Nenforumi i piraterise te mbyllet.

[benseven11]

Forumi i piraterise per informatiken duhet mbyllet.
Arsyet
1.Jane postuar programe me krak nga burime warez,rapidshare etj duke shkelur te drejtat e autoreve dhe kompanive qe i kane krijuar.Pervetsim programesh pa paguar.Nje link eshte nje link asgje me teper.Problemi eshte se ky nenforum eshte bere depozite programesh pirate,vjedhjesh.Nuk eshte me informacion per diskutime per piraterine.
2.Moderimi i nenforumit eshte krejt arbitrar.Disa poste/tema hiqen nga moderatori.Nuk ka arsye.Thuhet ne kundershtim me rregullat e nenforumit.Fakti eshte qe ne qofte se hiqet nje program aplikacion i postuar atehere hiq edhe te tjerat.Pasi te gjitha jane pirate.
3.Nuk ka nevoje njeri per nje forum si pirateria te marre programe.Nuk flas per injorantet dhe dembelet ,por perdorusa me pak eksperience ne internet mund ti gjejne programet pirate pa siklet fare.Eshte mbushur googla me forume pirate,blogs pirate dhe faqe warez.,programe p2p,torrent etj
4.Thuhet te rregullat qe qellimi i forumit eshte te ndihmojme njeri tjetrin....Te ndihmojme per cfare???Vjedhje.Nuk kam pare ndonje diskutim serioz te pirateria.Postohen vetem linksa programesh pirate.Ka aq dembela aty sa kur postojne programet nuk shkruajne dy rreshta shqip per programin qe postojne, por kopjo dhe paste materialin direkt ne anglisht.
Kjo gje duhet bere sa s'eshte vone.Nuk do me pelqente qe nje dite secili nga anetaret te kapet ne befasine....Forumi shqiptar eshte mbyllur...
Arsyeja distribucion programesh pirate,,,shkelje e ligjeve per te drejten e autorit...
Shnet

[Ermal 22]

Shume mire qe ke hapur kete teme shqetesuese Benseven pasi nuk e nderon foruminshqiptar nje nenforum piraterie ose me e thene me shqip vjedhjeje.
Jo vetem po diskutohet e po 'ndihmohen' te tjeret si te vjedhin, por po i jepet drejtim e nam i keq Forumit qe nuk duhet te behet strehe per veprime te pamoralshme e te paligjshme.
Urojme qe stafi i Forumit ta shoh kete pune dhe ti jape zgjedhjen e duhur, mbylljen e nenforumit famekeq.

[Zemrushja]

Me sa kam pare un, Benseven11 ka qene nder te paret qe u ka ardhur ne ndihme c'do useri per cdo problem qe ka patur (flas per veten time ne radhe te pare). E mira eshte te mos shkelet ne kallo dhe mos te harrohet mundi dhe djersa qe dikush ka dhene per ate nenforum

Menyra se si e konceptojme "te drejten " gjithsecili prej nesh eshte e ndryshme.
----------------------------------------

Por me vjen keq kur degjoj qe

Shume mire qe ke hapur kete teme shqetesuese Benseven pasi nuk e nderon foruminshqiptar nje nenforum piraterie ose me e thene me shqip vjedhjeje.

Mos valle dhe librat qe jane botuar dhe sitet qe tregojne si te perdorim kompjuterin jane "Vjedhje"??? Padyshim qe po.. s'e keshtu i bie..

Te mesojme te kemi kujdes apo te shkarkojme programe qe jane ndihmuese per kompjuterin tone nuk eshte aspak vjedhje..

[edspace]

Beni,

Shumë interesante kjo vërejtje -- gëzuar 1 Prillin?! --, pasi ti je një nga anëtarët më aktivë të forumit të piraterisë dhe i ke shkelur të gjitha rregullat që ke përmendur. Megjithatë vërejtja është e vlefshme dhe po mundohem të të përgjigjem cilido qoftë qëllimi yt i vërtetë.

