Janulla Rapi për djalin e saj

[shqypo]

Arti Kadarese eshte dhe mbetet elitar dhe madheshtine e penes nuk ja zbeh asnje fushate e ndermarre kundra tij . Uroj se shpejti te na e nderoje Shqiperine me cmimin Nobel .

Por fakteqesisht me kte histori po spekullohet pasi kemi te bejm me dy prinder te deshperuar qe kane menduar secili sipas menyres se tij se po bejne me te miren per te marre ne mbrojtje femijen e tij . Me dhimbsen njesoj si vajza po ashtu dhe djali qe jane bere pre e ktij publiciteti.

[Brari]

nuk jan bere pre..por jan kruajtur vete..
me cpo duken bathet..

[MI CORAZON]

Ku eshte botuar intervista qe ka dhene Janulla ne TV?
Jam kurioze ta lexoj...megjithese c'ka ndodhur e di....qe atehere kur ka ndodhur.

[Brari]

ja nga gazeta shqip e morra e ta solla..

---

Familja Rrapi: Konflikti me familjen e Ismail Kadaresë

Nënë e bir flasin nga SHBA për konfliktin me familjen e shkrimtarit të njohur, në emisionin televiziv "Top Story"


Janulla dhe Renato Rrapi, nënë e bir, ishin të pranishëm mbrëmë, përmes një lidhjeje të drejtpërdrejtë satelitore nga SHBA, në emisionin televiziv "Top Story". Ata treguan versionin e tyre mbi konfliktin me familjen e shkrimtarit të njohur shqiptar, Ismail Kadare, 22 vjet më parë.


Intervista me Renato Rrapin


- E di që keni kaluar në vitet e fundit në shumë strese dhe më thonë që keni dalë nga një depresion. Shpresoj të jesh në gjendje të flasësh për historinë tënde me vajzën e Ismail Kadaresë. Familja e vajzës thotë që ju nuk keni pasur asnjë lidhje me të, përkundrazi që ju e keni shqetësuar dhe bezdisur vajzën e shkrimtarit.

Jo, jo, ne ishim komshinj dhe në fillim ishim si miq. Pastaj më vonë u kthye në dashuri. Krahas kësaj ishin ato historitë e psikiatrisë… Policia më ka çuar për ekzaminim, s‘kishte asnjë shkak.

- Përpara se të shkojmë tek Psikiatria. Çfarë mban mend ti, çfarë kujton ti nga raporti me vajzën e Ismail Kadaresë?

Qysh në fillim, sa u njohëm flisnim në telefon. Kur mbaronte shkolla flisnim tek hyrja e pallatit të saj. Atje, një hetues na kapi një herë duke folur tek hyrja e pallatit. Mua më çoi direkt në psikiatri për ekzaminim. Pastaj më vonë ishte si punë dashurie e fshehtë, gjithmonë me frikën e policisë.

- Pra, ju thoni që keni pasur një histori dashurie me vajzën e Ismail Kadaresë?

Të fshehtë, të fshehtë...

- Nëna juaj thotë që ju kanë kërcënuar dhe ju kanë rrahur...

Kjo dashuri ishte 2 vjet ose 3 vjet, nuk e di sa zgjati, por është e vërtetë. Më kanë trajtuar keq.

- A i mbani mend personat qe ju kane trajtuar keq? A i njihni ata?

Jo, jo kush i mban mend?! Ishin policë, të veshur policë.

- Gjatë momentit që ushtronin dhunë ndaj jush, a ju jepnin ndonjë arsye përse ju kishin thirrur në polici, përse po ushtronin dhunë ndaj jush, përse po ju rrihnin? A ju jepnin një motiv për këtë?

Nuk më kanë rrahur dhe aq shpesh me sa mbaj mend unë. 2 -3 herë. Po më thonin: "kush je ti?!"... Si presion psikologjik me të gjitha format që kishte policia atëherë.

- Ju kanë përmendur emrin e Kadaresë apo të familjarëve të Kadaresë gjatë këtyre seancave në hetuesi dhe në polici?

Ata më dërgoni fletë-thirrje në shtëpi për t‘u paraqitur në rajonin e policisë. Dhe kur shkoja, paraqitesha në rajon të policisë, një herë ka qenë edhe e bija e Ismailit, Gresa. Duke bërë presion psikologjik: "kush je ti?!" e tjera e tjera.

- Renato, ju thoni që ka qenë dhe Gresa në një nga këto thirrjet në polici?

Një herë ka qenë edhe ajo.

- Cili ishte pozicioni i saj?

