Close
Faqja 0 prej 2 FillimFillim 12 FunditFundit
Duke shfaqur rezultatin -19 deri 0 prej 30
  1. #1
    i/e regjistruar Maska e Brari
    Anëtarësuar
    23-04-2002
    Postime
    18,826

    Bashkim Gazidede prononcohet në media për ish-detyrën si kreu i SHIK

    shekulli

    Gazidede: Ja agjentët që organizuan '97


    Marre nga TV Klan

    Zoti Gazidede si erdhët ju në krye të SHIK në maj 1992?

    Në fund të qershorit 1992. S`kam pasur asnjë njohje personale me zotin Berisha në atë kohë president, nuk e kisha takuar asnjëherë. Unë edhe sot e kësaj dite nuk e di kush më ka propozuar për atë punë. Sigurisht që duhet të kishin folur fjalë të mira.

    Nuk u bëtë kurioz të dinit se kush u propozoi?

    E kam pyetur dhe zotin Berisha dhe nuk më ka treguar ndonjëherë. Më thirri zoti Berisha një ditë të shtunë dhe më tha që e kish menduar të më emërojë shef të SHIK-ut. Unë nuk pranova, rezistova të them të drejtën, sepse mendoja se është një punë që ishte e vështirë për mua.

    Pse mendonit se ishte e vështirë?

    Kisha disa aryse që e kundërshtova. Në rradhë të parë unë karrierën time e mendoja shkencore jo politike. Në radhë të dytë, kisha fëmijë të vegjël që mendoja se kanë nevojë për për kujdesin tim. Ime shoqe e vetme mund të mos e përballonte rritjen e tyre, kisha arsye shëndetësore etj. Zoti Berisha më bindi, nëse mund të them, duke më thënë që nëse ai nuk do të pranonte të ishte President, ca shokë të tjerë nuk do pranonin të ishin ministra, apo kryeministra, në qoftë se dhe unë nuk do të pranoja të isha shef i SHIK, domethënë ishte e kotë që u përfshimë në lëvizjen demokratike, duhej t’ia linim pushtetin komunistëve.

    Dhe ju vendosët që të pranonit që të drejtonit SHIK. Po a ishit ju në këtë kohë një nga njerëzit më besnikë të zotit Berisha?

    Unë nuk e di sa çfarë besimi kishte ai tek unë, sepse ai nuk me njihte fare. Mund të kishte besuar mua thjesht nga çfarë i kishin folur për mua. Besoj se zoti Berisha, të gjithë bashkëpunëtorët i ka zgjedhur duke menduar se janë njerëz që e bëjnë një punë të caktuar, jo duke menduar sesa besnikë ishin për të. Mund të përmend zotin Klosi që erdhi pas meje në SHIK. Zoti Mejdani që zgjodhi Klosin si shef të SHIK, e zgjodhi duke u nisur nga shoqëria shumë e ngushtë që kishte ai me të tek Shkencat e Natyrës, dhe unë e di sepse kam qenë koleg me ta.

    Ju keni qenë kolegë me zotin Klosi dhe Meidanin?

    Po, në një fakultet kemi punuar. Mejdani ka qenë për mjaft kohë dhe dekan i fakultetit ku unë kam qenë pedagog.

    Doja t’u bëja një pyetje e cila është përfolur, në fillim të viteve ’90, kur ju erdhët në krye të SHIK. Në atë kohë ju keni qenë antër i shoqatës së Intelektualëve Islamikë, a ka ndikuar ky fakt me emërimin tuaj në krye të SHIK?

    Në radhë të parë do ju shpjegoj se çfarë ishte kjo shoqatë. Kisha disa miq që kishin njohje të përgjithshme për fenë myslimane, ashtu siç mendoja se kisha dhe unë. Mund të përmend Bardhyl Ficon, ndjesë pastë doktor Shefqet Ndroqin, kunatin e Rexhep Meidanit, doktor Bylykun. Së bashku me këta. Me iniciativën e Bardhyl Ficos, krijuam një shoqatë të ashtuquajtur të Intelektualëve myslimane, kjo ka qenë diku në prag të zgjedhjeve të ‘92. Qëllimi i kësaj shoqata ishte që të mos ta lëmë të gjykojnë për fenë myslimane, në atë kohë me vjen keq ta shpeh me këto fjalë, injorantë, në kuptimin që ishin njerëz të pashkolluar, që edhe fenë nuk e njihnin tamam, dhe mund ta orientonin fenë në drejtime jo normale në Shqipëri, gjë e cila vinte pas një boshllëku shumë të gjatë, si dhe për fetë e tjera. Po ndërsa fe të tjera kishin njerëz të shkolluar, myslimanët nuk kishin dhe aq. Kjo ishte ideja themelore. Unë pastaj e pashë veten në një lloj mbledhje, të parën dhe të fundit që kam bërë në këtë lloj shoqate, i zgjedhur kryetar prej tyre. Zgjedhja u bë pas një lloj debati që kishim për përfshirjen e fesë në politikë në atë periudhë. U hodhën zëra që feja nuk duhet të përzihet me politikë, por ideja ime ishte që feja nuk mund të ishte indiferente ndaj komunizimit, që ka qenë armiku më i egër i fesë. Dhe mbase një prononcim i tillë më vuri në krye të asaj shoqate, por deklaroj që ka qenë mbledhja e parë dhe e fundit që kam marrë pjesë.

    Në momentin që ju morët në dorëzim çelsat e zyrës më misterioze të shtetit shqiptar, çfarë dinit ju për shërbimet sekrete?

    Unë nuk dija thuajse asgjë. Kisha njëfarë antipatie për sigurimin gjatë gjithë kohës. Unë nuk kam pas kontakte dhe shoqëri me asnjë punonjës të SHIK. Për çudinë time nuk më është afruar në ndonjë rast asnjë prej tyre, por duke dëgjuar për bëmat e sigurimit, sigurisht që kisha një farë antipatie.

    Sa ishte trashëgimia e sigurimit që gjetët atje?

    Gjeta një personel që ishte 100 përqind i sigurimit të shtetit. E ashtuquajtuar reformë e ‘91 ishte vetëm me nxjerrjen në rezervë të një personeli prej rreth 200 vetash, të cilët ishin në të njëjtën listë organike që kishin qenë, vetëm se nuk kishin të drejtë të hynin në zyra dhe mernin rrogën, kryetari për kryetar, shefi për shef, inspektori për inspektor duke qëndruar në shtëpi, ose duke bërë çfarë i thoshte partia.

    Në momentin që morët në dorë SHIK, që ishte trashëgimtari i drejtëpërdrejtë i sigurimit të shtetit, konstatuat që sigurimi i shtetit në 90-92 kishte asgjësuar dosje, siç është shprehur Klosi?

    Po kjo është e vërtetë. Ne ishim përballë një fakti, që një pjesë dosjesh rreth, mund të them një shifër të përafërt, rreth 10 mijë mund të jenë asgjësuar nga Ministria e Brendshme, përsa kohë ishte sigurimi brenda ministrisë, me firmën e zotit Gramoz Ruçit dhe një pjesë e konsiderueshme ishin djegur nga Irakli Koçollari, në atë kohë kryetar i SHIK.

    A jeni i saktë në këtë shifër zoti Gazidede, pasi zoti Klosi tha që gjatë gjithë kohës, sigurimi i shteti ka pasur në zotërim jo më shumë se 5 mijë dosje?

    Kjo është krejtësisht e pasaktë. Sigurimi i shtetit, gjatë 40 viteve që ka funksionuar ka pas mbi 120 mijë informatorë, mund të gaboj me 5 mijë. Mbi 120 mijë informatorë, duke gjykuar që çdo informator kishte një dosje, do të mendonim që ishin 120 mijë dosje. Por duhet pasur parasysh se në mjaft raste dosjet e informatorëve asgjësoheshin mbas një farë periudhe. Pasi mbaronte aktivitetin informatori, ishin dosje më afat ruajtje 10 vjet, 20 vjet, mund të kishte 25 vjet. Pas kësaj periudhe, asgjësoheshin, quhej proces normal asgjësimi. Duke pasur parasysh këtë proces, mendoj se në kohën kur unë kam qenë, ka pas rreth mbi 40 mijë dosje të sigurimit të shtetit që kanë ekzistuar.

    A ka pasur në kohën që keni marrë në dorëzim arkivin e sigurimit, a ka pasur persona të rëndësishëm politikë, të viteve 1992-1997 që kishin dosje në SHIK?

    Ka pasur, jo shumë, po ka pasur. Nuk dua të komentoj në këtë drejtim. Diçka tjetër dua të shtoj në këtë aspekt. Zoti Klosi në një intervistë, është shprehur se edhe SHIK nën drejtimin tim ka bërë asgjësime selektive, jo me regjistrat, jo me.... ku di unë çfarë kishte ndër mend ai të thoshte. Ju garantoj juve se nuk është asgjësuar asnjë lloj dokumenti gjatë periudhës unë kam drejtuar SHIK, madje edhe dokumenta që janë asgjësuar bashkë me djegien e degëve të SHIK, nuk kanë sjellë pasojë, sepse gjithë dokumentacioni ka qenë i dubluar.

    Ish- ministri i Brendshëm, Rama është shprehur se në të vërtetë, dosjet e sigurimit nëse janë asgjësuar, ekzistojnë diku të fotokopjuara në mikrofilma. A është e vërtetë kjo?

    Kjo është e vërtetë, por unë kam pasur dyshimin që në atë kohë, që një pjesë e mikrofilmave, në mos të gjithë janë fshehur.

    Ju vete keni disponuar mikrofilme në vitin ‘92 kur keni ardhur më krye të SHIK?

    Po në disa raste kam parë mikrofilma për dosje të veçanta.

    Për dosje të veçanta, por ekzistonin mikrofilma për të gjtha dosjet?

    Po për dosjet që quheshin të asgjësuara, janë asgjësuar dhe mikrofilmat. Duke pasur parasysh që mikrofilmat nuk zinin volum fare, unë dyshoj që ata t`i kenë asgjesur, mund t`i kenë fshehur. Unë mendoj për Gramoz Ruçin dhe Irakli Koçollarin.

    Ju dyshoni që Gramoz Ruçi dhe IRakli Koçollri mund të kenë mikrofilmat e dosjave të asgjësuara?

    Sigurisht që dyshoj, dua të shtoj që ky është thjesht dyshim, nuk kam ndonjë provë.

    Zoti Klosi është shprehur që ka dyshime, gjithmonë në sferën e dyshimeve, që dosjet e kundërzbulimit në raport me UDB-në ishin në dorën e UDB-së?

    Unë nuk di nga i ka nxjerrë këto konkluzione Klosi. Në qoftë se kjo është e vërtetë duhet të ketë ndodhur në kohën e zotit Klosi, sepse në kohën time nuk ka ndodhur dhe për këtë jam i sigurtë. Nëse unë do të isha në dijeninë e plotë dhe do t`i kishte ndodhur kjo që pretendon zoti Klosi, do ta kisha çuar për ndjekje penale pas asnjë lloj hezitmi.

    Gjatë kohës që ju keni qenë në SHIK, a keni disponuar dosje e kundër zbulimit ndaj UDB-së, të trashëguara nga koha e sigurimit?

    Sigurisht dhe janë ruajtur me fanatizëm dhe është bërë ajo që nuk është bërë për një kohë të gjatë.

    Në atë kohë qëju keni drejtuar SHIK, ishit në dijeni të politikanëve të rëndësishëm që ishin me dosje?

    Ca gjëra mësoheshin dhe automatikisht aty. Unë nuk kam bërë ndonjë studim për këtë problem. Ne si SHIK jemi përfshirë në prag të zgjedhjeve të 96 për verifikimin e atyre që do të kandidonin për deputet në Kuvendin Popullor dhe ishte një proces ligjor.

    A quhet mbrojtje e kushtetutës, përgjimi, ndjekja, qoftë dhe represioni ndaj opozitës së kohës?

    Ne nuk e kemi përgjuar dhe as ndjekur opozitën e asaj kohe. Unë dua t’u them se opozita e asaj kohe, ishte një parti pushtetare 50 -vjeçare gati, e la pushtetin në një kohë që mendonte se nuk mund ta mbante më. Dhe sigurisht ata kishin një eksperiencë 50 vjeçare. Dhe sigurisht ata propogandën nuk e ndalën në asnjë cast.

    A ka pasur punonjës të SHIK që ndiqnin ose jepnin raport për njerëz të opozitës?

    Të opozitës jo, por persona që mund të ndiqeshin nga SHIK, në përputhje me ligjin ka pasur.

    Në një nga intervistat e tij, Zoti Ruçi është shprehur se është ndjekur nga SHIK?

    Ai ka qenë në proces hetimor në atë periudhë. Mund të kishte pësuar fatin e zotit Koçollari, për asgjesimin e dokumentacionit në Ministrinë e Brendshme, po ai përfitoi nga rasti që ishte me imunitet, dhe sapo i përfunoi iku në Greqi. Nuk kishim arsye ta ndiqnim, dhe s’mund ta ndiqnim.

    A keni pasur bashkëpunëtorë mes rradhëve të opozitës?

    Jo, e them me përgjegjësi, jo.

    Zoti Gazidede ju jeni vënë në dijeni të komenteve të ditëve të fundit, madje edhe gazetarët ju kanë pyetur edhe ju personalisht lidhur me një incident që ka ndodhur më 21 tetor të vitit 1995, në kohën që keni qenë shef i SHIK. Një biznesmen kosovar, i cili jetonte në Shqipëri dhe që kishte një linjë prodhimi duraluminesh, në mos gaboj në periferi të Tiranës është rrëmbyer nga dy makina me punonjës të Shërbimit Informativ Kombëtar dhe që nga ky moment nuk gjendet më. Ka pasur mjaft komente, është deklaruar që ai ka mbetur i vrarë pas torturave të punonjësve të SHIK-ut në zonën e Lezhës. Si është ky rast dhe ç’ju thotë ky emër?

    Në vitin ‘95 kur ka ndodhë zhdukja e këtij biznesmeni ka pas një shkrim në “Gazetën Shqiptare” fillimisht. Pastaj është akuzuar Shërbimi Informativ Kombëtar, që atëherë, që në atë rast unë kam vënë në lëvizje dy drejtori në SHIK që të ndjekin këtë problem, nëse kishin ndonjë bazë akuzat që i bëheshin Shërbimit në atë kohë. Dhe nga hetimi që është bërë në atë kohë nga ne, duhet të ekzistojnë edhe dokumentat, në kundërshtim edhe me atë që thotë zoti Klosi, del që nuk kishte ndonjë përfshirje të punonjësve të Shërbimit Informativ Kombëtar. Zoti Klosi doli dhe publikisht akuzoi SHIK, tha që unë kisha dijeni, që ai e dinte që unë e dija, madje ai e dinte, që duhej ta dinte edhe zoti Berisha këtë gjë. Ajo që thotë zoti Klosi është një shpifje e pastër, është një monstruozitet. Në qoftë se prokuroria ka bërë hetime për këtë problem, ka arrestuar njerëz, të cilët u detyrua t’i lironte si të pafajshëm, një rast të tillë kur përfshihet drejtësia në një problem nuk ka më komente. Nuk kanë më vend përrallat që tregon zoti Klosi përpara kamerave. Unë nuk e kuptoj dot se si zoti Klosi thotë se megjithëse nuk ka prova, se këtë e ka bërë SHIK-u, megjithëse nuk ka prova, këtë thotë e di Gazidede. Nuk mund të flasë shefi i Shërbimit Sekret në këtë mënyrë siç flet zoti Klosi. Më thanë, se nuk e ndoqa vetë se tek “Top Chanel”, vëllai i zotit Hoxha që është zhdukur, paskësh thënë se më ka ç’u këtu, ose aty Zoti Klosi duke më prezantuar si punonjës i Shërbimit Informativ Kombëtar. Është një abuzim i pastër me detyrën dhe zoti Klosi e ka bërë këtë thjesh për arsye politike. Dhe vetë deklaratat e zotit Klosi janë krejt politike.

    Po ç’ka ndodhur me biznesmenin Remzi Hoxha, zoti Gazidede?

    Sigurisht po ta dija këtë gjë, se ç’ka ndodhur, do ta kisha zgjidhur që atëherë.

    Pra ju po thoni që SHIK-u nuk është përfshirë në eleminimin, ose të paktën në marrjen peng të tij?

    Me kaq dijeni sa kam unë, jo.

    Është vërtetuar që makinat kanë qenë me targa të SHIK-ut?

    Targat për mua nuk tregojnë asnjë gjë. Po u përmend një fakt që në autobombën që iu vu “Vefës” në ’96, ne gjetëm targat e kryetarit të një rrethi verior. Targën e makinës të një kryetari të një rrethi verior. Dhe kjo s’ do të thotë asgjë. Targat prodhoheshin në uzinën metalike të Gjirokastrës dhe kundrejt një ryshfeti le të themi mund të merrje çfarëdo lloj targe. Nuk është asnjë lloj treguesit targa, vetëm në qoftë se targa mund të jetë një targë e ngjashme me ndonjë targë të jashtme.

    Prokuroria e Përgjithshme ka deklaruar që të tre të pandehurit që u morën për këtë çështje kanë deklaruar se e kanë rrëmbyer personin, por nuk dinë më fatin e mëtejshëm të tij?

    Unë nuk di gjë se ata kanë bërë një deklaratë të tillë. Në qoftë se kanë bërë deklaratë, që e kanë rrëmbyer, le ta gjejnë ata.

    Dhe a keni qenë në dijeni të këtij rasti që në vitin ’95?

    Kam qenë në dijeni për akuzat që u bënë. Më ka kërkuar zyrtarisht zoti Pjetër Arbnori për të dhënë çfarë dinim ne për këtë punë. Ne i kemi kthyer përgjigje zyrtare zotit Arbnori, për aq sa dinim ne për këtë problem. Përsëri më ka dërguar, kam përshtypje letër edhe zoti Ali Spahia. Dhe ai ka marrë përgjigje zyrtare për këtë problem dhe nuk është absolutisht e vërtetë që zoti Spahia u ka thënë familjarëve që e ka SHIK-u dhe do t’ua japë sot, do t’ua japë nesër, se nuk kishte sesi ta deklaronte ai këtë gjë, kur një gjë e tillë nuk ishte pohuar nga Shërbimi Informativ Kombëtar. Mua më vjen keq për atë familje, sepse ato kanë humbur vëllain e tyre, kanë humbur të dashurin e tyre, fëmijët kanë humbur babain e tyre, por kjo nuk do të thotë se ata kanë të drejtë të akuzojnë kë të duan, kush t’u dalë përpara. Kjo nuk do të thotë absolutisht që zoti Klosi ka të drejtë të dalë përpara kamerave dhe të shpifë ç’ti dojë qejfi. Zoti Klosi nuk është hera e parë që bën këto lloj shpifjesh. Zoti Klosi me zotin Luan Rama më kanë akuzuar mua se jam takuar me Arkanin.

    Mediat kanë përmendur faktin që i fundit që ka kontaktuar dhe që ka parë, ose ka biseduar me biznesmenin Remzi Hoxha ka qenë një punonjës i SHIK-ut me mbiemrin Kumbaro, që aktualisht ndodhet në Britaninë e Madhe. A keni dijeni se kush është ky person? A ka qenë ky një efektiv i SHIK-ut?

    Ilir Kumbaro ka qenë efektiv i Shërbimit Informativ Kombëtar. Ai ka qenë ish-oficer i sigurimit, me një stazh të gjatë pune. Ka punuar disa kohë me Shërbimin Informativ Kombëtar dhe pas njëfarë kohe ka dalë në lirim. I nxirrnim ne zakonisht në lirim ish-oficerët e Sigurimit, me një farë rroge, merrnin ato me rekord dy vjet a tre vjet, një rrogë të krahasueshme me atë të mësuesit të asaj kohe dhe kaq.

    Zoti Gazidede, Prokuroria e Krimeve të Rënda ka deklarur se ka rihapur çështjen dhe ndoshta një nga personat që do të thirren për të dhënë shpjegime do të jeni edhe ju. A jeni i gatshëm të përballeni me prokurorinë për këtë çështje.

    Unë nuk e di çfarë ka deklaruar Prokuroria e Krimeve të Rënda, ajo është puna e tyre, nëse e hapin çështjen, apo nuk e hapin, më thërrasin mua apo nuk më thërrasin. Përderisa jam kthyer në Shqipëri jam në gjendje të përballem me çfarëdolloj akuze që drejtohet ndaj meje.

    A keni shitur armë në Kosovë?

    Ne nuk kemi futur asnjëherë armë në Kosovë, për sa kohë kam qenë kryetar i SHIK-ut. Ka tentuar të fusë armë zoti Koçollari përpara meje dhe janë kapur nja 70 armë në kufi së bashku me ata që i transportonin. Janë gjykuar në Kosovë në atë kohë nga organet serbe dhe ne kemi pasur deponimet e atyre që ishin të burgosur për këtë qëllim. Mundëm t’i siguronim.

