Vesa Luma

[Davius]

Për herë të parë në skenën shqiptare do të shfaqej si "etheiste". Atëherë kur pasioni i hershëm për këngën e nxiste të konkurronte mes shumë zërave rinorë. Vesa Luma, tashmë e njohur si këngëtare, kthehet sërish. Por këtë radhë në rolin e prezantueses të vitit jubile të Festivalit të Këngës në RTSH. Së bashku me aktoren Ermela Teli, në krah të Adi Krastës, do të jenë ikonat e këtij edicioni. Shprehet e entuziazmuar për këtë eksperiencë të re që e ka pranuar pa e bërë dysh. Ndërkohë që vazhdon të kujdeset për imazhin e saj si këngëtare. Vetëm pak kohë më parë është prezantuar me një këngë që goditi mirë te publiku dhe po punon për albumin e saj të parë. Vesa Luma po provon njëkohësisht këngën, prezantimin dhe gazetarinë. Ndonëse diku më e sigurt dhe diku me më shumë punë, ajo kërkon rrugën e suksesit.

Ju do të ngjiteni në sallën e Pallatit të Kongreseve si prezantuese e edicionit të 45-të të festivalit. Si po e përjetoni këtë eksperiencë?
Së pari, është privilegj të jem në krah të Adi Krastës dhe të punoj me njerëz si Pali Kuke. Po ashtu, Ermelën e kam një partnere shumë të mirë dhe të gjitha këto më ndihmojnë ta përballoj më lehtë këtë. Është hera e parë që marr pjesë si prezantuese në Shqipëri. Ndonëse në Kosovë kam prezantuar disa herë, ky është një festival i madh dhe duke e ditur që e ndjekin me mijëra shikues, natyrisht që ndjehem shumë mirë.

Si e pritët ftesën e organizatorëve?
Ishte një befasi kur më thanë, por pranova menjëherë. Të prezantoja një festival të madh, e kam menduar si një përvojë shumë të mirë dhe nuk kisha pse të mendohesha dy herë. Unë e çmoj shumë bashkëpunimin me Adi Krastën. Ai ka ndenjur kaq gjatë në skenë, është profesionist dhe prezantuesi më i mirë, kështu që unë po mundohem "të vjedh" pak nga ai. Shpresoj shumë që në të ardhmen të vazhdoj hapat e Krastës.

Për herë të parë në Shqipëri jeni prezantuar në skenën e Etheve. Që nga kjo kohë duket se gjërat kanë ecur për mirë...
Shqipëria po m'i hap rrugët sa herë që kam ardhur këtu. Ethet ishin ato që më zbuluan dhe bashkëpunimi me organizatorët po vazhdon. Zoti ndoshta më ka dhënë talentin, por këtu kam pasur mundësi ta përdor dhe ta përsos atë.

Sa kanë ndryshuar gjërat që nga ai moment?
Tani jam më e sigurt dhe me më shumë besim te vetja. Koha bën të vetën dhe paraqitjet e shpeshta në skenë më kanë bërë të ndjehem më e sigurt.

Do të këndoni ndonjë këngë gjatë netëve të festivalit?
Edhe ndoshta. Nuk dua të zbuloj shumë.

Një element i veçantë i skenës është edhe looku. Si do të paraqitet Vesa?
Fustani do të jetë stiluar nga Rezarta Skifteri. Do të jenë veshje gala, ashtu siç i takon një festivali të madh.

Për publikun, përveçse si prezantuese, jeni e suksesshme si këngëtare. Ku e ndjeni më të fortë veten?
Më e fortë ndoshta ndjehem si këngëtare. Këngën e kam nisur që në moshën 5-vjeçare. Për mua është pasion dhe vjen në mënyrë të vetvetishme. Ndërsa të prezantuarit për mua është profesion dhe kam pak vështirësi. Por po punoj që të dal sa më mirë dhe që të prezantuarit të më kthehet në një dëshirë të vetvetishme.

Pak kohë më parë jeni shfaqur me një këngë që u prit mirë nga publiku. Aktualisht po merreni me ndonjë projekt tjetër?
Jam duke punuar intensivisht për albumin tim të parë që do të dalë së shpejti. Mendoj se në fillim të vitit të ardhshëm do jetë në treg. Për realizimin e tij po punoj me kompozitorë të ndryshëm nga Shqipëria dhe Kosova.

Si e keni menduar këtë album të parë, çfarë këngësh do të përmbajë dhe ku do të realizohen videoklipet?
Do të ketë rreth 10 këngë që do të variojnë nga muzika ritmike, balada, por edhe zhanre të tjera, ndërsa videoklipet do të xhirohen në Kosovë.

Përpara se t'ju bënin ofertën për të qenë prezantuese, nuk e kishit menduar që të ishit konkurrente në Festivalin e Këngës?
Për momentin nuk kam menduar të jem konkurrente në asnjë festival, sepse nuk kam qenë gati. Po merrem me realizimin e albumit dhe kam dëshirë që kur ta fillojë një punë ta marr seriozisht. Nëse do të kisha ardhur në festival si konkurrente, ndoshta nuk do të kisha dalë si duhet, sepse do të isha e shqetësuar nga ideja për të mbaruar albumin.

Ku e shihni veten në tregun muzikor kosovar?
Mendoj që do t'ia dal. Ndonëse tani ka shumë shije muzikore, përpiqem që të gjej një mesatare të asaj që pëlqehet nga publiku. Tani në Kosovë pëlqehet një zhanër që unë ndoshta nuk e pëlqej, por nuk do ta tradhtoj publikun tim me atë lloj zhanri. Secili ka publikun e tij dhe unë do mundohem t'i afrohem shijeve të tij.

