Rezultatet e zgjedhjeve vendore, 18 shkurt 2007

[smoki]

Rama dhe Meta paralajmërojnë protesta masive për votat e qytetit bregdetar

Opozita: Do nxjerrim popullin në rrugë për votat e Durrësit!

KQZ në provën e tij të parë më të rëndësishme për problemin e Elbasanit dhe Durrësit pas ankesës së PD. Por ende nuk dihet se çfarë qëndrimi do të mbajë institucioni i zgjedhjeve

Thënie e kundërthënie mes dy kampeve politike dhe në këtë fazë postelektorale. Rezultati i zgjedhjeve të 18 shkurtit vazhdoi dhe dje të komentohet sipas orekseve të partive përfaqësuese të garës elektorale. Kështu, sipas të majtës, mazhoranca duhet të pranojë rezultatin në Elbasan dhe Durrës. Ndërkohë që institucioni i zgjedhjeve, pra KQZ-ja është në provën e tij të parë më të rëndësishme për konfliktin e lindur tashmë për bashkinë e Elbasanit dhe të Durrësit, pas ankesës së PD-së, për një përsëritje të mundshme të procesit të votimit në këto dy zona. Oli Xhilaga
Kështu ishin pikërisht këto rezultate që janë kthyer tashmë në objekt replikash mes opozitës dhe pozitës. Opozita nga ana e saj, duke triumfuar për fitore, i bëri thirrje shumicës në pushtet të pranojë humbjen në zgjedhjet për pushtetin vendor. Madje, duke marrë shkas nga kjo humbje, koalicioni i majtë i kërkoi kryeministrit Berisha të largohet tashmë nga kryesimi i ekzekutivit.

Ndërkaq, mazhoranca parlamentare, jo vetëm që nuk ka pranuar humbjen e këtyre zgjedhjeve, por përkundrazi, eksponente të selisë blu janë deklaruar për një fitore të tyre. Por ndalur në këtë pikë, reagimi i krerëve të majtë, ka qenë mjaft i ashpër dje duke paralajmëruar dhe protesta popullore, në rast se mazhoranca do të vijojë me qëndrimin e saj, e aq më tepër nëse nuk do të lëshojë bashkinë e Durrësit dhe të Elbasantit, që sipas opozitës po mbahen peng nga të djathtët

Situata postelektorale sa vjen dhe po shton tensionin në selitë partiake, përkatësisht në atë rozë dhe blu. Deklarata e dy ditëve më parë e kryeministrit Berisha, ku vlerësoi fitoren e mazhorancës, solli një qëndrim mjaft të ashpër të opozitës së bashkuar. Për këtë arsye, drejtuesit e katër partive të koalicionit të majtë, PS, LSI, PDS, PAD, i bënë thirrje dje maxhorancës nga selia rozë që të pranojë rezultatin e zgjedhjeve të 18 shkurtit në disa qytete kryesore të vendit.

Gjithashtu, në deklaratën e tyre krerët e majtë paralajmëruan dhe organizimin e protestave nëse nuk do të pranohet ky rezultat, duke shprehur ndërkohë bindjen se opozita fitoi zgjedhjet në 18 shkurt. Kështu, sipas të majtës, mazhoranca duhet të pranojë rezultatin në Elbasan dhe Durrës. Madje sipas drejtuesve të opozitës, rezultati përfundimtar në këto bashki të mëdha po mbahet peng nga e djathta.

Por këtij qëndrimi iu kundërpërgjigj menjëherë selia blu, e cila bëri me dije se do të shfrytëzojë çdo hapësirë ligjore dhe institucionale për të mos lejuar asnjë deformim e cënim të vullnetit politik të popullit, të shprehur nëpërmjet votës së lirë më 18 shkurt. E kjo për arsye se sipas selisë blu, mazhoranca ka fituar në 238 njësi vendore nga 376 gjithsej, ose 63 për qind të tyre, ku koalicioni qeverisës ka fituar 56 për qind të votave për kryetar bashkie dhe komunash.

Opozita
Mosnjohja e rezultatit nga mazhoranca parlamentare mbi zgjedhjet vendore të 18 shkurtit do të sjellë dhe protestat qytetare, të iniciuara këto nga opozita e bashkuar. Një qëndrim i tillë u bë dje publik nga krerët e koalicionit të majtë, gjatë një konference për shtyp në selinë rozë.