    A keni pasur ju kontakte, apo takim të drejtpër drejtë me komandantin e paramilitarëve, siç ishte Arkani? Ka një akuzë nga një ish-ministër se ju jeni takuar me Arkanin fillimisht në Peshkopi, dhe në mos gaboj më pas në Tiranë.

    Unë e kam dëgjuar këtë lloj shpifje, këtë lloj shpifje monstruoze. E kuptoj se për një opozitar zakonisht në vendin tonë njerëzit nuk janë dashamirës dhe mund të shpifin dhe ndoshta quhet gjë normale shpifjet për pala palën. Por të arrijë shpifja deri aty sa ta cenosh rëndë në dinjitetin kombëtar tjetrin më duket monstruoze. Unë kam pasur rastrin ta takoj në rrugë zotin Rama, ose më mirë ai më foli në rrugë dhe deshi të më jepte dorën dhe unë ia kam përmendur këtë gjë. Megjithëse ai kishte dalë dhe kishte thënë në televizion publikisht, mua më tha që nuk është e vërtetë, por e ka thënë zoti Klosi. Por si ai, si zoti Klosi duhet të kenë turp të akuzojnë një shqiptar për të tilla gjëra.

    A keni pasur dijeni për arrestimin e të pestëve në jug të vendit dhe a keni qenë ju inisiatori i tij?

    Që kam pasur, kjo është krejt normale. Ata kishin veprimtari antikushtetuese dhe për një veprimtari të tillë u arrestuan dhe u dënuan. Këtu gjykohet shpeshherë për anën politike të problemit, sigurisht kjo anë nuk i përkiste SHIK-ut, por i përkiste politikanëve të gjykonin. Ne nuk kemi bërë asnjë veprim të paligjshëm gjatë arrestimit të atyre. Nuk jemi ne ato që i kemi arrestuar. Ne kemi bërë propozimin, arrestimi është bërë në bazë të të gjithë normave dhe procedurave të ligjit, madje po e them dhe publikisht, që përveç firmës së Prokurorisë së Përgjithshme ne kemi pasur edhe firmën e zotit Brozi për kontrollin e banesave të atyre personave dhe për kontrollin e zyrave të “Omonias”.

    Zoti Meksi është shprehur pak kohë pas largimit tuaj nga detyra se në vitet ’96-97 ju ushtronit mjaft ndikim mbi presidentin Berisha. Është e vërtetë kjo?

    Zoti Berisha nuk është njeri që ndikohet nga një person, apo nga ndonjë tjetër. Ai ka një mendim krejt të pavarur. Ka një veti që dëgjon shumë dhe kur i thonë fjalës bën si di vetë. Unë nuk kam qenë ndonjë njeri që shquhesha për dhënie këshillash. Sigurisht mund të kem dhënë mendimin tim kur më është kërkuar. Por nuk jam nga ata njerëz që jap mendime pa më kërkuar.

    Zoti Gazidede a jeni në dijeni të faktit se një deputet i pozitës në atë kohë dhe një publicist i njohur janë goditur publikisht në Tiranë? Siç ishte zoti Ndre Legisi dhe zoti Edi Rama?

    Sigurisht që e kam dëgjuar, sepse në Shqipëri kam banuar.

    A keni qenë ju i përfshirë në goditje si SHIK?

    Mua më indinjonte fakti se për çdo gjë që ndodhte në Shqipëri, edhe për krimin më ordiner, akuzohej SHIK. Ndoshta një nga të metat e mia ishte në të kohë ka qenë që nuk kam bërë asnjë dalje publike për të përgënjeshtruar fakte të tilla. Megjithatë jo çdo akuzë e kam lënë të kalojë në heshtje. Kam çuar për ndjekje penale disa lloj shpifjesh që i janë bërë SHIK-ut dhe pothuajse të gjitha gjyqet i ka fituar. Ka pasur raste që unë jam detyruar nga eprorët që të tërheq akuzat për arsyet që i dinin ata në atë kohë.

    Kush i ka goditur këta dy persona, mjaft të rëndësishëm për kohë?

    Sigurisht që unë nuk e di dhe nuk ishte detyra ime që ta dija.

    A ishte SHIK-u në dijeni të faktit se disa firma piramidale po ngriheshin me mjaft shpejtësi në vitet ’95-96?

    Sigurisht. Që në hapat e parë.

    Dhe a i keni informuar eprorët tuaj për këtë?

    Menjëherë kemi denoncuar. Janë dënuar disa drejtues të një firmë piramidale në Selenicë të Vlorës, ndofta e para e kësaj natyre, që u merrte paratë e qytetarëve të zonës dhe u thonin se do na vijnë ca para nga Nigeria dhe do t’u japim dy-trefish. Aty kanë qenë edhe kosovarë që kishin blerë Këndin e Lojërave në Tiranë, madje një gazetë në atë kohë më akuzoi për lidhje me UDB-në, se kishim arrestuar një deputet të parlamentit të Kosovës, se e kishim arrestuar pa i hequr imunitetin. Ne e kemi bërë problem për thuajse të gjitha firmat piramidale, shumë kohë përpara se të agravoheshin.

    Përse nuk u morën masa ndaj tyre, kur ju keni informuar për rrezikun që ato kishin?

    Këtë nuk e di, sepse nuk i përkisja ekzekutivit. Në atë kohë unë e kam ngritur dhe besoj se e kam bërë fort, në të gjitha institucionet e mundshme që ishin në atë kohë. Mund të them se kam informuar edhe drejtorinë e Doganave dhe nuk e di as vetë sepse dhe Policinë e Financave që ishte në atë kohë, ministrinë e Financave dhe atë të Brendshme, Prokurorin e Përgjithshëm, Bankën Kombëtare, etj.

    Sipas jush kush i organizoi këto piramida?

    Nuk dua të hyj në hollësira. Është fakt që rreth 70% e personelit që kanë punuar në këto firma kanë qenë ish-punonjës të sigurimit dhe oficerë të ministrisë së Mbrojtjes.

    Kush i organizoi?

    Pyesim se kush janë pronarët e atyre firmave, por unë mendoj se ka pasur një strategji në këtë mes. Unë nuk kam ndërmend të flas kush e organizoi dhe e ushqeu këtë strategji.

    Ku kanë shkuar paratë e piramidave? A keni dijeni për këtë?

    Një pjesë e mirë e tyre janë shpërdoruar nga pronarët e tyre për një jetë luksoze. Një pjesë kam përshtypjen se mund t’i kenë tjetërsuar me persona të afërm. Megjithatë unë mendoj se në kohën kur qeveria vendosi t’i bllokojë firmat piramidale, shqiptarët mund të kishin marrë gjysmën e parave të depozitura, në disa raste edhe më shumë.

    A ka pasur politikan që ka përfituar financiarisht nga këto firma?

    Sigurisht, mjaft.Nuk kam ndërmend të përmend emra.

    Po ju personalisht a keni përfituar nga piramidat?

    Nuk kam përfituar asgjë.

    Po gjatë angazhimit si shef i SHIK-ut a keni përfituar?

    Unë kam një shtëpi me sipërfaqe 100 m2. Kam dorëzuar një shtëpi të vjetër dhe kam marrë një të re, sigurisht kam plotësuar edhe paratë për diferencë. Kjo është pasuria ime sot.

    Gjatë kohës që keni qenë shef i SHIK-ut në vitet ’92-97, a ka patur aktivitete terroriste islamike dhe të organizatave të tyre në Shqipëri?

    Akuzat e drejtuara në adresën time janë jo vetëm të pabaza, por shumë dashakeqe dhe pak a shumë më duken të njëjta me këtë orkestrimin e disa mediave të majta në këtë periudhë në Shqipëri. Në qoftë se unë kam qenë kryetar i një shoqate intelektuale të myslimanëve, kam marrë pjesë në mbledhjen e themelimit të saj, ku u zgjodha kryetar i saj dhe kjo ka qenë e para dhe e fundit herë që morra pjesë në të. Në Shqipëri kanë vepruar mjaft shoqatat islamike, nëse mund t’i quajmë kështu prej vendeve arabe. Por dua të tërheq vëmendjen, në mos 100%, mbi 90 % e tyre kanë ardhur në Shqipëri në vitin 1991, kur PD nuk ishte në pushtet dhe unë nuk isha shef i Shërbimit Sekret. Sot mund të gjeni në kryeministri një raport prej gati 200 faqesh, një analizë të hollësishme të të gjithë shoqatave islamike që kanë vepruar në Shqipëri, me propozime konkrete, raport i hartuar nga SHIK, i drejtuar nga unë. Ky raport është bërë rreth vitit 1996, me propozime konkrete, kjo shoqatë duhet mbyllur, këta persona duhen shpallur nongrata, etj etj.

    Zoti Gazidede, a ka patur në atë kohë persona të akuzuar si terroristë islamik që kanë qenë në territorin e republikës së Shqipërisë?

    Po ka patur dhe për to është bashkëpunuar me shërbimet e tjera. Ne nuk kemi patur asnjë lloj informacioni për aktivitet kundër Shqipërisë prej këtyre personave. Ajo që unë mendoj është se këto persona në atë kohë kanë gjetur një strehë për t’iu shmangur shërbimeve sekrete të vendit të tyre apo dhe atyre perëndimore nga të cilat akuzoheshin. Po kjo nuk na ka penguar ne që të mos merreshim me ta. Unë që paskam qenë një mysliman i rrezikshëm, kisha organizuar një sektor që merrej me këtë punë dhe që shkëmbeja informacion me shërbimet sekrete perëndimore për këtë problem.

    Zoti Gazidede, këto persona ishin terroristë të thjeshtë apo ishin koka të organizatave terroriste sepse ka një diferencë goxha të madhe në këtë drejtim?

    Unë nuk besoj se ka patur koka, të themi të nivelit të Bin Ladenit, por që ka patur persona të implikuar në disa veprimtari terroriste edhe në vendet perëndimore dhe për këtë qëllim kanë qenë vënë në dijeni vendet përkatëse.

    Z. Gazidede a ka qënë në Shqipëri Bin Landeni në vitin 1995?

    Po të kishte qenë ne do ta kishim arrestuar sepse ne e njihnim shumë mirë se kush ishte Bin Laden që në atë preudhë.

    Nga e njihnit ju?

    E njihnim nëpërmjet shërbimeve sekrete perëndimore të cilat interesoheshin dhe që ishin në ndjekje për të.

    Nuk është gjetur asnjë gjurmë e tij në Shqipëri?

    Absolutisht jo. Ne dinim fare mirë në atë periudhë, kur Bin Ladeni ka qënë në Sudan. Ne kemi qenë të interesuar për këtë çështje sepse interesoheshim për lidhjet që ai mund të kishte në Shqipëri.

    A kishte lidhje?

    Nuk na ka rezultuar ndonjë lidhje e drejtpërdrejtë e tij në Sshqipëri. Mendohej nga disa kolegë të mitë që nëpërmjet disa personave që vepronin në disa shoqata të asaj kohe, mund t’i bëhej një ftesë Bin Ladenit që të vinte në Shqipëri dhe që të arrestohej. Por kjo sigurisht që ishte një fantazi.

    Ka patur një koment në shtypin e para 6 viteve që shënonte fatin që Bin Ladeni ka qenë në Shqipëri dhe që ju jeni takuar me të në një shtëpi pranë përroit të Zaranikës në Elbasan?

    (Qesh)...

    Jeni në dijeni të kësaj akuze?

    Jo nuk jam në dijeni, por nuk më çudit fakti që është thënë një gjë e tillë sepse nuk kanë lënë gjë pa shpifur ndaj meje dhe këtë do ta konsideroja një shpifje të radhës.

    Cfarë raportesh keni patur me CIA-n?

    Unë mendoj se kam patur raporte normale si dy shërbime mike. Unë kam vizitur CIA-n dhe pas vizitës time më është kthyer vizita nga drejtori i CIA- s së asaj periudhe. Njëkohësisht kam patur mardhënie shumë normale me ta, kemi shkëmbyer informacione me ta, kam marrë dy letra falënderimi nga dy ish- drejtorë të CIA-s për kontributin që shërbimi ynë ka dhënë në luftë kundër terrorizmit dhe gjëra të kësja natyre.

    Z. Gazidede a e keni njohur ju personalisht zv/shefin dhe më pas shefin e CIA-a Xhorxh Tenet?

    Jo nuk kam patur asnjë njohje dhe nuk jam takur me të.

    A keni qënë ju në dijeni të aktivitetit të tij në Shqipëri?

    Nuk dua të komentoj në këtë pikë.

    A mendoni që ai ka patur dorë në ngjarjet e vitit 1997 ashtu siç është komentuar në shtyp?

    Ju thashë që nuk dua të komentoj për këtë pikë dhe unë mendoj se nuk është rasti për të diskutuar për një problem të kësaj natyre.

    A keni ju dijeni se cfarë ka ndodhur më 2 mars në selinë e gazetës Koha Jonë?

    Unë sigurisht që e kam marrë vesh pasi është djegur gazeta Koha Jonë por nuk kam ndonjë informacion shumë interesant për të treguar për këtë, përderisa ajo ishte një periudhë që ne kishim probleme shumë më të mëdha se kjo.

    A është implikuar SHIK apo ju personalisht në djegien e saj?

    Absolutisht jo e mohoh kategorikisht.

    A ishit ju në vjeshtën e vititn 1997 , ose të paktën a kishit marrë informacionet që situata ishte në eksplodim e sipër për arsye të grumbullimit të parave të kursimeve të njerëzve në firmat piramidale?

    Sigurisht që po dhe unë besoj se kam informuar institucionet. Këtu duhet të dallojmë dicka. Unë kam dëgjuar mjaft personazhe dhe politikanë të asaj periudhe që mundohen t’i hedhin fajin njërit apo tjetrit që të mos mbajnë asnjë përgjegjësi për vete. Megjithëse unë mendoj se unë kisha më pak përgjegjësi se të gjithë pushtetarët e asaj periudhe, sepse un e kam ngritur zërin për skemat piramidale prapë se prapë nuk e përjashtoj veten nga përgjegjësia sepse unë nuk dola të jap dorëheqje dhe të them që mqs nuk u bë kjo që unë kërkoj unë po iki. Në një rast të tillë njeriu nuk mban përgjegjësi.
    Përderisa je pjesë e asaj qeverisje të gjithë kanë përgjegjësi.

    A e analizonit ju që kjo situatë mund të shpërthente?

    Jo vetëm e besoja por edhe e kam shkruar një gjë të tillë.

    A mendoni ju se në ‘96 kishte ende kohë për ta parandaluar këtë fenomen?

    Mendoj se kishte kohë.

    Pse nuk ndodhi kjo?

    Unë nuk dua ti hyj kësaj historie sepse sot është ndoshta më e thjeshtë të gjykosh për këtë problem, por unë kam qenë i vendosur që firmat piramidale duheshin mbyllur. Në jë farë mënyre për ta dëshmjuar këtë zell timin unë çova për ndjekje penale firmën Xhaferi. Unë fitova gjyqin e shkallës së parë dhe më pas cështja shkoi në gjykatën e Apelit dhe pastaj kundër një rryshfeti u luajt me dosjen.

    Z. Gazidede a mendoni se firmat piramidale u toleruan për të shuar zhurmën që mund të vinte nga zgjedhjet e kontestuara të majit të 96?

    Edhe mundet. Unë kam patur një mik timin gazetar në opozitë, kjo nuk duhet të keqkuptohet sepse këtë person unë e kam njohur vite më parë se të vendosesha kryetar i SHIK dhe më të kam diskutuar shumë herë problemin e firmave piramidale, dhe kjo shumë kohë më parë se të ndodhte. Dhe me miqtë e mi kur diskutoja për këtë cështje unë ju thoja se paret shtohen në xhepin tënd dhe nuk kanë pse të shtohen tek xhepi i Xhaferrit, i Alimucës apo edhe i Sudes .Dhe i kam thënë atij zotërisë që përmënda më parë, që mqs pozita nuk po e bën punën si duhet, të paktën për mendimin tim, bëjeni ju opozita, shkruajni në gazetat tuaja që firmat piramidale janë të rrezikshem për shqiptarët. Cuditërisht as ata nuk e bënë një gjë tillë. Unë mendoj se në një rast të tillë se jo vetëm pozita por edhe opozita ka pothuajse po aq përgjegjisi. Përgjegjësia kryesore i takon pozitës sigurisht, që në atë kohë nuk e bënë problem këtë cështje. Përvec kësaj të gjithë ato që e heqin veten si specialistë të ekonomisë, profesorë apo doktorë me grada ato fare mirë duhet ta dinë se cfarë pasojat do të vinin nga këto firma, aq më tepër se ky tashmë në atë kohë nuk ishte fenomen i panjohur sepse kishte ndodhur në të gjitha vendet e lindjes dhe ato duhet ta kishin ngritur zërin. Por ajo që më cudit që në atë kohë askush nuk foli për këtë cështje.

    A kishin lidhje të fuqishme politike këtë firma piramidale?

    Nuk e them dot që kishin ato lidhje politike apo ishte poltika ajo që mundohej ti shfrytëzonte ato për nevojat e veta. Ato kishin nevojë për një farë mbështetje politike dhe ata e kërkonin një gjë të tillë. Por mesa duket edhe politikës i interesonte që mund t’i shfytëzonte.

    A është përfshirë ShIK-u në goditjen dhe në rrahjen e deputetëve ende me mandate të opozitës në 28 maj të 96?

    Jo nuk është përfshirë SHIK në këtë rrahje. Shiko ajo shtë një gjë e vështirë që të mund të përshkruhet e të shpjgohet. Sepse nga njëherë gjërat që i is jellë momenti rasti, në një ngjarje të caktuar, jo cdo gjë shkon sipas parashikimit. Unë nuk e them dot se kisha këtë konkluzion në atë kohë. Kurse z. Sterkaj në çfarë ane është rradhitur , nuk ka pse të mos mendosh, që ai ishte një provokacion nga zot Stërkaj me porosi të opozitës në atë kohë.

    Po shërbimi juan është i përfshire?

    Jo nuk është i përfshire.

    Në janar të vitit 1997 kur filluar protestat e para në Lushnje dhe më pas në Vlorë, a i kuptuat ju z, Gazidede si shef i SHIK që duhej të merreshit me mbrojtjen e Kushtetutës dhe parandalimin e këtyre akteve?

    Po.

    A u shqetësuat që nuk po mereshin masat konkrete për të gjetur një zgjidhje në këtë drejtim?

    Shiko unë nuk mund të them që nuk po merreshin masa konkrete në këtë drejtim por situata po ikte nga dora gradualisht dhe nuk është se ishte një gjë shumë e thejshtë për t’u vendosur. Për mendimin tim kishte dy mënyra, e para ishte ajo represive të cilën unë mendoj se Z. Berisha nuk e ka preferuar asnjëherë dhe e dyta ishta ajo që shpresohej se mund të rregullohej kështu apo ashtu.

    A ishte ju në favor të vendosjes së gjendjes së jashtëzakonshme që në shkurt që kur u propozua në Parlament?

    Besoj që po.

    Pse?

    Mendosj se vendosja e gjendjes së jashtëzakonshme do tju jepte më tepër dorë forcave që ishin në mbrojtje të ligjit për të vendosur rendin dhe qetësinë.

    A e ka provokuar SHIK ose pjesëtar të të degës së Vlorës grevën e urisë të studentëve vlonjatë në mbrëmjen e 28 shkurtit 1997 ?

    Absolutisht jo. Në asnjë rast dhe në asnjë moment. Nuk ishte në interesin tonë ta bënim një gjë të tillë. Aty ishin njerëz të irrituar që mblidheshin përditë në miting, që flisin kundër qeverisë me një urrejtje patologjike. Kuptohej fare qartë, që nëse do ti ngacmoje këta njerëz do të kishte pasoja. Aty është folur sikur shkuan punonjësit e shërbimit edhe ngacmuan ata të grevës së urisë, sikur kishte shkuar një furgon i bardhë, dhe kjo është edhe shkruar. Po unë po ju them se atë fugonin e bardhë ato e kishin në dorë ta kapnin dhe t’i gjenin targat dhe nga erdhi. Po u fol për këtë furgon të bardhë, por nuk është gjendur asnjëherë se kush ishte fugoni i bardhë. Ato ishin të gjitha të stisura, të organizuara në mënyrë që të goditej i vetmi institucion që kishte mbetur në atë kohë në këmbë, që ishte SHIK Mund tju them një gjë interesante; që nuk e kam deklaruar asnjëherë. Kanë qënë dy deputetë të opozitës në atë kohë me vizituar ato të grvës së urië në Vlorë. Aty janë parë mitrolozë 12.7, kallashnikovë, granada-hedhës dhe ato ishin tmerruar sepse ato nuk e dinin që grabitja e armëve kishte filluar shumë kohë më parë se ajo publikja.

