Postuar më parë nga
xnjeri
Në skenën legjendare të filmit "Jeta e Brianit" John Cleese në rolin e Regut, prijësit të Frontit Popullor të Judesë
duke shikuar në arenë luftën e gladiatorëve pyetet në mënyrë retorike se çfarë të mire ju kanë sjellur romakët. "Ujësjellësin" i thotë një bashkëluftëtar i tij. "Edhe kanalizimin" i kujtohet një tjetri. "Mirë" thotë pa disponim Regu " pranoj se ujësjellësi dhe kanalizimi janë dy sende që …."" Edhe rrugët e shtruara…" shtoi përsëri i pari. "Po, ashtu është" pohoi mendueshëm Regu " po përveç ujësjellësit, kanalizimit, dhe rrugëve …."" Medicinën, e ndërpreu i dyti "Edhe arsimin"."Në rregull, mjafton " u nervozua Regu."Edhe meliorizimin" vazhduan shokët e tij."Banjot publike""Mirë në rregull" u nxeh përfundimisht Regu, " po, përveç ujësjellësit, kanalizimit, rrugëve, medicinës, arsimit, meliorizimit, dhe mbrojtjes së shëndetit, çfarë të mire tjetër na kanë sjellur romakët?". Lufta për identitetin religjioz të Evropës Shikoj në televizor papa Benediktin XVI se si nga katedra e Universitetit në Regensburg citon carin e Bizantit Manuelin II: "Na tregoni se çfarë të mire na ka sjellur Muhamedi, përveç të keqes dhe dhunës, urdhrin që feja të përhapet me shpatë?" Dhe nën e kapelën e bardhë të papës filloi të më shfaqej fytyra e Regut, dhe në vend të papës fillova ta shihja John Cleese –në se si po pyetej në mënyrë retorike :
"Çfarë të mire na kanë sjellur muslimanët?""Matematikën" do të shtonte njëri nga studentët e informatikës nga fundi i rreshtave." Numrat e sistemit decimal , pastaj numrat që edhe sot i quajmë numra arab, të panjohurin `x', zeron revolucionare pas së cilës bota nuk ishte më ajo e njëjta. Edhe trigonometrinë, algjebrën, që e ka marrë emrin nga Kitab Al Jabar, veprës së matematicienit të njohur Al – Hawarizmiut. Dhe prej kësaj e ka rrënjën edhe fjala algoritëm. "Mirë" do të pranonte pa disponim papa Benedikti, prijësi i Frontit Popullor të Evropës- "pranoj që numrat dhe algjebra janë dy sende që…."" Edhe gjeografinë" do të kujtohej studenti i tretë."Edhe filozofinë. Me përkthimet e tyre në errësirën e mesjetës e kanë shpëtuar filozofinë greke nga humbja. E kanë punuar hartën e parë të botës. Të parët e kanë llogaritur diametrin e rruzullit tokësor dhe kanë zbuluar sistemin heliocentrik. Kanë ndërtuar observatoriumin e parë, themeluan astronominë moderne dhe nga Lindja na e sollën busullën. Edhe letrën. Pastaj orizin.""Në rregull, mjafton" do të nervozohej papa." Edhe sheqerin, portokallin, limonin, pjeshkën, do të vazhdonin studentët, presën për vaj, sistemin e ujitjes dhe përgjithësisht bujqësinë moderne. Pambukun, industrinë tekstile dhe modën. Xhaketa është zbulim arab. Konstruktuan kamera opscura – ën e parë dhe themeluan optikën. Pastaj kitarën. Edhe kafen". " Po " do të nxehej Benedikti XVI nga katedra " po përveç matematikës, gjeografisë, filozofisë, astronomisë dhe kitarës…." Edhe farmakologjinë" do të shtonte një studente "në kohën kur Evropës i zihej fryma nga kutërbimet dhe sëmundjet, arabët na e dhanë sapunin dhe parfumet, na shpjeguan se epidemitë përhapen me anë të ujit të infektuar, na e sollën Qanunin e njohur të Ibn Siana-së, enciklopedinë e parë të barërave dhe eliksireve, pardon al – iksirëve. Pastaj alkimistët e parë kanë qenë arabë, fjala alkimia rrjedh nga al – kimya, ata janë baba të kimisë moderne. Pos të tjerash e zbuluan barutin. E nxorën destilimin, dhe fituan al – kuhulin. Po ju duket e njohur?""Në rregull" u nxeh përfundimisht papa Benedikti XVI " po përveç sistemit decimal, numrave, algjebrës, matematikës, filozofisë, hartës së botës, busullës, letrës, orizit, sheqerit, pambukut, sistemit të ujitjes, kamera obscura-s, optikës, xhaketës, kitarës, kafes, parfumit, sapunit, alkoolit, farmacisë, higjienës dhe kimisë moderne, çka kanë bërë muslimanët diçka mirë për ne?"" Pra çka na kanë sjellur diçka të re muslimanët përpos të keqes dhe dhunës?" – lexon nga letra studentëve të Universitetit të Regenburgut, i tëri në mëndafsh dhe kadife papa Benedikti XVI, duke e anashkaluar me këtë rast edhe faktin se muslimanët i kanë sjellur edhe atë që e ka veshur, edhe letrën të cilën e lexon, por edhe faktin e pamohueshëm se edhe konceptin e Universitetit përmes Spanjës në Europë e kanë sjellur arabët. "Ngjyra e dijetarit është më e shenjtë se gjaku i dëshmorit" ka thënë, nuk do të besoni i tmerrshmi Muhamed (savs. shën. im). " E çfarë na ka sjellur Muhamedi pos urdhrit që feja të përhapet me shpatë? – pyet Benedikti XVI në fjalimin e pakuptimtë të përhapjes së fesë me dhunë, duke anashkaluar me këtë rast edhe përmendjen e xhihadit katolik. Dhe të pyetet më pas :
"Më thuani çfarë të mire ju solli Isusi Amerikës Latine përveç të keqes dhe dhunës? Po mirë, përveç ujësjellësit, kanalizimit, ndërtimit të rrugëve, arsimit, bujqësisë, mbrojtjes së shëndetit, teknologjisë, filozofisë, teatrit, artit?Ani mirë, edhe futbollin.
Përgjigju Duke Cituar
Krijoni Kontakt