Kështu, duke e cilësuar të turpshme deklaratën e bërë para dy ditësh nga kryeministri, Berisha, i cili vlerësoi fitoren e shumicës në pushtet, drejtuesit e majtë i bënë thirrje atij që "të heqë dorë nga bllokimi, të njohë rezultatin, e nëse jo do përdorim barrikadën njerëzore".

Kreu i Partisë Socialiste, Edi Rama, i shoqëruar dhe nga aleatët e majtë, i bënë thirrje kryeministrit Berisha të pranojë humbjen në zgjedhjet e 18 shkurtit. "Duhet të shpreh keqardhjen që kryeministri i vendit dhe kryetari i kampit tjetër nuk është në gjendje të pranojë brenda standarteve demokratike dhe etikës qytetare humbjen, ashtu sikundër po manifeston një mungesë shqetësuese vullneti për t'i dhënë fund këtij procesi duke mos lejuar që shfaqejet problematike në disa zona të mos shtohen me të tjera shfaqje të tillla dhe të mos kthehen në një damkë për zgjedhjet në 18 shkurt", theksoi Rama gjatë fjalës së tij lidhur me këtë çështje.

Bllokimi
Opozita e bashkuar akuzoi mazhorancën se po mban peng rezulatet për dy bashkitë e mëdha në vend, Elbasanin e Durrësin. "Ne jemi shumë të shqetësuar për përpjekjet antidemokratike dhe të orkestruara të qeverisë për të mbajtur peng Durrësin dhe Elbasanin duke mos pasur asnjë skrupull dhe duke mos u ndalur përpara faktit se qytetarët e Durrësit dhe Elbasanit janë shprehur me votën e tyre të lirë dhe kanë dhënë verdiktin e tyre", nënvizoi Rama në deklaratën e djeshme.

Madje, duke vijuar më tej në kundërvënien e tij ndaj të djthtës e sidomos ndaj liderit të saj, Rama vuri theksin në faktin se "epoka e Sali Berishës ka mbaruar, mbetet vetëm formalizimi i fundit i kësaj epoke dhe i takon Berishës në rradhë të parë e pastaj të gjithë të djathtës të nxjerrë konkluzione të qarta nga verdikti i 18 shkurtit". Gjithashtu, mosnxjerrja e rezultateve për bashkinë e Durrësit dhe të elbasanit ka revoltuar të majtën, e cila ka akuzuar të djathtën se po mban peng këtë rezultat që është në favor të kandidatëve socialistë.

"Jam këtu për t'i bëri thirje kryeminsitrit të heqë dorë urgjentisht nga përpjekja për të përmbysur në mënyrë të dhunshme e jodemokratike rezultatin e qartë në Durrës e Elbasan", u shpreh Rama gjatë fjalës së tij. Madje, nëse nuk do të ketë një përgjigje pozitive nga mazhoranca, Rama paralajmëroi se "do të na duhet që të konsiderojmë vendosjen e një barrikade njerëzore për të penguar me çdo çmim këtë atentat kundër demokracisë dhe këtë përpjekje të palejueshme në kundërshtim me vullnetin e sovranit në Durrës dhe Elbasan". Njëkohësisht, kësaj thirrjeje iu bashkua dhe kreu i LSI-së, Ilir Meta.

Aleati i së majtës iu bëri thirrje qyetetarëve të reagojnë nëse Berisha nuk tërhiqet pas humbjes së zgjedhjeve. "Berisha nuk tërhiqet? Atëherë do ta largojmë nga zyra", theksoi Meta duke shprehur qartazi synimin e koalicionit të majtë. Por ndërkohë krerët e koalicionit të majtë pritet të fillojnë një tur‑falenderimesh në qytetet kryesore të vendit.

Sipas kreut të PS‑së, Rama, ky tur, që do të nisë sot në Durrës, do të jetë një tur‑falenderimesh për të gjithë ata që i besuan të majtës dhe që kontribuan në këtë proçes zgjedhor.

Pozita
Deklarata e krerëve të opozitës së bashkuar morri dje kundërpërgjigjen e menjëhershme të selisë blu. Zëdhënësja e fushatës elektorale të Partisë Demokratike, Majlinda Bregu, referuar kësaj deklarate u shpreh se "PD do të shfrytëzojë çdo hapësirë ligjore dhe institucionale për të mos lejuar asnjë deformim e cënim të vullnetit politik të popullit, të shprehur nëpërmjet votës së lirë më 18 shkurt".

