Ministri Pango shkarkon nga detyra drejtorin e monumenteve Apollon Bace

[Hyllien]

KUSH JENI JU ZOTI PANGO?

Nga Apolon Baçe
27-07-2007

Këshillat e Pollonit, birit të tij Laertit:

"Biri im: Ki kujdes në zgjedhjen e armikut. Mendohu mirë para se ta nxjerrësh shpatën nga mylli, por po e nxore, mos e fut pa mbaruar punë".

(Hamleti, akti 3, skena 2)

1. Zoti Pango, këshilla e parë ju përket ju, pasi armik më zgjodhët ju. Këshilla e dytë, ajme siç thotë me keqardhje Noli, më përket mua pasi më keni akuzuar për shkatërrim të vetëdijshëm të pasurisë shpirtërore të kombit. Dhe këtë, për përfitime personale. Shkurt, për amoralitet antikombëtar. Këtë kurrsesi nuk do t'jua toleroj dhe do t'ju kundërvihem me tërë forcën. Pasi në të kundërt, do të shkelja mbi kryeparimet e familjes sime: atdhetarizmin dhe moralin. Do shkelja mbi parimet e gjyshit tim: Guvernator i Vilajetit të Janinës, i cili për hir të atdhetarizmit ju nis me vetëdije rrugës së internimit duke botuar gazetën e parë shqipe. Do shkelja mbi parimet e tim eti, i cili doli në mal për mos u bërë kryeministër nazist. Në gjurmët e kësaj tradite lashë familjen në Kanada për t'ju përgjigjur thirrjes së PD-së për një politikë me "duar të pastra", nuk e lashë Kanadanë për të vjedhur në Shqipëri. Marsit të shkuar nuk e pranova katedrën në Vjenë me rrogë disa herë më të lartë, por vazhdova punën e mundimshme në Institutin e Monumenteve të Kulturës. Nuk e pranova për të shpëtuar vlerat shpirtërore të atdheut tim. Jo për t'i shkatërruar ato. Dhe nëse fëmijëve të mi nuk do mund t'u lë trashëgim asnjë pasuri, nuk pranoj kurrsesi që t'u trashëgoj një emër të zhyer nga shpifjet tuaja. Nuk dëshiroj që nga ajo botë të më mallkojnë të parët e mi, as edhe që në këtë botë të turpëroj fëmijët e mi.

2. Pavarësisht se urdhri juaj për shkarkimin tim shfrytëzoi situatën delikate të zgjedhjes së presidentit, lidha një pakt me vetveten për mos t'ju përgjigjur shpifjeve tuaja. Duke kapërdirë poshtërimin dhe fyerjet e përditshme në medie. Jo për respekt ndaj figurës suaj, i cili më mungon tërësisht mua dhe tërë atyre që ju njohin, por për të shmangur efektet e padëshiruara për PD-në.

Ndërkohë duke e kujtuar maturinë dobësi, ju e shtuat helmin e sulmeve, duke informuar deri organizatat dhe institucionet e huaja se drejtori i IMK është hequr për korrupsion. "Kur edhe kolegu im qenkësh i korruptuar, kush ka mbetur pa u korruptuar në Shqipëri?", paskësh pyetur një i njohuri im, funksionar i lartë i UNESCO-s. Ky është imazhi mizerabël që krijoni nëpër botë për intelektualin shqiptar dhe Shqipërinë.

Në njërin nga emisionet e juaj televizivë, ju u shprehët se "drejtori i IMK ka vjedhur një elefant dhe kërkon thesin që ta mbulojë". Duke më risjellë parasysh atë figurën tuhafe që pasi pa se në Pallatin e Zogut nuk kishte mbetur asgjë për të grabitur, rrëmbeu palloin bishtfryrë, e futi në thes dhe ia krisi vrapit. Duke mbjellë nga pas habi, pupla shumëngjyrëshe dhe klithma të çjerra.

3. Së pari, do sprovoj të shpëlaj vrerin që më keni gromësirë, bashkë me shpurën laramane të specialisto-juristëve tuaj: të kryepërgjegjësit për masakrën urbane të Durrësit, të atij specialistit-sekser që shtagën e mitmarrjes nga tenderat e ka lartësuar nga 10 në 20%; të asaj drejtoreshës që rrogën në OJQ-ja okulte, në konflikt skandaloz interesi me postin që mbulon, e ka 8 herë më të lartë se rrogën në ministri; të asaj juristes që nuk ka tender të shkuar korruptiv ku nuk i del emri.

Më tej, do sprovoj t'ju skanoj në sytë e opinionit, që opinioni të njihet me bëmat tuaja. Pa u nisur nga kënaqësia e egër e shpagimit, krejt e huaj për mua, por për të shpëtuar trashëgiminë shpirtërore të vendit tim nga uria e shfrenuar, për ta çliruar PD-në, ndaj së cilës jam shpirtërisht i orientuar, nga barra e mjerimit tuaj. Në binomin shkak-arsye së pari do ndalem mërzitshëm tek shkaku, për të dëshmuar kotësinë e shkakut, dhe më tej tek arsyeja reale. E cila po ravijëzohet frikshëm me forma qartësisht antikombëtare

4. Sipas urdhrit tuaj Nr.437 (28.06.2007) unë u shkarkova nga detyra, pasi "duke vepruar në kundërshtim me ligjin... i ka(m) dhënë disa subjekteve private miratimin për të ndërtuar objekte shumëkatëshe në zonën A të Qytetit të Durrësit". Kur mësuat se Kryeministri kërkoi kundër-argumentimin e këtyre akuzave, ju urdhëruat kyçjen e arkivit dhe marrjen e çelësave. Në rregullat e cilit shtet e bazuat bllokimin e materialeve të kërkuara nga eprori i juaj? Në ato të Zululandit të Konicës?

Më tej u kërkuat me insistim drejtorëve të Drejtorive Rajonale të Monumenteve të Kulturës, që t'ju jepnin "qoftë edhe një shkelje të vetme" timen. Ju u egërsuat tejet, kur morët përgjigjen "Nuk ka as edhe një shkelje të vetme."

Për të sqaruar ato që ju quani shkelje, po ju sjell në "facsimile" korrespondencën stereotipe me tre firmat e mësipërme:

Kërkesa e firmës A.C.C. Xhouen": "Firma ka marrë lejen nga KRRT Durrës për ndërtimin e një objekti me 10 kate... Kërkojmë nga ana e juaj të na jepni lejen për të filluar gërmimin".

IMK: Lënda: Kthim përgjigje: Sheshi ndodhet brenda zonës A ku nuk lejohen ndërtime më të larta se 1-2 kate. Për miratimin e ndërtimit 1-2 katësh dërgoni projektin përkatës.

Po ju sqaroj për të disatën herë se ky "kthim përgjigje" nuk është kurrsesi "miratim ndërtimi shumëkatësh", por ndalim ndërtimi shumëkatësh. Meqenëse pretendoni se çdo gjë e dini (madje sikur t'u thoshin se pasnesër është rrëzuar avioni i linjës, përgjigja juaj do të ishte "e di"), duhet ta dini edhe se firmat i kompensojnë pronarët e truallit me dy kate të ngrehinës së re dhe nëse firma do të ndërtonte një banesë 1-2-katëshe, ajo do t'i kalonte automatikisht pronarëve të truallit. Ndërkohë, në Shqipëri ende nuk ka filiale të firmës "Nënë Tereza".

5. Kthimi i përgjigjeve të tilla, rutinore për IMK, bazohet në "Rregulloren mbi Administrimin e Nëntokës së Qytetit të Durrësit (17.04.1989)". Ndërkohë, sipas jush, "Rregullorja e vitit 1989 është shfuqizuar automatikisht me daljen e ligjit, por Baçe parapëlqen automatikisht këtë rregullore (Albania 19.07.2007)".

Mjerimi i institucioneve të shtetit është injoranca ndaj ligjeve të shtetit, çka i kthen ligjet e shtetit në pistoleta në duar zulush. Të cilët nuk e kuptojnë se po tërhoqe këmbëzën, mund të plagosësh dikë dhe për këtë mban përgjegjësi para ligjeve të shtetit. Vërtet kryezulutë e MTKRS-së nuk e dinë se po e tërhoqe këmbëzën, mund të plagosësh dikë dhe të përgjigjesh para ligjit? Nuk e dinë apo bëjnë sikur nuk e dinë? Kjo e dyta do të ishte për të vajtuar, shumë më e keqe se injoranca profesionale.

Sidoqoftë, unë, joligjvënësi e shoh veten të detyruar që t'ju mbaj ju, deputetit ligjvënës dhe ministrit ligjzbatues, një leksion të thjeshtuar. Nga ata që amerikanët e quajnë "for dummies":

"Ligji themeltar i shtetit është Kushtetuta. Ligjet e shtetit bazohen në Kushtetutën. Që ligjet e shtetit të bëhen veprues, duhet të mbështeten në aktet nënligjore. Kur një ligj i ri zëvendëson ligjin e vjetër, aktet nënligjore mbeten në fuqi. Nëse akti nënligjor bie ndesh me ligjin e ri, ai kërkon taksativisht përgatitjen e aktit të ri nënligjor. Deri në përgatitjen e aktit të ri nënligjor, për eliminimin e "vakuumit juridik" me pasoja katastrofike, zbatohet akti i vjetër nënligjor".

