Fillon Kreshma e Madhe

[isidor]

Kreshma e madhe, udhëtim me destinacion Pashkën


Kreshma është një udhëtim shpirtëror, ku destinacioni i saj është Pashka, jeta e re, e cila për më shumë se 2000 vjet më parë ndriçoi nga varri, dhe na u dha neve, të gjithëve, që besojmë në Krishtin. Vdekja dhe Ngjallja e Krishtit na ka siguruar “kalimin” për në mbretërinë e Perëndisë. Pashka Judaike gjeti plotësimin e saj në Krishtin. Krishti, Qengji i Pashkës u flijua për ne. Nëpërmjet vdekjes së Tij, Krishti ndryshon natyrën e vet vdekjes, e bëri atë një rrugë, - një Kalim - një Pashkë, - për në mbretërinë e Perëndisë, duke transformuar tragjedinë e tragjedive në fitore përfundimtare. Prandaj në Pashkë kremtojmë Ngjalljen e Krishtit si diçka që ndodhi tek të gjithë njerëzit dhe te secili prej nesh (në pagëzim) dhe ende ndodh.
Pagëzimi është Pashka jonë personale. Pagëzimi është misteri i rigjenerimit, rikrijimit, dhe Pentikostia personale e njeriut, integrimi i tij në komunitetin e popullit të Perëndisë, kalimi nga jeta e vjetër në të renë dhe së fundi Epifania (shfaqja) e mbretërisë së Perëndisë.
Tradita liturgjike e Kishës, i gjithë cikli adhurues dhe shërbesat e saj, janë për të na ndihmuar të zbulojmë e të përjetojmë vizionin dhe shijen e kësaj jete të re, të cilën kaq lehtë e humbim dhe e braktisim, që të pendohemi dhe të kthehemi sërish në të. Adhurimi i Kishës, ishte që nga fillimi dhe është ende, hyrja jonë në komunikim (kungim) me jetën e re të mbretërisë. Nëpërmjet jetës liturgjike Kisha na paraqet diçka “që veshi s’e ka dëgjuar, syri s’e ka parë, dhe që ende nuk ka hyrë në zemrën e njeriut, atë që Zoti ka përgatitur për ata që e duan Atë”. Pashka qëndron në zemër dhe në qendër të jetës adhuruese të Kishës Orthodhokse.
Kreshma e Madhe është në të vërtetë shkollë pendimi, të cilën çdo i krishterë duhet ta ndjekë çdo vit që të thellohet në besim, të rivlerësojë, dhe nëse është e mundur të ndryshojë jetën e tij. Është një pelegrinazh i mrekullueshëm nëpër burimet e besimit orthodhoks - rizbulimi i mënyrës orthodhokse të jetës. Pendimi në të cilin na fton Kisha gjatë Kreshmës së Madhe është një kthim në gjendjen e vërtetë të gjërave, rivendosja e këndvështrimit të duhur.
Kremtimi i përvitshëm i Pashkës është kthimi ynë çdo vit te Pagëzimi dhe te kremtimi i tij, ndërsa Kreshma është përgatitja jonë për këtë kthim dhe ripërtëritje. Përpjekja e përditshme dhe e vazhdueshme bëhet për të kryer, në fund të fundit, kalimin ose pashkën tonë në jetën e re në Krishtin.
Kisha mirëpret Kreshmën e Madhe me shpirtin e ngazëllimit. Ajo mirëpret kohën e pendimit me shpresën dhe entuziazmin e një fëmije që hyn në një përvojë të re dhe të mrekullueshme. Tingulli i shërbesave të Kishës është nga më të shkëlqyerit. Fjalët janë një thirrje e mprehtë për një përpjekje shpirtërore, ftesë për ngritje shpirtërore, ftesë për vepra heroike shpirtërore. Nuk ka asgjë të zymtë, asgjë të errët ose me keqardhje, asgjë me ankthe ose sentimentale. Fryma e Kreshmës në Kishë është dritëprurëse dhe e admirueshme. Kisha ngazëllon me ata që përgatiten “për të luftuar luftën e mirë” për Atë që i do dhe ka dhënë veten e Tij për ta dhe për shpëtimin e tyre.
Periudha e Kreshmës dëshmon për gjërat që na ka dhënë Perëndia ynë, Krishti i kryqëzuar, për shpëtimin e shpirtrave tanë. Fatkeqësisht disa e keqkuptojnë dhe ia mohojnë vlerat e saj si një gjë e mbetur prej shekujsh.
Periudha e Kreshmës mirëpritet nga të krishterët në Kishë, jo si koha e agonisë vetndëshkuese ose terapisë vetpërparuese. Ajo pritet si një periudhë e shenjtë, e përkushtuar në korrigjimin, pastrimin dhe ndriçimin e tërë personit nëpërmjet zbatimit të porosive të Zotit të kryqëzuar. Merret si kohë për betejë me frymërat e liga dhe lulëzim me frytet e Shpirtit të Shenjtë: dashuri, gëzim, paqe, zemërgjerësi, ëmbëlsi, mirësi, besnikëri, butësi dhe vetëpërmbajtje. “40 ditë të Kreshmës së Madhe” veçohen për përkushtim të plotë dhe absolut në gjërat e Zotit. Është “një e dhjeta e vitit” e cila na tregon që e gjithë koha dhe stinët i përkasin Zotit, i cili ka krijuar dhe shpenguar botën.
Ja si e përshkruan një lutje e Kishës këtë periudhë:


O Zot i tërëfuqishëm, që krijove me urtësi tërë krijesën,
që me përkujdesjen tënde të patreguar dhe me mirësinë e pasur
na bëre të arrijmë këto ditë të shenjta,
për të pastruar shpirtrat dhe trupat,
për të frenuar pasionet,
për shpresën në ngjalljen;
që, në dyzet ditë, i dorëzove shërbëtorit tënd Moisi rrasat
e shkruara me shkronjat hyjnore,
falna dhe neve, o i Mirë,
që ndeshjen e bukur ta kryejmë mirë,
të kalojmë udhën e kreshmës,
të ruajmë besën të pandarë,
të dërrmojmë kryet e dragonjve të padukshëm,
të tregohemi mundës të mëkatit,
dhe të arrijmë t’i falemi Ngjalljes së shenjtë pa dënim.



Dyert e pendimit hyjnor janë hapur
Le të hyjmë me zell, duke pastruar trupat tanë,
Duke zbatuar maturinë ndaj ushqimeve dhe pasioneve në bindje ndaj Krishtit,
i cili ka thirrur gjithë botën në mbretërinë e tij qiellore.
Duke i ofruar Zotit të të gjithave këtë të dhjetë të vitit,
Që duke kaluar nëpërmjet Kreshmës si nëpër një det të madh
Të arrijmë Ngjalljen e triditshme të Zotit tonë Jisu Krisht, shpëtimtari i shpirtrave tanë. Amin



Përgatiti: Ana Baba

[Albmaster]

Nje info...Kur bien pashket ortodokse kete vit...zakonisht orientohem pas pashkes katolike gati nje max 2 jave me pas. Por kete vit kur mund te bien na kalendar ?

Albmaster

[sleep]

Mund te mesoni me shume mbi Kreshmen e Madhe ne kete teme:

Albo
__________________________________________________ __________________
Me gjith rrespektin qe kam per ty kam nje vrejtje per ty: Pse vetem per fene katolike apo vetem per fene ortodokse shkruan tema ti? d.m.th nuk ben shkrime.
__________________________________________________ ___________________
red_dragon

[arbereshi_niko]

nje ose dy jave pas ...???


U vendos ne vitin 325 ne Koncilin e Nikeas ku solemnisht u pranua teorema; “ e diela e pare qe bie pas plenilunios ( hena e plote )pernjeherehe pas ekuinokut te pranveres “. Duke u bazuar me meridianin e Jeruzalemit.
Ekuinoku i pranveres eshte pak a shume afer 21 marsit, pra Pashka i bie te jete nga data 22 mars deri me 25 prill, meqenese cikli lunar ( hena ) eshte 29 ditesh.

