Mediat kosovare kanë dhënë lajmin se qeveria e Kosovës ka hapur një zyrë ambasadë në Nju Jork të Shteteve të Bashkuara të Amerikës.
Sipas mediave, kjo zyrë do të shërbejë për të koordinuar veprimtaritë në mbështetje të pavarësisë të Kosovës. Mediat kosovare, thonë se kjo ndërmmarje e qeverisë së Kosovës, kërkon të mbushë boshllëqet që mund të krijohen nga zyrat e përfaqësimit të serbëve në SHBA, të cilët s’duan të lejojnë pavarësinë e Kosovës.
Ndërkohë, po nga SHBA, në Uashington, qeveria amerikane ka konfirmuar edhe njëherë mbështetjen për pavarësinë e Kosovës, ku nëpërmjet deklaratës të zëdhënësit të shtetit, McCormack, SHBA ka deklaruar se procesi nuk duhet të zvarritet. Zëdhënësi i Shtetit amerikan, ka deklaruar se SHBA mbështet planin për një pavarësi të mbikqyrur dhe do të punojë ngushtë me shtetet e tjera anëtare të Këshillit të Sigurimit për ti bindur ata që të përkrahin rezolutën për pavarësi dhe mos të krijojnë pengesa për shtyrje të tjera.
a1tv
Krijoni Kontakt