Stefan Cvajg

[Blini28]

Hm, sigurisht, Cvajgu nuk mbahet kot si novelisti me i madh. Pas gjithe atyre qe u permenden me lart, une nuk mund te le pa permendur novelen "Novela e shahut", mbaj mend qe me ka bere nj pershtypje shume te madhe qe kur e kam lexuar per here te pare, pothuajse kalama. "Amok" gjithashtu te le pa fryme, ndersa "Joseph Fouché" eshte ndoshta biografia me e mire qe kam lexuar ndonjehere.

Po Laina , edhe mua me ka pelqyer jashtzakonishte shume biografia "Joseph Fouche " e cila cuditerishte perkonte shume me disa figura te politikes se shoqerise sone . Perseri e habitshme , pergjithmone pershkrime qe , mbesin aktuale per tu lexuar edhe ne shume kohe te ardheme . Mua me ka mahnitur jashzakonisht me pershkrimin e sakte te ftyres makaber te karreristit gati - gati kriminel te Revulicionit Franceze .

[Pratolini]

Ti Blini28 ose nuk ja ke idene e Joseph Fouche, ose nuk ja ke idene fare nga Cvajgu.

[Blini28]

Ti Blini28 ose nuk ja ke idene e Joseph Fouche, ose nuk ja ke idene fare nga Cvajgu.

Stefan Zweig

Joeph Fouche - fetyra e nje njeriut politike

Mos i perkisni edhe ju ndonje politikani dhe jeni prekur nga ai shpjegim i shkurter i fetyres te paskrupullt qe ka paraqitur Zweig ne biografine e tij per J.F. ,ndoshta me te mire ndonjehre qe munde te shkruhet ne letersi boterore .
Me ka rastisur fati te jem refugjate ne Gjermani dhe kete veper e kam lexuar ne origjinal pra .
E ju per cfare ideshe e kini fjalen .... nuk ju kuptova !?

[BlackEagle]

Të gjithë librat që kam lexuar nga Cvajg ishin të mbrekullueshëm, por, me ka tërhequr vëmêndjen më shumë libri : Padurimi i një zemre

Do të thosha se është një Kryevepër, kjo për nga mënyra se ç'farë trajton.

[IL__SANTO]

I Fundit qe kam lexuar nga Cvajg eshte : Ne lufte me Djallin.

Mbreselenes.

[drini.k]

Nje nga shkrimaret me spektakolar qe kam lexuar STEFAN ZWEIG jane njerez te medhej qe me penen e tyre kan lene gjurm ne histori jane njrez me botkuptim te shenjt model i shoqeris keta njerez une i quaj te infiltruar ne cdo shpirt qe prekin te japin kuptimin e sakt per ate cka duhet te jet. KY shkrimtar me LETRA E NJE TE PANJOHURE ka arritur kulmin e artit

[Perfume]

...bukuria triumfon mbi urtesine, mekati del fitimtar mbi virtytin, trupi perheresisht gjynahqar dhe i perlyer fiton mbi shpirtin mburravec por edhe te paqendrueshem dhe perseri gjeti pohim e verteta, per te cilen u munuda aq shume Iovi, e verteta e pamohueshme se te perlyerit dhe mekataret jane zoter te kesaj toke....

Pjese e shkeputur nga " Legjenda per motrat binjake " - marre nga libri Legjenda dhe Portrete.

[Inteligjentja]

Oohh Cvajgu. Shume i madh. Biografite qe ka bere per personalitet e medhaja s'ja kam lexuar ne fakt por novelat me kane lene pa mend. Te preferuat e mia kane qene : 224 ore nga jeta e nje gruaje, Leter nga nje e panjohur dhe Historia e shahut. Shume shume i madh. Edhe perkthimi ne shqip ka qene tamam ne lartesine e duhur.

[Force-Intruder]

Oohh Cvajgu. Shume i madh. Biografite qe ka bere per personalitet e medhaja s'ja kam lexuar ne fakt por novelat me kane lene pa mend. Te preferuat e mia kane qene : 224 ore nga jeta e nje gruaje, Leter nga nje e panjohur dhe Historia e shahut. Shume shume i madh. Edhe perkthimi ne shqip ka qene tamam ne lartesine e duhur.

Uhm... me sa mbaj mend une kane qene vetem 24 ore nga jeta e nje gruaje...
Pastaj nuk ishte Historia e Shahut por Novela e Shahut... favoritja ime e gjithe librit...
Persa i perket perkthimit jam 100% dakord... mesa mbaj mend ka qene nje perkthim i Robert Shvarc, super mjeshter i perkthimit i cili ka mundesuar transmetimin e stilit karakteristik te Cvajgut pa humbur ngarkesen psikologjike qe mbart.

