Maniaku i rruges "Don Bosko"

[shefqeti11]

Deklaratë për shtyp e Drejtorisë së Policisë Qarku Tiranë

Policia e Tiranes garanton rend gjithnje e ne rritje dhe krijimin e nje ambjenti shoqeror te qete dhe te sigurte per jeten e qytetareve


02.05.2007

Nisur nga disa komente te bera nga media te shkruara dhe vizive per ekzistencen e nje “maniaku” ne rrugen Don Bosko, Drejtoria e Policise se Qarkut Tirane sqaron opinionin publik se nuk ekziston nje person i tille .
Ashtu si dhe ne zona te tjera te qytetit te Tiranes, edhe ne zonen e rruges Don Bosko, ndodhin ngjarje kriminale, si vjedhje, kanosje e plagosje te lehta etj, per te cila Drejtoria e Policise se Qarkut Tirane, po punon intesivisht per parandalimin, zbulimin e arrestimin ne flagrance te autoreve te tyre, me qellim sigurimin e rendit dhe te qetesise publike.
Per rastin ne fjale te trajtuar gjeresisht ne media, Drejtoria e Policise se Qarkut Tirane ka kryer verifikimet e duhura dhe ka organizuar sherbime policore te panderprera per jave te tera, nga ku ka rezultuar se nje person i tille i ashtuquajtur “ Maniaku i rruges Don Bosko” nuk ekziston.
Duke perfituar nga rasti bejme me dije qytetaret e Tiranes dhe sidomos banoret e Rruges Don Bosko, qe te jene te qete dhe te sigurite ne ambjetit ku banojne dhe jetojne, se Drejtoria e Policise se Qarkut Tirane dhe kryesisht Komisariati i Policise Nr.3 Tirane, ka marre te gjitha masat per sigurimin e jetes se tyre, dhe se sherbimet e saj sigurojne levizjen e lire te qytetareve ne cdo kohe.
Vazhdim i rritjes se parametrave te rendit dhe sigurise publike, jane dhe operacionet e realizuara
muajt e fundit per goditjen e grupeve kriminale me aktivitet ne qytetin e Tiranes dhe me gjere, ku mund te permendim zbulimin dhe arrestimin e autoreve te ngjarjes se rende kriminale te vjedhjes te automjetit te Presidentit te Dhomes se Tregetise te ndodhur ne rrugen Don Bosko.
Policia e Tiranes garanton rend gjithnje e ne rritje dhe krijimin e nje ambjenti shoqeror te qete dhe te sigurte per jeten e qytetareve.
Gjithashtu ju bejme me dije se ne vazhdim te operacionit “ Regina”, u bllokua automjeti i markes Mercedes Benz tip ML, i vjedhur me date 19.12.2006 ne rrugen Sytki Cico, nga i njeti grup kriminal.


Ju faleminderit.



Drejtoria e Policise e Qarkut Tirane




ka ndonjeri ndonje info rreth ketij maniakut te frikshem qe flitet se egziston ne Rr.Don Bosko te Tiranes?

na thoni ndonje fjal c'dini per kete maniak qe, na ka trembur jo vetem femijet por edhe gjithe banoret e Don Boskos.


filluan edhe kendej maniaket, shikojn filma kta dhe o burra...

he pike e zez... pike e zez...


maniak, po qe se je ne forum, na thuaj ndonje llaf...si pershembull, c'te shtyn te dalesh ne rruge neteve te erreta me corape ne koke dhe te qellosh vajza me thike?
c'a kenaqsie ndjen ti maniak t'u futesh tmerrin njerzve te varfer e?

e maniak...po je ktu na fol ndonje llaf

[shefqeti11]

Identifikohet "maniaku" i Kuvendit

Policia shpall në kërkim agresorin Ardian Matrakulli: 18-vjeçari sulmoi me thikë dy të rinj