Ndërkohë në asnjë nga ligjet për Trashëgiminë Kulturore, as në atë të 1991, as në atë të 1994, as në atë të 2003, as në të përmirësuarin e 2006-ës nuk kërkohet abrogimi i akteve nënligjorë, as rihartimi i akteve nënligjorë, as përmirësimi i akteve nënligjorë. Si e tillë "Rregullorja mbi administrimin e nëntokës së Qytetit të Durrësit" mbetet një akt normativ me fuqi të plotë. Ju bëj të ditur se këtë rregullore, e cila e shpëtoi Durrësin nga shkatërrimi i pasurisë arkeologjike, e kam hartuar unë dhe nëse do të më detyronin ta ribëja do ta kopjoja. Thjesht, pasi në këtë rregullore, të cilësuar "brilante dhe shembullore" nga institucionet paralele italiane, angleze, gjermane dhe UNESCO, nuk ka vend për ndryshim. Por nëse ju ende i përmbaheni tezës se aktet nënligjore "shfuqizohen automatikisht me daljen e ligjit të ri" mund të pyesni ndonjë jurist. Veç, me kujdes! Që atij mos t'i bjerë të fikët!

6. Pasi morët vesh se ekspertiza e drejtuar nga zv.kryeministri arriti në përfundimin se nuk kam bërë asnjë shkelje dhe se hartuesit e akuzave të MTKRS-së duhen ndëshkuar për hartimin e akuzave të paqena, ju nuk u bëtë dalje këto akuza shpurës specialisto-juridike por e shtuat dozën e helmit. Ju nuk u distancuat as nga skandali i Tores së Durrësit, ku sejmeni juaj kërkoi "tullë" 50.000 euro, pavarësisht se e dinit mirë që ky skandal është i regjistruar. Çka tregon se ju nuk jeni viktimë e korrupsionit të shpurës suaj, çka tregon se ju jeni susta e këtyre veprimeve dhe e korrupsionit.

"Baçe është shkarkuar nga detyra me motivin e thyerjes së ligjit dhe korrupsionit... Baçe ka hyrë në marrëdhënie fizike me firma ndërtimi ose persona për dhënie miratimesh, udhëzimesh për mënyrën dhe mundësinë e marrjes së lejes së ndërtimit",- i thoni ju gazetarit të "Panoramës" ("Panorama" 19.07. 2007)". Ndonëse nuk e kuptoj mirë se çfarë aludoni me kontakt fizik me biznesmenët, marrëdhëniet njëgjinore a diçka tjetër, ju duhet të vërtetoni para gjyqit, i cili tashmë e ka nisur countdown-in e tij, se ku kam zhvilluar kurse perfeksionimi për thyerjen e ligjeve, cilat janë miratimet e paligjshme dhe cilët biznesmenë më kanë korruptuar. Duke ju pranuar si dëshmi korruptimi, qoftë edhe një kafe të vetme që ta kem pirë pa e paguar. Dikur Straboni, shkruante se "Besët quheshin kusarë, nga kusarët". Si e tillë, akuza juaj për kusari më rëndon dyfish.

7. Ndërkohë nga restorantet e peshkut, bashkë me halat e peshkut, doli thënia e juaj se "ai (d.m.th., unë) po krijon grupazh me "x"-in" (nëse e vini në dyshim këtë thënie, ajo vërtetohet lehtë para gjyqit). Ju bëj të ditur se, pavarësisht nga respekti maksimal për "x"-in, me "x"-in gjatë tërë jetës sime kam ndenjur jo më se 10 minuta. Çfarë është kjo thënie, imagjinatë paranojake për grupazhe armiqësorë me funksionarë të lartë shteti? Si në Tabllonë Sinoptike? Jo dhe kaq thjesht. Pas paranojës suaj fshihet këmbëngulja e habitshme dhe këmbëngulja, qoftë ajo paranojake, ka një arsye të fortë pas vetes. Në shkrimin e ardhshëm do të jua sqaroj këtë arsye.

Tashmë ajo që ju mban në moto është inercia, ndërkohë që arsenali ju ka degraduar në baltë sloganore dhe bumerange: "Baçe ka lënë pa pagesë 64 punonjës, për shkak të keqadministrimit e të paparalajmëruar për fatet e tyre". Duke i lindur imagjinatës varganin e të uriturve dhe fatkeqëve, si të skllevërve të Korit të Skllevërve të Fidelios. Dhe, mes tyre, Fidelion Ministerial: shpirtgjerë, të guximshëm, dinamik.

Si është e vërteta? Më 31 maj, kërkuat që brenda ditës të nisej për miratim struktura e re me 5 punonjës më pak. Ndërkohë, ndonëse struktura u nis brenda ditës, ende sot, dy muaj më pas, me gjithë shkresat dhe telefonatat e panumërta, ju nuk keni pasur mirësinë ta firmosni këtë strukturë dhe pa strukturë nuk mund të bëhen shkurtime. Ç'do të ndodhte nëse do të reduktohej p.sh., Sektori i Artit ndërkohë që ju, siç e keni thënë disa herë dhe e keni ç'thënë disa herë, të shkurtonit, reduktonit sektorin p.sh., të Auditit? A do t'u duhej financierëve që të nisnin e të restauronin pikturat e Onufrit?

Tym dhe baltë sloganore, si në informatat e Byrosë Politike kundër armikut të kllasës. "Dëmi i shkaktuar nga Baçe është i pariparueshëm... ndërhyrjet, shkeljet, deformimet kanë sjellë pasoja fatale... shkaktarët do të mbajnë tërë peshën e përgjegjësisë ligjore". A keni ndopak logjikë, a dreq serioziteti? A nuk ju vjen ndopak zor nga vetja?

8. Por ajo që më ka bërë të ndjej fyerje në palcë për veten, për të parët e mi, për fëmijët e mi, për vendin tim, për Kushtetutën e shtetit tim është deal-i që më transmetoi drejtori sejmen: "Ministri më tha jep dorëheqjen dhe do të të gjejmë një vend më të mirë, ose do të përfundosh në gjyq dhe do dënohesh për korrupsion". Si gjenerali sejmen i Adolfit, që i tha Romelit "Fuhreri tha vri veten dhe do varrosesh me nderime, ose do të dalësh në gjyq dhe do pushkatohesh i poshtëruar".

Po pyes, dhe këtë herë jo Ju, pasi është e kotë të presësh përgjigje nga Ju "nëse jam i korruptuar, me ç'të drejtë më ofroni një vend më të mirë? Nëse nuk jam i korruptuar, me ç'të drejtë më akuzoni për korrupsion? Ku e gjeni të drejtën që të ngriheni mbi ligjin, kur sipas Kushtetutës para ligjit janë të tërë të barabartë?".

Nëse këtë volontarizëm e ushtroni me mua, pa marrë parasysh background-in profesional dhe shkencor, kontributin kombëtar dhe partiak, reputacionin dhe aftësinë për të mbrojtur veten, çfarë bëni ju me njeriun e thjeshtë, të pambrojtur, timid? Çfarë bëni me ata nëpunësit që i maltretoni si kavie dhe që britmat tuaja korridoreve, dikur të qeta, i kanë stresuar në dridhje?

Dikur jeni nxehur ligsht për ofezën e madhe që ju është bërë, për paturpësinë e paparë të detit: Në kronikën e sezonit të ri turistik, së pari u shfaq deti dhe ju vetëm pas detit. Po pse, edhe detin doni ta pushoni e t'ia hyni me kamxhik si Dari në Salaminë? Kush mendoni se jeni: Mbreti Diell? Zoti Diell? Heroi i Salaminës?

"Këtë karrige e kam fituar me gjak",- hakërreheni në ministri. Me ç'gjak ? Nëse Kali i Trojës do t'i vinte eksploziv vetes, ai që do të dëmtohej do të ishte Kali i Trojës dhe jo Troja. Ju nuk jeni as Sali Berisha, as Jozefina Topalli, as Bamir Topi, që nga humbja e juaj të dëmtohej keq PD-ja.

Dhe të tëra këto më bëjnë të kuptoj se para meje nuk qëndron Ylli Pango, as deputeti Pango, as ministri Pango, por "Fenomeni Pango". Singular, virulent, i bezdisshëm për intelektualin, i dëmshëm për PD-në, tejet i rrezikshëm për vendin. Dhe këtu mbaron sqarimi i shkakut dhe nis sqarimi i arsyes. Arsyes reale-reale. Jo arsyes dytësore. Dhe këtu po i rikthehem fillimit, këshillës se Shekspirit: "Mendohu mirë para se ta nxjerrësh shpatën nga mylli, por po e nxore, mos e fut pa mbaruar punë". E kam nxjerrë z.Pango dhe nuk do ta fus në myll pa mbaruar punë.

[Hyllien]

Interesante kjo pune, te gjithe keta me te kaluar historike fshihen dhe i hidhet balte.

Lind pyetja, keta qe jane tani ne pushtet, pervec se jane pashkollsa injorante dhe te degjeneruar moralisht dhe kane zbritur ca nga malet e ca nga shpellat, nga dreqin e kane origjinen e tyre familjare ?