    Dhe pse nuk ishin marrë masa për të penguar këtë grabitje?

    Kjo grabitje duhej të ishte penguar nga ushtria dhe nuk pengohej dot nga SHIK. Ju duhet të dini një gjë shumë qartë. SHIK në atë kohë kishte rreth 1300 veta, këtu përfshiheshin që nga roja e deri tek niveli më i lartë. Pra është një shërbim që informon, por nuk kishte fuqi ekzekutive. Nuk mund të ruante Shërbimi Informativ depot e ushtrisë.

    Si e morët informacionin se selia e SHIK po sulmohej dhe punonjësit tuaj ndodheshin brenda të rrethuar?

    Na njoftuan punjonjësit që ishin brenda në godinë.

    Cili ishte reagimi juaj?

    Nuk dua të komentoj këtë. Aty ndodhën gjëra të tmerrshme, nuk dua të komentoj këtë.

    A keni kërkuar ju që ministri Zhulali t’u vinte në ndihmë?

    Po a ka interes që të diskutojmë për këtë problem tani. Nuk është kjo ajo që duhet diskutuar , por fakti që zoti Klosi më vrau dy kryetarë të SHIK që kisha unë atë kohë, atë të Vlorës dhe atë të Lushnjes, të dy kanë qënë njerëz shumë të mirë.

    Si i vrau?

    Duhet pyetur Klosi sesi i vrau .

    Kur u vranë?

    Njëri u vra në shtëpinë e tij, në Greqi se ishte në emigracion dhe tjetri në Lushnje.

    Në c’vite janë vrarë?

    Menjëherë sapo erdhi Klosi në krye të SHIK.

    Dy kryetarët janë vrarë më pas?

    Po, njëri në shtëpinë e tij dhe tjetri në mes të qytetit të Lushnjes.

    Dhe është marrë vesh pse janë vrarë?

    Se kanë qënë kryetarë SHIK-u, për ç’arsye tjetër.

    A kanë patur dorë shërbimet fqinje në ngjarjet e ‘97?

    Është më mirë të mos komentojmë për këtë problem.

    Po shërbimi informativ amerikan?

    Ju thashë që ne kemi patur një marrëdhënie shumë normale me CIA-n. Ndofta dhe me agjenci të tjera. Unë u thashë se kam marrë dy letra falenderimi prej tyre. Madje kam marrë dhe një dekoratë për shërbime të çmuara që kam bërë për Amerikën pas ’96, jo nga CIA por nga një tjetër agjenci se ju e dini që ka mjaft agjenci zbulimi.Pa dashur të komentoj, ju duhet ta dini se çfarëdo lloj politikani në SHBA ka në dorë mjaft gjëra për të ndikuar në një vend vogël sic është Shqipëria.

    Z. Gazidede, me vendosjen e gjendjes së jashtëzakonshme në Shqipëri, më datë 2 mars të ‘97 pse ju u zgjodhët komandat i operacionit dhe jo ministri Zhulali?

    Ju po më pyesni mua, nuk u zgjodha vetë, më zgjodhën. Unë sigurisht që nuk kundërshtova.

    A keni dijeni pse ju?

    Jo nuk e di. Por nuk më dukej burrëri të kundërshtoja

    A keni tentuar ju, z.Gazidede të shtypnit me dhunë atë që është quajtur revolta e ‘97?

    Jo. Unë u thashë që Berisha nuk zgjodhi rrugën represive. Nqs do të zgjidhej rruga represive, problemi do të ishte shumë i thjeshtë. Do të burgoseshin drejtuesit e opozitës dhe Zani Caushi do të ishte në motoskaf dhe do të ikte.

    Ju po thoni që opozita i ka stimuluar këto lëvizje?

    I ka drejtuar, jo stimulur. Ajo ishte një kryengritje që e organizoi Paria Komuniste, Partia e Punës së Shqipërisë kundër pushtetit antipopullor të Sali Berishës, sic e quanin ata. Për këtë nuk kam foluar ansjëherë, por për cudi nuk ka foluar as Klosi apo askush nga Ministria e Brendshme deri më tani. Në vitin 1976, pas atyre grupeve të famshme armiqësore në të gjitha fushat në Shqipëri, është vendosur të ngrihej një degë e posaçme në këtë ministri që quhej dega e agjentëve të konservuar, jashtë quhej e agjentëve të fjetur.

    Cfarë ishin këta?

    Këta ishin njerëz do të rekrutoheshin që nuk do të kishin ndonjë aktivitet në atë periudhë, por që në ndonjë pushtet antipopullor të ardhshëm do të depërtonin dhe do të shërbenin pastaj për ta rrëzuar atë pushtet që ata e quanin antipopullor. Ata lloj agjentësh janë zgjedhur sistematikisht deri në vitin 1992 deri kur kemi ardhur ne në pushtet. Dhe nga ky vit deri më sot, nuk ka kaluar shumë kohë, janë vetëm 14 vjet. Dhe pse jo, të aktivizuar gjatë kohës që ne ishim në pushtet. Më 92-96 ata janë aktivizuar për të përmbysur pushtetin antipopullor, siç e quanin ata dhe pse të mos jenë aktive dhe sot. Dosjet e këtyre lloj njerëzish duhen hapur.

    A gjenden?

    Ato janë zhdukur. Por ne kemi gjetur disa fragmente që u kanë shpëtuar këtej andej për të treguar ekzistencën e këtyre lloj agjentëve.

    A mund të gjenden?

    Shiko e pamundur nuk është. Por mund të rikonstruktohen edhe në qoftëse nuk gjënden.

    Z. Gazidede ku keni jetuar në këtë vite dhe ku u larguat? Është folur që keni ënë në siri, afganisatan arabine saudite?

    Unë kam qënë në Turqi dhe gjatë gjithë periudhës nuk kam lëvizur nga Turqia.

    Keni qënë i kontaktuar nga shërbimet atje apo jo ?

    Unë kam qënë atje me një lloj asistence me të cilën kam jetuar.

    Dhe me se jeni marrë?

    Unë jam marrë me profesionin tim dhe kam shkruar rreth 7 libra matematike, katër prej të cilava janë botuar. Këto katër libra kanë afërsisht nga 3 mijë faqe.

    Pse vendoset të ktheheshit në 2005?

    Unë ju thashë se edhe largimi në një farë mënyrë qe i detyruar.
    Nuk desha që të më gjykojnë kriminelët.

    A jeni në disponim të sekreteve që mund tju bëjnë të fuqishëm tek politika z. Gazidede?

    Edhe nëqoftë se jam unë nuk jam nga ato persona që mundohem të përfitoj nga të tilla gjëra.

    Jeni apo jo?

    S’jam munduar të përfitoj asnjëherë nga të tilla rrethana dhe s’do të mundohem asnjëherë të përfitoj. E quaj një rrugë të paligjshme një përfitim të tillë/



    27/10/2006
    Ndryshuar për herë të fundit nga Lioness : 28-10-2006 më 16:26

  2. #2
    i/e regjistruar Maska e Brari
    Anëtarësuar
    23-04-2002
    Postime
    18,826
    disa gazeta jan mesuar te "perpunojne" fjalet e njerzve..

    ja psh dialogun gazided-Klan mbreme ndryshe e jep njera ndryshe tjetra gazet sot..

    cfar dallkaukesh..
    ndoshta me e sakta eshte kjo qe jep TEMA..



    http://www.gazetatema.net/speciale.html

    ne se mundet dikush ta kopjoje nga tema kte interviste e ta arkivoje ketu.. do bente shum mire..

  3. #3
    i/e regjistruar Maska e Llapi
    Anëtarësuar
    08-08-2002
    Postime
    10,979
    Citim Postuar më parë nga Brari

    http://www.gazetatema.net/speciale.html

    ne se mundet dikush ta kopjoje nga tema kte interviste e ta arkivoje ketu.. do bente shum mire..

    Qe brari.
    -----------------


    Drejtor Mero Baze


    E Premte, Tetor 27, 2006

    SPECIALE


    Intervistë e ish-kreut të Shërbimit Informativ

    Kombëtar në vitet 1992-1997-të, Bashkim Gazidede, dhënë në emisionin “Opinion”





    Zoti Gazidede, faleminderit për ftesën, edhe pse e di që për një njeri shërbimesh është gjithnjë e vështirë të flasë përpara kamerave…



    Gazidede: Po, sigurisht, përderisa dhe vetë emërtimi është shërbim sekret, mendoj se ju duhet të jeni gjithmonë objekt i një debati publik për problemet e këtij lloj shërbimi. Megjithatë, ka dhe probleme që edhe mund të diskutohen publikisht dhe të jepen mendime pa dëmtuar shtetin.



    Por, mendoj se ju do të jeni sa më i hapur dhe më i drejtpërdrejtë në këtë intervistë dhe padyshim, sa më i sinqertë në përgjigjet tuaja…

    Gazidede: Kështu mendoj dhe unë.



    Zoti Gazidede, intervista juaj sot do të jetë një lloj profili duke filluar që nga viti 1991 dhe duke u përqendruar kryesisht në ato pika që kanë qenë jo vetëm befasuese, por shpeshherë dhe akuza ndaj jush ose ndaj institucionit që ju keni drejtuar `92-`97-të. Por, po e nis pikërisht me atë profil. Cili ka qenë angazhimi juaj përpara vitit 1991, kur ju u zgjodhët deputet i Partisë Demokratike në Peshkopi?



    Gazidede: Unë kam mbaruar për mësues matematike në Shkodër në vitin 1976-të. Kam shkuar në shkollë të lartë pas një katërvjeçari ndërprerje, siç ndodhte shpesh në atë kohë. Kam mbaruar me rezultate shumë të mira. Kam punuar mësues në disa fshatra të Peshkopisë. Pas njëfarë periudhe, arrita të rregulloj plotësimin e provimeve pranë UT-së në degën e matematikës dhe në këtë periudhë më morën pedagog në Fakultetin e Shkencave, në katedrën e Matematikës.

    Që nga viti 1984-tër kam punuar në Fakultetin e Shkencave të Natyrës deri në vitin 1992, kur u bëra deputet i PD-së dhe më vonë shef i shërbimeve sekrete.



    Ç`lidhje kishit ju më Partinë Demokratike ?

    Gazidede: Unë vij nga një familje që nuk e ka dashur komunizmin asnjëherë. Jam rritur në një ambient familjar, ku komunizmi është kritikuar vazhdimisht. Nuk mendoj se është më tepër merita ime, por merita e traditës familjare. Unë kam patur shokë dhe miq, me të cilët gjithmonë kam folur për problemet që unë mendoja se nuk ishin të drejta në atë kohë. Kështu që nga 1991 nuk ishte gjë e jashtëzakonshme për mua. Unë dhe në fakultet, në atë kohë, kam patur shokë dhe miq, me të cilët bisedoja. Krijimi i PD-së për mua ishte një gjë që nuk më linte të mendoja e në cilën anë do të jem. Dhe, nëse unë kandidova për PD-në më 1991 në Peshkopi, edhe pse e dija që nuk fitohej, unë do t’i bëja shërbim atyre patriotëve të mi nga Peshkopia. Të paktën ata që më njihnin ta kuptonin se në cilën anë isha. Ky ishte qëllimi im në atë kohë. Pastaj ata menduan të më kandidojnë sërish në ’92-shin dhe ndoshta jashtë dëshirës timë kandidova sërish në vitin 1992 dhe u zgjodha deputet.



    Zoti Gazidede, si ia bëtë që u vutë ju në krye të SHIK-ut në maj 1992?

    Gazidede: Unë nuk kam patur asnjë lidhje personale me zotin Berisha në atë kohë, kur ai ishte president. Nuk e kisha takuar asnjëherë. Unë dhe sot e kësaj dite nuk e di saktësisht se, kush më ka propozuar pranë tij. Sigurisht që do t’i kishin folur fjalë të mira.



    Nuk u bëtë kurioz që të dinit se kush ju propozoi të ishit në krye të SHIK-ut?

    Gazidede: E kam pyetur dhe zotin Berisha dhe nuk më ka treguar asnjëherë.



    Po si u bë propozimi?

    Gazidede: Unë nuk e di sesi u bë propozimi.



    Si jua bënë ju propozimin?

    Gazidede: Mua me thirri zoti Berisha një ditë të shtunë dhe më tha se kish menduar të më emërojë shef të SHIK-ut. Unë nuk pranova. Rezistova të them të drejtën, sepse mendoja se ishte një punë e vështirë për mua.



    Pse mendoni se ishte e vështirë?

    Gazidede: Kisha disa arsye që e kundërshtoja. Në radhë të parë, unë karrierën time e mendoja shkencore dhe jo politike. Në radhë të dytë, kisha fëmijë të vegjël dhe mendoja se kishin nevojë për kujdesin tim, pasi ime shoqe ishte e vetme dhe mund të mos e përballonte rritjen e tyre. Kisha arsye shëndetësore, etj.

    Zoti Berisha më bindi, nëse mund të them, duke më thënë se, nëse ai nuk do të pranonte të ishte president, disa të tjerë s`do pranonin të ishin kryeministra apo ministra, në qoftë se dhe unë s`do pranoja të isha shef i SHIK-ut, d.m.th ishte kot që u përfshimë në lëvizjen demokratike dhe i binte t’ua linim pushtetin komunistëve.



    Dhe ju vendosët që të pranonit që të drejtonit Shërbimin Informativ. Po, a ishit ju zoti Gazidede në atë kohë një ndër njerëzit besnikë të presidentit Berisha?

    Gazidede: Unë nuk e di se çfarë besimi kishte ai tek unë, sepse ai nuk më njihte fare. Ai mund të kishte dëgjuar për mua ato që ishin folur, por unë besoj se z.Berisha të gjithë bashkëpunëtorët e tij i ka zgjedhur duke menduar se janë njerëz që e bëjnë një punë të caktuar.

    Kjo nuk mund të krahasohet me atë që erdhi pas meje në Shërbimin Informativ Kombëtar. Zoti Meidani që e zgjodhi zotin Klosi si shef të SHIK-ut, e zgjodhi duke u nisur nga shoqëria shumë e ngushtë që ata kishin gjatë punës në Shkencat e Natyrës. Këtë unë e di, sepse kam qenë dhe unë atje.



    Ju keni qenë kolegë me z.Meidani dhe z.Klosi?

    Gazidede: Po, në një fakultet kemi punuar. Zoti Meidani për shumë kohë ka qenë dhe dekan i fakultetit, ku unë kam qenë pedagog.



    Zoti Gazidede, doja t’ju bëja një pyetje që është përfolur shumë në fillim të viteve ’90-të, kur ju erdhët në krye të SHIK-ut. Në atë kohë ju keni qenë një anëtar i “Shoqatës së Intelektualëve Islamikë”, nëse s’gaboj. Të paktën kështu është thënë nga shtypi. A ka ndikuar ky fakt në emërimin tuaj në krye të SHIK-ut?

    Gazidede: Në radhë të parë dua t’ju shpjegoj se çfarë ishte kjo shoqatë. Unë kisha dia miq që kishin njohuri të përgjithshme për fenë myslimane, ashtu siç mendojnë se kisha dhe unë. Mund të përmend Bardhyl Zizon, mund të përmend, ndjesë pastë doktor Shefqet Ndroqin, mund të përmend kunatin e Rexhep Meidanit.

    Së bashku me këta, me iniciativën e Bardhyl Zizos krijuam një shoqatë të të ashtuquajturve, intelektualë myslimanë. Kjo ka qenë diku në prag të zgjedhjeve të ’92-shit. Qëllimi i kësaj shoqate ishte që të mos të lëmë të gjykojnë për fenë myslimane, në atë kohë me vjen keq që e shpreh këtë fjalë, injorantët. Në kuptimin që ishin njerëz të pashkolluar, ishin njerëz që edhe fenë nuk e njihnin tamam. Ndërsa fetë e tjera kishin kuadro të përgatitur, të shkolluar, myslimanët nuk kishin dhe aq. Kjo ishte ideja themelore. Unë pastaj e pashë veten në një mbledhje, e para dhe të fundit që është bërë në këtë lloj shoqate, i zgjedhur kryetar prej tyre. Zgjedhja u bë, pas një debati që u bë për pëfshirjen e fesë në politikë, në atë periudhë.

    U hodhën zëra që feja nuk duhet të përzihej në politikë, dhe kjo është normale. Por, ideja ime ishte në atë kohë se feja nuk mund të ishte indiferente ndaj komunizmit, i cili ka qenë armiku më i egër ndaj fesë. Flas të paktën për në Shqipëri. Dhe, mbase një prononcim i tillë më vuri në krye të asaj shoqate. Por, deklaroj se ishte mbledhja e parë dhe e fundit që kam mbajtur.



    A kishte kjo lidhje me faktin se ju u zgjodhët në krye të kësaj shoqate me emërimin tuaj si shef i Shërbimeve Sekrete?

    Gazidede: Absolutisht jo, asnjë lloj lidhje. Absolutisht asnjë lloj lidhje, madje z.Berisha dhe mjaft të tjerë as mund ta dinin se ekzistonte një shoqatë e tillë.



    Zoti Gazidede, në momentin që ju morët në dorë çelësat e zyrës më misterioze të shtetit shqiptar, ose mund të themi se ishit trashëgimtar i Sigurimit të Shtetit, çfarë dinit për atë zyrë ?

    Gazidede: Unë nuk dija pothuajse asgjë. Kisha njëfarë antipatie për Sigurimin e Shtetit në përgjithësi. Gjatë gjithë kohës nuk kam patur kontakte dhe shoqëri me asnjë punonjës të Sigurimit të Shtetit. Për çudinë time nuk më është afruar ndonjëherë, në ndonjë rast, asnjë prej tyre dhe kështu që nuk kam patur ndonjë ide. Por, duke dëgjuar për bëmat e Sigurimit, sigurisht që kisha një lloj antipatie.



    Cila ishte trashëgimia e Sigurimit që ju gjetët atje?

    Gazidede: Atje unë gjeta një personnel që ishte, mund të them 100 % i Sigurimit të Shtetit. E ashtuquajtura reformë që është bërë në ’91-shin, kishte nxjerrjë vetëm një pjesë rezervë të këtij personeli prej 200 vetësh, të cilët ishin në të njëjtën listë organike që kishin qenë, vetëm se nuk kishin të drejtë të vinin në zyrë, por e merrnin rrogën, kryetari për kryetar, shefi për shef, inspektori për inspektor, por duke qëndruar në shtëpi ose duke bërë çfarë t’i thoshte partia.



    Zoti Gazidede, në momentin që ju morët në dorë Shërbimin Informativ Kombëtar, që do të thotë se ishit trashëgimtari i parë, i drejtpërdrejtë i Sigurimit të Shtetit, a konstatuat se Sigurimi i Shtetit në vitin 1991-1992, siç pretendonte dhe pasardhësi juaj Fatos Klosi, kishte asgjësuar dosjet e informatorëve dhe dosjet e tij?

    Gazidede: Po, kjo është e vërtetë. Ne u ndeshëm përballë një fakti që një pjesë e konsiderueshme dosjesh, mund të them një shifër të përafërt, rreth 10 mijë dosje mund të jenë asgjësuar në këtë periudhë nga Ministria e Brendshme, dhe përsa kohë ishte dhe Sigurimi brenda Ministrisë së Brendshme, me firmën e z.Gramoz Ruçi, dhe në këtë shifër përfshi dhe një pjesë të konsiderueshme dosjesh që ishin djegur nga Irakli Koçollari, në atë kohë shef i SHIK-ut.



    A jeni i saktë në këtë shifër z. Gazidede, se ju thatë që ishin eliminuar edhe 10 mijë dosje, ndërkohë që z.Klosi tha me shifra të përafërta se Sigurimi i Shtetit gjatë gjithë kohës ka patur jo më shumë se 5 mijë dosje?

    Gazidede: Kjo është krejtësisht e pasaktë.



    Pse është e pasaktë?

    Gazidede: Është e pasaktë, sepse do të thotë se Sigurimi i Shtetit gjatë një periudhë rreth 40-vjeçare ka patur mbi 120 mijë informatorë.



    A jeni i saktë?

    Gazidede: Mund të gaboj me 5 mijë.



    Pra, mbi 100 mijë informatorë…

    Gazidede: Pra, mbi 120 mijë informatorë dhe gjykuar se çdo informator të kishtë një dosje, do të mendonim se kishte rreth 120 mijë dosje. Por duhet patur parasysh se mjaft raste asgjësoheshin pas një periudhe. Ishin dosje që, pasi mbaronte aktiviteti i informatorit, mbylleshin, ishin dosje me afat ruajtje 10 vjet –20 vjet deri në 25 vjet. Pas kësaj periudhe, asgjësoheshin. Quhej proces normal asgjësimi. Duke patur parasysh këtë proces, unë mendoj se, në kohën kur unë kam qenë drejtues në SHIK, duke hequr dosjet që ishin asgjësuar, ka patur mbi 40 mijë dosje të Sigurimit të Shtetit.