Gjithashtu, në qëndrimin e tyre kerët e majtë kërkuan që mazhoranca të njohë rezultatin e zgjedhjeve të 18 shkurtit dhe të pranojë humbjen. Kështu, ndalur në këtë pikë, Bregu theksoi se "koalicioni humbës i zgjedhjeve të fundit vendore, i drejtuar nga çifti Rama‑Meta, iu drejtua PD‑së dhe kryetarit të saj për të pranuar rezultatin e zgjedhjeve, duke kërcënuar me thirrje për barrikada me trupa njerëzish dhe akte të tjera marrëzie.

PD dhe aleatët e saj e kanë pranuar plotësisht rezultatin e zgjedhjeve, në të cilat koalicioni i mazhorancës ka fituar në 238 njësi vendore nga 376 gjithsej, ose 63 për qind të tyre, ku koalicioni qeverisës ka fituar 56 për qind të votave për kryetar bashkie dhe komunash". Sipas saj, PD shpreh vendosmërinë e saj për të kontribuar në plotësimin e standardeve dhe ruajtjen deri në fund të integritetit të procesit zgjedhor, që do të thotë garantimin e numërimit të çdo vote të shqiptarëve, e të drejtës ligjore të gjithkujt për t'u ankuar në instancat përkatëse dhe për të respektuar vendimin e institucionit kushtetues përkatës, sido qoftë ai.

Gjithashtu, duke vijuar po në këtë linjë, deputetja Bregu bëri me dije se "PD shpreh keqardhje për përçartjen e deklaratave të papërgjegjshme e të pakuptimta të bëra nga krerët e opozitës dhe sqaron se epoka, e cila tashmë ka mbaruar, është ajo kur mandatet dhe të mandatuarit i caktonte Meta dhe Fehmi Abdiu, dhe jo vota e shqiptarëve e administruar, vlerësuar e shpallur nga organi i vetëm kushtetues që e ka këtë tagër, KQZ‑ja".


E Shtune 24 shkurt 2007

[Albo]

“174 numri i ankimimeve nga subjektet zgjedhore”

E Diele, 25 Shkurt 2007

Zedhenesi i KQZ-se, Leonard Olli, beri te ditur dje, se aktualisht ne kete komision jane depozituar 174 ankimime nga subjektet zgjedhore, pjesemarres ne zgjedhjet vendore te 18 shkurtit. Zedhenesi sqaroi se nje pjese e ketyre ankesave kane marre nje pergjigje nga anetaret e KQZ-se, duke u konsideruar te mbyllura. Procedura e shqyrtimit te ankesave ne KQZ eshte shume e shpejte dhe eshte e veshtire ta percaktosh me saktesi numrin e ankimimeve, i cili ndryshon ne cdo moment, tha Olli.

Korrieri

[Albo]

“PDR ka dyfishuar rezultatin, force kryesore e qendres se djathte”

E Diele, 25 Shkurt 2007

Kreu i PDR-se ben me dije, se ka dyfishuar numrin e keshilltareve te saj. Ai shprehu me tej besimin, se rezultatin do ta rikonfirmoje ne zgjedhjet e ardhshme parlamentare.

Kryetari i Partise Demokratike te Re, Genc Pollo, ka deklaruar dje, se PDR-ja eshte rikonfirmuar ne nivelet e saj me te larta. “Partia Demokrate e Re ka arritur nje rezultat shume te mire ne keto zgjedhje dhe jo vetem qe ka dyfishuar numrin e keshilltareve te saj, por dhe eshte rikonfirmuar ne nivelet e saj me te larta. “Kemi fituar shumicen e bashkive dhe komunave, ku kandidatet e koalicionit vinin nga PDR-ja. Me kete rezultat theksohet edhe nje here pesha e PDR-se, si nje force kryesore e qendres se djathte”, tha Pollo.

