Zgjedhjet presidenciale në France

[Davius]

Amerikanët për kandidatët presidencialë francezë

Kastriot Islami

Në Francë, fushatat elektorale në Amerikë janë përcjellë me interes, ndërkohë e anasjellta nuk është krejtësisht e vërtetë. Në Amerikë, media elektronike interesohet pak për fushatën presidenciale në Francë. Kurse media e shkruar disi më ndryshe; nga moria e trajtimeve mund të evidentohet vizioni alla amerikan: Nikola Sarkozi, një kandidat proamerikan dhe Segolene Ruajal, një kandidate favorite, grua që "xhelozon" amerikanët se mund të kenë një presidente grua para tyre.

Amerikanëve, pas 'ndarjes' me francezët për Irakun, iu pëlqen ta paraqesin kandidatin e djathtë Sarkozi më afër SHBA sesa Presidenti aktual, Shirak, i cili konsiderohet si simboli opozitar i pushtimit të Irakut në vitin 2003. Gjatë vizitës së tij në shtatorin e vitit 2006 në SHBA, Sarkozi 'ka shtrënguar duart' më Presidentin amerikan, George Bush; gazetat "Nju Jork Times" dhe "Uashington Post" kanë theksuar "tonalitetin proamerikan të kandidatit presidencial francez". Gazetari i "Uashington Postit" do të shkruante se Sarkozi 'ka mbajtur pa pasur aspak ndrojtje një fjalim proamerikan' në Uashington. Kurse "Nju Jork Times" në Paris nënvizonte se 'për atë etiketimi 'Sarko amerikani' nuk është një fyerje por përkundrazi një nder'. Kurse një eksperte amerikane e marrëdhënieve evropiane në një 'think tank' konservator, shkruante se 'flakja prej Sarkos e antiamerikanizmit navi që ka dominuar marrëdhëniet amerikano-franceze që prej luftës në Irak është gjest kurajoz dhe do t‘i japë mundësi Sarkozisë të fitojë miq në Uashington'.

Vëmendjen e amerikanëve e ka tërhequr gjithashtu edhe dalja si kandidate për presidente nga Partia Socialiste e një gruaje, e cila, sipas tyre, është po aq tërheqëse sa edhe Hilari Klinton, e cila po ashtu, me sa duket, do të tentojë të jetë gruaja e parë presidente e SHBA në vitin 2008. Pra, duket sikur amerikanëve iu pëlqen të evidentojë faktin se tanimë të dy vendet ndjekin të njëjtën tendencë, pra të orientohen te një grua jo si zonjë e parë, por si presidente e vendit. Revista "Time", vitin e kaluar në edicionin evropian do të shkruante se 'Segolene Ruajal tronditi Francën', kurse Newsweek publikonte artikullin me titull 'Butoni Ruajal: ajo verbon Francën, por edhe mund ta drejtojë?'. Kurse gazeta on line salon.com shkruante se 'është tronditës fakti që francezët që i kanë dhënë të drejtën e votës grave vetëm në vitin 1944 mund të zgjedhin një presidente grua para SHBA'. Segolene nuk trajtohet antiamerikane, përkundrazi ajo ka shprehur dëshirën për të takuar Hillari Klinton, vizitë, të cilën e ka shtyrë sepse ish-zonja e parë e SHBA 'nuk ka qenë e disponueshme deri tani'. Por, sidoqoftë, duke dashur të tregojë ndryshimin me kundërshtarin e saj, Sarkozi, të cilin e kanë kritikuar për takimin me Presidentin Bush, Segolene Ruajal është shprehur se 'politika e saj diplomatike nuk do të konsistonte në uljen në gjunjë para George Bushit'.

Shtypi amerikan, duke analizuar edhe sondazhet e zhvilluara në Francë nxjerr në turin e dytë Sarkozinë dhe Segolen, si një shprehje të dëshirës së francezëve për ndryshim. Gazeta "Nju Jork Times" do të shkruante se 'francezët janë lakmues të një stili të ri qeverisjeje' në momentin kur do të përzgjidhej nga socialistët Segolen si kandidate për presidente. Kurse Uashington Post do të shkruante se 'ekziston një dëshirë e madhe për ndryshim' në një vend, ku 'politika është e dominuar dhe e ekranuar nga burrat'.

Nuk mungojnë edhe vlerësimet me nuanca preferenciale. Sipas Newsweek, simpatia "si për Ruajal ashtu edhe Sarkozi është shprehje e dëshirës për një fytyrë të re. Por sfida është më e vështirë për Sarkozinë, si shef i një partie në pushtet dhe njëkohësisht anëtar i kabinetit qeveritar". Kurse për "Uashington Post", ballafaqimi i mundshëm në turin e dytë do të ishte një betejë midis një imazhi "magjepsës", por që bën gafa dhe atij të një "tipi të fortë" por që ngjall shqetësim.

