Kombëtarja Shqiptare - [lajme dhe komente]

[RaPSouL]

Vendimi, dy inspektorë për hetimin e trukimeve

Asambleja Vjetore e FSHF-së ka miratuar në bllok ndryshimet në statut të propozuara nga Komiteti Ekzekutiv dhe sekretari i përgjithshëm Mici, duke i hapur rrugën kështu një tjetër sfide në futbollin shqiptar. Në një mbledhje ku kanë munguar një pjesë e madhe e presidentëve të Superligës, është vendosur hartimi i një statuti-tip, duke qenë në avancë me vendet e tjera anëtare të UEFA-s. Pika më e rëndësishme e Asamblesë që u zhvillua dje në Durrës, ka qenë padyshim shtimi i dy inspektorëve pranë Komisionit të Disiplinës, të cilët duhet të merren me hetimin e rasteve të trukimeve në kampionatin shqiptar. Një nga çështjet më të përfolura të viteve të fundit e sidomos në sezonin që sapo kaloi, tashmë do të ketë edhe organet e saj që do të ndërmarrin nisma të vërteta ligjore kundër asaj që konsiderohet si “gangrena” e futbollit në Shqipëri e që është fiksimi i rezultateve përpara zhvillimit të ndeshjeve. Dy inspektorët, të cilët ende nuk janë emëruar, do të jenë pranë Komisionit të Disiplinës, që tashmë ka 5 anëtarë, dhe do të kenë kompetenca hetimi për ndeshjet e dyshimta. Në fakt, dje pritej miratimi i Prokurorisë Sportive, por një strukturë e tillë ende nuk duket gati për një vend si Shqipëria. Gjithsesi, vendosja e dy personave të posaçëm për ndeshjet e përfolura në Superligë, do të çojë detyrimisht në frenimin disi të fenomenit. Përveç pjesës së dy inspektorëve, në vendimet e djeshme të Asamblesë Vjetore, me mjaft rëndësi ka qenë miratimi i buxhetit për vitin e ardhshëm që do të kapë shifrën e 242 812 000 lekëve, një shifër goxha e lartë kjo për Federatën Shqiptare. Veç kësaj, një tjetër pikë me rëndësi ka qenë shtimi i kompetencave për sekretarin e përgjithshëm të FSHF-së, i cili tashmë do të ketë të drejtën e emërimit dhe të shkarkimit nga puna të punonjësve të këtij institucioni. Një vendim i tillë ia heq këtë funksion Komitetit Ekzekutiv të Federatës duke lënë gjithçka në dorë të njeriu të vetëm edhe pse duhet thënë se një praktikë e tillë ndeshet dhe në statutet e vendeve të tjera.

[zeus]

-----------------------------------

Portieri i U-19, Saimir Ujkani, ka firmosur dje nje kontrate 5-vjecare me skuadren e Palermos. Kontrata e tij me ekipin italian eshte per nje afat 5-vjecar. Ai eshte aktivizuar me skuadren e Anderlehtit. Shqiptari eshte provuar nga skuadra e vendit te peste te Serise A, bashke me dy afrikane te tjere, te cilet nuk u moren. Lojtari ka treguar nje forme mjaft te mire me skuadren e U-19-es, me te cilen ka luajtur vetem dy ndeshje dhe me ekipin e dyte te Anderlehtit, me kete ekip ai eshte aktivizuar ne dhjete ndeshje. Kontrata e tij pesevjecare me Palermon do te filloje ne sezonin e ardhshem. Tani, dyshes shqiptare te Serise A, Tare dhe Bogdani, u shtohet dhe portieri Ujkani. Tani duket se gardiani i se ardhmes ne porten kuqezi do te jete kosovari nga Rniku, Saimir Ujkani

-----------------------------------

[no name]

Kastrati: Do te rikthehem ne Kombetare

E Diele, 17 Qershor 2007

Sulmuesi i Kombetares shqiptare, Bekim Kastrati, ka kaluar demtimin qe e ka lene larg futbollit per disa muaj dhe eshte kthyer i etur per gola. Sulmuesi kuqezi ka firmosur nje kontrate njevjecare me skuadren e Fortuna Duseldorf.

Kontrata eshte firmosur dje, dhe vlen per nje vit, por me opsion per t'u rinovuar dhe per nje tjeter, nese Fortuna ngjitet ne Bundesligen 2. Nese jo, Kastrati ka te drejte te prishe kontraten me nje shume parash te caktuara.

Kastrati u prononcua per albania-sport.com, pas nenshkrimit te kontrates. ''Tash jam rikthyer. Kete mund ta pohoj pas gjithe atyre muajve ne rehabilitim. Jam perqendruar gjithsesi ne qellimin tim dhe ky eshte i thjeshte: Dua qe te mund te luaj futboll dhe te shenoj gola. Te Fortuna Dyseldorf gjeta nje atmosfere, e cila qe nga minuta e pare thjesht me imponoi. Bisedimet me zyrtaret e klubit kaluan sic desha une dhe ambiciet e klubit jane po ato ambicie si te miat. Fortuna Dyseldorf, pra, po rizgjohet. Ne kete faze, jam edhe une tani. Nuk po mund ta pres diten qe do filloje e gjitha nga e para, qe une te jem ne fushe. Une, nepermjet Fortunes, dua qe ta gjej rrugen per ne Kombetaren e Shqiperise. Sigurisht nje qellim qe kam para vetes. E di, do jete shume e veshtire, por do mundohem, do perpiqem. E nese nuk do ia arrije, atehere do kthej koken mbrapa dhe do mburrem qe une kam shijuar fanellen e Kombetares dhe kam mbrojtur ngjyrat e flamurit kuqezi. Ne deshirojme qe vitin tjeter te arrijme objektivin tone, per kete do t'i jap te gjitha. Keshtu jam nga natyra. Qe nga minuta e pare deri tek e fundit t'i jap te gjitha. Kete e kam treguar te Borusia e Mynshengladbahut, ndersa te Fortuna shpresoj qe kjo gje te me shperblehet me shume gola''.

[no name]

Baric: Kam bere pune te mire me Shqiperine

E Hene, 18 Qershor 2007


Per trajnerin e Kombetares kuqezi, Oto Baric, skuadra shqiptare ka nje grup te mire dhe te afte per te bere gjera te medha. Madje, ai e etiketon punen e tij si mjaft te mire dhe zbulon se shume shpejt do te ulet dhe do te bisedoje me federaten detajet e rinovimit te tij.

Zoti Baric si e shikoni punen tuaj ne postin e trajnerit te Kombetares shqiptare?

