Per Krimet E Komunizmit Duhet.......!

[TOKE GEGA]

Përmendore e re në Uashington për viktimat e komunizmit në botë

12-06-2007

Përmendorja në nderim të viktimave u përura, dje, në 20 vjetorin e fjalimit të njohur të ish Presidentit Regan para Murit të Berlinit, kur i lëshoi një sfidë ish udhëheqësit sovjetik, Mihail Gorbaëov.

“Sekretari i Përgjithshëm Gorbaçov, nëse kërkon paqe, nëse kërkon begati për Bashkimin Sovjetik dhe Evropën Lindore, nëse kërkon liberalizim, hajde këtu tek kjo portë. Zoti Gorbaçov, hape këtë portë! Zoti Gorbaçov rrëzoje këtë mur.“Në fjalimin e tij të martën Presidenti Bush e bëri të qartë se ndante të njëjtin qendrim me presidentin Reagan rreth rëndësisë së lirisë.“Eshtë e përshtatshme që në përvjetorin e atij fjalimi ne të përurojmë një monument që reflekton besimin tonë në fuqinë e lirisë.Monumenti, një statujë në bronx, e vendosur pranë ndërtesës së kongresit, është një kopje e monumentit që ngritën studentëve kinezë në sheshin Tienanmen në vitin 1989.

“Ideatorët e këtij monumenti, mund të kishin zgjedhur një imazh shtypjeje, apo një replikë nga muri që dikur ndante Berlinin, apo barakat e ngrira të Gulagut....apo një fushë të mbushur me të vrarë dhe kafka. Por ata zgjodhën një imazh shprese...një grua që mban pishtarin e lirisë. Ajo na kujton ne viktimat e komunizmit dhe në të njëjtën kohë, na kujton fuqinë që e mposhti atë.Në fjalën e tij Presidenti Bush tha se disa nga viktimat ishin mjaft të njohura, por shumica vdiqën anonimë në vende si gulagu sovjetik dhe fushat e pushkatimit në Kamboxhia.

“Krimet e regjimeve komuniste nuk morrën thjesht jetë njerëzish, ato synuan t’u rrëmbenin atyre shpirtin human dhe t’u shuanin kujtesën. Me këtë përmendore ne sot po rikthejmë humanizmin dhe kujtesën e tyre. Me këtë monument ne u thmei viktimave anonime të komunizmit se ata nuk do të harrohen.”Presidenti Bush tha se askush nuk e di me siguri se sa njerëz vdiqën në duart e qeverive komuniste, por disa llogaritje e çojnë numrin deri në 100 milionë. Presidenti theksoi se ndërkohë që komunzimi mund të jetë zbehur, ligësia dhe urrejtja akoma mbeten. Ai tha se ngjarjet e 11 shtatorit 2001 e provojnë këtë gjë."Ashtu sikurse komunistët, armiqtë e rinj besojnë se të pafajshmit mund të vriten, për t’i shërbyer vizionit të tyre radikal. Sikurse komunistët, armiqë tanë të rinj janë kundër popujve të lirë, duke pretenduar se ne që jetojmë në liri jemi të dobët dhe na mungon vëndosmëria për të mbrojtur mënyrën e të jetuarit të lirë. Dhe sikurse komunistët, mbështetësit e radikalizmit të dhunshëm islamik janë të destinuar të dështojnë".

Memoriali i Viktimave të Komunizmit u ndërtua nga një fondacion privat që e filloi punën para 17 vjetësh, menjëherë pas rrëzimit të murit të Berlinit. Fondacioni thotë se kjo është përmendorja e vetme e këtij lloji në botë.

[TOKE GEGA]

Nevoja për të dënuar edhe juridikisht krimet staliniste të Enver Hoxhës!



