Fadil Sulejmani

[zoro2006]

http://ch.studentet.info/news-article.storyid-1047.htm


Fadil Sulejamni del prej Kontrollit

TETOVË, 16 TETOR- Grupi parlamentar i Bashkimit Demokratik për Integrim (BDI) nuk ka dashur të komentoj deklaratat e fundit të deputetit të kësaj partije Fadil Sulejmani, i cili ka kërcenuar këtë se në qoftë se do ti bëhet presion për shkak të përkrahjes së tij ndaj shkarkimit të ish-rektorit Nexhbedin Beadini, do të tërhiqet nga BDI-ja dhe do të dalë si deputet i pavarur.

Zedhënsja e BDI-së Ermira Mehmeti, përsëriti se BDI-ja nuk ka asnjë problem me Fadil Sulejmanin. “Ai ka qenë rektori i parë i UT-së. Sigurisht se ai është interesuar për punën në universitet dhe veprimi i tij ka të bëhë me qëndirmin e tij përsonal.

Ne kemi problem me ata të cilët kanë hyrë në mënyrë të dhunshme në Universitetin Shtetëror të Tetovës. Veprimet e ministrit Sulejman Rushitit janë të patolerueshme, pasi ka thyer të gjitha procedurat ligjore” deklaroi Mehemti.


Fadil SUlejmani gjatë ditëve të fundit është shprehur se do të kaloj deputet i pavarur nëse BDI-ja i bën presion për qëndirmin e tij rreth shkakrimit të Nexhebedin Beadini. Ai nuk ka thënë se dëshiron të kthehet në krye të USHt-së. ai ka akuzuar parting e tij se ka cunguar USHT-në me hapjen e një numri shumë të vogël të fakulteteve.

Sulejmani është njëri ndër profesorët e parë të USHT-së i cili ka nënshkruar peticionin me të cilin i jepet mbështetje vendimit të ministrit të Arsimit dhe Shkencës Sulejamn Rushtit, për shkarkimin e NExhbedin Beadinit dhe emërimin e Sadi BExhetit.


http://ch.studentet.info/news-article.storyid-1047.htm

[zoro2006]

Nëse më bën presion BDI, do të bëhem deputet i pavarur
16/10/2006
“ Mandatin ma ka dhënë populli e jo partia” , thotë në intervistën për “Lajm” rektori i parë i UT-së dhe deputeti aktual i BDI-së, Fadil Sulejmani


Rektori i parë i UT-së, Fadil Sulejmani, është deputet i vetëm i Bashkimit Demokratik për Integrim, i cili ka përkrahur shkarkimin e Nexhmedin Beadinit nga posti i rektorit të USHT-së. Ai paralajmëron se do të kalojë deputet i pavarur, në rast se partia i bën presion për këtë qëndrim. Sulejmani ka akuzuar ish-rektorin Beadini, por edhe ish-ministrin Aziz Pollozhani, të cilin e ka koleg në Grupin parlamentar, se kanë bërë punësime familjare. Në mesin e të akuzuarve është edhe prorektori i deritanishëm Ismail Ahmeti, i cili është kushëri i parë i kryetarit të BDI-së, Ali Ahmeti.

Lajm: Çka ju shtyri që të nënshkruheni në peticionin?

Sulejmani: Universiteti u shëndrua në ent për punësim dhe aty njerëzit punësoheshin jo në bazë të kualifikimeve, por në bazë të interesave familjare. Aty një grup njerëzish vendosën interesin e vet mbi interesin e studentëve. Beadini e ka mbajtur universitetin në pranga dhe e ngufati, andaj duhej diçka të bëhet që të shpëtojë ai uniuversitet, në të mirë të studentëve. Kjo nënkupton se edhe ministria i ka ditur këto gjëra dhe atë që e bëri ministria e sotme, është dashur të bëjë ministria e djeshme. Ajo ministri, ose ai ministër, nuk është dashur të rrijë indeferent për këto gjëra. Ato kanë pasur informata dhe i kanë ditur të gjitha. Unë bisedova një ditë me ish-ministrin, ai pranon se i ka ditur të gjitha, por tha se nuk ka pasur të drejtë ta shkarkojë. Po a ka pasur të drejtë të rrijë indeferent, kur ka parë se po shkatrohet një institucion kombëtar, me mijëra studentë. Kjo është njësoj sikur të shohim në rrugë se dikush po e mbyt dikë, dhe të hapësh dilemën se a kemi të drejtë ta shpëtojmë atë njeri. Edhe ai ministër është dashur ta shpëtojë atë universitet.

