Si ta mbrojme flamurin kombetar

[Tigrimelara]

Babadimri nuk je ne rrjedha si duket. Ka disa dite qe diskutohet kjo teme ne foruminshqiptar. Nuk eshte hera e pare qe veprojsh keshtu. Sedi a don te jesh ne qender te vemendjes apo nuk din te kerkosh mbrenda FSH.

Como si ta mbrojm Flamurin eshte pyetja apo tema, cfar formash duhet perdorur.

Propozime konkrete duhen,

Ja sot gazeta Koha me Arben Ratkocerin gati kishte dhene ca ide, me siguri e keni lexuar.


Agje nuk eshte e rastit ne kete bote prandaj jemi rrober.

[babadimri]

JEP DOREHEQJE TE PAREVOKUSHME MAHMUT JUSUFI

Poashtu jep doreheqje edhe antari tjeter shqiptar Bajram Pollozhani
Shkup, 30 tetor (MIA) - Kryetari i Gjykatës kushtetuese të Republikës së Maqedonisë Mahmut Jusufi, sot dha dorëheqje të parevokueshme nga funksioni njeriu i parë i Gjykatës dhe nga vendi gjykatës kushtetues.

Në deklaratën me shkrim të paraqitur në MIA, Jusufi qartëson se me vendimin e marrë nga Gjykata kushtetuese, me të cilën me shumicë votash janë hequr pjesë të neneve të Ligjit për përdorimin e flamujve të bashkësive në Republikën e Maqedonisë, ka ardhur në shprehje majorizimi, për çka si gjykatës dhe kryetar i Gjykatës, ka votuar kundër vendimit.

"Me rastin e vendimit të marrë nga ana e Gjykatës kushtetuese nga lënda U.nr. 133/2005 nga seanca e Gjykatës së mbajtur më datën 24 të këtij muaji, me të cilin me shumicë votash janë hequr pjesë të neneve të Ligjit për përdorimin e flamujve të bashkësive në Republikën e Maqedonisë, e për shkak të rrethanave se duke debatuar rreth lëndës, argumentet e gjykatësve të zgjedhur në pajtim me amendamentin 15 të Kushtetuës me shumicë të dyfishtë - Parimi i Badinterit nuk janë marrë parasysh, ndërsa ligji i lëndës është marrë sipas Parimit të Badinterit dhe erdhi në shprehje majorizimi, unë si gjykatës dhe kryetar votova kundër dhe nuk pajtohem me përmbajtjen e dhënë aty", thekson Jusufi.

Vendimin, siç theksoi, nuk e pranon dhe mendon se është politik.

"Si kryetar i Gjykatës kushtetuese të Republikës të Maqedonisë, duke mos dashur që emri im, mbiemri dhe nënshkrimi si kryetar i Gjykatës të qëndrojë në një vendim të tillë, të njejtën nuk do ta nënshkruaj dhe deklaroj se në pajtim me nenin 111 paragrafi 4 nga Kushtetuta e Republikës të Maqedonisë, po jap dorëheqje të parevokueshme nga funskioni kryetar i Gjykatës kushtetuese të Republikës së Maqedonisë dhe nga funksioni gjykatës i Gjykatës kushtetuese të Republikës së Maqedonisë", thekson në deklaratën Mahmut Jusufi.

Dorëheqje nga funksioni gjykatës në Gjykatën Kushtetutese të RM-së dha edhe Bajram Pollozhani.

"Përmes kësaj dorëheqje, si akt moral, si bartës i funksionit përgjegjës, gjykatës i Gjykatës Kushtetuese të Republikës së Maqedonisë, dëshiroj që në këtë mënyrë, personalisht të kontribuoj në thellimin e ndërgjegjes te bartësit e funksionit gjykatës kushtetues në Republikën e Maqedonisë në kryerjen e vlerësimit kushtetues-juridik dhe marrjen e vendimeve lidhur me kushtetueshmërinë e ligjeve dhe kushtetueshmërinë e ligjshmërisë të rregullave të tjera juridike, si dhe në kryerjen e funksioneve të tjera kushtetuese-juridike", thotë Pollozhani në deklaratën me shkrim të paraqitur në MIA.

Shkak për dorëheqjen është vendimi i Gjykatës Kushtetuese, me të cilin shfuqizohen dispozita të veçanta nga Ligji për përdorimin e flamujve të bashkësive, i marrë, siç theksohet, me shumicë votash të gjykatësve, të gjithë me përkatësi etnike maqedonase, duke mbivotuar tre kolegë gjykatës, pjesëtarë të bashkësive etnike në Maqedoni.