Ajo ka qenë e re dhe nuk e dinte se çfarë po ndodhte. Ndoshta i shikonte gjërat nga një pozicion tjetër, kurse unë nuk isha në pozicionin e saj. Megjithëse kisha luajtur filma, isha në lice për violinë dhe kisha ëndrra për të ardhmen, po isha krejt në pozicion tjetër.

- Ju duket që e keni dashur vajzën e Ismail Kadaresë?

Kështu mendoja unë.

- Kur patë që historia me të po përfundonte, atëherë përse këmbëngulët ta vazhdonit?

Në fillim, unë pata idenë të tërhiqesha, por ajo deshi të me fliste. Më çoi haber ta merrja në telefon. E mora në telefon dhe foli si e përlotur, që të mos ta ndalonim, por ta vazhdonim. Dhe pata pasoja...

- Ju ka thënë ajo ndonjëherë që ka pasur presion nga familja e saj për të ndërprerë lidhjen me ju?

Po, po, më ka thënë. Por ju thashë, që ishte një dashuri e fshehtë...

- Ju vetë keni pasur presion nga mamaja juaj për të vazhduar këtë lidhje?

Jo, jo. Mamaja madje me thoshte hiq dorë. Mamaja më thoshte: "mos vazhdo se do gjesh belanë!"

- Renato, zoti Kadare pohon në intervistën e tij, që ju ka takuar juve, pasi ju kanë rrahur. Në këtë intervistë, zoti Kadare përshkruan specifikisht edhe dialogun me ju. Ai thotë: "të kanë rrahur" dhe ju jeni përgjigjur: "Po më keni rrahur ju" dhe me pas ju keni pohuar, thotë zoti Kadare, që e keni kuptuar gabimin dhe se nuk do ta vazhdonit më këmbënguljen tuaj. Është e vërtetë që ju keni pasur një takim të tillë, pasi ju kanë rrahur, me zotin Kadare?

Jo, jo, s‘e mbaj mend.

- Renato, çfarë mban mend nga koha e qëndrimit në spitalin psikiatrik, ku ti ke kaluar disa vite? A patët momente kur ju menduat të iknit nga spitali, ndoshta patët momente hakmarrjeje apo zemërate me dikë?

Ka kaluar shumë kohë, shumë peripeci kanë ndodhur në atë kohë që kam jetuar në Shqipëri. Më vonë pastaj... kam shkuar në Greqi dy vjet. Kur edha në Amerikë u stabilizua kjo situatë.

- Ke dashur t‘i harrosh shumë prej këtyre ngjarjeve?

Gjëra të kaluara.

- Megjithatë, cili është momenti më i rëndësishëm nga lidhja me vajzën e shkrimtarit Ismail Kadare?

Ngjarjet midis nesh ndryshuan, për shkak se ndodhnin dhe gjëra që kishin lidhje me familjen e saj. Ajo çfarë ndodhi me kryeministrin Mehmet Shehu. Këta ishin të lidhur, kishin miqësi dhe i jetonin këto ngjarje politike. Për familjen time këto s‘kishin të bënin fare, por për familjen e asaj po.

- Në ç‘kuptim ndikonin?

Flisnin për këto gjëra dhe në atë kohë vetë Ismaili Kadareja kishte frikën e këtyre ngjarjeve politike. Jetonte me pasigurinë e....

- Bëhet fjalë për vitin 1982?

Po.

- Mos mendoni që ndoshta ngjarjet e vitit 1982, situata e vështirë pas vetëvrasjes së Mehmet Shehut edhe në familjen e Kadaresë mund të ketë ndikuar në lidhjen tuaj me vajzën e Kadaresë?

Po! Po, besoj.

- Renato, tani je më i qetë, ke kaluar një depresion të rëndë më thotë mamaja juaj. Shumë ngjarje i ke harruar. Ndoshta më mirë që i ke harruar dhe ke nisur një jetë të re. Megjithatë nëse do të kishe përballë Ismail Kadarenë, i cili ju akuzon që i keni shqetësuar familjen, se deri diku i keni prishur jetën familjes, vajzës së tij dhe jetën e tyre në përgjithësi. Nëse do ta kishit përballë, çfarë do t‘i thoshit sot?

