Eliza Hoxha

[Bl3ri]

Eliza Hoxha nuk rri kot



Pas një kohe të gjatë qëndrimi në Belgjikë, ajo rikthehet në Prishtinë ku së shpejti pritet t'i fillojë përgatitjet për këngën e saj të parë pas kësaj pauze të gjatë.

E bukur, e thjeshtë me flokë të lidhura, me një palë pantallona të shkurta, çizme të gjata, dhe një setër të kombinuar, na priste Eliza Hoxha në njërin prej lokaleve të shumta të kryeqytetit. Elizën e njohim të gjithë prej kohës kur u bë e famshme me këngët dhe paraqitjet e shkëlqyeshme skenike. Në fillim të karrierës së saj muzikore është vlerësuar nga njohësit e mirë të muzikës për zërin dhe stilin e saj të veçantë. Edhe pse tri vjet i ka munguar skenës kosovare, këngët e saja ende janë të kërkuara nëpër radiostacionet kosovare.

Një kohë Hoxha ka vazhduar studimet e saj për magjistraturë, në Belgjikë, për t'u kthyer më vonë në Prishtinë të jap kontributin e saj si një arkitekte. "Tash dy muaj kam ardhur nga Belgjika, kam përfunduar studimet e magjistraturës, në Universitetin e Katolik të Leuvenit", tregoi Eliza Hoxha. Ajo premton muzikë për dëgjuesit e saj. Para vitit të ri mund ta presin një këngë dhe një videospot të ri për të cilin Eliza veç ka filluar të punojë. Ajo thotë që para vitit të ri do të provojë të lansojë të paktën dy këngë, kurse albumi nuk beson që do të jetë gati deri atëherë, sepse sipas saj lypset punë deri te përfundimi i një projekti të tillë. Nganjëherë është mirë të mos jesh i pranishëm "Ka ende punë deri të albumi im i ardhshëm, duhet të mendohet mirë se çfarë duhet të jetë imazhi, përzgjedhja e këngëve, dhe gjëra të tjera që duhet të kompletohen për të ardhur deri te përfundimi i një albumi të mirë", tregoi ajo duke thënë se nuk është me rëndësi se kur do të dal, por me rëndësi është çfarë do të prezantohet para publikut. "Mungesa ime në skenë në njërën anë ka qenë e mirë, në anën tjetër ndoshta jo për shkak se ishte shumë e gjatë.

Në zhvillimet e ndryshme në skenën muzikore kohëve të fundit në Kosovë, mendojë se ndoshta edhe është më mirë është të mos jesh e pranishme me asgjë, sesa me gjithçka", thotë Eliza për Express. Ajo gjithashtu thotë se në një kohë kur ka rryma dhe lojëra të ndryshme në të cilat nuk e gjen veten dhe nuk je pjesë e tyre atëherë është më mirë të mos jesh në atë valle fare. Ndërsa në anën tjetër mungesa e këngëve të reja, sipas saj ka ndikuar edhe negativisht, që ndoshta disa kanë mundur edhe ta harrojnë Elizen dhe këngët e saja. Skena nuk ka vend për moral dhe striptiz "Mirëpo unë kam pasur synimet e mia dhe pavarësisht nga çmimi unë nuk kam ndenjur kot, kam punuar dhe kam arritur diçka tjetër që për mua është shumë e rëndësishme", theksoi ajo. Natyrisht që mungesa në skenë e ka bërë të veten thotë ajo, edhe rikthimi do të jetë shumë më i vështir, por kjo për Elizën është edhe një sfidë e re e që duket se asaj i pëlqen.

Në muzikë Eliza është karakterizuar si njëra prej këngëtareve e cila gjithmonë ka nsistuar të mbetet vetvetja. "Kurrë as nuk mundem ta paramendoj që të dal jashtë kornizave të mia, jashtë kontekstit tim personal, qoftë në imazh në interpretim apo diçka tjetër", tregoi. Edhe vetëm pas dy muajve të saj të kthimit nga Belgjika, ajo e ka vërejtur hallakamën e madhe që është krijuar kohëve të fundit në Kosovë. "Artistët duhet të jenë ata të cilët lansojnë trende, e jo të jenë palaço të diktuar nga shijet e dikujt tjetër. Fundja kjo i dallon artistët e vërtetë që këtë punë e bëjnë më shumë dashuri, përkushtim e përgjegjësi nga ata të cilët e bëjnë për interesa të caktuara personale, apo?" Ngase "skena nuk është vend ku duhet të kërkohet apo të shitet morali", tha ajo "por as vend për striptiz nuk është".

[Ermelita]

Eliza Hoxha eshte kengetarja me origjinale dhe me unikate ne trojet shqiptare.Stili i saj kaq ene dhe mbetet perhere 100 % Eliza,siq edhe e ka titulluar albumin e saj.Kenget i ka perfekte me tekste dhe muzike te rafinuar.
Ajo merret edhe me fotografi artistike qe e ka pasion dhe koheve te fundit ka hapur ne Prishtine nje ekspozite.

[erindi_al]

Eliza Hoxha eshte kengetarja me origjinale dhe me unikate ne trojet shqiptare.Stili i saj kaq ene dhe mbetet perhere 100 % Eliza,siq edhe e ka titulluar albumin e saj.Kenget i ka perfekte me tekste dhe muzike te rafinuar.
Ajo merret edhe me fotografi artistike qe e ka pasion dhe koheve te fundit ka hapur ne Prishtine nje ekspozite.

Eliza Hoxha eshte nje vajze e veçante dhe mirret shume aktivitete. Por nuk eshte ndonje kengetare me vokale te veçanta. Paraqitja e saj ne festivalin e kenges (TSVH) ishe shume e dobet. Sipas paraqitijes kjo edhe u vlersua me pak pike.

[@rdi@n@]

ELIZA eshte e vetmja kengetare ne Kosovë qe ia vlen te degjohet, eshte kengetare e nivelit te lart, nivel qe shume veshtire do e arrij ndonje kengetare tjeter sa do qe te bej perpjekje.
ELIZA, ajo eshte me e mira

[FeeZee]

Eliza eshte personime siperfaqesore qe e kam pare ndonjehere, ne asnjeren fushe nuk eshte e perfeksionuar!

Sa here qe ndodh ndonje aktivitet kulturor kerkohet nga KTV-ja edhe mendimi i saj, prezenca e tepert e Eliza Hoxhes ne KTV, ma ka mbushur mendjen qe edhe KTV-ja eshte nje stacion mediokritet.

Une nuk e pelqej, sepse nuk ka vokalin me te mirin prej kengetareve shqiptare, poashtu nuk eshte me sexi se kengetaret tjera shqiptare...

Koheve te fundit e pash 1 videoklip te saj n'RTK, qe kishte te bente me plaget e Kosoves, me te zhdukurit, shka une e konsideroj si artiste te hargjuar, apo si artiste qe nuk ka punuar mjaftushem per tu futur ne grupin e njejt me femrat kengetare qe jane yje te verteta.

Ajo mundohet qe permes intervistave dhe prezences se saj neper aktivitete te mbledh adhurues, por mendoj qe prepotenca qe e ka nuk do ta ndihmoj, dhe me se kam fituar bindjen qe ne top listat ku votohet me te vertete ajo nuk do te mund te klasifikohet edhe lart, as nga vlersuesit profesional e as nga audienca.

Megjithate i deshiroj suksese.

[lidadalida]

Eliza eshte e vecante fare,,,urime bye.

[sirena_adria]

[sirena_adria]

[sirena_adria]

Thjeshtesisht Bukur !