Policia: Dyshojmë se ai ka kryer edhe disa vepra të tjera penale

Policia e Tiranës ka shpallur në kërkim Ardian Matrakullin, i cili akuzohet për plagosjen e dy personave pak ditë më parë në afërsi të Kuvendit të Shqipërisë. 18-vjeçari ka plagosur dy të rinjtë pa asnjë shkak dhe më pas është larguar, por nuk ka mundur t‘i shpëtojë identifikimit, pavarësisht se policia ende nuk e ka vënë në pranga. Ai dyshohet se ka kryer edhe vepra të tjera penale. Burimet zyrtare nga Drejtoria e Policisë së Tiranës bënë të ditur se në sajë të një pune intensive policore, dje u bë i mundur identifikimi i autorit të plagosjes së lehtë me mjete prerëse të Ylli Avdylit dhe Kreshnik Kaçit, te lulishtja e Parlamentit, ngjarje e ndodhur me datë dy të këtij muaji. Sipas uniformave blu, nga grupi hetimor, autori i kësaj plagosjeje është Ardian Matrakulli, 18 vjeç, banues në Tiranë. Me të identifikuar këtë person, forcat e Komisariatit Nr. 1 kanë ushtruar kontroll edhe në banesën e tij, në afërsi të zonës së quajtur Bregu i Lumit, por nuk kanë mundur ta prangosin atë. Burimet nga grupi hetimor bënë të ditur se duke marrë shkas nga veprimet e kryera prej adoleshentit, mund të cilësohet si një "maniak". Ylli Avdyli dhe Kreshnik Kaçi mbetën të plagosur në datën dy maj, por pas mjekimit ndodhen jashtë rrezikut për jetën. Sipas burimeve policore nga Komisariati Nr. 1, ngjarja në fjalë ka ndodhur në orën 23:55, në afërsi të Kuvendit të Shqipërisë. 30-vjeçari Kreshnik Kaçi ka qenë bashkë me 18-vjeçarin Ylli Avdyli, kur një person i ka sulmuar nga pas duke i goditur me thikë. Nga konflikti me të, dy të lënduarit nuk kanë mundur ta fiksojnë mirë agresorin e tyre, por policia është përpjekur që të nxjerrë sa më shumë të dhëna prej tyre. Sipas policisë, personi i identifikuar si agresor i dy të rinjve mbetet ende i lirë, pavarësisht se është shpallur në kërkim. Gjithashtu, policia deklaroi se në zonën ku agresori është shfaqur kanë ndodhur edhe disa ngjarje të tjera kriminale, që ende nuk janë dokumentuar. Mbi këto dyshime, policia po e heton 18-vjeçarin për implikimin e tij në lidhje me to. Grupi hetimor bëri të ditur se fillimisht u mendua se Ardian Matrakulli ishte i njëjti person me atë që kërkon Komisariati Nr. 3 për sulme agresive, që dyshohet se ka bërë ndaj dy vajzave në rrugën "Don Bosko". Në lidhje me ngjarjen e fundit, shumë qytetarë janë shqetësuar, duke menduar se një maniak ishte i lirë nëpër rrugët e Tiranës. Megjithatë, policia e Tiranës ka sqaruar se nuk ka asnjë maniak në rrugën "Don Bosko". Në një deklaratë për shtyp, policia sqaroi se nuk ekziston një person i tillë. "Ashtu si edhe në zona të tjera të Tiranës, ndodhin ngjarje kriminale edhe në rrugën ‘Don Bosko‘, për të cilat Drejtoria e Policisë së Tiranës po punon për parandalimin dhe zbulimin e autorëve të tyre", detajoi policia. Më tej, policia deklaroi se për rastin e trajtuar gjerësisht në media janë kryer verifikimet e duhura dhe janë organizuar shërbime policore për javë të tëra, nga ku ka rezultuar se një person i tillë nuk ekziston. "Duke përfituar nga rasti bëjmë me dije qytetarët e Tiranës dhe sidomos banorët e rrugës "Don Bosko", që të jenë të qetë dhe të sigurt në ambientet ku jetojnë", përfundoi policia.