Është e kotë t‘i mendoj këto gjëra. Nuk e di... kam lexuar në kompjuter për deklaratat që ka dhënë Kadareja për mamanë dhe mua. Por nga ta di unë nga se niset ai të mendojë të tilla gjëra, jo për agjenturë... Siç e thashë, ngjarjet politike ishin të lidhura me të. Ai ka qenë me të vërtetë një figurë kryesore politike shqiptare gjatë kohës së komunizmit dhe vazhdon, është figurë kryesore e politikës. Por varet si i mendon ai gjërat. Emri im si i tingëllon atij, si jo shumë shqiptar.

- Renato, ti ke lexuar ndonjë vepër të Kadaresë? E njeh atë si shkrimtar?

Po, po kam lexuar në moshë të re, romane.

- Ke një vlerësim tëndin për këtë shkrimtar dhe a ndikohet ky vlerësim nga ngjarjet që të kanë lidhur ty me të?

Është shkrimtar i veçantë.



Intervista me Renato Rrapin


- Po ju drejtohem me emrin që ju njohin në Shqipëri, Janulla. Në radhë të parë do të doja të dija përse vendosët të bënit publike historinë tuaj? Ju nuk jeni as rasti i parë dhe as rasti i fundit, ku familja e vajzës nuk pranon djalin. Pra nuk pranon që vajza e tyre të lidhet me një djalë. Pse këmbëngulët kaq shumë që këtë histori ta nxirrnit nga sirtarët e të kaluarës?

Në radhë të parë, unë jam nënë dhe dua të vë në jetë nderin tim, dinjitetin, që ma ka ulur aq poshtë dhe vazhdon akoma me ofendime me shpifje nga më të ulëtat, nga më degjenerohet. Dhe aq më tepër dhe familja e tij dhe e motra. Prandaj unë vendosa t‘i tregoj publikut se kush jam dhe çfarë djali kam, çfarë familje kam, ku jetoj dhe të gjitha çfarë ju mund të kërkoni.

- Atëherë kemi dëgjuar, kemi lexuar versionin e plotë të zotit Kadare. Do të donim sot të dëgjonim versionin e plotë të Janullës. Si nisi historia e djalit tuaj me vajzën e Kadaresë dhe më pas të gjithë incidentet që e pasuan atë?

Historia e djalit tim nisi kur ai ishte student në vitin e tretë në liceun artistik. Ajo ishte në vitin e dytë në shkollën "Sami Frashëri". Por fati ynë i keq ishte se ne jetonim afër tyre dhe si të rinj që ishin... Unë nuk isha në gjendje të madhe, shitëse isha. 25 vjet punova në Tiranë dhe konditat që kishte Ismail Kadareja nuk e kisha unë shoqërinë që e rrethonte atë. Ai bënte ligjin, more vëlla, ai duhesh vënë ministër i Brendshëm dhe kushedi sa do të internonte. Ai është kriminel për mua, shoku i ngushtë i Enver Hoxhës që kanë bërë krimet e dynjasë. Unë për veten time jam e larë, e pastër në shpirt e tregoj të vërtetën. Nuk dua të shpif, nuk dua të marr njeri në qafë.

- Më tregoni historinë siç ju thashë Ismail Kadare ka mohuar ekzistencën e një lidhjeje midis vajzës së tij dhe djalit tuaj, ai ka deklaruar që behet thjesht presion nga një familje. Ju e dini si ju ka vlerësuar ai si një grua amorale dhe një familje që donte të fejonte me zor djalin me vajzën e tij. Nëse do të na tregonit versionin tuaj të historisë së lidhjes së djalit tuaj me djalin e Kadaresë?

Djali im kishte filluar dashuri me të. I ati i vajzës çfarë nuk i sillte nga Franca se i pari shkrimtar që shkonte në Francë, Ismail Kadareja ka qenë. Çdo gjë vajza ia jepte djalit tim me magnetofon, me "Beatles". Ku kishte atëherë "Beatles" në 1982 dhe më shokë ky me një vajzë tjetër, këta takoheshin dhe u dashuruan. Ajo ishte e bija e Kadaresë. E merrte në telefon në Liceun Artistik dhe i thoshte: "Hajde Renato, se ke motrën sëmurë" (bëheshe sikur ishte tezja, motra ime). Renato dilte, kur e shikonte atë dilnin shkonin në kinema, së bashku me të motrën e saj, Besin. Vjehrra ime e ka gjetur disa herë në varreza, dy herë e ka parë me lule me trëndafila te babai i Renatos. Ismail Kadareja e dinte shumë mirë këtë dhe duhet të tregohesh i drejtë mos ta fshihte këtë që po e mban sekret, që vetëm varri do t‘ia tresë. Ky duke marrë vesh që e bija dilte me Renaton, se ai e dinte pavarësisht se thotë që nuk dija gjë. A i kujtohet Ismail Kadaresë, që në orën dy të natës, e ka marrë vëllai i tij se vajza vinte në shtëpinë tonë. Në dy të natës e kanë marrë vajzën dhe i kanë thënë: "hajde me të mirë, se po nuk erdhe, do të marrim policinë".

