Dennis Rodman, lojtari skandaloz i NBA

[Davius]

Dennis Keith Rodman, i lindur më 13 maj të vitit 1961 në Trenton, në Nju Xhersi, ka qenë një ish-lojtar i sportit të basketbollit, i njohur sidomos për sjelljen e tij të shpenguar jashtë dhe brenda fushës dhe si lojtar i dedikuar mbrojtjes dhe rebaundeve. Në fillimet e tij në NBA në vitin 1986, thuhej se ishte i gjatë 2.03 cm. Rodman luante në një nga pozicionet që kërkonin forcë të madhe fizike, krahë të gjatë dhe megjithëse mund të ishte 15 cm më i shkurtër se kundërshtari i tij, është konsideruar si lojtari që hidhet më lart drejt koshit dhe një nga mbrojtësit më të mirë të rolit të tij.

Periudha para NBA

Rodman, i rritur në Dallas, në fillim nuk dukej se kishte të ardhme si lojtar i basketbollit. Mirëpo duhet duhet marrë parasysh fakti se asgjë nuk është absolute dhe ashtu ndodhi. Gjërat ndryshuan për mirë kur ai u zgjat 23 cm brenda dy vjetësh, pasi kishte mbaruar liceun. Pas një periudhe të kaluar në universitet, luajti për “Southeastern Oklahoma State University”, ku tregoi zotësinë e tij në mbrojtje dhe në sulm. Në të njëjtën kohë luajti dy sezone në ABA, ku u pikas si organizator dhe realizues i mirë i lojës dhe skuadrës.

Karriera në NBA

Rodman u pikas nga skuadra “Detroit Pistons”, e cila e thirri në radhët e saj në sezonin e dytë të vitit 1986. Atë vit “ Detroit Pistons” drejtoheshin nga Isiah Thomas, Joe Dumars dhe Bill Laimbeer. Me ta luanin Adrian Dantley, Vinnie Johnson, John Salley dhe Rick Mahorn. Forca e Rodman ishte perfekte për një skuadër të njohur për lojën e saj të vështirë dhe mbrojtjen e fortë. “Pistons” u skualifikua në playoff të vitit 1987 nga “Boston Celtics” megjithëse Rodman ia doli mbanë të kufizojë lojtarin e tyre më të mirë, Larry Bird. Në vitin 1988 Rodman bëri shumë progres në lojën e tij duke rritur kontributin në mbrojtje. Vitin pasardhës forcat e tij u rikuperuan edhe më shumë, gjë që i dha atij mundësinë të fitonte edhe çmimin si “Lojtari më i mirë në mbrojtje”. Këtë çmim ai e fitoi dy vjet radhazi. Ishte lojtari që kërcente më lart në skuadër pas Laimbeer dhe ndihmoi “Pistons” të mundnin “Chicago Bulls” për të dytin vit radhazi, duke fituar titullin e tyre të parë NBA. Një vit më vonë u përjetua pothuajse e njëjta situatë, “Pistons” fituan kundër “Bulls” në finalet e “Eastern Conference”, duke fituar titullin e tyre të dytë dhe Rodman çmimin “Mbrojtësi i vitit NBA”. Skuadra “Pistons” shënoi rekordin e fitoreve në sezonin e rregullt, 63 ndeshje të fituara. Në vitin 1991 “Pistons” ishte e tronditur nga dështimi me “Bulls” në finalet e “Eastern Conference”. Rodman kryesonte klasifikimin e rebuandeve në skuadër, por nuk ishte e mjaftueshme. Në vitin 1992, Rodman ishte fenomenal, me një mesatare 18 kosha gjatë një ndeshjeje dhe fitoi të parin nga shtatë çmimet radhazi si lojtari që kërcen më lart. Rodman nuk shtypte as nuk gjuante kundërshtarët, ai përdorte një afrim pothuaj shkencor për të llogaritur faktin si topi do të kërcente në kosh për të qenë në pozicionin më të mirë për t’ia arritur qëllimit. Viti 1993 ishte sezoni i dytë i Rodman në krye të klasifikimit të rebaundeve, por i fundit me skuadrën “Pistons”. Një mbrëmje, rreth fundit të sezonit 1992-1993, ai u gjend me një pushkë të mbushur në parkimin e “Pistons”. Rodman pohoi në një nga autobiografitë e tij se atë natë vrau Dennisin e vjetër për të sjellë në jetë Dennisin e Ri.