Përpjekja për ringjalljen e komunizmit dhe të kryekriminelit Enver Hoxha, në manifestime të tilla si ato për Konferencën e Pezës, japin alarmin tronditës: liria dhe demokracia në rrezik!
Dy duka në dy ekstreme/E para: Kur në “Sheshin Demokracia” në qytetin “Studenti”, në dhjetorin e demonstratave për liri dhe demokraci gjëmonte horizonti ”Ta bëjmë Shqipërinë si gjithë Europa”, një student me emrin Blendi Gonxhe thërriste para megafonëve të mëdhenj: “Diktatorit dhe kriminelit Enver Hoxha në çdo ditëlindje, në çdo gëzim, në çdo përvjetor t’i pushkatojmë eshtrat”, ndërsa Edi Rama dilte nga salla e debateve e Akademisë së Arteve pasi kishte vjellur vrerë kundër terroristëve komunistë shqiptarë e tiranit Enver Hoxha, dhe ngjitej në tribunat e mitingjeve të demokratëve, duke uluritur se Enver Hoxha është mëkatari më i madh i vrasjeve, burgimeve, internimeve të ajkës së kombit dhe të varfërimit e mjerimit të mbarë popullit shqiptar.
E dyta: Pas një dekade, Blendi Gonxhe, mbasi mbushi xhepat me paratë që ua vodhi shqiptarëve, u zhduk si hije. Ndoshta për t’u rrëfyer para fantazmës së diktatorit se ajo që kishte thënë më parë ishte lojë, jo demokracia e liria ishin ideali i tij, po hajdutëria, që të pasurohej sa çel e mbyll sytë, duke krijuar alibinë kundër tiranit që të ishte sa më i besuashëm. Ndërsa kolegu i tij Edi Rama, pas 15 vitesh, u rrëmbeu socialistëve kreun e partisë sipas metodave enveriste, e kopjoi atë në mendësi dhe prakticitet duke e patur model. Kulmi arriti më 16 shtator 2007 ku Edushi u shfaq lakuriq si mashtrues i vërtetë, duke dëshmuar se është një enverist i pandreqshëm. Bashkë me liderët e partive të majta Ilir Meta, Paskal Milo e Skender Gjinushi, bëjnë prova kamikaze, për të ringjallur diktatorin më të egër e gjakatar të të gjithë Lindjes, duke i thurur lavde veprës kriminale të tij, me sloganet paskaliane që e sheh historinë gjysmën të bardhë e gjysmën të zezë dhe nuk di të dallojë liderin kriminel nga lideri me të mira dhe të këqija. Dyfytyrësia e enveristit Edi Rama është e paskrupullt, ai e përdor figurën e Hoxhës si një monedhë tregu për të fituar kredibilitet tek të sëmurët që akoma flenë me fotografinë e Qoftëlargut, siç e thërriste profesor Isuf Luzaj, duke mos ia përmendur kurrë emrin.
Bëmat dhe gjëmat e Enverit me terroristët komunistë janë plagë që akuzojnë/Bëmat dhe gjëmat e Enver Hoxhës, me terroristët e terrorizuar komunistë, siç i quante Hitleri, janë kriminale dhe genocidiste. Nga “Libri i zi i komunizmit shqiptar” të Agim Mustës që doli këto ditë në qarkullim citojmë: “Gjatë regjimit komunist, nëntor 1944-1991, populli ynë përjetoi diktaturën më të egër nga të gjitha vendet e Europës Lindore. U shpronësuan 100000 familje shqiptare dhe u grabitëm me dhunë pasuritë e luajtshme dhe të paluajtshme të 500000 shqiptarëve. Mbi 2000 veta u vranë pa u gjykua. 