    Çfarë dosjesh kishte asgjësuar Sigurimi i Shtetit?

    Gazidede: Shiko, ata pretendonin se kishin asgjësuar dosjet për agjitacion e propagandë dhe për tentativë arratisje. Por, asgjësimi ishte selektiv dhe i qëllimshëm, për të humbur gjurmët e veprimtarisë që kishin bërë organet e Sigurimit të Shtetit. Ata pretendonin se, meqenëse agjitacioni dhe propaganda u hoq si figurë krimi, siç e quanin ata, dhe tentativa për arratisje u hoq nga ‘tradhëti ndaj atdheut’, ata kishin të drejtë të asgjësonin këto lloj dosjesh, që ishin bërë në këto dy ‘figura krimi’. Sigurisht që një gjë e tillë ishte e paligjshme, sepse ato ishin pjesë e historisë ë popullit shqiptar gjatë periudhës së komunizmit. Nëqoftëse këto vërtet u hoqën nga figura krimi, siç i quajtën, ato mund të arkivoheshin. Ato nuk duhet të ishin më veprimtari në funksion, tani e mbrapa, por jo të asgjësoheshin. Asgjësimin e kanë bërë në kundërshtim të plotë më ligjet e asaj kohe. Me ligjet që ata vetë kishin vendosur, me rregullat dhe rregulloret që vetë kishin vendosur dhe për këtë arsye unë kam dërguar për ndjekje penale zotin Koçollari dhe disa të tjerë. Zoti Koçollari për asgjësim të paligjshëm dokumentacioni u dënua me 6 vjet burg, pastaj ai ka dalë më 1997-tën dhe unë nuk di më tej.



    Zoti Gazidede, ju thatë se ishte bërë një asgjësim selektiv i dosjeve. Ç`domethënë, që ishin asgjësuar dhe dosje personash të rëndësishëm politikë?

    Gazidede: Unë mendoj se po.



    Keni ndonjë fakt në këtë drejtim?

    Gazidede: Unë nuk kam ndërmend të përmend fakte, por ka fakte sa të duash për këtë gjë.



    Ç`domethënë ka fakte?

    Gazidede: Po, ka fakte. Shiko, në qoftë se ti ke dy bashkëpunëtorë, por le të themi se të dy janë të përfshirë në politikë, që do të thotë se kanë qenë bashkëpunëtorë në të njëjtin drejtim. Në qoftë se njëri ka qenë për agjitacion dhe propagandë dhe t`i ia ke dokumentacionin, ia bën dhe publik. Ndërsa tjetrit ia fshihnin dokumentacionin, ia fsheh, ia djeg, ia zhduk. I lë ndoshta vetëm ndonjë kartelë. Ky është asgjësim selektiv.



    Në kohën që ju keni marrë në dorë SHIK-un a ka patur dosje të personave të rëndësishëm politikë të opozitës së viteve 1992-1997-të?

    Gazidede: Ka patur. Jo shumë, por ka patur.



    Persona të rëndësishëm?

    Gazidede: Nuk dua të komentoj në këtë drejtim. Unë mund t’ju them diçka tjetër në këtë aspekt. Zoti Klosi në një intervistë që ka bërë me juve është shprehur se SHIK-u në drejtimin tim ka bërë disa asgjësime selektive, jo me regjistrat, jo me ku di unë ç`kishte ai ndërmend të thoshte. Unë ju garantoj ju se nuk është absolutisht e vërtetë. Nuk kam asgjësuar asnjë lloj dokumenti gjatë periudhës që kam drejtuar Shërbimin Informativ Kombëtar. Madje, dhe dokumentet që janë asgjësuar, janë djegur bashkë me djegien e degëve të SHIK-ut, nuk kanë sjellë ndonjë pasojë, sepse i gjithë dokumentacioni në kohën tonë ka qenë i dubluar. Dokumentacioni që ka ekzistuar nëpër degët e rretheve kishte një kopje në qendër. Përveç kësaj, dua t’ju them se marrja në dorëzim e dokumentacionit nga Sigurimi në kohën që kam ardhur unë, është bërë me proces-verbal, regjistër për regjistër dhe fletë për fletë. Të gjithë rreshtat që ata kanë fshirë nëpër regjistra, me bojë të bardhë apo të zezë, në një mënyrë apo në ndonjë mënyrë tjetër janë të dokumentuara në proces-verbalet e marra në dorëzim nga unë.



    Pse janë fshirë?

    Gazidede: Këtë e dinë ata. Njerëz që nuk deshën t’i kishim ne në dorë, që kanë qenë njerëz të Sigurimit të Shtetit, kanë qenë spiunë të Sigurimit, etj.



    Zoti Gazidede, ju thatë që një pjesë e dosjeve të bashkëpunëtorëve të Sigurimit të Shtetit janë eliminuar në vitet 1990-1992, por, ndërkohë, po thoni se një regjistër vazhdon të ekzistojë me emrat e bashkëpunëtorëve. Kjo do të thotë që, nëse sot dikush tenton të mësojë emrat e bashkëpunëtorëve, këtë mund ta bëjë?

    Gazidede: Mund ta bëjë.



    Edhe në qoftë se dosja është e djegur?

    Gazidede: Edhe në qoftë se dosja është e djegur, kjo gjë bëhet. Sigurisht, këtu përgjegjësia është tjetërkund. Nuk mund të gjykosh për shkallën e implikimit të secilit bashkëpunëtor. Ay mund të kesh një bashkëpunëtor që nuk ka dhënë asnjë të dhënë, por mund të ketë pranuar të bashkëpunojë me Sigurimin, por s`ka dhënë asnjë të dhënë, që mund të dëmtojë një të tretë.

    Mund të jetë një tjetër që ka çuar në burg disa persona.



    Ish-ministri i Brendshëm, Luan Rama, është shprehur dy ditë më parë se, dosjet e Sigurimit të Shtetit edhe nëse janë asgjë,suar ekzistojnë të kopjuara në mikrofilma. Është e vërtetë kjo?

    Gazidede: Kjo është e vërtetë, por unë kam pasur dyshime që në atë kohë që një pjesë e mikrofilmave, në mos të gjithë, janë fshehur.



    Ju vetë keni disponuar mikrofilma në vitin 1992, kur keni ardhur në krye të SHIK-ut?

    Gazidede: Po, në disa raste kam parë mikrofilma për dosje të veçanta.



    Keni parë për dosje të veçanta, por a ekzistonin për të gjitha dosjet?

    Gazidede: Për dosjet e asgjësuara thuhej që ishin asgjësuar dhe mikrofilmat. Duke patur parasysh që mikrofilmat nuk zinin volum fare, unë dyshoj se janë asgjësuar, por dyshoj se janë fshehur.



    Kush mendon t’i ketë fshehur?

    Gazidede: Unë mendoj për Gramoz Ruçin dhe pasardhësin e tij për Sigurimin e Shtetit, Irakli Koçollarin.



    Ju dyshoni se Gramoz Ruçi dhe Irakli Koçollari mund të kenë mikrofilmat e dosjeve të Sigurimit të Shtetit, të asgjësuara?

    Gazidede: Sigurisht që dyshoj, por dua të shtoj se ky është thjesht dyshim.



    Zoti Gazidede, meqenëse iu referuam intervistës së zotit Klosi të dy javëve më parë në emisionin “Opinion”, ku ai është shprehur se ka dyshime se dosjet e kundërzbulimeve të Shërbimit Shqiptar me UDB-në ishin në dorë të UDB-së…

    Gazidede: Unë nuk e di se nga i ka nxjerrë këto konkluzione zoti Klosi. Në qoftë se kjo është e vërtetë, atëherë duhet të kenë ndodhur në kohën e zotit Klosi, sepse në kohën time nuk kanë ndodhur dhe për këtë jam i sigurt.

    Në qoftë se unë do të isha në dijeninë e Klosit dhe do të kishte ndodhur kjo që thotë zoti Klosi, unë do ta kisha çuar për ndjekje penale pa asnjë lloj hezitimi.



    Kur keni qenë në krye të SHIK-ut, a keni patur dosje të bashkëpunimit të UDB-së dhe të trashëguara nga shërbimi i zotit Klosi?

    Gazidede: Sigurisht dhe janë ruajtur me fanatizëm dhe është bërë ajo që nuk ishte bërë për një kohë të gjatë, janë ruajtur në ambiente me kondicionerë sipas të gjitha rregullave të arkivave, rregullave bashkëkohore bëhet fjalë, me qëllim që ai dokumentacion të ishte në ruajtje të përhershme.



    Zoti Gazidede, dua t’ju bëj një pyetje të drejtpërdrejtë dhe dua një përgjigje të drejtpërdrejtë nga ana juaj. A keni bërë ju presion si shef i SHIK-ut ose persona të angazhuar nga ju me dosjet e personave politikë?

    Gazidede: Unë nuk kam bërë asnjë presion ndaj asnjë personi dhe nuk kam autorizuar asnjë person të bëjë presion.



    Jeni të sigurt se dosja nuk i është tundur ndonjë politikani për ta bërë atë…

    Gazidede: Jam i sigurt. Asnjëherë…



    Nuk ia keni bërë as deputetëve të opozitës?

    Gazidede: Kurrë.



    Gjithsesi, në atë kohë që ishit në krye të SHIK-ut, a ishin në dijeni të personave, politikanëve të rëndësishëm, që ishin me dosje?

    Gazidede: Shiko, disa gjëra mësoheshin dhe automatikisht aty. Unë nuk është se kam bërë ndonjë studim për këtë problem. Ne si shërbim informativ jemi përfshirë, kam përshtypjen, në prag zgjedhjesh të vitit 1996-të, për verifikimin e atyre figurave që do të kandidonin për deputetë të Kuvendit dhe ky ishte një proces ligjor.



    Zoti Gazidede, ç’model përdorët ju për të ngritur SHIK-un pas Sigurimit të Shtetit?

    Gazidede: Ne kemi përdorur modele të shërbimeve perëndimore.



    Që do të thotë..

    Gazidede: Unë kam pas punuar me mjaft shërbime perëndimore, vende anëtare të NATO-s, kam marrë modele prej tyre dhe jam munduar t’i aplikoj në ndërtimin e shërbimit.



    Cili ishte objekti kryesor i punës tuaj zoti Gazidede ?

    Gazidede: Ishte mbrojtja e Kushtetutës



    Që do të thotë ?

    Gazidede: Që do të se duhet të mbrohej vendi nga çdo veprim antikushtetues, qoftë i brendshëm, qoftë që mund ta kërcënonte dhe nga jashtë vendit.



    A quhej mbrojtje e Kushtetutës dhe përgjimi, ndjekja apo qoftë dhe represioni ndaj opozitës së kohës ?

    Gazidede: Ne nuk e kemi përgjuar, as e kemi ndjekur dhe as që i kemi bërë represion opozitës së asaj kohe. Unë duhet t’ju them zoti Fevziu se opozita e asaj kohe, që ishte një parti pushtetare gati 50-vjeçare, e la pushtetin në një kohë që mendonte se nuk mund ta mbante më pushtetin. Dhe, sigurisht, ata kishin një eksperiencë 50-vjeçare në propagandistikë. Dhe ata propagandën nuk e ndalnin për asnjë çast. Sipas meje, qëllimi i atyre për propogandën ishte të tregonin se demokracia është anarki, në demokraci gjithkush mund të bëjë çfarë t’i dojë qejfi, prandaj diktatura nuk është dhe aq e keqe. Ata përpiqeshin të tregonin se vërtet Enver Hoxha ishte diktator, por çdo udhëheqës në Shqipëri mund të bëhet diktator, se edhe Sali Berisha ishte njëfarë diktatori. Ata përpiqeshin të tregonin se vërtet Sigurimi i Shtetit kishte qenë një organ represiv, por në fund të fundit dhe SHIK-u ishte si Sigurimi i Shtetit.



    Në fakt, po e imitonit ju Sigurimin e Shtetit?

    Gazidede: Aspak.



    A ishit vënë ju p.sh. në përgjim të numrave të telefonit të pjesëtarëve të opozitës së asaj kohe? Ka patur disa denoncime në parlament.

    Gazidede: Ato ishin ose disa fantazi të sëmura, ose pataj të qëllimshme. Në atë kohë, Shërbimi Informativ Kombëtar nuk përgjonte, përveçse, është gabim të thuhet, disa dhjetëra telefona. Nuk duhet të përmend shifra po as dhjetëra nuk ishin mundësitë e SHIK-ut për të përgjuar telefona. Dhe kur dilnin njerëz që pretendonin se mua me përgjojnë telefonin dhe mua më ndjekin këtej e andej, mua më vinte për të qeshur ose dëshpërohesha sesi ka mundësi që këta njerëz të shpifnin në mënyrë kaq monstruoze.



    Gjithsesi, a ka patur njerëz të SHIK-ut që ndiqnin nga pas ose sillnin raport për lëvizjet apo aktivitetin e personave të opozitës?

    Gazidede: Të opozitës jo, por persona që mund të ndiqeshin për arsye që i ndiqte SHIK-u në përputhje me ligjin që kishte shërbimi, sigurisht që ka patur.



    Po ju sjell një rast. Në një nga intervistat e tij, ku ka rrëfyer për aktivitetin e tij politik në vitet 1996-1997-të zoti Ruçi është shprehur se është ndjekur hap pas hapi nga punonjësit e SHIK-ut deri në momentin që u largua për në Greqi.

    Gazidede: Zoti Ruçi ka qenë në një proces hetimor në atë periudhë, nëse doni ta dini ju. Zoti Ruçi mund të kishte pësuar fatin e zotit Koçollari për asgjësimin e dokumentacionit në Ministrinë e Brendshme, ai përfitoi nga rasti që ishte me imunitet dhe sapo i përfundoi imuniteti, iku në greqi. Por ne nuk kishim arsye ta ndiqnim zotin Ruçi, përsa kohë ishte me imunitet. Ato janë sajesa të zotit Ruçi.



    A keni pasur ju bashkëpunëtorë në radhët e opozitës ?

    Gazidede: Jo. E them me përgjegjësi.



    A kishit ju lidhje ose a kishit ju interferenca me regjimin politik të kohës?

    Gazidede: Jo nuk kishim asnjë lloj interference. Ne e kishim të ndaluar me ligj për të ndërhyrë në partitë politike dhe me degët e tyre në rrethe.



    Si shpjegohej atëherë që media dhe pothuajse e gjithë opozita shqiptare ju akuzonte vazhdimisht për interferencë ?

    Gazidede: Unë po them që ishte qëllimi i tyre të paraqisnin Shërbimin Informativ Kombëtar të ngjashëm me Sigurimin e Shtetit. Dhe, atë hijen e zezë të Sigurimit të mund t’ia jepnin dhe kalonin SHIK-ut.





    Ju jeni në dijeni, madje dhe vetë gazetarët ju kanë pyetur lidhur me zhdukjen e biznesmenit kosovar z.Remzi Hoxha, i cili është zhdukur në vitin 1995-së, madje thuhet se është marrë nga dy makina të SHIK-ut. Është deklaruar se ai është vrarë, ose i ka mbetur i vrarë pas torturave të punonjësve të SHIK në zonën e Lezhës. Si është ky rast dhe ç’ju thotë ky emër?

    Gazidede: Në vitin 1995-së kur ka ndodhur zhdukja e këtij biznesmeni, ka patur një shkrim në “Gazetën Shqiptare” fillimisht, pastaj është akuzuar SHIK-u që atëherë. Që në atë rast unë kam vënë në lëvizje dy drejtori në SHIK që të ndjekin këtë problem dhe, nëse kishte ndonjë bazë për akuzat që i bëheshin Shërbimit. Nga hetimi që u bë nga ne, për të cilin duhet të ekzistojnë dhe dokumente në kundërshtim me atë që thotë zoti Klosi, del se nuk kishte ndonjë përfshirje të punonjësve të SHIK-ut. Zoti Klosi doli dhe akuzoi publikisht SHIK-un tha se, unë kisha dijeni, që ai kishte dijeni. Tha se, ai e dinte që unë e dija, madje ai tha se, e dinte që mund ta dinte dhe zoti Berisha. Ajo që thotë Klosi është një shpifje e pastër. Në qoftë se prokuroria ka bërë hetime për këtë problem, ka arrestuar njerëz, të cilët janë lënë të lirë si të pafajshëm. Në një rast të tillë, kur përfshihet drejtësia në një proces, nuk ka më vend për komente dhe për përrallat që tregon zoti Klosi. Unë nuk e kuptoj sesi zoti Klosi e thotë, edhe pse nuk ka fakte që e ka bërë SHIK-u, megjithëse nuk ka prova, ai thotë se e di zoti Gazidede. Nuk mund të flasë shefi i Shërbimit Sekret në mënyrën siç flet Klosi. Më thanë se në “Top Channel” vëllai i Remzi Hoxhës kish thënë se më ka çuar këtu ose atje zoti Klosi, duke më prezantuar si punonjës të SHIK-ut. Ky është një abuzim i pastër me detyrën dhe z.Klosi e ka bërë këtë thjesht për arsye politike. Dhe deklaratat e zotit Klosi janë thjesht politike.



    Por, ç`ka ndodhur me biznesmenin Remzi Hoxha?

    Gazidede: Sigurisht, po ta dija do ta kisha zgjidhur që atëherë.



    Pra, ju po thoni se SHIK-u nuk është i përfshirë në eliminimin ose të paktën në marrjen peng të tij?

    Gazidede: Me kaq dijeni sa kam unë, jo.



    Është vërtetuar se makinat kanë qenë me targat e SHIK-ut.

    Gazidede:Targat për mua nuk tregojnë asgjë. Po ju përmend rastin, kur shërtheu automjeti pranë “VEFA”-s në 1996-tën, ne gjetëm targat e kryetarit të një rrethi verior. Dhe kjo s`tregon asgjë. Targat prodhoheshin në uzinën metalike të Gjirokastrës dhe kundrejt një ryshfeti merrje çdo lloj targe atje. Targa nuk është asnjë lloj treguesi.



    Prokuroria e Përgjithshme ka deklaruar se, të tre të pandehurit që u morën për këtë çështje, kanë deklaruar se e kanë rrëmbyer personin, por nuk dinë më fatin e mëtejshëm të tij ?

    Gazidede: Unë nuk di, nëse ata kanë bërë një deklaratë të tillë. Nëse ata e kanë bërë një deklaratë të tillë, le ta gjejnë ata.



    Z. Gazidede, a jeni ju i përfshirë në eliminimin dhe zhdukjen e biznesmenit Remzi Hoxha ?

    Gazidede: Absolutisht jo.



    A keni qenë ju në dijeni të këtij rasti që në vitin 1995-së?

    Gazidede: Kam qenë në dijeni për akuzat që u bënë. Më ka thirrur zyrtarisht z.Arbnori për të thënë se çfarë dinim ne për këtë rast. Dhe ne i kemi kthyer përgjigje zyrtare z.Pjetër Arbnori për aq sa dinim ne. Përsëri më ka dërguar letër dhe Ali Spahia. Dhe ai ka marrë përgjigje zyrtare dhe nuk është e vërtetë që Spahia i ka thënë familjarëve se e ka SHIK-u dhe do t’jua japi sot, do t’jua japi nesër, sepse s`kishte si e thoshte këtë zoti Spahia, kur një gjë e tillë nuk është pohuar nga SHIK-u. Mua me vjen keq për ata familjarë, ata kanë humbur vëllain, të dashurin e tyre, babain e tyre, por kjo nuk do të thotë se ata mund të akuzojnë kë të duan, kë t’u dalë përpara.

    Kjo nuk do të thotë se zoti Klosi duhet të dalë përpara kamerave dhe të shpifë, pasi ai s`e ka dhe për herë të parë që shpif.



    Mediat kanë përmendur faktin se, i fundit që ka patur kontakte, e ka parë ose ka biseduar me z.Remzi Hoxha, ka qenë z.Kumbaro që aktualisht ndodhet në Britaninë e Madhe. A keni dijeni se kush është ky person dhe a ka qenë efektiv i SHIK-ut?

    Gazidede: Po ka qenë efektiv. Ai ka qenë ish-oficer i Sigurmit të Shtetit me një stazh të gjatë pune. Ka punuar dhe në SHIK. Pas një fare kohe, ky ka dalë në lirim, siç i nxirrnim ne ish-oficerët me një farë rroge për 2 a 3 vjet, një rrogë e krahasueshme me rrogën e mësuesit të asaj kohe.



    Si shpjegohet që zhduket një biznesmen në mes të Tiranës, një person që ka patur mjaft interes nga mediat dhe nga familjarët dhe nuk gjendet asnjë gjurmë e tij?