Vitet e fundit të karrierës

Në fund të sezonit ai u pranua në ekipin “San Antonio Spurs” ku zëvendësoi Sean Elliott. Në San Antonio, Rodman nuk ishte në pozicionin e mëparshëm, tashmë atij i përkiste zona nën kosh dhe i jep kështu mundësinë për të qëndruar në qendër David Robinsonit me qëllim që të përqendrohej në sulm. Dhe kështu Robinson në atë sezon ishte i pari në klasifikimin e pikëve të shënuara. Ishte hera e parë që dy shokë të një skuadre ishin në vend të parë edhe për rebaundet, por që nuk do të ishte hera e fundit për Rodman. Në sezonin e ardhshëm ekipi “San Antonio” fitoi 62 ndeshje dhe mbërriti në finalet e “Eastern Conference”. Megjithatë jeta e tij bëri më shumë progres jashtë fushë së lojës, duke përfshirë një marrëdhënie shumë të shkurtër me yllin e muzikës Madonna, si dhe me mënyrën e tij të veçantë të mbajtjes së flokëve. Në atë kohë ai ishte pak i qëndrueshëm për të qëndruar te “San Antonio Spurs”. Loja e fundit më këtë ekip ishte në ndeshjen e pestë të finaleve të “Eastern Conference”. Në fund të sezonit Rodman hyri në radhët e skuadrës “Chicago Bulls” në këmbim të Will Perdue për të plotësuar boshllëkun në rolin e krahut të fortë nga Horace Grant. “Bulls” me Rodman dhe kthimin e Michael Jordan, fitoi 25 ndeshje më shumë në krahasim me sezonin e mëparshëm, duke kaluar nga 47 në 72, rekord fitoresh në NBA. Në vijim, gjatë playoff, “Bulls” arriti me shumë lehtësi në finale në fitoren e titullit NBA. Rodman, Jordan dhe Scottie Pippen hynë për të qenë pjesëtarë të “All-Defensive First Team”. Ishte hera e parë që i ndodhte tre lojtarëve të së njëjtës skuadër. Rodman kryesoi klasifikimin e rebaundeve për të pestin vit radhazi dhe Jordan atë të pikëve të shënuara. Kjo situatë u përsërit në vitet '97 dhe '98, duke i dhënë skuadrës fitoren e tre titujve radhazi për herë të dytë brenda një dekade. Rodman u largua nga “Chicago” në fund të sezonit kur “Bulls” filloi të ketë një rikonstruktim të ri në radhët e tij. Ishte sezoni i fundit si protagonist sepse në vijim ai luajti për periudha të shkurtra me “Dallas Mavericks” dhe “Los Angeles Lakers”. Rodman ishte lojtari më i mirë i rebaundeve në vitet '90, duke fituar çmimin e dedikuar për kategorinë për shtatë herë radhazi dhe mbrojtja e tij mund të kufizonte Shaquille O'Neal, Alonzo Mourning, Shaën Kemp, Karl Malone dhe Charles Barkley. Në vitin 2005 ai firmosi një kontratë për “Tijuana Dragons” të American Basketball Association. Rodman ka qenë i pranishëm dhe ka marrë pjesë në të paktën dy konkurse të ndryshme në Finlandë në vitin 2005. Në verë ai ishte i pranishëm në Sonkajarvi, një një garë të “Wife-carrying”, por nuk mundi të marrë pjesë për arsye shëndetësore. Më 6 nëntor të vitit 2005 ka luajtur një ndeshje me “Torpan Pojat”, duke luajtur kundër “Tapiolan Honka”. Ka luajtur 28 minuta, duke shënuar 17 pikë dhe rreth 6 kërcime. Ka shënuar 15 nga 17 pikët në harkun e tre pikëshit, megjithëse kishte kryer 13 tentativa. Prania e Rodman tërhoqi një gamë shumë të madhe njerëzish për ligën finlandeze. 7.427 persona erdhën në Ice Hockey Dome të Helsinkit. Kohët e fundit ka luajtur edhe në Ligën Angleze dhe ka shfaqur dëshirën e tij të kthehet sërish në NBA.

