të definojmë si duhet statusin tonë politik, përdorimin e gjuhës shqipe, përfaqësimin e drejtë të shqiptarëve, mekanizmat për mbrojtjen nga majorizimi, decentralizimin dhe mënyrën e zgjedhjeve të kryeshefave policorë dhe një varg paqartësishë tjera që zbehin sakrificat e 2001-shit.

Edhe sa luftëra nevojiten…

Kjo nuk do të thotë se pala tjetër e këtyre kontratave historike që peshohen me jetëra njerëzish, me gjymtyrë të invalidëve e me pasoja të rënda për shqiptarët nuk bën ekuivoke në realizimin e mirëfilltë në praktikë. Por, faji para se gjithash duhet kërkuar tek vetë ata që kanë marrë mbi supe realizimin e këtyre projekteve, për të cilat nuk u dha vetëm vota e shqiptarëve por edhe gjymtyrët e tyre.

Dhe tani, kur pas disa devalvimeve të Marrëveshjes së Ohrit, Gjykata Kushtetuese e ndalon përdorimin zyrtar të flamurit shqiptar dhe e devalzon atë në përdorim dasmash, shtrohet pyetja se deri ku mund të shkohet në drejtim të copëzimit të dokumentit që solli paqen apo implementimin me parktikën e minimumit të të drejtave që garantohen në atë Marrëveshje?

Pas manipulimeve matematikore ma parimin e Badinterit, mosimplementimin e decentralizimit, moszyrtarizimin e gjuhës shqipe me ligj, lënien pas dore të njerëzve që përbëjnë njërin nga dy segmentet e konfliktit, vendimi i Gjykatës Kushtetuese paralajmëron një temp tjetër drejt shndërrimit të Marrëveshjes së Ohërit në një leter toaleti.

Duke analizuar këto akte të papërgjegjshme, shume e pritshme në të ardhmen është anulimi i Ligjit për riorganizim territorial, vënia e çelësit për USHT-në dhe minimizimin e pozitës së shqiptarëve në të gjitha institucionet dhe sferat e jetës. Në fund të këtij procesi, mbase edhe më parë, sërish do të aktualizohet çështja e një revolucioni tjetër të armatosur të shqiptarëve. Pa marrë parasysh nëse thirrja për këtë revolucion do të jetë sërish me kërkesa për të drejta, për riorganizim tjetër shtetëror apo edhe për ndarje. Njerëzit që morën përsipër të materializojnë sakrificat e shqiptarëve do të dalin si fëmijët gjatë lojës kukafshehës dhe do të thonë: “Phu, phu…nuk bën. Edhe një herë”.

Çka kërkojnë tani Jusufi dhe Pollozhani në Gjykatë?

Kryetarët e komunave shqiptare dolën me një qëndrim unik por anarkist – nuk do të respektojmë vendimin e Gjykatës Kushtetuese dhe nuk do t’i heqin flamujt kombëtar para ndërtesave të komunave. Megjithatë, vendimet e kësaj gjykata janë obligative për pushtetin ekzekutiv dhe i njëjti, në bazë të Kushtetutës, nevojitet t’i implementojë ato akte. Me këtë shqiptarët sërish kthehen në vitin 1997, kur policia hoqi flamujt në komunat shqiptare, vrau e plagosi demostrues dhe e arrestoi prefektin e atëhershëm të Gostivarit, Rufi Osmani. Historia po përsëritet si një reprizim shfaqeje nga shkaku i “haresës” së politikanëve tanë që në Marrëveshjen e Ohrit nuk vendosën grafën me të cilën parimi i Badenterit do të vlejë në sjelljen e akteve në të gjitha tri pushtetet – ekzekutiv, ligjvënës dhe gjyqësor.

Përveç kësaj, procesi i vlerësimit të kushtetutshmërisë së Ligjit për përdorimin e simboleve i gjeti në gjum edhe dy anëtarët shqiptarë – Mahumut Jusufin dhe Bajram Pollozhanin. Ata duhej të ishin më agjil që në start, të ndryshonin rregulloren e punës dhe të siguronin që për çështje të nxehta siç është përdorimi i flamurit, të vendost me koncenzus etnik. Edhe nëse një praksë e tillë ka qenë në kuadër të gjykatësve kushtetues, fakt është se nga tani e tutje nuk do të jetë më.

