Zbulime arkeologjike ne Shqiperi

[fegi]

Zbulohet mozaiku i Apollonisë
Një grup arkeologësh që po punojnë në qytetin antik të Apollonisë kanë zbuluar mozaikët e famshëm që ndodhen aty.
Mozaikët pjesën më të madhe të kohës qëndrojnë të mbuluar për t’i shpëtuar shkatërrimit.
Hapja e këtij mozaiku është regjistruar edhe nga ajri nga Alket Islami.
Ky mozaik nuk është gjithë kohës i ekspozueshëm dhe ky ishte një nga rastet për të shijuar këtë bukuri të antikitetit.

[fegi]

Përpjekje për rikthimin e ikonave të grabitura në kishat shqiptare

Publikuar: 23.08.2011 -
Autoritetet greke janë përfshirë në një bashkëpunim intensiv me strukturën ndërkombëtare policore të Interpolit pas shtimit të rasteve të grabitjeve të objekteve me vlerë historike, kulturore dhe fetare në objektet e kultit. Në bashkëpunimin e Interpolit janë përfshirë edhe disa objekte me vlera të rralla të grabitura në disa kisha, kryesisht në jug të Shqipërisë, të cilat kanë përfunduar në Greqi dhe më pas drejt vendeve të tjera. Sipas shtypit lokal të Janinës, që i referohet prefektit të Janinës, Kahrimanis, autoritet greke dhe ato të Interpolit në objektete e lokalizuara jashtë Greqisë kanë gjetur edhe një ikonë të grabitur në një kishë në Gjirokastër. Bëhet fjalë për ikonën e Shën Mërisë e cila i përkiste kishës së Pogonit të Gjirokastrës. Kjo ikonë u grabit dhjetë vjet më parë dhe dyshohej se u trafikua drejt Greqisë. Ikona konsiderohej si një nga ikonat mrekullibërëse duke e bërë këtë kishë nga më të frekuentuarat nga besimtarët. Shtypi grek që u referohet burimeve zyrtare të prefekturës së Janinës flet se ikona është lokalizuar në Londër dhe po bëhen përpjekje për ta rikthyer. Një klerik ortodoks në Mitropolinë e Gjirokastrës tha pak ditë më parë gjatë kremtimeve të Shën Mërisë se ky ishte një lajm i mrekullueshëm për besimtarët. I mbetet autoritetit të Kishës Ortodokse Autoqefale Shqiptare dhe Ministrisë shqiptare të Kulturës që të bëjnë më pas përpjekje për ta sjellë ikonën me vlera të rralla në Shqipëri. Gazeta “Fjala e Mëngjesit” që del në Janinë shkruan se edhe disa objekte të tjera janë identifikuar në vende të ndryshme si në Amsterdam të Hollandës.

Gjatë viteve të fundit në disa kisha disa qindra vjeçare në Shqiëpri janë grabitur objekte fetare me vlera të rralla si pjesë ikonostasesh , ikona të vjetra dhe objekte fetare. Shumë prej tyre kanë qenë të përfshira në regjistrin e pasurive kulturore.

Autoritet shqiptare kanë arritur viteve të fundit të rikthejnë nga Greqia dhe Italia objekte arkeologjike por pa mundur të identifikojnë një seri vlerash të tjera të grabitura në muzeumet shqiptare kryesisht gjatë viteve të tranzicionit dhe trazirave të dhunshme të vitit 1997.
http://img842.imageshack.us/img842/3...3081122121.jpg

[javan]

Zbulohet anija 2100-vjeçare
17/08/2011



Një anije që besohet se i përket periudhës mes shekullit të dytë dhe të parë para erës sonë është zbulimi më i fundit i ekipit të studiuesve shqiptaro-amerikane.

Reliket e saj janë gjendur në perëndim të ishullit të Sazanit, në një thellësi prej 50 metrash. Kjo anije është e gjatë rreth 30 metra dhe gjendet poshtë këtyre amforave, të cilat mendohet se janë mbi 300 copë. Ato i kanë rezistuar kohës prej gati 2100 vitesh, duke mbetur në gjendje shumë të mirë.

Sipas arkeologëve, kjo gjetje është mjaft e rrallë në Mesdhe dhe besohet se do të ndriçojë fakte të panjohura që kanë të bëjnë me popullsinë e Ilirisë së jugut që ishte vendosur gjatë bregdetit si dhe marrëdhëniet tregtare me vendet e tjera.

Sipas hipotezave paraprake, anija mund të ketë lidhje me betejat e Luftës Civile dhe zbarkimin e Jul Cezarit dhe ushtrisë së tij, në kërkim të gjurmëve të Pompeut. Për arkeologun Jeff Royal, këto gjetje relikesh, së bashku me amforat, dëshmojnë për një tregti të madhe verërash të zhvilluara në shekullin e dytë dhe të parë para erës sonë.

Dr. Adrian Anastasi, i Institutit të Arkeologjisë, është shprehur se “zbulimi i këtij reliti shënon një sukses të rëndësishëm jo vetëm për ekspeditën, por edhe për arkeologjinë nënujore shqiptare.
Ndërsa Auron Tare, i Qendrës Shqiptare të Kërkimeve Detare, thotë se “zbulimi i këtij reliti të mrekullueshëm mund të sjellë dëshmi shumë interesante për një periudhë të njohur të historisë së Romës të zhvilluar në brigjet e Ilirisë Antike.

Por, zbulimet arkeologjike kërkojnë edhe laboratorë për tu konservuar si dhe muze për tu ekspozuar. Themeluesi i Fondacionit amerikan RPM, financieri Gergo Robb Jr thote se “zbulimet e 5 viteve të fundit mund të krijojnë një muze unikal për Ballkanin, por fatkeqësisht nuk ka asnjë laborator apo muze, i cili të jetë i gatshëm për këtë mundësi të madhe që i jepet Shqipërisë”.

Ekspedita shqiptaro-amerikane operon në bordin e anijes Herkules dhe është cilësuar nga mediat amerikane si një prej 10 më të rëndësishmeve të këtij lloji në botë. Ajo ka për qëllim krijimin e hartës së pasurive arkeologjike dhe historike nënujore. Deri më sot ka zbuluar deri mbi 20 anije në ujrat shqiptare dhe mbi 15 të tjera në ato të Malit te Zi.

Ky lajm qe botuar ne Toronto Star me date 23 Gusht. Zakonisht kjo gazete nuk boton gje ne lidhje me Shqiperine, perpos ndonje lajmi sensacional negativ.

[javan]

Zbulohet mozaiku i Apollonisë
Një grup arkeologësh që po punojnë në qytetin antik të Apollonisë kanë zbuluar mozaikët e famshëm që ndodhen aty.
Mozaikët pjesën më të madhe të kohës qëndrojnë të mbuluar për t’i shpëtuar shkatërrimit.
Hapja e këtij mozaiku është regjistruar edhe nga ajri nga Alket Islami.
Ky mozaik nuk është gjithë kohës i ekspozueshëm dhe ky ishte një nga rastet për të shijuar këtë bukuri të antikitetit.

http://www.youtube.com/watch?v=BaVFE..._order&list=UL

........Swastika.

[fegi]

Pasuria kulturore, mbi 2 mijë objekte të trafikuara, rikthehen në Shqipëri vetëm 8 copë

Publikuar te Merkuren, 14 Shtator 2011 Shkruar nga SOT NEWS
Qendra Kombëtare e Inventarizimit të Pasurive Kulturore është institucioni përgjegjës për regjistrimin dhe katalogimin e trashëgimisë. Në databazën-regjistër kombëtar të kësaj qendre janë kataloguar me të gjitha të dhënat shkencore mbi 72 mijë objekte trashëgimi kulturore, që përfshijnë pasuritë e rrjetit muzeor të vendit, të galerive të artit, të parqeve arkeologjike, monumente të kulturës, etj. Izet Duraku, drejtues i këtij institucioni thotë se gjatë këtyre viteve edhe pse është bërë një punë e mirë në drejtim të regjistrimit të këtyre objekteve, shumë problematike mbetet dhe trafikimi i këtyre vlerave të trashëgimisë. “Shifra e objekteve të trafikuara, të cilat gjenden në databazën e QKIP, përfshin më shumë se 2100 objekte, por këto nuk pasqyrojnë gjendjen e trafikimit të sotëm, por përfshijë një historik pas viti 1990 e deri më sot. Ka pasur dy valë të fuqishme shkatërrimesh në vitin ‘91-‘92 dhe më vonë në vitin 1997 kur u dëmtua një numër i konsiderueshëm objektesh kulturore, galeri arti etj”, tregon drejtori Duraku. Gjatë këtyre viteve, një pjesë e këtyre vlerave të trashëgimisë kulturore u vodhën plotësisht dhe në disa institucione pati dëmtime serioze. Sipas drejtorit të kësaj qendre Izet Duraku, këto lloj pasurish janë evidentuar dhe janë shënuar në databazë me qëllim që një pjesë e tyre në bashkëpunim me Interpolin të kthehen. Ky bashkëpunim, sipas tij është me shumë vlerë, sepse ul rrezikun e humbjes së këtyre vlerave. “Interpoli ka lidhje të fuqishme me organet ndërkombëtare dhe ne jemi në gjendje të dimë objektet e humbura, që janë në vendet tjera. Grabitje ka pasur në muzeun e Butrintit, por këto falë punës së bërë për gjetjen e tyre janë rikthyer. Janë më shumë se 8 vepra që janë rikthyer, por vjedhjet që kanë ndodhur në Apolloni dhe Durrës për shkak të mangësive në dokumentim është vështirë identifikimi dhe kthimi i tyre. Vjedhje kemi dhe në Muzeun Etnografik në Elbasan, por kemi dhe vjedhje në kisha, të cilat në përgjithësi kanë qenë më të rrezikuara për shkak se nuk kanë pasur ruajtje. Pre e grabitjes janë ikonat në zonat e jugut, kishat janë të ritit ortodoks dhe janë vjedhur objekte me shumë vlera”, tregon për këtë problem shqetësues drejtori Duraku. E ndërsa trafikimi i objekteve është një problem i cili akoma nuk është mbyllur edhe pse janë marrë masa, nga këto objekte të vjedhura kanë përfituar edhe koleksionistët privatë brenda vendit. “Ka pasur disa vjedhje, të cilat mund të përfundojnë dhe brenda vendit në koleksione private, por një pjesë e tyre mund të kalojë dhe jashtë Shqipërisë. Natyrisht për pasuritë publike të regjistruara është shumë e vështirë të legalizohen në vende të tjera, sepse me tu shfaqur do tu kërkohet origjina dhe gjithnjë mbetet një rreth i mbyllur dhe vjen duke u ngushtuar hapësira për trafikimet”, tregon Izet Duraku, drejtor i QKIP.
Shumë objekte të trashëgimisë të paregjistruara
Përballë trafikimit të objekteve, nga ana tjetër ka ende një pasuri të madhe pa u përfshirë në regjistrin kombëtar. Sipas drejtorit të QKIP, Izet Duraku, bëhet fjalë veçanërisht për objektet në pronësi të pushtetit lokal, të komuniteteve fetare, të koleksionistëve privatë dhe të individëve të panumërt në gjirin e popullit tonë, që ruajnë si gjëra të shenjta mjaft objekte të trashëgimisë sonë kulturore, të cilat duhen njohur, studiuar dhe kataloguar në bazën kombëtare të të dhënave. Krijimi i bazës kombëtare të të dhënave të regjistrit kombëtar është cilësuar pozitiv nga specialistët e trashëgimisë, pasi ato po ndikojnë dhe shërbejnë drejtpërsëdrejti në mbrojtjen e vlerave tona kulturore si dhe në efikasitetin e luftës kundër dëmtimeve, grabitjeve, trafikimit, falsifikimit dhe tjetërsimit të këtyre pasurive. Në këtë kuadër disa nga specialistët pohojnë se duhet parë edhe përmirësimi i bazës ligjore, e cila do të garantojë një funksionim më efikas të qendrës dhe mbrojtje afatgjatë të kujtesës historike të trashëgimisë kulturore të Shqipërisë.http://www.sot.com.al/index.php?opti...eta&Itemid=483

[fegi]

Durrës, zbulohen spirancat detare 1700-vjeçare

18 Shtator 2011

DURRES- Gjatë ekspeditës nënujore shqiptaro-amerikane të kësaj vere janë zbuluar disa vendndodhje arkeologjike të anijeve të lashta në bregdetin shqiptar e mes tyre spirancat përbëjnë elementë mjaft interesantë për t'iu qasur historisë së lundrimit ilir dhe shqiptar.

Arkeologu nënujor, dr. Adrian Anastasi, bashkëdrejtor i misionit shqiptaro-amerikan thotë, se nga kërkimet në bregdetit jugor të vendit deri tani, janë zbuluar 8 spiranca, mosha e të cilave është më e lashtë se 1700 vjet, ndërsa janë më të shumta spirancat më të reja.

"Evoluimi i spirancave ka qenë i ngadalshëm dhe fillimisht pjesa kryesore e saj bazohej te materiali i drurit" -vijon dr. Adriani, duke vizatuar skicat e ndërtimit të pajisjes që edhe sot vazhdon të shërbejë për bllokimin e lëvizjes së anijes, duke mbetur në tabanin nënujor.

Më vonë akset prej druri filluan të kombinoheshin me pjesë prej guri dhe mermeri të rëndë, ndërsa evolucioni solli më pas zgjidhjen me bashkimin e drurit me format e plumbit të derdhur.

"Këto janë provat materiale për ekzistencën e flotës ilire dhe lundrimet e saj. Prova të cilat ndodhen pjesërisht në muzeun historik të Vlorës, ndërsa pjesa tjetër në muzeun arkeologjik të Durrësit. Ka ardhur koha që objektet e zbuluara nën ujë të ekspozohen në një muze të përshtatshëm" -vijon dr. Adriani, sipas të cilit Kalaja e Ali Pashës Tepelenës në Porto Palermo është vendi më i përshtatshëm, që do të ringjallte turizmin në këtë zonë.

Dr. Adrian Anastasi thotë se edhe gjatë këtij sezoni veror misioni arkeologjik shqiptaro-amerikan, i cili punon për hartën dixhitale nënujore ka skanuar pjesën veriperëndimore të gadishullit Karaburun, ndërsa vitin e ardhshëm do të vazhdojë hetimin nënujor të gjirit detar të Vlorës.

Tashmë janë zbuluar disa zona me materiale arkeologjike dhe disa relikte anijesh, të cilat datojnë që nga shekulli i 6-të para erës sonë.
(e.m/atsh/BalkanWeb)

[fegi]

Kapet italiani, trafikonte objekte arkeologjike

Një shtetas italian është vënë në procedim penal në gjendje të lirë për veprën trafikim të veprave të artit dhe kulturës. F.C, 45 vjeç, banues në Bari të Italisë është ndalur në portin e Durrësit pasi në automjetin e tij kishte dy amfora, të cilat klasifikohen si objekte arkeologjike dhe janë në mbrojte.

45-vjeçari synonte t’i kalonte ato drejtë Italisë por kjo gjë është ndalur nga policia kufitare e cila i ka sekuestruar dy amforat në cilësinë e provave.
Mark Brunga

[fegi]

Zhvillimi i periudhës neolite në Shqipëri

Neoliti përfaqëson etapën e fundit dhe njëkohësisht më të zhvilluarën të epokës së gurit. Ai përfshin një kohë që fillon nga mijëvjeçari i shtatë dhe mbaron nga fundi i mijëvjeçarit të katërt p.e.sonë.

Arkeologjikisht neoliti ndahet në tri periudha të mëdha: e hershme, e mesme dhe e vonshme. Në këtë të fundit përfshihet dhe periudha e bakrit ose eneoliti, që përbën etapën e fundit dhe kalimtare për epokën e bronzit.

Në këta tridhjetë vjetët e fundit janë zbuluar e gërmuar një numër i madh vendbanimesh neolitike me shtrirje gati në tërë territorin e Shqipërisë, si në Maliq, në Cakran, në Vashtëmi, në Burimas, në Podgorie, në Barç e në Dërsnik të rrethit të Korçës, në Kamnik të Kolonjës, në Blaz e Nezir të Matit, etj.

Më mirë është njohur e studiuar pellgu i Korçës, i cili gjatë epokës prehistorike ka pasur kushte shumë të mira gjeoklimatike. Ai paraqet sot zonën më të pasur e më të zhvilluar kulturore të neolitit si edhe pellgun ku mund të ndiqet pa ndërprerje zhvillimi i kulturës neolitike në gjithë shtrirjen e tij kohore.

Materialet e gjetura në këto qendra prehistorike, krahas atyre të dala në dritë shumë kohë më parë si në Velçë të Vlorës ose rastësisht në rrethet e tjera të vendit, kanë dhënë mundësi që të njihen aspekte të ndryshme të jetës ekonomike, shoqërore dhe kulturore të banorëve neolitikë të territorit tonë, ndërsa përhapja e gjerë e këtyre vendbanimeve dhe e gjetjeve rastësore neolitike ka treguar se ky territor gjatë kësaj epoke ka qenë i banuar dendur dhe pa ndërprerje.zeri info

[shigjeta]

Mbishkrime të shek. I në kalanë e Rozafës

Vetëm tri ditë nga fillimi i gërmimeve në kalanë e Rozafës në Shkodër, ekspedita arkeologjike shqiptaro-polake ka nisur të nxjerrë në dukje vlerat e mëdha historike që fshihen në këtë kala. Në oborrin e dytë të saj, në një nga ujëmbledhësit e kalasë, është gjetur një mbishkrim, i cili daton në shekullin I para Krishtit, dhe është i pari dokument i asaj kohe. Sipas Nikolin Shatit, drejtor i Parkut Arkeologjik të Shkodrës, pjesë e së cilit është edhe kalaja e Rozafës, nga vëzhgimet e para të këtij mbishkrimi, mendohet se teksti ka të bëjë me një akt juridik që i përket periudhës së rënies së Perandorisë Ilire dhe kalimit nën varësinë romake. Ndonëse mbishkrimi ishte i dukshëm, vetëm së fundi u bë i mundur largimi i ujit që mbushte atë dhe pastrimi i vendit në pjesën fundore të ujëmbledhësit. Sipas Shatit, po t’u referohemi fakteve historike të zonës gjatë shekullin II p.e.r. në kalanë e qytetit zhvillohen luftërat me Romën dhe në vitin 168 pushtohet nga Roma dhe bëhet një nga qendrat e njësive administrative të Perandorisë Romake. “Me reformat e Dioklecianit bëhet qendër krahinore. Dhe pikërisht ky dokument, i cili është gjetur gjatë në kala, mendohet të jetë një Akt Ligjor i asaj periudhe. Por, gjithsesi, mbishkrimi do të dërgohet në Institutin e Arkeologjisë në Francë, për një mendim më të specializuar”, thotë drejtori i parkut. Gjithashtu, mësohet se pjesë e ekspeditës ka qenë edhe zhvillimi i disa testeve në zonën lindore të kalasë, pranë Xhamisë së Plumbit, si dhe në pjesën jugore, në afërsi të Kishës së Zojës. “Këto teste, edhe pse janë bërë në një thellësi të vogël, kanë nxjerrë në pah praninë e mbetjeve të qytetit të vjetër antik të Shkodrës, i cili është folur prej kohësh që ndodhej diku poshtë kalasë “Rozafa”. Kjo zonë merr vlera shumë të mëdha historike, pasi në të janë zbuluar jo vetëm muri i fortifikimit, por edhe ndërtime urbanistike dhe shtëpi banimi e lokale, brenda dhe pranë murit të rrethimit të vjetër të qytetit të Shkodrës”, ka përfunduar Shati. Për këto gërmime arkeologjike është nënshkruar një kontratë 5-vjeçare nëpërmjet Ministrisë së Kulturës, Rinisë dhe Sporteve, Parkut Arkeologjik Shkodër, Bashkisë Shkodër dhe Universitetit “Luigj Gurakuqi”, ndërsa do të financohen nga MTKRS dhe Ambasada Polake në Tiranë. Gërmimet që sapo kanë filluar pritet do përfshijnë gjithë zonën përreth kalasë Rozafa dhe zonën brenda saj.

Panorama

[ajzberg]

Gjetja e shkrimit ne kalane e Rozafes eshte mjaft interesant ,zbulimi i tij u publikua menjehere ne gazeta dhe ne tv,por cudia e madhe ndodh me nje zbulim ne Apolloni ku eshte gjetur nje mbishkrim i vjeter i punuar ne baker te cilin me sa duket nuk do ta shohim te publikuar..........