Shqip-gazeta

[shefqeti11]

"Maniaku", sulm edhe ndaj dy burrave

Ylli Avdyli dhe Kreshnik Kaçi u plagosën te Kuvendi i Shqipërisë

Maniaku i "Don Bosko"-s duket se ka ndërruar zonën e operimit, duke sulmuar edhe meshkuj. Dyshimet vijnë pas një atentati që u është bërë dy të rinjve në afërsi të Kuvendit të Shqipërisë. Ata janë plagosur rëndë me thikë nga një person. Sipas përshkrimeve, agresori duket të jetë i njëjtë me personin e ashtuquajtur maniaku i "Don Bosko"-s. Ylli Avdyli dhe Kreshnik Kaçi kanë mbetur të plagosur, por pas mjekimit ndodhen jashtë rrezikut për jetën. Policia ka shpërndarë një sërë patrullash policore nëpër rrugët ku mendohet se ai ka sulmuar vajza të reja, por deri mbrëmë nuk kanë mundur të arrestojnë asnjë person. Megjithatë, grupi hetimor ka mbetur i shtangur mesnatën e së martës, kur ka marrë informacion se një person kishte sulmuar dy të rinj. Sipas burimeve policore nga Komisariati nr.1, ngjarja në fjalë ka ndodhur në orën 23:55, në afërsi të Kuvendit të Shqipërisë. 30-vjeçari Kreshnik Kaçi ka qenë bashkë me 18-vjeçarin Ylli Avdyli, kur një person i ka sulmuar nga pas duke i goditur me thikë. Nga konflikti me të, dy të lënduarit nuk kanë mundur të fiksojnë mirë agresorin e tyre, por policia është përpjekur që të nxjerrë sa më shumë të dhëna prej tyre. Grupi hetimor bëri të ditur se ndoshta nuk është i njëjti person me atë që kërkon Komisariati nr.3 për sulme agresive që dyshohet se ka bërë ndaj disa vajzave në rrugën "Don Bosko", por që ka shumë ngjashmëri. Ndërkohë, pas kësaj ka reaguar policia e Tiranës, e cila ka sqaruar se nuk ka asnjë maniak në rrugën "Don Bosko". Në një deklarate për shtyp, policia sqaron se nuk ekziston një person i tillë. "Ashtu si dhe në zona të tjera të Tiranës, ndodhin ngjarje kriminale edhe në rrugën "Don Bosko", për të cilat Drejtoria e Policisë së Tiranës, po punon për parandalimin dhe zbulimin e autorëve të tyre", detajoi policia. Më tej, policia deklaroi se për rastin e trajtuar gjerësisht në media, janë kryer verifikimet e duhura dhe janë organizuar shërbime policore për javë të tëra, nga ku ka rezultuar se një person i tillë nuk ekziston. "Duke përfituar nga rasti bëjmë me dije qytetarët e Tiranës dhe sidomos banorët e rrugës "Don Bosko", që të jenë të qetë dhe të sigurt në ambientet ku jetojnë", përfundoi policia.

Shqip-gazeta



p.s.ky lajm eshte para idnetifikimit te maniakut pos sot e gjeta.

[shefqeti11]

Agresori mendohet se ka qëlluar me thikë një 16-vjeçare. Ankth dhe në shkollat e mesme dhe në lagje të ndryshme

Korçë, panik nga maniaku i "Don Boskos"

