Si ta mbrojme flamurin kombetar

[babadimri]

Te fresketa jane kujtimet nga Gostivari 1997 kur policia intervenoi per te hequr flamurin shqiptar...

Jemi ne vitin 2007, Maqedonia kandidate serioze per anetare ne Nato dhe Be, e flamuri kombetar ne kollomoq.

Mendoj se eshte koha e duhur te hapim nje debat serioz per kete ceshtje qe eshte e rendesishme.

Me intereson mendimi juaj poashtu do ti sjellim te gjitha shkrimet nga palet e involvuara prej te kryeytari i gjykates kushtetuese deri te partite politike dhe te politika shteterore maqedonase qe po ben pralle me flamurin shqiptar.

[Cimo]

Babadimri nuk je ne rrjedha si duket. Ka disa dite qe diskutohet kjo teme ne foruminshqiptar. Nuk eshte hera e pare qe veprojsh keshtu. Sedi a don te jesh ne qender te vemendjes apo nuk din te kerkosh mbrenda FSH.

[babadimri]

Nese eshte keshtu si thua ti temen e mbylli te kerkoj ndjese

[Cimo]

Ja tema: http://www.forumishqiptar.com/showthread.php?t=86691

[KUSi]

kush eshte ai shqiptat qe pajtohet me ket vendim , po u pajtua ateher nuk duhet ti theras vetes si shqiptare

[Labi_shkup]

Fajtor numer nje eshte udheqesi i shqiptareve ne Qeverin e RM Ai Krimineli Mendu Thaqi ... ki per interesa personale grujen dhe vajzen e jep e mo leje neve shqiptareve

[besar_atb]

Fajtor numer nje eshte udheqesi i shqiptareve ne Qeverin e RM Ai Krimineli Mendu Thaqi ... ki per interesa personale grujen dhe vajzen e jep e mo leje neve shqiptareve

o i gjore shaum trim qenke..mos e permend gruen e Menduhit se mo dhasht zoti te marin vesht kush ije te ti shkatrojn me gjysh e stergjysh mo kesh tbojsh me ket jet mo hich..a e pat te Dejavu si tha menduhi per flamurin e RM-s hehe ky per ne eshte ventilator

[Alienated]

Si ta mbrojme flamurin?

Me duket kemi shqiptare ne Qeveri? Pse votojme ne Zgjedhje ne? Per te bere punet vet apo per t'ia ngarkuar dikujt "me te afte" ato qe te merret ai/ato me ato pune.

Pse marrin rroga deputetet e politikanet? Le t'i kryejne punet si duhet ose le te lirojne vendet e punes e te zevendesohen nga dikush qe vertete deshiron te punoje per te miren e votuesve qe e kane sjellur aty ku eshte.

[biligoa]

Shkruar nga Xhelal Neziri
Sunday, 28 October 2007
Pas manipulimeve matematikore ma parimin e Badinterit, mosimplementimin e decentralizimit, moszyrtarizimin e gjuhës shqipe me ligj, lënien pas dore të njerëzve që përbëjnë njërin nga dy segmentet e konfliktit, vendimi i Gjykatës Kushtetuese paralajmëron një temp tjetër drejt shndërrimit të Marrëveshjes së Ohërit në një letër toaleti.

Saherë që kemi dëgjuar nga gjyshërit tanë se shqiptarëve shpesh u është përsëritur historia, aq më shumë i kemi ngatëruar protagonistët me periudhat e ndryshme kohore. Tani më na janë koklavitur në kokë kongresi i Londrës, Traktati i Versajës, Parisit, Rambujesë, Konçilit, Ohërit…apo edhe ndonjë tjetër që duhet të ndodh në një të ardhme jo të largët. Gjeneratat që do të vijnë pas mbase do t’i kenë edhe më të paqarta kujtimet ngase këto ngjarje historike për shqiptarët kanë një emërues të përbashkët – fitorja e luftës në teren dhe humbja e saj në tavolinë.

Nga kjo distancë kohore, ngjarjet e ndodhura në pjesën e parë të shekullit XX i mund t’i shohim me një mendje më të kthjellët, të bëjmë rivlerësimin e figurave, t’i detektojmë gabimet e tyre politike, të dënojmë naivitetin politik e intelektual të disa protagonistëve që i kemi kënduar për heronjë dhe me ngulm dëshirojmë të gjejmë fajtorët që shteti i shqiptarëve u copëzua , u bë një tokë për pazar midis atyre që dinin më mirë të zhvillojnë luftën në tavolinë. Historianët me ndjenja folklotiste e romantike akuzojnë Evropën për këto padrejtësi, ato më racionalë akuzojnë pavendosshmërinë e protagonistëve shqiptarë dhe naivitetin e tyre politik për të bërë një strategji të veprimit kombëtar, për të elaboruar mirë atë plan dhe për të krijuar miq nëpër botë në realizimin e tij.

Dhe, sërish gjendemi në qorrsokuakun e njëjtë.

Pasi u nënshkrua Marrëveshja e Rambujesë dolën në pah defektet që komplikojnë shkëputjen përfundimtare të Kosovës nga Sërbia, si një përmbyllje logjike e procesit të shpërbërjes së ish-federatës jugosllave. Pas fillimit të zbatimit të Marrëveshjes së Konçulit për garantimin e një statusi të avancuar për shqiptarët e Luginës së Preshevës, tani po shihen mangësitë dhe disbalanci midis sakrificës për një liri të mirëfilltë individuale dhe kolektive dhe marrëveshjes që definon të arriturat në atë rafsh. Në momentin kur menduam se Marrëveshja e Ohrit është një bazë e mirë për realizimin e një barabarësie të plotë politike, ekonomike e kulturore midis shqiptarëve dhe maqedonasve, tani dalin në sipërfaqe se paskemi haruar të definojmë si duhet statusin tonë politik, përdorimin e gjuhës shqipe, përfaqësimin e drejtë të shqiptarëve, mekanizmat për mbrojtjen nga majorizimi, decentralizimin dhe mënyrën e zgjedhjeve të kryeshefave policorë dhe një varg paqartësishë tjera që zbehin sakrificat e 2001-shit.