Pajtim Bello

Nenkryetari i Partise Socialdemokrate, Pajtim Bello, i beri thirrje Komisionit Qendror te Zgjedhjeve qe te distancohet nga veprimi antiligjor dhe te shpalle rezultatin e komunes se Paskuqanit per 15 qendrat e votimit, ku nuk jane prishur dhe manipuluar zgjedhjet. Bello ka akuzuar se manipulimi i votimeve ne zonen e Paskuqanit, ka ardhur si nderhyrje e strukturave te larta te shtetit. “Procesi zgjedhor ne Paskuqan eshte dhunuar sistematikisht nga strukturat shteterore, nga kryeministri, ministri i Brendshem, kryetari i KQZ-se dhe ish-kryetari i komunes Paskuqan, Jashar Hoxha”, u shpreh Bello. Sipas tij, nuk jane lejuar te votojne mbi 2000 zgjedhes ne kete zone, ku u vune re dhe votime me mjete identifikimi false nga persona qe nuk i perkasin komunes se Paskuqanit. Bello deklaroi se nuk jane lejuar ne qendrat e votimit komisioneret e se majtes, dhe se me vendim te KQZ-se, per 48 ore materialet e votimit ne KZQV u lane vetem nen kontrollin e komisonereve te Partise Demokratike.

Korrieri

[Albo]

OSBE/ODIHR vlereson uniformat blu

E Diele, 25 Shkurt 2007

Shefi i Misionit te Vezhguesve te OSBE/ODIHR-it, Jorgen Grunnet, permes nje letre derguar drejtorit te Pergjithshem te Policise se Shtetit, Drejtues Bajram Ibraj, ka vleresuar performancen e Policise se Shtetit ne lidhje me zgjedhjet vendore te 18 shkurtit 2007.

Ne letren e zotit Grunnet shkruhet se, “grupet e vezhgimit EOM OSBE/ODIHR-it te vendosura ne gjithe vendin, kane lavderuar reagimin dhe performancen e policise ne kryerjen e detyrave te saj ne lidhje me zgjedhjet”. Duke permendur klimen e tensionuar zgjedhore, zoti Grunnet shprehet se, “ne saje te ketij bashkepunimi te frytshem dhe zbatimit te Kodit te Sjelljes dhe udhezimeve te sigurise nga ana e vezhguesve tane, ne nuk kemi pasur ndonje raport per incidente te lidhura me policine, duke perfshire vezhguesit nderkombetare te EOM-it dhe stafin e tyre lokal. Do te doja t'ju informoja, qe vezhguesit afatshkurter tashme jane kthyer ne shtepite e tyre, por vezhguesit afatgjate dhe pjesa me e madhe e stafit te EOM-it do te qendrojne ne Shqiperi deri m 1 mars, per te ndjekur numerimin e votave, degjimin dhe vendimet per ankesat”.

Korrieri

[Albo]

“Te djathtet, shumicen e keshilltareve ne 4 qytetet e medha”

E Diele, 25 Shkurt 2007

Zedhenesja e Partise Demokratike, Majlinda Bregu, deklaroi dje gjate nje konference per shtyp, se deri tani, ne 4 keshilla bashkiake te Shqiperise, koalicioni i djathte eshte shumice e qarte. Ne kete drejtim, Bregu beri te ditur se, pervec Shkodres, Partia Demokratike udheheq tashme ne 3 keshilla te tjere bashkiake, ne Durres, Elbasan dhe ne Korce. “Partite e koalicionit te djathte dhe aleatet lokale jane konfirmuar si shumice ne keshillin bashkiak te Durresit, ku do te kemi 24 perfaqesues nga koalicioni i djathte, perkundrejt 21 te opozites, me nje diference prej 3245 votash, dhe konkretisht 20 592 vota per perfaqesuesit e djathte dhe 17 257 vota per perfaqesuesit e majte”, tha Bregu.

Ajo ka nenvizuar se ne Elbasan, keshilli bashkiak do te kete 24 perfaqesues nga koalicioni qeverises, me aleatet e tij qendrore dhe lokale, 20 nga e majta dhe nje perfaqesues i pavarur, me nje diference prej 2582, ku e djathta ka fituar 16 772, e majta 14 190 vota dhe kandidati i pavarur 725 vota. Ndersa per Bashkine e Korces, e cila ka gjithsej 24 122 votues, Bregu theksoi se 12 025 vota jane marre per koalicionin e djathte dhe 11 955 vota per koalicionin e majte, ose e shprehur me perqindje, koalicioni i djathte udheheq me 49.8 per qind, perkundrejt 49.5 per qind te te majteve. Deklaratat e zedheneses se PD-se, Majlinda Bregu, vijne pikerisht ne momentet kur nga koalicioni i opozites ka filluar nje tur i gjate falenderimi ne te gjitha bashkite e medha ku kane fituar kandidatet e tyre, duke filluar dje nga Durresit dhe Fieri, per te startuar ne te gjithe vendin. S.P

