Olldashi apo Rama?

[bebushja]

vagabondo_nyc, nese je ne NYC je vertet per te te qare hallin.
Nese nuk je me ne NYC duhet te jesh injorant sa te mos shikosh realitetin se cfare po behet.

Kalofsh mire e shko voto per Edi Ramen sepse ai e beri Tiranen Kryeqytet. Sa per info per Elbasanin flasim pasi te behet rruga Elbasan-Tirane.

po ti cke mo lal qe ju kundervihesh te gjithve???????????
ti fol mendimin tend .mos bej si ne parlament ketu qe u kundervihesh te gjithve
apo ke inot se do fitoj EDI pa diskutim(lol)

[ClaY_MorE]

Nuk po u kundervihem te gjitheve jo, thjesht meqe kishte replikuar mendimin tim me dukej e arsyeshme te vetembrohesha.

[RaPSouL]

Edvin Rama Per Muve

[Forumisti]

ashtu e lem ..
deri sa ta bej rrugen elbasan tiran ngjeqari te mos flasim per elbasanin
e keni degjuar xhevon
kte robin e merrte cani me tall ****** cdo te premte te zone e lire
berisha u mashtru kujtoj se ishte shkencetar ky robi dhe sa erdhi ne pushtet para nja nje viti i dha me koncesion rrugen tirane elbasan
ky deliranti xhevo ngjeqari thot se eshte duke ber projektet ala
keshtu qe do presesh ca clay no more
deri ateher tung dhe shhhhhhhhhhhhhtttt per elbasanin

[ClaY_MorE]

Jemi ketu per te biseduar rreth Rames dhe Olldashit apo Tiranes dhe Elbasanit ?

Nese doni qe tema te qendroje e hapur mos kaloni jashte teme.

[miki_al2001]

pa diskutim olldashi.ska me qeverine ne dore ps te vjedhi votat sic beri ne zgjedhjet paraprake.edvini humbi dhe ne zgjedhjet e fundit por vodhi votat si lane te votojne nje pjese te tiransve qe i dinin se jane me pd.ne tirane do fitoje pd as qe diskutohet.vetem zgjedhjet e para i fitoi me merite edvini se pastaj e pa populli se cju beri.paska rregullu tiranen ai.ai vetem ka vjedh dhe asgje te hajrit ska bere.

[kolombi]

Hipokriti Ed,kohe me pare gjendej ne Peze e trumpetonte me Paskalin me shoke te rehabilitojne figuren e nxire te Enver Hoxhes.
Uroj nese fiton nje tjeter mandat ne Tirane ,ti nxjerri,daltat e ndryshkura e tu beje nje bust te ri te Enverit ne qender te qytetit.

Ed Rama nuk eshte gje tjeter vec nje klloun ne cirkun socialist,me sfond nostalgjine per vitet e diktatures te haremeve komuniste.


Ruana o Zot,nga kolera...........................

[2043]

Edvini eshte tip karizmatik, por mua me kujton Filmimet e Hitlerit e te Duces sa here del ne Tv. Nuk besoj se fiton me ne Tr. Ndoshta ne Ballsh a ne Gramsh mundet.Ata qe banojne ne Tr e dine mire se si punon Edvini. E la Tr nje vit e gjys pa vene dore gjekundi dhe tani ne prag zgjedhjesh e beri kantjer ndertimi . E ka bere Tr balte ne te kater anet. Kush i ha me keto lodra. Edvinit i ka mbetur ora te teatri i kukullave. Djali i perkedhelur i beniaminit te Enverit nuk mund te mos shikoje prapa, por ne duam te shohim perpara dhe kete do ta bejme me njerez te tjere, qofte ky Olldashi apo kushdo tjeter.
Olldashi fiton jo sepse eshte me i zoti se Rama, por sepse njerezit u lodhen me Ramen dhe nuk e besojne me.

[DiGiTeX]

Kur nuk dini se nga kush eshte bere Tirana mos beni si eksperta.

Lumin e Lanes e ka bere Koco Kokedhima kshu qe Edi Rama ska asnje merite per te, Per ke ka merite ai aman per ato pallate lara lara apo .....?

Clay me me then te drejten nqs se dine ata qe jane dem baba dem tironsa nuk munde ta dishe ti.Pastaja nqs arin dhe gjykon ti Edi ramen atere politika ka mare funde

ciao te pershendes !

[DYDRINAS]

Beteja e parë, e vërtetë e Edi Ramës



Armand Shkullaku



Kryetari i Partisë Socialiste, Edi Rama, do të ketë përballë tij në sfidën e tretë për të rimarrë Tiranën, Sokol Olldashin, një politikan i ri, me një karrierë të shpejtë, por të suksesshme dhe vazhdimisht në ngjitje. Shqetësimi i kryebashkiakut aktual për të njohur kundërshtarin e tij duket se ka marrë fund. Edhe strategjia e sulmeve të tij tani do ta ketë shënjestrën e qartë. Por, a merr fund këtu ankthi i Edi Ramës dhe a ndihet ai i qetë në prag të garës së janarit për t’i përqëndruar të gjitha forcat kundër sfidantit Olldashi? Vështirë të thuhet po. Jo se Rama është një politikan, te i cili ankthi është një bashkudhëtar i përhershëm, por sepse këtë herë pozicioni i tij është më delikat se kurrë.

