signor Antonio

[Brari]

Nuk eshte fjala per Antonin tone qe nuk pi as cigare por per nji "Antonio" i cili ne kohen e Enver Hoxhes drejtonte kontrabanden e Cigareve ne Portin e Durresit.

Nejse.. ja cthot gazeta..
--------------
Armët e trafikut shqiptar në SHBA, Lindjen e Mesme dhe Azi

FBI: Sigurimi, kupola drejtuese e mafies shqiptare

Një studim i Universitetit të Wayne në SHBA, i sponsorizuar nga Byroja Federale e Hetimeve dhe Qendra për Studimet e Sigurisë Evropiane "George Marshall", flet për penetrimin e ish-agjentëve të shërbimit sekret shqiptar të regjimit komunist në kupolën drejtuese të mafias shqiptare. Gjithashtu raporti thekson se organizatat kriminale kanë vendosur korridore për trafikun e armëve, të marra nga depot e ushtrisë shqiptare në vitin 1997 në SHBA, Lindjen e Mesme dhe Azinë Qendrore. Raporti është parashtruar në prani edhe të ish-kryeministrit Meta si dhe kreut të Komisionit të Rendit dhe SHIK, Ceka.



Nga Endri DIBRA



Nuk është hera e parë që studiues dhe analistë të krimit të organizuar kanë arritur në konkluzionin, se mafia në vendet e Evropës Lindore është një strukturë e ngritur nga ish- segmentet e policisë sekrete të regjimeve komuniste. Madje për Shqipërinë, njohës të mirë të krimit të organizuar kanë deklaruar me dhjetra herë, se mafia shqiptare nuk është gjë tjetër vetëm një produkt i organizatës famëkeqe Sigurimi (ish-shërbimi sekret shqiptar). Por këtë herë është një raport që mban firmën e FBI-së (Byroja Federale e Hetimeve në SHBA) dhe Qendra Evropiane për Studimet e Sigurisë "George Marshall", e cila përforcon konstatimet e mafiologëve ndërkombëtarë lidhur me strukturën dhe rolin e krimit të organizuar shqiptar, ndërsa një tjetër akuzë që vjen nga hartuesit e këtij raporti është ngritja e korridoreve të trafikut të armëve në SHBA, Lindjen e Mesme, Gjeorgji dhe Armeni, nga grupet kriminale shqiptare dhe ato ndërkombëtare për shitjen e armëve të marra nga depot e ushtrisë shqiptare në vitin 1997. Raporti i hartuar kohë më parë, i cili në të vërtetë është një studim i hartuar nga studiuesi Joseph L. Albini, Profesor Emeritus në Universitetin shtetëror të Ëayne, SHBA dhe Dr. Brian Sullivan, pedagog pranë Universitetit Ëashington, kanë arritur në konkluzionin se mafia shqiptare drejtohet nga ish-oficerët e shërbimit sekret Sigurimi. Raporti "Krimi i Organizuar: Dimensioni i Sigurisë Kombëtare", për më tepër është lexuar në një panel të veçantë në Garnish të Gjermanisë, ku kanë marrë pjesë kryetari i Komisionit parlamentar për Rendin dhe SHIK-un, Neritan Ceka, si dhe ish-kryeministri Ilir Meta, drejtues të shumtë të shteteve perëndimore dhe Evropës Lindore, si dhe drejtues të agjencive policore. Në një panel të posaçëm ku është trajtuar korrupsioni në ushtri dhe penetrimi i shërbimeve sekrete, është folur për rrezikun e madh që sjell ky bashkëpunim me organizatat kriminale. E ndërsa vëren një shtrirje të madhe të korrupsionit të ushtarakëve në shitjen e paligjshme të armëve dhe në pastrimin e parave, raporti thekson ndër të tjera, duke marrë si shembull Azinë Qendrore, dëshirën e njerëzve për të punuar në policinë kufitare, një shenjë kjo e qartë se ky pozicion të ofron fitime lluksoze nga aktivitetet e paligjshme. Në të vërtetë një fenomen i tillë, ndonëse raporti nuk e ka përfshirë Shqipërinë për këtë rast konkret, është vërejtur edhe në Shqipëri, ku pjesa më e madhe e njerëzve të veshur me pushtet dërgonin të afërmit e tyre kontrollorë në pikat e kalimeve kufitare, për shkak të fitimeve marramendëse që arrihej nga përfshirja në aktivitete të paligjshme.