    Gazidede: Shiko, nuk ka qenë ndonjëherë objekt i punës së SHIK-ut të merret personat e zhdukur. Këto ishin probleme të policisë dhe nuk kishin pse ishin probleme të SHIK-ut.

    Së dyti, gjatë kësaj periudhë nuk është rasti i parë që ndodhi. Gjatë periudhës që unë s`kam qenë në Shqipëri janë vrarë në mes të Tiranës biznesmenë të fuqishëm, janë rrëmbyer në mes të ditës dhe rasti i z.Hoxha nuk është rasti i vetëm. Mua më habit fakti se, pse për këtë rast bëhet zhurmë, sa herë afrohen zgjedhjet, ose sa herë që ka ndonjë qëllim politik. Kjo më habit. Është e drejtë e familjarëve të kërkojnë të afërmin e tyre, e drejta e medias të interesohet, por nuk mund të akuzohen njerëz pa fakte. Këtë të drejtë s`e ka askush.



    Prokuroria e Krimeve të Rënda ka deklaruar se ka rihapur çështjen dhe se një nga personat që do të thirret për të dhënë shpjegime do të jeni dhe ju. A jeni i gatshëm për dhënë shpjegime?

    Gazidede: Unë nuk e di se ç`ka ndërmend Prokuroria e Krimeve të Rënda. Është punë e tyre, nëse e hapin çështjen ose nuk e hapin, është punë e tyre, nëse më thërrasin ose jo. Unë përderisa jam kthyer në Shqipëri, jam kthyer dhe jam në gjendje të përballem me çdo lloj akuze që ngrihet ndaj meje.



    Nuk keni frikë nga kjo çështje ose çështje të tjera që mund të hapen për ju z.Gazidede ?

    Gazidede: Çfarë frike? Unë nuk e ndjej veten të jem i implikuar në asnjë shërbim të kundërligjshëm. SHIK-u ka punuar në bazë të një ligji që është i aprovuar në vitin 1991. Shërbimi nuk punon me direktivat e Byrosë Politike, siç ka punuar Sigurimi i Shtetit.

    Çdo njeri që ka punuar në SHIK, firmoste se ka qenë person i depolitizuar, që e njihte ligjin, etj., etj. Dikush që e ka shkelur ligjin, ai raportohej tek eprorët e tij dhe penalizohej me vërejtje apo dhe deri largim nga puna. Në qoftë se shkelja e ligjit është flagrante, ai mund të ketë marrë dhe dënimin.



    A keni patur lidhje ose raport ju si SHIK me lëvizjet ilegale në Kosovë ?

    Gazidede: Kë quani ju lëvizje ilegale në Kosovë, a mund të ma sqaroni…



    Ka patur një sërë lëvizjesh brenda Kosovës që nga viti 1992 e në vazhdim.

    Gazidede: Ne nuk kemi patur asnjë lloj lidhje me organizata që kanë patur ndonjë veprim me armë. Ne kemi patur porosi të prerë që nuk duhet të bëheshim shkas për ndonjë nxitje të ndonjë luftë në Kosovë. Në këtë aspekt, nuk kemi patur asnjë veprimtari konkrete.



    A keni futur armë në Kosovë z.Gazidede? A ju ka qëlluar ?

    Gazidede: Ne nuk kemi futur asnjëherë armë, për aq kohë sa kam qenë unë në krye të SHIK-ut. Ka tentuar të fusë armë Irakli Koçollari përpara meje dhe janë kapur nja 70 armë në kufi bashkë me ata që i kishin armët. Janë gjykuar në Kosovë nga serbët dhe ne kemi patur fatin të kemi në dorë deponimet e ayre që ishin të burgosur për këtë qëllim.



    Si u vunë në dizpocion ?

    Gazidede: Na i sollën kosovarët. Kishin dalë nëpërmjet avokatëve të tyre dhe na i sollën në Shqipëri. Morëm vesh, se ç`kishin pohuar atje, për kohën që kishin qenë në Shqipëri.

    Kjo veprimtari e z. Koçollari ka qenë e paligjshme. Sipas meje ai kish bërë një veprim pa u konsultuar me qeverinë e asaj kohe.







    Mund të quhej një veprim patriotik?

    Gazidede: Nëse mund të quhet patriotik, patriotizmin nuk kishte pse e bënte z.Koçollari pa dijeninë e qeverisë. Ishte atribut i qeverisë në atë kohë. Z.Koçollari ishte pjesë e qeverisë, por s`mund të bënte veprime të tilla. Unë mendoj se nga njëra anë ai deshi ta tregonte veten partiot dhe nga ana tjetër, deshi të thoshte se, qeveria e PD-së është nacionaliste dhe e rrezikshme.



    A keni patur raporte me UDB-në ?

    Gazidede: Nuk ka ofendim më të madh për një shqiptar, as për më tepër për një ish- drejtues të Shërbimit Sekret, që të ketë lidhje me serbët, armiqtë tradicionale të shqiptarëve.



    Po shërbimi juaj ?

    Gazidede: Shërbimi jonë nuk mund të ketë asnjë lloj lidhje me jugosllavët, sepse qëllimet tona ishin të kundërta. Nuk kishim asnjë pikë të përbashkët. Është ndryshe sot gjendja në Ballkan. Jugosllavia mendonte në atë kohë për luftë në Ballkan, ndërsa ne nuk ishim për luftë.



    A keni patur ju një kontakt apo takim të drejtpërdrejtë me njërin nga personat më famëkeqë të paramilitarëve, me Arkanin? Ka një akuzë nga një ish-ministër se, ju jeni takuar me Arkanin fillimisht në Peshkopi dhe më pas, në një takim të dytë në Tiranë, në hotel “Dajti”.

    Gazidede: Unë e kam dëgjuar këtë lloj shpifje. E kuptoj që për një opozitar, në vendin tonë njerëzit nuk janë dashamirës dhe mund të shpifin. Ndoshta quhet normale shpifja. Por, të arrijë shpifja deri atje, sa ta cenosh në dinjitetin kombëtar dikë, më duket monstruoze. Unë kam patur rastin të takoj në rrugë zotin Rama, ose më saktë, ai deshi të më jepte dorën dhe unë ia thashë këtë gjë. Megjithëse ai kish dalë e kish thënë këtë gjë në televizion, mua më tha se nuk është e vërtetë se e kam thënë unë, e ka thënë z.Klosi. Por, si ai, si zoti Klosi duhet të kenë turp të akuzojnë një shqiptar për tilla gjëra.



    A është e vërtetë, siç kanë shkruar mediat se SHIK-u ka parandaluar një atentat ndaj Gligorovit ?

    Gazidede: Jo, nuk është e vërtetë.



    Desha t’ju bëj disa pyetje në lidhje me atë që quhet arrestimi i të pestëve. Bëhet fjalë për arrestimin e pesë minoritarëve në jug të vendit. A keni ju dijeni për këtë arrestim dhe a keni qenë ju iniciatori i tij ?

    Gazidede: Që kam patur dijeni për arrestimin, është një gjë krejt normale. Ata kishin veprimtari antikushtetuese dhe për një veprimtari antikushtetuese u arrestuan dhe u dënuan. Këtu gjykohet shpesh për anën politike të problemit, por ana politike nuk i përket SHIK-ut, por politikanëve.

    Ne nuk kemi bërë asnjë veprim të paligjshëm. Arrestimin s`e kemi bërë ne, por ne kemi propozuar arrestimin e tyre. Arrëstimi është bërë në bazë të të gjitha normave, madje, përveç firmës së Prokurorisë së Përgjithshme, ne kemi patur dhe firmën e zotit Brozi për kontrollin e banesave të atyre personave dhe për kontrollin e zyrave të “Omonias”.



    Z. Brozi është shprehur publikisht se ju bëtë presion që këta persona të dënoheshin, kur gjykata shpalli lirimin e tyre.

    Gazidede: Kjo nuk është e vërtetë, sepse nuk kisha asnjë arsye t`i bëja presion z. Brozi. Aq më tepër nuk mund të bëja presion, pasi dhe vendimi ishte marrë.



    Cilat kanë qenë marrëdhëniet tuaja me zotin Meksi në atë kohë kryeministër ?

    Gazidede: Unë mendoj se kam patur marrëdhënie normale, nuk e di se ç`marrëdhënie ka patur me mua z.Meksi.



    Z.Meksi është shprehur pak kohë pas largimit tuaj se, në lëvizjet 1996-1997-të ju ushtronit mjaft ndikim mbi zotin Berisha. Është e vërtetë ?

    Gazidede: Zoti Berisha nuk është një njeri që ndikohet nga një person ose nga një tjetër. Zoti Berisha ka një mendim krejt të pavarur, ka një veti që dëgjon shumë vetë dhe bën si di vetë. Unë nuk shquhesha për dhënie këshillash. Mund të kem dhënë thjesht mendimin tim, kur më është kërkuar.



    Z.Gazidede, a jeni ju në dijeni të faktit që një deputet i opozitës dhe një publicist i njohur janë goditur publikisht në atë kohë në Tiranë, Ndre Legisi dhe Edi Rama. A keni qenë ju i përfshirë?

    Gazidede: Sigurisht që i kam dëgjuar, sepse unë këtu kam qenë në atë kohë, por më indinjon fakti se, çdo gjë që ndodhte në Shqipëri, dhe për krimin më ordiner, akuzohej SHIK-u. Ndoshta një nga të metat e mia ka qenë që nuk kam bërë asnjë dalje publike dhe të përgënjeshtroj fakte të tilla. Jo çdo akuzë e kam lënë të kalojë në heshtje. Unë kam çuar për ndjekje penale në atë kohë shumë shpifje që janë bërë në media. Dhe pothuajse kemi fituar të gjitha çështjet. Kam patur raste që eprorët më kanë detyruar të tërheq akuzat për arsye që i dinë ata.



    Kush i ka goditur këta persona shumë të rëndësishëm për kohën ?

    Gazidede: Sigurisht unë nuk i di dhe nuk ishte detyra ime ta dija.



    A duhet të merreshit me hetimin e kësaj çështjeje?

    Gazidede: Jo nuk besoj. As jam marrë dhe as duhej të merresha.



    SHIK-u duket se kishte informacion mjaft të mirë për gjithçka ndodhte në Shqipëri. A ishte në dijeni të faktit se, disa firma piramidale po ngriheshin me mjaft shpejtësi në vitet 1995-1996-të?

    Gazidede: Sigurisht, që në hapat e parë.



    A keni informuar eprorët tuaj ?

    Gazidede: Kemi denoncuar dhe janë dënuar disa drejtues të një firme që filluan për herë të parë në Selenicë të Vlorës. Ndoshta e para e kësaj natyre, që mblidhnin paratë e qytetarëve dhe i thoshin se do na vinë ca pará nga Nigeria dhe t’ua jepnin dy apo trefish. Dy prej tyre kanë qenë dhe kosovarë, që në atë kohë kishin blerë këndin e lojërave në Tiranë. Madje, një gazetë e asaj kohe më ka akuzuar mua se punoja për UDB-në, se ishte arrestuar një deputet i parlamentit të Kosovës, pa i hequr imunitetin. Ne kemi bërë problem, pothuajse të gjitha firmat piramidale të asaj kohe, shumë kohë përpara se ato të agravoheshin.



    A u morën masa ndaj tyre, kur ju keni informuar për rrezikun që ato paraqisnin?

    Gazidede: Unë këtë nuk e di, sepse nuk i përkisja ekzekutivit. Unë e kam ngritur zërin dhe besoj se e kam ngritur fort. Unë kam bërë me dijeni të gjitha institucionet e mundshme që ishin në atë kohë në Shqipëri. Mund të them se kam informuar dhe Drejtorinë e Doganave dhe nuk e di pse e kam bërë këtë, kam informuar tatimet, Ministrinë e Financave, Ministrinë e Brendshme dhe Prokurorin e Përgjithshëm, Bankën Kombëtare, etj.



    Këto ishin piramida të mirëfillta apo proces pastrimi i parave ?

    Gazidede: Unë mendoj se kanë qenë piramida të mirëfillta. Në periudhën e fundit ka patur përpjekje për pastrim parash, por mendoj se kanë qenë përpjekje që nuk u materializuan ndonjëherë.



    Kush i organizoi këto, sipas jush ?

    Gazidede: Nuk dua të hyj në hollësira, por është fakt që rreth 70 % e personelit që kanë punuar në këto firma kanë qenë ish-punonjës të Sigurimit të Shtetit dhe oficerë.



    Kush i organizoi ?

    Gazidede: Se kush i organizoi, kështu legalisht dihet kush janë pronarët, por mendoj se në këtë mes ka patur dhe strategji. Unë nuk kam ndërmend të flas, kush e ushqeu këtë strategji.



    Ku kanë shkuar paratë e firmave. A keni dijeni ?

    Gazidede: Po, një pjesë e mirë janë shpërdoruar nga vetë drejtuesit e firmave për jetë luksoze, për të blerë apartamente, vila, helikopterë, etj. Një pjesë kam përshtypjen se mund t`i kenë tjetërsuar persona të tjerë të afërm, me lidhje të ngushta familjare, shoqërore apo miqësore. Unë mendoj se, kur ne vendosëm t`i bllokonim firmat, shqiptarët kishin marrë gjysmën e parave të depozituara. Në disa firma, ndoshta dhe më shumë.



    Gjatë kësaj kohe që i kishit nën vëzhgim, a ka patur tentativa për lidhje mes firmave piramidale dhe organizatave kriminale ndërkombëtare ?

    Gazidede: Mendoj se ka patur tentativa, por nuk besoj lidhje të ngushta.



    A ka patur politikanë që kanë patur lidhje financiarisht më këto firma ?

    Gazidede: Sigurisht. Mjaft ka pasur.



    Kush kanë qenë këta ?

    Gazidede: Nuk kam ndërmend të përmend emra.



    Po ju personalisht a keni përfituar ?

    Gazidede: Jo, asgjë.



    Po gjatë kohës që keni qenë shef i SHIK-ut?

    Gazidede: Unë kam një shtëpi. E gjithë pasuria ime sot është një apartament me një sipërfaqe 100 m.2. Kam dorëzuar një apartament të vjetër dhe mora këtë, duke shtuar dhe një pjesë tjetër parash.



    Në media ka qarkulluar vetëm një foto e juaja gjithë këto vite. Pse kaq pak protagonist në të ?

    Gazidede: Unë mendoj se edhe sot atë mendim kam, që Shërbimet Sekrete, përderisa quhen dhe të tilla, nuk kanë pse dalin publikisht dhe flasin çdo javë. Mendoj se nuk është kjo figura e një shefi shërbimesh. Mendoj se dhe veprimet e shërbimit duhet të jenë sekrete. Duhet të ketë organizma që t`i kontrollojnë që të mos jenë jashtë kontrollit, por nuk mendoj se duhet të jenë publike punët e Shërbimit Sekret.



    Gjatë kohës që ju keni qenë në krye të SHIK-ut, gjatë kohës `92-`97-të, a ka patur aktivitet të terroristëve islamikë në Shqipëri ?

    Gazidede: Më prekët një çështje që më ka shqetësuar. Akuzat ndaj meje kanë qenë të pabaza dhe dashakeqëse. Dhe më duket me orkestrimin e mediave të majta në Shqipëri. “Top” dhe “News” në të njëjtën orë, një natë, nuk kanë lënë shpifje pa bërë ndaj meje dhe funksionit që unë kam patur.

    Shumë mendia kanë deformuar tonet e mia, siç iu ka leverdisur. Nuk është kjo që më shqetëson. Mua më shqetëson dashakeqësia. Në qoftë se unë kam qenë kryetar i një shoqate, që unë kam qenë në mbledhjen e themelimit të saj, e cila ka qenë e para dhe e fundit mbledhje dhe kam qenë me persona të nderuar që ju përmenda dhe më sipër; nuk thuhet asnjë fjalë për kunatin e z. Meidani, por unë akuzohem. Kjo nuk më duket normale. Në Shqipëri ka patur mjaft shoqata islamike, në ju kujtohet. Por unë dua të tërheq vëmendjen në diçka që mund të jetë interesante. Në mos 100% mbi 90% e këtyre shoqatave kanë ardhur në Shqipëri gjatë vitit 1991, kur PD-ja s`ka qenë në pushtet dhe unë s`kam qenë në krye të SHIK-ut. Sot, mund të gjeni në kryeministri një raport 200 faqesh dhe një analizë të të gjtha shoqatave islamike që kanë vepruar në Shqipëri me propozime konkrete.



    Kush e ka hartuar raportin?

    Gazidede: Shërbimi që kam drejtuar unë.



    Në cilin vit ?

    Gazidede:Në periudhën `92-`96-të. Ky raporti është i fillimit të vitit 1996-të. Me propozime konkrete. Kjo shoqatë duhet mbyllur, ky duhet përzënë, ky “persona non grata” etj.



    Ka patur persona të rrezikshëm islamikë që kanë operuar në territorin shqiptar”

    Gazidede: Po ka patur dhe për këtë është bashkëpunuar më shërbime të tjera. Unë mendoj se këta persona kanë gjetur në Shqipëri një strehë, më tepër që t`i shmangeshin shërbimeve të vendeve të tyre. Por kjo nuk na ka lënë që ne të mos merreshim më ta. Dhe unë që paskam qenë mysliman i rrezikshëm, paskam organizuar një segment shtetëror që merrej më këtë punë dhe që shkëmbeja informacione me shërbimet sekrete perëndimore për këtë problem.



    A i keni informuar ju shërbimet sekrete perëndimore për rrezikshmërinë e këtyre personave?

    Gazidede: Kur them unë, s`e kemi ngritur vetëm një sektor të posaçëm për këtë punë, ne kemi ngritur një sektor në bashkëpunim me një shërbim perëndimor, nuk dua të përmend emër. Të gjithë personat që kanë punuar aty, janë stërvitur prej tyre, janë mësuar prej tyre dhe informacioni është shkëmbyer me përfaqësues të vendeve të NATO-s.



    Personat që ndodheshin në Shqipëri, ishin terroristë të thjeshtë apo ishin koka të organizatave terroriste ?

    Gazidede: Nuk besoj se ka patur koka, të themi në nivelin e Bin Ladenit, por themi se ka patur persona të inkriminuar në veprimtari terroriste në disa vende edhe të Evropës. Dhe për këtë qëllim kanë qenë vënë në dijeni vendet përkatëse.



    Ka qenë apo jo Osama Bin Laden në Shqipëri ?

    Gazidede: Po të kish qenë, do të ishte arrestuar, sepse ne e njihnim fare mirë Bin Ladenin.



    Nga e njihnit ?

    Gazidede: E njihnim nëpërmjet shërbimeve sekrete perëndimore që interesoheshin.



    Të cilat ishin në ndjekje të tij?

    Gazidede: Sigurisht.





    Dhe në Shqipëri nuk është gjetur asnjë gjurmë e Bin Ladenit ?

    Gazidede: Absolutisht jo. Ne dinim fare mirë, e dinim periudhën kur Bin Laden ka qenë në Sudan dhe ku ishte Bin Laden. Domethënë, kemi qenë të interesuar, sepse interesoheshim për lidhjet që ai mund të kishte në Shqipëri.



    Kishte lidhje në Shqipëri ?

    Gazidede: Nuk na ka rezultuar ndonjë lidhje e drejtpërdrejtë e tij në Shqipëri. Mendohej nga disa kolegë që nëpërmjet disa formave, të ftohej në Shqipëri dhe të arrestohej, por sigurisht ishte një fantazi kjo.



    Ka patur një koment në shtypin e 6 viteve më parë, që shënonte faktin se, Bin Laden ka qenë në Shqipëri dhe se ju jeni takuar me të në një shtëpi pranë përroit të Veramicës në Elbasan?

    Gazidede: Nuk jam në dijeni as të kësaj akuze, por nuk me çudit fakti, pasi e di që nuk kanë lënë asgjë pa shpifur dhe do e konsideroj shpifje të radhës.



    Ç’raporte keni patur ju me Shërbimin Sekret Amerikan ?

    Gazidede: Raporte normale. Dy shërbime mike. Unë e kam vizituar dhe pas viztës time më është kthyer vizita nga drejtori i CIA-s i asaj periudhe. Njëkohësisht kam patur marrëdhënie normale me ta, kemi shkëmbyer informacione dhe kam marrë dy letra falenderimi nga dy ish-drejtorë të CIA-s për kontributin që shërbimi ynë ka dhënë në luftën kundër terrorizmit.



    Në cilat fusha bashkëpunonit më shumë ?

    Gazidede: Kryesisht në shërbimin terrorist.



    A e keni njohur ju Xhorxh Tened-in?

    Gazidede: Jo nuk e kam njohur.



    A keni qenë në dijeni të aktivitetit të tij në Shqipëri ?

    Gazidede: Nuk dua të komentoj.



    Mendoni se ka patur dorë në ngjarjet e vitit 1997-të?