Veçantia e tij

Kush është ai lojtar shumë i veçantë, kokëkrisur, me flokë të oksigjenuar ose me ngjyra të tjera, plot me tatuazhe dhe pirsing në një fushë basketbolli, duke e kthyer çdo ndeshje në një ngjarje spektakolare të krahasuar me një cirk akrobatik? Natyrisht Dennis Rodman. I njohur me pseudonimin "Krimbi" ky kampion ekstravagant ka fituar tashmë pesë tituj të NBA me skuadrën “Detroit Pistons” dhe “Chicago Bulls”. Është larguar nga liga në mars të vitit 2000 kur, pasi kishte qenë pjesëtar në radhët e “Dallas Mavericks” për më pak se një vit, ka prishur kontratën me skuadrën teksane pa saktësuar motivet. Ka shumë mundësi që motive të tillë do të jenë shkaku i qëndrimi dhe sjellja e padisiplinuar. Gjatë qëndrimit të tij të shkurtër në “Dallas”, Dennis u skualifikua një herë, u përjashtua dy të tjera dhe u gjobit shumë herë nga NBA. Këto sjellje më në fund e kanë lodhur, edhe pse simpatiku Dennis Rodman ka koleksionuar shumë të veçanta. Përveç mënyrës së të veshurit që ta cilësosh të veçantë është pak, veshja e tij linte shumë argumente për thashetheme. Një ndër thashethemet më të përhapur ishte marrëdhënia e tij me këngëtaren Madonna ose martesa shumë e shkurtër (thuhet se ka zgjatur vetëm disa muaj) me aktoren Carmen Electra. Gjatë ceremonisë së martesës thuhet se ka qenë në gjendje të dehur në kohën që prifti po lexonte fjalët para altarit. Ai nuk ishte në gjendje të arrinte të kuptonte mesazhin që donte të përcillte prifti dhe të shprehte dëshirën e tij. Një herë Dennis Rodman ishte arrestuar në Las Vegas dhe u akuzua se drejtonte makinën në gjendje të dehur. Gjithmonë në qendër të kronikave televizive për ekstravagancën e tij, pra në fushë njihej për egërsinë e tij me të cilën shkonte në drejtim të koshit, por edhe për aftësitë e tij të pakta në sulm. Për shtatë sezone radhazi Dennis ishte lojtari më i mirë i rebaundeve në NBA, duke kërcyer lart mbi një metër e gjysmë. Kjo ishte aftësia e tij për të qenë i pranishëm atje ku topi kërcente. Vitet më të fundit ish-ylli i NBA u kthye në aktivitet edhe pse jo në një stil të madh. Ishte i pranishëm në skuadrën “Long Beach Jam” të American Basketball Association, por pa dyshim për t’u anëtarësuar sërish në një skuadër të NBA. Ai ka luajtur në filmin “Double Team” me aktorin e njohur “Van Damme". Gjatë karrierës së tij si basketbollist ai ka hasur probleme për sa i përket ngjyrës së flokëve që çdo ditë i lyente me ngjyra të ndryshme (mjafton të shohësh filmin dhe e kupton menjëherë). Ai ka luajtur edhe me Michael Jordanin pak kohë.