- Për çfarë viti bëhet fjalë?

Po, në 1982, sepse në 1983 ato i hoqën fëmijën nga barku. Kështu që Kadareja bëri krimin e parë.

- Atëherë ju po thoni që lidhja midis djalit tuaj dhe vajzës së Kadaresë ka pasur një abort në mes?

Ka pasur abort dhe me urdhër të Foto Çamit është hequr fëmija në maternitetin e Tiranës. Këtë e dinë shumë mirë njerëz kompetentë dhe këtë nuk ka kush ta mohojë asnjeri. Ndoshta njerëzit nuk duan të flasin, por dokumentet janë, njerëz të gjallë ka që e faktojnë. Këtë e ka faktuar vetë Liri Gjoliku, që ka qenë në Kuvendin Popullor dhe unë i bëra letër atëherë asaj dhe ajo u interesua për të gjithë këto.

- Ju thoni që në orën dy të natës, vëllai i Kadaresë ka ardhur në shtëpinë tuaj për të marrë Gresën?

Po, Shahini. Ai doktori. Motra ime ka qenë atje vajza ime e vogël, Renato. Madje atë natë që ajo ka qenë atje, unë kam dalë, kam blerë pasta, se pijet i solli vetë se ia sillte i ati nga Franca dhe ka qëndruar gjithë natën atje. Dhe 2-3 herë edhe në mëngjes vinte, se më thoshte komshija: "Moj, vjen një vajzë me syze, Renato është më i bukur, çfarë e do Renato atë vajzë". Por ajo nuk e dinte që ishte vajza e Kadaresë dhe më pas u miqësuan me të dhe u bë aleate me të, derisa na futën incizim në shtëpi. Kush shkrimtar i bën këto të incizojë, çfarë thonim ne. Kjo është e vërteta, s‘ka pse t‘i mohojë ai. Kjo histori është aq e dhimbshme, sa nuk ka bërë vaki. Është ekzemplare për Shqipërinë. S‘ka bërë vaki në botë kjo që ka bërë ai.

- Kemi ngelur tek ajo pjesë e historisë kur vëllai i Kadaresë e mori Gresën. Ku e çuan Gresën atë natë?

Erdhën e morën se dhe ajo fëmijë ishte 17 vjeçe dhe jo 15 siç thuhet nëpër gazeta. Vajzat 17-vjeçare martoheshin në atë kohë dhe kur erdhi herën tjetër më duket ka qenë ora 9, sa unë derdhja lekët e dyqanit. Kur erdha në shtëpi dëgjova këta të dy që ishin të mërzitur dhe pyes Renaton që çfarë ke. Ky i thoshte, thuaja ti ndërsa ajo i thoshte "thuaja ti sat ëme". O zot, thashë, vajza e Ismail Kadaresë të thotë: "thuaj sat ëme". Çfarë edukate.

- Çfarë ju thanë atë natë?

Renato me tha: "Mami e di si është puna. Kjo është 6 muajshe shtatzënë dhe unë nuk e di çfarë të bëjmë. I them asaj a e di mamaja jote babai, jo më thotë nuk e dinë. Po ti si vete në shkollë: "Po, ja më tha, vë korsenë e mamit, që nuk me duket barku". Dimër ishte. Në këtë kohë i thashë, ma jep nr e telefonit. Të vete të marr mamanë tënde në telefon dhe vajta tek hotel "Peza". E marr në telefon dhe më del Helena, të cilës i them: "Hajde se kam një punë". Për çfarë, më do më thotë, por ti e di që vajzën e ke këtu, se kemi një punë serioze dhe unë urtë e butë, jo siç filluan ato. Vjen Helena dhe Renato më thotë dil mami, se do t‘ia them vetë. Nuk e mbaj mend se çfarë i tha, dhe kur del nga dhoma, ajo më thotë: "Janulla, nesër do të vish të bisedosh me Ismailin, se ai vendos. "Dhe është e vërtetë, nëna nuk vendos, ai ishte komandant në shtëpinë e tyre. Mirë i them unë, kur të vij, kur të mbarosh punë me dyqanin. E mbajta mend këtë fjalë që më tha ajo dhe kur dola nga dyqani e mora në telefon. Se mendova, a do të dojë ai? Sa u hap telefoni, unë i thashë: Zoti Kadare, ju jeni? Po më tha kush jeni ju? Jam mamaja e Renatos, i thashë. Moj qelbësirë, më tha ai, dhe ma mbylli telefonin. Unë, duke u mbajtur me fjalën e Helenës, shkova tek shtëpia dhe më del Ismaili dhe më fut tek dhoma e punës, ku kishte libra. Që ai thotë, e kanë futur për të spiunuar. Më bie në sy fotoja e Ismailit me Enver Hoxhën me Gresën dhe thashë me veten time. Bo bo, ku u futa, këta kushedi se çfarë do më bëjnë mua dhe atë që mendova më ndodhi.