Viti - 2009 -
Pashka katolike eshte me 12 prill

Pashka orthodhokse eshte me 19 prill

Por sa thashe me lart, nuk vlen per te dyja, pasi orthodhokset perdorin si rregull kalendarin e vjeter, ate te Jul Cezarit, ku edhe si rrezultat datat nuk jane te njejta, por qe ndodh qe te jene si psh, ne 2004 dhe 2007, ku ishin ne te njejten date.
Eshte fakt qe perveç llogaritjeve me kalendare te ndryshem ( Julian-Gregorian ), orthodhokset kurresesi nuk festojne Pashken ne nje kohe ose perpara Pashkes Hebraike, pra perveç llogaritjeve te mesiperme, duhet te mbahet parasysh edhe ky fakt, pasi Yne Zot Krishti, ishte mes nesh si njeri dhe mori pjse ne festen Hebaraike te Pashkes…, pra me te drejte, ska se si, ne sot te festojme perpara ose pergjate asaj hebraike.
Per orthodhokset eshte festa me e madhe e tere vitit, eshte festa e festive.

[Albo]

__________________________________________________ __________________
Me gjith rrespektin qe kam per ty kam nje vrejtje per ty: Pse vetem per fene katolike apo vetem per fene ortodokse shkruan tema ti? d.m.th nuk ben shkrime.
__________________________________________________ ___________________

Une nuk shkruaj as ne forumin mysliman, as ne forumin katolik, as ne forumin protestant, as ne forumin e ateisteve. Shkruaj vetem ne forumin orthodhoks. Arsyeja eshte e thjeshte: sepse jam besimtar orthodhoks.

Provoje dhe ti te shkruash ne forumin e besimit qe i perket, se i ben nje nder edhe vetes duke mesuar me shume mbi besimin tend, u ben nje nder edhe anetareve te besimeve te tjera duke mos i futur hundet atje ku nuk te takon ne diskutimet e tyre.

Gjithe te mirat!
Albo

[arbereshi_niko]

Kreshma e madhe eshte meditim, eshte astenim total, eshte agjerim, eshte pergatitje per Diten e Pashkes se Madhe, por me kryesorja eshte Lutje dhe lutje me gezim.

[arbereshi_niko]

Kompaskin – Rruazat e lutjes ne Kishen Orthodhokse.


Fonti; siti i Kishes Orthodhokse – Patriarkati i Moskes – Torino .