[Albo]

Interesante kjo pune, te gjithe keta me te kaluar historike fshihen dhe i hidhet balte.

Lind pyetja, keta qe jane tani ne pushtet, pervec se jane pashkollsa injorante dhe te degjeneruar moralisht dhe kane zbritur ca nga malet e ca nga shpellat, nga dreqin e kane origjinen e tyre familjare ?

I lexon ato qe sjell ne forum, apo i lexon pasi ben komente budallacka si keto me lart? Si Apollon Bace edhe Ylli Pango jane Prof. Dr. dhe dy nga intelektualet me te spikatur qe ka Shqiperia. Kur ata shkruajne, bile edhe kur debatojne me njeri-tjetrin, ti lexo ne heshtje se ke shume sec meson prej tyre.

Per debatin..

Lexova shkrimin e Pangos ne te cilin sulmonte hapur ish-vartesin e tij lexova edhe pergjigjen e Prof. Dr. Bace me lart. Me duket se Prof Dr. Ylli Pango i ka hipur kalit se prapi tani qe eshte bere minister i kultures, pasi ka marre vendime qe jane jo vetem arbitrare dhe personale, por ka marre vendime qe jane anti-ligjore dhe kryekeput te pabazuara. Dhe nuk behet fjale vetem per shkarkimin e drejtorit te monumenteve Apollon Bace, por behet fjale edhe per shkrirjen e gjithe Drejtorise se Trashegimise Kombetare, qe ka bere nje pune te lavderueshme ne vite per te futur nen mbrojtjen e UNESCO disa prej qyteteve antike ne jug te vendit sic eshte rasti i Butrintit dhe Gjirokastres.

Te dy emerimet e Berishes ne ministrine e kultures deri me sot kane qene te nxituara dhe te gabuara. Nuk behet minister nje intelektual i nderuar vetem e vetem se ai u zgjodh deputet ne 2005. Ministri si ajo e kultures kane nevoje per njerez qe njohin profesionin dhe kane nje jete qe jane marre me kete pune. Nuk eshte nevoja te behen emertime politike edhe kur vjen fjala tek kultura.

Albo

[Brari]

mbi kte problem kemi diskutuar ne nje teme te hapur me pare..
kur hapni nje teme shikoni pak se mos eshte tema e hapur me pare..

[Borix]

edhe Ylli Pango jane Prof. Dr. dhe dy nga intelektualet me te spikatur qe ka Shqiperia. Kur ata shkruajne, bile edhe kur debatojne me njeri-tjetrin, ti lexo ne heshtje se ke shume sec meson prej tyre.

Je kaq i sigurt per kete qe thua rreth intelektit te ketyre dy figurave politike? Personalisht, kam takuar Bacen gjate fushates elektorale te 2005. Nuk me ka lene asnje pershtypje te mire, qofte edhe nga pergatitja. Per pak hyme ne stafin e tij, nje staf i perbere nga provinciale (pa ofendim per provincialet) dhe nga disa nga militantet e trazirave te 1998 (ata perpara kryeministrise me granada dhe murtaja, nese te kujtohet). Gjithashtu, figura tjeter, Pango, eshte nje nga personat me te pafytyre qe ka ky vend. Ti e cileson intelektual, mua me vjen per te qare me te madhe. Pyetja qe une i shtroj vetes cdo dite, sidomos teksa lexoj te tilla absurditete, eshte "A ka intelektuale Shqiperia?"

Te keshilloj te lexosh shkrimet e Edmond Cates, ne menyre qe te fillosh t'i japesh pergjigje asaj pyetje.

[Albo]

Je kaq i sigurt per kete qe thua rreth intelektit te ketyre dy figurave politike? Personalisht, kam takuar Bacen gjate fushates elektorale te 2005. Nuk me ka lene asnje pershtypje te mire, qofte edhe nga pergatitja. Per pak hyme ne stafin e tij, nje staf i perbere nga provinciale (pa ofendim per provincialet) dhe nga disa nga militantet e trazirave te 1998 (ata perpara kryeministrise me granada dhe murtaja, nese te kujtohet). Gjithashtu, figura tjeter, Pango, eshte nje nga personat me te pafytyre qe ka ky vend. Ti e cileson intelektual, mua me vjen per te qare me te madhe. Pyetja qe une i shtroj vetes cdo dite, sidomos teksa lexoj te tilla absurditete, eshte "A ka intelektuale Shqiperia?"

Te keshilloj te lexosh shkrimet e Edmond Cates, ne menyre qe te fillosh t'i japesh pergjigje asaj pyetje.

Ylli Pango ka qene dekan fakulteti perpara se ti hynte politikes ne 2005 dhe Apolon Bace ka nje jete te tere qe punon me monumentet dhe kulturen shqiptare. Dhe perpara se ti besh pyetjen vetes nese ka intelektuale Shqiperia apo jo, beji ate pyetjen tjeter vetes, ate pyetjen qe i ben Bace Pangos si kryeartikull: Po ti kush je?

Une nuk e kam takuar as Pangon dhe as Bacen dhe nuk di te te them per "qytetarine" apo "provincialitetin" e tyre si njerez ne rruge, por kam lexuar shume prej shkrimeve e mendimeve te tyre ne vite dhe kam krijuar respekt per te dy intelektualet.

Albo

[Hyllien]

Ylli Pango mund te jete intelektual me standartet e tua ashtu sic Nano mund te quhet intelektual per gjuhet qe di(qe ne qeverine Berisha trecereku mezi flasin shqip ose italshqip se) dhe aftesite e tia politike. Gjeje vete se ku qendron pika e perbashket e ketyre dy figurave.

Borix, ne shqiperi, ka ndodhur ajo qe quhet "brain drain", pra njerezit me shkolle kane ikur. Problemi qendron qe qeveria Berisha sikur, sikur do bente me teper per te sjellur ato DHJETERA MIJERA studente anembane ne europe dhe ne vend ta konsideroj veten me FAT qe ka nje komunitet te gjere ne Amerike-Kanada, shkon dhe e keqperdoron ose e injoron.

Ky esht mesazh i hapur dhe jo me INDIREKT, por DIREKT qe faktikisht shqiperine e kemi marre "NE" ne dore, ku "NE" jane ata qe kane 20 vjet qe po e fusin ne erresire totale vendin(shyqyr qe esht vere dhe zgjat dita pak me shume) dhe diaspora DISAMILIONESHE me mire te rri jashte puneve "TONA".

Kjo gje eshte zbatuar sistematikisht edhe me Arbereshet, qe faktikisht mos ishte ai komunitet qe te tregonte vazhdimesine e kesaj fare qe jeton ne shqiperi me ate te lashte, sot fare mire mund mos te ekzistonim, sic e di shume mire ti Albo, se vete e ke afirmuar disa here jo per gje.



Le te kthehemi tek ty Albo, meqe je dhe nje Republikan. E pe intervisten e zv. Presidentit te SHBA-ve sot ne CNN international tek Larry King ?
Tha dicka interesante aq dhe te habitshme per nje person qe ka bere aq shume per Ameriken. Tha qe NUK I INTERESON TE BEHET PRESIDENT dhe as te MARRI NDONJE RROL NE PARTI. E te gjithe e dine se sa i fuqishem eshte ky njeri ne Amerike.

Mos do ishte koha qe keto figura te djegura ne Shqiperi te ikin dhe t'i lejne vendin gjeneratave te tjera ? Kemi te njejtat figura 20 vjet, un se kuptoj se si i mbron ti keta njerez pikerisht ti qe shkruan per demokracine dhe je i integruar ne Amerike, dhe kur dikush kritikon, me vrap te versulet besniku "Brari" me lloj lloj konspiracirash dhe te etikon "komunist", "edvino-ruco-ist-ist"(me perpara ishte nano-ruco(por meqe Nano eshte me Saliun tani ..........)).

[Darius]

Nqs nuk mund te quash intelektual Pangon dhe Bacen atehere i bie qe ne ate vend te mos kete asnje te tille. Te dy i njoh (sidomos Bacen) dhe te dy jane persona qe me te vertete ke se cfare meson.
Habitem me veprimin e Pangos. Kur flet me te te le pershtypjen e nje njeriu shume te matur, te kulturuar dhe me te vertete intelektual ne qenie. Mbase shijimi i pushtetit i ndryshon keta njerez deri ne ate pike sa pesojne nje metamorfoze per keq. Ndersa per Bacen nuk besoj se ka njeri qe mund te thote ndonje fjale te keqe. Njeri artist dhe me horizont te tille sa mund te ulesh dhe te shpenzosh ore te tera dhe perseri te mos ngopesh.

Shume keq qe jane perplasur publikisht dhe akoma dhe me keq per veprimet e gabuara qe jane bere.

[agimial]

Pango e Brace jane te dy, pjese e atij realiteti shoqeror-politik te piste ne shqiperi, e nuk e ka te veshtire secili te hedh ca balte kundra njeri tjetrit, e shume nga ato te verteta.