Dyshohet se agresori i grave në Tiranë të ketë mbërritur në qytetin juglindor

Paniku dhe terrori ka përfshirë qytetin e Korçës nga ekzistenca e një maniaku që plagos femra të moshave të mitura. Ndërsa në qytet tema kryesore e ditës është ajo se në qytet po qarkullon maniaku i "Don Boskos" që u shfaq në Tiranë, nxënësit e shkollave të mesme janë përfshirë nga frika ndërsa familjarë të tyre qëndrojnë pranë këtyre shkollave në pritje të vajzave për t‘i shoqëruar drejt shtëpisë. Jo më larg se dy ditë më parë në qytetin juglindor u përfol për praninë e një personi të maskuar, i cili i ishte sulur një vajze 16-vjeçare në një nga lagjet periferike duke e sulmuar për ta plagosur. Ndërsa në zonën respektive ku mendohet se ka ndodhur ngjarja, ku një vajzë është sulmuar nga një person me thikë, i cili ka tentuar ta plagosë në pjesën e fytyrës, lajmi në qytet është përhapur me shpejtësi marramendëse se mundësia e transferimit të maniakut kryeqytetas në këtë zonë paraqet rrezik për jetën e vajzave. E njëjta histori është përsëritur një ditë më pas edhe në një tjetër lagje. Kanë qenë banorë të lagjes 8 të qytetit, të cilët kanë dëgjuar se gjatë natës, një vajzë e komunitetit rom është sulmuar me thikë nga një person i dyshimtë. Por kjo ka mbetur thjesht në rangun e një lajmi që është përhapur me shpejtësi, por që nuk e ka shpëtuar dot qytetin nga paniku. Asnjë nga familjarët në të dyja lagjet e qytetit të Korçës atë 13 dhe lagjen 8 ku përflitet se janë identifikuar dy raste të agresionit ndaj vajzave të mitura nga një person i maskuar që ka sulmuar me thikë, nuk di saktësisht të tregojë se cilat kanë qenë viktimat. Ndërsa në qytetin e Korçës, pas përhapjes së zërave se maniaku i "Don Boskos" është zhvendosur në juglindje prindër dhe mësues po mbajnë nën mbikëqyrje të rinjtë, zyrtarisht nuk konfirmohet jo vetëm prezenca e një agresori apo maniaku në këtë qytet, por as edhe ndonjë rast plagosjeje apo denoncimi për tentativë të kësaj vepre penale. Të pyetur për këtë lajm që është përhapur me shpejtësi në qytet, burimet nga komisariati pohojnë se nuk ka pasur asnjë rast plagosjeje te femrat dhe asnjë denoncim për agresion apo tentativë plagosjeje. Megjithatë, policia ka shtuar patrullat në qytet, por edhe pranë shkollave të mesme. Në shkollat e mesme të qytetit, madje dhe në ato të sistemit 9-vjeçar lajmi për maniakun e "Don Boskos" është tema kryesore si në ambientet e klasave ashtu edhe jashtë saj gjatë pushimeve. Nxënësit janë terrorizuar dhe kanë treguar edhe në familje se ka pasur eksperienca të këqija te disa minorene, të cilat janë ndjekur me vrap nga një person me thikë. E njëjta gjendje ka qenë edhe gjatë ditës së martë në shkollën e mesme "Raqi Qirinxhi", si dhe në atë "Themistokli Gërmenji". Një nga gjimnazistet tregon se lajmi që maniaku ndodhet në Korçë është dëgjuar nga disa media, të cilat kanë deklaruar se policia e kryeqytetit nuk ka mundur ta kapë, ndërsa dyshohet se ai është strehuar për momentin në Korçë. Por të tjerë nxënës deklarojnë se e kanë dëgjuar këtë histori në lagjet e tyre.

Sipas policisë, edhe pse nuk ka asnjë denoncim, janë shtuar masat e sigurisë në qytet duke parë më tepër panikun e përhapur në njerëz. Të pyetur edhe pranë urgjencës së qytetit, mjekët deklarojnë se nuk ka pasur raste të vajzave të paraqitura me plagë nga mjetet e forta. Shefi i krimeve pranë Komisariatit të Korçës, Elidon Veizi, thotë se dhe agjentët e policisë kriminale kanë nisur gjurmimin për një person të panjohur që qarkullon në këtë qytet për më tepër dhe agresiv, por përjashton mundësinë e pranisë së maniakut për sa kohë që nuk ka asnjë denoncim dhe rast konkret.