Ngjajne me tespiet e myslimaneve ose me rozarion e katolikeve, por qe jane te bera nga nyje prej leshi ose prej sholle ( elemente keto qe favorizojne lutjen ne qetesi te plote ).
Ka disa lloje gjatesish, kordhelet ( nga fjala korde ) qe perdoret nder arbereshe ende sot, ose rruazat ne fjale ( ndryshe te quajtura kompaskin ), me te hershmet qe jane gjendur i takojne shek IV, ne Egjipt ku kishin 100-300 nyje. Sot hasim shpesh kompaskin ( korda ) me nga 33 nyje ( ku mbahen ne puls ), por edhe me 50-100 nyje. Modeli rus me 103 nyje ( e bazuar ne “shkallen e lutjeve” antike, te bera ne sholle , qe vazhdojne te jene ne perdorim nder orthodhoks ruse te ritit antik ), ka nyjet e ndara ne kater grupe, nga 17,33,40 ose edhe nga 12;
Te gjitha keto grupime kujtojne figura biblike ( ungjiloret, Apostujt, Profetet,etj ) dhe gjithashtu momente nga jeta e Krishtit.
Kompaskin eshte perdorur nga murgjerit orthodhoks dhe eshte ne perdorim te gjere nder ata qe duan te perjetojne lutjet ne menyre intensive .
Ne pergjithesi, ç’do murgu o murgeshe, ne ceremonine e shugurimit, i dhurohet nje korde lutjesh, kompaskin, kjo si per te rikujtuar detyren kryesore te jetes murgjerore, ate te lutjes pa nderprerje.
Simbas rregullave qe ne kohen e Shen Pakomit te Madh ( shek. IV ), ç’do murg duhet te beje nje numer perkuljesh te shoqeruara nga Lutja e Krishtit ( O Zoti Jisu Krishti, Biri i Perendise, meshirome mua mekatarin), ku korda e lutjes, per natyre te saja, eshte menyra me e lehte per te mbajtur numerin e lutjeve.
Lutja e Krishtit mund te zevendesoje leximin e Psallteve o Psallmet ( 100 lutje per ç’do histori te Psallterit dhe 300 per ç’do Katizma ); ku i gjithe libri i Psallmeve korrispondon ne 6000 lutje. Ne rast nevoje te veçante, rregullorja murgjerore lejon qe me ane te Lutjes se Krishtit mund te zevendesohen edhe te gjitha pjeset e tjera te spiritualitetit te perditeshem. Nje praktike e tille e ndjekur nga murgjerit ( e pershkrojtur ne te fameshmet “Tregimet e nje pelegrini rus” , eshte receta e Lutjes se Krishtit deri ne 12.000 here ne dite, deri sa lutja behet aktive per “hesap te saje”, ku murgu jeton dite e nate ne gjendje lutje te panderprere.
Perdorimi i kordes se lutjes, kompaskin, eshte nje ndihme e madhe siprituale, ku nepermjet saj, ben qe te krishteret te perqendrohen ne lutjet e tyre, derisa, si na ka premtuar Zoti ( Joan 7,37 ), lumenj me uje te gjalle do te vershojne brenda nesh.
Kompaskini i lutjeve e shoqeruar nga nje numer i caktuar lutjesh, eshte shume e rendesishme per ata qe deshirojne te luten vetem, ku per te evituar rrezikun e renies ne vetezhgenjim; - shpesh pas nje moment te shkurter lutjeje, nje sensacion iluzor i nje mireqenie ben qe te ndalohet praktika e lutjes ne shume prinçipiant (fillestare ), te sigurte qe keshtu i kane arritur frytet e paqes shpirterore.
Nuk duhet te kemi frike ( si disa qe besojne gabimisht ) qe praktika e Lutjes se Krishtit, eshte nje fakt mekanik. Pra ç’do lutje me ose pa korden, mund te kthehet ne mekanike nese kush i kryen, nuk perqendrohet me perulje dhe perkushtim.
Formula me e perdorur me kompaskin ( korden )eshte Lutja e Krishtit, - “Zoti Jusu Krisht, Biri i Perendise, ki meshire per mua mekatarin, por qe po e njejta formule mund te perdoret per nje grup njerezish ose per persona te veçante qe lutemi. Ne keto raste, nuk perdoret fjala “mekatar”, pasi si te krishtere, na eshte urdheruar qe te konsiderojme vetem mekatet personale, jo ato te te tjereve.
Mund te perdoret gjithashtu kompaskin edhe per te kerkuar ndihmen dhe mbrojtjen e Tereshenjtes Virgjereshe, Shenjteve, Kryqit te Nderuar, Engjellit mbrojtes dhe engjejve te tjere. Ne keto raste perdoren te njejtat lutje qe perdorim ne Kishe.

[Matrix]

Shtate jave para dites se Pashkes se Madhe (kete vit ne 04-Prill-2010) fillon periudha e Kreshmeve te Medha (kete vit ne 15-Shkurt-2010), nje periudhe agjerimi dhe reflektimesh per cdo besimtar orthodhoks. Kjo periudhe ka ne qender bashke-udhetimin me Krishtin per ne Kryq dhe Ringjallje.Gjate kesa kohe, mire eshte qe temat ne nen-forumin orthodhoks te pasqyrojne sa me mire frymen e perulesise dhe reflektimit qe karakterizon kete periudhe.

Artikulli i meposhtem eshte marre nga faqja zyrtare e KOASH:

www.orthodoxalbania.org


Shërbesat gjatë Kreshmës


Shërbesat ditore gjatë Kreshmës karakterizohen nga melodi të veçanta kreshmore të një karakteri pendimtar. Dyert e Bukura mbahen të mbyllura, për të treguar ndarjen e njeriut prej Mbretërisë së Perëndisë nga shkaku i mëkatit. Veshjet e Kishës janë të errëta, zakonisht në ngjyrë vjollcë. Gjithashtu edhe troparet ditorë kanë një karakter lutës, duke i kërkuar Perëndisë, me ndërmjetimet e shenjtorëve, të na mëshirojë ne mëkatarët.


