Tv Drejt Brazdes Ligjore!

[TOKE GEGA]

Zhurmuesit e vërtetë të ekraneve
Nga Mero Baze
Disa stacione televizive që janë shtrirë përtej hapësirës së licencuar nga ish-KKRT-ja në kohën që në pushtet ka qenë Partia Socialiste, po bëjnë një protestë të dyshimtë ndaj vendimit ligjor të KKRT-së për disiplinimin e hapësirës transmetuese të tyre sipas ligjit, si një kusht themelor që ato të kenë të drejtë të aplikojnë për zgjerim të licencës së tyre. Protesta, e cila ka provokuar për të disatën herë një mbrojtje të deputetëve të opozitës dhe disa aleatëve të PD-së, duket jo vetëm shumë pak bindëse, por krijon dyshime serioze, nëse këto televizione duan vërtet të aplikojnë apo jo për zgjerim të licencës së tyre dhe drejt licencës kombëtare. Dyshimet shtohen, për shkak se ligji që rregullon raportet e KKRT-së me operatorët, thekson qartë se në momentin e aplikimit për licencë, një operator nuk duhet të jetë në shkelje të ligjit, pra nuk duhet të ketë zaptuar hapësirë, nuk duhet të transmetojë programe pirate dhe nuk duhet të ketë taksa të papaguara. Nëse një operator ka këto probleme, ai është lehtësisht i skualifikueshëm nga gara për zgjerim të licencës ose për përtëritje të saj. Në rastin konkret, dy televizionet kryesore që po protestojnë “Top Channel” dhe “Vizion Plus”, kanë realisht një performancë të mirë në treg dhe e meritojnë të konkurrojnë për zgjerim licence apo licencë kombëtare. Por që të ndodhë ky proces, duhet që doemos të marrë fund psikologjia e zaptimit të çdo gjëje prej tyre dhe konsiderimi i vendosjes së ligjit si sulm ndaj tyre. Nuk është se qeverisë i shkakton ndonjë problem ankesa e tyre, por në tërësi, në opinion, ata japin një leksion të keq të moralit që kanë për ligjin. Për më tepër, duke qenë media të angazhuara fort kundër qeverisë, shpesh dhe pa qetësinë e duhur, siç i ndodh shpesh medias në Shqipëri, kur rreshtohet politikisht, bëhen dhe më pak të besueshëm në kritikat e tyre shpesh të drejta për abuzimet apo “zaptime” të pushtetit nga zyrtarë të kësaj qeverie.

Në këto kushte, më i mprehtë bëhet problemi i “Top Channel”-it, i cili, pavarësisht rrugës që ka ndjekur për t`u zhvilluar, ka mbërritur në një stad zhvillimi që i takon licenca kombëtare, nëse konkurron. Për këtë arsye ai duhet të ishte i pari stacion që duhet të nxiste frymën e respektit ndaj ligjit për të marrë licencën. Ishte ky televizion që tri vjet më parë, pasi pati më shumë shanse financiare se të tjerët, bëri presion të egër mbi ish-kryeministrin Nano, derisa ai u detyrua të mblidhte një tryezë pronarësh dhe të binin dakord kundër prodhimeve pirate në transmetimet televizive tokësore. Tregu u disiplinua dhe shumë televizione dolën nga pulti i familjeve shqiptare, pasi nuk kishin fuqi të përballonin konkurrencën dhe rregullat e lojës. “Top Channel” fitoi. Fill pas kësaj, ai përdori vakuumin ligjor dhe lejen e heshtur të qeverisë, ndaj së cilës ka qenë shumë i dëgjueshëm dhe futi në treg rrjetin e transmetimit tokësor “DigitAlb”, i cili rifilloi të na ofrojë produkte të palicencuara, por që tashmë lejoheshin, se nuk kishte ligj. Kjo metodë shantazhi ndaj shtetit vetëm për interesa të një pronari duhet të marrë fund. Ligji s`mund të jetë i mirë, vetëm kur i duhet “Top Channel”-it dhe i pazbatueshëm, kur nuk i duhet atij. E njëjta gjë dhe për “Vizion Plus”-in. Dy javë më parë, ata ishin dakord për ligjin e transmetimeve dixhitale, se kishin interes të ishin konkurrentë me “Top Channel”-in, kurse tani ulërasin në një kor, vetëm pse dikush iu thotë zbatoni ligjin. Të dyja këto televizione mund të marrin licencë dhe të zgjerojnë hapësirat e tyre, nëse duan të ndjekin rrugën ligjore. Nëse nuk duan të marrin licencë, por ta përdorin këtë rast për të bërë beteja politike me qeverinë, kjo është tjetër gjë. E vërteta është se me gjithë sikletin, me të cilin iu vihet në krah opozita, ata që humbasin më shumë në opinion janë vetë televizionet. Ata bëhen aktorë të moszbatimit të ligjit dhe çdo akuzë e hedhur në erë ndaj qeverisë në këtë rast sa i shton pikë asaj. Pasi kjo është njësoj sikur unë të nis një pallat pa leje në mes të Tiranës dhe, nëse më vjen Edi Rama të ma prishë nesër, t`i them diktator dhe armik i shtypit.

Është mirë që, nëse e kanë sinqerisht që duan të licencohen, të zbatojnë ligjin dhe KKRT-ja t`i tolerojë duke mos iua quajtur penalitet faktin që ata kanë zaptuar hapësirën. Pas kësaj, t`i lihet kohë hapjes së procedurës për licencim. Rruga që kanë zgjedhur, përveçse ndihmon ca deputetë që s`i duhen njeriu të dalin në ekran, nuk është zgjidhje për ato ekrane që duan të jenë të besueshme dhe popullore në vend. Pronarët e tyre po bëhen zhurmuesit realë të tyre.

[KastroZiso99]

bravo
po se kuptoj se si ven ne gjirokaster mbyllin topin dhe vizionin dhe len hapur 7 televizione greke
shtepit e ngritura ne tokat e te tjereve pa leje dhe ne ate menyre qe ska ps te fusi urbanizimin i legalizojne \
ndersa antenat e televizioneve ven i shembin
keto pislliqe vetem mero baze mund ti mbroje
po atij ja bej hallall se vetem ne fushaten e Olldashit mblodhi 7 milion euro nga te cilat 2 per vete
po keta te tjeret si marr vesh

[TOKE GEGA]

bravo
po se kuptoj se si ven ne gjirokaster mbyllin topin dhe vizionin dhe len hapur 7 televizione greke
shtepit e ngritura ne tokat e te tjereve pa leje dhe ne ate menyre qe ska ps te fusi urbanizimin i legalizojne \
ndersa antenat e televizioneve ven i shembin
keto pislliqe vetem mero baze mund ti mbroje
po atij ja bej hallall se vetem ne fushaten e Olldashit mblodhi 7 milion euro nga te cilat 2 per vete
po keta te tjeret si marr vesh

DHROVANIT TE DUKET GREQI DER NE THETHE!


KOMUNSTA EDHE MUTI QE BEJNE ,E HANE VETE PASTAJ PER EMBELSIR!