Mjaft mire. Me pozitivja eshte se ne skuader kam afruar shume futbolliste te rinj dhe te talentuar. Tashme besoj se Shqiperia e ka krijuar gjeneraten e re. Kjo ka bere qe te gjithe ne Shqiperi ta vleresojne punen e bere nga ana ime.

Kontrata juaj me Kombetaren shqiptare perfundon se shpejti. Cfare do te beje pas kesaj Baric?

Kontrata ime zgjat deri ne fund te fushates eliminatore per Euro 2008, megjithate jemi duke pare. Besoj se per nje ose dy muaj do te ulemi per te biseduar per ta rinovuar ate. Megjithate, duhet ta diskutojme, pasi kam edhe une disa kushte organizative, per te cilat ja kam bere te qarte pozicionin tim.

Nese do te luhej nje ndeshje ndermjet Austrise dhe Shqiperise, si mendoni se do te perfundonte?

Kryesore eshte se do te zhvillohej nje ndeshje interesante. Pastaj, per sa i takon rezultatit, jam i bindur se Shqiperia nuk do ta humbiste kete ndeshje. Tani qe ne flasim, Austria nuk ka asnje lojtar klasi, nderkohe qe Shqiperia nga ana e saj ka te pakten 3 ose 4 lojtare te tille, qe jane me te mire se austriaket.

[no name]

Bariç bën lojë të dyfishtë: Në Austri si drejtor sportiv


Derguar me: 18/06/2007

Pas dy muajsh Oto Baric do të kërkojë rinovimin e kontratës me Federatën Shqiptare të Futbollit. Në një intervistë dhënë të përditshmes austriake Kurier dhe që është përhapur me shpejtësi në mediat e Austrisë, trajneri i kombëtares shqiptare është shprehur se ka planifikuar t'i kërkojë FSHF-së zgjatjen e kontratës, e cila mbaron në fund të eleminatoreve të Euro 2008. Kroati ka vënë si kusht plotësimin e disa kërkesave që kanë lidhje me organizimin nga krerët e Federatës, teksa duket se po bën edhe një lojë të dyfishtë në këtë aspekt. Kjo, pasi ai është shprehur optimist në lidhje me marrjen e një detyre në një klub të madh austriak, por si drejtor sportiv. Ai është pyetur gjithashtu nëse do të ishte i gatshëm ta linte Shqipërinë për të marrë sërish drejtimin e Austrisë. Dhe përgjigja nuk ka qenë aspak negative, veçse jo për kombëtaren e këtij vendi, por për ndonjë klub. Duket se nostalgjia e drejtimit të Rapidit të Vjenës apo Austrias së Salcburgut, vazhdon të jetë ende e fortë tek trajneri kroat, që nesër do të mbushë 75 vjeç. "Nëse do të kishte një ofertë nga ndonjë klub i madh dhe që ka vizion të qartë, them se mund të bëhesha drejtor sportiv", thotë Bariç, duke lënë të kuptohet se largimi nga drejtimi i kuqezinjve nuk është aq i pamundur sa duket.
Jeni bërë trajner i Shqipërisë, si po shkon puna juaj në këtë vend?
Shumë mirë, kam gjetur dhe përgatitur shumë lojtarë të rinj dhe kam futur në skuadër një brez të ri në skuadër që tani po ecën mjaft mirë. Federata dhe njerëzit në Shqipëri janë shumë të kënaqur me mua dhe me atë që kam bërë për ekipin e këtij vendi. Kontrata ime me Federatën Shqiptare mbaron në fund të eleminatoreve të Euro 2008, por pas dy muajsh do të kërkoj ta zgjas nëse do të miratohen ndryshimet e kërkuara nga unë në organizim.
Si mendoni se do të përfundonte një ndeshje mes Austrisë dhe Shqipërisë nëse do të luhej në këto momente?
Them se do të ishte një ndeshje shumë interesante. Gjithsesi, unë nuk besoj se Shqipëria do të humbasë. Austria nuk ka për momentin asnjë lojtar klasi, ndërsa ne kemi 3-4 të tillë, them se ne jemi më mirë se Austria.
E imagjinoni dot veten të bëheni sërish trajner i Austrisë?
Nuk e besoj se një gjë e tillë mund të ndodhë. Megjithatë nëse më vjen një klub me vizione të qarta do të pranoja të bëhesha drejtor sportiv. Dhe në Austri për momentin janë vetëm tre klube të tillë, maksimumi katër.
Si e shikoni punën e trajnerit Hikersberger në krye të Austrisë, tani që keni 5 vjet e gjysmë që jeni larguar?
Nuk besoj se është momenti për një kritikë të madhe. Hikersberger është munduar të nxj-errë më të mi-rën nga lojtarët e tij. Ka një keq-kuptim me Pog-atetz (lojtar i Midëllsboros-shënim i redaksisë), por që mendoj se do të jetë i aftë ta zgjidhë.
Çfarë shansesh do të ketë Austria në Europianin që do të zhvillojë në shtëpi një vit më vonë?
Mendoj se nëse Austria do të mund të shkojë deri në çerekfinale, do të jetë një sukses i madh. Hikersperger i ka bërë gjërat shumë korrekt gjithsesi, pasi ka futur shpirtin e skuadrës dhe konkurrencën në grup.
Si e shikoni faktin që në Austri ka një numër të madh lojtarësh të huaj?
Jo edhe aq të mirë. Këtu 60 për qind e futbollistëve janë të huaj dhe unë them se do të ishte mirë që të bëhej një rregull që çdo skuadër të kishte vetëm 5 lojtarë të huaj.
Mendoni se disa lojtarë austriakë zgjedhin më të lehtën dhe luajnë këtu, në vend që të shkojnë diku tjetër?
Unë besoj se një lojtar austriak dëshiron të zhvillohet edhe vetë. Por kjo kërkon edhe sakrifica, siç ishin ato që bënim ne me Rapidin dhe Salcburgun, kur shkuam në finale të Kupave të Evropës.

