Kuvendi voton shkarkimin e kryeprokurorit Sollaku, Topi e dekreton shkarkimin

[Linda5]

edhe kto na merziten akoma nuk e hoqen sollakun nuk shikojne problemet e popullit po meren me gjera boshe po kshtu eshte bark ploti nuk pyet per bark boshin

[Duaje Siveten]

Shekulli, 21-11-2007

Kryeministri presion për firmosjen e shkarkimit. Topi, 5 ditë jashtë vendit. Kërkon siguri për miratimin e emrit të ri

TIRANË-Kryeministri Sali Berisha ka lënë në mbrëmjen e djeshme sallën e Parlamentit ku debatohej prej gati 48 orësh buxheti për vitin e ardhshëm dhe iu drejtua Presidencës, për një takim kokë më kokë me kreun e shtetit, Bamir Topi.

Duket se mbrëmja e djeshme ka qenë hapësira e vetme kohore e Presidentit për të biseduar me shefin e qeverisë çështjen më të mprehtë, atë "Sollaku", pasi nga sot dhe deri në fundjavë Bamir Topi do të ketë një axhendë të ngjeshur me takimejashtë vendit.

Nga burime të afërta pranë kryeministrit Berisha u mësua se kryesisht gjatë takimit u diskutua për shkarkimin kryeprokurorit Theodhori Sollaku. Burimet saktësuan gjithashtu që presioni i Kryeministrit është i madh, që Presidenti të hedhë firmën për shkarkimin, pasi vetëm pas 5 ditësh edhe vetë Gjykata Kushtetuese do të marrë në shqyrtim kërkesën e Prokurorit të Përgjithshëm, Theodhori Sollaku.

Hetimin e parë kjo Gjykatë e vlerësoi antikushtetues, ndaj lëvizja e Topit duhet të vijë para datës 26 nëntor edhe pse në fakt Gjykata Kushtetuese nuk do të marrë një vendim, po në këtë datë. Në të njëjtën kohë mësohet se përballë presionit në rritje të Kryeministrit, (ku kanë kaluar më shumë se dy javë nga vendimi i Parlamentit për shkarkimin e Sollakut) Presidenti ka si kundër armë emrin e njeriut që do të pasojë Sollakun në detyrën e Kryeprokurorit.

Kreu i shtetit po insiston që kreu i ri i organit të akuzës të zgjidhet emri i propozuar nga ai vetë, por në të njëjtën kohë, kandidatura në fjalë duhettë ketë paraprakisht edhe pëlqimin e Berishës.

Shkarkimi i Sollakut?

Po dje në mbrëmje, pak pas takimit në Presidencë qarkulloi lajmi se Topi e ka bërë gati dekretin, i cili pritet të bëhet publik ditët e ardhshme. Kjo u konfirmua në orët e vona të mbrëmjes nga burime pranë Partisë Demokratike. Ndërkohë, ky lajm i orës së vonë në fakt u mohua nga njerëz pranë Presidentit.

Sipas të gjitha gjasave, presidenti Bamir Topi kërkon të marrë siguri të plotë nga ish-shefi i tij në PD për emrin e Kryeprokurorit të ri, dhe më pas të vendosë për dekretin lidhur me Sollakun. Madje burimet pohojnë se në takimin mes tyre është folur edhe për emra kandidatësh për Kryeprokurorin e ri, përfshi këtu edhe emrin e prokurorit Shkëlqim Hajdari.

Kreu i shtetit, Bamir Topi udhëton sot në drejtim të Brukselit për një takim me Shefin e Diplomacisë Europiane, Havier Solana. Pas kësaj vizite, presidenti Topi do ta vijojë axhendën e tij në Kroaci, në kuadër të zhvillimit të një forumi ekonomik, që do të zhvillohet atje në datat 22-23 nëntor dhe në datat 26 dhe 27 tetor, ai do të jetë për një vizitë në shtetin fqinj, Greqi.