Kjo është një temë me argumenta të mira nga të dyja anët. Qëndrimi që kemi mbajtur në këndin e piraterisë është që të jemi brënda ligjit (pikë).

1. Ligji i SHBA bën me faj ueb sajtet që përmbajnë programe në serverin e tyre. Forumi Shqiptar nuk përmban programe të paligjshëm në server. I vetmi program në server është vBulletin dhe ky është i paguar. Gjithçka tjetër që postohet nga anëtarët është thjesht informacion dhe nuk e kap ligji. Është përgjegjesia e faqeve që lejojnë shkarkimin që të mos mbajnë programe pirate në serverat e tyre.

2. Moderimi nuk është arbitrar. Moderimi ka qënë i atillë që forumi të mos kthehet në një faqe warez, as faqe pornografike, as faqe hajdutësh. Nga forumi janë fshirë shkrimet që nuk zbatojnë rregullat e përgjithshme të forumit. Janë fshirë shkrimet që përmbajnë lidhje në faqe warez e faqe me pornografi. Janë fshirë shkrime në gjuhë të huaja me përjashtim të temave për programet e njohur, ose tema që jane shoqëruar me imazhe të programit. Janë fshirë shkrime që përmbajnë numra regjistrimi e fjalëkalime. Janë fshirë shkrime me lidhje të skaduara e ato që përpiqen të bëjne reklama. Janë fshirë shkrime për softueret, filmat, e albumet shqiptarë sepse këto tema ndikojnë programuesit e artistët shqiptarë të cilët, ndryshe nga kompanitë e mëdha, nxjerrin bukën e gojës me punën e tyre. Janë përjashtuar shumë anëtarë që kanë vazhduar të shkelin këto rregulla.

3. Fakti që forumi përdoret nga shumë anëtarë tregon se nevoja ekziston. Nevoja ekziston sepse informatika është ende në hapat e parë në botën shqiptare. Ka shumë të rinj që kanë pasion kompjuterin por nuk mund të blejnë dot programe që kushtojnë me qindra e mijëra dollare. Gjithçka mund të gjendet në google, por jo të gjithë janë aq të aftë e jo të gjithë dinë anglisht. Forumi i piraterisë ofron një ambjent ku anëtarët mund të sqarohen në gjuhën shqipe për çfarëdo problemi.

4. Përsëri çuditem se si bën këtë vërejtje kur ti mund të kesh më shumë postime nga të gjithë tek pirateria. Vlera e forumit është për vizitorët që sapo janë futur në kompjuter dhe Internet. Ata kanë dëshirën të mësojnë e të punojnë me kompjuter, por s'mund të paguajnë dot çmimet e larta të softuereve. Për vende të varfra si Shqipëria, India, Rusia, etj. informatika mund të luaj një rol të paçmueshëm në jetën e shumë të rinjve.

Pirateria e programeve nuk është aq e dëmshme për kompanitë e softuereve; biles mund të argumentohet se ato kompani kanë fitim nga faqe si forumi i piraterise. Microsoft e Adobe bëjnë biznes me kompanitë private që blejnë me mijëra kopje të një programi përnjëherësh. Microsoft Office nuk ka dalë në shitje për ata që nuk dinë ende të shtypin në tastierë dhe Adobe Photoshop nuk ka dalë në shitje për amatorët e vizatimit. Këto programe janë krijuar për punë zyre, për ata që i përdorin programet çdo ditë. Microsoft me shokë nuk janë aq të interesuar të ndalojnë përdoruesit shtëpiakë që i përdorin këto program për qejf sepse këta përdorues nuk do i blinin programet nëse nuk i gjenin falas. Por, nëse një shqiptar merr programin falas, fiton njohuri, dhe një ditë e përdor për punë, atëherë ai mund të bëhet klient për Microsoft, Adobe, etj. Kompanitë e mëdha softuerike nxjerrin versione falas për programet e tyre pikërisht për të tërhequr sa më shumë amatorë me shpresën se një ditë këta amatorë do kthehen në profesionistë e do blejnë versionet e plotë të programeve. Anëtarët e forumit të piraterisë hyjnë në grupin e përdoruesve shtëpiakë, amatorëve.