[no name]

Fishekzjarret, UEFA gati gjobën për Shqipërinë


Derguar me: 19/06/2007

• Një tjetër gjobë pritet të vijë këto ditë në adresë të Federatës Shqiptare të Futbollit. Shkak për këtë janë bërë fishekzjarret në takimin kundër Luksemburgut më 2 qershor, ku festimi i golave u bë me një mënyrë tradicionale shqiptare, duke hedhur në fushë tymuese dhe duke ndezur fishekzjarre. Deri dje mbasdite kjo gjobë nuk ka ardhur, por burime zyrtare nga FSHF bëjnë të ditur se të gjithë janë të vetëdijshëm për masën që do të marrë Komisioni Disiplinor i UEFA-s. Madje UEFA e ka dhënë paralajmërimin e saj që para ndeshjes së "Qemal Stafës" më 2 qershor. Në një takim me përfaqësues të Federatës Shqiptare, që organizonte ndeshjen, delegati i dërguar nga zyrat e Nionit mësohet se ka qenë mjaft i prerë, ndoshta duke qenë edhe në dijeni të situatave të krijuara në të shkuarën në fushën e Shqipërisë. "...mos hidhni fishekzjarre dhe tymuese, pasi po ua them që tani se do të gjobiteni", mësohet të ketë qenë fjalia paralajmëruese dhe njëkohësisht kërcënuese e të dërguarit të UEFA-s ditën e takimit me njerëzit e FSHF-së. Megjithatë, kjo duket se sërish nuk u mor parasysh, teksa pas shënimit të golit të Kapllanit apo edhe atij të Haxhit, në shkallët e stadiumit u ndezën jo pak fishekzjarre. Më e çuditshme është se një arkë me 36 fishekzjarrë është parë edhe poshtë tribunës karshi të stadiumit kombëtar, duke e bërë akoma më shumë fajtore Shqipërinë në këtë aspekt. Ndërkohë, një tjetër fakt që e ka përforcuar idenë për gjobë, ka qenë edhe sjellja e delegatit të UEFA-s në tribunën VIP. Nga persona që ishin të pranishëm aty mësohet se ai ka shkruar gjithçka që ka parë atë ditë në stadium, madje edhe në momentin që filluan të ndizeshin fishekzjarret, që duke parë përmasat e kutisë, vështirë se ishte futur nga një tifoz. Në fakt, në FSHF të thonë se gjoba e mundshme që mund të marrë Disiplinori i UEFA-s, pritet të shkojë tek 30 mijë frangat, një masë që gjithsesi do të konsiderohet mjaft e lehtë. Dhe shkak për këtë është fakti se Shqipëria është përsëritëse në probleme të tilla. Thuajse për të gjitha ndeshjet, nga UEFA ka ardhur një gjobë, pasi në shkallët e stadiumit ku luan kombëtarja shqiptare ndizen fishekzjarre dhe tymues, një gjë e ndaluar rreptësisht nga rregullorja, sidomos në ndeshjet ndërkombëtare. Për shkak të problemeve të kësaj natyre, dy vjet më parë Shqipëria është dënuar me një ndeshje pa tifozë nga FIFA.

[goldian]

kastrati ka firmos nje kontrate dyvjecare per fortuna dyseldorf

[no name]

Bariç: Më jepni 10 vjet jetë, ju jap 1 mln euro

Derguar me: 20/06/2007
• Altin Latifi

Më jepni 10 vjet jetë dhe ju jap nga 1 milion euro. Dita e djeshme ka nisur pikërisht kështu, me humor dhe me batuta për Oto Bariç, i cili mbushi 75 vjeç. Trajneri nuk ka preferuar asnjë lokal apo vend luksoz, por ka qëndruar në shtëpinë e tij, duke e quajtur të kotë festën në moshën e tij, teksa ka pritur telefonata pafund, që i uronin një jetë të gjatë. E para ka ardhur nga ndihmësi i tij në kombëtaren shqiptare, Shpëtim Duro, teksa përgjigja e Oto Bariç ka qenë me një batutë mjaft domethënëse: "Po çfarë urimi pres unë për 75 vjetorin? Nëse doni më jepni ca vite jetë dhe jemi në rregull", ka thënë duke qeshur trajneri i përfaqësueses shqiptare. "Nuk ka bërë asnjë festë për ditëlindjen, nuk i pëlqen që të festojë në një moshë të tillë", tha ndihmës tekniku kuqezi Shpëtim Duro. Një tjetër bisedë mësohet se ka qenë edhe me presidentin e FSHF-së Armand Duka, që nuk ka harruar aspak ta urojë për ditëlindjen. Madje, doza e humorit në këtë rast mësohet se ka qenë më e lartë, teksa Bariç i ka thënë Dukës "më jep 10 vjet dhe do të të jap 1 milion euro". Me batuta është pritur edhe telefonata e përkthyesit Ajet Xeka, që ka biseduar edhe ai gjatë me të. "Na e tha të gjithëve, më jepni nga 10 vjet dhe do t'ju jap 1 milion euro. Ishte në humor të mirë", u shpreh Xeka për "Gazetën Shqiptare". Gjithsesi, Oto Bariç nuk ka bërë asnjë lloj feste, teksa e ka kaluar ditën në shtëpinë e tij në Kroaci, duke e konsideruar atë fare të zakonshme. Kroati ka lindur më 19 qershor 1932 dhe aktualisht është tekniku më i vjetër që drejton një ekip kombëtar në Evropë. Ndërkaq, mjaft interesant ka qenë edhe fakti se asnjë futbollist i kombëtares shqiptare nuk e ka marrë në telefon Oto Bariçin gjatë ditës së djeshme. Arsyet gjithsesi mbeten të panjohura, pasi llogariten që tek mospasja njohuri për ditën e saktë të këtij përvjetori, druajtja për të mos krijuar një ndjenjë jo të mirë për moshën e madhe e deri tek mungesa e korrektësisë. "Nuk mund t'i dijë njeri arsyet e vërteta, megjithatë asnjë futbollist i kombëtares nuk e ka uruar", tha përkthyesi i Oto Bariç Ajet Xeka.

[goldian]

turp ky lajmi qe asnje se ka uruar
se paska ditur asnjeri dtelindjen e tij me duket qesharake
e kan ditur dhe se kan marre ne telefon per mos pasur ndjesi jo te mire per moshen e madhe me duket injorance
mungesa e korrektesise kjo na shkon me shume per shtat

[RaPSouL]

Brigel: Bariç, vështirë ta thyejë rekordin tim

Prej 10 ditësh ka një detyrë të re. Hans Peter Brigel duket i kënaqur me detyrën si trajner i Ankaraguçu në Turqi, aty ku rikthehet pas një mungese 5 vjeçare. "E njoh mirë futbollin e këtij vendi dhe mentalitetin aty", shprehet Brigel nëpërmjet telefonit për "Gazetën Shqiptare". I larguar prej një viti tashmë, Brigel vazhdon të interesohet për kombëtaren shqiptare dhe për lojtarët e saj, disa prej të cilëve dëshiron t'i marrë në Ankara.