Gjatë kësaj jave, ditët më pak të ngarkuara të axhendës së Presidentit janë e shtuna diela, kohë në të cilën ai, teorikisht, mund të shpallë vendimin e tij për çështjen "Sollaku". Duke parë këtë axhendë të Presidentit, Kryeministri ka kërkuar nga ai sigurinë për firmosjen e dekretit për shkarkimin e Sollakut, gjë që duket e Topi do ta bëjë vetëm kur të marrë konsuesisn për Kryeprokurorin e ri

[RaPSouL]

Presidenti shkarkon Sollakun: Ina Rama, kandidatja per kryeprokurore

Presidenti Bamir Topi ka propozuar per kete post nje gjyqtare te Durresit. Ina Rama eshte kandidatura e Presidentit ne vend te Theodhori Sollakut

Presidenti Bamir Topi firmos shkarkimin e kryeprokurorit Thedhori Sollaku dhe zgjedh emrin e ri per kete detyre. Dekretimi i shkarkimit kete paradite erdhi menjehere pas nje takimi qe pati mengjesin e sotem Presidenti me kryeministrin Sali Berisha. Pasi nje diskutimi koke me koke per emrin e Prokurorit te Pergjithshem, Presidenti Bamir Topi ka propozuar per kete post nje gjyqtare te Krimeve te Renda ne qytetin e Durresit. Ina Rama eshte kandidatura e Presidentit ne vend te Theodhori Sollakut. Propozimi u be i ditur nga keshilltari i kreut te shtetit, Artur Metani. Dekreti per shkarkim dhe propozimi do te kalojnee per votim ne parlament dhe ne rast se ligjvenesit e votojne, Ina Rama do te jete kryeprokuroja e pare femer ne Shqiperi. Dekretimi per shkarkimin e Prokurorit te Pergjithshem dhe propozimi i ri u bene pak para se Presidenti te nisej per nje vizite zyrtare ne Kroaci.

[RaPSouL]

Hajdari: Topi me propozoi per kryeprokuror

Prokurori Shkëlqim Hajdari, ka pranuar se i është propozuar posti i Kryeprokurorit nga Presidenti i Republikës, Bamir Topi dhe se e ka pranuar këtë propozim

Në orët e fundit të vendimit për shkarkimin e kryeprokurorit Theodhori Sollaku dhe zëvendësuesin e tij, ka dalë në skenë një emër i palakuar më parë si kandidat i mundshëm për në krye të Prokurorisë shqiptare. Shkëlqim Hajdari, prokuror në Prokurorinë e Tiranës, mësohet se ka pranuar se i është propozuar posti i Kryeprokurorit nga Presidenti i Republikës, duke e pranuar këtë propozim. Vetë Hajdari ka pranuar faktin se është kandidaturë për kryeprokuror, por nuk ka pranuar të komentojë më tej për këtë fakt.
Nisur nga kandidatura e Shkëlqim Hajdarit, duket se Presidenti Bamir Topi synon vërtet të propozojë në krye të organit të akuzës një njeri brenda prokurorisë dhe që e njeh këtë institucion. Zhvillimet e mëpasme, të cilat mund të vonojnë jo më me ditë, por ndoshta me orë, pritet të tregojnë edhe mbështetjen që do të ketë kandidatura e Hajdarit jo vetëm nga maxhoranca por edhe nga opozita. Fakti që Hajdari nuk i përket asnjë force politike, por është thjesht një prokuror në detyrë, mund të shmangë aludimet për pazare në zgjedhjen e kryeprokurorit të ri.
Por gjithsesi, reagimet pritet të vijnë pasi vetë institucioni i Presidencës të zyrtarizojë kandidaturën e Shkëlqim Hajdarit. Duke mos qenë pjesë e asnjë force politike, vlerësimi i Hajdarit pritet të bëhet në bazë të asaj që ai ka dhënë gjatë viteve në detyrën e prokurorit. Ai i përket të ashtuquajturve, brezi i ri i prokurorëve.
Hajdari ka kryer Akademinë e Rendit si dhe Fakultetin Juridik, të cilin e ka përfunduar në vitin 1992. Ka nisur karrierën e tij fillimisht si oficer i policisë gjyqësore pranë Komisariatit të Policisë nr.4 në kryeqytet dhe më pas oficer i policisë gjyqësore në Prokurorinë e Tiranës. Pas vrasjes së deputetit të Partisë Demokratike, Azem Hajdari në shtator të vitit 1998, Shkëlqimi zgjidhet si një nga hetuesit e kësaj çështjeje, e cilësuar ndryshe edhe si “dosja e shekullit” të kaluar. Edhe pse ende i ri në profesion, Hajdari së bashku me grupin e posaçëm të hetimit, arritën ta përballonin hetimin e një çështjeje të tillë, ku nuk kanë munguar edhe presionet si dhe kërcënimet. Pasi gjykata dha vendimin për vrasjen e deputetit Azem Hajdari, Shkëlqimi në vitin 2003 emërohet prokuror me propozimin e kryeprokurorit aktual, Theodhori Sollaku. Që nga viti 2003 e në vazhdim, Shkëlqim Hajdari ka kryer detyrën e prokurorit në Prokurorinë e Tiranës. Ai është zgjedhur gjithashtu edhe sekretar i Shoqatës së Prokurorëve të vendit. Preferencat e tij jashtë detyrës janë futbolli dhe në mënyrë të veçantë, ekipi i Partizanit.