[DI_ANA]

SHume teme interesante Davius..

Po ketu ne France shume shpejt kemi zgjedhjet dhe eshte ngritur tensioni i shume partive...
Nikolas Sarkozy eshte shume i drejte ne disa gjera qe thote ne lidhje me rregullin dhe papunesine,por megjithate nga shume franceze gjykohet si shume i rrepte dhe i nxituar,ishte pikerisht ky kandidat i te djathtes qe provokoj para nje viti ketu shume greva te te rinjve dhe shprehjen e pakenaqesise se tyre duke bere rremuja neper lagje...
Nikolas Sarkozy eshte per nje France ku ne te cilen emigracioni duhet te jete i zgjedhur,eshte per uljen e ndihmava sociale,per rritjen e oreve te punes,per zgjatjen e moshes per te dale ne pension etj etj....gje e cila nuk po pelqehet dhe po krijon debate ne popull dhe parlament...
Segolene ROYAL eshte e majta ,ajo kerkon ngritjen e avantazheve sociale dhe miratimin e emigracionit si edhe shume te tjera..
Por me kalimin e frangut ne euro Franca po kalon nje krize ekonomike per faktin se u rriten cmimet po jo rrogat...dhe atehere per kete kandidate lind pyetja....Si mund te bejme gjera socilale kur mungojne fondet???

Debatet vazhdojne po mendoj se kjo femer do te ishte plotesisht e afte te drejtonte vendin sepse eshte nje politikane teper e zgjuar dhe e ndjeshme e cila me siguri ka per te ecur ne hapat e Francois MITERRAND,dhe Jacques Chirac te cilet kane qene gjithmone per paqen e vendeve dhe drejtesine...


respekte

[Davius]

Nikolla Sarkozi, president i ri francez

Paris, 7 maj (MIA) - Djathtisti Nikolla Sarkozi është zgjedhur për president të ri të Francës me 53 për qind të votave, përderisa oponentja e tij politike, Segolen Roajal fitoi 46,9 për qind të votave, tregojnë rezultatet përfundimtare të zgjedhjeve të djeshme.Mbi mijëra ithtarë të Sarkozit mbrëmë u tubuan në sheshin e Parisit, "Konkord", përderisa ithatërt e socialistes Roajal në sheshin "Bastilja" u ndeshën me policinë. Ngjajshëm ishte edhe në qytete të tjera.Sarkozi, me bashkëshorten e tij, Sesilia, para mesnate, shkurt u paraqitën në sheshin "Konkord", ndërsa ishin shoqëruar nga anëtarët e partisë djathtiste Lidhja e lëvizjeve popullore, aktori Zhan Reno dhe këngëtarët Xhoni Holidej dhe Mirej Matje, e cila e këndoi "Marsejëzën".

"Dëshiroj të jem president i të gjithë francezëve. Askend nuk do ta zhgënjej", deklaroi Sarkozi.Ai gjithashtu u bëri thirrje evropianëve, duke theksuar se sinqerisht beson në Kushtetutën evropiane dhe se me zgjedhjen e tij "Franca përsëri është në Evropë".Kandidati i Partisë Socialiste, Roajal, pas kumtimit të rezultateve zyrtare të zgjedhjeve, e pranoi disfatën."U falënderohem nga zemra rreth 17 milionë votuesve dhe qytetarëve të cilët besuan në mua dhe e kuptoj zhgënjimin dhe dhimbjen e tyre. I porosis se diçka që ka filluar të lëvizë, nuk do të ndalet. Ngrita ndryshim të thellë në jetën politike të së majtës. jehona e madhe në zgjedhje e tregon ripërtëritjen e demokracisë sonë, posaçërisht për të rinjtë në mbarë vendin, e posaçërisht në paralagjet e ndishme, ku votohej në mënyrë masive", theksoi Roajal.

Në të njëjtën kohë, rreth 300 majtistë të rinj ekstremistë, në sheshin "Bastija" u ndeshën me policinë, e cila përdori gaz lotësjellës për ta shpërndarë turmën.Incidente të ngjashme pati edhe në Lion dhe në Nant, ku votuesit e Roajal hodhën shishe, gurë dhe mjete të tjera ndaj policisë.Në votimin e djeshëm nga gjithsejt 44,5 milionë votues të regjistruar në zgjedhje dolën 87 për qind.Sarkozi, i cili kohë më parë ishte ministër francez i Punëve të Brendshme, do ta trashëgojë bashkëpartiakun e tij, Zhak Shirak, i cili ishte shef i shtetit gjatë 12 viteve të shkuara. Shirak zyrtarisht e braktis funksionin e presidentit më 16 maj.