Temat e piraterisë janë izoluar në atë forum i cili shumë lehtë mund të mbyllet në çdo çast nqs lindin probleme. Fakti që forumi ka vite në punë dhe nuk kemi patur ankesa, tregon se ai forum ka qënë brënda ligjit. Ka me miliona faqe të tjera në Internet që shkelin ligjin me të dyja këmbët e vazhdojnë të qëndrojnë hapur. Por, nëse mbyllet forumi i piraterisë, për të njëjtat arsye duhet të ndalojmë edhe lidhjet e videove me muzikë e filma.

Ngelem ende i interesuar të mësoj se çfarë u bë shkak që po bën këtë vërejtje pas kaq vitesh që s'ke lënë program pa hedhur në forum. Kështu tërthorazi si e ke nisur, do ia kalosh Magelanit.

[Ermal 22]

Ke te drejte Zemrushja se nenforumi ka plot gjera te perdorshme nga anetaret e tjere, dhe Edspace i beri nje analize te kujdeshme permbajtjes se nenforumit.
por per shembull cfare duan aty ca tema per hackerat e hacking?

Ju te informatikes i dini me mire ligjet mbi te drejtat e autorit a kompanive, dhe atyre ligjeve te pergjithshme qe veprojne ne internet, prandaj edhe ju del detyre qe te drejtoni si moderatore e qytetare te mire.

[Gerrard]

Pershendetje!!

Ben

Jam shum dakort me ty dhe me Edi-n, vertet kemi vite qe kontribojme ne forum dhe ke nen forumi Informatikes. Probleme te tilla jan hasur gjithmon dhe do hasen gjithmon ne c`do forum. Po bordi drejtues te jet pak me aktive ne ate nenforum dhe te shtoj moderatoret te cilet jan expert ne ate fushe dhe qe jan me aktive.
Te gjith kemi shkembyer dije ne ate nen forum, kemi sjell informacione si libra programe po nga keto nuk besoj se jan te ligjshme dhe me te drejte autori se vet titulli pirateri do te thot qe c`do gje eshte per bere per nje qellim apo dicka tjeter. Personi qe nxjerr dicka negative si prsh programet hackin etj nuk i nxjerr per te bere mire po i nxjerr per te sulmuar dicka dhe ai i nxjerr ne treg free nuk i nxjerr me te drejte autori apo per shitje.

Prsh jam kundra nxjerrjes se Serialeve dhe key-ve te ndryshme. Mua dicka po me habit me ty Ben pasi ti ke qene ai qe ke sjell libra dhe programe te ndryshme si dhe une kam qene po c`do gje duhet te jet ne vendin e saj e kuptoj dhe une. Habitem me faktin qe lexojne rregulloren disa persona dhe sjellin linke te ndryshme per shkarkime etj.

Shpresoj qe c`do gje te shkoj ne vendin e tyre dhe te rrespektohet c`do e drejte.

Kalofshi Mire

Trendafili

[Albo]

Verejtja eshte me vend dhe ai nenforum u mbyll per te mos u hapur me ndonjehere. Krahas arsyes se legjitimitetit une do ti shtoja edhe nje arsye qe lind nga moderimi i nenforumeve te tilla. Ka patur shume ankesa ne lidhje me shkrime apo tema te bera ne ate nenforum dhe nuk ia vlen barra qirane, per vete natyren e atij nenforumi, qe stafi i forumit te humbasi kohen e vete me shpjegime ndaj anetareve qe marrin pjese ne ate nenforum.

Fatmiresisht forumi i informatikes ka plot nenforume te tjera me vlere ku secili prej jush mund te japi kontributin e tij.

Albo