[Albo]

Don Apolonit të Bahçes

Ylli Pango

Fort i çnderuar letërshkrues Don Apollon i Bahçes. Me anë të kësaj letre, e para dhe e fundit që do t’i marr kohë vehtes të shkruaj për ju, dua së pari t’ju falënderoj që pas një periudhe relativisht të gjatë e të lodhshme pune në politikë e në administratë dhe largimi të vetëdetyruar nga pasioni im më i dashur pena, më riktheni sërish në nepsin tim të vjetër të të shkruarit. E ca më ndaras, në atë nëndegë a nënfushë të të shkruarit, aq të preferuar meje që në fëmini të largme, të trajtimit a karikaturizimit të figurave groteske, gjë që siç e dinë fort mirë të gjithë miqtë e mi, duke filluar nga ata të klasës së parë fillore e deri të ata të mbramit, përbën gjithashtu një hobi ndër më të preferuarit për mua

Sidomos më bëri fort me gaz, nxjerrja e shpatës tuaj të kartontë nga mylli tashmë i ndryshkur udhëtimesh të gjata e kërkimesh të pafrutshme kalorësie të vrerosur në vise të largëta nga Deutsche Welle e deri në Kanadanë e përtej oqeanit, shtigjeve te kërkimit të vetvetes së drobitur, e deri në rimbërritjen fatlume, sërish në atdhe për t’i dhuruar PD-së për të cilën ju qan fort zemra, humbjen personale të rradhës të 3 korrikut 2005. Gjithsesi pas kësaj, aventyra juaj nuk doli keq, se pasi anatemuat paq të gjithë ata militantë e aktivistë të PD që ju ndihmuan pa sukses për të fituar, pa e ditur se ju jini një humbës i shquar që në lindje, morët sërish një post jo fort të keq nga PD zemërmadhe edhe me plangprishësit si ju. Dhe gjetët tashmë në pleqëri veç ndoca Dylqinjave të përkora edhe mundësinë për tu burbuletur në një det korrupte, duke vënë ca para e duke e kaluar jo keq periudhën dy vjeçare të mbretërimit tuaj si drejtor a më saktë si abuzator i të mirave të trashëguara të kulturës tonë kombëtare. Natyrisht nuk do merrem gjatë e me hollësi me bëmat tuaja në kulturë a antikulturë, me dokumenta a referenca ligjore për ta lodhur pa hak lexuesin edhe kështu fort të lodhur nga vapa a shkrimet tuaja prolikse. Mjaft tu them atyre e t’ju përsëris juve shkurt, se në bazë të një urdhëri lëshuar nga një ministër i kohës së qoftëlargut, mykur prej kohësh në sirtarë, kini gjetur bazën për tu lejuar ndërtuesve të pafre në Durrës e kudo në Shqipëri të ndërtojnë mbi monumente kulture, t’i mbulojnë a t’i shkatërrojnë ato, duke e çuar në mbi 700 numrin e atyre të dëmtuara. Në një kohë që ligja e ndalon rreptësisht çdo ndërtim mbi a përqark monumentit të kulturës, dhe kjo do të mjaftonte për të çvlerësuar çdo vendim të mykur të asaj kohe. Natyrisht keni qenë fort "naiv" kur kini dhënë leje për të ndërtuar dykatshe mbi monumente kulture a për t’i veshur me hekur ato, por kur mbi dykatëshet kanë ngritur krye 10 a më shumë katshe, kini larë duart si Pilati, o Apolon e kini thënë: "Unë dykatshe lejova, nuk di se si i bënë 10 a 20 katshe, për këtë fajtorë të tjerët janë". Kjo është njëlloj fort i përkorë Don Apolon i Bahçes, si t’i ngulësh thikën në gërmaz a në kurriz miqve tanë të dashur, monumenteve të kulturës, të cilëve u ke blatuar jetën a profesionin, e tu thuash "Unë veç sa u thera pak o miq, të tjerë ua shtynë thikën deri në asht". Mëkat Don Apollon i Bahçes së Korruptës, mëkat. Një fort i shquar arkeolog italian kur ka parë gjëmat e tua në Durrës paskërkej thënë se : "Cdo tullë e kuqe (nga tullat e tua Apolon) mbi monumente, është një minë në qytetërimin tuaj të lashtë, në identitetin tuaj kombëtar".

Ndokush ndër lexuesit e shumtë mund të habitet e të thotë "Po qysh ky vrastar monumentesh merr kaq guxim të dalë hapur e të mbrojë veten kur nuk ka vrarë jo një e dy, por dhjetra a qindra monumente kulture. Si s’rend të fshihet diku a të marrë sërish vrapin e kalorësisë arratiake të vrerosur e të hajë bukën e hidhur të mërgimit viseve përtej oqeanit a përkëtej Deutche Weles për të anatemuar sërish, sipas vrerit të dikurshëm arratiak. Nga e gjen këtë guxim pas ndoca javë heshtje të përunjur". Jo,jo këndonjës i nderuar. Nuk është veç ëmbëlsia e Dylqinjave të pleqërisë a ajo e parasë së vjedhur trimërisht këta vite të fundit të lumnueshme që e shtyn të rikërkojë. As ajo e asaj Qokës së madhe që siç thonë durrsakët ka marrë në Durrës këto kohët e fundit, për një yner mbi një monument kulture. Jo, jo e vërteta fshihet diku tjetër. Apoloni ka kohë që i gjendur punësëz, ka filluar trokitje të gjata ndër dyer të mëdha. Natyrisht dera e madhe e kryeministrit që e njeh mirë prej vitesh, nuk ju hap. Atëhere Apoloni filloi të trokasë ndër dyer ca më të vogla por gjene të mëdha.Natyrisht nuk duam të hyjmë në analiza se ç’ndodhi pas atyre dyerve. Por na i do mendja të besojmë me indulgjencë, se aty Don Apoloni i Bahces, ka qarë, është ankuar për pleqërinë a sëmundjen e rëndë sipas modelit të Dylqinjave, ka kërkuar mëshirë, është ankuar dhe së fundmi lehtësisht është marrë nën mbrojtje pa kuptuar a pa dashje(besojmë sërish me indulgjencë se pa dashje) dhe i është premtuar një vend tjetër jo fort i keq i krahasueshëm me të parin). Ndokush tjetër, po e quajmë për momentin Sëmundja e Butë, jo kaq indulgjent sa i pari apo sa ne, e ka njohur më mirë, por i ka leverdisur ta yshtë më tej në këtë betejë të fundit të kalorësisë arratiake. Gabim, fort i madh gabim. Nuk mund të sulmosh kurrë me shpatë kartoni, dalë nga mylli i ndryshkur, por sidomos kur sado krenar, je siç do të thoshte Hasheku, I dh… ndë poture kalorsiake.

Tani t’i kthehemi këshillës së Polloni birit të tij Laertit për shpatën e myllin. Këtu së pari Pollon a Apollon i Bahçes, apo njëherazi dhe Laert dhe Apollon, Polon at që birin këshillon, kalorës i vrertë që vehten trimëron,a ç’mund të thotë një folës më i zoti, më mbush sërish me gaz e me dëshirë të kthehem sërsih në vise të artit të bukur të të shkruarit e t’i vjedh edhe ca kohë vetes për hir të penës. Besomë jo si ministër, assesi, por si shkrues i vjetër. Dhe sërish të jesh i qetë, besomë të shkruaj për të fundit herë, jo për mungesë dëshire a nepsi për tu marrë me karikaturë, por për shkak kohe, Polon, për shkak kohe. Nuk kam kohë ta shpenzoj atë si ty ndër udhëtime të gjata brenda a jashtë vendi mes Dylqinjash të vjetra. Ti e kupton vetë Apollon, kemi punë, shumë punë në ministri. Qoftë edhe për të ndrequr fajet e tua. Pastaj një ministër e një i papunë??! Letërkëmbim? S’ja vlen Polon i Mançes, s’ja vlen. "Nuk mund të mbrehësh në një qerre drerin e shpejtë e kalin e ngadaltë", thotë Pushkini, Apolon. Veç me një gjë më habit

Po qysh o Apollon nuk e paskërke ditur që para se të jem ministër jam hershëm shkrues, dhe jo fort i keq o mik. Dhe stilin tënd proliks vërtet s’e kam për zemër, se shkruaj ëmbël e me dashuri për figurat e personazhet e mia. Dhe ti vete e më grish ndër beteja. S’kam kohë mik, nuk kam kohë. Po do ishim kënaqur për nder. Por gjithsesi. Ti tani Polon je personazh im, ti, ai, ajo, Sëmundja e butë, e çdokush tjetër që të mbështet e që do hyni në kujtimet e mia të mëvonshme.…Dhe për këtë besomë sinqerisht ju dua, ju dua shumë. Dhe të mendosh se ndoca miq më këshilluan të mos shkruaj si ministër që jam, a se ul veten a të tjera si këto. E si mund ta kuptojnë ata Don Kishoti im i dashur i Bahçes, se nuk ka gjë më të bukur për ca si unë e si ty, se sa kënaqësia hyjnore e kreacionit a rekreacionit të figurës njerëzore. E këtu ti je i rrallë Don Apolon i Bahçes, je vërtet i rrallë. Si formë, si ngjyrë, si art. A e kupton tani se përse të shkrova. Aspak për mllef. Të falënderoj me gjithë zemër se më ringjalle sërish pasionin tim të vjetër me personazhin tënd gjithaq të dashur e se nuk mund të përmbaja veten përpara kësaj joshjeje sipërane të krijimit që çdo kreaturë humane me pak dell kreatori e ka fort për zemër…..