[Kavir]

Leximi i fundit nga Cvajg? Dehje nga metamorfoza.
T`emen e kisha harruar magjine e Cvajgut.

[Inteligjentja]

Uhm... me sa mbaj mend une kane qene vetem 24 ore nga jeta e nje gruaje...
Pastaj nuk ishte Historia e Shahut por Novela e Shahut... favoritja ime e gjithe librit...
Persa i perket perkthimit jam 100% dakord... mesa mbaj mend ka qene nje perkthim i Robert Shvarc, super mjeshter i perkthimit i cili ka mundesuar transmetimin e stilit karakteristik te Cvajgut pa humbur ngarkesen psikologjike qe mbart.

it was a typo. Here tjeter do kujdesem ti editoj mesazhet para se ti postoj.

Titullin edhe une Novela e Shahut e kam ditur por lexova nje postim me te hershem nga nje anetar qe i kishte shkruar te gjithe titujt e novelave te Cvajgut dhe e shkrova si ai se librin se kam ketu ku jam (fatkeqesiht). Robert Shvarc ka qene me te vertete perkthyesi me i mire nga gjermanishtja ne shqip. Ketu ku jam kam marre vetem "Gjermani nje perralle dimri" te Hajnes dhe sa here e lexoj me ben qe te dashurohem me shqipen dhe nje here nga e para.

[Yllëza*]

Besoj se nuk kam cfare te shtoj me shume, se sa qe u tha me larte per autorin dhe veprat e tij madheshtore.

Por une kam nje pyetje tjeter dhe shpresoj se do me ndihmoni. Kerkoj "Letra e nje te panjohure" ne gjuhen shqipe. Mund te me informoj dikush se ku mund t'a gjej?! Do ju isha shume mirenjohese.

p.s. vendndodhja ime eshte Zvicer (sa per informim).

[Inteligjentja]

Fatkeqesisht e kerkova neper disa site por nuke gjeta nje mundesi per ta blere online. Kishin libra te tipit "Kodi i Da Vincit" dhe "Djalli vishet me Prada" dhe jo Cvajgun ose Fishten. Menyre e vetme eshte t'ja japesh porosi ndonje te njohuri mendoj. Me vjen keq qe s'te ndhmoj dot me shume.

[Yllëza*]

Megjithate te falenderoj shume Intelegjentja, ty dhe gjithe te tjereve qe me kane shkruar mesazhe private, per gatishmerin per te me ndihmuar. Si duket do te mund ta gjej. Megjithate nese di dikush dicka me konkrete mos hezitoni te me shkruani.

Edhe nje here faleminderit te gjitheve!!!

[edonita12]

Kam lexuar te gjitha novelat e tij por sikur Leter nga nje e panjohur asnjera tjeter nuk me ka rreshqethur

[SERAFIM DILO]

Kam lexuar te gjitha novelat e tij por sikur Leter nga nje e panjohur asnjera tjeter nuk me ka rreshqethur

Ateher i ke vetem lexuar.

[pranvera bica]

Cvajku eshte nje shkrimtar shume i dashur per mua dhe per ke qe e ka lexuar besoj!Do te vecoja novelat e famshme te Cvajkut qe ne cdo rrjesht te tyre cdo vajze apo i ri gjen vetveten...pershkrimet e tij jane te paarritshme!Asnje shkrimtar deri me sot per mendimin tim)nuk pershkruan me bukur se ai boten e brendshme shpirterore te njeriut aq me teper te femres tamam si Remark tek romani "TRE SHOKET"...te pavdekshme do te mbeten per mua "Letra e nje te panjohure" dhe" Njezet e kater ore nga jeta e nje gruaje".

[the admiral]

Kam lexuar te gjitha novelat e tij por sikur Leter nga nje e panjohur asnjera tjeter nuk me ka rreshqethur

para nje muaji e kam kezuar edhe une...
shume e trishtueshme si histori dhe shume prekese.

[Bellissima-73AL]

"NOVELA E SHAHUT" DHE "24-ORE NGA JETA E NJE GRUAJE..." SI DHE "ANKTH" jane kryevepra te Stefan Cvajgut...