Wrestling

Rodman ka marrë pjesë në disa takime për World Championship Wrestling dhe bën pjesë të nWo me Hollywood Hogan. Ndeshja e tij e parë ishte në Bash At the Beach më 13 korrik të vitit 1997. Ishte në skuadër me Hogan dhe humbi kundër Lex Luger dhe The Giant. Në Bash At the Beach në vitin 1998, Rodman dhe Hogan skualifikuan Karl Malonen dhe Diamond Dallas Page. Ai luajti takimin e tij të tretë dhe të fundit më 14 gusht të vitit 1999 në Road Wild, duke humbur kundër Randy Savage. Ai në këtë kohë bën shumë nervozë drejtuesit e wrestling-ut sepse shpesh nuk ishte i pranishëm në takimet në të cilat duhet të promovonte ngjarjet “pay-per-view”. Pak kohë më pas ai hoqi dorë nga ky lloj sporti për t’iu dedikuar tërësisht lojës së basketbollit.

Si cilësohet

Një tjetër shembull është Dennis Rodman. Përveçse në çdo ndeshje ndryshon ngjyrën e flokëve (për të mos folur më pas për tatuazhet), ai është edhe një lojtar shumë i zoti, kryesisht për kërcimet, si në sulm ashtu edhe në mbrojtje. Mund të themi me plot gojën se është një ndër lojtarët më të mirë në brendësi të skuadrës dhe në kampionat. Gjëja që bie më në sy është në lëvizjet ose në riprodhimin e disa karakteristikave të lojtarëve të mëdhenj. Ndoshta i ndikuar nga lojtarët më të famshëm duket se riprodhon disa vese dhe veçanti, siç janë pirsing apo syzet, preferencat e gjuajtjes të të gjithë lojtarëve, qofshin apo jo mëngjarashë, pra një kryevepër e saktësisë dhe e kërkimit. Kjo vërehet menjëherë në faktin se dikush që është profesionist dhe shumë i dhënë pas lojës ndryshon komplet shprehjen e fytyrës në rastin kur shënohet një pikë e rëndësishme ose kur zëvendësohet me një lojtar tjetër. Ai ka thënë një shprehje shumë të bukur, që jo vetëm që i qëndroi kohërave, por edhe u vërtetua më së miri. “Në sulm ke lavdinë, në mbrojtje ke fitoret”. Ai aplikoi këtë parim gjatë gjithë karrierës së tij dhe fitoi shumë tituj.

Rodman, rrezik serioz për zgjedhjen e karrierës

Më arroganti ndër lojtarët e basketbollit, Dennis Rodman do të braktiste lojën për t’iu përkushtuar kinemasë. Kjo ishte të paktën ajo që pretendonte agjenti i tij, por jo që ishte plotësisht e vërtetë. Ai kishte shprehur dikur dëshirën për t’iu përkushtuar botës së kinemasë me kohë të plotë. Hapat e para i kishte bërë tashmë duke marrë pjesë në vitin 1997 në filmin « Double Team », ku luante përkrah aktorit të njohur Jean Claude Van Damme. Por Rodman jep një version tjetër lidhur me këtë çështje, ai thotë se do të mendohet.

Carmen Elektra e dashuruar me Dennis Rodman?

Sipas, ish-lojtarit të basketbollit Dennis Rodman, aktorja Carmen Electra është gjithmonë e dashuruar pas tij. Atleti ekstravagant, që ka qëndruar i martuar më të gjatë pesë muajve në vitin 1998, e ka shprehur këtë fakt në revistën « Star ». Ai thotë : «Carmen më do dhe më ka thënë se do të jetë gjithmonë e dashuruar pas meje.» Ai thotë se ish-aktorja e Bayatch është gjithmonë “marrosur” pas tij dhe ende shpreson për një rikthim.

Emri: Dennis Keith Rodman
Datëlindja: 13. 05. 1961
Vendlindja: Trenton, Nju Xhersi, SHBA
Pseudonimi: Krimbi
Pozicioni: F
Pesha: 67
Gjatësia: 2.10 cm