Së fundmi duke iu përgjigjur titullit tënd jo fort të papërdorur:

Ja pra cili jam unë Don Apolon i Mançës, një shkrues, sidomos një shkrues i hershëm,por I dashuruar pas penës, një njohës jo i keq i psikologjisë tënde e i subkulturës tonë apoloniane,që ti, Sëmundja e butë dhe mbrojtës të tjerë jo fort të ditur në lëmë të penës e aq më pak të monumenteve të kulturës, ndonëse në karrike të larta, (natyrisht jo kryeministri që të njeh fort mirë që hershëm kur ndër dhera a radio të huaja, shaje në kor me turmën e inçizuar,"Poshtë Berisha", duke nxjerrë stërkala të pavullnetshme nga shqiptimi fort i vështirë i shqipes…) kini menduar ta luftoni me ndoca metoda që nuk janë të panjohura për mua. Kështu pra Apolon i Bahçes, o mik i vjetër, o than i korruptës, o ish drejtor i Monumenteve, që nesër do të bëhesh drejtor i Arkeologjisë. Thuaji Laert-vehtes ta fusë shpatën jo në myll, por diku tjetër…, se është prej kartoni e nuk do i dhëmbë shumë. Aq më shumë se sot luftohet me ca armë të tjera por sidomos me një, me atë të antikorrupsionit që sot me largimin e afërm të Sollakut, mendoj që duhet të jetë disi e frikshme për ty e ca të tjerë. Oh jo personazhi im i dashur, mos u tremb. Nuk do e gjesh nga unë, as nga i madhi zot, as nga zjarri përvëlues i ferrit e as nga dheu tretës. Do e gjesh nga ujët Don Apolon, nga ujët që do të të rrjedhë tërpo e zorr se do e mbash dot, jo ti për vetë moshën që ke,(ç’faj ke) por as cilado Dylqinjë që ende rreket të të mbrojë e të të dëshmojë besnikëri në Tobozën tuaj të dikurshme…

P.S Nuk e di a më kuptove, tani në fund, do e gjesh nga frika jote Apolon, nga frika...


Panorama

[Albo]

“Ylli Pangos, pendëshkruesit të hershëm”

Prof. dr. Apollon BAÇE

Shkrimi i gazetës “Panorama”, “Letër nga Ylli Pango, pendëshkrues i hershëm”, është shkrimi më vulgar që njoh nga media shqiptare. Mjerimi është se ky shkrim i përket ministrit të Kulturës, Ylli Pango. Dhe nëse një ministër Kulture nis e shkruan me zhargonin e rrugës, mjerë kultura e kombit.
Dikur, kryetari i partisë suaj, Skënder Gjinushi, ju hapi rrugë me fjalët “më mbetet që të të jap emrin e nënës, që të më shash edhe nga ajo dhe të biesh rehat”. Emri i nënës sime është Meli.
Nuk mund t’jua kthej reston me të njëjtën monedhë. Për këtë nuk nisem nga frika e përballjes me dikë që mbahet si ndër specialistët më të shquar të sharjeve, as nga dëshira për të treguar se ju i përksni një kategorie krejt të ndryshme nga e imja. Thjesht ngaqë edukata familiare dhe respekti ndaj normave elementare të etikës qytetare nuk më lejojnë të zhytem në batakun e gjuhës suaj. Më mbetet veç që këtyre sharjeve, të cilat amerikanët i quajnë “mudslinging”, gjuhë e fëlliqur, t’u kthej shpinën. Siç u kthehet shpina dhe shpërfillen sharjet e të pirëve a personave me probleme psikike. Bishëzës “qelbës” të pyllit, armë mbrojtëse e së cilës është kutërbimi, i largohen të tërë.
Përveç “mudslinging”-ut, gjuhës së fëlliqur, shkrimi i mësipërm shquan për rrebeshin e thashethemeve, shpifjeve, mburrjeve. Për nga tekstura e pazakontë, si ajo e ekspozitave të pakushtëzuara të fëmijëve dhe të sëmurëve psikikë. Për një miksturë ku ofeza dhe kërcënimi i shëmtuar përzihen çuditshëm me autolëvdatën e skajshme, ku ligësia e skajshme përzihet habitshëm me paditurinë primitive dhe infantilizmin. Të replikosh me një shkrim të tillë, është njësoj sikur të replikosh me hiçin.
A ia vlen t’ju sqaroj se mosha nuk është virtyt, por proces fiziologjik dhe se pas një dekade (me kusht që të mos i rivini tritol vetes) do të arrini moshën time dhe të eprorit tuaj?
A ia vlen t’ju sqaroj se Don Kishoti i Mançës (jo i Tobozës, siç e quani ju) nuk është simbol i korrupsionit, por qesënditë për moshën janë të pashije pasi lufton pa sukses kundër “zuzarëve”: kusarëve, shpifësve dhe mashtruesve.
A ia vlen që t’i shtoj për “hakmarrje” ndaj deformimit të mbiemrit tim një “s” mbiemrit tuaj dhe të zihemi e grihemi si kalamajtë e kopshtit që gërnjarje të preferuar kanë shprishjen e emrit a mbiemrit? Dhe, së fundi, desha t’ju pyes: Çfarë kanë të bëjnë të tëra këto me ruajtjen e monumenteve të Durrësit?
2. Jo rrallë përgojimet tuaja mbartin një dozë helmi. Sipas jush, “partia është treguar zemërgjerë me plangprishësin, i cili në 2005-n i solli humbjen e radhës”. Po, z. Pango, jemi jek e jek. Në 2005-n, unë humba si kandidat i PD-së në zonën më të vështirë të Tiranës; në vitin 1997, ju humbët si kandidat i PS/PSD-së në zonën më të lehtë të Durrësit. Por ju gaboni kur thoni “partia ime”. Në ’92-shin ndërpreva bursën shkencore në RFGJ për të qenë ndër më aktivët në fushatën e PD-së, ndërkohë që ju ju cilësonin si kundërshtarin më të egër të PD-së në Komitetin Drejtues të PSD-së. Në ’97-n, kur transmetoja me neutralitet në DW kronikat e revoltave të Jugut, ju ishit një ndër eksponentët e këtyre revoltave. Në 2001-shin, kur lashë mësimdhënien në RFGJ për të mbështetur fushatën e PD-së, ju merreshit me “kënaqësinë hyjnore të rekreacionit”, dmth me plagjiaturë. Në 2004-n lashë familjen në Kanada për të mbështetur PD-në, u kërcënova me vrasje për shkrimet dhe i solla PD-së BGR-in bashkë me fondet përkatëse. Ku ishit në këtë kohë ju, z. Pango? Cilën parti quani ju partia ime? PSD-në, apo PD-në?
Ne nuk kemi qëndruar asnjëherë në të njëjtën llogore, madje as tani. Lojën e kujt bëtë kur shkarkuat “për paaftësi”, në pikun e fushatës së zgjedhjeve të parakohshme në Pogradec, kandidatin e PD-së, anëtarin e KOP-it, Enis Hoxhën, duke rrezikuar fitoren e PD-së në një zonë të sajën, me pasoja të paparashikueshme për zgjedhjen e presidentit? Kjo më bën të pyes se cila forcë ju flaku në orbitë dhe cila forcë vazhdon t’ju mbajë në orbitë?
3. Në shkrimin tuaj, ju ravijëzoni me modesti portretin e “Pendëshkruesit të hershëm”, dmth. autoportretin tuaj: “Hershëm shkrues dhe jo fort i keq... me joshje sipërane të krijimit... që shkruaj ëmbël dhe me dashuri... me kënaqësinë hyjnore të kreacionit dhe rekreacionit fort për zemër”. Krahas kësaj drite hyjnore, ju pikturoni me penelata të hirta vorbat e nxira dhe çalamane të “subkulturës” sime, të “shkrimeve prolikse me dokumente dhe referenca ligjore... të mërzitshme dhe lodhëse pa hak të lexuesit”.
Por, z. “Pendëshkrues”, unë nuk e kam nisur polemikën me ju për të fituar çmimin “Pulicer” a “Puplën e Artë”. Shteti ligjor dhe drejtësia e tij nuk bazohen në “kënaqësitë kreative dhe rekreative”, qofshin ato dhe “hyjnore”, por në “dokumente dhe referenca ligjore”. Të hirta dhe aspak poetike.
Oscar Wild nuk pranoi avokat, foli në gjyq për “kënaqësi hyjnore” dhe mori dënimin maksimal. Provojeni dhe ju që në shtator t’i flisni trupit gjykues për “palloj pendëshkruar dhe drerë të shpejtë, për kreacion dhe rekreacion” dhe të mos mbështeteni në atë materialin e “hirtë dhe proliks të dokumenteve dhe referencave ligjore”. Ripërsëriteni edhe një herë atë brilantecën juridike se “aktet nënligjorë të ministrave të kohës së qoftëlargut” nuk kanë vlerë.
3. Megjithëse ekspertiza e kërkuar nga Kryeministri kërkon anulimin e urdhrit të shkarkimit tim dhe marrjen e masave ndaj hartuesve të saj, ju vazhdoni me këmbëngulje disku të prishur gramafoni motivin: “Ai i ka lejuar të pafreve në Durrës e kudo t’i shkatërrojnë monumentet e kulurës... t’i ngulin thikën në gërmaz a në kurriz... duke e çuar në mbi 700 numrin e monumenteve të dëmtuar”. Që do të thotë se unë kam therur nga një monument për çdo ditë jave dhe nga dy weekend-eve. Me ju nuk ia vlen të harxhosh frymën. Pavarësisht se jua kam shpjeguar se në 12 vjetët e shkuar janë dëmtuar 846 monumente, se në dy vjetët e fundit janë dëmtuar vetëm tre monumente, se ka filluar rikthimi në gjendjen e parë, ju s’doni që s’doni të kuptoni. “Nuk ka vesh më të shurdhër se veshi i atij që s’do të dëgjojë”, mëson proverbi arab. “Lavare la testa all azino”, thonë italianët për raste të tilla.
Kështu ne do të vazhdonim në infinit. Ti je kasapi që ther monumentet, ju jeni shpifës, ti je “Thani i korruptës”, ju abuzoni me pushtetin dhe shkelni çdo normë të shtetit dhe kështu me radhë. Besoj se tani e dini se këtë do ta përcaktojë gjykata. “Nëse koka e serbit nuk është pjekur për logjikë, ajo është plotësisht e pjekur për dru”, - shkruante Frederik Momseni.
4. Ju sprovoni të fusni tentakulat tuaja në jetën time private. Ju autorizoni veten të flisni për mua në emër të Kryeministrit: “Natyrisht, dera e madhe e Kryeministrit që e njeh prej vitesh nuk iu hap”. Ju mburreni se e dini se çfarë kam biseduar prapa portave të mbyllura në Kryeministri: “Ka qarë, është ankuar, ka kërkuar falje, ka kërkuar mëshirë”. Shkurt, ju dini për mua edhe ato gjëra që unë nuk mund t’i di, pasi nuk i kam bërë kurrë.
Me kë më ngatërroni, o zotëri? Me veten? Natyra nuk më ka pajisur me lot dhe nuk kam qarë as në dhimbjet më të mëdha të jetës sime. Nuk kam kërkuar mëshirë as në ’67-n, kur më priste gjyqi ushtarak; as në ’85-n, kur provova qelitë komuniste; as në ’94-n kur kalova hetuesinë e UDB-së. I kam kërkuar të falur djalit 6 vjeç, por kurrë nuk kam kërkuar falje pa pasur faj. Nuk jam grifon gjysmë lepur gjysmë luan, nuk kam qenë kurrë luan me vartësit dhe lepur me shefat, siç thonë për ju dhe këtë e dini fort mirë.
Ku bazoheni, z. Pango, që më quani “Than i Korruptës, Apollon i Bahçesë së parasë së vjedhur trimërisht, Vrastar jo i një e dy por i qindra monumenteve”? Kush jua jep juve forcën që brenda kuadrit të shtetit ligjor të shpifni lirshëm si operativ Sigurimi dhe të mos ju hyjë gjemb në këmbë? Kush ju lejon të fusni tentakulat tuaja në jetën time private? Kush ju autorizon të më flisni në emër të Kryeministrit?
5. Por jo vetëm kaq. Me lugën e madhe të shtrigës përzini me vrull kazanin e thashethemnajës, shpifjes dhe ofezës për kolegët tuaj dhe për ata që qëndrojnë mbi ju, brenda a jashtë Kryeministrisë pak ka të bëjë.
Ju shkruani: “Nga e gjen ai këtë guxim pas ndoca javë heshtjeje të përunjur?... Sëmundjes së butë, e cila e ka njohur mirë, i ka leverdisur ta yshtë më tej”, duke i nxjerrë këta persona yshtës realë të shkrimeve të mia të përzier me afera të dyshimta.
I nxirrni komplotistë, ndonëse të pakrahasueshëm me ju për nga superkultura që keni: “Sëmundja e butë dhe mbrojtës të tjerë jo fort të ditur në lëmin e penës, aq më pak të monumenteve të kulturës, kanë menduar të më luftojnë me ndoca metoda që nuk janë të panjohura për mua”.
I kërcënoni me forcën e tmerrshme pendëshkruese që posedoni “Sëmundja e butë e çdokush tjetër që e mbështet do të hyjë në kujtimet e mia të mëvonshme”.
I tallni mirë e bukur me shprehjen “Sinqerisht ju dua shumë”. Si ai shoferi i kamionit, që i tha vargut të rosave: “Ju dua shumë. Me pilaf”.
A ju ka mbetur ndonjë grimcë morali politik kur i bëtë të ditur publikut përçmimin për kolegët dhe eprorët tuaj? Kush jua jep fuqinë që t’i kërcënoni me linçim, qoftë letrar? Si ia lejoni vetes të aludoni publikisht për afera të dyshimta të kolegëve tuaj?
Nëse jeni vërtet psikolog dhe parapsikolog, siç pretendoni, pacienti i parë që duhet të kuroni jeni ju vetë. Egërsia e karakterit shizoid dhe deliri i madhështisë po ju shtyjnë drejt skizofrenisë akute, drejt “delirium tremens-it”. Dhe këtë nuk jam unë i pari që jua them.
6. Në fund të shkrimit më kërcënoni si në ritualet Vudu, me jehonë shpirtrash të liq nga bota e përtejme, “nuk do ta gjesh nga zjarri përvëlues i ferrit, Apollon,... as nga dheu tretës, Apollon... do ta gjesh nga frika jote, o Apollon... frika jote o Apollon”. Frikë nga kush, “o Yll ministror”? Nga “largimi i afërm i Sollakut”, siç shkruani? Dmth nga gjyqi? Por në gjyq, krejt në të kundërt me kanosjen “po nuk e dhe dorëheqjen do të përfundosh në gjyq”, ju kam thirrur unë ju dhe jo ju mua. Përse nuk më paditët z. Ministër? Për shkak të shpirtgjerësisë? Sikur ju të kishit pasur në dorë qoftë edhe një shkelje a abuzim minimal, duart e mia do t’i kishit zbukuruar me byzylykët e prangave. Kërkesës suaj “më jepni qoftë edhe një shkelje të vetme”, drejtorët e Degëve Rajonale të Monumenteve iu përgjigjën: “Nuk ka as edhe një shkelje të vetme”. Atëherë, nga se duhet të kem frikë, z. Pango? Nga ndonjë delinkuent i paguar, apo nga ndonjë ekspert tritoli?


