Duke marrë shkas se diskutimet dhe negociatat mbi statusin final të Kosovës po u vjen fundi, dhe së shpejti do të bëhen propozime konkrete dhe do të merren vendime mbi statusin final të Kosovës, desha të hapja këtë temë për të sjellë në qendër të vëmendjes një kendvështrim që është trajtuar pak ose aspak nga opinioni publik shqiptar.
Ekziston tashmë një mirekuptim ndërkombëtar i shumicës, që statusi final i Kosovëes të jetë pavarësia. Të gjithë ne presim kurorëzimin e kësaj pavarësie që do të bëjë të mundur lindjen dhe njohjen ndërkombëtare të një shteti të ri në Ballkan, shtetin demokratik të Kosovës. Dhe gati e gjithë vëmendja, gjithë energjitë i janë kushtuar përgatitjeve për festimin e shpalljen e ditës së pavarësisë, por askush nuk e ka marrë mundimin që tu japi përgjigje pyetjeve të mëposhtme, të cilat unë mendoj se janë shumë të rëndësishme. Dhe këto pyetje unë po ua shtroj ju, anëtarëve të forumit, në mënyrë që ju tu jepni një përgjigje.
- Çfarë do të thotë të jesh shtet i pavarur?
- Çfarë ndryshimi do të sjellë kjo pavarësi në jetën e vendit?
- Çfarë ndryshimi do të sjellë kjo pavarësi në jetën tuaj si shtetas të Kosovës?
- Çfarë ndryshimi do të sjellë kjo pavarësi në raportet tuaja me shtetet fqinje?
Dhe pasi tu jepni përgjigje këtyre pyetjeve, ju ftoj tu jepni përgjigje edhe asaj pyetjes tjetër akoma më të rëndësishme:
- Cila është detyra dhe përgjegjësia juaj si shtetas në një Kosovë të pavarur?
Ju ftoj të jepni mendimin tuaj të plotë në një postim më poshtë dhe qëndroni larg replikave me njëri-tjetrin, secili ka mendimin e tij.
Albo
Krijoni Kontakt