Në Shërbesën e Mëngjesit Aliluiat e gjata zëvëndësojnë psalmin Perëndia është Zoti... Psalmodia është e zgjeruar. Himnologjia i referohet përpjekjeve kreshmore. Në Mbrëmësoret, kemi si shtesë lexime të Shkrimit të Shenjtë prej Gjenezës dhe Fjalëve të Urta dhe në Shërbesën e Orës së Gjashtë prej Profetit Isaia. Këndimet e Apostullit dhe Ungjillit nuk bëhen, meqenëse nuk bëhen Mesha Hyjnore.


Gjatë gjithë Kreshmës, në të gjitha shërbesat thuhet Lutja e Shën Efrem Sirianit. Në këtë lutje i kërkohen Perëndisë veçanërisht ato virtyte, të cilat janë të nevojshme për jetën e krishterë.


Zot dhe Mjeshtër i jetës sime, mos më jep frymë përtese, kureshtie, lavdidashje dhe kotësie.


Po falmë frymë urtësie, përunjësie, durimi dhe dashurie.


Vlerësomë, o Zot dhe Mbret, t’i shoh fajet e mia dhe të mos e gjykoj tim vëlla. Se i bekuar je në jetë të jetëve, Amin.


Shërbesa e Mbrëmësores që fillon periudhën e Kreshmës, quhet Mbrëmësorja e Faljes. Të krishterët në këtë shërbesë, i kërkojnë falje njëri-tjetrit për çdo faj të bërë me dashje apo pa dashje. Në shërbesat e Pasdarkës të javës së parë të kreshmës këndohet Kanoni i Shën Andreas së Kretës. Ky përbëhet nga disa seri vargjesh pendimtarë, të bazuar në temat biblike. Secilit varg populli i përgjigjet: Mëshiromë o Perëndi, mëshiromë. Ky kanon përsëritet në Mëngjesoren e së Enjtes të Javës së Pestë. Gjatë pesë javëve të para të Kreshmës, të premten në mbrëmje këndohet Himni Akathist, në nderim të Hyjlindëses.


E Shtuna e parë e Kreshmës së Madhe i kushtohet kujtimit të Shën Theodhor Tironit. E dyta, e treta dhe e katërta quhen Të Shtunat e Shpirtrave, meqenëse i janë kushtuar kujtimit të të vdekurve. Mesha Hyjnore e të Shtunës së Pestë bëhet për nderim të Hyjlindëses.


Gjatë të Shtunave të Shpirtrave himnet liturgjike luten universalisht për gjithë të fjeturit dhe gjatë Mëngjesoreve për të vdekurit, të quajtura parastasis ose panikida, të vdekurit përmenden me emra. Në Meshën Hyjnore janë shtuar litani dhe lutje dhe këndimet nga Shkrimi i Shenjtë iu referohen të vdekurve dhe shpëtimit të tyre prej Krishtit.


Dita e shtunë, edhe gjatë përiudhës jokreshmore, është dita për kujtimin e të vdekurve. Kjo, sepse e Shtuna, Dita e Sabatit, është dita kur Perëndia bekoi për jetën në këtë botë. Por, për shkak të mëkatit, kjo ditë tani simbolizon të gjithë jetën tokësore, të përmbushur natyralisht në vdekjen. Madje edhe Krishti, Zoti, u shtri i vdekur në Ditën e Sabatit, "duke pushuar nga të gjitha veprat e tij" dhe "duke shkelur vdekjen me vdekje". Kështu, në Kishën e Krishtit të Dhiatës së Re, e Shtuna u bë dita për kujtimin e të vdekurve dhe për t’u lutur për shpëtimin e tyre të përjetshëm.

[Rroni01]

Urimet me te perzemerta te gjithe besimtareve te Krishtere fillimin e Kreshmeve dhe Pervujteria dhe Shenjteria qofshin gjithmone qellimi dhe realizimi i Lumturise te jetes Tuaj.
Urime Urime.

[Rroni01]

Ka filluar te henen me 19 shkurt 2007 Kreshma e Madhe per gjithe te krishteret orthodhokse ne bote. Kreshma do te zgjasi deri diten e pashkes, 8 prill 2007.

Kreshmim te lehte.
Albo

Jo vetem per te krishteret orthodhokse... por edhe per ata katolike dhe krishtere ne pergjithesi.
Urime