Korrieri

[Albo]

Kutia e fundit ne Tirane

E Diele, 25 Shkurt 2007

Mberrin ne Tirane kutia me peshen e nje qyteti. Dje rreth ores 07.00, kutia me numer 2336 eshte nisur drejt Komisionit Qendror te Zgjedhjeve ne Tirane, nen masa te larta sigurie. Karvani qe transportonte dokumentacionin dhe kutine ka qene i shoqeruar nga automjete dhe forca te shumta policie. Ka qene vullneti i dyanshem i KQZV-se se Elbasanit, qe situata e krijuar te zgjidhet nga KQZ-ja. Komisioneret e djathte bllokuan numerimin e votave, pasi sipas tyre ne kuti u konstatuan parregullsi. Ndersa komisioneret e majte kerkuan qe te vazhdohej numerimi i votave. Duke qene se anetaret e djathte perbenin shumicen ne komision, kutia u bllokua per afer 5 dite. Por nje dite para se te udhetonte ne Tirane, perfaqesuesi i PBDNJ-se u bashkua me komisioneret e majte. Edhe pse siguruan shumicen me kete levizje, komisioneret e majte refuzuan te vazhdonin numerimin, nen justifikimin se nuk deshironin te shkaktonin konflikt fizik me komisioneret e djathte. KQZV ne Elbasan kerkoi qe kjo situate te zgjidhet nga KQZ-ja. Ne oret e vona te mbremjes duke u gdhire dita e djeshme, KQZ-ja dergoi ne Elbasan tre anetare. Gjate gjithe nates komisioneret kane plotesuar dokumentacionin provizor, nderkohe qe vezhguesit e OSBE-se kane mundur te fiksojne te gjithe kodet e kutive te votimit. Pas numerimit te 95 kutive te votimit, kandidati i se majtes, Qazim Sejdini, udheheq me 534 vota. Ende nuk dihet nese do te zhvillohet apo jo votimi ne nje zone ne lagjen “Vullnetari”, pasi ne kete qender votimi nuk u krye ky proces diten e zgjedhjeve. PS-ja dhe PD-ja nuk i kane terhequr denoncimet e bera ne adrese te njera-tjetres ne Prokurori. Fatos Salliu

Korrieri

[Humdinger]

[Ja edhe "zhgënjimi" zyrtar i atyre që trumpetojnë se PD-ja ka fituar në propocional:

Demokratët kanë fituar 19,38%, ndërsa socialistët 20,85% të votave

Proporcionali, PS 14 mijë vota para PD

KQZ publikon shifrat zyrtare për 332 njësi vendore. Socialistët, sërish në avantazh


Komisioni Qendror i Zgjedhjeve ka publikuar dje përqindjet e marra nga subjektet politike dhe kandidatët në 332 njësi vendore. Zëdhënësi i këtij institucioni, Leonard Olli, paraqiti para medias detajet e garës elektorale të 18 shkurtit. Sipas këtyre të dhënave, rezulton se sërish Partia Socialiste vazhdon të jetë në avantazh ndaj Partisë Demokratike. Ashtu sikurse forcat e tjera politike kanë vijuar rritjen e përqindjeve pas kutive të tjera të numëruara. Në shtatë njësi vendore votimi në 18 shkurt nuk është kryer fare. Në ditët në vijim, Komisioni Qendror i Zgjedhjeve pret të marrë në dorëzim edhe procesverbalet e 44 njësive të tjera vendore, mes të cilave Tiranën, Durrësin.

