Shqipëria është ranguar në vendin e 90-të në listën e destinacioneve më atraktive për udhëtime dhe zhvillim të turizmit në dokumentin e forumit botëror ekonomik - "Raport për konkurrencën në udhëtime dhe turizëm 2007".
Sipas raportit, vende më atraktive për pushim janë Zvicra (indeks 5,66), Austria (5,54) dhe Gjermania (5,48). Listën e "top 10" destinimeve më të mira turistike e kompletojnë Islanda (5,45), SHBA-ja (5,43), Hong-Kongu (5,33), pastaj Kanada, Singapori dhe Luksemburgu, të gjitha me indeks 5,31 dhe ne vendin e dhjetë është Britania e Madhe me 5,28 pika. Në fund të listës janë Angola (2,89). Burundi (2,28) dhe Çad (22,68).
Nga vendet e rajonit të Evropës Juglindore më së mirë vlerësohet Greqia në vendin e 24-të me 4,99 pika, kurse pas saj pason Kroacia në vendin e 38-të me 4,66, Turqia është e 52-ta me indeks 4,31, sa ka edhe Bullgaria në vendin e 54-të, Serbia dhe Mali i Zi në vendin e 61-të me 4,18 pika dhe Rumania në vendin e 76-të me indeks 3,91. Mes vendeve fqinje më dobët të ranguara nga Maqedonia janë Shqipëria në vendin e 90-të me 3,75 pika dhe Bosnja e Hercegovina, e cila është e 104-ta me indeks 3,51.
Lista është bërë në bazë të Indeksit të vendosur të konkurrencës për udhëtime dhe turizëm (TTCI), me ç'rast vendet vlerësohen sipas 13 kategorive, duken përfshirë edhe gjendjen politike, rregullativat juridike, sigurinë, shëndetin dhe higjienën, inftrastrukturën e trafikut dhe inftrastrukturën turistike, zhvillimin e teknolgjisë informatike dhe telekomunikative, resurset njerëzore, konkretizimin e çmimeve, resurset natyrore dhe karakteristikat kulturore.
Përfaqësuesja e Rrjetit global për konkretizim në forumin botëror ekonomik, Xhenifer Blenk thotë se studimi nuk paraqet "zgjedhje të bukurisë", as raport për atraktivitet të vendeve. "Përkundrazi, ne vendosëm që t'u japim pika faktorëve të cilat kontribuojnë që një vend të jetë atraktiv për udhëtim dhe zhvillim të turizmit", deklaroi Blenk gjatë prezantimit të raportit.
MIA
Krijoni Kontakt