(GazetaShqiptare)

[Borix]

Hajt per hajer edhe kryeprokurori qe do vije. Eshte interesante se si veprohet ne Shqiperine e brishte me emerimet e prokuroreve. Pse vertet kujtoni se Topi firmos?

[RaPSouL]

Kuvend, miratohet me 83 vota pro kryeprokurorja e re, Ina Rama

Kuvendi votoi me 83 vota pro, 33 kunder dhe 5 abstenim dekretin e presidentit Topi per kryeprokuroren e re te vendit. Te pranishem ne sale ishin 121 depuete. Votimi eshte bere me kuti ku gjithesecili prej deputeteve te pranishem dha voten e tij te fshehte.

Ora 16:10 Ina Rama eshte prokurorja e re e pergjitshme e Shqiperise. Kuvendi votoi me 83 vota pro, 33 kunder dhe 5 abstenim dekretin e presidentit Topi per kryeprokuroren e re te vendit. Te pranishem ne sale ishin 121 depuete. Votimi eshte bere me kuti ku gjithesecili prej deputeteve te pranishem dha voten e tij te fshehte.

15:20 Ka filluar ne kuved votimi per dekretin e shkarkimit te prokurorit te pergjithshem Theodhori Sollaku dhe emerimin e kryeprokurores se re Ina Rama.

Berisha: Votoni per institucionin e se drejtes. Une s’e kam takuar Ina Ramen. E emeroi KLD

Ora 14:45-Kryeministri Sali Berisha nuk ka komentuar asnje nga deklaratat e Sollakut madje duke mos e lakuar aspak emrin e ketij te fundit ai eshte perqendruar tek figura e Ina Rames, kandidates se propozuar per kryetare te akuzes. “Sot ne votojme per te vendosur institucionin e akuzes ne kuroren e institucioneve te se drejtes. Sot Presidenti i Republikes sjell per here te pare nje personalitet tek e cila ka pasur besimin e plote te te gjithe spektrit parlamentar”, tha ne hyrje te fjales se tij Berisha. Kreu i qeverise ka mohuar ta njohe personalisht zonjen Ina Rama dhe ka theksuar se ajo eshte zgjedhur nga Keshilli i Larte i Drejtesise. “Nuk e kam takuar ndonjehere kandidaten e zgjedhur per Prokurore te Pergjithshme nga Presidenti. Zonja i perket atyre gjykatesve te ketij vendi qe kane patur meriten te meritoje emerimin ne Gjykaten e Apelit te Krimeve te Renda. Nuk e ka emeruar Bamir Topi, as Sali Berisha, e ka emeruar zoti Ilir Panda dhe nje Keshill i Larte i Drejtesise”, tha Berisha.