[shigjeta]

Stefan Cvajg, mjeshtri i ekseseve të pasionit

SHKRUAN: André Aciman

Fjala që të vjen në mend kur kujtoj S. Cvajg është lehtësia. Gjithçka ishte e lehtë për të. Lindi në vitin 1881 në një familje shumë të pasur çifute vjeneze, ishte mendjehapur, jetoi mirë dhe udhëtoi gjithandej; botoi që në moshë fare të re; po ashtu tezën e doktoraturës e përfundoi shumë herët; fitoi famë ndërkombëtare si biograf, romancier, dramaturg, esieist dhe libretist. Lista e miqve dhe njohjeve të tij ishte aq e pasur saqë ishte e vështirë të gjeje një europian të rëndësishëm të viteve të para të shekullit XX që të mos përmendte emrin e Stefan Cvajgut në biografinë e tij.

Ai shfaqet kudo, njeh të gjithë, përkthehet në më shumë gjuhë se bashkëkohësit e tij. Pothuaj të gjitha projektet që ndërmori, u kryen me të njëjtën lehtësi, elegancë dhe hijeshi. Ai nuk kishte nevojë të sforcohej, ishte nga ata njerëz të cilëve suksesi letrar u vjen që në lindje, ose ditën kur marrin për herë të parë penën në dorë. Ai nuk kalonte net të tëra duke kërkuar fjalët, ato vinin vetë tek ai. Në librat e tij, nuk ka gjurmë vështirësish. Në të gjithë shkrimet e tij ka një lloj lehtësie që e bën atë njëherësh solemn dhe social, modest dhe patrician, studiues dhe tregimtar.

Zonat e errëta të shpirtit

Ironia pothuaj sa ceket, drama nuk përdoret kurrë deri në fund dhe psikologjia, me të gjitha ravgimet shqetësuese dhe të pamëshirshme që gërmojnë “krizat personale … të panjohura dhe të papritura», përdoret në mënyrë të rafinuar. Mos prisni hapa të rëndë nga trishtimi, as nota melankolie fundshekulli. Cvajgu është i prerë, por shumë i lehtë. Gjithçka është në kohën e vet, gjithçka është e saktë, asnjë lëvizje nuk është e gabuar. Duket sikur historia rrjedh vetë, nga fillimi në fund. Ai ndalon kur nuk ka më asgjë për të thënë ose kur mendon se nuk është e nevojshme të shkohet më larg.

Edhe pse mund të tundohemi ta krahasojmë Cvajgun me Hoffman dhe Maupassant, por gjithashtu Somerset, Schnitzler, apo Moravia, te Cvajgu gjejmë universin urban të Europës Qendrore, ku obsesionet dhe zonat e errëta të shpirtit vetëm sa mund të vëzhgohen përgjysmë dhe jo të analizohen, aq më pak të shpjegohen. Ai është mjeshtri i impulseve të fshehura, i eksesve të pasionit, i dashurisë së çmendur, i dëshirave të shfrenuara, dhe i konfuzionit të ndjenjave, (sipas titullit të novelës së tij) - siç shkruan ai te kjo novelë «i thellësive të paimagjinueshme të emocionit njerëzor». Cvajgu, si biograf, u mor shumë me Dostojevskin, Verlenin, Niçen, dhe sigurisht Frojdin. Kjo ka lënë gjurmë në universin e tij letrar dhe shpjegon dëshirën e tij pothuaj libidinale për të depërtuar zonat më të errëta të shpirtit.

Disa gjendje psikologjike kanë pushtet shqetësues mbi mua; më duket shumë intriguese të kërkoj shkaqet e tyre dhe thjesht prania e personazheve të jashtëzakonshme ndez tek unë dëshirën e zjarrtë për të ditur më shumë për ta, një dëshirë pothuaj aq e fortë sa dëshira për zotërim që gjendet te një grua.

Stefan Cvajgu ishte kozmopolit, prototipi i çifutit pan-europian i emancipuar, i lirë nga çdo sistem besimi, me përjashtim të pacifizmit. Ai mbeti optimisti europian, paradoksalisht i çmagjepsur, që ruajti më shumë dinjitet. Në vitin 1933 e kuptoi që jeta u bë e pajetueshme për çifutët në botën gjermanofone dhe u nis për në Angli.

Me gjithë largpamësinë e tij, kishte dëshirë të besonte te siguritë e Neville Chamberlain, i cili pretendonte se Gjermania nuk do të hynte në luftë. Si të gjithë ata që e shohin stuhinë para se të formohej, ai arrinte të kuptonte për çfarë ulërinte Fyhreri kur fliste. I lodhur nga lufta në Europë, u nis për në ShBA, pastaj u vendos në Brazil, ku, në vitin 1942, ai dhe gruaja e tij, vranë veten, në mënyrë të pashpjegueshme. Trupat e tyre u gjendën të veshur në një shtrat. Ishin kapur për dore. Nuk ishte si vetëvrasja e Walter Benjamin, as si e të gjithë atyre që u zbuan dhe që paniku se mos arrestoheshin, çoheshin në kampe, apo masakroheshin, i shtynte të gjenin një zgjidhje të shpejtë.