"Duke votuar kundër këtij vendimi, gjithsesi e veçova mendimin tim dhe e arsyetova edhe me shkrim. Me dorëheqjen gjithashtu shpreh edhe protestën time lidhur me mënyrën e marrjes së vendimit të mësipërm të Gjykatës Kushtetuese. Konsideroj se mendimi i veçantë është gjithsesi, i pamjaftueshëm për një nxitje më të madhe të përgjegjësisë dhe ndërgjegjes për marrjen e vendimeve kushtetuese-juridike (nga një trup gjykues me përbërje ndëretnike), kur vendosin për ligje dhe për rregulla të tjera shumë të ndjeshme me natyrë si vendimi i përmendur, prandaj vendos për aktin dorëheqje të parevokueshme nga funksioni gjykatës i Gjykatës Kushtetuese të Republikës së Maqedonisë, duke iu përkushtuar edhe më tej punës si profesor në Universitetin e EJL-së në Tetovë, prej nga edhe erdha në Gjykatën Kushtetuese të Republikës së Maqedonisë," tha Bajram Pollozhani.

[biligoa]

Te fresketa jane kujtimet nga Gostivari 1997 kur policia intervenoi per te hequr flamurin shqiptar...

Jemi ne vitin 2007, Maqedonia kandidate serioze per anetare ne Nato dhe Be, e flamuri kombetar ne kollomoq.

Mendoj se eshte koha e duhur te hapim nje debat serioz per kete ceshtje qe eshte e rendesishme.

Me intereson mendimi juaj poashtu do ti sjellim te gjitha shkrimet nga palet e involvuara prej te kryeytari i gjykates kushtetuese deri te partite politike dhe te politika shteterore maqedonase qe po ben pralle me flamurin shqiptar.

Eh babadimri, sa na kushetoi kjo marveshjeak,gjak, masakra dhimbje trishtim dhune torture psiqike largim. Po kjo ishte marreveshje per ndryshimin e ligjeve (edhe pse maqedonasit nuk kan qen te obliguar ti votojne ato ligje), e jo per ndryshimin e kushtetutes, qe shqiptaret te jen shtet-formues,,,shqiptaret mbeten pakice te nje shtetit!!!!!!!!!!!!!!!!!!!!!!!!!!!!!!!!!!!!!!
marreveshja e ohrit dikujtit i ka konvenuar, si disa shqiptare ashtu edhe sllaveve...!!!
Sot perseri me ligjin e kushtetutes:shqiptaret me pakice 20%(perqind), kush na e ka fain; Te gjith partite politike shqiptare,qe sot nuk duan te levizin nga vendi i bute, per deri sa ata mbrojne krahun e te tjereve ,populli e gjen rugen e vet,per te mbrojte FLAMURIN si e ka mbrojte
gjithmone

[RaPSouL]

Te pakten sondazhi nuk ka qene i nevojshem , pse mendoni se ka ndonje shqiptare ketu qe do votoje per "PO" sa kom qesh.


PS: Flamurin e kan pare diku ne ender qe te na ndalojne neve , f.u.c.k FYROM , Ilirida is living here.

[Alienated]

