Firmoset marreveshja per zgjedhjet lokale

[zeus]

Pak minuta pas mesnatës, të 13 kryetarët e partive partive, përveç Berishës që ia kishte deleguar firmën Topit, u ulën një nga një për të nënshkruar paktin që i hap rrugë më në fund zhvillimit të zgjedhjeve lokale më 18 shkurt, në prani të Presidentit Alfred Moisiu. Te gjithe kreret e partive politike jane pershendetur vetëm me Presidentin Alfred Moisiu gjatë firmosjes së dokumentit, ndërkohe që i vetmi që ka thyer atë "shenje" protokolli ishte vetëm kryetari i PDK-së, Nard Ndoka, i cili pas firmosjes shtrëngoi duart edhe me krerët e opozitës. Menjëherë pas firmosjes se dokumentit, Presidenti i Republikes, Alfred Moisiu, deklaroi se marrëveshja ishte frut i negociatave të njëpasnjëshme prej tre ditesh e tre netësh. Moisiu ka ftuar partitë politike që të konkretizojnë marrëveshjen per ti hapur rruge proçedurave parazgjedhore. Por në të njëjtën kohë, kreu i shtetit ka bërë thirrje për hartimin e dokumenteve te identitetit. Marrëveshja është komentuar mbrëmë edhe nga kryetari i PS-se, Edi Rama. I pyetur ndër të tjera nga përfaqësues të medias lidhur me faktin nëse gjente ndonjë kontribut të ish-kryeministrit Fatos Nano, për këtë marrëveshje, Rama u shpreh se ai i njihte shumë kontribute Nanos, por me gjithë dëshirën e tij, tek kjo marrëveshje ai nuk shihte ndonjë kontribut. E njëjta pyetje i është drejtuar edhe kryetarit të PD-së, Bamir Topi, i cili u përgjigj se ai njihte vetëm kontributin e kryeministrit Sali Berisha.

Bisedimet

Pas dy orësh negociata të minutës së fundit, që mund të kishin rrezikuar në fakt si gjithë këto ditë nënshkrimin krerët e partive në praninë e Presidentit, Moisiu, ranë dakort për pikën më të debatueshme; mënyrën e prdorimit të certifikatave të lëshuara para 1 nëntorit në këto zgjedhje. Kështu mësohet se marrëveshja ka si pikë kyçe shoqërimin e certifikatave të lëshura para 1 nëtorit me 8 dokumentaqë janë: pasaportë, diploma e shkollës së lartë, diploma e shkollës së mesme, patentë e dixhitaizuar, kontratë shitblerje, licesë profesionale, certifikatë tatimore, licensë e ushtrimit të profesionit. Sipas marrëveshjes zgjedhësi që do të votojë me certifikatë të lëshuar nga Zyra e Gjendjes Civile para 1 nëntorit duhet të ketë me vete të paktën dy nga këto dokumente. Kjo ishte dhe esenca e paktit të arritur dje në Presidencë dhe për të cilën u negociua tre ditë me radhë. Ndërkaq mësohet e gjatë dy orëve të fundit, para se të firmosej dokumenti, opozita ka kërkuar që votuesi ta shoqëronte certifikatën e para një nëtorit me një dokument tjetër të noterizuar. Por kjo nuk është pranuar nga maxhoranca. Në momentin e nënshkrimit të marëveshjes dje ra në sy mungesa e kryeinistrit Berisha e cila mund të konsiderohet një mungesë e qëllimshme pasi është e disata në këto bisedime.