Një vetëvrasje e qytetëruar

Megjithatë, edhe këtu, si gjithmonë me Cvajgun, gjërat janë të turbullta. Ai gëlltiti një dozë fatale Veronali në moshën 60-vjeçare, për këtë arsye befasuese që e shpjegon në një letër që shoqëronte vetëvrasjen e tij: thjesht, nuk kishte fuqi «për një nisje të re». Ka diçka kaq të përulur dhe diskrete, të qytetëruar dhe të denjë në këtë arsye për t’u vetëvrarë, sa që një kritik i ka krahasuar fjalët e tij me një fjalim që mbahet kur merr një çmim ‘Oskar’. Më vetëvrasjen e tij, Cvajgu u fut në universin që kishte krijuar në librat e tij. Por edhe pse vetëvrasja ishte një akt i dëshpëruar afirmimi, tek ai përfaqësonte erozionin e ngadaltë të vullnetit, të qëllimeve dhe të dëshirës. Cvajgut këto nuk po i interesonin më.

Mund të merren me mend shumë arsye për vetëvrasjen e tij. Ishte e pamundur të ikje nga një botë në luftë – me gjithë sigurinë që ofronte vila luksoze e Petropolis në Brazil. Me gjithë lëvdatat që i thur vendit në tekstin Brazili, tokë e së ardhmes, ai ndihej i vetmuar rreth vilës së tij të heshtur. Edhe pse larg rreziqeve të luftës, Petropolis nuk mund t’i jepte asgjë nga klima sociale dhe intelektuale me të cilën ai ishte mësuar, edhe në Europën e zymtë të para Luftës.

Por, dhe mbi të gjitha, arsyeja e vetëvrasjes ishte shembja e botës së tij. “Gjithçka që vepra ime ka përfaqësuar përgjatë 40 vjetësh në botë, u shkatërrua”, shkruan në kujtimet e tij, Bota e djeshme: kujtimet e një europiani, të nisura gjatë qëndrimit të tij të shkurtër në New-York. Udhëtari i palodhur, i kohës midis dy luftërave, që kishte përqafuar gjithë botën, por që e dinte se një shtëpi e ngrohtë dhe mbrojtëse e priste në Vjenë dhe Salzburg, humbi busullën.

Nga Austria në Francë, duke kaluar nga Anglia, ShBA dhe së fundi Brazili i largët, ai duhet të jetë ndierë si një thes i hedhur në lumë. «Nuk i përkas më vetes. Një pjesë e identitetit natyror të qenies sime u shkatërrua përgjithmonë». Mund të ishte kënaqur me një jetë të re në Brazil, por kjo nuk bëhet kur je 60 vjeç; ashtu si ai shkruante, «bota e gjuhës sime u zhduk për mua dhe për universin tim shpirtëror, Europa u shkatërrua…» I flakur papritur në tymnajat e Historisë, ky njeri urban i Europës Qendrore u kthye në njeri të së djeshmes.

Por tronditja nuk ndodhi në vitin 1933 kur Hitleri u bë kancelar i Gjermanisë, as më 1 shtator 1939 kur Gjermania filloi Luftën e Dytë Botërore. Tronditja e vërtetë ndodhi në vitin 1914 kur «bota e sigurisë», siç e quante Cvajgu, u shkërmoq papritur. Meqë ishte i paaftë për shërbim ushtarak, u caktua në arkivat e Ministrisë së Luftës, por në vitin 1917, kur ishte me pushime në Zvicër, u shkarkua. Në Zvicrën neutrale, nën mbrojtjen e fituesit të çmimit ‘Nobel’ të vitit 1915 Romain Rolland, ai u bë pacifist i vendosur. Po në Zvicër, ai u ndërgjegjësua se ishte nga ata njerëz që, siç thoshte ai, jetonte gjendjen e «amfibisë», - d.m.th të qenit midis dy vendeve, midis dy gjuhëve, midis dy identiteteve, me pak fjalë, i mërguar.