"Ka shumë që më pëlqejnë, por nuk ju them emra", thotë gjermani. Fitoret me Luksemburgun, atij i janë dukur shumë të rëndësishme, ndërsa vihet në siklet nga pyetja nëse do ta thyejë Bariç rekordin e tij të 13 pikëve apo jo. "Me ekipet e vogla është gjithnjë e vështirë, më besoni për këtë. Rekordi? Nuk e di, por unë them se do të ishte një mëkat që Shqipëria të mos renditej e katërta në grup në fund të eleminatoreve", thotë më tej gjermani 51 vjeçar.

Mister, si fillim urime për detyrën e re në Turqi. Si duken kushtet atje?
Them mirë, megjithatë ende nuk e njoh mirë skuadrën. Unë do të shkoj vetëm javën tjetër dhe do të filloj nga puna, atëherë do të kem mundësi të shoh më nga afër futbollistët dhe më pas do të shoh se çfarë mund të bëj.

A jeni i kënaqur me kushtet e kontratës?
Po, për momentin po, them se bëra një zgjedhje të mirë, megjithëse më duhet të shoh edhe disa gjëra të tjera që kanë të bëjnë me synimet e klubit apo objektiva të tjerë, duke nisur që nga merkato.

Një rikthim në Turqi për ju...
Po, e vërtetë. Është hera e tretë që shkoj në këtë kampionat. Shkoj në Ankara që është një qytet i madh, i bukur dhe ku mund të jetohet mirë. Veç kësaj, futbollin turk e njoh mirë, e njoh mentalitetin aty. Edhe pse kam 5 vjet që jam shkëputur nuk besoj se ka pësuar ndryshime aq të mëdha.

Është folur se mund të merrni lojtarë shqiptarë tek Angaraguçu, keni folur me ndonjërin?
Me kë mendoni se mund të kem folur?

Përshembull me Iljon Likën?
Aaa, shikoni, unë e thashë që më duhet njëherë të shoh skuadrën dhe më pas do të vendos se çfarë lojtarësh më duhet të blej. Megjithatë nuk ju them emra, nuk e bëj zakonisht këtë sepse kështu e kam parim. Pasi të marr vesh ku ka probleme ekipi, do të vendos edhe për merkaton dhe atëherë mund të shoh nga lojtarët shqiptarë.

Po Dallkun, e afirmuat ju në futboll apo jo?
Ai është bërë një lojtar i madh, por e thashë që nuk dua të përmend emra.

Ok, por në të vërtetë, ka lojtarë shqiptarë që keni dëshirë t'i merrni aty?
Patjetër që ka, unë i njoh mirë futbollistët shqiptarë dhe dua të marr disa këtu, por kjo nuk varet vetëm nga mua. Ka shumë gjëra të tjera në mes, por do të flasim.

I ka ndjekur Brigel ndeshjet e fundit të kombëtares shqiptare?
Jo, nuk i kam parë vetë, por kam dëgjuar, përshembull për dy fitoret me Luksemburgun. Shqipëria mori 6 pikë shumë të rëndësishme.

Ju dukën fitore të bujshme apo sipas jush u morën ngaqë ishte një ekip i vogël?
Jo, jo. Them se janë dy fitore shumë të rëndësishme. Me këto ekipet e vogla është gjithnjë shumë e vështirë, më besoni.

Ku mund të shkojë kjo Shqipëri sipas jush?
Për mendimin tim, do të jetë në vendin e katërt. Ndoshta edhe në të tretin, por kësaj s'i dihet. Ndërsa vendi i katërt nuk duhet lëshuar, them se janë mundësitë. Shqipëria ka futbollistë të mirë dhe që mund t'ia arrijë kësaj.

A do ta thyejë dot Bariçi rekordin tuaj të 13 pikëve?
Këtë nuk e di...(qesh).. është e vështirë, por skuadra rritet. Edhe kur isha unë kemi bërë një punë shumë të mirë dhe këtë e kemi treguar në shumë ndeshje dhe deri tek numri i pikëve në fund. E përsëris që Shqipëria duhet të ruajë vendin e katërt, pasi i ka mundësitë.

[RaPSouL]

Rekordi i Brigel, 13 pikë me kombëtaren shqiptare

Pavarësisht se nuk është konsideruar një trajner i madh, Hans Peter Brigel arriti një rekord të tijin në kombëtaren shqiptare, atë të pikëve të arritura në një edicion

Gjermani mori 13 pikë në eleminatoret e Botërorit "Gjermani 2006", gjë që nuk e kishte arritur askush përpara tij edhe pse Oto Bariç tani gjendet vetëm 4 pikë larg këtij rekordi. "A do ta thyejë Bariç? Nuk mund ta them këtë, megjithatë Shqipëria është rritur dhe them se duhet të ruajë vendin e katërt në grup", thotë gjermani.

[no name]

Rrefimi i Panos: Vitet e mia

E Diele, 24 Qershor 2007

Pano per Kombetaren: Baric mire, Brigel keq

Si nje ish-lojtar i Kombetares, Pano nuk mund ta anashkaloje fanellen e shtrenjte kuqezi. Ai analizon punen e dy trajnereve te huaj, Brigel e Baric dhe jep opinion e tij, sipas te cilit kroati ka punuar shume here me mire sesa gjermani. "Kete pune qe po e ben Barici duhej ta kishte bere Brigeli. Sikur ky rinovim te ishte bere 3 vjet me pare, me siguri qe Kombetarja jone do te ishte pretendente serioze per Euro 2008. Brigeli nuk punoi fare, i gjeti gati te gjithe futbollistet dhe nuk rinovoi asnje repart. Pavaresisht emrit te tij te mire si lojtar, Brigeli nuk u ngjit ne ato nivele si trajner".

"Mbreti": Nuk ka si tifozeria e kuqe

Dy fjale rezervon edhe per tifozet e tij, qe e kane brohoritur gjate neper stadiume. Panajot Pano ka nje mendim te palekundur se Partizani eshte skuadra me tifozerine me te madhe: "Tifozeria e Partizanit eshte tifozeria me e madhe ne vend. Partizani i ka tifozet e tij ne te gjithe vendin tone. Kur luante Partizani, nuk gjeje bileta. Edhe kur nuk ishte mire, tifozet i kishte besnike dhe ata mbushnin shkallet e stadiumit. Por nuk mund te pretendosh te kthesh tifozet ne stadium, nese ben ndeshje si ajo me Vllaznine ne Tirane. Ata kerkojne me te drejte nje trofe, sepse Partizanit i ka ardhur vakti per titull".