50000 vetë u arratisën jasht shtetit për t’i shpëtuar draprit komunist. U ekzekutuan për pikpamje të kundërta politike 5037 burra dhe 450 gra. U dënuan për motive politike, me punë të detyruar dhe konfiskim të pasurisë 19250 persona. U internuan 48217 burra dhe 10792 gra. U dëbuan nga qytetet kryesore dhe fshatrat kufitare 11536 familje. Shqipëria u shndërrua në një burg të madh ku i gjithë kufiri tokësor i Republikës u rrethua me tela me gjemba dhe u minua. Brenda këtij “burgu të madh” gjendeshin 40 burgje të mbyllura dhe mbi 50 kampe pune të detyruar mbushur me të dënuar politik”. Ky është një gjenocid i vërtetë i terroristëve komunistë që kërkon ndëshkim që nga kryeterroristi Hoxha e gjer tek ai në fund të piramidës së krimit. Kjo nuk është vetëm etike dhe e moralshme, por drejtësi që duhet të vihet në vend, për të mos i detyruar bijtë dhe bijat e viktimave të komunizmit, që të rrokin armët e hakmarrjes gjakatare. Vonesa e gjykimit të krimeve të komunizmit dhe kryekriminelit Enver Hoxha ka krijuar terren që të lëvrijnë gjarpinjt e kuq për të kafshuar e helmuar lirinë dhe demokracinë.
Enver Hoxha do të hyjë në histori si tiran, pa lavdi/Mosdënimi i tiranit Enver Hoxha dhe i krimeve të komunizmit në kohën e duhur, ka bërë që të marrin guximin e çmendur, disa lider të majtë, dogmatikë e komunistë primitivë, të dalin haptas për t’i dhënë dekorata të tjera “Heroit të popullit” - tiranit Enver Hoxha, si historiani i kuq Paskal Milo, i cili në mos qoftë i shitur, me siguri është pseudohistorian sepse mendon dhe arsyeton me gjysmën e kokës, kur kërkon të gjejë vlera te krimineli dhe t’ i thur lavdi të palavdishmit. Aktualisht kanë marrë yrysh edhe disa personazhe groteskë, të pamoralshëm, të asaj kohe dhe pinjollët e tyre të kuq, për ta bërë një gjë të tillë. Madje edhe disa personazhe në media, të cilët nxjerrin në ekranet televizive figurën e diktatorit, vend e pa vend, për të kënaqur nostalgjikët dhe idhtarët e vet, sajojnë emisione pas emisionesh që i përkushtohen figurës së Qoftëlargut, duke ndezur gjakrat e shumicës së shqiptarëve mbi të cilët ka rënë shpata e këtij Polpoti shqiptar. Ndërsa media e shkruar i ka mbushur faqet e shtypit, me kujtime e ditare të kryeterroristit komunist, mistifikues dhe shtrembërues i së vërtetës historike, i cili ngarkon me faje shokët e tij që u hëngri kokat nga frika e rrëmbimit të pushtetit, kur fantazmat çdo natë i thërritnin në vesh se një komplot i madh po të rrëzon nga froni.
* * *
Një kategori tjetër skllevërish të kopesë enveriste, megjithëse padroni i tyre nuk jeton më në këtë botë, duke mos qenë të aftë të bëjnë katarsisin, të dalin nga sistemet e mbyllura, nga vatha e kopesë, bëjnë zhurmë, përpjekje, paguajnë, që figura e idhullit të tyre të mos rishikohet realisht, mos të thuhet e vërteta, duke tentuar rehabilitimin e tij. Për shumicën e shqiptarëve Enver Hoxha është simbol i së keqes, i të shëmtuarës, të krimimit, djallëzisë e pabesisë, që të vriste natën e të qante ditën. Po të vriste dhe ditën me diell me alibinë e armikut që e kishte bërë filozofi të tij absolute. Ndërsa një pjesë e klasës politike sot nuk sheh, nuk dëgjon, nuk gjykon, nuk mohon as nuk pohon dhe vërtitet në mjerimin e vet, në mediokritetin, idiotësinë, heshtjen prapa së cilës fshihet shitja e shpirtit djallit shqiptar, serb edhe grek.
* * *