Ai nuk e dinte se do ishte i fundmi «i amfibëve». Një ditë në Zyrih, Cvajgu po ndihmonte James Joyce që të përkthente në gjermanisht një fragment të vështirë të Portreti i artistit në rini. Të dy bashkë vendosën ta provonin me fjalë në frëngjisht, pastaj në italisht, para se t’i punonin në gjermanisht. Për habinë e madhe të austriakut, irlandezi, tre vjet më i ri se ai, jo vetëm e njihte anglishten më mirë se britanikët, por zotëronte “njohuri të pabesueshme të gjuhëve” – gjermanisht, frëngjisht, italisht.

Demonët e Cvajgut

Por shkathtësia intelektuale e shfaqur gjatë konfliktit më të egër që ka njohur njeriu, në vend që ta qetësonte Cvajgun se bota do ta kapërcente luftën, i kujtoi se bota e brishtë e perandorive të para Luftës, që e trajtonte kulturën si idealin më të dëshiruar, po venitej para syve të tij; ai vetë po kthehej në një vjetërsirë, në një hije të kësaj epoke të artë. Bota amfibe e kompozitorit Ferrucio Busoni (një pjesë gjermane, një pjesë italiane), ose e romancierit René Schickele (një pjesë gjermane, një pjesë franceze) po merrte fund dhe ajo nuk do të kishte më vend për hebrej me zemër të mbjellë në botën ariane. Njerëzimi do të bëhej gjithnjë e më barbar, sikurse duhet ta ketë ndierë Cvajgu në vitin 1935, kur nazistët ndaluan vënien në skenë të operës së Richard Strauss, për të cilën ai kishte shkruar libretin. Lufta e Dytë Botërore thjesht i vuri vulën.

Por pas sharmit të botës së vjetër, në kompozicionin e tregimeve të Cvajgut, në letrën e lamtumirës, ngrenë krye demonët. Në librin e tij Lufta me demonin mbi Heinrich von Kleist, Friedrich Holderlin dhe Nietzche, ai intrigohej nga mënyra sesi artistë të mëdhenj si Beethoven dhe Michaelangelo, frymëzoheshin nga dëshira demoniake, «vullkanike». Por ajo që fshihej pas këtyre demonëve ishte diçka më pak e kapshme, më kobzezë, më fatale, sepse fshihej në personalitetin e butë, pajtues dhe depresiv të Cvajgut: spektri i keqardhjes, spektri i asaj që ai mund të kishte qenë.

Sikur kthimi pas të ishte i mundur, sikur kujtimi të mos mbyste çdo shpresë, sikur dorëzimi të mos zbonte dëshirën. Sikur të mund të bënim diçka për të ndalur rrjedhën e të pashmangshmes, sikur të mos dorëzoheshim pa provuar, sikur të mund të vepronim më herët, sikur jeta të mos ishte e fundme. Sikur, është e pathëna, ajo që edhe shkrimtarët më të talentuar nuk i gjejnë dot emër. Sepse ajo as nuk kapërcehet, as nuk lihet pas vetes. Sikur është stacioni i fundit para hyrjes në tokën e hijeve. Dhe Cvajgu kishte hyrë në tokën e hijeve shumë kohë para Veronalit. Këtë e thotë në fjalitë e fundit të Bota e djeshme.

Kur u ktheva, pashë papritur hijen time para meje, ashtu si kisha parë hijen e luftës tjetër para luftës aktuale. Që atëherë, nuk më ndahet kjo hije e luftës, ajo mbulon si vello zie mendimet e mia, ditë e natë, ndoshta silueta e saj e errët shfaqet edhe në faqet e këtij libri. Por çdo hije, në fund të fundit, është bijë e dritës, dhe kush ka njohur dritën dhe errësirën, luftën dhe paqen, madhështinë dhe rënien, ai ka jetuar vërtet.

Gjuha mund të duket e thjeshtë, por thotë se e kaluara gjen mënyra për t’u shfaqur në të tashmen dhe të ardhmen, dhe për të na bërë lodra të kohës. Hijet na njohin më mirë se njohim veten, ato na ngjajnë më shumë se mund ta përfytyrojmë. Ato hyjnë në zona që na trembin, ruajnë sekretet e tyre, tregojnë historitë e tyre, flasin gjuhën e tyre. Ato edhe parashikojnë çka do të ndodhë, dhe, siç shkruante Frojdi, rishpikin atë që mund të kishte ndodhur ose ndoshta ka ndodhur – kush e di? Hijet mishërojnë mënyrën me të cilën kërkojmë fjalët për të folur për kohën, kur nuk kemi më kohë.

*Drejtor i The Writers’ Institute at the Graduate Center. Ky artikull është një version i shkurtuar i parathënies që figuron në ribotimin e Journey into the past i Stefan Cvajg, botuar në New York Review Books Classics. Përktheu: Blerta Hyska.

MAPO