Kthimi ne Shqiperi

[sirena_adria]

https://www.youtube.com/watch?v=E-CCP27UKTI

Lindi në Itali, i riu shqiptar kthehet në Berat: Shtëpinë e stërgjyshërve e shndërrova në restorant, kontribuoni në vendin tuaj

Lindur dhe rritur në Itali, Kristian Kondi është një i ri nga Berati që u kthye në shtëpinë e të parëve për ta shndërruar në restorant.
Ka vendosur të jetojë në Shqipëri, ndërsa jep një mesazh interesant për të rinjtë që po largohen në emigrim.


Kristian Kondi u lind në Brescia të Italisë, aty ku prindërit kishin emigruar 3 dekada më parë....Dashurinë për vendlindjen ia ka kultivuar nëna, ndaj në moshën 22-vjeçare, Kristiani u kthye për të ndjekur studimet e larta në një universitet privat në Shqipëri. Tashmë i diplomuar për “Ekonomi”, i ri i ka hyrë me pasion botës së biznesit në turizëm.

“Historia ime është e veçantë nuk jam lindur e rritur këtu por kam ardhur në moshën 22 vjecare. Vendosa të bëj shkollën këtu, kam mbaruar ekonomi ndërmarrje.

Shtëpinë 100-vjeçare të stërgjyshes në lagjen muzeale “Mangalem” të Beratit e ka kthyer në një bar-restorant, duke ruajtur elementet e traditës.

“Biznesin e kemi bërë këtu sepse nga ana emotive jam i lidhur me këtë pronë, kemi bërë dhe një plan biznesi, ishte qartë se statistikat ishin pozitive. Zona ku ndodhej shtëpia dhe tani është bërë restorant është në pozicion të mirë buzë rruge. Është një investim i mirë”.

Pozicioni buzë rrugës kryesore është mjaft i favorshëm, dhe njihet si toponim nga vendasit ndaj sot restoranti mban emrin e veçantë “Zonja Gjena”.

“Njerëzit këtu në Berat kur takoheshin thonin tek shtëpia e “Zonjës Gjena”. I vogël vija tek kjo shtëpi dhe më vinte keq teksa shikoja se po rrënohej, ndaj bashkë me mamanë tezen vendosëm ta shndërronim dhe ti jepnim jetë”. Kështu lindi dëshira jonë ti jepnin vlere kësaj shtëpie 100-vjeçare bashkë me Entela Koraqe, tezen koreografe Eneida Koraqe dhe kushëririn.”

Tradicionalja në arredim ndërthuret me modernen në kuzhinë, duke sjellë kulturën e vendit ku lindi, Italisë.

“Shërbejmë antipasta italiane vere italiane risoto pasta”.

Kristiani e sheh të ardhmen në Shqipëri, ndërsa për bashkëmoshatarët që gjithnjë e më shumë zgjedhin emigrimin, thotë se eksperienca në vendet e huaj është e rëndësishme, por pa harruar rrënjët.

“Mund të bëjnë eksperience e të kthehesh se s’ka gjë më të mirë se sa të kontribuosh në vendin tënd”.


Shqiptarja.com

https://shqiptarja.com/lajm/lindi-ne...ne-vendin-tend

[sirena_adria]

Rikthehet Adhurim Demiri: Dikur në Shqipëri isha më i njohuri, ndërsa në Austri laja tenxhere

Adhurim Demiri është nga kantautorët legjendar të muzikës shqiptare. Ai rikthehet pas shumë vitesh në skenë me një koncert recital. I ftuar në “ABC e Mëngjesit”, artisti zbuloi se recital do të mbahet në datën 26 qershor te Kisha Orthodokse në orën 20:00. Sakaq, ai ndau dhe detaje të tjera, si për shembull, pjesë e koncertit do të jenë emra të njohur të muzikës shqiptare si Elton Deda, Aleksandër Gjoka, Eneda Tarifa etj.

Në një moment, Adhurimi u bë nostalgjik dhe kujtoi kohën kur në Shqipëri ishte një nga këngëtarët më pëlqyer, ndërsa në Austri punonte në një McDonald’s, ku lante tenxheret dhe qëronte patate.

“Kur ika në Austri për herë të parë, në ato vitet e para, muajt e parë fare, nga gjithë ajo skenë, unë kam punuar në McDonald’s, kam larë dhe tenxhere, kam qëruar dhe qepe dhe patate, kam djegur dhe duart te soba. Unë jam mëngjarash dhe ajo soba kishte një kapak që hynte djathtas, unë futesha majtas dhe digjesha gjithmonë. Unë në atë kohë këtu isha shumë i famshëm, por vajta te familja në Austri dhe punova. Kam punuar dhe nuk e kam fare për turp, e kam për krenari”, rrëfeu ndër të tjera ai.


Lexo.al

https://www.lexo.al/2023/06/rikthehe...laja-tenxhere/


https://www.youtube.com/watch?v=OySd2eLXxyE

Recitali / Adhurim Demiri ndan sekretet e disa hiteve: Kalova shumë, dogja duart në emigrim | ABC

[sirena_adria]

Jetën e bëjnë idetë, jo vendet – Erblina Shehu – Episodi 21 ( 9 Qershor 2023)

Videopodcast nga Mira Kazhani

[Çamlik]

Jam një i ri 19 vjeç me arsim gjerman. A ka mundësi të gjej një punë dhe të jetoj rehat në Shqipëri?