    Gazidede: Nuk dua të komentoj. Nuk është rasti.



    T`ju bëj një pyetje që është rihapur dje. Botuesi i “Koha Jonë” ka kërkuar në prokurori hapjen e dosjes për djegien e gazetës “Koha Jonë” në 2 mars 1997-të. Madje, ai thotë se e ka bërë këtë kërkesë që nga momenti, kur ju jeni kthyer në Shqipëri..

    Gazidede: Është e drejta e zotit Lesi të bëjë çfarë deklarate të dojë.



    E dini ç`ka ndodhur më 2 mars 1997-të në redaksinë e gazetës “Koha Jonë” ?

    Gazidede: E kam marrë vesh, pasi është djegur, por s`kam ndonjë gjë interesante për të treguar për këtë, pasi ajo ishte një periudhë, kur ne kishim probleme më të mëdha se ky.



    A është implikuar SHIK-u në këtë djegie ?

    Gazidede: Jo. I mohoj kategorikisht.



    Ishit në dijeni në vjeshtën e vitit 1996-të, ose të paktën a kishit marrë informacione që situata ishte në eksplodim e sipër për arsye të mbledhjes së shumë parave?

    Gazidede: Po, dhe unë kam informuar. Duhet të dallojmë diçka. Kam dëgjuar mjaft personazhe që mundohen t`ia hedhin fajin njëri-tjetrit. Unë mendoj se kam më pak përgjegjesi, sepse e kam ngritur zërin, nuk e shkarkoj veten nga përgjegjesia, të kisha dalë dhe të kisha dhënë dorëheqjen.



    A e besonit se situata do të shpërthente ?

    Gazidede: Jo vetëm e besoja, por edhe e kam shkruar një gjë të tillë.



    E keni vënë në dijeni administratën e kohës ?

    Gazidede: Besoj se po.



    A mendonit se në 1996-ën kishte ende kohë për të marrë masa për të parandaluar këtë fenomen?

    Gazidede: Po, kishte kohë.



    Pse nuk ndodhi ?

    Gazidede: Nuk dua t`i hyj kësaj historie. Por kam qenë i vendosur të mbylleshin firmat dhe në një farë mënyre, për ta dëshmuar këtë qëndrim timin, çova për ndjekje penale firmën “Xhaferri” dhe fitova gjyqin e shkallës së parë. Çështja shkoi në shkallën e dytë dhe kundrejt një ryshfeti u luajt me dosjet. Gjykata e Apelit nuk kishte dosje për gjyqin, gjykata shkallës parë tha se nuk e kemi dosjen dhe për çudi, në kohën që unë nuk kam qenë në Shqipëri, dëgjova që ishte mbyllur firma “Xhaferri”. Për mua ka qenë problemi shumë i qartë, që unë kam bërë më tepër se ç`më takonte.



    Mendoni se këto firma u toleruan për të shuar zhurmën që vinte nga zgjedhjet e majit 1996-të?

    Gazidede: Edhe mundet. Unë kam patur një mik timin, gazetar në opozitë, dhe më të diskutonim për firmat. Dhe me shokët, kur pyesnin, i thosha, paratë të shtohen në xhepin tënd dhe s`kanë pse shtohen në xhepin e Xhaferrit.

    Unë i kam thënë se, meqenëse pozita s`po e bën punën si duhet, bëjeni ju opozita, shkruajeni te gazeta juaj që firmat janë të rrezikshme. As ata nuk e bënë. Pozita dhe opozita kanë të njëjtën përgjegjësi. Veç kësaj, dhe ata që e quajnë veten profesorë të ekonomisë, dhe ata duhet ta bënin. Pasi ndodhi, thanë të gjithë pse s`u bë kjo, pse s`u bë ajo.



    A kishin lidhje politike këto firma piramidale?

    Gazidede: Nuk them dot se ato kishin lidhje, por politika mundohej t`i shfrytëzonte për nevojat e veta.



    A është përfshirë SHIK-u në rrahjen e deputetëve të opozitës në maj të vitit 199të?

    Gazidede: Jo, nuk është përfshirë SHIK-u.



    Në shkurt 1997-të, në Lushnjë dhe më pas në Vlorë, e kuptonit që duhet të merreshit me mbrojtjen e Kushtetutës dhe se situata mund të përkeqësohej. A i vutë në dijeni eprorët për këtë?

    Gazidede: Po, besoj se nuk ishte e vështirë të kuptohej kjo.



    U shqetësuat që s`po merreshin masa ?





    Gazidede: Nuk them se s`po merreshin masa, por situata po ikte nga dora dhe s`ishte e thjeshtë. Kishte dy mënyra, duke shpresuar se mund të rregullohej kështu apo ashtu.



    Ju personalisht në cilën pjesë jeni ?

    Gazidede: Nuk dua të komentoj për këtë.



    A ishit ju në favor të vendosjes së gjendjes së jashtëzakonshme që në fillim të muajit shkurt?

    Gazidede: Besoj se po.



    Për ç`arsye ?

    Gazidede: Për të vendosur rendin dhe qetësinë.



    A e ka provokuar SHIK-u ose pjesëtarë të SHIK-ut të degës së Vlorës grevën e urisë së studentëve vlonjatë ?

    Gazidede: Absolutisht jo, në asnjë rast, në asnjë moment. Nuk ishte në interesin tonë ta bënim një gjë të tillë. Ata ishin njerëz të irrituar që dilnin përditë në miting, që flisnin kundër qeverisë me një urrejtje patologjike. Kuptohej qartë se, nëse do t`i ngacmoje ata njerëz, do kishte pasoja. Thuhej se, punonjësit e SHIK-ut shkuan i ngacmuan, një furgon i bardhë qarkullonte në atë kohë. Furgonin e bardhë ata e kishin në dorë ta kapnin, të gjenin targat, të gjenin nga erdhi nga s`erdhi. U fol për furgon të bardhë, por nuk u gjet asnjëherë ky furgon i bardhë. Ato ishin të gjitha të stisura në mënyrë që të goditej edhe i vetmi institucion që kishte mbetur akoma në këmbë, SHIK-u. Mund t`iu them diçka interesante që s`e kam thënë asnjëherë më parë: kanë qenë nja dy deputetë të opozitës në atë kohë duke vizituar ata të grevës së urisë në Vlorë dhe atje kanë parë mitroloza 12.7, “kallashnikovë”, granatahedhës, sesi ishin të armatosur ata që ruanin grevën e urisë dhe ata ishin të tmerruar se nuk e dinin që grabitja e armëve kishte filluar shumë kohë më parë.



    Po ju a ishit në dijeni të kësaj?

    Gazidede: Po.



    Pse si kishit marrë masat?

    Gazidede: Kjo grabitje duhej të pengohej nga ushtria dhe jo nga SHIK-u. SHIK-u në atë kohë kishte rreth 1300 vetë roje magazinierë, etj. Pra, një shërbim që informon dhe jo që të vepronte. S`mund t`i mbyllte SHIK-u depot e ushtrisë.



    Si e morët informacionin që selia e SHIK-ut po sulmohej dhe atje ndodheshin brenda 3 punonjës ?

    Gazidede: Më njoftuan ata që ishin në godinën e SHIK-ut.



    Si ishte reagimi juaj ?

    Gazidede: Nuk dua të komentoj. Ndodhën gjëra të tmerrshme.



    A keni tentuar ju me ministrin e Brendshëm, Zhulali t`iu vinit në ndihmë?

    Gazidede: Ç`interes ka të diskutojmë për këtë. Duhet diskutuar fakti që zoti Klosi vrau dy kryetarë të Shërbimit Informativ, kryetarin e Vlorës dhe Lushnjës.



    Si i vrau ?

    Gazidede: Duhet pyetur zoti Klosi. Njëri u vra në shtëpinë e tij në Greqi dhe tjetri në Lushnjë.



    Në ç’vit janë vrarë ?

    Gazidede: Menjëherë sa erdhi zoti Klosi kryetar i SHIK-ut.



    Është marrë vesh, përse janë vrarë ?

    Gazidede: Sepse kanë qenë kryetarë SHIK-u, për çfarë arsyeje tjetër?



    Pas sulmeve të godinave të SHIK-ut a ishit të informuar se ç`po ndodhte me materialin që ishte brenda?

    Gazidede: Materialet u grabitën, u hodhën dhe u dogjën.



    A kanë patur dorë shërbimet fqinje në ngjarjet e 1997-tës ?

    Gazidede: Është mirë të mos komentoj.



    Po shërbimi informtiv amerikan ?

    Gazidede: Ne kemi patur marrëdhënie normale me CIA-n.



    Pse u zgjodhet ju në krye të operacionit gjatë gjendjes së jashtëzakonshme ?

    Gazidede: Nuk u zgjodha unë, më zgjodhen.





    Keni tentuar ju në 1997-tën të godisni me armë kimike ose armë të shkatërrimit në masë popullatën ?

    Gazidede: Kjo është qesharake zoti Fevziu.



    Ka patur një akuzë në prokurori për ju…

    Gazidede: Unë e kam dëgjuar, por më duket qesharake.



    Keni tentuar apo jo?

    Gazidede: Sigurisht që jo.



    Keni tentuar ta mbysni me dhunë këtë revoltë?

    Gazidede : Është e treta ose e katërta herë, zoti Berisha kishte zgjedhur një tjetër rrugë kundër asaj represive. A do të mund të bëhej me rrugë represive? Unë nuk dua të komentoj sot. Një gjë që nuk ndodhi, nuk mund t`ia di pasojat. Unë mund të them që zoti Berisha zgjodhi një rrugë paqësore për zgjidhjen e problemit.



    Ju u larguat nga detyra e shefit të SHIK-ut në 21 mars `97-të. Pse u larguat nga Shqipëria? Ju thatë që keni vepruar në përputhje me ligjin, që nuk e keni shkelur kurrë atë, atëherë, përse duhet të largoheshit ?

    Gazidede: Po, sepse pushteti nuk u mor sipas ligjit në Shqipëri, që ligji të funksiononte normalisht. Pushteti u mor me dhunë, me revolucion.



    Pushteti u mor me zgjedhje…

    Gazidede: Ky ishte gabimi i PD-së që dorëzoi pushtetin me zgjedhje, të cilat nuk ishin zgjedhje sipas mendimit tim. Sepse po ta kisha unë në dorë pushtetin, do ta dorëzoja, do të dorëzoja çelësat e çdo institucioni dhe do thërrisja ata të PS-së, Gramoz Ruçin, hajde merre SHIK-un, na çelësat, merre Ministrinë e Brendshme, ja ku e ke. Erdhën me revolucion dhe me mënyrën si erdhën, nuk ke, përse t`ua dorëzosh me zgjedhje. Është rrugë ndoshta më e urtë ajo me zgjedhje, por, që mua më duket më normale, t`ua dorëzoje çelësat e institucioneve aq sa kishin ngelur. Të rrish këtu dhe të të gjykojë Zan Çaushi, Nehat Kulla. Nehat Kulla u bë biznesmen, në kohën tonë ishte i burgosur për vrasjen e dy policive dhe në këtë kohë Kulla ishte biznesmen i fuqishëm.



    Ju u larguat gjithë lidershipin e SHIK-ut…

    Gazidede: E larguam gjithë lidershipin. Unë mund t`ju them sot se, mbi 90% e SHIK-ut është me oficerë sigurimi. Drejtori i Sigurimit të Shtetit në kohën e Gramoz Ruçit deri para ca muajsh ishte drejtor i Drejtorisë Juridike në SHIK. Ky është shërbimi i zotit Moisiu, i cili tha se nuk duhet shërbimi i Gazidedes, por duhet shërbimi i Gramoz Ruçit.



    Ku keni jetuar këto vite. Është folur që keni qenë në Siri, Afganistan dhe në Arabinë Saudite. Ku keni qenë realisht ?

    Gazidede: E kam dëgjuar. Unë kam qenë në turqi gjatë gjithë periudhës.



    Nuk keni lëvizur nga Turqia ?

    Gazidede : Nuk kam lëvizur në asnjë vend tjetër.



    Keni qenë i kontaktuar nga shërbimet atje ?

    Gazidede: Jo unë kam qenë atje me një lloj asistence, me të cilën kam jetuar.



    Me se jeni marrë këto 8 vjet ?

    Gazidede: Unë jam marrë me profesionin tim, kam shkruar 7 libra matematike, 4 prej të cilëve i kam botuar. Këto 4 libra kanë afërsisht 3 mijë faqe.



    Përse vendosët të ktheheshut në 2005-sën?

    Gazidede: Unë ju thashë që edhe largimi ishte i detyruar. Nuk desha të më gjykojnë kriminelët.



    Ju vinte keq që ishit larguar ?

    Gazidede: Sigurisht, jashtëzakonisht.



    Keni menduar të ktheheshit ?

    Gazidede: Kam menduar edhe më përpara të kthehesha. Ka patur disa rrethana.



    Pavarësisht kësaj, nëse drejtësia do të rihapë çështjen tuaj, jeni i bidnur që jeni i gatshëm me të pa problem ?

    Gazidede: Nuk kam asnjë lloj problemi dhe asnjë lloj paragjykimi për drejtësinë. Unë mendoj se nuk ka nga ata burra në Shqipëri që të më dënojnë dot,duke qenë i bindur se nuk kam shkelur asnjëherë ligjin.



    Si ndiheni në punë ?

    Gazidede: Ajo është një punë që unë nuk pretendoj se e njoh, po përpiqem që ta njoh si fushë, përpiqem që ta njoh si punë. Është një fushë që ka shumë probleme. Duhet të jem i drejtë në fushën e problemeve. Unë mendoj që, nëse prona është e një personi, nuk ka fare rëndësi se çfarë është ai, është socialist, demokrat, socialdemokrat apo është legalist, siç është bërë zakonisht. Më vjen keq se ka raste që janë jashtë fuqisë sime për t`i zgjidhur, po përpiqem në njëfarë mënyre të ndikoj sado pak, që të vendos njëfarë rregulli.



    Keni akoma ndikim të fortë mbi politikën ?

    Gazidede: Është një pyetje shumë interesante. Unë nuk kam patur ndikim të fortë në politikë edhe kur kam qenë shef i SHIK-ut që mendohej se isha njeri shumë i afërt me Berishën, megjithëse unë mendoj se Berisha sillet normalisht me të gjithë bashkëpunëtorët e tij dhe nuk mban njërin më afër se tjetrin. Flas të paktën për periudhën kur unë e kam njohur nga afër. Le ta krahasoj veten me zotin Klosi: zotin Klosi e zgjodhi zoti Mejdani se e kishte shok shumë të ngushtë, e vuri kryetar të SHIK-ut. Zoti Berisha më vuri mua pa më njohur. Zoti Klosi, pasi iku nga SHIK-u, është anëtar i kryesisë së LSI-së, kërkon strehë në politikë, unë nuk kam asnjë lloj funksioni te Partia Demokratike.



    A jeni në disponim të sekreteve që mund t`ju bëjnë të fuqishëm në politikë?

    Gazidede: Edhe nëse jam, unë nuk jam nga ata persona që përpiqen të përfitojnë nga të tilla gjëra. S`kam menduar asnjëherë të përfitoj nga të tilla rrethana dhe nuk do të mendoj asnjëherë të përfitoj.



    Jeni në dijeni?

    Gazidede: S`dua të komentoj për të tilla gjëra. Po të them jo, më duket se ia ul shumë vlerat vetes, po të them po, nuk është se, kushedi se çfarë di.
    Do t´i luftoj spiunet dhe tradhtaret e kombit deri ne vdekje.

  4. #4
    Erzeni Maska e Shijaksi-London
    Anëtarësuar
    10-11-2002
    Vendndodhja
    ke kodra kuqe
    Postime
    778
    Brari e ka pire me shume qejf kafen sot ne mengjes. Arsyeja shume e thjeshte. Ju be zemra mal kur pa mbreme ne TV Klan shefin e tij te dikurshem duke genjyer. Dukej qe i kishte mbet ora ne 97 Bacin Nje gje se kuptoj. Si ka mundeshi qe Baci nuk kerkoi azin ne Belgjike dhe te formonte njersit gueril te SHIK-asve atje?
    Brari a u cmalle ndonje cike me shefin tend te dikurshem duke e pare live ne TV?
    tung

  5. #5
    i/e regjistruar Maska e Brari
    Anëtarësuar
    23-04-2002
    Postime
    18,826
    Llap.. flmn per postimin e sakte te bisedes mes gazidedes dhe Klanit..

    qe thua ti sigurimsi muhamet.. nga afer kurre se kam pa gazideden perjashto Tv..
    si e njoh un gazideden..

    isha ne aeroplan.. disa vite perpara kjo.. e afer meje ishte nje burr nga tirana..
    gjat muhabetit thot se punonte ne fakultet te shkencave.. pedagog.. mbiemrin ne mos gaboj e kishte xhemalce a dicka e tille e po vinte a po shkonte ne france..

    more i thash si eshte ky gazidedja qe eshte ber shef shiku..

    un tha ky jam socialist.. por kam punuar me gazideden ne fakultet..dhe eshte..
    e filloj ta pershkruaj..

    dhe sipas pershkrimit te ketij xhemalces pedagog e socialist.. gazidedja ishte model i njeriut te ndershem e atdhetar..

    prandaj o muho spinuni ai urrehet nga ju minjt e gjirizeve qe shisni atdheun per 5 sterlina..

    kjo eshte njohja ime me gazideden..
    un i besova ketij xhemalces..

    se skish arsye te genjente nje udhetar te panjohur si mua..

  6. #6
    jom mo i bukri katunit Maska e TikTak
    Anëtarësuar
    26-04-2005
    Postime
    1,633
    paske bo muhabet me sefedin xhemolcen

    sefja ka pas qen n'france para 86 daje me burs uneskoje. kush merte bursa uneskoje ahere e di ti daje. jo po ta dish mir

    ene sefja nuk o socialist bo o socialdemokrat

    pse mer sefen paske gjet me pyt ti. sefja ka thon me vete do jet nai hafije gazidedes ky ene care mduhet mu

    politika nuk don as presorat e fshn ene as presorat e inxhinjeris se kon vujt per vete e dun me pa me vujt ene tjeret

    politika don ata te shkencave socjale ene ekonomikut. rob zoti. vjedhin per vete lejn ene tjeret me vjedh hahahahahaha

    njerez kal karroce nuk i duhen askujt
    no glove no love

  7. #7
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604
    Citim Postuar më parë nga Brari
    prandaj o muho spinuni ai urrehet nga ju minjt e gjirizeve qe shisni atdheun per 5 sterlina..

    Hahaha Brari!!!!

    Muhoja ne fakt e ka kunjen me shume me klanin sesa me ty Brari
    Enderron i shkreti te jete gazetar kryesor i Top Turpit, apo te jete kryeredaktor i Gazetes Anti-Shqiptare.

    Shijaksi London te jape nje keshille une. Meru me mire me ato protokollet qe i çon Topave kur ta kane nevojen. Deri ketu e ke cakun

    PS: E di Topi qe i ben propogande te forte edhe ketu te forumi? Informohu njehere se mund te te ngrejne ne detyre
    Trimi mirë me shokë shumë!!!!!!

  8. #8
    i/e regjistruar Maska e Llapi
    Anëtarësuar
    08-08-2002
    Postime
    10,979
    PS-Majko: Te nisin hetimet per Gazideden. Ne PD ka nisur Pokeri i Spiuneve

    Ora 13.15

    Nga Daniela Bonollari



    TIRANE (27 Tetor) - “Prokurori i Pergjithshem Theodhori Sollaku te nise menjehere hetimet per Bashkim Gazideden, kurse Presidenti Alfred Moisiu te reagoje per te”. Ky ka qene reagimi i pare nga radhet e opozites pas intervistes ne nje media televizive te Gazidedes ku ai akuzoi se opozita e atehershme socialiste ishte shkaktarja e trazirave te viti 1997 ne Shqiperi. Ne lidhje me kete, Kryetari i Grupit Parlamentar te PS, Pandeli Majko u shpreh sot ne nje konference per shtyp se me daljen e tij ne skene, Gazidede po nxit ndjenjen e destabilitetit ne vend. "Kjo po behet madje me ane te disa segmenteve te caktuara", theksoi Majko. Prandaj sipas kreut te deputeteve socialiste, "brenda PD ka nisur pokeri i spiuneve".

    Majko permendi dhe akuzen e Gazidedes per Fatos Klosin te cilin e akuzoi per vrasjen e dy ish-shikasve. "Eshte e paimagjinueshme qe te akuzoje per vrasje nje pasardhes te tij. Sollaku te nise hetimet per kete dhe te provoje te verteten. Te vertetojme qe jetojme ne nje shtet demokratik europian dhe jo ne nje vend qe njerez gjysem mostra kerkojne te shkaktojne destabilitet ne vend", u shpreh Mjako. Dje doli njeriu i heshtur, Gazidede. Ky njeri dje doli ne publik dhe tundi zinxhiret e vjeter dhe prangat e reja", tha Majko duke shtuar se edhe Presidenti Moisiu duhet te reagoje ndaj deklarimeve te tilla.