Negociatat

Pikërisht në orën 22.00 krerët e partive politike kanë hyrë në ambjentet e Presidencës, me qëllim firmosjen e marrëveshjes ashtu siç ishte parashikuar në fakt paraprakisht. Por drafti i miratuar parimisht me 20 pika u morr serish në shqyrtim e pikërisht për dokumentet shoqëruese të certifikatave, që paraprakisht ishte arritur që të shoqërohej me një dokument. Ajo që duket se nuk shkonte ishte pikërisht kërkesa këmbëngulëse e opozitës për noterizimin e dokumenteve shoqërues që në draftin paraprak ishte hequr. Ky draft, u përcoll nga Presidenti Alfred Moisiu gjatë takimeve që ai kishte zhvilluar gjatë ditës me kreun e LSI-së, Ilir Meta atë të PS-së, Edi Rama si dhe me kryetarin e PR-së, Fatmir Mediu. Drafti i dorëzuar si tek përfaqësuesit e mazhorancës, edhe tek ato të opozitës kishte mbetur pikërisht tek disa cështje teknike, sic ishte pikëpyetja nëse certifikatat do të shoqëroheshin me një dokument, apo me dy dokumente, nëse këto të fundit duhet të ishin të noterizuara ose jo si dhe përdorja ose jo e patentave dixhitale. Më këmbënguljen e opozitës, në negociatat e vona të mbrëmjes në presidencë, u arrit që sërish të vendoset në draftin praprak patenta e dixhitalizuar, që ishte hequr, si dhe shoqërimi i çertifikatave të para një nëntorit me dy dokumente.Por përpos saj, mazhoranca nuk lëshoi pe që të dy dokumentet shoqeruese të ishin të noterizuara, gjë që në fakt e kishte paralajmëruar që në mesditë kryeministri Sali Berisha.Ky i fundit deklaroi gjatë mesditës, në një takim meJose Pons, i dërguari i posaçëm i Ministrit të Punëve të Jashtme të Spanjës,Miguel Angel Moratino, në cilësinë e kryetarit të radhës të OSBE-së, se qeveria nuk do të pranonte dokumente të noterizuara. Ndërkohë, me arritjen e marrveshjes së mbrëmshme, sot pritet që të mblidhet Kuvendi për të miratuar ndryshimet në Kodin Zgjedhor. Kryetarja e Kuvendit, Jozefina Topalli, informoi mbrëmë se në rast se do të arrihej marrëveshja, atëherë ajo do të thërriste Kuvendin sot në një seancë të jashtëzakonshme me qëllim miratimin e këtyre neneve në Kodin Zgjedhor.

[Xhuxh Xhumaku]

Sot miratohet në Kuvend marrëveshja e shumëpritur mes partive

Pas disa muaj sherri, zhurmaxhinjtë nënshkruajnë

Me miratimin e amendamenteve të 30 gushtit dhe 30 dhjetorit pritet që të hënën të fillojë fushata elektorale normale për partitë politike, si edhe puna konkrete e KQZ-së

Merr fund kriza e muajve të tërë për politikën shqiptare. Ata të cilët kanë bërë më shumë zhurmë gjatë gjithë kësaj kohe, janë detyruar dje, (edhe si herë të tjera), të ulen dhe të nënshkruajnë një marrëveshje të përbashkët. E cila jo vetëm që i jep fund sherrit dhe situatës absurde dhe të pazakontë që u krijua në politikën shqiptare, porse edhe i hap rrugën mbajtjes normale të një procesi zgjedhor në vendin tonë.

Kështu, përfaqësuesit e palëve politike kanë nënshkruar më në fund dje në praninë e kreut të shtetit, marrëveshjen përfundimtare mes mazhorancës dhe opozitës e cila i jep fund krizës zgjedhore dhe mosmarrëveshjeve të cilat bënë të skadojë edhe data e parë e caktuar për mbajtjen e zgjedhjeve, 20 janarin.

Më tepër se një lajm i mirë, ngjarja e djeshme, duket se shkrin të gjithë akullin e krijuar për muaj të tërë, duke i lënë rrugë të hapur që nga dita e sotme nisjes së fushatës normale elektorale për zgjedhjet lokale. Por edhe punës së mbarë të Komisionit Qendror të Zgjedhjeve, për ecurinë e këtij procesi, gjë që në fakt deri tani rezultonte e bllokuar për shkak të partive.