[Neteorm]

Jam një i ri 19 vjeç me arsim gjerman. A ka mundësi të gjej një punë dhe të jetoj rehat në Shqipëri?

Pershendetje,

Pune ne Shqiperi, ka madje shume profesione kane mungese punetoresh edhe pagat jane rritur mjaftueshem

[Çamlik]

Duket mirë. Po mendoja të shkoja në Dibër, ose në veri në përgjithësi. Nuk ka më grindje mes gegëve dhe toskëve, apo jo? Me sa mbaj mend ka pasur gjithmonë disa probleme mes nesh. Unë jam nga Jugu dhe familja ime nuk ka jetuar në Shqipëri që nga Lufta e Dytë Botërore.

[sirena_adria]

Biletë vetëm me një drejtim, Vesa Luma tregon pse vendosi të kthehet përfundimisht në Shqipëri

Zelanda e Re është ndër vendet më të largëta me Shqipërinë që kërkon më shumë se 30 orë me avion, por për shumë vite u bë shtëpia e dytë për familjen e Big Bastës dhe Vesa Lumës. Të dy artistët dhe djali i tyre 7-vjeçar Lian e gjetën veten dhe u përshtatën në atë vend pa e parashikuar dot sa i gjatë do të ishte ky rrugëtim.

Por gjithsesi, “arratisë” i erdhi fundi. Çifti, prej disa javësh janë rikthyer në Tiranë me biletë njëdrejtimëshe. Kanë vendosur të kthehen dhe të vijojnë jetën e tyre mes Tiranës dhe Kosovës, si shumë vite më parë.

E ftuar pasditen e sotme në “Rudina”, Vesa Luma rrëfeu për jetën më shumë se 6-vjeçare në Zelandën e Re, benefitet që ofron ai vend, por edhe për arsyen pse ajo dhe Big Basta morën vendimin për t’u rikthyer në Shqipëri: “Në përgjithësi, kemi qëndruar 6 vjet. Unë kam ardhur dhe kam ikur kohë pas kohe, por nuk kam mundur të adaptohem 100 për qind, por kur është fëmija në mes, duhen bërë ca sakrifica që shumica prej nesh i di. Unë edhe Geri nuk jemi njerëz që e duam stabilitetin “jemi këtu dhe këtu do rrimë, këtu do përfundojmë”. E quajmë më shumë veten banorë të globit, por sa herë kthehemi në Shqipëri dhe Kosovë, sikur na ngre vendi, familja …” –tregon Vesa.

Më tej, këngëtarja shton se para se të merrnin një vendim, u përpoqën të mendojnë për të mirën e përbashkët të familjes, por sidomos për Lianin, i cili tashmë është shumë i lumtur dhe ka nisur shkollën: “Kur i vumë në peshore, thamë që duhet t’ia lejojmë edhe djalit të rritet me gjyshërit, të përjetojë edhe kënaqësinë e të qenit fëmijë bashkë me gjyshërit, me kushërinjtë, me shoqëri të re, me fjalë shqip më shumë dhe ja ku jemi”.

Ishte Krusha vendi i zgjedhur nga Vesa Luma. Të gjithë e njohin historinë e grave të Krushës, pasi humbën bashkëshortët e tyre dhe çdo të afërm të gjinisë mashkullore, mbetën vetëm. Ishte një moment kur u duhej të merrnin frenat e jetës në dorë, të punonin dhe të mbanin familjet e tyre: “Nuk kishte më mirë sesa të rikthehesha aty…. “,–tha Vesa pa e fshehur emocionin e pritjes së zjarrtë të publikut në koncertin e parë pas rikthimit.


Gazeta Ballkanweb

https://www.balkanweb.com/bilete-vet...t-ne-shqiperi/

[sirena_adria]

Vështirësitë e bletarisë! La emigrimin për vendlindjen, 28-vjeçari prodhon mjaltë në Dukat

Qesargjoni ndodhet në zonën poshtë malit të Karaburunit, aty ku kujdesej për kosheret e bletëve me tymuesen në dorë.


150 bletërritësve të zonës së fshatit Dukat të Vlorës iu shtua dhe një 28 vjeçar, i cili la emigrimin në Itali për të punuar pranë familjarëve të tij.

“Nuk mund të jetoja në Itali pasi jetesa atje ishte shumë e vështirë. Emigrimi është shumë i vështirë, pasi mungojnë miqtë, familjarët mungojnë shumë gjëra. Ndërsa këtu je afër me familjen dhe punon së bashku me ta”, shprehet bletërritësi, Edison Qesargjoni.

Qesargjoni ndodhet në zonën poshtë malit të Karaburunit, aty ku kujdesej për kosheret e bletëve me tymuesen në dorë.

“Unë këtu primare kam bletarinë që e kam trashëguar nga babai dhe shkoj çdo ditë në zonën ku ndodhen kosheret, po ashtu dhe punë të tjera që ka familja me bujqësinë. Kemi rreth 240 koshere me bletë si familje, në Karaburun dhe në zonën e fshatit të Dhërmiut, por kemi dhe probleme”, shprehet 28-vjeçari, “mungesën e tregut të shitjes së mjaltit apo dhe prodhimeve të tjera bujqësore, po ashtu mungesa e subvecioneve”, thotë ai.

Edisoni ka nisur dhe universitetin. Ai u bën thirrje dhe bashkëmoshatarëve të tij që nëse u jepet mundësia të kthehen në vendlindje.


/ Top Channel

https://gazeta-shqip.com/interesi-pu...alte-ne-dukat/