    Ndersa ne lidhje me akuzat qe Gazidede beri ne emer te opozites, Majko shtoi se "nese zoti Gazidede ka deshire te akuzoje opoziten si organizatore te protestave te vitit 1997, ne e ftojme te shkoje te beje nje bisede me shefin e kabinetit te zotit Berisha".
    Prandaj sipas tij, Gazidede do te bente mire te fliste per trafikun e naftes Shqiperi-Ish-Jugosllavi qe eshte kryer kur ai ka qene kryetar i Sherbimit Informativ Kombetar".

    (/Balkanweb)
    Do t´i luftoj spiunet dhe tradhtaret e kombit deri ne vdekje.

  9. #9
    I come back
    Anëtarësuar
    01-10-2005
    Postime
    345
    E ç'fare ka thene Gazidede? Asgje te re. Te gjithe ne Shqiperi e dine qe firmat ishin te komunisteve, pushteti u mor me gryken e pushkes nga komunistet. Ky eshte muhabet i ikur.
    Puna eshte ç'fare duhet bere tani? A eshte ne gjendje Qeveria sot te denoje shkaktaret e 97-es. Nuk ma mer mendja. Drejtesin ne Shqiperi e vendos vetem nje kok-krisur si Enver Hoxha.

  10. #10
    i/e regjistruar
    Anëtarësuar
    27-03-2005
    Postime
    926
    Fatos Nano u kujdesua (nepermjet Majkos) per te gjithe ata shqiptare, te cilet ne intervisten e gjate te Bashkim Gazidedes, mund te kishin humbur fillin.

    Fatos Nano ju dha shqiptareve nepermjet Majkos se "rrevoltuar" , pikat kryesore te kesaj interviste:

    1- Fatos Klosi ka vrare dy ish-shefa te degeve te SHIK-ut.

    2- Gramoz Ruci (ish-shefi i sigurimit te shtetit) ne bashkpunim me sigurimsat "e ngrire" qe ne 1976, opoziten (pa Nanon qe ishte ne burg) organizuan dhe drejtuan rrevolucionin halabako-komunist, qe kishte si ushtare Zan Caushet dhe Nehat Kullat.

    3- Bashkim Gazidede me ato qe di, po tund prangat per kriminelet me imunitet.



    d.m.th.


    Kush do t`ju shpetoj prangave, shkon pas Fatos Nanos emri i te cilit nuk permendet ne asnje akuze dhe jo pas Gramoz Rucit (Edvin Rames) dhe Fatos Klosit (Ilir Metes)

  11. #11
    i/e regjistruar Maska e Brari
    Anëtarësuar
    23-04-2002
    Postime
    18,826
    anti mafi.. jeni ca ju ..qe sic duket nuk jeni pak.. ne pd.. qe doni me pjek geshtenja me leshin e mullaqeve te nanos..
    pse aq gomar kujtoni ju eshte nanua i thanasit..

    degjo ktu djale..
    ne se njef ndonji se une nuk njoh asnji as per fare.. qe e njef bamir topon.. i thuaj.. ti thote bamirit.. mos fli gjum o tutkun.. se edvin meto ceko gjinushi cdo dite po luajn me ty e se cdo dite antaresojne mijra zorraxhij an e kend shqiperise per tja dh.jere 3 korrikun popullit shqiptar..
    ne se bamiri nuk ben pjes te te fjeturit.. qe permend gazidedja.. ai duhet te zgjohet e ta marri shqiperine pellemb per pellembe.. e ti trimeroje e tu jap zemer demokratve.. e ti bashkoje te gjithe per te mbrojtur voten dhe fitoren e 3 korrikut.. sepse..po troket 97-ta e re.. bile jo vetem po troket po ka hapur deren me dy kanatat..
    nuk e shpeton pd-ne shtimi i ushtareve ne liban e afganistan sic rrehet berisha.. por celnikosja e demokratve ne shqiperi.. solidariteti me njeri tjetrin qe te perballojne ato mijra bandat hakmarrja qe i ka bere gati edvin klos meto ceko mejdani..
    ne se ai skupton.. po e quaj hajvan tirone.. ne se ai e kupton dhe qellimisht fle dhe e paralizon pd-ne athere qenka .. gje tjeter qe me vjen zor ta them.. se nuk e pres nga ai te jete dhe ai nje tartobiq tako ngjelo kopliko ndok cekoist.. me qitje te larget..
    ca shenja po i jep..jo te mira..

    keshtu cun..



    vjen era fund 96 -e e mars 97 -te..
    apo nuk te punoj hundet as tyja..
    nejse i ri je po mos u rrej se nano punon per pd-ne..
    nano edvini petro koci pandushi taku ndoka etjetj.. tashme jan ne nji autobus me ramiz nexho mejdan zabit brok qose jakup halit at..e brace dade makbule arapo shyto caushet..

    qashtu.. dhe vre kho..

    me kthe pergjigje ne se ke komunikuar me ndonji qe ka kontakt me bamken ..

  12. #12
    Afer Baba Fajes Maska e Marinari
    Anëtarësuar
    04-02-2005
    Vendndodhja
    Martanesh
    Postime
    1,015
    Brari, do t'i a percjelle une kete "amanetin" tend, Bamir Topit! Pastaj ti do te dekoroheshe nga PD me medaljen "Pishtar i Demoracise"! Kurse nga Akademia e Shkencave, poashtu do te dokoroheshe, per zbulimin e nje dialekti te ri te shqipes se shkruar, qe vetem bastardet si ti e kuptojne!!!

  13. #13
    i/e regjistruar Maska e Brari
    Anëtarësuar
    23-04-2002
    Postime
    18,826
    jakup .. ku e ki mbarue shkollen per "marinar" adhahile..

    e di se e kie ba gati "piven" per mue.. e di..

    cfar kalibri ki mendue ti dhe shtabi me perdor?

    por sa te jem do ju a qes horlliqet.. te jesh i sigurte..

    kish shum kuptim vota e 3 korrikut or qosist kanibal enverist qe ke shkreh kallash mbi vajza e djem shqiptar.. sic kish kuptim dhe ne kosov qe populli votoj rugov shallin e jo ty jakup kallashin..

    sigurisht qe e kini po.rdh voten e popullit dhe e kini marr pushtetin me mjeshteri.. cak fak pa shum zhurm kte radh.. dacin e pshurret sejdiun e kini ble epa pare bile.. e tjeret po ju tuten.. por ka trima kosova qe nuk po tuten prej jush..

    nuk do mujni me i vra te gjithe..

    po ju mblidhet litari..
    sallakmoisi-u nuk mundet tju shpetoj perjet..

    a te ze gjumi naten o makbeth..
    hmmm..

  14. #14
    Afer Baba Fajes Maska e Marinari
    Anëtarësuar
    04-02-2005
    Vendndodhja
    Martanesh
    Postime
    1,015
    hahahahaa, fenomenal je. Shkollen e kam kryer ne Shqiperi (studimet). Ah, sa per "piven ne banak", nuk je kaliber ti, jo! Ti je vetem nje kotesi e kote.

  15. #15
    i/e regjistruar Maska e Brari
    Anëtarësuar
    23-04-2002
    Postime
    18,826
    marinar.. cfar roli ke pas ne vrasjen e kolonel ahmet krasniqit o njohes i rrugicave te tiranes..?

    po ne arratisjen e jahos a ndihmove ndopak?

    trego se ti sje ashtu krejt hajvan..

    je i "shkolluar" ne kurse speciale..

  16. #16
    Afer Baba Fajes Maska e Marinari
    Anëtarësuar
    04-02-2005
    Vendndodhja
    Martanesh
    Postime
    1,015
    Citim Postuar më parë nga Brari
    marinar.. cfar roli ke pas ne vrasjen e kolonel ahmet krasniqit o njohes i rrugicave te tiranes..?

    po ne arratisjen e jahos a ndihmove ndopak?

    trego se ti sje ashtu krejt hajvan..

    je i "shkolluar" ne kurse speciale..
    Brari,

    Ne shtatorin e vitit 1998, kur eshte vra Ahmet Krasniqi, une, kam qene ne Kosove, duke u perball me ushtare,police dhe paramilitar serb. Ne shtator te atij viti, pas dezertimit te idolit tend Tahir Zemes, se bashku me shume epror ushtarak dhe 2500-3000 ushtare te tij, ne u rrethuam, ne Rrafshin e Dukagjinit, me nje rrethim qe ne gjuhen ushtarake njihet si rrethimi ne tre rrathe, d.m.th rrethim i hekurt. Ne ate kohe Serbia, po mendonte se i dha grushtin perfundimtare UÇK-se, por u genjye keq. Por, shpirti liridashes i luftetarve te UÇK-se, arriti me sukses t'i perballoj kesaj ofanzive serbe me mbi 20.000 njerez qe Serbia i kishte mobilizuar.

    Dua te jeme i sinçerte. Po te isha pyete une, dhe po te isha ne Tirane, ne ate kohe dhe ne ato rrethana, nuk do te ndalesha vetem me nje vrasje.

    Ti, me mire eshte qe nuk e njhe realitetin te strukesh!

  17. #17
    Gazeidedja eshte lakonik ne te folur, por edhe pietjet jane lakonistike.

    Dakord qe pushteti u muar me revolucion ne '97, nuk ka dyshim kush per kete.

    Edhe sherbimet e huaja kane qene aktive si asnjihere tjeter, por kjo nuk do te thote se ato nuk punojne ende sot.

    Me fitoren e 3 Korrikut mbi ata qe instiguan dhe moren pushtetin me revolucion, ka edhe nje paradoks qe spjegimin me te afert e gjen ne nje kompromis te Berishes, i cili mund te jete bere para zgjedhjeve: futja ne kabinetin qeveritar te protagonisteve te 28 Majit '96, e pastaj te revolucionit '97.

  18. #18
    i/e larguar Maska e Homza
    Anëtarësuar
    24-02-2006
    Vendndodhja
    Ne kat te siperm!
    Postime
    3,092
    Gazi eshte njeriu m ekompetent per te sqaruar ndodhite e 97es---ai tha drejte qe PSja e kishte shum te lehte te bente nje puc shteti pasiqe turmat ishin te dalura fare jasht kontrollit., eshte nje kob qe ne shqiperi ka njerez si PSja qe ben nje gjenocid ne shqiperi dhe se prap ata akuzojne dhe ngerrthasin se do i mesojne Berishes edhe nje mesim tjeter si 97, kete e ka then vet Edi Rama dhe Ilir Meta ----kta jan kriminelet qe veshen me te zeza gjith shqiperine kur e gjith bota ishte ne te bardha.

    Edhe nje krahasim te vogel do kishe bere mes Gazit dhe Klosit---Klosi duket nje langaraq rrugesh qe per nje vit abononim le digitalb do i kishte shit gjith shqiperine UDBse.

    Me beri pershtypje edhe pergjigja e Gazit me "no comment" kur Fevziu e pyeti Gazin ne do kishte ulur turmat me force dhe represion---ai u pergjigj qe Zoti Berisha nuk pranoi te bente nje gje te tille pasiqe pretendonte qe ky i fundit mund ta zgjidhte problemin ne rrug paqesore. Besoj qe do kishin vdek nja 20 apo 30 Zan Causha edhe pastaj Shqiperia nuk do kishte hum njerez te pafajshem dhe ne halle te veta.

    Mallku qofshin firmat piramidale dhe PSa me to, mallku qofshin 1000 her.

  19. #19
    i/e regjistruar Maska e Brari
    Anëtarësuar
    23-04-2002
    Postime
    18,826
    Rd
    --

    Pas ekzekutimit, ka patur edhe deklarata nga dëshmitarë okularë për autorin e vrasjes, por ato nuk u morën asnjë herë për bazë


    Pse Prokuroria mbylli dosjen e vrasjes së ish-kryetarit të SHIK-ut të Lushnjes


    Vrasja e ish-kryetarit të SHIK-ut të Lushnjes duket se nuk ka shqetësuar aspak Prokurorinë që ka mbyllur hetimet me kohë. Ish-kryetari i SHIK të Lushnjes, 40-vjeçari Bashkim Shkurti, u ekzekutua më 11 maj 1998, vetëm një vit e gjysmë, pasi ishte larguar nga detyra, pas ardhjes në pushtet të socialistëve me kryengritje të armatosur. Ish-kreu i SHIK u vra mbërmjen e 11 majit të vitit 1998 sapo kishte dalë nga një lokal në qendër të qytetit, pranë shtëpisë së tij. Policia shkoi me vonesë në vendngjarje, ndërsa trupi i ish-kreut të SHIK-ut u dërgua nga kalimtarë të rastit menjëherë në spitalin e qytetit dhe më pas është dërguar për në Tiranë ku edhe dha shpirt.

    Vrasja e ish-kreut të SHIK-ut ngjalli panik në qytetin e Lushnjes, por çuditërisht hetimet u mbyllën. Mos vajtja e policisë në kohën e duhur në vendin e krimit dhe mbyllja e hetimeve, të le të dyshosh se vrasja e ish-kreut të SHIK-ut është kryer nga vetë shteti i asaj kohe. Ata që e morën pushtetin me grykën e pushkës nuk kursyen as gjakun e punonjësve të shtetit. Pas ekzekutimit të ish-kreut të SHIK-ut ka patur edhe deklarata nga dëshmitarë okularë për autorin e vrasjes, por ato nuk u morën asnjë herë për bazë nga Prokuroria.

    Një dëshmitar ka bërë të ditur se fjalët e fundit të Shkurtit kur ai po dërgohej për në Spitalin Ushtarak në Tiranë kanë qenë: "Ishte një djalë i gjatë, bukurosh, me flokë të zeza dhe pa maskë. Sytë i kishte shumë të zinj". Prokuroria nuk arriti të zbulojë as llojin e armës së krimit, megjithëse në vendngjarje u gjetën disa gëzhoja dhe ato u sekuestruan nga policia e asaj kohe. Dosja e vrasjes së ish-kreut të SHIK-ut të Lushnjes është mbyllur, ndërsa kreu i akuzës së këtij qyteti është shprehur para dy ditësh për mediat, se familjarët nuk janë interesuar për hetimet. Nuk kuptohet se çfarë interesimi kërkon ky kryeprokuror kur dihet se është vrarë një ish-punonjës i lartë i shtetit dhe dosja është mbyllur.

    Tashmë është mëse e qartë se, vrasja e ish-kryetarit të SHIK-ut të Lushnjes, Bashkim Shkurti, ka qenë e porositur nga lart. Të gjithë ata që e njihnin në Lushnje Shkurtin, kanë folur fjalët më të mira për të, si një njeri pa probleme dhe me reputacion në publik. Nëse Prokuroria do të kishte kryer hetime të plota për vrasjen e tij, sigurisht që vrasësi do të ishte gjetur, por mesa duket kjo dosje është mbyllur për të mos shkaktuar probleme në qarqet e zyrtarëve të shtetit të asaj kohe.

    Ish-kryetari i SHIK, Gazidede, deklaroi në një intervistë televizive për vrasjen e dy drejtuesve të SHIK-kut të Lushnjes dhe atë të Vlorës mban përgjegjësi direkte shteti i asaj kohe. Gazidede akuzoi Klosin për vrasjen e dy ish-drejtuesve të SHIK dhe kërkoi rihapjen e hetimeve për të venë para drejtësisë vrasësit.

    --



    tirana observer

    --

    Flet Sanije Shkurti, bashkëshortja e ish-kreut të SHIK-ut të Lushnjës, Bashkim Shkurti

    "Dua drejtësi për bashkëshortin tim"

    Dorina TOPOLLAJ

    Prej tetë vitesh, në çdo hap që ka hedhur ka pyetur veten, përse dhe kush. "S'di asgjë për vrasjen e burrit tim, dhe deklarata e Bashkim Gazidedes më ra si bombë", thotë me lot në sy, Sanije Shkurti, bashkëshortja e ish-kreut të SHIK-ut të Lushnjës, në vitet '92-'97. Dy ditë më parë, në emisionin "Opinion" në TV Klan, Bashkim Gazidede deklaroi se Fatos Klosi kishte vrarë kryetarin e shërbimit informativ të Vlorës dhe të Lushnjës. Deklarata e shefit të bashkëshortit të saj, e ka kthyer Sanijen tetë vjet më parë, në ato ditë të errëta, kur humbi njeriun më të shtrenjtë në jetë. Në një intervistë për gazetën "Tirana Observer", ajo tregon se si u vra Bashkim Shkurti, krismat në rrugicën e shtëpisë dhe fjalët që u përhapën për vrasësin në atë kohë. Si i njeh Bashkim Gazideden dhe Fatos Klosin, heshtja prej tetë vitesh dhe apeli për drejtësi.

    Çfarë menduat në çastin kur ish-kreu i SHIK, Bashkim Gazidede, deklaroi se bashkëshorti juaj është vrarë nga Fatos Klosi?
    U trondita jashtë mase. Po ndiqja me vëmendje emisionin "Opinion", siç e ndjek gjithmonë, dhe nuk e prisja një deklaratë të tillë. Menjëherë më shpërthyen lotët.
    A kishit dëgjuar më parë ndonjë lidhje mes vrasjes së bashkëshortit tuaj dhe Fatos Klosit?
    Jo, kurrë.
    Çfarë menduat në ato momente?
    Mendova se Gazidede e ka pasur tim shoq punonjës të vetin, dhe nëse unë e njihja si bashkëshort dhe si prind, ai e njihte nga ana e punës. Në këtë anë, ai dinte për të, më shumë se unë.
    A keni kontaktuar me z. Gazidede pas kësaj deklarate për të mësuar ndonjë gjë më shumë?
    Jo s'kam kontaktuar. Unë s'kam mundësi të kontaktoj me të.
    A e njihni personalisht z. Gazidede?
    Jo. S'e kam takuar ndonjëherë.
    A kujtoni çfarë ju thoshte bashkëshorti juaj për të?
    Bashkëshorti im s'tregonte asgjë për punën e tij. E shumta që mund të më ketë thënë për Gazideden, është në rastet që është vonuar dhe unë e kam marrë në telefon, më thoshte se ishte në mbledhje me shefin.
    A e njihte bashkëshorti juaj kryetarin e SHIK-ut të Vlorës, Shkëlqim Agolli?
    Po, e njihte. Më kujtohet që kur ai u vra, bashkëshorti im shprehu keqardhje shumë të madhe për të. Fliste me konsiderata shumë të larta për këtë njeri.
    A keni njohje me Fatos Klosin?
    Jo, kam dëgjuar për të vetëm nga televizori pasi u bë shef i Shërbimit Informativ.
    A keni bërë ndonjëherë kërkesa në prokurori apo në SHIK, për të mësuar në lidhje me hetimet për vrasjen e bashkëshortit tuaj?
    Jo, s'kam bërë. Humbja e bashkëshortit për mua qe një dhimbje shumë e madhe, dhe pas kësaj tragjedie për familjen time, unë jam munduar të rris dy fëmijët e mi të mbetur jetimë, dhe të kujdesem për vjehrrën e cila u sëmur rëndë pas vdekjes së Bashkimit. Në këto tetë vite ka qenë një heshtje totale për këtë çështje, dhe nëpërmjet jush i kërkoj organeve kompetente të vënë drejtësi. Në këto tetë vjet, në çdo hap që kam hedhur kam menduar, përse dhe kush. Unë nuk e di nga më ka ardhur kjo e keqe, dhe kam pasur frikë për familjen time. Prandaj çdo gjë që thuhet më duket e habitshme, pasi s'di asgjë. Shpresoj që me ardhjen në pushtet të kësaj partie, diçka do të bëhet. Por për asgjë s'kam garanci. Gjthmonë rri me shpresën se një ditë do të mësoj të vërtetën.
    Si e morët vesh lajmin për vrasjen e tij?
    Unë isha në kuzhinë duke gatuar, kur dëgjova disa krisma. Prisja të vinte Bashkimi, pasi djali e kishte kërkuar se kishte një problem. Zakonisht nuk vinte aq herët në shtëpi. Atëherë ishte maj, dhe ishte ora rreth 8. 20 e darkës. Sa dëgjova të shtënat dola menjëherë jashtë. Pashë Bashkimin të vrarë, e pastaj s'kujtoj gjë, se rashë pa ndjenja.
    A ju kishte treguar bashkëshorti për ndonjë shqetësim në lidhje me punën e tij?
    Jo. Bashkimi ishte kyç. Nuk tregonte asgjë të punës në shtëpi. Unë as kolegët e tij s'i njihja. Ishte gjithmonë i qeshur dhe i qetë.
    Bashkëshorti juaj punonte në arsim deri në vitin 1992. Si u emërua bashkëshorti juaj në SHIK?
    Më kujtohet që e thirrën në Tiranë, dhe kur u kthye më tha se ishte emëruar në një detyrë të re.

