http://img.aftonbladet.se/foraldrar/0701/19/krenar.210.jpg
•
19/01/2007 - 08:56
•
Një angleze është martuar me një djalë shqiptar, të cilin e kishte birësuar qëkur ai ishte 14 vjeç. Tashmë kanë një vajzë, lindjen e së cilës e kanë festuar pak ditë më parë. Ngjarja e rrallë ka ndodhur në qytetin jugor, Ebbv Well i Wellsit në Angli. Protagonistë të kësaj historie dashurie disi të pabesueshme janë 34-vjeçarja Xhulia Gregg dhe emigranti Krenar Lleshi. Shqiptari, tashmë 21-vjeç, ka mbërritur në Angli si emigrant i fshehur në një kamion. Pas birësimit dhe një njohjeje relativisht të gjatë, Lleshi është dashuruar me 34-vjeçaren, e cila ishte ndarë nga bashkëshorti i saj. Martesa me anglezen e ka shpëtuar të riun emigrant, pasi rrrezikohej të dëbohej nga Wellsi. Ai mundi të siguronte lejeqëndrimin falë lidhjes së tij me gruan që e birësoi. Ata janë shprehur se janë të lumtur njëri me tjetrin dhe se dashuria e tyre është shtuar akoma më shumë, pas lindjes së vajzës së tyre Hattie. “E di që banorët lokalë kanë bërë thashetheme të ndryshme për ne, por ne jemi dy prindër të lumtur”, - thotë Xhulia Gregg. Ndërkohë Krenar Lleshi, i cili punon si hidraulik, pohon se “jam shumë i lumtur që jam martuar me Xhulian dhe ne tani kemi një vajzë”. Historia e dashurisë mes emigrantit shqiptar dhe gruas që e birësoi atë, ka gjetur jehonë në mediat angleze.
Krijoni Kontakt