Berisha: Qeveria në ndihmë të familjeve që marrin ushqimet me lista

[DYDRINAS]

4/10/2006

Sot paradite, në mbledhjen e Këshillit të Ministrave, Kryeministri Berisha u ndal në një problem të rëndësishëm dhe shumë të ndjeshëm për shoqërinë, atë të marrjes së ushqimeve me listë. Kryeministri Berisha theksoi se këtij problemi duhet ti jepet sa më parë zgjidhje. Kryeministri kërkoi nga ministritë përkatëse hartimin e një skeme të detajuar, në mënyrë që qeveria tu përgjigjet shpejt dhe në kohë këtyre qytetarëve.

Ndër të tjera, Kryeministri Berisha u shpreh:

"Dua të sjell këtu, sot, një problem jashtëzakonisht të rëndësishëm, një problem realisht shumë i dhembshëm, listat e ushqimit në dyqane. Informacionet e shumta që kam faktojnë se një numër i caktuar familjesh dhe qytetarësh shqiptarë vazhdojnë tu drejtohen dyqaneve, duke marrë ushqime me listë, te cilën mund ta paguajnë dhe mund të mos e paguajnë në fund të muajit. Detyrohen të ndërrojnë dyqanet një javë tek njëri dhe një javë tek tjetri. Kjo është Shqipëria e dhimbjes, Shqipëria e papranueshme. Nuk mund të ecë ky vend, në këtë mënyrë. Disa lahen me flori dhe të tjerë të marrin ushqimin me listë. Kjo nuk mund të vazhdojë më. Nuk mund të pranohet që disa të mos paguajnë dot kafshatën në një kohë që vendi ka 2600 euro të ardhurat mesatare për frymë. Në shpirtin dhe mendjen e atij që shkon të marrë ushqimin me listë kjo shifër (2600) është një cinizëm ekstrem.

Kërkoj nga ministritë përkatëse së bashku me Ministrinë e Brendëshme, hartimin e një skeme me përgjegjësi të madhe, në mënyrë që qeveria tu përgjigjet të gjithë këtyre qytetarëve që realisht nuk kanë të ardhura për të përballuar kafshatën e gojës.

Sigurisht në vëmendje të parë do të jenë kontigjenti i personave me paaftësi të madhe fizike. Do të përcaktojmë qartë normat dhe detyrimin që jep qeveria. Do të hartojmë një skemë që përjashton tërësisht korrupsionin dhe shmang çdo lloj spekullimi, duke bërë identifikime, kontrolle serioze në mënyrë që procesi të mos devijojë atje ku nuk duhet. Buxheti duhet ti japë përgjigje para së gjithash kësaj çështje.


http://www.keshilliministrave.al/shqip/lajm.asp?id=6709

[Xhuxh Xhumaku]

Raporte e Fjalime 1991 - 2091

Nuk mund të pranohet që disa të mos paguajnë dot kafshatën në një kohë që vendi ka 2600 euro të ardhurat mesatare për frymë. Në shpirtin dhe mendjen e atij që shkon të marrë ushqimin me listë kjo shifër (2600) është një cinizëm ekstrem.

Cinizmi nuk qendron tek ai qe shkon te marre buken me liste, por tek ata qe e njohin kete realitet, dhe bejne vetem fushata ideologjiko-zgjedhore per te marre votat edhe kete here, si perhere ...

...qeveria tu përgjigjet të gjithë këtyre qytetarëve që realisht nuk kanë të ardhura për të përballuar kafshatën e gojës.

pra do tu pergjigjet atyre qe realisht nuk kane te ardhura, e per cfare, per te perballuar kafshaten e gojes, pra sa per buken, dhe problemi u zgjidh.

Pjesa fundore eshte super:

Do të hartojmë një skemë që përjashton tërësisht korrupsionin dhe shmang çdo lloj spekullimi, duke bërë identifikime, kontrolle serioze në mënyrë që procesi të mos devijojë atje ku nuk duhet. Buxheti duhet ti japë përgjigje para së gjithash kësaj çështje.