"Vjedhje lojtaresh? Partizani ishte maksimumi"

"E kam degjuar shpesh kete muhabetin e 'vjedhjes' se lojtareve te tjere nga Partizani. Une nuk pretendoj se jam vjedhur, grabitur apo ku di une se cfare. Te Partizani ishte maksimumi. Madje, ndonjehere, kur benim shaka, degjonim se lojtaret e rinj donin te ikin ushtare me qejf qe te bashkoheshin te Partizani. Te Partizani nuk vinin vetem lojtaret e Punes se Tiranes si puna ime, por nga e gjithe Shqiperia. Transformimi nga mberritja ishte i dukshem: nese ne fillim dije vetem t'i bije topit, pak kohe me pas beheshe futbollist i vertete. Edhe ata qe iknin nga Partizani me pas, shkelqenin te skuadrat e tyre, sepse kishin marre nje pergatitje fantastike te skuadra e kuqe. Nje lojtar vinte te Partizani duke pasur si arme te forte vetem forcen fizike, por ngadale merrte trajten e nje lojtari te plote, duke u forcuar ne te gjitha aspektet e tjera te lojes".

Pano: Nuri Bylyku, mbrojtesi qe ma ka nxire jeten

Pano mban mend dy duelet me te forta me dy prej mbrojtesve me te fuqishem te kohes. Sipas "mbretit" Hajro Leka, i Vllaznise dhe Nuri Bylyku, i Tiranes, kane qene dy mbrojtesit qe i kane hapur me shume probleme atij: "Mbrojtesi qe me ka nxire jeten? Do te permendja dy. Hajro Leken e Vllaznise, qe luante shume eger ndaj meje dhe Nuri Bylykun, qe ma ka nxire jeten me plot kuptimin e fjales".

Legjenda: Vdisja t'i beja gol Sul Maliqatit

Kur ishte ne fushen e blerte, ka shenuar shume gola, vertet shume, por per Panon e madh, golat kishin tjeter shije kur ia shenonte Sulejman Maliqatit. "Kam shenuar vertet shume gola dhe ndaj shume kundershtareve te ndryshem. Portieret kane qene armiku im me i madh, por fatmiresisht dilja fitimtar ne shumicen e rasteve. Nese ka pasur ndonje portier qe doja t'i shenoja me cdo kusht? Po, ka qene Sul Maliqati. Ne ndeshjet ndaj tij doja t'i shenoja patjeter. Me kenaqte goli kunder tij".

"Ah sikur te kisha luajtur njehere jashte"

Per cdo lojtar shqiptar qe arrin maksimumin ne kampionatin shqiptar, enderr mbetet mundesia per te luajtur jashte kampionatit te vendit te tij. "Pushkashi" i vogel nuk e ka pasur kete mundesi dhe e thote me keqardhje qe eshte e vetmja gje qe nuk ka mundur te beje dot ne karrieren e tij: "Do te doja te kisha luajtur nje here jashte Shqiperise, por sistemi atehere nuk ma lejonte. Oferta kam pas shume. Kur isha me Kombetare ne ndeshjet ne transferte me kontaktonin. Me kane kerkuar klube gjermane, zvicerane, austriake, turke, greke etj. Por nuk kam arritur kurre te luaj nje minute jashte. Do te isha kurioz se si do te kishte evoluar karriera ime".

[RaPSouL]

Beqarët e kombëtares, numri është shumë i vogël

Në kombëtaren shqiptare nuk mungojnë edhe lojtarët beqarë, por numri i tyre gjithsesi duket mjaft i vogël dhe jo detyrimisht ka lidhje me moshën e tyre. Gjithsesi, në rastin e futbollistëve kuqezinj termi “beqar” mund të përdoret në mënyre relative, pasi bëhet fjalë për ata që nuk i kanë bërë ende publike lidhjet edhe pse nuk përjashtohet të kenë ndonjë të dashur të tyre të zemrës. Këtu hyjnë Hamdi Salihi, Debatik Curri, Ervin Bulku, Migen Memelli, Jahmir Hyka apo Besart Berisha. Disa prej tyre e konsiderojnë veten si mjaft të rinj, një shkas ky “për të mos lidhur këmbët”, ndërsa për disa të tjerë askush nuk e vë “dorën në zjarr” nëse kanë ndonjë lidhje apo jo. Madje, ka edhe nga ata që më shumë se sa janë në të vërtetë, parapëlqejnë t’i thonë vetes beqarë. Gjithsesi, në tërësi bëhet fjalë për një term që është shkon zhdukjes në përfaqësuesen kuqezi, duke qenë se pjesa kryesore e lojtarëve kanë një jetë të rregullt. Në stërvitjet e kombëtares jo rrallë herë dëgjoheshin batuta në lidhje me gjendjen civile të lojtarëve të tyre, megjithëse shaka të tilla nuk mund të bëheshin me të gjithë.

[RaPSouL]

Kombëtarja, me lojtarë shqiptarë dhe vajza të huaja

Nëse në jetën e përditshme, trendy është që vajzat shqiptare martohen me burra të huaj, ndryshe qëndron puna në ekipin kombëtar të Shqipërisë. Futbollistët e përfaqësueses jeta i ka zhvendosur sa në njërin cep të Evropës në tjetrin dhe veç profesionalizmit, nuk mund t’u shpëtonin as eksperiencave me vajzat nga këto vende. Tare, Aliaj, Haxhi, Lala, Bogdani apo Beqaj, ata që kanë përbërë thelbin e kombëtares shqiptare në vitet e fundit, aktualisht bashkëjetojnë apo janë të martuar me shtetase të huaja. Madje, ndikimi i bashkëshorteve apo i partnereve të tyre është i paevitueshëm dhe shpesh herë vendimtar në karrierën e tyre. Në fakt, ka ndodhur shpesh që vendimet për të shkuar në këtë apo atë ekip, të jenë marrë në mos nga gratë, nga një ndikim jo i vogël i tyre. Nëse Adrian Aliaj e la futbollin mjaft i ri për t’iu përkushtuar fushës së menaxhimit, një rol vendimtar në këtë ka pasur edhe bashkëshortja e tij kroate. Aq e vërtetë është kjo, sa në verën e kaluar Aliaj zgjodhi NK Solin në kategorinë e dytë kroate për të luajtur edhe pse pati oferta nga disa klube gjermane. Veç kësaj, lamtumira e tij nga futbolli erdhi para kohe pikërisht për shkak të dëshirës për t’i qëndruar pranë familjes, teksa e ka pranuar edhe vetë se pas martese e kishte vështirë të lëvizte në kampionate të ndryshme. Erjon Bogdani ishte një nga beqarët më të adhuruar nga vajzat shqiptare, por pak muaj më parë, ai ka pranuar në një intervistë për “Gazzetta Dello Sport” se bashkëjeton prej tre vjetësh me një vajzë italiane. Ndikimi i saj duket se nuk ka qenë i vogël, teksa “Bogu” është shprehur se ajo e ka ndihmuar të kalojë momentet më të vështira, duke qenë një pikë mbështetje për të.
Ndikimet dhe pavarësia
Arjan Beqaj është një tjetër nga ata ku bashkëshortja e tij greke ka ndikuar jo pak në karrierë, teksa portieri i kombëtares ka refuzuar madje edhe oferta nga Bundesliga 1 për të qëndruar në Greqi e së fundmi në Qipro. Edvin Murati gjithashtu është një nga ata që bashkëshortja e tij franceze i ka kërkuar shpesh të luajë në Ligën e Parë. Por, ka edhe nga ata që konsiderohen si të pavarur në zgjedhjet e bëra në karrierë. I tillë është Igli Tare, bashkëshortja gjermane e të cilit nuk e ka pasur aspak problem të zhvendoset edhe në Itali. Madje edhe në Serinë A, Tare ka ndërruar jo pak skuadra, duke filluar nga Breshia, Bolonja e së fundmi Lacio, gjë që nuk ka qenë aspak problem për gruan e tij. Altin Lala hyn gjithashtu në këtë kategori, natyrisht duke pasur edhe një karakter mjaft impulsiv dhe të veçantë. Nga ato që thotë kapiteni i kombëtares, bashkëshortja e tij italiane është e kënaqur nga jeta në Hanovër edhe pse ai ia prish jo pak qejfin, kur edhe pas stërvitjes, shkon të shohë takimet e Champions League. Një jetë mjaft të qetë duket se kalon edhe Altin Haxhi, gruaja e të cilit është bullgare. Ajo nuk e ka pasur asnjëherë problem ta ndjekë futbollistin kuqezi edhe jashtë kufijve, saktësisht në Greqi.