Z. Pango, ju e keni mbaruar tërë arsenalin. Thatë ç\mund të thoshit, shpifët ç’mund të shpifnit, ofenduat për ç’mund të ofendonit. Tashmë në karikator nuk keni asnjë fishek. Të gjitha shashkat e tymit, të gazit lotues dhe të gazit helmues ju janë mbaruar. Tani është radha e ime.
Ju thyet çdo normë etike dhe përdhosët çdo tabu morale dhe kjo më jep të drejtën të shkruaj për gjithçka di rreth jush, që nga lista e dëgjueseve të thënies standard: “Për të marrë provimin, duhet të dish ngjyrën e tavanit tim”. Por nëse do të shkruaja për intimitetet tuaja ekstravagante, do të bija në nivelin tuaj, do të zhyhesha dhe do të bëhesha si ju, ndërkohë që unë kurrsesi nuk jam ju.
Në të kundërt, në shkrimin e radhës (Kush jeni ju, z. Pango? 2) do të ndalem në teknologjinë e endjes të “spider-web”-it tuaj dhe përcaktimin e ekipit endës të “spider-web”-it. Do të sprovoj t’ju sjell në faksimile që nga plagjiaturat e “Social Psychology”-së deri te lista e personave të cilëve u është kërkuar mita standarde 50 mijë euro. Që nga deviacioni i fondeve ndërkombëtare për Shqipërinë drejt fondacioneve okulte te lista e personave që keni pushuar ose keni dashur të pushoni te lista e atyre që keni sjellë. Plotësuar kjo me nivelin profesional dhe përkatësinë partiake të këtyre personave.
Përse? Për shpagim për banalitetet dhe kolanën “Than i Korruptës, Apollon i Bahçesë së parasë së vjedhur trimërisht, vrastar jo i një e dy, por i qindra monumenteve etj?”
Kurrsesi, shpagimin për fyerjet dhe mashtrimet e shkrimit tuaj i ka marrë shkrimi juaj. “Perëndia ia merr mendtë dikujt dhe ai bën turli marrëzirash”, thotë proverbi arab. “Pastaj ia kthen atij që të shohë se marrëzitë e bëra nuk ndreqen më”.
Ju kam thënë, z. Pango, se kënaqësia e egër e shpagimit është e huaj për mua dhe se nëpërmjet jush unë nuk luftoj personin Pango, por “Fenomenin Pango”, të bezdisshëm për intelektualin, të dëmshëm për PD-në, të rrezikshëm për vendin.
Në këto kushte, jetëgjatësinë e karrierës suaj e shoh sa të një meteori, i cili merr flakë sapo hyn në atmosferë. Duke tërhequr nga pas një bisht tymi e zjarri, si bisht palloi puplashkruar, derisa përplaset me tokën duke shkaktuar dëme, por së pari duke copëtuar veten.