Shqip-gazeta

[shefqeti11]

e kapem nje maniak...

Policia e Tiranës prangos Flamur Hoxhën: 21-vjeçari u kap me thikë dhe pistoletë pranë rrugës "Don Bosko"

"Maniaku", arrestohet një i dyshuar

Grupi hetimor: I riu dyshohet për një krim. Armët dërgohen në laborator

Një person i armatosur ka përfunduar në prangat e policisë, pasi është kapur pak minuta para se të realizonte ndonjë atentat të mundshëm. Flamur Hoxha u arrestua pranë rrugës "Don Bosko", duke ngritur dyshimet se ai mund të jetë edhe i ashtuquajturi "maniaku". Burimet e Drejtorisë së Policisë së Tiranës bënë të ditur se prej ditësh, shërbime civile të komisariatit nr. 3 kanë mbajtur nën mbikëqyrje rrugën "Don Bosko", pas shqetësimit të ngritur se në këtë zonë lëvizte i lirë një maniak që sulmonte me thikë femrat. Megjithatë, kjo tezë u hodh poshtë nga policia, por nuk përjashtoi mundësinë se në zonën e lartpërmendur mund të ndodhin krime nga më të ndryshmet. Në këto kushte, grupe pune të policisë hetuan për gjetjen e ndonjë personi të dyshimtë për këtë fenomen. Pa kaluar shumë kohë nga ngritja e këtyre grupeve pune, dje ka ardhur rezultati i parë. Sipas burimeve të besueshme nga Komisariati nr. 3, gjatë orëve të natës ka mbërritur informacioni se në rrugën "Jordan Misja", që është paralele me rrugën "Don Bosko", ishte një person i armatosur. Me t‘u njoftuar për këtë, në vendin e ngjarjes janë nisur uniformat blu, të cilët kanë bërë disa kontrolle te personat e dyshimtë, që ishin në lëvizje, qoftë me mjete, ose në këmbë. Gjatë këtyre kontrolleve, policia ka ndaluar shtetasin Flamur Musaidin Hoxha, 21 vjeç. Grupet e shërbimit i kanë kërkuar atij kontroll fizik, por ai ka tentuar të largohet me shpejtësi. Pas këtij akti, forcat policore janë vënë në ndjekje të tij, duke mundësuar kapjen pak metra më tutje. Gjatë kontrollit fizik që është ushtruar ndaj 21-vjeçarit, forcat policore kanë mundur t‘i gjejnë atij një pistoletë dhe një thikë. Sipas ekspertëve të policisë, arma ishte e tipit mini-zastavë, të cilën Hoxha e mbante pa leje, ndërkohë që edhe thika plotësonte kushtet e armës së ftohtë. I arrestuari është çuar në ambientet e Komisariatit nr. 3, i cili për disa orë është marrë në pyetje në lidhje me dyshimet e policisë, ku nuk është lënë mënjanë as çështja e maniakut të "Don Bosko"-s. Megjithëse, i riu nuk ka pranuar asgjë nga dyshimet e policisë, grupi hetimor deklaroi se Hoxha mund të ketë qenë në prag të ndonjë atentati. Burimet nga policia shpjeguan gjithashtu se armët që iu bllokuan Hoxhës janë dërguar në laboratorin e kriminalistikës, që policia shkencore të verifikojë nëse ato janë përdorur në ndonjë skenë krimi. Në këto kushte paraprake, grupi hetimor vendosi arrestimin e 21-vjeçarit për armëmbajtje pa leje.