[no name]

Dy gjermane per post-Baric

24 Qershor Oto Baric mund te jete shume afer nje kontrate te re me Shqiperine, por rivalet e tij per postin e trajnerit kuqezi nuk dorezohen. Dy gjermanet, Pier Litbarski dhe Jurgen Koler, kane shprehur kohet e fundit, deshiren e tyre per te pasuar kroatin, per te cilin, presidenti i FSHF?se, Duka ka shprehur publikisht vullnetin per te rinovuar me te dhe te njejten gje e ka bere edhe Baric ne nje interviste per mediat austriake. Dy trajneret kane shfrytezuar lidhjet e tyre shqiptare per te bere te ditur interesin e tyre per stolin. Gjithashtu, te dy do ta cojne edhe me tej interesimin e tyre per Shqiperine, duke qene te pranishem ne tribunen e stadiumit “Qemal Stafa”, kur perfaqesuesja jone te ndeshet me Holanden, me 12 shtator. Atje, tekniket shpresojne te kene takime jo thjesht formale me drejtuesit e FSHF?se. “Pier Litbarski me konfirmoi se e deshiron pankinen e Shqiperise. Ai gjithashtu me tha se i vlereson arritjet e trajnerit Baric me skuadren. Litbarski do te ishte i gatshem nese Baric dhe Federata do te vendosin qe te mos e rinovojne kontraten e tyre”, ? tha Alfred Mane, nje menaxher shqiptar i FIFA?s me banim ne Gjermani. Kampioni i Botes me Gjermanine si lojtar me 1990?n, Litbarski, gjithnje sipas menaxherit shqiptar, ka refuzuar edhe drejtimin e disa ekipeve aziatike, pasi deshiron te drejtoje ne Europe. Ai shpreson se me projektin e tij do te arrije te binde drejtuesit e FSHF?se per t’i besuar rolin e titullarit te kombetares. Kete projekt ai e paraqiti edhe ne dy takime qe ka pasur me presidentin e Federates, Armand Duka, por nuk u pranua kryesisht per kerkesat e larta financiare te gjermanit. Nderkohe, Jurgen Koler, gjithashtu kampion bote me Gjermanine me 1990, ka thene se kishte udhetuar drejt Luksemburgut per ndeshjen me Shqiperine me 6 qershor, per te ndjekur perfaqesuesen kuqezi dhe jo si menaxher lojtaresh. “Po, eshte e vertete, qe isha ne tribunen e gazetareve te stadiumit “Josy Barthel”, por, nuk kisha shkuar per te vezhguar ndonje futbollist ne vecanti. Doja te njihja nga afer ekipin shqiptar”, ka thene Koleri. Ish?mbrojtesi i mirenjohur gjerman qe ka drejtuar si trajner Duisburgun ne Gjermani, ka deklaruar qartazi se do t’i interesonte stoli i Shqiperise. “Jam i gatshem. Hans Peter Brigeli eshte nje shembull i mire per te gjithe trajneret gjermane”, ka thene Koler, i cili vitin e kaluar nuk arriti te binte dakord per te marre drejtimin e Bregut te Fildishte. Nderkohe burime ne Federate, thone se dy tekniket nuk kane pasur kontakte te drejtperdrejta me drejtuesit e FSHF?se. Sipas te njejtave burime, trajneri aktual, 75?vjecari, Oto Baric, eshte favoriti i qarte per te qene ne krye te Shqiperise edhe dy vitet e ardhshme. Vetem ndonje problem me shendetin apo ndonje “black?out” i rende rezultatesh ne fund te sezonit mund ta ndryshonin kete situate.

Baric, prane rifreskimit

Oto Baric duket se eshte me prane se kurre riperteritjes se kontrates se tij me FSHF?ne. Keshtu, 75?vjecari, kontrata e te cilit skadon ne tetor te 2007?s, pas “aventures pozitive” me kombetaren kuqezi, duket se nuk ka ndermend te terhiqet. Ai e ka pranuar vete nje gje te tille, teksa, presidenti i FSHF?se, Armand Duka, ka pohuar se mund te rifreskoje serish kontraten, ne rast se Oto do te vazhdoje te jete “maksimal”.

Litbarski, “erdhi, pa, iku”

Ka qene i ftuar ne FSHF, ne nje emision sportiv televiziv dhe me pas eshte larguar pa asnje lloj arsye ne drejtim te Gjermanise. Pier Litbarski, i cili ka ardhur nje vit me pare ne Shqiperi, me preteksin per t’u bere trajner i kombetares kuqezi, do te vije serish dhe kete here me mikun e tij, ish?futbollistin e mirenjohur dhe ish?trajnerin e U?21?shit gjerman, Jurgen Koler.

Koler, kampioni “flet shqip”

Te pakte jane ata shqiptare qe nuk e njohin emrin Jurgen Koler.