Përfshirja e ish-oficerëve të shërbimeve sekrete



Duke marrë si shembull mafian shqiptare dhe atë gjermano-lindore, raporti analizon mundësitë e minimit të demokracisë nga bashkëpunimi i ish-strukturave shtetërore me organizatat kriminale. "Zbarkimi i forcave të armatosura paraqet mundësi të reja për krimin e organizuar. Këto zbarkime ndihmojnë korrupsionin në ushtri të oficerëve, të cilët kanë aksesin tek armët, transporti dhe informacionet sekrete shtetërore, elementë këto të kërkuara nga organizatat mafioze". Personeli i shërbimeve sekrete është i ndjeshëm ndaj këtij fenomeni tek demokracitë e reja me ekonomi të paqëndrueshme, theksohet ndër të tjera në raport. "Krimi i organizuar shqiptar ka përfituar nga bashkimi dhe hyrja e ish-oficerëve të shërbimit sekret, siç është edhe rasti i Gjermanisë Lindore". Sipas raportit të hartuar nga ekspertët më të mirë në SHBA për çështjet e krimit të organizuar, "për shkak të njohurive të tyre mbi sigurinë dhe pozicionin që ato mbajnë, survejimi i tyre është shumë i vështirë. Krimi i organizuar është i kooptuar nga shërbimet sekrete si një mjet për marrjen e informacioneve sekrete. Por në rastin kur një agjent i mbuluar është i gatshëm "të bëjë një sy qorr" ndaj krimit, me qëllim për të marrë informacion, linja ndërmjet mirëbesimit dhe aktivitetit të zbulimit (operacioneve sekrete) dhe krimit të organizuar ndryshon formë. Penetrimi i agjencive të zbulimit është një problem i sigurisë kombëtare, sepse minon zbatimin e ligjit nga policia dhe bashkëpunimin ndërkombëtar mes agjencive policore".

Në po këtë linjë edhe opozita shqiptare ka akuzuar shpeshherë krerët e shërbimit sekret shqiptar si pjesëmarrës në trafiqe dhe bashkëpunim me krimin e organizuar.

Shqipëria dhe trafiku i armëve



Në një panel të posaçëm për "Tregun e zi të armëve konvencionale" është prezantuar një studim që ilustron aspektet kryesore të përfshirjes në trafikun e armëve dhe përfshirjen e grupeve të organizuara kriminale në Shqipëri dhe Kosovë. "Grupet kriminale janë kryesisht të interesuara në shitjen apo tregtimin e armëve, kërkuesit më të mëdhenj. Shqipëria përjetoi një gjendje anarkie me pasoja prishje të rendit publik, që ndodhi në vitin 1997. Gjatë trazirave arsenali i ushtrisë shqiptare u zbraz. Përveç miliona armë të vogla dhe 2.500 kundërajrorëve dhe mbi 200.000 armë luftarake AK-47 (model 56) u grabitën. Fillimisht këto armë u përdorën në Kosovë. Së shpejti u krijua një rrjet bandash, të cilat zhvilluan korridorin për tregtimin e armëve me shtrirje në Itali, Greqi, Evropë, Lindje e Mesme, SHBA dhe Turqi. Siç është tipike për të gjitha llojet e organizatave kriminale të angazhuara në trafikun e paligjshëm, këto banda filluan së shpejti të përdorin kontakte dhe të zhvillojnë korridore nga Gjeorgjia dhe Armenia, rrugë, të cilat tashmë ishin vendosur nga tregtia e drogës. Një nga pikat kryesore të këtij studimi ishte për të treguar se ajo që filloi si një ndërmarrje e nxitur nga një revolucion politik, së shpejti u shndërrua në një ndërmarrje që vepronte për fitime financiare".