Një zhvillim i tillë politik i rëndësishëm për vendin tonë, mbërriti një ditë pas shfaqjes në publik të dy politikanëve Nano-Berisha, takim për të cilin pse jo, mund të aludohet se ka patur rolin e vet në arritjen e marrëveshjes së djeshme. Ndërkaq, suksesi mbërriti dje edhe pas dy netëve të gjata të pasuksesshme negocimesh në godinën e Presidencës, mes kreut të shtetit dhe krerëve të partive politike.

Tërheqja
Ndërkaq, për hir të kompromisit në të mirë të zgjedhjeve dhe zgjidhjes së krizës, Partisë Socialiste i është dashur të heqë dorë nga disa kërkesa të saj të bëra vazhdimisht në lidhje me çertifikatat. Sikundër edhe Partia Demokratike nga ana e saj, ka qenë e detyruar të lëshojë pe në lidhje me pranimin e kërkesave të së majtës.

E gjithë kjo, ka të bëjë me qëllimin e përbashkët për arritjen e një konsensusi mes palëve për të realizuar në fund të fundit si duhet zgjedhjet lokale, për mosecurinë e të cilave, vendi ynë ka marrë kritika të mëdha nga ndërkombëtarët. Tërheqja në fakt, ka të bëjë me çështjen e çertifikatave, për të cilat tashmë është vendosur që për zgjedhjet e 18 shkurtit, do të përdoret rregulli i një dokumenti shtesë për të gjithë ata zgjedhës të cilët disponojnë një çertifikatë të lëshuar para datës 1 nëntor.

Dhe jo noterizimi i tyre, siç pati ngritur zërin kryetari i socialistëve Edi Rama. Në këtë mënyrë, është gjetur një rrugë e mesme mes të dyja palëve për të arritur në konsensusin e domosdoshëm mes palëve.

Konkretizimi
Në fund të fundit, nënshkrimi i kësaj marrëveshje do të thotë që tashmë duke nisur që sot, Kuvendi do të merret me votimin e amendamenteve të miratuara nga Komisioni Parlamentar i Ligjeve si ai përshembull i që i kërkonte Presidentit të dekretonte një datë të dytë për zgjedhjet, pasi data e parë e 20 janarit skadoi, pa mundur dot që ato të realizohen.

Ndërkaq, nënshkrimi i kësaj marrëveshje do të thotë edhe që do të miratohen së shpejti në Kuvend, pikat e marrëveshjes së 30 gushtit, të miratuar nga partitë kryesore PD-PS, dhe që kishin të bënin konkretisht me ndryshime në Kodin zgjedhor lidhur me çështjen e zgjedhjeve, si përshembull zgjatja e mandatit të të zgjedhurve vendorë apo edhe në bordet e mediave.

Kuvendi
Ndërkaq, nga kryeparlamentarja Topalli është bërë e ditur dje se nëse do të kishte një nënshkrim të marrëveshjes mes palëve në Presidencë, atëherë që ditën e sotme, Kuvendi do të mblidhet në një takim jashtë radhe (pasi të hënën ishte parashikuar mbledhja e parë e tij për këtë vit) dhe do të kalohen menjëherë për votim pikat e kësaj marrëveshje.

Ç'përmbante marrëveshja e 30 Gushtit?

- KKRT të zgjerohet nga 5 në 7 anëtarë. Dy të rinjtë, nga opozita

‑ KDRTSH bëhet nga 7 në 11 anëtarë, të rinjtë nga shoqëria civile

- KQZ të bëhet nga 7 në 9 anëtarë dhe 2 të zgjidhen nga Kuvendi

- LSI dhe PDK ftohen të propozojnë kandidatët për dy vendet bosh

- Në KQZ shumica e thjeshtë të jetë 5 me 4, e cilësuara 6 me 8

‑ Nënkryetari i KQZ-së t'i përkasë opozitës, të bashkëkryesojë KQZ

- Regjistri i përkohshëm të pastrohet para 20 tetorit 2006

- Kushtetuta të amendohet që mandati i vendorëve të jetë 4 vjet

- Zgjedhjet e përgjithshme të mbahen në prill‑maj ose tetor‑nëntor


Kohja Jone, E Shtune 13 janar 2007

[Xhuxh Xhumaku]

Balkanweb, TIRANE (13 Janar)-

Ora 19:27 Ka rinisur seanca e jashtezakonshme ne Kuvendin e Shqiperise, ku sapo jane miratuar ne parim ndryshimet ne parim ne Kushtetute, nderkohe qe po vazhdohet me votimin nen per nen. Ne salle jane te pranishem 133 deputetet, ndersa seanca po vezhgohet edhe nga nderkombetaret.

