Postuar më parë nga
Ballisti_Tetove
"Fiks Fare" denoncon mitëmarrjen nga ana e një pedagogu të universitetit
Plot 10000 lekë të reja kushton një notë kaluese sot në universitetet
shqiptare. Të marrësh provimet pa mësuar dhe pa u paraqitur asnjëherë
në leksione dhe seminare është shumë e thjeshtë. Mjafton që ta
kesh xhepin plot. Çdo gjë zgjidhet me para. Pedagogët mbyllin njërin sy
dhe mirëpresin shpërblimin për notën që të japin.
"Fiks Fare" denoncoi në emisionin e djeshëm, rastin e një pedagogu
të Universitetit Bujqësor të Tiranës, i cili kundrejt notës kaluese i merr
studentes së tij të vitit të tretë dhjetëmijë lekë.
Studentja, e cila nuk mund të merrte me
forcat e saj një notë kaluese në lëndën e
përmirësimit gjenetik, i kërkon një marrëveshje
profesorit Kujtim Tamo në zyrë. Studentja
i jep fillimisht pesë mijë lekë profesorit,
në këmbim të notës kaluese. Profesori nuk
pranon që të lëshojë notën në këmbim të
kësaj shume. I kërkon studentes që t‘i sjellë
edhe pesë mijë lekë të tjera. "Nuk e shes unë
veten kaq kollaj", i përgjigjet studentes profesori, në momentin kur shikon
pesëmijë lekëshin në duart e saj. Pasi siguron pagesën prej dhjetëmijë
lekësh, studentja shkon përsëri te profesori Tamo së bashku me fletoren
e provimit, ku ka zgjidhur në shtëpi pyetjet e provimit, ndërkohë që studentët
e tjerë u janë përgjigjur testit në sallën e provimeve. Pasi i uron
suksese në lëndët e tjera, profesori e këshillon studenten e tij që të mos e
bëjë fjalë me njeri që e kishte paguar për të marrë notën kaluese, duke i
kujtuar se në vit të katërt ai do t‘i jepte përsëri mësim.
PROFESORI Kujtim Tamo, lënda përmirësim gjenetik në Universitetin Bujqësor
PROFESORI - Çfarë duhet të bëj me ty? Çfarë halli ke.
STUDENTJA - Tani...
PROFESORI - Unë nuk të kaloj, nuk kam motiv të të kalojë. Në radhë të
parë mos më paragjyko.
PROFESORI - Tani ti erdhe vetë me këmbët e tua, çfarë halli kishe? Si do
ta shtrosh problemin?
STUDENTJA - Tani hall... Puna është që unë dua për më mirë, jo për më
keq, normale.
PROFESORI - Ti do për më mirë... Por tani pse unë duhet të futem në të
tilla siklete shtetërore. Pasi unë marr një përgjegjësi shtetërore, apo jo?
STUDENTJA - Normale profesor dhe nuk po them se...
PROFESORI - Pastaj pse duhet të ta bëj unë këtë nder ty? Po e quaj nder,
ose sakrificë, pasi nuk është nder ky. Për mua është sakrificë, duhet të shkel
ligjet e shtetit, normat e të gjitha. Pse duhet ta bëj? Tani me çfarë mend erdhe,
pse erdhe?
STUDENTJA - Tani herës që kaloi ju më patët thënë. Vëre dorën në zemër
ti, d.m.th n.q.s e vini ju dorën në zemër, e ve dhe profesori. Puna është o
profesor, se unë kam dhe provimin tjetër dhe të mos ashtu kot. Të vë unë
dorën në zemër dhe ti të më ndihmosh...
PROFESORI - Pse nuk thua o profesor nuk e marr dot?
STUDENTJA - Po pra profesor nuk e marr dot.
PROFESORI - Tani me çfarë mendje erdhe këtu, çfarë deshe të thoshe?
STUDENTJA - Thashë unë, të mbarojmë punë...
PROFESORI - Çfarë është ajo?
STUDENTJA - Më ndihmon ti, të ndihmoj edhe unë.