Kuvend, Brace: Shkarkimi i Sollakut, atentat ndaj Kushtetutes

Nenkryetari i grupit kuvendor socialist Erion Brace ka reaguar ashper ndaj vendimit te presidentit per shkarkimin e kryeprokurorit te pergjithshem Theodhori Sollaku. Duke analizuar kete vendim numri dy i socialisteve ne Kuvend e ka cilesuar vendimin e kreut te shtetit nga pikepamja administrative akt jo transparent, joserioz dhe qesharak, duke shtuar se nga pikepamja ligjore ehste nje atentat kunder Kushtetutes.
Brace akuzoi presidentin se eshte treguar i njeanshem ne marrjen e vendimit per shkarkimin e kreut te akuzes duke thene se ai eshte konsultuar per marrjen e ketij vendimi me Berishen, kreun e ekzekutivit, pushtet qe sipas Braces eshte ne konflikt me prokurorine. “Presidenti premtoi se do bashkepunonte me opoziten ashtu sikurse premtoi se do te mbronte pavaresine e pushteteve, por nuk ndodhi; presidenti mohoi veten e tij, na genjeu nga Brukseli” tha Brace.
Duke sjelle ne kujtese se vendimi per shkarkimin e prokurorit te pergjithshem merret pak dite para mbledhjes se Gjykates Kushtetuese, e cila do te vendose te henen per kushtetueshmerine e komisionit hetimor “Sollaku 2”, Brace tha se vendimi I presidentit eshte nje akt i njeanshme qe cenon kushtetetuten, demokracine dhe paanesine e institucioneve.

Xhufi: Dekretimi i shkarkimit te Sollakut, surprize e pakendshme

LSI shpreh zhgenjimin e saj per vendimin e presidentit Topi per shkarkimin e kryeprokurorit Theodhori Sollaku. Kryetari I grupit kuvendor te kesaj partie pellumb Xhufi tha sot ne Kuvend se vendimi i presidentit ishte nje surprise e pakendshme. “Gjesti mund te percaktohet si nje gjest jo i denje, madje buracak. Surprize e pakendeshme. Neqoftese Presidenti i Republikes e ka marre vendimin ne avion jo me kembe ne toke kjo nuk eshte denje per figuren e tij”, tha Xhufi duke kujtuar se presidenti eshte nisur per ne Kroaci qe paraditen e sotme.

Xhaferri: Vendimi i presidentit i drejte

Deputeti demokrat Ferdinand Xhaferri ka dale ne mbrojtje te vendimit te presidentit te republikes per firmosjen e dekretit te shkarkimit te kryeprokurorit Theodhori Sollaku. “Presidenti ka mese dy jave qe ka ne dispozicion raportin e komisionit hetimor per prokurorin e pergjithshem. Nga ana tjeter presidenti eshte institucion i pavarur dhe nuk ka asnje detyrim ndaj institucioneve te tjera” tha Xheferi duke iu pergjigjur deklaratave te opozites se Topi duhet te prese vendimin e Gjykates Kushtetuese per komisionin hetimor para se te vendoste per kryeprokurorin. Duke vleresuar kandidaturen e kreut te shtetit per postin e kreut te akuzes, Xhaferri theksoi se zonja Ina Rama nuk ka lidhje ma Partine Demokratike. Me tej deputeti democrat I beri thirrje deputeteve te opozites te shohin me me maturi ceshtjen dhe te tregohen me serioze me lidhje me te.

PS-Balla: Topi genjeu Solanen

Taulant Balla ka akuzuar Presidentin se ka genjyer Solanen per ceshtjen e Prokurorit te Pergjithshem. “C’eshte ky president qe dje ne Bruksel i tha Solanes se nuk ka kryer asnje firmosje per shkarkimin e Prokurorit te Pergjtihshem. Nderkohe sot qe ne oren 5 te mengjesit ka firmosur 4 dekrete mes tyre dhe shkarkimin e Sollakut”, diskutoi ne sallen e parlamentit ne 60 minuta debat te lire, deputeti i PS.
Edhe Blendi Klosi e Namik Dokle deklaruan qe ne nisje te seances se nuk do te votojne dekretin per shkarkimin e kryeprokurorit te firmosur sot nga Presidenti Bamir Topi. “Nuk e kemi votuar qe ne fillim procesin per shkarkimin e Sollakut. Deklarojme se jemi kunder ketij dekreti”, thane ate ne seancen paralementare qe vazhdon ende me debate te nxehta.