Proporcionali

Të dhënat e grumbulluara deri më tani nxjerrin Partinë Socialiste me një numër prej 200044 votash ose thënë ndryshe 20,85%. Pas saj vjen Partia Demokratike me 186008 vota ose 19,38% të totalit. Partia në pushtet ndiqet nga Lëvizja Socialiste për Integrim me 82367 vota ose 8,58 %. Më tutje, Partia Republikane e Fatmir Mediut me 58993 vota ose 6,15 %. Partia Demokrate Reformatore ka marrë 52350 vota, Partia Demokristiane ka marrë 48697 vota. Socialdemokratët e Skënder Gjinushit kanë fituar vetëm 4,32% të votave në total. Të ndjekur nga Partia Bashkimi për të Drejtat e Njeriut me 40791 vota. Aleanca Demokratike e Neritan Cekës ka fituar 38808 vota ose 4,04 %. Partia Agrare Ambientaliste e Lufter Xhuvelit ka fituar nga numërimi i 332 njësive vendore 37512 vota ose 3,91 %. Partia Demokracia Sociale e Paskal Milos ka marrë deri më tani 31421 vota ose 3,27%. Lëvizja për Zhvillim Kombëtar ka fituar nga numërimi i deritanishëm 23744 vota ose 2,47% të totalit. Sipas të dhënave të Komisionit Qendror të Zgjedhjeve ka pasur 959652 fletë votimi të vlefshme që i korrespondojnë numrit të votuesve. 27 forca politike pjesëmarrëse në zgjedhjet e 18 shkurtit rezultojnë të mos kenë marrë ende as 1% të votave.

Mazhoritari

Institucioni i menaxhimit të zgjedhjeve paraqiti po dje tabelën e rezultateve në mazhoritar. Sipas këtyre të dhënave, për 331 njësi vendore rezulton se Partia Demokratike është në vend të parë me 470532 vota ose ndryshe 49,52%. Partia Socialiste është e dyta me 390509 vota ose 41,10%. Më pas vijnë kandidatët e pavarur që në total kanë marrë 47476 vota ose 5%. Kandidatët e Partisë Bashkimi për të Drejtat e Njeriut kanë fituar 29146 vota ose 3,07%. Lëvizja Socialiste për Integrim ka marrë 4565 vota në mazhoritar duke fiksuar 0,48%. E ndjekur më pas nga Partia Komuniste e Shqipërisë me 1371 vota, Partia Demokracia Sociale me 1343 dhe Partia Balli Kombëtar Demokrat me 1317 vota. Në mazhoritar, pra për emrat e kandidaturave përkatëse kanë votuar 950181 shtetas.

Gazeta Shqip

[Dr Rieux]

Per hir te se vertetes, teoria "te djathtet fitues" eshte ne nivel koalicioni. Pra Berisha me shoke pretendojne se kane fituar si koalicioni Aleanca e Madhe (9 parti) kundrejt koalicionit te se majtes se bashkuar (5 parti). Sipas rezultateve te fundit te KQZ-se (343 zona nga 380 gjithsej) mua me rezulton qe e djathta te kete 49.2%, e majta me 41.4% dhe 4.4% te PBDNJ-se. Ende nuk jane perfishire rezultatet e Elbasanit, Tiranes dhe Vlores nga qendrat e qarkut. Kjo puna e shifrave eshte nje lemsh i madh ku cdo pale mund te shohe pjesen qe do dhe te mbylle syte per pjesen qe nuk i pelqen. Per mua faktet qe mund te nxirren nga ky lloj mish mashi shifrash jane:

• E majta fitoi ne pjesen derrmuese te qyteteve te medha
• E djathta ka fituar shumicen e zonave dhe voten popullore
• Aleatet e PS-se kane vota po aq sa PS-ja (Aleatet 20%, PS 21%)
• PD ka me pak vota se aleatet (Aleatet 29%, PD 20%)

Nqs 2005 tregoi se PS nuk ben dot pa LSI-ne dhe kallam kusurin e majte, keto zgjedhje duhet ti kene treguar Berishes se as ai nuk ben dot pa kallam kusurin e djathte, bile ka me teper "goje per te ushqyer" se e majta.

[Albo]

PS, 21 deputete “humbasin” mandatin

E Diele, 04 Mars 2007

Partia Socialiste nis fazen e analizes per rezultatin e zgjedhjeve vendore dhe llogaritjen e levizjeve te ardhshme politike. Nese me 18 shkurt do te votohej per deputete, 21 parlamentare te selise roze, vetem ne baze te llogaritjeve matematike, nuk do te ndodheshin ne Kuvend. Mes humbesve edhe ish-Kryeministri Fatos Nano

Partia Socialiste ka nisur fazen e analizes per rezultatin e zgjedhjeve vendore dhe llogaritjen e levizjeve te ardhshme politike. Ndersa kishin premtuar zgjedhje te parakohshme parlamentare, ne rast te fitores me 18 shkurt, socialistet duket te mos jene kaq te vendosur per te derguar shqiptaret serish ne votime. Selia roze dhe aleatet e saj premtuan se do te shfrytezonin zgjedhjen e Presidentit te Republikes gjate muajit qershor, per te provokuar zgjedhje te pergjithshme politike. Megjithate, leximi i rezultateve te 18 shkurtit nuk u ka lene shume hapesire strategeve te Partise Socialiste per te vendosur hapat e ardhshem. Ne rast se do te votohej me 18 shkurt per deputete, Partia Socialiste do te linte rruges 21 deputete aktuale.