Për herë të parë, Edi Rama i hyn një gare me një rival të tij të krahut tjetër, pa qenë pjesë e një force politike në pushtet e për rrjedhojë, pa mbështetjen e qeverisë, strukturave të shtetit, një pjese të mediave e beneficeve të tjera, që për vende si Shqipëria kanë ndikim jo të vogël. Akuzat dhe sulmet që do vijnë duke u ashpërsuar me afrimin e fushatës, Rama nuk mund t’i kalojë më me batuta të tipit “Olldelja”, por do t’i duhet të ndeshet me një kundërshtar që këtë herë nuk ka në dorë vetëm fjalën në parlament, por shumë më tepër. Në Shqipëri, rëndom nuk mungojnë ata, që nga frika e pushtetit heshtin, apo nga servilizmi ndaj tij flasin dhe shumë çështje të konsideruara të mbyllura ndaj kryebashkiakut mund të rihapen. Nëse njerëz të tillë, që shfaqen sa herë nuhasin se pushteti mund të ndërrojë, mund të mos i rrezikojnë votat, e detyrojnë gjithsesi Edi Ramën që në këtë fushatë të tregohet shumë më i kujdesshëm, larg euforisë së dy fushatave të mëparshme. Ai nuk do të ketë përballë vetëm Olldashin, por të gjitha antenat e pushtetit që do të hetojnë ta zënë në gabim.

Ankthi i Ramës nuk mund të gjejë prehje edhe për faktin se këtë herë ai nuk është më ai politikani trendy që bënte fushatë me videoklipe, një personazh ekstravagant, që ndonëse konkurronte për një forcë politike, sillej dhe vepronte si një mendje e pavarur, që synonte të revolucionarizonte krejt politikën shqiptare. Duke arkivuar njëherë e përgjithnjë ambicien e tij prej revolucionari, këtë herë Edi Rama ka marrë përsipër fatet e Partisë Socialiste dhe gjithë të majtës shqiptare. Humbja e Tiranës do të ishte një grusht dërrmues për opozitën, e cila do të ndihej e pafuqishme për të provokuar gjashtë muaj më pas një krizë presidenciale. Me një humbje të mundshme në kryeqytet, opozita do të humbte edhe mundësinë e një lideri të ri që shpresonte ta rikthente në pushtet dhe tek i cili investoi gjithë besimin dhe mbështetjen në zgjedhjet vendore. Dhe kjo është një barrë e madhe që natyrisht peshon dhe kondicionon fushatën e Edi Ramës.

Por mbi të gjitha, beteja për Bashkinë e Tiranës është një betejë vendimtare për vetë të ardhmen e Edi Ramës në politikë. Ndryshe nga Sokol Olldashi që ka zgjedhur vetë të lërë karrigen e ministrit dhe të deputetit në emër të një sfide, Rama është i destinuar të rrezikojë postin e kryetarit të PS-së e për rrjedhojë, karrierën e tij të sapo nisur në krye të kësaj force politike, nëse në këto zgjedhje do të dilte i humbur. Ndonëse kryetar i Partisë Socialiste dhe drejtues i së majtës së bashkuar, Edi Rama gëzon një solidaritet me kusht dhe jo një mbështetje natyrale. Përkrahja ndaj tij është e kondicionuar me fitoren e zgjedhjeve lokale, ose më saktë, të Bashksië së Tiranës. Nëse dështon, braktisja do të jetë veprimi i dytë që do t’i ndodhë pas shpalljes së rezultatit. Brenda Partisë Socialiste janë të shumtë ata që nuk e pranojnë lidershipin e Ramës, por kanë zgjedhur të heshtin për të mos e çorientuar elektoratin përpara zgjedhjeve. Ndonëse Majko, Blushi, Dokle, Koçi, etj nuk po shprehin rezerva apo kritika ndaj Ramës, nuk është e vështirë për të konstatuar në anën tjetër se mungon mbështetja entusiazte, përkrahja e ngrohtë dhe rreshtimi pasionant në krah të kryetarit. Edhe aleati kryesor, Ilir Meta, i cili për hir të zgjedhjeve e harroi përkohësisht teorinë e “një pallat- një votë”, lexohet qartë se më shumë sesa përqafimin e një ideali të përbashkët, ka bërë një zgjedhje të detyruar. Për të mos harruar Fatos Nanon, i cili, nëse ka ndërmend të rikthehet në politikë, nuk do të kishte rast më të mirë për të shfrytëzuar sesa humbjen e Ramës dhe krizën, në të cilën do të binte opozita më pas. Prandaj sfida e Edi Ramës këtë herë është tepër delikate dhe ankthi i tij disafish më i madh. Atë vështirë ta shpëtojë gjë tjetër, përveç fitores. Në të kundërt, ata që sot duket sikur e mbështesin apo janë të detyruar ta përkrahin, nesër do t’i kthejnë me shpejtësi krahët, duke e treguar atë me gisht si fajtorin dhe përgjegjësin e vetëm për humbjen e zgjedhjeve.

Kjo në fakt është beteja e parë, e vërtetë e Edi Ramës. Fati i tij këtë radhë varet vetëm prej tij.

Gazeta Tema