Deputetet socialiste: Do votojme kunder kandidatures se Ina Rames

Ora 12:30 -Kuvendi i Shqiperise ka nisur punimet, nderkohe qe priten debate te ashpra ne lidhje me ceshtjen e shkarkimit te kryeprokurorit dhe emerimin e kandidatures se Ina Rames per kete post te propozuar nga presidenti Topi. Pak para fillimit te seances deputetet socialiste deklaruan voten e tyre kunder kandidatures se presidentit. Ata e moren vendimin ne nje mbeldhje urgjente te grupit, pas vendimit te kreut te shtetit per te shkakrkuar nga posti kryeprokurorin Sollaku.
Nderkaq mesohet se votimi per kreun e ri te organit te akuzes do te behet me kuti.

Theodhori Sollaku reagon: Shkarkimi im, pazar politik si ai i zgjedhjes se Topit

Ora 11:58-Theodhori Sollaku ka reaguar menjehere pas dekretimit te shkarkimit te tij nga Presidenti Bamir Topi. “Shkarkimi im procedure false”, e ka quajtur Sollaku dekretimin e sotem. Sipas tij Sollakut, Presidenti duhet te kishte pritur vendimin e Gjykates Kushtetuese. “Vendimi per shkarkimin tim eshte rezultat i pazareve qe cuan Topin ne krye te shtetit. Nuk kisha iluzion qe do te ndodhte ndryshe duke pare dhe ardhjen e Topit ne pushtet. Presidenti nuk pati kuraje te diskutonte me mua” , u shpreh Sollaku duke shtuar se Topi e ka ratifikuar gjate nates raportin e hartuar nga mazhoranca, frut i Komisionit Hetimor te zhvilluar para pak kohesh. "Eshte per te ardhur keq qe shkeljet e renda te kushtetues qe nga nisja e Komisionit Hetimor e deri ne miratimin e raportit te tij ne parlament jane miratuar e ratifikuar naten", tha Sollaku duke shtuar se Topi s'beri gje tjeter vecse plotesoi kapricon e shefit te tij.

Theodhori Sollaku ne kete dalje te pare publike pas shkarkimit te tij nga Presidenti falenderoi ish-presidentin Meidani qe dekretoi kryeprokuror, ish-Presidentin Moisiu qe nuk dekretoi raportin per shkarkim te Komisionit te pare. Sollaku drejtoi falenderime edhe ne adrese te familjes se tij per mbeshtetjen ne profesionin e tij, median dhe prokuroret qe sic theksoi ai “edhe ne kushtet e presionit politik e ndihmuan dhe nuk rane pre e pazarlleqeve”.

Kryeprokurori, nderpritet seanca ne Parlament. PS: Na njihni me CV-ne e Ina Rames

Ora 11:25-Seanca parlamentare e radhes ne Kuvend eshte nderprere pak pas fillimit te saj. Grupi kuvendor i PS ka kerkuar nderprerjen e seances dhe shkak per kete ka qene kandidatura per Prokurorin e Pergjithshem. PS ka kerkuar nderprerjen e menjehershme te seances dhe kerkoi te njihet me CV-ne e kandidatures se Presidentit, Ina Rama.

Presidenti shkarkon Sollakun: Ina Rama, kandidatja per kryeprokurore

Ora 10:10-Presidenti Bamir Topi firmos shkarkimin e kryeprokurorit Thedhori Sollaku dhe zgjedh emrin e ri per kete detyre. Dekretimi i shkarkimit kete paradite erdhi menjehere pas nje takimi qe pati mengjesin e sotem Presidenti me kryeministrin Sali Berisha. Pasi nje diskutimi koke me koke per emrin e Prokurorit te Pergjithshem, Presidenti Bamir Topi ka propozuar per kete post nje gjyqtare te Krimeve te Renda ne qytetin e Durresit. Ina Rama eshte kandidatura e Presidentit ne vend te Theodhori Sollakut. Propozimi u be i ditur nga keshilltari i kreut te shtetit, Artur Metani. Dekreti per shkarkim dhe propozimi do te kalojnee per votim ne parlament dhe ne rast se ligjvenesit e votojne, Ina Rama do te jete kryeprokuroja e pare femer ne Shqiperi. Dekretimi per shkarkimin e Prokurorit te Pergjithshem dhe propozimi i ri u bene pak para se Presidenti te nisej per nje vizite zyrtare ne Kroaci.