Ish?futbollisti i famshem i kombetares gjermane (kampion bote ne ’90 dhe europe ne ’96), i Borusia Dortmund (fitues i Champions ne ’97), por edhe i Juventusit (kampion italie ne _95), ndoshta mund te kerkoje te jete trajneri i kombetares shqiptare. Dhe me nje karriere te pasur si ai (trajneri i kombetares gjermane U?21, ne 2002?shin dhe se fundmi trajner i Djuisburgut ne 2006?en) kandidatura mund te merret parasysh.

[no name]

Daniel Xhafaj, provë tek Amkari në Rusi

Derguar me: 25/06/2007
• Sulmuesi i kombëtares shqiptare dëshiron të largohet në një kampionat të huaj dhe pas Rapidit në Austri, destinacioni tjetër duket se do të jetë Rusia e largët.

Daniel Xhafaj duket se do t’i thotë lamtumirë kampionatit shqiptar, pasi dje është nisur për një provë tek skuadra ruse Amkar Perm. Sulmuesi i kombëtares shqiptare dëshiron të largohet në një kampionat të huaj dhe pas Rapidit në Austri, destinacioni tjetër duket se do të jetë Rusia e largët. Klubi i Vjenës nuk e pëlqeu për arsye moshe futbollistin e Teutës, megjithatë, duke parë karakteristikat dhe nuhatjen e tij për gol, Xhafaj shpreson të bëhet pjesë e ekipit që militon në kategorinë e parë ruse. Që nga ndeshja me Anglinë më 25 maj, Daniel Xhafaj është bërë pjesë e ekipit kombëtar të Shqipërisë.

[no name]

Bindja e Xhanit: Sulmi “top”!

26 Qershor Daniel Xhafaj, Vioresin Sinani, Sabino Plaku apo edhe Eleandro Pema kane qene deshirat me te medha per sulmin, por qe kane mbetur te parealizueshme per te kuqte, per me teper qe ata kane firmosur per skuadra te tjera. Ka qene vete presidenti i Partizanit, Albert Xhani, ai qe e ka mohuar njehere e mire cdo lloj hipoteze, apo edhe “plani sekret”, per afrimin e ndonje sulmuesi te njohur, apo te panjohur, te “demat” e Likes. Pavaresisht se trajneri, disa dite me pare, ka shprehur mendimin e tij per te patur, gjithnje nese do te ishte mundesia, ndonje futbollist klasi per vijen e pare, njeshi i klubit, u ka thene “jo” te gjitha shanseve, duke e argumentuar kete pozicion te tij, teksa ka thene: “Ne kemi dy lojtare shume te talentuar ne vijen e pare, si Elis Bakaj dhe Arber Abilaliaj, perkatesisht 20 dhe 21 vjec, pra, mosha me e re e dyshes sulmuese ne kampionatin shqiptar”. “I pari, ? ka vijuar Xhani, ? aktivizohet me kombetaren U?21, madje eshte nje lider ne skuadren e Bushatit, ndersa i dyti ka aftesi brilante, edhe pse po i mungon ana psikollogjike per te shkuar te goli. Pra, une mendoj se me keta dy futbolliste, por edhe me Malindin, nje tjeter talent, apo Progrin, sulmi i Partizanit, jo vetem qe eshte “top”, por do te prodhoje gola ne kampionatin e ardhshem”, ka thene Xhani.

“Basti” i presidentit

Largimi i Edmond Kapllanit, ne 2003?shin, i cili me pas do te kthehej ne “bomberin” kryesor te kombetares shqiptare, duket se ka bere qe presidenti i te kuqve te reflektoje gjate per elementin e ri qe ka ne skuader. Ka ndertuar nje ekip me shume te rinj dhe kjo vjen si pasoje e nje strategjie, e cila ka munguar prej kohesh te “demat”. Xhani nuk ia fal lehte vetes largimin, jo vetem te Kapllanit, por edhe te shume futbollisteve te tjere, qe kane qene tek te kuqte dhe tani jane protagoniste ne skuadra te tjera, madje dhe jashte Shqiperise. “Kur jane te Partizani, thuhet se asnjeri nuk behet, nderkohe qe, sa ikin prej ketej, dallojne. Nuk e di perse”, kane qene fjalet e Xhanit pak kohe me pare, ne mesin e sezonit te kaluar, ne nje bisede konfidenciale. Por tani, gjithcka ka ndryshuar. Ai ka kthyer Malindin dhe nuk e ka lene te shkonte tek AEK?u, ndersa, mesa duket, ka vene nje “bast” me veten e tij, per dy sulmuesit kryesore te suadres, Bakajn dhe Abilaliajn. “Si Bakaj, ashtu edhe Abilaliaj, jane dy lojtare shume cilesore dhe une kam pershtypjen se, ne nje te ardhme jo shume te larget, fale hapesires qe ata do te kene tek Partizani, do te kthehen ne dy sulmues baze te kombetares shqiptare dhe kete here meritat dua qe t’i kete vetem Partizani. Pikerisht per kete une do t’u jap atyre gjithe mbeshtetjen time”, ka vijuar Xhani.

Tifozet duhet te besojne me teper

Duke u ndalur serish te keta te dy, Xhani ka sqaruar qe ai dhe trajneri Lika besojne shume, se ata do te kthehen ne lojtaret me te mire te kampionatit shqiptar, saqe do te terheqin edhe vemendjen e trajnereve te kombetares (Bakaj e ka terhequr vemendjen e Kovacic). Pikerisht per kete, njeshi i “demave” i ka ftuar tifozet e skuadres qe, ashtu si ai, te besojne me shume tek djemte e rinj dhe t’i perkrahin ata ne stadium. “Une dua qe, ashtu si une dhe trajneri Lika, edhe fansat e skuadres t’i japin zemer ekipit gjate kampionatit te ardhshem, sidomos te rinjve. Jane ata e ardhmja e Partizanit dhe ia vlen qe te mbeshteten nga te gjithe”, ka perfunduar Xhani.

Bakaj mbush “20”, “demat” ne feste

Sulmuesi Elis Bakaj ka mbushur dje 20 vjec. Keshtu, nje nga lideret e kombetares shqiptare U?21, por edhe i Partizanit te sezonit te kaluar, ka patur dje ditelindjen e tij te 20?te. Nje gje e tille ka bere qe drejtuesit e kuq, me ne krye presidentin Xhani, te organizonin nje “prezantim” te dyte, por kete here per nder te lojtarit te skuadres. Nje ceremoni e madhe dhe festive, e shoqeruar nga nje koktej, eshte mbajtur mbreme, rreth ores 21:00, ne mjediset e “Hotel Diplomat”, ku te pranishem, pervec lojtareve dhe stafit, kane qene edhe figura te tjera, si ndihmestrajneri i kombetares shqiptare, Shpetim Duro.