Çfarë të ndodhi?

Z. Ismail i thashë, Renato dhe Gresa duhen dhe ti besoj se e ke marrë vesh se u bë një kohë e gjatë. Ai thotë që nuk di asgjë. Si nuk di gjë. i thashë. Vajza juaj është 6 muaj shtatzënë. Nganjëherë vajzave nuk u vijnë menstruacionet 6 muaj se kam pyetur vëllanë tim Shahinin, më tha. Po ti sapo më the që nuk dije gjë, i thashë, tani ke folur me vëllain tënd. Do të thotë që ti ditke. Megjithatë, ai u nxeh dhe më tha përse ke ardhur të më thuash për vajzën. Unë kam ardhur, i thashë, se ata janë të rinj dhe çfarë do bëjmë, se është turp si për ta, si për ne. Gjithë inat e mbylli derën e dhomës dhe më çoi tek kuzhina, se erdhi dhe Helena në atë kohë. Ai u nxeh dhe kur nxehet Ismail Kadareja 100 metra larg duhet t‘i qëndrosh. Bëhet më i keq se Hitleri. Në kuzhinë, shikoj Lili Zhejin, një shoqe të Helenës, Vladimir Zhejin, një djalë i sigurimit të shteti. Ulu, më thotë Vladimir Meçja, që rrinte përkarshi tek tavolina e bukës. E di ti kush je, më tha e di, që je mbesë kulaku, e di që ke një dajë të arratisur. E di ti, që një dajë e ke në burg për politikë, kush je ti një copë shitëse. Çfarë do ti. Te Ismaili ke ardhur të bësh krushqi me të. Unë i thashë: Kush të kërkoi krushqi, kam ardhur të bëjmë muhabet se janë të rinj. Fëmijën e ka në bark, janë në shkollë, ju jeni me kulturë, silluni me të butë me mua dhe fillova të qaja. Nga ato njerëz që duken shumë të kulturuar janë aq të këqinj që flasin fjalë, që mua nuk m‘i ka zënë veshi te njerëz të tjerë. Ismaili mori tel dhe më tha hajde se është për ty. Marr telefonin dhe më duket se ishte Neshat Tozaj, që më thotë: Ik moj prostitutë, pse ke hyrë me zor në shtëpi. More vëlla, i thashë, kush ka hyrë me zor vetë, më thirri Helena. Dil më tha, se do të thërras policinë. Sa dal tek dera shikoj 7-8 policë, njëri më merr zvarrë, tjetri më tërhoqi nga flokët nëpër shkallë, nuk kishte njeri dhe unë i thashë: Këtë që po më bën Ismail Kadare, se ti ke edhe gurin edhe arën, ti je mik i Mehmet Shehut. Ai ka thënë që i kam thënë se je mik i Enver Hoxhës. Nuk e mbaj mend, shpatullat më dhembnin, një këpucë më mbeti tek shkallët e katit të dytë. Më mbajnë në polici atë natë, më ofendojnë me fjalët më të ndyra: "Moj Prostitutë". E gjithë policia e dinte se çfarë kishte Ismaili me djalin tim. Më lanë të lirë si e pandehur. Më vjen fleta e gjyqit, shkojmë në gjyq, ku ishte Ismaili e motra dhe një shok. Mbaj mend që del sekretarja dhe thotë: Janulla Rrapi dhe Ismail Kadare. Një nga kalecët e tij thotë, përse bërtet Ismail Kadare. Ajo i thotë përpara gjyqit si shkrimtari dhe kjo që është shitëse janë të barabartë dhe nuk folën. Gjyqi u bë i mbyllur. Dhe unë nuk e kuptova se përse dënova me punë si korenjtorëse, ku në dokumente dhe me vendim është që Ismil Kadareja më ka fyer i pari. Më shau ‘qelbësirë‘ dhe me fjalët më të ulëta të fjalorit dhe tani doli që e kisha fyer unë deputetin, nënkryetarin e Frontit Demokratik, ai kishte forcë. Pas Enver Hoxhës vinte Ismail Kadareja. Më hoqën nga puna dhe punoja në beton, për rreth 2-3 muaj. Bëra një letër, letra kam bërë shumë, sepse kërkoja të drejtën time. Dhe shumë njerëz e dinin që bëheshin gjëra të padrejta për dashurinë e vajzës së tij. Çfarë ishte Ismail Kadareja, çfarë isha unë. Ai vetë shkruan për dashurinë në librat e tij. Ai vetë ka dashuruar, ka bërë poezi për të dashurat e tij. Nuk e shikonte vetën e tij, por më shikonte mua, me djalin tim të korrigjonte veten pastaj të na bënte atë që na bëri, që nuk harrohet për jetë, që e di e gjithë Shqipëria e gjithë Amerika.