(d.b/e.m)

[Antimafia]

http://www.president.al/shqip/info.asp?id=3660

Njoftim për shtyp i Zyrës së Presidentit të Republikës.

22 nëntor 2007

Në datë 05.11.2007 Kuvendi i Shqipërisë i ka dërguar Presidentit të Republikës vendimin nr.141 të tij, me të cilin është miratuar raporti i komisionit hetimor parlamentar për shqyrtimin e kërkesës për nisjen e procedurës së shkarkimit nga detyra të Prokurorit të Përgjithshëm, si dhe dokumentacionin shoqërues mbi të cilin është mbështetur ky vendim.

Në pozicionin e kreut të shtetit, Presidenti ka monitoruar çdo marrëdhënie institucionale në rrafshin kushtetues dhe marrëdhëniet ndërinstitucionale të krijuara prej disa kohësh ndërmjet Kuvendit Popullor dhe Prokurorit të Përgjithshëm. Në boshtin e të gjithë analizës juridike të kësaj çështjeje Presidenti ka vendosur respektin ndaj parimeve kushtetuese dhe pavarësisë së pushteteve.


Në deduksionet ligjore të kësaj analize, Presidenti është njohur dhe ka marrë në konsideratë edhe disa vendime të Gjykatës Kushtetuese të cilat, në mënyrë të drejtëpërdrejtë ose jo, kanë komentuar dhe interpretuar praktika të njohura më parë, në lidhje me kërkesa të ngjashme për shkarkimin e Prokurorit të Përgjithshëm dhe procedurave të ndjekura nga Kuvendi i Shqipërisë dhe Presidenti.


Presidenti i Republikës e ka ndjekur me shumë vëmendje të gjithë procesin e ndjekur nga Kuvendi i Shqipërisë për të hetuar veprimtarinë e Prokurorit të Përgjithshëm, dhe për të arritur në konkluzione objektive lidhur me të. Kjo, për rëndësinë e posaçme që ka figura e Prokurorit të Përgjithshëm përsa i përket funksionit kushtetues të organit të prokurorisë, si organ i ushtrimit të ndjekjes penale. Funksionimi i organit të akuzës ka një impakt të drejtëpërdrejtë në luftën kundër krimit, i cili në kushtet e Shqipërisë, ndikon në funksionimin e shtetit dhe mbrojtjen e vlerave të demokracisë. Nga ana tjetër, kjo procedurë parlamentare për hetimin e veprimtarisë së z.Theodhori Sollaku, si Prokuror i Përgjithshëm, kërkonte vëmendje të posaçme edhe për arsyen se ndaj tij është zhvilluar një procedurë e njëjtë, një vit më parë. Gjithashtu, Presidenti pa me vëmendje vendimmarrjen e Kuvendit dhe dokumentacionin mbi të cilin ky vendim është marrë, si dhe studioi me të njëjtën vëmendje kundërshtimet e Prokurorit të Përgjithshëm lidhur me konkluzionet e Kuvendit dhe pasi u konsultua me specialistë të njohur, arriti në përfundimin se duhet të dekretojë shkarkimin e z.Theodhori Sollaku nga detyra e Prokurorit të Përgjithshëm.


Presidenti i gjen të mbështetura argumentimet mbi të cilat është bazuar Kuvendi i Republikës për propozimin e tij lidhur me përgjegjësinë që ka Prokurori i Përgjithshëm në shkeljet e konstatuara dhe pasojat e ardhura. Në gjykimin e Presidentit të Republikës, pa dashur të shmangen përgjegjësitë e prokurorëve për çështjet konkrete, fakti që prokuroria në Republikën e Shqipërisë, sipas nenit 148 të Kushtetutës, është organ i centralizuar dhe autoriteti i Prokurorit të Përgjithshëm është ruajtur pikërisht për të kontrolluar dhe verifikuar veprimtarinë e prokurorisë në të gjithë sistemin e saj, e bën figurën e Prokurorit të Përgjithshëm mjaft imperative si në arritjet ashtu dhe në mosrealizimet apo mossukseset e organit në tërësi. Në vlerësimin e Presidentit të Republikës është fakt i pamohueshëm se veprimtaria e prokurorisë nuk i është përgjigjur sa dhe si duhet fenomeneve të zhvilluara të krimit të organizuar, korrupsionit dhe krimit në tërësi, gjë që ka ndikuar në funksionimin e shtetit dhe në pasigurinë e jetës së qytetarëve.

Elementë të veprimtarisë së Prokurorit të Përgjithshëm me pasojat e mësipërme, të parashtruara në mbështetje të propozimit për shkarkimin e tij, Presidenti i gjen të tilla sikurse parashikon neni 149 i Kushtetutës, të interpretuar dhe nga Gjykata Kushtetuese në vendimin e saj nr.75, datë 19.04.2002, e cila arsyeton se «kuptimi i saktë dhe i drejtë i shprehjes shkelje të rënda të ligjit gjatë ushtrimit të funksioneve të tij, të përdorura në këtë dispozitë kushtetuese, por edhe në të tjera, duhet të vlerësohet dhe analizohet në tërësi nga disa faktorë që kanë të bëjnë me rëndësinë e shkeljes së ligjit, pasojat e ardhura apo që mund të vinin nga kjo shkelje, kohëvazhdimin e këtyre pasojave dhe të vështirësive për riparimin e tyre si dhe vetë qëndrimin subjektiv që mban personi konkret ndaj shkeljes së kryer dhe pasojës së ardhur ».


Presidenti vlerëson se prokurori aktual, Z.Theodhori Sollaku, nuk i ka përmbushur funksionet e tij kushtetuese dhe ligjore. Ai nuk ka arritur të ndikojë me autoritetin dhe kompetencën e tij për të evituar shkeljet e konstatuara nga komisioni hetimor parlamentar në veprimtarinë e organit të akuzës dhe nuk ka siguruar dot një bashkëpunim me strukturat e tjera të shtetit për të luftuar dhe parandaluar sa duhet krimin në vend. Për këtë arsye, Presidenti çmon se propozimi i Kuvendit për shkarkimin e z. Theodhori Sollaku nga detyra e Prokurorit të Përgjithshëm është i bazuar në Kushtetutën e Republikës së Shqipërisë dhe si President i Republikës, në zbatim të Kushtetutës dhe në mbrojtje të saj, ai dekretoi shkarkimin e tij.


Gjithashtu, dëshiroj t’ju informoj se sot Presidenti i Republikës ka dekretuar emërimin e Prokurorit të ri të Përgjithshëm, e cila është
znj.Ina Rama, e vitlindjes 1972, e vendbanimit Durrës, dhe status civil e martuar. Znj.Rama ka përfunduar studimet në Fakultetin e Drejtësisë të Universitetit të Tiranës me rezulate të shkëlqyera. Më pas, zj, Rama ka përfunduar Shkollën e Magjistraturës, në të cilën është klasifikuar e para ndër kandidaturat e tjera. Zj Rama është në sistemin gjyqësor prej vitit 1996 dhe prej janarit 2005, është anëtare e Gjykatës së Apelit për Krime të Rënda. Ka kryer mjaft kualifikime profesionale dhe zotëron shumë mirë gjuhët anglisht dhe italisht.

[RaPSouL]

"Ina, një muaj ankth pas propozimit"

Intervista/ Flet regjisori Haxhi Rama, babai i Kryeprokurores së re të Republikës

Kufizimet elektrike nuk e kanë lënë jashtë etheve të procesit të votimit, babain e Inës, Haxhi Ramën, apo siç e njohin të gjithë Xhixhin. Ankth dhe emocion për të mbyllur një fazë gati njëmujore, qëkur Ina ishte propozuar si pasuesja e Theodhori Sollakut në postin më të lartë të akuzës shqiptare. Ende i emocionuar, Haxhi Rama tregon për "Shqip" për të bijën, si i erdhi propozimi, a do të mundet ta përballojë detyrën dhe tensionet e saj, si e vlerësoi votimin në Kuvend dhe reagimin e kryesocialistit Edi Rama pas seancës parlamentare. Biseda me të ndërpritet vazhdimisht nga zilja e celularit, nëpërmjet të cilit pret urimet nga miqtë e të afërmit.

A ishte i papritur për ju propozimi që iu bë Inës për postin e Kryeprokurores?

Kishte më se një muaj që Inës i ishte thënë diçka në një bisedw në tavolinë me miq specialistë të fushës. Atëherë ajo ma tha si një propozim që gjithsesi e kishte marrë si një vlerësim po dhe me të qeshur. Me kalimin e kohës, u kuptua se ajo që ishte hedhur në tryezë po piqej gjithnjë e më shumë dhe se figura e saj ishte testuar dhe nënshtruar sondazheve në rrethet e specialistëve. Nga të gjitha anët merrte telefonata mbështetjeje. Më vjen çudi që media nuk arriti ta zbulonte ndër kandidaturat që paraqiste dhe emrin e saj.

E dinit që sot do të votohej në Kuvend për të?

Jo, ndonëse dihej se këto ditë do të bëhej propozimi zyrtar. I shoqi erdhi nga Italia për këtë qëllim pak ditë më parë. Goni ishte i pari që ma dha lajmin sot, ndërsa vajza më njoftoi për të ndjekur votimin. E ndoqa plot ankth e tension në një lokal diku nga Vollga me dy miq.

Si iu duk rezultati i votimit dhe reagimi i kryesocialistit Rama?

Në fakt, prisja diçka më shumë. Pasi deputetët duhet të vlerësonin faktin që Ina nuk i përket asnjërit krah të politikës dhe është tepër profesionale në punën e saj, jo se është ime bijë... Megjithatë, rezultati mund të quhet i kënaqshëm, ajo që më shqetëson është se sa shpejt do të përshtatet ajo me detyrën e re, me ambientin ndonëse kam besim të plotë tek Ina dhe aftësitë e saj të treguara që në fëmijërinë e hershme. Sa për Ramën, ai përfaqëson opozitën dhe pritet kundërshtimi. Gjithsesi ai nuk u shpreh kundër kandidaturës së Inës, po kundër procedurës së ndjekur.

Nuk janë të paktë ata që mendojnë se posti është një barrë e rëndë për shpatullat e brishta të saj. Ju si mendoni?

Koha do ta tregojë. Arma e saj sekrete është fryma e së resë, profesionalizmit që zotëron dhe anës komunikative. Padyshim do të dijë të dëshmojë se është e zonja të përballojë këtë sfidë me dinjitet. Ina ka një personalitet të fortë.



Ditëlindja


Dhurata e madhe për 35-vjetorin


Dhurata më e bukur për 35-vjetorin e lindjes së Ina Ramës është emërimi në detyrë si Prokurore e Përgjithshme e Republikës së Shqipërisë. Presidenti Topi dhe Kryeministri Berisha, një ditë pas ditëlindjes së gjyqtares së Gjykatës së Apelit të Krimeve të Rënda në Tiranë, Ina Rama, e kanë emëruar atë si pasardhëse e prokurorit Thoedhori Sollaku. Kryeprokurorja Rama lindi më 21 nëntor tw vitit 1972 në Tiranë dhe ka jetuar e studiuar në Durrës. Në vitin 1995, është diplomuar në Fakultetin e Drejtësisë. Në janar të 2005-ws, emërohet në Tiranë si eksperte në programin e gjyqtarëve, funksion të cilin e ka kryer deri në këto momente. Ina Rama njihet në qytetin bregdetar të Durrësit si vajza e regjisorit dhe skenaristit Haxhi Rama. Ajo punon në sistemin gjyqësor prej vitit 1996, dhe prej janarit tw 2005-ws, është anëtare e Gjykatës së Apelit për Krime të Rënda. Ka kryer mjaft kualifikime profesionale dhe zotëron shumë mirë gjuhët anglisht dhe italisht.

Shqip