MIA

[Davius]

"Bonjour" President! Sarkozi ngjitet në "Elize"

Nga dita e djeshme, pallati presidencial ka një padron të ri


Presidenti i ri francez, Nikolas Sarkozi, bëri betimin duke premtuar që t‘i japë Francës një drejtim të ri dinamik. Ai mori pjesë në një ceremoni të zhvilluar në Pallatin "Elize", ku Presidenti i deritanishëm, Zhak Shirak, i dorëzoi formalisht detyrën. Gjatë ceremonisë së "kurorëzimit", Sarkozi apeloi për ndryshim dhe unitet kombëtar. Në fjalimin e tij të inaugurimit, 52-vjeçari Sarkozi tha se Franca duhej të guxonte dhe të reagonte. Vendi, sipas tij, duhet të rikonsiderojë vlerën e punës, përpjekjeve, meritave dhe respektit e të sfidojë intolerancën. Ai tha se vendimi i parë që duhej marrë ishte të detyroheshin të gjitha shkollat, të lexonin një letër të shkruar nga një luftëtar i rezistencës në kohën e Luftës së Dytë Botërore. Vetë Sarkozi pohoi se nuk mund ta lexonte asnjëherë letrën e Gai Moket, të shkruar para ekzekutimit të tij në 1941-shin, pa u emocionuar thellë dhe theksoi se ishte e rëndësishme që fëmijët të njiheshin me tmerret dhe barbarizmat e luftërave. Sarkozi, që mundi kandidaten socialiste Segolene Royal në balotazhin e 6 majit, i dha më herët lamtumirën ish-mësuesit të tij, Presidentit Zhak Shirak. 21 të shtëna topi shënuan zyrtarisht marrjen e presidencës në duart e tij. Pas ceremonisë, Sarkozi rindezi flakën në varrin e ushtarit të panjohur, nën Harkun e famshëm të Triumfit. Një ditë më parë, Zhak Shirak mbajti fjalimin e lamtumirës para kombit, pas plot 12 vjetësh në pallatin "Elize". Korrespondentët në Paris vërejnë tani se Shirak lë pas një shkallë papunësie më të madhe se 8 për qind dhe një komb krejt të pasigurt për vendin e tij në botë e madje edhe të ndarë në lidhje me të ardhmen e tij. Sarkozi, më herët ministër i Brendshëm, ka një reputacion si ndjekës i ashpër i ligjit dhe rregullit. Ai e ka bërë luftën kundër emigracionit dhe krimit himnin e fushatës së tij zgjedhore, bashkë me çështjen e identitetit kombëtar. Sarkozi fitoi 53 për qind të votave dhe gëzon kështu një mandat të fortë, kjo edhe për shkak të daljes masive në zgjedhje të elektoratit francez. Sarkozi pritet që sot të shpallë edhe emrin e Kryeministrit të përzgjedhur prej tij si edhe listën me kabinetin qeveritar. Një ish-ministër, Fransua Fillon, pritet të jetë Kryeministri i ardhshëm. Flitet ndërkaq se edhe një anëtar i partisë të mundur në zgjedhje, asaj socialiste, Bernard Kushner, është një nga kandidatët kryesorë për postin e ministrit të Jashtëm.



Çfarë lë pas Zhak Shirak

Papunësia në Francë është aktualisht 8,3%, një shifër kjo që, siç tregojnë statistikat, është më e ulëta në 25 vitet e fundit

Rritja ekonomike është thuajse e pandjeshme, ndërsa tensionet sociale, veçanërisht nëpër periferi, janë të larta

Ishin francezët e Shirakut ata që rrëzuan Kushtetutën Evropiane dhe kryesuan bllokun e kundërshtarëve të luftës në Irak

Gazeta Shqip

[antares]

Ishin francezët e Shirakut ata që rrëzuan Kushtetutën Evropiane dhe kryesuan bllokun e kundërshtarëve të luftës në Irak
======================
Pak si e cuditeshme ky xhevahir (i Gazetes Shqiptare - me pronar te huaj sigurisht) po te kemi parasysh qe Shiraku nuk e shihte dot me sy Cifutin Sarkozi.....
Nese (Francezet e Shirakut do na ishin kaq te shumte) atehere do shihnim si President nje Francez te vertete e jo nje Bastard Cifuto-Hungarez (ka dyshime serioze per autenticitetin e babait te Cifutit ne fajale......).....