Një analizë e Fondacionit italian "Rosselli", që është kryer nën mbikqyrjen e plotë të Komisionit Evropian bërë publik muaj më parë, ka arritur në konkluzionin se Sigurimi i shtetit krijoi mafian shqiptare në vitet ’60. Sipas Maurizio Fiascos, mafia shqiptare fillesat e saj nuk i ka pas rënies së "Perdes së Hekurt", por më herët. Italianët, duke iu referuar të dhënave të sakta, vlerësojnë se mafia shqiptare ka bashkëpunuar me atë italiane që në fundin e viteve ’60. Më e preferuara e mafias shqiptare ka qenë rajoni i Pulias, ku falë afërsisë është vendosur bashkëpunimi me mafian lokale Apulia, me të cilën shqiptarët trafikonin cigare. "Kur në vitin 1960 porti i lirë i Tangier u mbyll, kontrabandistët e cigareve gjetën një shtëpi të re operacionale në Napoli dhe qendra të tjera u ndërtuan në brigjet jugosllave dhe ato shqiptare. Në të njëjtën kohë Algjeria u bë shtet i pavarur dhe pas kësaj aksi Afrikë e Veriut – Marseille (Francë) humbën monopolin e tregtisë së morfinës dhe privilegjin për të rafinuar heroinë për tregjet amerikane. Por ngjarjet politike dhe ushtarake që pasuan gjatë 25 viteve të fundit patën ndikim të menjëhershëm në zhvillimin dhe rënien e mafiave (grupeve kriminale) në vendet që bëjnë pjesë apo lagen në Mesdhe. Në 1974, konflikti turko–grek për Qipron nuk e anashkaloi aspak korridorin e vjetër për në Amerikë të drogës që kalonte nga Anadolli për në botën e re. Le më po të flasim për luftrat në Iran dhe Irak, të cilat bënë që droga të shkëmbehej me armë". Duke analizuar më tej, studiuesit italianë shpjegojnë se Shqipëria është përdorur gjatë viteve ’60 si trampolinë e trafiqeve të drogës dhe cigareve nga Libani për në Evropë. Kjo pas luftrave civile që shpërthyen në këtë vend
--------------------------------

kalata xerro.

[Anton]

PO kjo eshte nje e vertete qe dihet.

Vite me pare ka botuar "Klan" nje artikull shume interesant perbi bashkepunimin e sigurimit dhe mafian italiane te cigareve.

Fatkeqesisht nuk e kam me ate artikull.

Ne rast se dikush e ka, te lutem ta sjelli.

[alumni]

Nuk i kam qejf kto sigurimlliqet, por cdo gja po mbetet mjegullnaje, askush nuk mori masa e nxuerr pergjegjsi, te pakten mbas viteve '90, e sidomos '97 e kendej, as nuk mundet me te shku nder mend.

Te dhana te sakta mund te japin i jati i ministrit te sotshem te mbrojtjes, edhe shoket e tij, qe kan qene pergjegjsa ktu e vjete te shkume ne "kalaten zero".

Poshtersia e ka zanafillen ato vite, e mjerisht nuk paska fund.

[Anton]

Ai artikulli klanit kete punen e mafjes se cigareve e sakteson ne menyre te habitshme.

Pse nuk i shkoi kush deri ne fund me hetime?

Kjo eshte pyetje me vend.

Rrofte Berisha, por dhe shume faj nuk ka, sepse aq din aq ben.

Per tu marre me keto pune duhet trimni e madhe dhe zgjuarsi e vecante.