Lajm: Domethënë pajtoheni se vendimi i ministrit për të shkarkuar rektorin është në pajtim me ligjin?

Sulejmani: Unë nuk jam jurist që të vlerësoj nëse ka pasur ministri të drejtë të bëjë shkarkim të rektorit dhe emrim të rektorit tjetër. Vetëm një gjë e di, se po të mos ishte një inervenim i këtillë, askush nuk do të mundej ta lëvizte prej aty Nexhmedin Beadinin. Ai zgjedhje nuk shpallte. Ai thoshte është i emëruar prej Qeverisë dhe nuk guxon askush të më prekë.

Lajm: Qëndrimi juaj për zhvillimet në USHT dallon nga qëndrimi i partisë suaj, deputet i së cilës jeni.

Sulejmani: Unë në këtë Parlament nuk bëjë politikë partiake, e as që dua ta përmend partinë. Unë bëjë politikë të interesit qytetarë të shqiptarëve, dhe këtë interes e përfaqësoj, e jo interesin e partisë. Unë jam deputet në kuadër të BDI-së, mirëpo mandatin e kam prej popullit dhe nuk dua këtu ta mbroj politikën partiake të BDI-së. Nëse dikush tenton të më bëjë presion ose të më detyrojë të punoj me diktat, jam i gatshëm të kaloj si deputet neutral dhe i pavarur.

Lajm: Momentalisht a keni presion prej dikujt?

Sulejmani: Do të shohim.

Lajm: Sa janë të qëndrueshme akuzat dhe informacionet për keqpërdorime në USHT?

Sulejmani: Aty janë bërë numër i madh i punësimeve në baza familjare dhe lokale. Nexhmedin Beadini aty e ka punësuar bashkëshorten e vet. Është e vërtetë se ajo ka doktoruar, mirëpo të mbajë nëntë lëndë, të jetë antare e Senatit dhe ta përfaqësojë rektorin në takimet e brendshme dhe të jashtme, kjo nuk ka qenë në rregull. Pastaj ka pasur të punësuar edhe dy nipat e vet. Ata kanë qenë të punësuar edhe si shoferë, si antarë të Senatit dhe kanë qenë në kryesinë e Senatit. E përjashtuan nga puna një teknik shumë të aftë me emrin Isak Isaku, i cili kishte punuar rreth gjashtë vjet aty dhe në vend të tij e sollën baxhanakun e Beadinit. Atij ia hapën edhe një ndërmarrje me të cilën nuk e di se çka bënte me ato lyerjet dhe përlyerjet e universitetit. Kjo do të thotë se familja Beadini ka sundur në këtë universitet. Në mesin e puntorëve të përjashtyuar nga UT-ja ka qenë edhe ministri aktual i Kulturës, Ilirian Beqiri. Edhe ai ishte viktimë e Universitetit, sepse ka qenë student i shkëlqyeshëm, pastaj magjistroi dhe ka pasur disa ekspozita. Punësime familjare kanë bërë edhe udhëheqësit tjerë në UT, të cilët kanë bërë punësime familjare të vëllait, motrës, dhëndrit, nipit e kështu me rradhë.

Lajm: Kishte akuza se antarë të familjeve në USHT kanë punësuar edhe ish-ministri Aziz Pollozhanii dhe prorektori Ismail Ahmeti?

Sulejmani: Për fat të keq realiteti është i këtillë, kurse këtë e konstatuar edhe Inspektorati i Arsimit. Atyre që magjistruan, apo doktoruan në UT, nuk iu nostrifikuan diplomat. Ismail Ahmeti, një vit e tepër i mbante në sirtarë disertacionet dhe magjistraturat dhe nuk i dorëzonte në Ministrinë e Arsimit. Ato sot e kësaj dite aty kanë mbetur. Ky është një dëm shumë i madhë.

Lajm: A do të ishit i gatshëm të rikandidoheni për rektor të UT-së?

Sulejmani: Unë kam njohuri dhe ide që atë universitet ta nxjerë nga kriza dhe të lulëzojë. Aktualisht jam i zënë me angazhim në Parlament. Mirëpo nëse studentë ose profesorët kërkojnë që unë të kandidohem, jam në gjendje të tërhiqem nga posti i deputetit dhe ta marr universitetin ta udhëheq. Për gjashtë muaj do ta kasha sjellë në vete atë universitet.

[Kumanovare Usa]

ske kerr me dal prej kontrolli insani ahhahhahahha

[Alienated]

Fadil Sulejmani doli nga kontrolli qe kur doli per deputet!!!

[Ali Pasha]

Eh mor mjeran, hyn - dil, hyn - dil, po edhe atij cobanit qe gjoja i kishte ra ujku nder dele, ne fund nuk i besuan. Po ku ishe me pare, po tash kur pe interesat personale, jo i shtati jo i 10ti jo i 4ti jo ne keto zgjedhje jo ne ato zgjedhje... Jo nuk ben rektori Beadini (qe doren ne zemer ndoshta edhe se ka gabim), jo nuk ben Sadiu (atehere kur i perzure te gjithe profesoret nga UT ne krye me Agni Diken e Myrtezan Ismailin), e tash i mire qenka. Duke mos i harruar meritat per vurjen e themeleve te UTse, periudha me e mire e UTse ishte momentin kur ishte ne burg Fadil Sulejmani dhe kur udhehiqej nga porfesore te mirfillte sic ishin Myrtezan Ismaili e disa tjere.
Po pse bre mundohen te na rrejne neve popullin e thjeshte, me porosi misionare, erdha per kete qellim erdha per ate qellim, po heshtni duroni turpin dhe thoni boterisht E BERA PER CESHTJE PERSONALE DHE PIKE - BENJE EDHE JU PO MUNDET

[Ali Pasha]

Inshalla nuk eshte e vertete kjo informate, se nese eshte atehere me vjen te shperngulem ne ndonje vend jashte ketij kontinenti e mos te degjoj kurrë budalliqe te tilla. Pa dashur ta arsyetoj qendrimin e Sulejmanit (gjithmone nese,eshte i vertete lajmi), kollaj eshte t'i kercnohesh nje personi te pambrojtur, kur kundrejt PDSHse e cila i rrahu , i carmatosi e i kidnapoi anetaret e BDIse kane mbajtur qendrim gandist.
Duhet ta ngrejme zerin qytetar se keshtu nuk shkon me ... shkoi Jonuzi erdh Domuzi.... Eh qe me vjen inat kur maqedonasit arsyetohen para te huajve, ja ne jemi shume mire, dime edhe te mbajme zgjedhje demokratike, por ama keto shqiptaret...
Po athua valle mund ta perbine kafshaten e thelle qe u ka ngel ne fyt PDSHse dhe BDIse dhe te behen nje e tja kthjen grushtin ketij shteti qe na e ven sterkembezen ore e cast sahere qe i jepet mundesia
O me jepni nje hap per koken (bile edhe me afat te skaduar) se mbarova

[Tigrimelara]

i lajmerohet nje studente Fadil Sulejmanit ne mob, Profesor cka behet do mbahet provimi sot , e Prof, ia kthen provimi do mbahet ne daten 23 qe e kam vendosur aty , po mire Profesor i thote studenti SOT eshte data 23 . hahaha