Edhe sa luftëra nevojiten…

Kjo nuk do të thotë se pala tjetër e këtyre kontratave historike që peshohen me jetëra njerëzish, me gjymtyrë të invalidëve e me pasoja të rënda për shqiptarët nuk bën ekuivoke në realizimin e mirëfilltë në praktikë. Por, faji para se gjithash duhet kërkuar tek vetë ata që kanë marrë mbi supe realizimin e këtyre projekteve, për të cilat nuk u dha vetëm vota e shqiptarëve por edhe gjymtyrët e tyre.

Dhe tani, kur pas disa devalvimeve të Marrëveshjes së Ohrit, Gjykata Kushtetuese e ndalon përdorimin zyrtar të flamurit shqiptar dhe e devalzon atë në përdorim dasmash, shtrohet pyetja se deri ku mund të shkohet në drejtim të copëzimit të dokumentit që solli paqen apo implementimin me parktikën e minimumit të të drejtave që garantohen në atë Marrëveshje?

Pas manipulimeve matematikore ma parimin e Badinterit, mosimplementimin e decentralizimit, moszyrtarizimin e gjuhës shqipe me ligj, lënien pas dore të njerëzve që përbëjnë njërin nga dy segmentet e konfliktit, vendimi i Gjykatës Kushtetuese paralajmëron një temp tjetër drejt shndërrimit të Marrëveshjes së Ohërit në një leter toaleti.

Duke analizuar këto akte të papërgjegjshme, shume e pritshme në të ardhmen është anulimi i Ligjit për riorganizim territorial, vënia e çelësit për USHT-në dhe minimizimin e pozitës së shqiptarëve në të gjitha institucionet dhe sferat e jetës. Në fund të këtij procesi, mbase edhe më parë, sërish do të aktualizohet çështja e një revolucioni tjetër të armatosur të shqiptarëve. Pa marrë parasysh nëse thirrja për këtë revolucion do të jetë sërish me kërkesa për të drejta, për riorganizim tjetër shtetëror apo edhe për ndarje. Njerëzit që morën përsipër të materializojnë sakrificat e shqiptarëve do të dalin si fëmijët gjatë lojës kukafshehës dhe do të thonë: “Phu, phu…nuk bën. Edhe një herë”.

Çka kërkojnë tani Jusufi dhe Pollozhani në Gjykatë?

Kryetarët e komunave shqiptare dolën me një qëndrim unik por anarkist – nuk do të respektojmë vendimin e Gjykatës Kushtetuese dhe nuk do t’i heqin flamujt kombëtar para ndërtesave të komunave. Megjithatë, vendimet e kësaj gjykata janë obligative për pushtetin ekzekutiv dhe i njëjti, në bazë të Kushtetutës, nevojitet t’i implementojë ato akte. Me këtë shqiptarët sërish kthehen në vitin 1997, kur policia hoqi flamujt në komunat shqiptare, vrau e plagosi demostrues dhe e arrestoi prefektin e atëhershëm të Gostivarit, Rufi Osmani. Historia po përsëritet si një reprizim shfaqeje nga shkaku i “haresës” së politikanëve tanë që në Marrëveshjen e Ohrit nuk vendosën grafën me të cilën parimi i Badenterit do të vlejë në sjelljen e akteve në të gjitha tri pushtetet – ekzekutiv, ligjvënës dhe gjyqësor.

Përveç kësaj, procesi i vlerësimit të kushtetutshmërisë së Ligjit për përdorimin e simboleve i gjeti në gjum edhe dy anëtarët shqiptarë – Mahumut Jusufin dhe Bajram Pollozhanin. Ata duhej të ishin më agjil që në start, të ndryshonin rregulloren e punës dhe të siguronin që për çështje të nxehta siç është përdorimi i flamurit, të vendost me koncenzus etnik. Edhe nëse një praksë e tillë ka qenë në kuadër të gjykatësve kushtetues, fakt është se nga tani e tutje nuk do të jetë më.

Andaj, në këtë situatë, kur këto anëtarë shqiptarë të Gjykatës shndërrohen vetëm në figura për të pasqyruar para ndërkombëtarëve multietnicitetin e Maqedonisë, qëndrimi i mëtejshëm i tyre në këto pozita do të kuptohet si joshje pas mëditjeve, pagave, impulsive të celularëve dhe veturave zyrtare. Që nga momenti kur ky akt i abrogimit të përdorimit zyrtar të flamurit shqiptar do të hyjë në fuqi, qëndrimi i Mahmutit dhe Pollozhanit në këto funksione do të duket tepër e pakuptimtë

[Renea]

Pse e cenzuronte MTV2 Menduh Thacin, besoj e keni pa si e kpuste duke fol, dhe ky e fajsonte Ibrahim Rugoven se ska shku te varri i Adem Jashari, ky qe UCK-ne e therriste organizat kriminele, dhe qe deshmort i therret viktima, tha edhe disa gjera jo te verteta por sme kujtohet tash, me plotsoni kush e din sakt...