[RaPSouL]

Dasma, Bogdani plazh në mes të natës

Erjon Bogdani dhe një grup futbollistësh miq të tij, janë bërë objekt i një "çmendurie" të enjten në mbrëmje, teksa në mes të natës janë futur në plazh për të bërë banjo. Sulmuesi i kombëtares shqiptare ishte i ftuar në Positano, në dasmën e vajzave të senatorit të "Aleanza Nazionale" Nino Paravia me dy futbollistë, të kryera në të njëjtën ditë. Roberta Paravia, ekonomistja 24 vjeçare, është martuar me futbollistin e Peskarës dhe dikur ish-juventin, Marko Rigoni, ndërsa motra e saj e madhe, 27 vjeçarja Klaudia, me Armando Pernan, një mbrojtës i Parmës. Por, kjo ka qenë vetëm njëra anë e dasmës, pasi aty kanë qenë të ftuar shumë personazhe VIP në Itali, mes të cilëve edhe Enriko Papi, prezantuesi i njohur i Mediaset. Në Positano kanë qenë edhe një grup futbollistësh, si Erjon Bogdani, Marko Amelia, Daniele Amerini, Rafaele Longo, Davide Mezzanotti dhe Leandro Rinaudo, teksa nuk ka munguar as trajneri Stefano Pioli. Pasi kanë festuar për gjithë mbrëmjen nën muzikën e Mateo Borgit, të ftuarit më pas janë ftuar nga nuset për t'u larë të gjithë në det. Senatori Paravia ishte kujdesur edhe për rrobat e tyre të banjos dhe në orët e para të ditës së djeshme, të gjithë janë zhytur në detin e kaltër të Rivierës italiane. Dasma është përcjellë nga shumë media.

[RaPSouL]

Shqipëri- Holandë do të luhet në "Qemal Stafa"

Takimi i 12 shtatorit mes Shqipërisë dhe Holandës, do të luhet në stadiumin kombëtar "Qemal Stafa". Edhe pse mungonte zyrtarizimi, drejtuesit e Federatës Shqiptare të Futbollit dhe drejtori i impiantit kombëtar në vend, kanë arritur një marrëveshje dy ditë më parë, sipas të cilës takimi luhet në kryeqytet dhe mbetet për t'u vendosur vetëm ndarja e fitimeve. Dhales ishte edhe dje në FSHF, ku mori konfirmimin e krerëve të këtij institucioni.

[no name]

Baric/Tur ne Ballkan per talente

10 Korrik Trajneri Oto Baric, do te nderrmare nje tur disa ditor ne 25 korrik ne Mal te Zi dhe Maqedoni ku pritet qe te vezhgoje nga afer disa talente shqiptare qe militojne ne keto dy shtete. Trajneri do te vije ne Tirane per te pare ndeshjen e kthimit te Tiranes me Domzalen ne Ligen e Kampioneve dhe pastaj do te niset drejt vendeve fqinje. Ne kete udhetim pritet ta shoqeroje zevendes trajneri i Kombetares, Shpetim Duro dhe perkthyesi Ajet Xeka. Baric dhe bashkepunetoret do te qendrojne 5 dite ne keto dy vende, per t’u rikthyer dhe per te shijuar ndeshjen Tiana?Dinamo Zagreb nese bardheblute kalojne turin e pare.

Lojtari shume shpejt mund te pajiset me nje pasaporte

Kcira, dokumentet ne FSHF

Emri: Lek. Mbiemri: Kcira. Nje formular disa faqesh ka qene dje ne zyrat e Federates Shqiptare te Futbollit, ku lojtari kosovar qe luan ne Kroaci me Hravtksin, i ka derguar nepermjet faksit pas urdhrit te trajnerit Baric. Futbollisti 23 vjecar, qendermbrojtes pritet te pjese e perfaqesueses kuqezi ne ndeshjen miqesore kunder Maltes. Baric e ka ndjekur nga afer lojtarin ne Zagreb dhe mendohet te jete pasardhesi ideal i Geri Cipit, ne repartin difensiv. Trajneri Baric eshte duke punuar shume per gjetjen e elementeve te rinj ne repartin e prapavijes, aty ku per hir te se vertetes ne 4 ndeshjet e fundit nuk kemi pesuar asnje gol. Ky eshte nje rekord me vete ne ndeshjet zyrtare per perfaqqeesuesen kuqezi. Shpejt dokumentat e Kcires do te kalojne ne MTKRS e me pas ne Presidence.

Kombetarja U?17

Shkelqen Andi Corri i Milanit

Andi Corri, qendermbrojtes i skuadres U?17 te Milanit ka shkelqyer me skuadren perfaqesuese ne Lojerat e Detit te Zi. Shqiperia i humbi te dy ndeshjet me rezultatin 2?0, por trajneri Duro, duket se eshte i kenaqur qe pati mudnesi qe te shikonte gjendjen e skuadres: “Pashe ku kishim probleme. Mos harrojme qe Turqia u mund ne finale me penallti nga skuadra ruse. Me pelqeu me shume Corri nga ne, nje futbollsit i cili per hir te se vertetes per dy vitet e ardhshme mund te luaje ne perfaqesuesen e madhe’.

Euro 2009

Caktohen hotelet per skuadrat U?17

Jane caktuar dje hotelet per skuadrat qe do te marrin pjese ne Tirane per eliminatoret e kampioantit evropian U?17. Shqiperia gjendet ne nje grup me Holanden, Francen dhe Letonine dhe ne forme grupi ndeshjet do te zhvillohen ne Shqiperi nga 23?30 tetor. Shqiperia do te akomodohet ne Hotel Leonardo ne Durres, nderkohe qe Holanda, Franca e Letonia ne Hotel Adriatik. Cdo skuader do te kete nje kat ne dispozicion. Ndeshjet do te luhen ne stadiumin “Qemal Stafa” dhe “Niko Dovana”.

Kundershtari

Bjellorusia ende pa nje trajner

Puntus eshte larguar nga perfaqesuesja bjelloruse duke lene nje hendek shume te madh. Pankina e kundershtarit te Shqiperise ne eliminatoret e evropianit eshte ende bosh dhe pritet qe te zgjidhet vetem ne fillim te muajit gusht. Bjelloruset nuk po kalojne nje moment te mire ne vitin 2007 dhe pritet qe ne ndeshjen qe do te luhet ne Tirane ne tetor te jene shqiptaret te favorizuar per te fituar takimin. Ndeshja e pare ne grup ka perfunduar 2?2 ne Minsk.