Ora 19:15 Kuvend, pas skandalit te dhenies se licensave, opozita kerkon shkrirjen e KKRT-se

Pas skandalit te zbuluar nga Gazeta Shqiptare per dhenien e licenses pa baze ligjore te nje televizioni lokal ORA SHPK, opozita ka kerkuar sot ne seancen e jashtezakonshme kerkon shkrirjen e KKRT-se. Megjithate nese nuk do te pranohet shkrirja e ketij institucioni, opozita kerkon qe vendimet per dhenien e licensave nga ana e KKRT te merren me shumice te cilesuar. Propozimin per shumicen e cilesuar, e ka rikerkuar sot Valentina Leskaj, kryetare e komisionit te medias.

Pas Leskajt, ka folur deputeti I PS-se Erjon Brace I cili ka perdorur nje gjuhe me te ashper per KKRT-ne, duke e cilesuar kete organ te perfshire nga skandali i dhenies se licensave. “KKRT ka shkelur rende ligjin, aq sa kryeministri ka hequr dore. Me KKRT-ne po merret prokuroria. KKRT eshte perfshire nga skandali i dhenies se licensave. Ajo ka bere skandalin e pare dhe me te madhin te KKRT-se ne dhenien e licensave. Do te ishte normale qe mos te propozonim 2 njerez ne KKRT, por shkrirjen totale te institucionit per skandalin qe ka perfshire. O te shkrihet, ose te mbrohet vendimmarja nga konflikti i interesave, permes vendosjes se shumices per ceshtjen e dhenies ose te heqjes se licensave. Kjo sherben per te ushtruar shantazh ndaj mediave private dhe presion”, ka deklaruar Brace.

Ndersa deputeti Sabit Brokaj ka thene se KKRT duke shkelur ligjin, zbuloi realitetin dhe qellimin e saj. Edhe brokaj, ne fjalen e tij ka kerkuar te shkrihet dhe te rizgjidhet ky institucion, ne te kundert, vendimmarrja per dhenien e licensave duhet te behet me shumice cilesore.

Ndersa kreu I PDK-se Nard Ndoka, ne nje prononcim per News 24 ne kohen e pushimit te seances, ku momentalisht po diskutohet per kete ceshtje, per t’u kaluar me pas ne votim, Ndoka ka thene se duhet te saktesohen gjerat, qe te frenohet dhenia e licensave. Pas skandalit te fundit. eshte e domosdoshme arritja e nje konsensusi qe vendimet per ceshtje si dhenia e licensave te merret me shumice te cilesuar. Ne nuk jemi per shkrirjen e KKRT-se, por rishikimin e dispozitave ligjore per vendimmarje.”PDK eshte pro rishikimit. Drejtesia duhet te thote fjalen e saj, e ka ajo ne dore. Mund t’i rikthehen edhe atyre problemeve te kaluara. Parlamenti po diskuton pikerisht vendimarrjen dhe menyren e funksionimit te KKRT-se.

Por me I ashper ka qene reagimi I Neritan Cekes per kete ceshtje. Ne prononcimin e tij ne News24, Ceka ia ka faturuar kryeministrit Berisha faktin se KKRT-ja eshte kthyer ne nje organ me konflikt interesi, pasi sipas Cekes, Berisha shkarkoi anetaret e Keshillit ne menyre te jashteligjshme.

[Ingenuous]

E gjithe merita e kesaj marrveshje per mendimin tim i shkon atij plakushi te lodhur nga jeta private, nga jopolitika e politikaneve, tre net diskutime e debatesh, pra, Presidentit te Shqiperise Zotit Alfred Mojsiu! RESPEKTE!!!