"Don Bosko"


Banorët, ende të frikësuar


Pak ditë më parë, policia e Tiranës deklaroi se nuk ekziston maniaku i "Don Bosko"-s. Sipas të dhënave zyrtare nga drejtoria e policisë së qarkut, në rrugën "Don Bosko", apo në zonat përreth saj nuk është spikatur asnjë person që mund të cilësohet si maniak, për arsye se aty kanë ndodhur vetëm krime të shkëputura, siç ndodhin në shumë zona të tjera. Policia e kryeqytetit deklaroi se për dy javë, shërbimet e Komisariatit nr. 3 kanë mbajtur nën vëzhgim këtë zonë, duke u nisur edhe nga frika e banorëve të cilët shpeshherë janë shprehur se ndihen të frikësuar nga "maniaku".

shqip-gazeta

[shefqeti11]

Rishfaqet maniaku, plagoset 15-vjeçarja

Xhulia K. u qëllua me thikë te rruga "Tre Dëshmorët"

Rishfaqet maniaku në kryeqytet, plagoset me thikë një vajzë 15-vjeçare. Ngjarja e rëndë ka ndodhur dy net më parë në Tiranë, ndërkohë që policia ka nisur punën për identifikimin e autorit. Pavarësisht se para pak kohësh, policia deklaroi se nuk ekziston asnjë maniak dhe ngjarjet e ndodhura në Rrugën "Don Bosko", nuk ishin të lidhura në seri me njëra-tjetrën, nga ana tjetër vazhdojnë të regjistrohen ngjarje kriminale të këtij karakteri. Rasti i fundit ka qenë pikërisht rreth orës 19:00 të së mërkurës në rrugën "Tre Dëshmorët", në lagjen e Kombinatit. Burimet policore nga Komisariati Nr. 6 bënë të ditur se në këtë kohë janë njoftuar se një vajzë 15-vjeçare ishte plagosur me thikë. Me t‘u njoftuar në vendin e ngjarjes kanë shkuar uniformat blu, të cilët kanë gjetur të plagosur të miturën Xhulia K., e cila kishte marrë dy plagë të lehta. E dëmtuara është dërguar urgjentisht në Spitalin Ushtarak, ku u është nënshtruar mjekimeve të nevojshme. Pas ndërhyrjes, mjekët e spitalit bënë të ditur se ajo ndodhet jashtë rrezikut për jetën. Por, ngjarja e regjistruar ka tmerruar banorët e zonës, të cilët janë shprehur se një maniak është i lirë në lagjen e tyre. Madje, vajza e re ka denoncuar për policinë e kryeqytetit se agresori ishte i moshës mbi 20 vjeç dhe me trup mesatar. Sipas dëshmisë së saj, ai ishte i veshur në mënyrë jo të rregullt. Duke u nisur nga ky denoncim alarmues, forcat policore të Komisariatit Nr. 6 kanë nisur punën për identifikimin e autorit të plagosjes. Menjëherë policia ka rrethuar zonën dhe ka kryer një sërë kontrollesh, por nuk ka mundur të prangosë autorin. Sipas burimeve nga grupi hetimor, ende nuk është bërë identifikimi i autorit, por janë vënë në listë disa persona të dyshuar për këtë krim. Më tej, ata sqaruan se në momentin e sulmit vajza po kthehej në shtëpi, ndërkohë që rruga ka qenë e boshatisur. Me gjithë këtë rast, policia kryeqytetase e ka mohuar se kanë të bëjnë me ndonjë maniak në lagjen e lartpërmendur.

G/Sh

[shefqeti11]

maniaku ka arritur dhe ne Elbasan...e tmerrshme!

Elbasan, policia qetëson popullsinë: Nuk ka manjak qe kercenon

11:38 19/05/07




Duke u bazuar në disa telefonata të bëra në Sallën Operative të Drejtorisë së Policisë së Qarkut të Elbasanit nga qytetarë të ndryshëm për shfaqjen në rrugë të një maniaku i cili kërcënon fizikisht qytetarët, ka detyruar zëdhënësin e Policisë së Elbasanit të dalë në një konferencë për shtyp. Ai siguroi që gjithçka e thënë është e pavërtetë dhe garanton qytetarët e Elbasanit për rend dhe siguri e qetësi publike.

A1