Burime nga sekretariati i selise roze, qe po merret me renditjen dhe llogaritjen e rezultateve te 18 shkurtit, i thane “Korrieri”-t se per te gjykuar mbi mbeshtetjen dhe mundesine e nje votimi te afert, jane marre shifrat e publikuara zyrtarisht deri me tani nga Komisioni Qendror i Zgjedhjeve. Shifra qe nuk jane finale, por qe sherbejne per te krijuar idene e nje tendence jopozitive. Sipas llogaritjeve te bera, duke mbledhur votat e kandidateve te mbeshtetur nga koalicioni i majte, per t’i krahasuar me totalin e votave te marra nga kandidatet e koalicionit te djathte, rezulton se 21 deputete te opozites do te humbitnin perballe rivaleve te tyre. Ish-Kryeministri Fatos Nano, per shkak te humbjes se kandidateve te majte ne Sarande dhe Ksamil, do te mbetej prapa kundershtarit te tij te djathte me rreth 1300 vota. Te njejtin fat do te kishin edhe sekretaret e Partise Socialiste Arta Dade dhe Blendi Klosi. Kandidatet e mbeshtetur prej tyre, ne totalin e votave te marra ne qendrat e votimit qe i perkojne zones elektorale, ishin te pasuksesshem ndaj kundershtareve. Nder anetaret e kryesise, edhe Arben Malaj, Namik Dokle e Gramoz Ruci renditen ne listen e deputeteve me perfundime jopozitive nga 18 shkurti.

Sipas llogaritjeve matematike, me voten e muajit te kaluar do te garantonin serish mandatin te gjithe deputetet e Tiranes. Per shkak te rezultatit te kandidatit te PS-se, Edi Rama, edhe deputetet Harasani, Idrizi, Meksi dhe Ulqini perfshihen si fitues. Nga i njejti fakt perfiton edhe deputeti i Korces Ben Blushi, si dhe deputetet e Fierit, Petro Koci e Albert Caci. Gjithashtu Erion Brace e Marko Bello kane korrur sukses ne zonat e tyre elektorale.

Ende me perfundime te paqarta, per shkak mosshpalljes se rezultateve apo rinumerimeve, jane zonat elektorale te deputeteve Hushi, Bufi dhe Balla. Ndonese ka humbur komunen Labinot-Fushe, Durim Hushi mbledh ne zonen e tij elektorale edhe nje pjese te qytetit te Elbasanit, ku ende nuk ka nje rezultat final. Per te njejten arsye, Ylli Bufi pret edhe shifrat e Patosit, ndersa Balla rinumerimin e komunes se Orenjes.

Pavaresisht perfundimeve matematike qe jep tabela e rezultateve, socialistet pritet te analizojne edhe rolin e kandidateve te pavarur, te cilet ne disa raste kane qene vendimtare ne humbjen e bashkive apo komunave. Nga ana tjeter, strukturat drejtuese pritet te marrin ne konsiderate edhe mbeshtetjen e marre ne proporcional per keshillat komunale dhe bashkiake.

M.E

Deputete humbes:

1 - Qemal Minxhozi 5556 7217

2 - Sadri Abazi 5045 8246

3 - Durim Lamaj 7407 8522

4 - Bukurosh Stafa 5293 7603

5 - Namik Dokle 5447 6374

6 - Ndricim Hysa 6314 7182

7 - Elmaz Sherifi 5272 6388

8 - Arta Dade 6246 6386

9 - Fatmir Xhindi 5462 7735

10 - Fatos Nano 4750 6021

11 - Blendi Klosi 4676 4949

12 - Kastriot Islami 5447 7074

13 - Fatmir Xhafaj 6430 6904

14 - Alfred Dalipi 6299 6613

15 - Flamur Hoxha 4286 5437

16 - Gramoz Ruci 5236 6550

17 - Vangjel Tavo 5258 6181

18 - Paulin Sterkaj 6177 8146

19 - Arben Malaj 4173 4193

20 - Besnik Dervishi 4036 4813

21 - Stefan Cipa 4160 6033

Deputete fitues:

1 - Petro Koci

2 - Albert Caci

3 - Erion Brace

4 - Marko Bello

5 - Luan Memushi

6 - Bashkim Fino

7 - Arben Isaraj

8 - Valentina Leskaj

9 - Rrapush Tola

10 - Rajmonda Stefa

11 - Pandeli Majko

12 – Ermelinda Meksi

13 – Andis Harasani

14 – Shpetim Idrizi

15 – Musa Ulqini

16 – Taulant Dedja

17 – Ben Blushi

I papercaktuar rezultati:

1 – Durim Hushi

2 - Ylli Bufi

3 - Taulant Balla


Korrieri

[Albo]

Durres, fitues Dako i PS, Elbasan, vendos Kolegji”

E Merkure, 14 Mars 2007

Komisioni Qendror i Zgjedhjeve me unanimitet te plote ka shpallur fitues kandidatin e opozites per bashkine e qytetit bregdetar. Per qytetin e Elbasanit, pavaresisht se votimi per pavlefshmerine e zgjedhjeve te kerkuar nga PD-ja ka dale 5 me 4, mungesa e shumices se cilesuar e dergon ceshtjen ne Kolegjin Zgjedhor

Ergys GJENCAJ

Kandidati i Partise Socialiste per drejtimin e Bashkise se Durresit, Vangjush Dako, eshte shpallur fitues ne kete njesi zgjedhore, per perballjen elektorale te 18 shkurtit. Komisioni Qendror i Zgjedhjeve ka vendosur ne unanimitet qe kandidati socialist te gezoje postin e kryebashkiakut te qytetit bregdetar. Perpara se te merrej ky vendim, KQZ-ja ka rrezuar kerkesen ankimore te kandidatit te djathte, Armand Telitit, i cili kerkonte rivleresimin e te gjitha atyre votave, te cilat ishin deklaruar si te pavlefshme nga KZQV-ja e Bashkise se Durresit. Sipas te djathteve, jane rreth 3200 flete votimi qe jane vleresuar te pavlefshme nga kjo KZQV. KQZ-ja hodhi poshte kete kerkese me shtate votat e komisionereve Clirim Gjata, Flamur Cato, Deshira Subashi, Klement Zguri, Shkelqim Hysi, Fatmir Kumbaro dhe Genti Shala, kunder dy votave te Dod Prenges dhe Arben Ristanit. Vangjush Dako, kandidat i koalicionit te majte ne zgjedhjet lokale, ka fituar rreth 300 vota me shume se kundershtari i tij, kandidati demokrat Armand Teliti. Ne fillim te seances se djeshme, avokati i Telitit, Enkelejd Alibeja, ka kerkuar qe KQZ-ja te administronte si prova deklaratat e 12 anetareve te grupeve te numerimit te votave, fotografi te ndryshme dhe pamje filmike, te cilat sipas tij tregonin parregullsite gjate procesit te numerimit te votave. Por keto jane kundershtuar nga komisioneret e majte te KQZ-se. Sipas tyre, te gjithe anetaret e GNV-ve e kishin detyrim, qe cdo shkelje t’i shkruanin ne librin e protokollit, dicka qe sanksionohet ne Kodin Zgjedhor. Ndersa komisioneri Ristani theksoi se, duke u bazuar pikerisht ne Kod, KQZ-ja duhet te administroje cdo prove qe i sherben procesit. Megjithate, pas disa diskutimesh edhe nga paneli i perfaqesuesve te partive politike te atashuar prane KQZ-se, kerkesa per marrjen e ketyre provave u hodh poshte me shumice te cilesuar votash, ku vetem Ristani votoi pro. Me pas KQZ-ja vendosi edhe rrezimin e kerkeses se kandidatit te PD-se per rivleresim te fleteve te votimit te shpallura si te pavlefshme. Duke vijuar me pas me vendimin e prere 9 me 0, ne mbeshtetje te kandidatit te PS-se. Megjithate, kandidati i PD-se, ne baze te ligjit, ka te drejten t’i drejtohet brenda pese ditesh Kolegjit Zgjedhor per te ankimuar kete vendim te KQZ-se.

Korrieri