[Xhuxh Xhumaku]

moiseu ka bere perpjekje, nuk mohohet, por marveshja nuk ka ardhur prej tij.

merita eshte e zgjedhjeve te parakohshme qe i druhej sala si djalli nga temjani, ashtu dhe opozita, qe nuk ishte e pergatitur, e autorizuar, e disponuar, sofistikuar per te rimarre pushtetin,

dalja e sales me tosin kete nentekst kishin, se po shkuet ne zgjedhje te parakohshme, vetem rrumuje e pasiguri, nje shperndarje edhe me te gjere do te kishte ne spektrin elektoral shqiptar, se poli i trete ishte gati nje alternative reale per te dale ne skene ...

ashtu si sala e tosi, rama ne hije nuk don qe bipolariteti pd-ps te humbiste, se ai humbiste shansin e marrjes se postit te kryeministrit ne se zgjedhjet beheshin ne kete situate.

kjo do te shihet pak me vone, pas zgjedhjeve lokale, kur te shifni salen ti beje tetshin tosit ...

[Landi_]

politika per politike,alias te shkojm ne AEvrop qofte duke u zvarit,alias topkembe
pa porta, pune gabelsh jo te fisem...ZOTI i rujt robt e mire...

[Xhuxh Xhumaku]

politika e sale dhe e tosit jon me na lon ne allias, ne babrru, rru e pa rru, se po hyme n'europe, ata kon me skadu, kon me u harru, e ata s'jon kah munden me e duru ...

[i humburi]

nuk shkohet ne Avrop me politikana por me burra shteti,jo me llafe po me vepra
s po e zgjas me kshilla gratis...po kush jane keta se dhe a kane leje te jene...

[zeus]

Presidenti Alfred Moisiu dekreton daten 18 shkurt per zhvillimin e zgjedhjeve vendore. Moisiu mori vendimin menjehere pas miratimit ne parlament te ndryshimeve ne kodin zgjedhor.

[Xhuxh Xhumaku]

Shekulli, 14-01-2007

Palo-politikanë!

Nga Pasho Alimerko

Retë e zeza të politikës, po na qëndrojnë kërcënueshëm mbi kokë për gati dy dekada. Një popull i tërë jeton nën presionin e anktheve e maktheve që pjell pa fund politika: intriga, grindje, kërcënime, gërr-vërre dhe një zhurmë pazari primitiv mesjetar… Kjo fabrikë e ndotjes kolektive, politika, me helmin që "vjell" është sot, pa mëdyshje, segmenti më imoral e më i urryer i shoqërisë. Ky popull ka një mijë e një arsye ta shpjerë në gjyq këtë të ashtuquajtur, apo më saktë, të vetëquajtur "klasa politike shqiptare". Por, për fat të keq kemi një ndërgjegje të ulët qytetare, plus që jemi edhe të përçarë. Kjo klasë politike e ka bërë të vetin parimin politik të romakëve të lashtë DIVIDE ET IMPERA (përçaj e sundo). Interesat e politikanëve mediokër, bien ndesh me interesat e njeriut të thjeshtë. Ata, politikanët, ndryshe nga ne, e duan Shqipërinë si një lopë për t'i mjelë jo vetëm qumështin, por me sa shohim, edhe gjakun.

Populli ynë, pati të drejtë që u lodh nga politika autarkike e Enver Hoxhës. Shqipëria e djeshme që i duhej të prodhonte çdo gjë vetë e të jetonte e izoluar nga bota, nuk mund të qëndronte në këmbë, ashtu siç edhe ndodhi. Por ç'është Shqipëria e sotme që i zuri vendin asaj të djeshmes?!