BETEJA E FLAMURIT

Fatmir Sulejmani

Është kjo parrulla e ditës, histeria e fundit, mllefi i papërmbajtur maqedonas që përplaset sallamdishëm mbi kurrizin e shqiptarëve – të vetmit komb që me zemërgjerësi të idiotshme i pranon kojshitë, mu si u shtanget atyre: si gjuhë, si fe, si komb, si shtet…
Vakia e Zotit! Gjithë ky nam pluhuri e mjegullnaje e ngritur kundër përdorimit të Flamurit shqiptar që është valëvitur këtyre hapësirave që nga koha e Skënderbeut e që fundja është një e drejtë e trashëguar edhe nga ish sistemi totalitar që, ashiqare, po i bën shkëpurdhjet e mbrame pikërisht në Maqedoni. Kush u ka faj maqedonasve për vonesat historike, për papërjetueshmërinë me vetveten, për katandisjen e përjetshme n’qullnajat e identiteteve? Ne nuk kemi marrë pjesë në zhvatjen e hises së tyre. Përkundrazi: na kanë mjelë si lopë t’xhalla t’Perëndisë dhe mbi kurriz tonin kanë ndërsyer cunamët e albanofobisë, kanë shëruar komplekset e ulëta dhe vesveset patologjike, sepse dashamirësinë tonë e kanë llogaritur një dajm si cen, si sakatllëk të lindur, si dobësi që u jep kurajë t’na i fusin të dy këmbët në një çizme të vetme, si n’epokën e shokut Tito.
Si të kuptohet ndryshe propaganda e paskrupull mediale, konferencat e panumërta të shtypit, debatet e stilit: n’arë e n’livadh lidhur me simbolin kombëtar të shqiptarëve? Prej nga gjithë kjo urrejtje e elitës akademike e kulturore maqedonase që në lëkurën e vet po përjeton turpërime të ditëpërditshme që lidhen me gjuhën, kombin, fenë, shtetin, simbolet shtetërore? Përse nuk kanalizohet urrejtja drejt mohuesve tradicionalë të tyre – grekëve, serbëve, bullgarëve…? Mos është në pyetje kompensimi i fyerjeve me derdhje të pakontrolluara mllefesh ndaj atyre që aktualisht konceptohen për më të dobët e më budallenj? Në qoftë kështu, nuk e di a e meriton kush kozmopolitizmin naiv shqiptar, të manifestuar pa taktin dhe kodet e kuptueshme të Ballkanit?
Po shtohen legenët që trumbetojnë se në një shtet sovran nuk mund të përdoret flamuri i një shteti tjetër, po nuk bëzan njeri për eshtrat shqiptare të mbetura fushëbetejave të Sremit dhe kuvërive të tivareve e namenishaneve; nuk flet kush për ëndërrat e mbytura në gjak për një të ardhme plotësisht të lirë midis etnive të lira të botës; nuk tregon njeri me cilin flamur luftuan njësitet shqiptare të këtyre anëve gjatë luftës antifashiste; nuk shpalos kush plagët e sëpatave të rëna mespërmes mishit, ashtit e shpirtit tonë. Nëse është e vërtetë se jemi komb i ndarë nga padrejtësitë historike, kjo duhet thënë zëshëm, sa s’ka metaforfozuar në tabu temë, në muhabet çajtoresh e salephanesh ku shumica nesh tjerrin leshin e grave të huaja dhe drejtojnë fijet e ngatërruara aziatike. Përcaktimi ynë për ndërtimin e shtetit të dy etnive të barabarta nuk parakupton teleisjen e faqeve të historisë, aq më pak të drejtën e maqedonasve për kastrabythjen e simboleve tona, sepse idetë e çatrafilta të sahroshëve mund t’na kthejnë vetëm atje ku ishim dje. Le t’mos kujtojë kush se marifetet e mundshme me flamurin do t’i parandalojnë kastrimet e tjera ndaj shqiptarëve. Do çilet pastaj midja donkishoteske e kojshisë dhe do tentojë ta betonojë dosjen tonë me një integrim total, pas të cilit shqiptarët do heqin dorë nga gjuha, kultura dhe raca e tyre dhe do i drejtohen njëri-tjetrit me: zdravo-zhivo. Natyrisht, kjo nuk do të ndodhë kurrë, sepse kalkulimet e mundshme me flamurin janë në pronësi të popullit. E nëse, megjithatë, ndodh katandisja, duhet rrokur qemanet për t’ia marrë grigjas elegjisë së Bertolt Brehtit kushtuar përsëritjes së përsëritur përsëri:

Dhe viçat pas daulles
e hedhin çapin,
lëkurën për daullen
vetë e japin…

[babadimri]

Te pakten sondazhi nuk ka qene i nevojshem , pse mendoni se ka ndonje shqiptare ketu qe do votoje per "PO" sa kom qesh.


PS: Flamurin e kan pare diku ne ender qe te na ndalojne neve , f.u.c.k FYROM , Ilirida is living here.

Pyetja eshe e logjikshme e prkrahni apo jo vendimin e Gjykates kushtetuese.
Mendoj se doreheqja e krytarit te gjykates Mahmut Jusufi dhe Bajram Pollozhani eshte nje gjest shume simbolik dhe qe beri jehone te madhe. Dmth tash kemi nje krize shume serioze institucionale dhe Maqedonia po fillon rrugen e veshtire para se rte hyje ne Nato dhe Be ti zgjedh problemet e shtepise.
E probleme ka shume dhe maqedonet duhet te fillojne ta kuptojne se keshtu nuk shkon ma jane kalu vijat e kuqe te frontit politik.

[EnkeleaS]

Megjithëse vendimi i Gjykatës Kushtetuese të Maqedonisë shpalos mosgatishmërinë e maqedonasve për tu njohur të drejtën e shtetformësisë dhe shpreh qartë politkën antishqiptare, ajo ka një të mirë. Ky vendim duhet t`u shërbej shqiptarëve, mendoj politikanëve si në pozitë ashtu dhe në opozitë, për (ri)formulim të strategjisë politike dhe mbi të gjitha mesazhi që jep ky vendim drejt tyre është: O shqipëtarë, BASHKOHUNI, krijoni një platformë të veprimit politik afatgjatë, skomunikoni bashkarisht kuislingët. Po të mos ishte ky vendim i kësaj gjykate, nuk do te¨ndodhte asgjë, politikanëve nuk do tu ndihej zëri, por jo, mos u brengosni, sepse as tash jo që po u ndihet zëri: pdsh-istat kërkojnë dorëheqje nga integristët, dhe anasjelltas...këtu nuk kemi të bëjmë me kundërsulm të fuqishëm kombëtar, sepse na e mohuan një gjë kombëtare, jo partiake.