[Davius]

Ja edhe videospotii kenges "Jemi dhe s'jemi" nga Vesa Luma

[youtube]8QXHRQq-ILY[/youtube]

[RaPSouL]

Ja edhe nje foto nga Vesa Luma

[ridy85]

Kenga "Jemi dhe s'jemi" esht me te vertet e bukur

[no name]

Vesa Luma me pelqen si Kengetare oshte shum e mir

[selina_21]

Vesa Luma !!!! Ka zene e bukur & eshte si Shpirt

[no name]

/me Degjon kengen 'A i doje puthjet e mija' ene iken ne gjum
Puc buxen ksaj siper muve qe e kam Yll/Bote

[Studenti 2006]

Amon kur flisni per Vesen, tani eshte bo si gru, kur ishte tek ethet ishte si rrushhhhhhh.

[Brari]

cka e ka kjo vesa ernest Lumen?

[RaPSouL]

Eshte nje kengetare fantastike dhe e pelqej shume kengen e saj i deshiroj suksese ne te ardhmen

[havaja]

Nese e degjon vetem muziken ne fillim me shume ke pershtypjen se do te degjosh nje kenge turqisht sesa shqip!! Kete e bejne shume kengetare per te pasur me shume sukses kenget e tyre,e mandej te njejtit kritikojne muziken shund e kiq qe pak me shume ngjane ne shqipe sesa kjo kenge qe eshte muzike krejtesisht turke!!

[Bledari]

Davius flm lal shum kenge e bukur dhe vidjo e bukur e Vesa Luma e kam kerkuar shum here per ta pare dhe me ne fund e pashe dhe nje her flm mik.

[KUSi]

eshte nje kengetare e shkelqyer me nje ze shume te lezetshem , plus qe eshte kengetare eshte edhe nje udheheqese shume e mire

[Tironsja]

Bravo Vesa vertet suksese.
Vesa kendon shume bukur sidomos te kjo kenga dhe eshte shume e embel dhe lozonjare.

shume bukur urime.

[Davius]

Mbas eksperiencës si këngëtare, tani eksperimenton edhe me prezantimin Vesa, dialekt kosovar në skenën e festivalit

Eshtë ngjitur në skenën e festivalit të 45-të të Këngës në Radiotelevizion, pa u përpjekur aspak të ndryshojë diçka nga dialekti i saj kosovar. Vesa Luma, vajza që u bë e njohur për publikun shqiptar në spektaklin televiziv “Ethet...” vjen tashmë në Tiranë si prezantuese dhe jo si këngëtare, për të qenë në krah të pedagogut të saj, Adi Krasta dhe aktores Ermela Teli. Ka qenë një ftesë e regjisorit Pali Kuke, të cilën Vesa e ka pranuar pa u menduar gjatë, nisur nga fakti që festivali është një eveniment vërtet i rëndësishëm dhe për më tepër për të ishte shumë i çmueshëm fakti që do të ishte bashkëprezantuese me Krastën”. “E kam pranuar pa asnjë hezitim ftesën e papritur të Pali Kukes për të qenë prezantuesja e festivalit, tregon Vesa. Eshtë shumë i çmueshëm fakti që prezantoj së bashku me Krastën, një njeri që kaq gjatë vazhdon të jetë në skenë. Po përfitoj nga rasti të vjedh diçka nga ky bashkëpunim dhe pse jo të vazhdoj me hapat e Krastës”.

E lidhur me këngën që në moshën 5-vjeçare, studentja e vitit të tretë Gazetari synon të gjejë një të mesme ideale, mes pasionit të saj, që është muzika dhe profesionit si gazetare, të cilin vazhdon ta ushtrojë në televizionin e Kosovës. “Më e fortë mund të them se ndjehem si këngëtare, sepse këngën e kam pasur që në moshën 5-vjeçare, e kam si të shpirtit, kurse gazetaria është profesioni im. Muzika më vjen vetë dhe po punoj, që edhe prezantimi të më vijë vetë”. E ndërsa është e hapur të flasë për punën si gazetare, pasionin për muzikën, ecurinë e albumit të saj të parë, që pritet të jetë në treg në fillim të vitit të ardhshëm, Vesa duket shumë fanatike në drejtim të jetës së saj private. “E ruaj me shumë xhelozi jetën time private dhe për asnjë arsye nuk dua ta bëj publike”, tregon.

[Blue_sky]

Vesa?Heum,le te trajtojme ndonje subject tjeter se po vazhduam me kete do me duhet te them qe ajo:
1.Duket si femer me nje qerre kalamaj.Totalisht e shperlare.
2.S'di te flase shqip.
3.Teper e ngathet per te prezantuar.
4.Ajo s'di te kendoje.
...
(do kisha akoma por po i kursej per nje here tjeter)

[goldian]

per prezantuese festivali nuk eshte

[ClaY_MorE]

Videoklipi shume origjinal, i uroj suksese pasi vertet e meriton.

[MiLaNiStE]

Kenga yll
videoklipi mo yll

e kam qef ket biles ka edhe nje keng tjeter " te kam dashur shum" gjithashtu edhe ajo sh e bukur

ja edhe nje foto tjeter

[dardani8]

Pershendetje

Kenga e Vesa Lumes Jemi dhe Sjemi, melodia eshte e vjedhur nga Greqishtja per Tekstin nuk e di se nuk e njof Greqishten.
por ajo melodija me sa e di une eshte nje valle greke, nese nuk gaboj.