Andaj, në këtë situatë, kur këto anëtarë shqiptarë të Gjykatës shndërrohen vetëm në figura për të pasqyruar para ndërkombëtarëve multietnicitetin e Maqedonisë, qëndrimi i mëtejshëm i tyre në këto pozita do të kuptohet si joshje pas mëditjeve, pagave, impulsive të celularëve dhe veturave zyrtare. Që nga momenti kur ky akt i abrogimit të përdorimit zyrtar të flamurit shqiptar do të hyjë në fuqi, qëndrimi i Mahmutit dhe Pollozhanit në këto funksione do të duket tepër e pakuptimtë.

[SHULLANI]

Pajtohem plotsisht me biligaon dhe z.Xhelale Nezirin ne shkrimet e tyre,pra nuk duhet shum komente,por duhet mendoj ti bashkojme kapacitetet ne cdo lami e te jemi vigjilente parasegjithash kur ceshtja e Kosoves eshte ne tavolinat e gjithe faktorit nderkombtare.Pra,cdo deshtim ne pavarsin e plote te kosoves do te jete me pasoja te medha edhe per ne shqiptaret kudoqe jemi edhe per gjithe popujte e ballkanit, e mos te flasim per popullin dhe shtetin e Maqedonise qe eshte ne cdo pikpamje artificiale.Prandaj s'duhet te bijme ne provokimet e tyre,por te perqendrohemi me kosoven ne konceptin e vetvendosjes si nje e drejte univerzale.Pra te ngritemi ne protesta gjithepopullore kudoqe i thone bukes buke e ujit uje dhe ne cendrat kryesore te evropes e botes si ne Bruksel e Njujork,ku aty duan te naj presin teshat sipas deshires se tyre e jo sipas te drejtes dhe vullnetit te popullit shumic te kosoves.Pra koha nuk pret O sot O kurre ne mbrojtje te kufive dhe pavarsise se plot dhe ne mbrojtje te identitetit dhe flamurit kombtare.Pershendetje nga veprimtari.

[Zombi]

Duke lexuar postimin e profesorit, aty nga mesi, erdha ne perfundim se eshte vetem ceshtje parashe, marketing politik i paguar, duke pasur parasysh se emisioni i Rudines ndiqet me shume interes edhe ne Maqedoni. Shkuesi dhe lexuesi shqiptare nga shqiperia nuk ka kohe te meret me Thacin e Aliu , kane preokupimet e tyre me Berishen e Nanon. Lexo postimin nga land dhe duket qarte se sa shume jane te interesuar

[ABytyqi]

Nje poe them se shqiptaret e mbajn shtetin maqedon,sikur te mos ishin shqiptaret ne maqedoni,maqedonija sdo te egzistonte, apo te don Ali ahhmeti mbrenda pak diteve do te ja nini zanin maqedonis!ne tri copa RRnoft Aksh
kam ardh ne konkluzion se maqedonija duhet te ndahet derisa
te ju zgjaten veshet ketyre politikanave kosovar-magar

Kjo edhe ka me na gjet

[Edvin83]

degjova nje interviste te Thacit,papapapapa, ishte nje tradhetar i poshter, si nuk na u zhduken keta plehra nga kombi yne?

[miki_al2001]

Kush eshte ky Ahmeti dhe Thaçi?, ça jane kto yje dhe idhuj?.......nuk ka njeri kohe te merret me idhuj dhe yje,jemi te ngopur deri ne fyt me idhuj dhe yje.......Shqiptaret e Shqiperise kane halle te tjera lol nuk kane halle yjesh

E shikoj sa halle ke.Gjith diten ne forum je.Apo po zgjedh hallet ketu.

[Jack Watson]

degjova nje interviste te Thacit,papapapapa, ishte nje tradhetar i poshter, si nuk na u zhduken keta plehra nga kombi yne?

Si e zbulove? Po pate deshire ta sqarosh kuptohet.