Albania

[andiOS]

Genesis besoj se ne Shqiperi ka plot politikane qe jane te mire arsimuar qe ne kohen
e xhaxhit e me ndonje master ne vitet e "demokracise" kane ditur te pershtaten mire
me kohen.Problemi me keta politikanet tane eshte se u ka zene truri dhjam dhe jane
bere te gjithe si profetet kush e kush te yshti me pare.Mjafton te jene pas kolltuqeve dhe zyrave qeveritare se s'ka
asnje problem, te drejtosh ekonomine e nje vendi eshte njesoj si te ujitesh lulishtet qe kane ne vilat e tyre apo te lozim sylla mbylla.
Per te bere vizita ne shtetet perendimore asnjhere nuk u ka munguar e drejta (dikush ka dhe jetuar jashte vendit) me cfare fytyre prezantohen perpara homologeve te tyre e per cfare i mbajne me vete ato
blloqe ku kane shkruajtur nje tufe me brockulla mbetem duke kerkuar ndihme gjithe andej se po mbytemi qe ne 1991. Jam kurjoz te di cfare tip te bardhi marrin keta dreq ??
Ne ketu flasim per Pangon, Bacen e Dhimon keta si persona produktivitetin e kane zero le te kene mbrojtur titull mbi titull jane te vjeter jane pompoze e te rende dhe kete menyre te sielluri ua trasmtojne dhe vartesve te vet kudo i ke keta virusa te administrates "publike"
Vendi po shkon drejt krizes energjitike e ky diskutim ketu ne forum me kujtohen ate humorin me Ceken e shokun Sillo "ore po partizanet ishin te gjithe shpatull gjere e sy petrit"

Deri sa do te vazhdoj kjo odise e vendit tone ???

Respekt Genesis

[Brari]

shum keq qe pango merret me bace-n.

shkallmimi i vendeve me permbajtje vlerash te antikitetit eshte nje nga faqet e zeza te viteve pas 90-te..

deri ne vitet 90 shteti enverist prishte cte donte e ruante cte donte..
instituti i mbrojtjes ishte si nje haxhi llesh pa fuqi..ose si nje loro boric qe ishte trajner po ndrrimet i benin generallet nga tribuna..

mbas 90 mafia e sapo krijuar..kuptonet ..mafie e partis punes.. filloj ndertimet..

dhe ja hyri fshatce vendeve antike..
dhe instituti perseri ishte i pafuqishem sikurse ishin te pafuqishme plakat e vlores per te ndalur hordhite zabiti-ste ne 97-ten..

dhe sot apoloni i institutit ska fuqi te ndale mafien..
kete e di pango..por pangua nuku do te ndeshet vet me mafien dhe ja rras apolonit.. te luftoj me mafien..
jo pangush.. je ti qe e ke kte detyre.. ti me berishen.. e jo apoloni i ngrate..

pra bie ere m.ut veprimi i pangos..
qe do te thote.. o mafi un spo ju ngacmoj..

po ja qy polua don tju ndale.. se un jam i urte..

iii..

[thorgal]

Qe Ylli Pango eshte nuk eshte i paster e as engjell kete e dine te gjithe, sidomos ne Tirane ku thuhen njemije te zeza per te, por eshte e pamundur qe ai te akuzoje A. Bacen pa asnje baze. Ne masakren qe eshte bere me zonat arkeologjike edhe Bacja ka pjesen e vet te fajit pa asnje dyshim.

[janulla]

Shqipni tavolinash

Artan Lame

Më të shumtit e njerëzisë ua kanë mbathur plazheve e maleve të Shqipërisë, ndërsa ca më të paktë që ua mban xhepi, edhe atyre të Antalisë e Tarabulluzit, duke premtuar, secili sipas të vetës, se do të kthehet në shtator për t‘iu përveshur reformave. Në këto kushte, të vazhdoj unë të shkruaj për gjëra që të gjithë i kanë lënë në shtator, i bie të jem para kohe dhe të mbaj konferencë në shkretëtirë. Për këtë, të më ndjeni o lexonjës që do t‘i shtyj ditët e nxehta të gushtit me tema jo të nxehta e ndonjëherë edhe thjesht me meditim me veten.

PRINA PARTI!
Pasi e përjetuam një herë në vitet ‘80 zbulimin e komplotit të poliagjentit dhe shokëve të tij, pasi na e rikujtuan gazetat kaq e kaq herë në këto vite, ditët e fundit sërish një gazetë po i riboton të plota procesverbalet e atyre gjyqeve politike. Një nga akuzat që më ka mbetur më thellë në vesh që atëherë dhe që vetë Shoku Enver e përsëriste orë e pakohë, qe se "të gjitha komplotet në të gjitha kohërat i kishte zbuluar partia (domethënë vetë ai) dhe asnjëherë Sigurimi i Shtetit që e kishte për detyrë". Zor të ketë shqiptar që të mos e kujtojë këtë refren të atëhershëm, siç edhe zor të ketë shqiptar që të mos e ketë fiksuar refrenin e Shokut të sotëm, sipas të cilit "të gjithë korrupsionin po e zbulon ai dhe partia e tij dhe jo prokuroria që e ka për detyrë". Nuk është e nevojshme të shkruaj unë për t‘i kujtuar njerëzisë këto dy akuza të partive në kohë të ndryshme kundër shtetit, por them se ia vlen ta çoj mendjen tek ngjashmëria gati identike e akuzës dhe tek marrëzia që rrjedh prej saj.

Me ç‘po them, nuk dua t‘i zbardh faqen as Sigurimit dje, e as Prokurorisë sot, por të them se sa herë që politika ka ndërhyrë tek shteti, aq herë shteti është kthyer në skllav i cave kundër cave. Tjetra gjë që më bie në sy, është paaftësia e Shokut të sotëm për të shpikur rrugë të reja dhe për rrjedhojë ecja e tij deri edhe në frazë më frazë në rrugën e Shokut të dikurshëm. Na mbetet neve të tregojmë në se do shpëtojmë prej tij siç shpëtuam prej të parit kur e qamë me kujë, apo kemi vënë ndopak mend në këta 30 vjet.

"4 SHKURTI"
Rruga "4 Shkurti" (më saktë "Dëshmorët e 4 Shkurtit") është një nga rrugët më të rrahura të qytetit tim. Fillon diku në krah të godinës së bankës dhe vazhdon drejt deri sa arrin të kapërcejë Lanën, tek ajo ura e vogël këmbësore që nuk u bë dot asnjëherë urë e madhe makinash. Nëse bën nja 500 hapa në njërin krah të kësaj rruge, do të të kalojnë në krah radhazi: Banka e Shtetit, Partia Socialiste, Katedralja Ortodokse dhe Kazinoja e Tajvanit. Në kaq pak hapa, 4 të kundërta të papajtueshme jo vetëm në kohë, por ca më shumë në qëllime. Banka, si simbol i triumfit të materies kapitaliste mbi moralin kristian dhe më pas atë ideologjik; Partia Socialiste me trashëgiminë e saj të re e të vjetër, si armike e kapitalizmit nga njëra anë dhe e fesë nga ana tjetër; Katedralja Ortodokse, me kundërshtinë e saj të lindur, si për kapitalin ashtu edhe për socializmën dhe së fundi, ca hapa më tej, Kazinoja, ku kush hyn atje nuk mund të hyjë në Kishë. Më rrëmujë se kaq nuk mund të bëhet dhe zor të më gjeni vend tjetër në botë, ku njerëzit të kenë qenë aq mendjeprishur sa t‘i ndërtojnë ngjitur njëra-tjetrës si këtu. Si për t‘i vënë kapak, qëndron tabela me emrin e rrugës, që kujton datën kur ca njerëz u vranë për ideale, që veç me idealet e kësaj rruge nuk kanë të bëjnë.

Në një kaos të tillë idesh dhe ideologjish, vetëm për vlera të konsoliduara nuk mund të flitet, se vlerat nuk krijohen nga godinat, por lindin, forcohen e zënë rrënjë dhe veç në fund kanë nevojën e tyre për t‘u formësuar në ndërtesa. Si në të tëra, edhe në këtë punë jemi pa busull dhe, paçka se i njëjti shqiptar mund të shkojë në të katra këto vende, nuk i do zënë besë aspak se mos e ka me tërë mend.

KONAKE SHQIPTARE
Dolën një grup artistësh në konferencë e thanë se do të xhirojnë film "Vitin e mbrapshtë" të Kadaresë, ndër më të arrirat vepra të tijat. Shqipëria e vjetër, ajo origjinalja, mes dhimbjeve të lindjes së shtetit të saj, e më the të thashë. Ajo që ma bëri të mbrapshtë edhe vitin ku jemi, veç atij të Kadaresë, qe një frazë e thënë, ashtu si gjë normale, nga ekipi i filmit në fund të konferencës: Nga 38 skena të filmit, vetëm 4 do të xhirohen në Shqipëri, ndërsa 34 të tjerat në Maqedoni. Pra, një film për Shqipërinë, nuk do të xhirohet në Shqipëri, por në Maqedoni. Arsyeja është e thjeshtë: Shqipëria është e pafilmueshme. Askund nuk mund të krijosh më në Shqipëri pamje natyrale, pamje historike, pamje të një vendi që pretendon se ka të shkuar të pasur, por që kur i duhet ta filmojë atë shkon e filmon në Maqedoni. Askund në Shqipëri nuk bën dot më foto (e jo më filma) pa tela që varen gjithandej, plehra, shtylla e kolona betoni, tarraca betonarmeje, depozita uji në tarraca, ndërtime legale e ilegale ngado, gërmadha socialiste fabrikash të grabitura dhe rrënoja demokrate ndërtimesh të prishura, plehra, rrangalla, varreza makinash, cungje ish-pemësh, e ç‘t‘u them tjetër. Zgjidhja? Shkojmë në Maqedoni.

Ju kujtohet në fillim të sezonit, kur ministri i Turizmit tha se meqenëse Shqipëria ngjan me Portugalinë(!) (por kjo nuk ka plehra dhe gërmadha), sivjet nuk do të bëjmë spot për turizmin, por do të transmetojmë spotin e Portugalisë dhe në fund do të shtojmë: kështu është dhe Shqipëria). Ky i ministrit është thjesht varianti qeveritar i hallit të atyre që do xhirojnë Shqipërinë në Maqedoni.

Kur të kaloni në Llogara, në s‘jeni ndalur do të ndaleni, në një goxha fshat turistik sa për të marrë një kafe. Mes tavolinave vijnë vërdallë ca kaproj të këndshëm, që në momentin e parë më shkoi mendja se do t‘i kishin gjetur në pyll të braktisur dhe i kishin rritur të zbutur. - Jo mor zot, më thotë "pronari", ku kan lënë gjë gjallë pyjeve gjahtarët, me çifte, me pushkë, me kallash, me kobure e me bomba. Këta i kam blerë dhe sjellë nga Mali i Zi!!!

Kush ka shkuar në Krujë këta dy-tre vjetët e fundit, pasi ka kaluar mjegullën e furrave të gëlqeres dhe gomave që nxjerrin tym të zi, çudinë e fundit dhe më të madhen e ka parë në Pazarin Tradicional-Mesjetar-Historik-Komik të Krujës. Në të gjitha dyqanet e këtij Pazari, shiten tashmë vetëm xhingla-mingla kineze prej plastike dhe skulptura indiane me cica jashtë, ndërsa krutanët duarartë dhe punëtorë, rrinë e vrasin miza në dyer të dyqaneve, duke psherëtirë pse nuk vijnë turistë nga bota të blejnë idiotësira plastike kineze në pazarin e Krujës.

Në Llogara kaproj importi nga Mali i Zi; filmi për Shqipërinë do xhirohet në Maqedoni; në Krujë shiten suvenire kineze; spoti turistik i Shqipërisë do të jepet ai i Portugalisë! Po Shqipëria do bëjë ndonjëherë ndonjë gjë shqiptare? Më 1908-ën, Noli thosh gjithë duf për shqiptarët e Amerikës: "M‘u duk sikur trokisnja në konakë qinezësh". Pas njëqind vjetësh, në Shqipëri më bëhet se trokas në konakë të dreqit e të birit, po veç si konakë shqiptarësh nuk duken më.





© Gazeta Shqip - 2006-2007

--------------------------------------------
Disa antare te forumit u zhgenjyen me kete demokraci por nuk e kuptoje pse fshihen mezazhet kur shkruan nje te vertete dhe pa ofenduar njeri????

Pershendetje

[Brari]

janulla.. a nuk te cudit ki hipokriti lame tyjan..
a thua se ai ka ikur ne 89 -ten nga shqiperia e vjen tani.. e po shikon gjera jo te hijshme..

lame eshte vet mafia.. vet nje nga firmetaret e masakres turistiko urbano ekologjike..

prandaj janull.. mo i posto shkrimet e dallkaukve si ilace..

jan tjere ata qe u ka hije te shkruajn kunder masakres betonuse..

psh tos lubonja qe nuk eshte i perzier ne mafie.. e as ka pas pushtet ne keto dekada.. a ndonje tjater..
shkruante nje dizaj kinse i alarmuar per bregoret e jeshilleqet bukuroshe te dikurshme te tiranes.. ekologjisti klos ardiani.. qe sipas tij po masakrohen..dhe ashtu eshte ne fakt..por qe sipas klos ardianit..fajtori kryesor..na qenkish kryekomunari i farkes..

mirpo gjith populli e di se kryefajtoret per keto pune jan kryeministrat me ministrat perkates si dhe kryetaret e bashkive te tiranes.. e sidomos ki i plotfuqishmi edvin..
mirpo klos ardiani nuk e zinte fare ne goj mikun e tij te vjeter e asnje sacme kunder tije.. por me artileri te rende shpartallonte kte katnarin e shkoz farkes..se ai na i paska bere gjemen natyres se tiranes..

ska turp..

dhe pangua kapet me apollonin.. a thua se nashti qe u beti direktor monumentesh apolloni u sulmuan.. vlerat antike kulturore historike e polua nuku i dolli zot..

ka dekada qe shkallmohet vlera historike ne trojet tona..

pra pangua nuku guxon te vej gisht aty ku duhet e ja fut ketij polos se baces..


dihet se eshte apo nevojitet guxim i madh te ndalesh industrine mafioze te betonimit.. por ne se pranon te benesh minister do te thote se e ke ditur se do te duhet te guxosh..

e te guxosh do te thote te tregosh me gisht kryebetonuesit..
e nga kjo te vjen dhe plumbi altino arapist..
por ama kete ka detyra shteterore.. o benu trim e guxo.. o ik ne kafene bej politik me brarin.. a me rapsolin..

pra sna tha gje pangua..ashtu si nuku thot gje ardian klosollaraj.. apo ki legeni lame..

[janulla]

O brari me thuaj kush nuk eshte dallkauk ne Shqiperi, po thuaj se shumica jane te perlyer e qe mbajn ere hajutesh. Isha ne Shqiperi 3 muaj, pashe shume gjera, si ka mundesi kjo lloje demokracie ashiqare dhe me dy fytyra e katandisen popullin ne ate fare feje. Si te majte e te djathte nje fytyre kane dhe duhen besoj dy dekada qe populli te marre fryme lirishte.Shume te pasur dhe shume te varfer pashe, shume familje qe jetonin vetem me pension s`arrinin te blenin 1 kile mish, te tjere hanin ne restorantet lluksoze.Sa per kryetaret e bashkive jane bere bilionera. Ai i Sarandes kishte vila ne Greqi,pallat 9 katsh ne Sarande , shtepi ne Tirane dhe ne kete kohe krize ja kecet me pushime ne Spanje. Shume pushtetar jane si ky (perfshi dhe edin ne Tirane) Femijet e tyre studjojne jashte njesoje si ne ate kohen e Dulles.Me thuaj o Brari ka ligje ne Shqiperi? JOOOooooooooo
Po do me fakte do shkruaj prap
Te pershendes Janulla

[murat bey]

Vendosa te shkruaj se spo duroja dot

une vije nga nje vend i ashtuquajtur Lure ku mbahet si park kombetar
por aktualisht eshte veq se nje germadhe e pafund qe e kane katandisur banoret qe jetojne atje ,dhe a e dine se pse

Se ajo eshte e vetmja menyre jetese pasi as ndihme sociale as pune nuk ka ne ato vende
Dhe Zt Pango na flet per monumentet kulturale ku jane keto qeveri qe si njera edhe tjetra bejne te njejten loje pse keta nuk mbajne dot as edhe pergjegjesite e tyre pse duhet ne populli i shkrete te paguajme per kete pse

Keto jane thjeshte propoganda qe te duken sikur po punojne se erdha une ne pushtet dhe te bej dicka dhe ca eshte ajo te pushoje disa drejtuse aktual
pse zoteri nuk shikoni anen pozitive dhe te mendoni se si mund te rregullohen gjerat po mundoheni se si e si te theloni korrupsionin duke vene ne detyre njerez te besuar tuajt qe tu mbulojne vjedhjet dhe demtimet qe beni ne kete popull

Any way cfare do ce te themi ne asgje ska per te ndryshuar

Urojme te zene mend keta qeveritare dhe te ecim nje here perpara se ngelem duke ecur mbrapa

shihemi ne shtator te nderuar anetar te forumit

[...askushi...]

Zoti Pango ka qene dekan i fakulteti te Psikolgjise... a e dini cfare ka mbaruar zoti Pango?

nqs ne shqiperi intelektualet perzgjidhen ne baze te ofertave qe ju bejne studenteve per te pare tavanin es htepise se tyre, lum si ne...

[Borix]

Zoti Pango ka qene dekan i fakulteti te Psikolgjise... a e dini cfare ka mbaruar zoti Pango?

Sigurisht, nuk ia thekte ne matematike, tek e cila kaloi me berryla. Por gjithesesi, eshte e drejta e njeriut te zgjedhe ate arsimim qe i pershtatet. Megjithate, une nuk harroj se cfare i tha shoqes sime ne prezence: "Psikologjia eshte edhe Matematike", duke ferkuar gishtat e dores per te nenkuptuar para. Disa ketu e quajne intelektual. Per mua, nga menyra se si shprehet e se si shkruan jo vetem qe nuk eshte intelektual, por "i ndyre" ne kuptimin e perditshem te fjales!