- T‘i rikthehemi çështjes së internimit të familjes tuaj në vitin 1984, ku ju keni akuzuar zotin Kadare si kërkues të internimit tuaj. Na e shpjegoni këtë histori?

Ajo është e vërtetë, që ne prej Ismail Kadaresë u internuam, se me ato që ka shkruar nëpër gazeta motra e Kadaresë, që unë ushtroja profesionin e "kurvërisë", gjë që nuk ekziston dhe unë që punoja gjithë ditën me një dhomë me fëmijët dhe komshinjtë që ishin miq të Manush Myftiut, që donin të lirohej shtëpia dhe ta merrnin këta, siç e morën.

- Ju po thoni që shtëpinë tuaj në Tiranë e ka marrë familja Kadare?

Jo, e morën miqtë e Kadaresë që futën incizimin në shtëpi

Kanë emra këta zonja Janulla?

Ai quhet Reshit Delija, me vajzën Heroina. Ne kishim një dhomë poshtë, ku mbanim rrobat e dimrit, atje ku shkonte Renato me Gresën që bënin dashuri. Vinin shokët, dëgjonin muzikë, bitëllsat. Atje ka ardhur policia, e ka marrë atje, ka ardhur dhe e ëma, po deshe t‘i mohojnë. Dhe internimin prej Ismail Kadaresë e kam, sepse në ndërmarrjen time kam qenë shembullore. Nuk ka ndonjë dokument që të jem dënuar për prostitucion ose për agjitacion propagande. Nuk ka ndonjë dokument që të kem futur sovjetike brenda, lloj-lloj shpifjesh që Kadareja ka përdorur në kurrizin tim dhe këtë s‘ia fal kurrë, derisa të jetë gjallë. Po të ishte sjellë Kadareja si njeri po.

Ju zonja Janulla keni dokumente që të vërtetojnë se Kadareja ka kërkuar internimin tuaj apo ju vetëm mendoni që kjo ka ndodhur kështu?

Jo, kjo ka ndodhur. Ma ka thënë atë natë: "Ta shikosh se çfarë do të bëj" dhe na kanë thirrur në Komitet të Partisë, ku ka qenë Xhelil Gjoni, sekretar i frontit të lagjes, që na thirri. Vajta unë me Renaton dhe na tha: "Mos e ngacmoni Kadarenë më, se do të keni pasoja shumë". Ku ishte parë të thirrej familja për një histori dashurie. Vetë i vinte Renatos nga mbrapa, nuk i thoshim ne me zor. Edhe Renato i ri ishte, ku dinte ai nga këto gjëra. Ato e katandisën djalin tim në këtë gjendje. Unë jam plotësisht e bindur që Kadareja na ka internuar, se po të lexoni librin e Dilaver Bengasit "Enigma e 2 korrikut", ku Helena i lutej Hekuran Isait që të na internonin. I lutej Foto Çami, dhe me urdhër të Foto Çamit ata hoqën fëmijën 6 muajsh që sot do ta kishte 23 vjeç. Djalin, se djalë ishte ku ia hoqën këmbët.

Sipas jush, ju thoni ka ndodhur diçka e rëndë që Gresa Kadare është detyruar të abortojë. A ka persona të tjerë të përfshirë në procesin e abortit që ju pretendoni se ka ndodhur?

Është thirrur Liri Gjoliku nga ministri i Brendshëm Hekuran Isai, nga Foto Çami dhe i është thënë që nuk duhet t‘i ndihmosh këta, as nënën, as djalin, sepse ai është figurë e madhe. Jo, i tha ajo, për ligjin janë të drejtat e barabarta. Fëmija nuk hiqet, vetëm nëse ajo është e sëmurë dhe ka raport. Foto Çami urdhëroi ndonjë infermiere dhe e kenë çuar në mes të ditës. E kanë veshur si fshatare, me motrën e Kadaresë, që nuk lë akuzë pa bërë mbi mua.

[DEN_Bossi]

Ku eshte botuar intervista qe ka dhene Janulla ne TV?
Jam kurioze ta lexoj...megjithese c'ka ndodhur e di....qe atehere kur ka ndodhur.

na e thuaj versionin tend nje here ....

[Akili-A]

mos fol me pasjon apo me tifozllek
mirkupto ndjenjat e tjerve...

Ndjenjat e atij renatos jane ndjenja ordinere te nje adoleshenti dhe nuk mund te manipulohet nje figure kaq e madhe me te tilla ordinerizma.

[ooooo]

Me bene pershtypje qe paska dale prap ne drite kjo histori!?
Dikur kam marr vesh (nuk mbaj mend nga ku ) qe vitin qe I.Kadare ishte kandidat per nobel ne letersi, nje leter e zonjes Janulla ishte nder faktoret qe i prishi pune shkrimtarit me te madh shqiptar. Mund te ma konfirmosh zonja Janulla???
Ne ato vite ishte nder thashethemet me hot ne Tr, se te bijat e Kadarese ishin njelloj si ato te bllokisteve.
Eshte per te ardhur keq, qe nje dashuri adoleshence e pafajshme pati pasoja te tilla ne jeten e Renatos...
Megjithate nuk e kuptoj pse publikohet tashme??? Pa dashur tju lendoj, mos ndoshta eshte tashme hakmarrje personale, nuk e diskutoj qe per ju eshte shume e dimbshme, po kjo nuk eshte arsye qe te lypni "meshire" shpirterore neper tv.

[Blue_sky]

. Sa per qendrimin e Greses ne ate kohe vetedihet,perdersa ajo pranoi nga frika e te jatit te abortonte femijen e saje ne barke 6 muajsh djale sepse i jati e detyroi , nje kohesishte dhe me dashjen e saj te martohej me djalin e LLazar Siliqit.

Pershendetje Zonje,
kam lexuar pak a shume keto kohe mbi debatin tuaj me Zotin Kadare.Nuk mund te fsheh indinjaten time per nivelin e ketij debati,debat i cili mundohet te preke nje femer ne moral,femer tashme te martuar dhe me femije.Se cfare kishit me Zotin Kadare mund ta flisnit privatisht ose t'ju drejtoheshit instancave te ndryshme ligjore.Por,pikerisht duke pare faktin qe ju s'zgjodhet keto rruge,me ben te mendoj qe ju po mundoheni te mbuloni kryeveprat e nje shkrimtari me fame boterore si Kadare me te thena mbi nje dashuri adoleshenciale.

Zonje,ju gaboheni rende,e dini pse?Sepse Shqiperia nuk eshte me anno 1982,atehere kur nje femer denohej nga opinioni per nje dashuri,atehere kur femrat luftoheshin me te verteta e te paverteta moralisht,atehere kur femijet e njerezve te medhenj perdoreshin si instrument per te shkaterruar prinderit.Sot Shqiperia lundron ne vitin 2006,vit ne te cilin ju zonje,s'mund te luftoni nje njeri me ceshtje dashurore ne iluzionin qe po i prekni moralin,nuk mund te denosh askend qe ka dashuruar,nuk mund te denosh askend moralisht duke perdorur dashurine pasi dashuria qendron shume larg moralit.

Gresa ishte 15 vjeçe,Gresa dashuroi djalin tuaj,Gresa puthi djalin tuaj,ndoshta Gresa beri dashuri fizikisht me djalin tuaj...edhe?U be nami,Zonje?Keto te thena mund ta bejne femer te perdale?Jo! Ta dinte Gresa e gjore se ca do thuhej per te mbas ketyre viteve jo vetem qe s'do i afrohej djalit tuaj,por as qe do i kishte drejtuar shikimin ne rruge.
Historira dashurore te tilla mund te fshehin shume njerez,por jo te gjithe mundohen te shkaterrojne njeriun per te cilin kane ndjere ne nje forme kaq mizore.Ju jeni mama vete,ju keni vete vajze, imagjinoni veten ne vendin e Greses,ne vendin e bashkeshortit te saje,ne vendin e femijeve te saje.Si do ndiheshit sikur te lexonit publikisht fakte te tilla per mamane tuaj?Per bashkeshortin tuaj?
Zonje,ajo ishte vetem 15 vjec!15 vjec dreqi ta haje!

Une nuk e di se perse u internuat,kam lexuar shume versione ne gazeta,versionin tuaj,versionin e te tjereve.Une nuk dua te besoj ate cfare thuhet per ju,eshte shume e rende,as dua te besoj ate qe thuhet per Kadare.Dua te besoj qe ishte fryma e kohes qe i bente njerezit te tille,fryma e asaj periudhe te zeze te historise te Shqiperise.Por sot qe jetojme ne nje fryme lirie,cfare ju con Zonje ne akte te tilla?

Shpresoj qe Renatoja te gjeje forcen te dale nga shqetesimet e tija,shpresoj qe ju te gjeni forcen te shkeputeni nga e kaluara e te jetoni nje jete te qete.

[Poison_Ivy]

Me duket se e keni zhvendosur pak temen.
Nje koment kam une, "zonja" Janulla:
Pasi pashe me vemendje intervisten tuaj ne Tv impresioni im i pare ishte se Renato, me vjen keq qe po ju a them, nuk ishte ne gjendje te kujtonte asnje gje te sakte te asaj periudhe. Kjo vjen ndoshta ngaqe truri i njeriut automatikisht i "bllokon" ato imazhe qe e bejne te vuaje me shume dhe i fshin nga memoria e tij. Ju vete e pohuat qe ai nuk mund te behet me sic ka qene. Gjithashtu vura re ne te foluren tij nje lloj shamgieje nga e gjithe kjo histori.
Dhe tani ju futeni ne forum dhe na thoni se ai ka bere poezi per ate kohe??!! Per periudhen e tij me te dhmbshme te cilen ai as donte qe t'a komentonte? Per femren (ose familjen e asaj) qe i shkaterroi jeten?
Djali juaj ishte ne nje gjendje te mjerueshme dhe mendoj se ka vuajtur boll. Nuk eshte e volitshme per nje nene qe t'i kujtoje femijes se saj gjera aq te tmerrshme sa e kane ndryshuar ate pergjithmone. Mos e beni djalin tuaj te shkrete vegel te politikes se sotme, e cila sherbehet nga faktore te tille per te reguar se cfare eshte e volitshme per popullin tone dhe cfare jo.
Nuk e kuptoj kush eshte Renatua i vertete, ai qe mezi e permend ate kohe, apo "ai" qe kerkon vendin e protagonistit ne mediat shqiptare per te marre hak per nje jete vuajtjesh dhe dergon letra larte e poshte per te prishur pune.
Ne fund te fundit, mua nuk mu duket edhe aq intelektuale, per te mos thene e rendomte dhe pa pike interesi.
Meshire per djalin tuaj, zonje, nga ju ne radhe te pare, pastaj nga opinioni publik shqiptar dhe juria e cmimit Nobel!

[bebushja]

Per mendimin tim as kadareja as zonja janulla nuk jan te vertet ne ato qe refehen
Me vjen keq per RENATON dhe intervista e tij ishte vertet shum e dhimshme.
Sa per janullen do thosha pse pikerishte tani del ne pah dhe trumbeton historin e djalit te saj ????????????????(kjo eshte teper e holle per ta kuptuar te gjitha nivelet).Kurse sa per kadaren do thosha se eshte ,shkrimtar i vecante,por kjo nuk e perjashton ate nga te perkedhelurit e sistemit qe ai u rit dhe ushqye.Kadareja i famshem me nje dimesion te madh ne shkrimet e tija,me keto deklaratat dhe intervistat qe po jep tani ,pas sulmit te janulles ,po tregon nje kadare te tjetersuar.gjithe melf,e ofendime drejt inteletualve shqipetar.Nga ter kjo rumpall
deklaratash te kadares dhe janules dhe personave te tjere ,FOLJA E RENATOS ISHTE PAK NDRYSHE,E REZERVUAR,NUK POHOJ SHUM FAKTE ,BINTE NE SY NJE SHMANGJE NGA ANA E TIJ ,gje qe te linte per te deshiruar ,,,,,,skenari duhet te jet teper i rafinuar,,,,,. dhe une kete mendoj qe janulla duhet te mos e lendoj me djalin e saj,cfiton duke ja kthyer e rikthyer nje histori sfilitse per te birin? .kurse,,,,,,
Kadareja duhet te mbaj pergjesit e veta,sepse shum fakte flasin kunder tij.