Sot po jetojmë një kapitalizëm fillestar banditesk, një kapitalizëm pa kapital, pa prodhim. Në treg nuk gjen asgjë shqiptare, edhe lakrat e qepët në tavolinat tona janë të huaja. Jemi kthyer ne koloni e firmave të huaja, shpesh me reputacion të dyshimtë. Parazitizmi i sotëm ka pjellë banditizmin, trafiqe, varfëri... Nga ana tjetër, kemi pasanikë hajdutë, të cilët me ndihmën e pushtetit politik përvetësuan, gati falas, kapitale të mëdha të vëna me gjakun dhe djersën e një populli të tërë. Nuk jemi "republikë e bananeve", ama, jemi me të vërtetë republika e kafeneve, klubeve, pub-eve dhe diskove.

Një filozof i madh ka thënë se, në qoftë se shoqëria do të ndërpriste prodhimin vetëm për disa ditë, ajo do të vdiste. Ne kemi kaq shumë vjet që s'prodhojmë dhe ja, s'kemi vdekur, sepse ajo që parashikonte filozofi i takon shoqërisë kapitaliste, kurse ne jetojmë një kapitalizëm pa rregulla, atë banditeskun që thamë më lart. Por, nga ana tjetër, nuk është se po jetojmë, jemi një shoqëri në dekompozim të pandalur.

Politika shterpë e gërr-vërreve na ka prezantuar shumë keq para botës. Dikur shqiptari, kur kalonte doganën e huaj nderohej me respekt, kurse sot i zbathin edhe mbathjet për kontroll, qoftë ky edhe deputet apo ministër me pasaportë diplomatike. Shqiptari nga natyra është sqimatar, natyrë krenare, atë e kanë goditur në ndjenjën më të shtrenjtë për të…

2

Kemi humbur e po humbasim shumë kohë të çmuar. Gjithë këto vite ua bëmë kurban dy njerëzve të padenjë, Berishës dhe Nanos. Kemi bërë një sakrifice të madhe e të panevojshme, e paguam shumë shtrenjtë. Vandalizmi i Berishës në vitet '90-të të shekullit që lamë pas, është unikal në botë. Nuk la gjë në këmbë, ç'do gjë e përmbysi, e dogji dhe e shkatërroi. Hodhi në erë shtetin. Duke qenë i pazoti për të ndërtuar, e la vendin të zbrazët. Instinktin barbar të shkatërrimit, e ka të ngulur thellë në ndërgjegje ("Zogu i Zi" qe vandalizmi i tij i radhës). Me arrogancën tipike të një bajraktari fisesh primitive, me hipokrizinë dhe gënjeshtrat e pacipë, është kthyer në fatkeqësi kombëtare.

Përballë tij patëm pseudo-liberal-demokratin, qejfliun e pangopur, kryeministrin më të papërgjegjshëm në historinë tone, Fatos Nanon. Për këtë s'qenë gjë e madhe katrahurat e Berishës, vdekja e shtetit, mijëra shqiptarë të vrarë… Sot i shkelin synë njëri-tjetrit dhe ne, të mbetur me gisht në gojë, si lolo, si guakë, bëjmë sehir lojën e tyre perverse! Rrokullisja e punëve tona kaq keq, të shtyn të mendosh se në kupolën e politikës, veç budallallëkut që duket qartë, ka edhe tradhti.

Stani politik, qenka stan ujqërish. Po nuk ulërite si ujk, nuk të pranojnë në "stan"! Shihni sa shumë qymyr e baltë, me një fjalor top-rrugaçëror hedhin mbi Edi Ramën, mbi njeriun e punës, mbi shqiptarin që ka marrë premion "Kryebashkiak i botës"! Kjo ndodh sepse zëri dhe sjellja e tij kanë një moral tjetër, ndryshe nga i tyre. Kemi kaq vite që jetojmë peng i një klase të padenjë politike, kemi rënë në grackën e tyre, na kanë zënë për fyti. Demokracia në Shqipëri, për të cilën politika u çorr aq shumë, është tradhtuar. Njerëzit janë lodhur e dëshpëruar. Na duhet një vizion i ri dhe njerëz të tjerë, ne nuk e meritojmë këtë qeverisje! Na duhen njerëz idealistë, të ndershëm, të përkushtuar. Për të dalë nga rrethi vicioz, na duhet të lëmë pas këtë klasë politike.