    Prokurori Hazbiu: Dosja s'është mbyllur, është pezulluar

    Dosja e Bashkim Shkurtit është pa motiv dhe pa autor. Prokurori i Lushnjës, Artan Hazbiu, në një intervistë për "Tirana Observer" deklaron se dosja është e pezulluar. Ndërkohë u bën thirrje të gjithë njerëzve që mund të dinë diçka për vrasjen e ish-shefit të SHIK-ut, të ndihmojnë organin e akuzës në zbardhjen e ngjarjes.
    Z.prokuror, çfarë dini rreth vrasjes së Bashkim Shkurtit?
    Megjithëse nuk kam qenë prokuror në Lushnjë në atë kohë, pasi këtu jam prej 10 muajsh, kemi një dosje të plotë rreth kësaj ngjarjeje me të gjithë elementët e hollësishëm të ngjarjes. Vrasja ka ndodhur rreth orës 20 e 15 minuta, të datës 11 maj, të vitit 1998. Bashkimi ka qenë shoqëruar me një shok në xhiro me biçikletë dhe sapo është ndarë me të për të marrë rrugën e shtëpisë, as 100 m kur është ngjitur në rrugicën e shtëpisë vrasësi apo vrasësit kanë shfrytëzuar errësirën dhe faktin që megjithëse rrugica është pranë qendrës, në atë kohë nuk ka pasur kalimtarë. Di që policia lushnjare e ka vlerësuar krimin dhe ka ardhur në vendngjarje fill pas 15 minutash. Ka kryer me imtësi të gjitha veprimet procedurale, si dhe janë marrë për ekspertim 2 gëzhojat e gjetura në vendngjarje. Pas ekspertimit doli se gëzhojat kanë qenë 7.62 mm dhe përdoren ose nga pistoleta TT ose nga automatik PMSH.
    A ka pasur dëshmitarë okularë në ngjarje dhe a janë pyetur të gjithë?
    Sigurisht në dosje disponojmë dëshmi të gruas dhe disa dëshmitarë të tjerë. Janë pyetur imtësisht të gjithë, pasi çështja është mbajtur nën hetim në grup. Si përfundim, të gjithë nuk kanë dhënë asnjë emër konkret apo të dyshuar, por thjesht dëgjuam krisma këtu, krismat erdhën këtej etj. Me gjithë punën kërkimore të oficerit të Policisë Gjyqësore, Florian Binjaku, apo të prokurorit të çështjes, nuk nxorëm asnjë motiv dhe asnjë autor.
    Si vendosët më pas?
    Në këtë mënyrë vendosëm pezullimin e hetimit.
    Çdo të thotë kjo?
    Çështja do të vazhdojë të hetohet nga Policia Kriminale. Hetimet do të vazhdojnë tashmë edhe në rrugë konfidenciale nga oficerë të Policisë Kriminale me dosje gjurmimi. Dosja nuk quhet dhe nuk është e mbyllur, por tani për tani e pezulluar. Kjo do të thotë që për çdo rrethanë apo për çdo element të ri, për çdo fakt, prokuroria do të rinisë hetimet.
    Ka thashetheme se vrasësi është vrarë vite me vonë dhe se e di gjithë Lushnja?
    Ne merremi me fakte dhe jo me supozime. Nëse dikush di diçka, atëherë është mirë të ndihmojë organin e akuzës, për të vendosur së bashku drejtësinë.
    Aurora Damini

    Jeteshkrimi

    Emri: Bashkim
    Mbiemri: Shkurti
    Vendlindja: Lushnjë
    Vitlindja: 1952
    Gjendja civile: I martuar, baba i dy fëmijëve
    Arsimi: I lartë
    Diplomohet në vitin 1974 për Matematikë-Fizikë në Universitetin e Shkodrës
    Eksperienca në punë: Pas mbarimit të fakultetit, emërohet si mësues e më pas si drejtor në Fiershegan të Lushnjës.
    1992-1994 Emërohet shef i Shërbimit Informativ në Lushnjë
    1994-1995 Emërohet shef i Shërbimit Informativ në Durrës-Kavajë
    1995-1997 Emërohet shef i Shërbimit Informativ në Lushnjë
    1998- Emërohet shef personali në Bashkinë Lushnjë
    Në 11 Maj të vitit 1998 vritet nga një autor që s'është identifikuar

    .................................................. ................................. Krye

    INTERVISTA/ Flet Abedin Agolli, babai i ish-kreut të SHIKU-t të Vlorës

    "Djalin ma vranë me një thikë në zemër"

    Gëzim ASHIMI

    KORÇE - Gati 10 vjet më parë është vrarë në rrethana ende të paqarta, një prej drejtuesve të SHIK-ut në Vlorë, Shkëlqim Agolli. Ndërkaq, familja e tij ende nuk di shkaqet dhe rrethanat në të cilat ai humbi jetën. Babai i tij 77-vjeçar, Abedin Agolli, duke folur për gazetën "Tirana Observer" tregon se, si djali i tij ka filluar punë në Shërbimin Informativ Kombëtar dhe se si mësoi për vrasjen e të birit pas largimit në Greqi. I mbetur i vetëm, pasi prej 10 muajsh nga një aksident i ka vdekur edhe gruaja, plaku 77-vjeçar flet për historinë e djalit të tij, por pa hedhur dyshime se ai mund të jetë vrarë për shkak të detyrës.
    Kur ka filluar punë djali juaj si punonjës i Shërbimit Informativ Kombëtar?
    Shkëlqimi ka filluar punë në vitin 1993 si punonjës i SHIK-ut në Korçë. Ishte mësues për Matematikë dhe Fizikë, por e braktisi shkollën për shkak të djegies së shkollës nga një trazirë e fundvitit 1991. Këtu në SHIK shkonte mirë me punë, por shokët i kishte thuajse të gjithë ish-sigurimsa, madje një prej tyre e kishte provokuar, sa deri në vitin 1988, mua, Abedin Agollin, më kishte pasur në evidencë për shkak të letrave anonime që bëheshin për mua.
    Kur u transferua nga Korça?
    Nga Korça u transferua fillimisht në Pogradec, ku punoi për gati 4 muaj dhe në datën 1 shkurt të vitit 1997, filloi punën si kryetar i SHIK-ut për qarkun e Vlorës. Çdo 2 javë vinte në shtëpi. Më kujtohet se donte të takohej me studentët e grevës së urisë në Vlorë, por që nga Tirana e lajmëruan të mos takohej se mund të pësonte ndonjë të keqe. Shkëlqimi u tërhoq dhe shpëtoi nga ky zjarr i parë në Vlorë.
    Si u kthye nga Vlora në Korçë?
    Unë lidhesha në telefon me djalin tim dhe di që ai ka shpëtuar falë shoferit të tij, një djalë vlonjat, emri i të cilit nuk më kujtohet, por që e konsideroj si djalin tim. Shkoi të merrte rrobat në banesën ku rrinte diku tek Uji i Ftohtë së bashku me shoferin, kur dëgjoi krisma nga selia e SHIK-ut në Vlorë. Aty i ka thënë shoferit "shef, deri më sot të kam dëgjuar unë ty, tani do të më dëgjosh ti mua. Të mos shkojmë tek zyrat e SHIK-ut se do të vritemi". Megjithatë, në errësirë shkuan dhe panë vlonjatët që kishin vënë një kamion për mbrojtje dhe qëllonin me automatikë mbi 20 punonjës të SHIK-ut.
    Shkëlqimi nuk tentoi të futet në godinën e SHIK-ut?
    Jo, që andej shoferi e çoi në Llogora, në një rrugë që lidhej më tej me Gjirokastrën. E morën me helikopter dhe e çuan në Tiranë nga ku më mori në telefon përsëri rreth mesnatës. Që nga Tirana shkoi në Gramsh, ku mori gruan dhe tre fëmijët, dy vajza e një djalë dhe duke gdhirë data 1 mars e pashë në shtëpi.
    Para se të largohej në Greqi, a ju dëshmoi për periudhën që kishte kaluar në Vlorë dhe ditët e fundit të qëndrimit atje?
    Kur e kam pyetur nëse kishte bërë gjë të keqe në detyrën e tij, mu përgjigj "asgjë të keqe baba". Nga Korça u largua ekzakt në datën 19 qershor të vitit 1997, pasi gjatë 3 muajve të qëndrimit në Korçë u pajis me një vizë greke. Më tregoi se ishte pajisur me vizë 3-mujore në ambasadën greke në Tiranë dhe tha se do të nisej në Greqi. E pashë me sytë e mi se vizën e kishte me emrin Shkëlqim Agoli, ndonëse kishte edhe një pasaportë të dytë me emrin Anesti Agolli.
    Kur e morët vesh lajmin e vrasjes së djalit tuaj?
    Ditën që kishte mbushur 3 muaj qëndrimi në Greqi, vjen djali i xhaxhait të tij, Refat Agolli, që rri këtu në Korçë dhe më dha lajmin e hidhur. Nuk di si e përmbajta veten. (Plaku 77-vjeçar përlotet lehtas poshtë syzeve të tij dhe tregon shenjat e dhimbjes). Pas tri ditësh e sollën të vrarë.
    Ku ishte vendosur djali juaj në Greqi?
    Shkëlqimi ishte vendosur në Athinë, ku javën e fundit të qëndrimit atje kishte filluar punë si elektricist. Kur e sollën trupin pashë se ishte qëlluar me një goditje të vetme thike në zemër. E kishte hequr thikën vetë apo ai që e vrau kjo nuk dihet, por kam dëgjuar se një mjek është shprehur se mund të shpëtonte po të kishte thikën në trup, pasi i rrodhi shumë gjak. E kanë vrarë në banesë, në ora 2.00 pasdite, pasi kishte ardhur nga puna. Kishte një konflikt me të shoqen, por si të gjithë burrat me gratë.

    Dyshimet për vrasjen

    Plaku 77-vjeçar tregon se në Greqi nuk ka bërë asnjë përpjekje, për të zbuluar diçka më tepër për vrasjen, pasi nuk ka pasur as mundësitë financiare. "Jam interesuar tek një prokuror këtu në Korçë, por ai mu përgjigj se ne i kemi këtu kriminelët dhe nuk i ndjekim dot dhe jo të kryejmë hetime në Greqi. Nuk di nëse deshi të mbulonte hetimet për këtë vrasje apo jo, por më tej nuk jam interesuar" pohon 77-vjeçari. Ndërsa shton se unë nuk di që djali im të ketë bërë keq, por vetëm mirë gjatë punës së tij. "Ka qenë ndonjë lloj hakmarrjeje apo jo nga vlonjatët sikurse janë hedhur dyshime, apo është përfolur në shtyp në kohën kur ai u vra, nuk mund të them, sepse ekzekutimi i djalit tim në Athinë ka mbetur për ne si familje, një mister" mbyll bisedën babai i Shkëlqim Agollit.

    Shkelqim Agolli

    EMRI: Shkëlqim
    mbiemri: Agolli
    Vendlindja: Korçë
    GJENDJA CIVILE: I martuar, ka tre fëmijë
    Arsimi: Ka mbaruar Fakultetin e Shkencave të Natyrës, dega Matematikë-Fizikë.
    Ka punuar si mësues për Matematikë dhe Fizikë në fshatin Beras, por e braktisi profesionin për shkak të djegies së shkollës nga një trazirë e fundvitit 1991.
    Në vitin 1993 - Ka filluar punë si punonjës i SHIK-ut në Korçë.
    Tetor 1996 - U transferua në Pogradec.
    1 shkurt 1997 - Filloi punë si kryetar i SHIK-ut për qarkun e Vlorës.
    19 qershor 1997 - U largua nga Korça për në shtetin fqinj, Greqi.
    Për tre muaj ka qëndruar në Athinë, duke punuar si elektricist. 19 shtator 1997 - Gjendet i vdekur në banesën e tij në Athinë të Greqisë.

    .................................................. .................................

  20. #20
    i/e regjistruar Maska e Brari
    Anëtarësuar
    23-04-2002
    Postime
    18,826
    marinar..

    kafe smund te pi me persona per te cilet kam bindje se jan vrases ose dirigjent vrasjesh ose solidar me vrasjet.

    kur them vrasje mendoj jo vrasje te arkanit por te sabahetes ahmetit azemit smajlit ukes drinit xhemes etj..

    sa per rrethimet qe thua..
    serbia nuk ka rrethuar as ty as kupin as thaqin as idriz togerin.. sepse ju skini qen kurre formacion luftarak qe rrezikoni qofte minimalisht fuqine ushtarake te serbise.. apo i prishni asaj ndonje plan e operacion ushtarak..

    arsyet pse ju kini qene nje vrim ne uje nga pikpamja ushtarake i dini ju me mire se une..
    serbise i ka interesuar qe ju te ekzistoni.. qe ju te deklaroni se jeni.. se ju jeni .. se ju jeni shume..se ju kini shum brigada.. se ju kini krye shum aksione dhe se ju kishit clirue territore..
    serbia i trembej shume deklarimit se ju nuk jeni kerkushi ushtarakisht sepse i mbetej asaj pergjegjsia per tymin e zjarrin mbi kosove e genocidin qe po e bente aq rehatshem e aq bukur te justifikuar..mbi miljona shqiptare..
    ne kte pike ju dhe serbia bashkoheshit shum organikisht..
    as ju as serbia nuk e donit te verteten.. pra qe uck eshte formacion ushtarak i pa perfillshem..
    arsyet pse ju dhe serbia bashkoheshit ne kte pike i dini ju shum mire e kjo eshte nji nga pikat me delikate qe ju nuk kini toleruar tju a analizoj kush..
    ne hage prokurori e vuri me shpatulla per muri jakup demagogin.. vec duke i cituar komunikatat qe vet kupi kishte shperndare ne media me ane te dubel agjenteve tip baton.. dhe kupi skish ku me lujt ma e tha..
    propogand ka qen or zotni ajo pun e u zgerdhi..
    dihet shkencerisht se mashtrusit kur kapen mat qeshin..
    nejse..

    po loja juaj i ka kushtuar shum kosoves.. e kte ju e dini mire prandaj dhe si armik kryesor nuk kini as arkanin as sllobon... por analizen e ngjarjeve.. aty ju ste falni.. prandaj ju vrisni..
    pra o marinar i rrethumi.. ti kur ske qen ne ndonji rrethim.
    serbia nuk ju ka rrethuar se po tju rrethonte juve.. pushonte fabrika e komunikatave e kjo do ta detyronte serbine te ndalonte genocidin.. te ndalonte ate cka ishte kryedetyra shekullore e serbise.. spastrimi i kosoves nga rraca shqiptare..
    prandaj shtabi serb ka qen shum i kujdeshem qe edhe popullin shqiptar ta perzente nga vatrat dhe juve tju linte shtigje qe te funksiononte kosov preshi apo linja jakup-baton.. e cila ishte eldorado per shtabin serb.. pra burimi i propogandes se ka uck..se ajo asht shum e forte me 700 brigada e se prandaj ne serbia kina sjell ktu vec do polic e do ushtar..
    e ne fakt serbia skish do polic e do ushtar por kishte vertet nje ushtri te rregullt te afte ta kryente detyren e akademise serbe.. te shplarjes njiher e pergjithmon te hesapeve me autoktonet shqiptare te kosoves.,
    ata qe skishin ushtri.. ishin femijet shqiptar grat shqiptare pleqt shqiptar..
    e ajo pak ushtri uck-iste qe ekzistonte ishte vec njesitet qe ruanin jakup lim thaqat e fabriken komunikat-prodhuese.. pra shtabistet enveriste.. per te ikur sa andej kendej ne rrugen qe ja hapte serbia.. qe ky shtab te kishte mundesi te fabrikonte idene se.. ka uck.. se serbia ka me ke lufton ne kosov.. se ju bota skini pse nderhyni se na i dalim zot vet.. e kjo fabrik do ti duhej planit serb te ekzistonte deri sa te mbetej i fundit shqiptar ne kosove.. pra te paralizohej cdo nisme nderkombetare per nderhyrje.. duke ju mbajtur juve ne "prodhimtari te efektshme komunkatash" pordhamane." por me vlere te pa cmushme per serbine.. e me vlere tragjike per shqiptaret..
    kto i ka kuptuar populli prandaj nuk ju dha vote..
    ben sikur cuditet qosja qe pse nuk morren vote "qlirimtaret"..

    jo marinar .. Clirimtaret marrin vote ne Kosove.. por "qent e kqij qe ja bin ukun ne torishte katundarit" nuk marrin vote..

    ktu eshte krejt esenca e asaj cka ndodhi e ndodh ne Kosov..dhe burimi i vrasjeve..
    ju doni ta varrosni te verteten..
    qe shtabi enverist ne tiran zyrih e drenic.. nuk ka pas ndermend kurre LUFTEN.. por lojen e luftes..
    prandaj ndodhi ajo cka ndodhi..
    prandaj Uollkeri i cili e zbuloj te verteten..pra qe ju UCK e enveristave.. po lunit ko.qesh me popullin tuaj.. pra qe ju ishin formalitet i nevojshem vetem per serbine..
    prandaj plaku amerikan tha..
    Cfar uck-je.. serbia po vret civila se uck nuk ka..
    sepse ka dhe "ka" jan dy kuptime te ndryshme..ne filozofine ushtarake..
    Ather klintoni i tha blerit.. ai popull po mbytet ..ta shpetojm..


    dialogu Nano-Abdi eshte nje thesar per te kuptuar filozofine tuaj..

    Populli i kuptoj gjerat..prandaj Klarket Klintonet u priten me lot e lule..




    i veshur si grue iku abaz poeti ajdin.. qe mbante kallash para gjunjve e mjeker ala ceguevar ne takim me hollbrukun.. diku ne decan ..

    keshtu kini ik te gjithe.. ju enveristet..
    e trimnin e kini tregue nder kafiqa te tropojes Kukesit e tiranes..
    Milo ne kujtimet e tij ju a zbulon..se ku kan qene shoku gjarperi me shok Kupin..



    dhe ne fund..
    a e dini ju enveristet se ka ndodh me ju nji cudi..
    duke mashtruar kaq vjet ju kini fillu me besu se vertet kini luftue..
    e pranon shkenca kte lloj fenomeni..

    hej moj grue..tha kola.. dal ne mjes i fus i rren ne kafe te madhe e ne dark e besoj dhe vet..

    ju krejt besoni se kini luftue..

    Luften e kan mbajt mbi shpin vec populli .. ata te pambrojturit..

    ..dhe konkluzioni ..

    Serbia sju ka rrethue kurre ju shtabo komunikat-beresit...e jo Liri beresit sic mashtron kupi ne librin e tije..
    Ajo ka perdorur KOSEN..

    pra nga veri lindja e filloj.. operacionin ushtarak.. e duke zbritur posht.. e duke lene te hapura dy rrjedhje.. han elezin e morin kuksin..
    Pra.. dajak bajonet zjarr nga siper e ikni ketu poshte..
    pra operacion Zbrazjeje.. e asgjesimi..
    ne han elez shkarkonte shqiptaria per ne gligorovi.. e ne morin kuks shkarkonte po shqiptaria per ne nano-pandushovi..
    e ti bot..mbaji me shnet qe..ku ikie shqiptaret e mbetur..hajt jepjuni buk e azil e mos na cani kryt ma me probleme shiptare..
    ne kosov ska ma shqiptar.. asht krye kjo ceshtje..

    ja kte bet juve..

    mirpo nuk u pajtue klintoni me blerin me kte maskarallyk serb..

    e shpetuan shqiptaret..

    prandaj ju mbetet keq mbas nderhyrjes natos.. te pa lavdishem.. tuj dorzu armet nepr ushtar te indis greqis e tuj u a shti gishtin ne prapanic.. e pastaj ju u bat trima mbi drina..
    faqezinj..




    kosoven e ka cliruar nato..dhe liri-beres jan klinton klark ollbrajt xhim oullkerat e jo ju kup lim shim qose bedri islam frajerat..
    Ndryshuar për herë të fundit nga Brari : 29-10-2006 më 04:48

Faqja 0 prej 2 FillimFillim 12 FunditFundit

Tema të Ngjashme

  1. "CIA ndihmoi Gazideden të strehohet në SHBA"
    Nga BlueBaron në forumin Historia shqiptare
    Përgjigje: 10
    Postimi i Fundit: 03-04-2009, 13:14
  2. Gazidede: Kush e krijoi marsin 1997
    Nga Albmaster në forumin Tema e shtypit të ditës
    Përgjigje: 6
    Postimi i Fundit: 29-10-2008, 16:12
  3. Bashkim Gazidede, ish kreu i SHISH kthehet në Shqipëri
    Nga zeus në forumin Tema e shtypit të ditës
    Përgjigje: 32
    Postimi i Fundit: 20-05-2006, 09:57

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •