Zbulime arkeologjike ne Shqiperi

[fegi]

Në eshtrat e lashta të qytetit të Butrintit gjendet sëmundje moderne
Transmetuar më 04.01.2012

Butrint, 4 janar 2012, NOA- Shkencëtarët Amerikanë deklaruan se studimi i tyre për një grup eshtrash të gjetura në Shqipëri ka zbuluar gjurmë të një sëmundje infektive që prek njerëzit që konsumojnë produkte të qumështit.

Gjetjet u botuan në Fletoren Amerikane të Antropologjisë Fizike dhe janë të parat që sugjerojnë se sëmundje si bruceloza ka ekzistuar në Shqipëri të paktën që në kohën e Mesjetës.

Kryesisht një sëmundje e kafshëve, bruceloza është e zakonshme në zonat bujqësore rurale të rajonit të Mesdheut dhe siç raporton agjencia e lajmeve NOA.al, mësohet se është transmetuar përmes ngrënies së produkteve të deleve apo të dhive si djathi që janë të infektuara nga sëmundja për shkak të kafshëve nga e cila prodhohet që mbartin bakterin e brucelozës.

Nga studimi rezulton se sëmundja mund të shkaktojë simptoma të ngjashme me gripin, duke përfshirë ethe, rënie në peshë, dobësim kjo bazuar në Organizatën Botërore të Shëndetësisë.

Ajo gjithashtu shkakton dëmtime të kockave që në këtë rast studiuesit dyshuan fillimisht për tuberkuloz.

Kockat erdhën nga qyteti i lashtë i Butrinitit, kur një koloni e madhe romake, pjesë e Perandorisë Bizantine ngeli në zonë në kohën e Mesjetës, për shkak të përmbytjeve.

Dy skelete që besohet se u përkasin dy adoleshentëve meshkuj nga shekuli i 10- të deri në atë të 13-të, tregojnë dëmtime të mëdha në vertebra.

Humultuesit në Michigan State University morën pjesë në një ekip ndërkombëtar arkeologësh të cilët gërmuan në vend, me një vëmendje të veçantë për të analizuar kockat me metodat më të fundit të ADN-së.

Ata i dërguan mostrat në universitetin mjeko-ligjor, në laboratorin për ekzaminimin e ADN-së në Michigan, por testi për tuberkuloz rezultoi negativ.

Kështu ata shpikën një test të ri për brucelozën duke e konsideruar si sëmundje moderne, bazuar në teorinë që të dy sëmundjet shkaktojnë dëmtime të ngjashme në kocka, dhe këtë herë përgjigja u kthye pozitive.

“Në këtë rast ishte kombinim i këmbënguljes, kureshtjes dhe natyrisht bashkëpunimit”, u shpreh David Foran, drejtor i programit MSU's Forensic Science në një deklaratë të postuar në websitin e universitetit.

“Është e mahnitshme të gjesh diçka të re në diçka që është mijëra vjet e lashtë”, vijon më tej ai, ndërsa shton se skeletët në fjalë u përkasin 1 mijë viteve më parë.

Shkak për këtë zbulim ishte fakti se një grup studentësh në prag diplomimi ishin duke studiuar bakteret në kocka dhe po gërmonin në rrënojat e qytetit të Butrintit.

a.y/NOA

[EncounterAL]

==============================

. . . vijon postimi nr. 95 : "Teologjia e Ptolemejve"
===============================
Alexandre BIDA (1813–1895) , piktor Freng,
i njohur per vizatimet me skena nga teologjia.
Jane edhe shume vizatime per Shqiptaret nga Bida( vizatimi 2 ne "artnet" ).

Pamja e pare eshte nga " The A&V Museum - London ":
“An Albanian and a Nubian; Arnaute Albanais and Nubien baouab.” (c. 1851).
Ky punim me sjell nder mend "Tempullin Nubian te Apedemak" per te cilin flitet
tek libri i postimit nr. 95 "Teologjia e Ptolemejve" ( tek posti i cituar).

Te kete lidhje ky vizatim me ekzistencen ne Shqiperi te tempujve te adhuruar
nga Ptolemejte ?

======================================
Ptolemejte dhe banoret e Epidamit
======================================
Nje dedikim ne tempull nga komandanti i garnizonit te Ptolemeut ne Egje
ne shek.2 para eres sone :

. . . Filota nga Epidami, komandant i garnizonit
. . . dhe nje nder miqte e ngushte te Ptolemeut . . .

======================================

Adresa www e shkrimit :

http://www.csad.ox.ac.uk/CSAD/Aegean.html#Crete
ose
http://www.csad.ox.ac.uk/CSAD/Images/100/Image153.html


------------------ Skeda e (OGIS 119) --------------------

(OGIS 119)

Catalogue Record
Category: Dedication

Subject:
Dedication by Philotas of Epidamnos, garrison commander and among
the "first friends" (protoi philoi) of Ptolemy (V or VI?), to Zeus Soter and Tyche)

Date: 1st. half 2nd century BC
Provenience: Itanos
Location: Herakleion Museum (Inv. 80)
----------------------------------------------------------------------

[flora57]

Kush di te na thote se si perfundoi shkrimi i gjetur ne nje pllake metalike ne Apolloni?

[fegi]

Zbulimi i arkeologëve polakë: Kryeqendra Ilire ka qenë Rozafa

Zbulimet më të fundit arkeologjike në kalanë Rozafa në Shkodër dëshmojnë kulturën e lashtë ilire të zonës ku ajo ndodhet dhe zhvillimin e veriut të Shqipërisë. Ekspedita polako-shqiptare që po kryen gërmimet në parkun arkeologjik të Shkodrës ka përfunduar fazën e dytë dhe së shpejti do të largohet. Prof. Piotr Dyczek, arkeolog drejtues i ekspeditës, drejtor i Qendrës për kërkime në antikitet për Europen Juglindore në Universitetin e Varshavës në Poloni, shprehet se tashmë puna ka nisur të bëhet shumë interesante.”Nga gërmimet arkeologjike në Kalanë Rozafa dhe në qytetin e Shkodrës po dalin çdo ditë fakte të reja. Nga puna e bërë deri tani kemi arsye të besojmë se Kështjella e Rozafës ka qenë një fortesë ilire, me siguri e periudhës së Gentit, kjo për faktin sepse ne kemi gjetur dy mure helene dhe disa gjurmë parahelenistike, dhe kështu ne tashmë e dimë se ka qenë një qendër e rëndësishme në periudhën helenistike të shekullit II dhe III para Krishtit. Pra, është e dëshmuar tashmë se gërmimet tona kanë kuptim dhe se bashkëpunimi mes Polonisë dhe Shqipërisë do ketë një të ardhme shumë të mirë.

Të gjitha programet që ne kemi, sidomos programi me Shqipërinë është shumë mirë i organizuar, ka disa nivele, ne në çdo vit planifikojmë hapat që do ndjekim, për të ndjekur gjurmët, duke marrë informacione për kohërat e lashta dhe periudhat e ndryshme në të cilat ka kaluar Rozafa dhe kohërat e lashta të Shkodrës. Viti i parë i gërmimeve, më 2011, ka qenë thjesht vetëm prodhimi i dokumentacionit dhe ndërtimi i rrjetit. Këtë vit ne kemi vendosur disa piketa (gjurmë) me qëllim organizimin e informacionit arkeologjik për Kalanë Rozafa dhe të ashtuquajturin Pjesa e Ulët e qytetit, ose siç njihet ndryshe Shkodra e vjetër. Vitin tjetër ne planifikojmë të kemi gërmime më të mëdha në pjesën e së ashtuquajturës Shkodra e vjetër, që ndodhet rreth kalasë dhe vetëm dy gjurmë në kala, dhe po ashtu me anë të gjeo-fizikës dhe fotografive nga ajri”, shprehet profesori polak. Në ambientet e kalasë Rozafa, ku është gërmuar, punimet janë drejt fundit dhe po mbulohen. Arkeologët polakë dhe dy shqiptarë, si dhe arkeologë të parkut arkeologjik të Shkodrës, po përgatisin mbylljen e gërmimeve për këtë vit, ndërsa testet si dhe vitin e kaluar i nënshtrohen analizave në Francë, në institucionet e specializuara me të cilat ka bashkëpunim Universitetit i Varshavës. Drejtori i parkut arkeologjik në Shkodër, Nikolin Shati, shprehet se “jemi në ditët e fundit të gërmimeve të vitit të dytë dhe vërejmë me kënaqësi se kjo është një zonë shumë e pasur me objekte arkeologjike. Qëllimi është gjetja e vërtetimi i rrënjëve ilire të zonës. Kjo është e padiskutueshme por përpiqemi të vërtetojmë se këtu ka patur jetë, qytetërim që nga epoka e bronzit e më pas. Janë gjetur objekte, gjurmë, rrënoja ndërtimesh, muresh etj. Këtë vit janë bërë gjashtë teste, tre në qytetin antik poshtë kalasë dhe katër brenda në kështjellë në ambientet e saj. Dy nga gërmimet në pjesën e sipërme të kështjellës mbesin pa përfunduar, por kjo do bëhet vitin tjetër, përveç hapjes së testeve të tjera”. Gërmimet në këtë zonë arkeologjike mundësohen nga një marrëveshje 5-vjeçare me të drejtë rinovimi mes Ministrisë së Turizmit, Institutit të Arkeologjisë dhe Universitetit të Varshavës. Çdo analizë bëhet në Francë dhe raporti del një vit më pas. Sipas Shatit, në këtë zonë, në kalanë e Shkodrës dhe pjesën rreth saj, që përbëjnë dhe parkun arkeologjik të Shkodrës, ka 25 vite që nuk janë bërë gërmime. “Ka qenë këmbëngulja e kryetares së Parlamentit që ka lobuar për disa vite dhe ka arritur që në bashkëpunim me Ambasadën polake dhe Universitetin e Varshavës të krijojë mundësinë e gërmimeve arkeologjike në këtë zone”, shton Shati. Specialistët polakë kanë qenë dhe në Mal të Zi dhe kanë vërtetuar atë që kryeqendra e parë ilire nuk është Kotorri, ashtu siç u është thënë atyre, por kështjella e Rozafës. Gjetjet arkeologjike të periudhës së bronzit janë të njëjta me ato të traditës e kulturës ilire, krejt e ndryshme nga ajo sllave, shprehen specialistët. Profesori Piotr Dyczek shton: “Ne jemi të sigurt dhe jo vetëm se kemi supozuar se këtu është qendra e periudhës Helenistike dhe jo vetëm gjatë sundimit të Gentit, por edhe me herët. Unë mendoj se ka qenë qendra më e rëndësishme ilire në rajonin verior të Shqipërisë. Ne tani kemi të dhëna bazuar nga gërmimet se këtu kanë qenë me të vërtetë ndërtesa të mëdha dhe pikërisht në këtë vend ku ne ndodhemi momentalisht dhe se ka qenë një qytet shumë i pasur. Është e pamundur tani të pretendohet më se kjo Kala ka qenë sllave, sepse të gjitha materialet që kemi gjetur tani dhe ato të mëparshmet na çojnë deri në periudhën e bronzit, por tipike dhe karakteristike për Shqipërinë dhe mandej ne kemi periudhën ilire, që është shumë e vërtetë. Ilirët kanë pasur lidhje me civilizimin grek, që është mëse e natyrshme dhe ne këtu kemi vetëm materiale të civilizimit grek dhe ilir, nga vitet e para dhe më vonë, siç janë otomane dhe veneciane, por këto janë periudha të tjera më të vona. Por që në fillim çdo gjë që kemi gjetur është e lidhur ngushtë me Shqipërinë dhe sidomos me kulturën e kësaj zone, që është zhvilluar në veri të Shqipërisë”.http://www.mapo.al/2012/06/05/arkeol...ane-e-rozafes/

[shigjeta]

Trashëgimia/ Zbulohet në Zvërnec vendbanimi 6000-vjeçar

Zbulohet në zonën e Triportit në Zvërnec të Vlorës një zonë e hershme historike, e banuar qysh në periudhën e paleolitit. Novruz Bajrami, arkeolog në Drejtorinë Rajonale të Monumenteve në Vlorë, pas një pune 3-vjeçare ka arritur të nxjerrë në sipërfaqe objekte si vegla stralli, gurë për ndezjen e zjarrit, gurë prerës etj., që sipas të dhënave paraprake janë përdorur në periudhën e paleolitit. Nisur nga të dhënat arkeologjike që janë bërë publike dje nga Drejtoria e Monumenteve në Vlorë, largësia e zonës historike është vetëm 9 km larg qytetit. “Janë zbuluar 10 mijë objekte, mjete pune të njerëzve të asaj periudhe, të cilat tregojnë se kemi të bëjmë me një qendër të banuar gjatë tri periudhave: paleolitit, neolitit, dhe bronzit, çka e vërtetojnë objektet e gjetura në sipërfaqen e gërmimeve, gurë për ndezjen e zjarrit, gurë prerës, kockat e gjetura, qypa të shkruar me thonj dhe të shenjuara nga gjurmë të njerëzve të asaj periudhe. Janë shume objekte të tjera për të cilat do të punojmë në gërmimet e thella të zonës”, –tha arkeologu Bajrami. Zona e gërmimeve është ndarë në: zona A, e njohur si banimi i putanjas, dhe zona B, e njohur si banimi dalani i ri. “Flitet gjithashtu edhe për zbulimin e një atelieje të vjetër, e cila ka pasur funksionin e prodhimit të mjeteve të punës dhe shpërndarjen e tyre në zona të tjera”,- nënvizon arkeologu. Ky zbulim është i treti në vend pas atij të Shkodrës dhe Sarandës, ku edhe në këto zona janë zbuluar banime të hershme, ku dhe vijojnë gërmimet nga ekspeditat e ngritura në këto zona. “Nëse në Shkodër dhe Sarandë ende nuk kanë dalë në sipërfaqe objekte në zonën e Zvërnecit, kemi të bëjmë me zbulimin e një banimi të hershëm që faktohet nga më shumë se 10 mijë objekte”, – shpreh bindjen e tij arkeologu Bajrami. Aktualisht, këto objekte janë ekspozuar në Drejtorinë e Monumenteve. Një pjesë e tyre do të zhvendosen në Institutin e Monumenteve të Kulturës, ndërsa një pjesë tjetër në Muzeun e Qytetit. Shumë prej këtyre objekteve do t’i nënshtrohen një tjetër studimi, pasi koha e prodhimit të tyre mund të jetë shumë më e hershme.

Ervin Haruni - MAPO

[shigjeta]

Zbulime të reja në Butrint

Misioni i fundit arkeologjik shqiptaro-amerikan ka nxjerrë në dritë Portikun e Forumit Romak, një prej ndërtimeve më të rëndësishme të periudhës romake

Në Qytetin Antik të Butrintit, në Jug të Shqipërisë po dalin në dritë zbulime të reja.

Misioni i fundit arkeologjik shqiptaro amerikan gjatë gërmimeve të këtyre ditëve ka nxjerrë në dritë Portikun e Forumit Romak, një prej ndërtimeve më të rëndësishme të periudhës romake. Sipas arkeologëve, godina të përmasave të mëdha, kolona të larta, dhe një dysheme me pllaka guri të latuar pritet të përfshihen shumë shpejt në një itinerar të ri për mijëra vizitorët.

Gjatë gërmimeve, dalja e ujit ka krijuar herë pas herë probleme për studiuesit por arkeologët thonë se brenda këtij muaji pritet ta përmbyllin me sukses misionin. Studentë nga Universiteti i Notredamit në Shtetet e Bashkuara dhe studentë shqiptarë janë përfshirë në këto gërmime për të shkëmbyer vlerat studimore dhe kërkimore.

Arkeologët vlerësojnë se me gërmimet e reja hidhet dritë edhe mbi periudha të tjera në Butrint përmes gjetjeve të shumta arkeologjike.

Bota Sot

[EncounterAL]

Ne adresen 'www' qe vijon, eshte nje skice me detaje interesante nga i ashtuquajturi
' Macellum-Serapeum ' antik qe ndodhet ne Pozzuoli.
-------------------------------------------------------------------
http://www.soane.org.uk/drawings/ind...object_id=116#
-------------------------------------------------------------------
Pamja e ketij monumenti me duket e ngjashme me ate te Rotondes se Durresit.

Me lind pyetja nese ka edhe Rotonda elemente (1 - 15: skica) si ato qe
pershkruhen tek faqja web e cituar?

[EncounterAL]

Ngjitjet jane nga libri :
==========================
Autori: James J. O'Donnell
Titulli : The ruin of the roman empire
Publ : HarperCollins 2008
==========================

Autori e sjell kete foto per te treguar se si e paraqisnin
' Justinianin komandant-ushtarak ' publicistet perandorake.

Kam vecuar pjesen me simbole.
Simbolet parakristjane me duken te hasura ne shume krahina te vendit.

[flora57]

A ka njeri te na thote se ku kane pefunduar mbishkrimet e Apollonise dhe te Rozafes?

[EncounterAL]

Ne foton e pare jane nje fragment mozaiku dhe ca ene qelqi te shek 2-3 te eres sone
te zbuluara ne Butrint. Fotot jane nga botime te Fondacionit Butrinti.

Ne foton e dyte jane nje fragment mozaiku dhe ca ene qelqi te shek 2-3 te eres sone
te zbuluara ne Itali - Brescia. Fotot jane nga faqja www e " Museo_St_Giulia_Brescia".

Me duken shume te ngjashme.