Të revoltuar ish-të burgosurit dhe persekutuarit politikë përjetojnë me dhimbje këtë realitet, ziejnë përbrenda, grinden me njeri-tjetrin, tërbohen kur shohin këto monostra politikanësh tribunave, sidomos persekutorin e djeshëm që flet për demokraci dhe drejtësi; urrejtja do të pëlcasë si dinamit, po megjithate nuk shpërthejnë, asgjë nuk bëjnë veç fjalëve nëpër kafeteri, paçka se në gjumë pëshpërisin monologun e Hamletit: “Të rrosh a mos të rrosh”. Mirëpo dhe heshtja dhe durimi kanë një kufi. Edvinët, paskalët, gjinushët dhe enveristët e tjerë duhet ta vënë vëth në vesh këtë këshillë të Urtakut. Po shpërtheu urrejtja ndaj genocidistëve komunisto-enveristë, do të ketë fuqinë e tsunamit më të tmerrshëm.
* * *
Të mos dënosh krimet e komunizmin, do të thotë ta leshë bacilin e kolerës komuniste të ringjallet me forca të reja duke rrezikuar lirinë dhe demokracinë. Të mos dënosh kryekriminelin Hoxha figura e të cilit ka dimensionet e tiranit: vrasës si Kaini e Neroni; reptil i madh që piqte në hell reptilët e vegjël shokë dhe miq, po sidomos kundërshtarët politik ballistë e zogistë; Stalinist që vriste, priste e digjte si rrufe cilindo shqiptar, pa guxuar kush t’i thoshte: Mos! Të mos e dënosh këtë pjellë të së keqes, do të thotë të rikthehet koha e terroristëve komunistë me kryeterroristin si model, ku pinjollët e baballarëve të kuq si Edi Rama e Skënder Gjinushi të zënë vendin e tyre si reptilë të mëdhenj.
* * *
Të gjitha krimet monstruoze lidhen me emrim e Enverit. Të gjitha gjërat e frikshme dhe të tmerrshme lidheshin me te. Asgjë s’bëhej pa fjalën e tij. Edhe skenat edhe prapaskenat kishin firmën e tij, miratimin e këtij djalli të kuq komunist. Gjithkush ishte i terrorizuar prej Hoxhës. Ai kish ngritur një sistem vertikal terrorizmi ku eprori terrorizonte vartësin, aqsa ishte i terrorizuar nga eprori i tij, kështu tërrorizmi i ngritur në sistem shtrihej nga maja e piramidës e gjer në fund. Ndërsa vetë tirani Hoxha ishte i terrorizuar nga armiku imagjinar dhe nga fantazmat e krimit, prej të cilave gjumi i kishte marrë arratinë.
Dënimi, domosdoshmëri/Ky mesazh, është thirrje për klasën politike që të marrë përgjegjesitë historike. Parullat demagogjike se komunizmi është zhdukur, nuk ringjallet, se e kaluara nuk kthehet më, është sa miopi aq dhe djallëzi enveriste. Një pjesë e shoqërisë sonë akoma e ka në zemër Enverin dhe komunizmin; një pjesë nuk janë divorcuar prej tyre ndonëse thonë të kundërtën; një pjesë tjetër për interesa karrieriste, apo pse ia kanë shitur shpirtin djallit, përdorin çdo mjet që ajo përiudhë diktatoriale të zbutet e mistifikohet nga të këqijat dhe të alibuohet për vlera duke i ngritur lavdi kriminelëve, çka do të thotë të vazhdojë shtrembërimi i historisë dhe të së vërtetës. Po shumica e popullit që e ka provuar mbi kurriz peshën e dhunës, të poshtërimit dhe të mjerimit, të vrasjeve e pushkatimeve pa gjyqe, janë gati ta marrin vetë përgjegjësinë nëse klasa politike nuk është në gjendje, apo nuk do të dënojë krimet e komunizmit dhe tiranin Enver Hoxha.

[juanito02]

Gjeni e lexoni kete liber qe numuron te gjitha krimet e padenuara te komunizmit ne bote qe nga Lenini e deri te Pol Poti
Kuptohet edhe Enveri jone

[TOKE GEGA]

Mendoj se eshte qeshtje drejtesi dhe jo historie!

Shqipetaret kerkojne drejtesi!!