PROFESORI - Pse kaq lirë e shes unë veten dhe ti veten?
STUDENTJA - Nuk është puna lirë...
PROFESORI - Futi brenda, kush ta dha atë?
STUDENTJA - Kush ma dha? Babi me mamin.
PROFESORI - Ulu aty, ulu.
PROFESORI - Unë e kam kaluar atë, tani shko thuaji ma jep dhe një tjetër
si kjo atij shokut tënd, nga ana jote dhe ma bën profesori.
STUDENTJA - Si....
PROFESORI - Të ta japi dhe një tjetër si kjo, ai shoku yt dhe...
STUDENTJA - Të vij prapë lart unë?
PROFESORI - Ti e di.
STUDENTJA - Ok, do më presësh këtu...
PROFESORI - Futi brenda...
STUDENTJA- Po këto merri...
PROFESORI - Shko thuaji, bëje dhe njëherë kaq nga ana jote n.q.s më do ...
STUDENTJA - O profesor, po nuk e kam nga ana e tij, unë do gjej një... Do
marr një person tjetër të m‘i sjellë dhe të ashtu...
PROFESORI - Ti e di...
STUDENTJA - Unë do t‘i them babit që të më...sjellë këtu në shkollë...
PROFESORI - Të vijë babai yt ?Po ç‘punë ka babai yt?
STUDENTJA - Jo jo, s‘ka punë me ty, të vijë që të më sjellë diçka tjetër dhe...
PROFESORI - Tani shko bëje të plotë atë dhe atëherë... Si e shitkam unë
veten aq kollaj
STUDENTJA - Aq sa merr...
PROFESORI - Kaq, shko bëje të plotë tani, pse kaq vlekam unë? Shko thuaji
atij shokut tënd që të do...
STUDENTJA - Jo, jo atij shokut... Mos më vër në pozitë...
PROFESORI - Të lutem, kjo është e kuptueshme vetvetiu, kur të do kaq
shumë ai ty, pse s‘të jep? Atëherë thuaji më jep ti një pesëdhjetëshe mua...
STUDENTJA - Po nuk i them unë o profesor.
PROFESORI - Ky është problem privat, po do ta mbyllim mos bëj muhabet
me njeri, ik merri ato, bëje tamam dhe hajde. Të lutem mos e bëj muhabet
me njeri.
STUDENTJA - Në rregull...Asgjë mo profesor, çfarë është ky muhabet, në
rregull.
PJESA E DYTE
PROFESORI - Sot ka ardhur një kohë, të gjithëve ua kam dhënë dhe s‘ka
thënë njeri një llaf të mirë, atëherë reciproke janë këto punë.
STUDENTJA - Ke të drejtë...
PROFESORI - Dëgjo, asnjeriu s‘do t‘i thuash, dakord?
STUDENTJA - Jo mo profesor , ç‘është ajo fjalë.
PROFESORI - Dëgjo mua profesorin.
STUDENTJA - E di mo profesor, se po t‘i them njeriu, e di që është për të
keqen time...
PROFESORI - Të keqen tënde. Sepse unë nuk e çoj librezën pa u mbyllur
kjo punë qetë, qetë. Sepse jo se unë trembem...
PROFESORI - Të lutem, jo të lutem unë...
STUDENTJA -Është më keq për veten time.
PROFESORI - Bashkë jemi dhe në vit të katërt, do bëjmë edhe një lëndë
tjetër. Prandaj të them është në të mirën tënde, mbylle gojën, shiko punën,
thuaj nuk ma dha. Madje, nuk ta shkruaj,
STUDENTJA - Mos ma shkruaj...
PROFESORI - Ka kohë të kalojë kjo valë. Mos i thuaj njeriu, dakord, për
veten tënde dhe për mua.
STUDENTJA - E di që është në të keqen time, d.m.th i bëj keq vetes.
STUDENTJA - Tani, fletoren që e mora me vete të ta jap...Ja e kam marrë
me vete.
PROFESORI - Ta mbyllim këtë midis nesh...
Shqip
Krijoni Kontakt