Londer,Bojkotohet takimi me ambasadorin e ri Zef Mazit

[Shijaksi-London]

Nente shoqata shqiptare në Angli nuk marrin pjesë në takimin e prezantimit

Bojkotohet takimi me ambasadorin e ri Zef Mazit


Ambasador "Kujdes nga orientimet për qëndrime klienteliste"

Nga Londra
Muhamed Veliu



Nëntë drejtuesit e shoqatave të emigrantëve shqiptarë në Angli nuk kanë marrë pjesë në një takim njohje me ambasadorin e ri të Republikës së Shqipërisë në Britaninë e Madhe zotin Zef Mazi.

Inicuese e organizimit të mos shkuarjes në takim është gazeta më e madhe shqiptare ne Britani "The Albanian" të cilës nuk ju kthye asnjë përgjigje zyrtare nga funksionarët e ambasadës në lidhje me disa pytje që kjo gazetë i drejtonte ambasadorit të ri.

Mazi ka dhënë intervistën e tij të parë si ambasador në Britaninë e Madhe për një tjetër gazetë shqiptare e cila në komunitetin shqiptarë në Angli shikohet si mjet dizinformimi apo sulmesh personale nga financuesit e saj. Njëri prej të sulmuarve padrejtësisht nga kjo gazetë ishte ish paraardhësi i Mazit ambasadori Kastritot Robo dhe shoferi i kësaj ambasade Shkëlzen Geci. Madje edhe ish ministri i jashtëm Besnik Mustafaj me këshilltaren Desada Meta numrat e celularit të cilëve ju botuan nga kjo gazete.

Burime të rezervuara thonë se ishin këshilltarët e ambasadorit të cilët kanë ndëryrë që ai të japë këtë intervistë në atë organ të panjohur për vetë ambasadorin.

"Ne besuam se së bashku me ftesën do të kishin në postën tonë elektronike apo atë normale, arsyet se pse Ju zoti Ambasador nuk degjuat të na kthenit përgjigje në lidhjet me pyetjet e drejtuara mbi detyrën tënde të re. Si çdo media ne dëshiruam që të pasqyronim aktivitetin e përfaqësisë shqiptare në Londër, nisur nga rotacioni në këtë ambasadë. Kjo ishte në vazhdën e kontakteve të herëpashershme që kemi patur me paraardhësin tuaj, apo me stafin e ambasadës, si pjesë e misionit tonë për të informuar mërgimtarët shqiptarë në Mbretërinë e Bashkuar" thuhet në fillim të një letre të hapur drejtuar ambasadorit Zef Mazi.

Më tej në këtë letër e cila i është dërguar edhe ministrit Lulzim Basha shkruhet se redaksia e "The Albanian" dhe nëntë shoqatat që nuk shkuan në takim, nuk dëshirojmë të besojmë se ambasadori Mazi është i prirë apo i orientuar për qëndrime klienteliste, që nuk i shërbejnë aspak shqiptarëve në Mbretërinë e Bashkuar, madje e shëmtojnë imazhin dhe misionin e një ambasadori, si përfaqësues i shtetit shqiptar.

Përveç problemit me gazetën The Albanian duket se "harresa" per te ftuar disa personaliteteve të njohura nga komuniteti shqiptar ka qënë një tjetër shkak për të mos i'a pirë dollinë e mirseardhjes ambasadorit Mazi.

"Por duke lënë mënjanë gazetën, dëshirojmë që t'Ju informojmë se arsyeja tjetër për mospjesëmarrjen tonë në këtë takim, qëndron në tendencat për ndarje që i janë bërë komunitetit. Na lejoni t'iu vëmë në dijeni se u befasuam, ndërsa komunikuam me shumë organizma dhe shoqata, të cilat kanë shërbyer prej kaq kohësh në Britani dhe që kontributi i tyre është shumë i çmueshëm, por që mjerisht nuk ishin ftuar në këtë takim. Shumë prej këtyre organizatave kanë shërbyer si ambasada të shqiptarëve në Britani, në momentet kur këtu nuk kishim përfaqësi diplomatike dhe aktivistët e këtyre shoqatave u shndërruan në ambasadorë të shkëlqyer të mëmëdheut. Ne nuk arrijmë të gjejmë asnjë arsye se pse këto organizata nuk janë të ftuara në këtë takim dhe e quajmë si tepër absurde moslajmërimin e tyre" përfundon letra e hapur mbushur me indinjatë në adresë të Ambasadës shqiptare në Londër. Në numrin e muajit Tetor, The Albanian botim i shoqatës Edith Durham ka lënë një faqe bosh me pikpyetje në mes ku u tregon lexuesve se në atë faqe duhej të ishte intervista e ambasadorit të ri Zef Mazi.

Shoqatat që nuk pranuan të shkojnë në takim.

1. Shoqata "Edith Durham"

2. Shoqata "Ardhmeria"

3. "Qëndra për studime shqiptare"

4. Shoqata "MEAF" Birmingam

5. Shoqata "Skënderbeu"

6. Shoqata "Dituria"

7. "Kosova Islamic Centre"

8. Shoqata "Arbëria"

9. "Anglo Albanian Association"

[Fenomeni]

Ti, ne radhe te pare s'duhet te mbash logo te Erzenit te Shijakut nese pretendon se flet per shqiptaret ne pergjithesi dhe jo vetem per shijakasit!

Se dyti,
te gjithe ju qe mbaheni si intelektuale ne Britani, jeni nje grumbull i madh plehrash dhe bene mire ambasadori i ri qe ju injoron!

Morracake! Nga vete pozita e gazetarit apo kryetarit te dickaje, duhet te ishit munduar, te pakten formalisht per t'i legalizuar shqiptaret e mbytur nga malli per njerzit dhe vendin e tyre.

Perderisa asgje nuk keni bere ne anen pozitive dhe keni dhene mjaft mesazhe negative, ne dem te shqiptareve, KUJDES SE JU BEHET SHPINA ME E BUTE SE BARKU NDONJE DITE!

HESHTNI!

[cufi british]

eshte shume e vertete keto qe tha zoteria me lart.keta intelectuale lytha qe hiqen me te shejte se papa,vete kane hyre me ndonje vize fallco the tani na shesin mend bile dojne me respect se sa ambasadori i ri .

[bebushja]

opo ca shoqatash thote ky mer anomi ca flet ky sikur u be nomi nga shoqatat ketu ,pffffffff

[lojaxhiu]

Pse mendon se njerezve do i behet vone per sherre ndermjet gazetash? Per shkak se ai dha interviste me nje gazete rivale paska plasur ky sherr. Pune e madhe....

Pale, pale, na thua se edhe nuk paraqet opinone por vetem ndodhite. S'kam pare ndonjehere artikull me te mbushur me opinione, paragjykime dhe kercenime se sa ky. Publiku nuk ka nevoje per lajme qe mundohen ti thone se cfare duhet te mendojne...