Pra do te hartohet nje skeme qe do te perjashtoka teresisht korrupsionin dhe do te shmange cdo lloj spekullimi?! Dmth skemat e deritanishme kane qene te pjesshme e te nje llojshme. Identifikimet e kontrollet do te behen serioze, sepse deri tani kane qene sa per te kaluar radhen, dhe procesi te mos devijoje atje ku nuk duhet por duhet te devijoje atje ku duhet. Ec e merre vesh! dhe ne fund i vihet detyre Buxheti duhet ti japë përgjigje para së gjithash kësaj çështje, perseri me duhet, e te tjera orientime, derdellimje, premtime, theksime, vertetime, ritheksime, fillime, rifillime ...

[Esked Flase]

Edhe ti mos i merr me kaq seriozitet fjalet e Berishes qe i analizon keshtu.

[Humdinger]

Demagogjia e kryeministrit me listat e "kafshatës"

Sarandë

- Kryeministri aktual i shqiptarëve Sali berisha, mund të klasifikohet si demagogu më i madh ndër politikanët, kryeshtetarët e kryeqeveritarët ndër vite të këtij vendi. Nëse shqiptarët do të ishin koshient për atë ç’ka po ndodh dhe do ta kishin shpirtin e protestës në nivele si psh, të qytetarëve të Budapestit, do kishin dalë prej kohësh në rrugë e të kërkonin rrëzimin e qeverisë berisha për mosmbajtjen e premtimeve dhe mashtrimeve që ka bërë Berisha gjatë fushatës elektorale të para 3 korrikut 2005.

Në gjithë Shqipërinë, por në Sarandë sidomos, zoti Berisha, duke u bërë thirrje qytetarëve për të mos e votuar Nanon si kandidat të socialistëve, tha se Qeveria socialiste i bëri shqiptarët më të vafër se ç’ishin, se listat nëpër dyqane ishin tregues i varfërisë të tejskajshme që qeveria Nano e paskish futur vendin dhe se, në se me PD vjen në pushtet, situata do ndryshojë. Berisha premtoi (si përparësi të qeverisë që ai do drejtonte) heqjen e listave nga dyqanet.



Konstatimi i vonuar

Pas më shumë se një vit në qeverisjen e djathtë shqiptarët nuk shohin ndonjë ndryshim në mirëqënie, në uljen e nivelit të varfërisë etj, përkundrazi, kapitalizmi i pakontrolluar, ka thelluar raportet ku të pasurit bëhen më të pasur dhe të varfërit më të varfër. Çuditërisht këtë, Berisha e ka konstatuar nga disa letra (informacione) që i kanë mbrritur në zyrë, të cilat faktojnë se një numër i caktuar familjesh dhe qytetarësh shqiptarë vazhdojnë tu drejtohen dyqaneve, duke marrë ushqime me listë. Tepër interesant një konstatim i tillë, tani pas një viti i cili ka kompromentuar programin dhe prioritetin e kësaj qeverie për heqjen e listave. Përsëri çudi, që kreu i qeverisë tani kujtohet të përgatisë skema ndihmë për "hallexhinjtë", pasi siç thotë si "s’mund që disa të lahen me flori dhe disa ushqehen me listë"(!)



Borxhi qarkullues

Borxhet janë tregues "kokëfortë" i asaj që mund të konsiderohet si stanjacion, në mos shtim (rritje) i varfërisë. Po borxhet nuk janë vetëm në raportet familje (qytetar) - pronar dyqani dhe vetëm për shkak të nevojës për tu ushqyer. Ekziston dhe borxhi që do ta quanim "qarkullues", i cili na këndvështrimin tonë, në mos është indikacion (dhe shkaktohet) i varfërisë, është tregues i një stanjacioni zhvillimi, që indirekt përkeqëson situatën dhe deformon vet ekonominë e tregut. Borxhi qarkullues, në se mund ta quanim këhstu, është shfaqja e prezencës të një ekonomie informale, për shkak se gjithshka funksionon jashtë kanaleve qoftë bankar, qoftë dhe fiskal. Ja zinxhiri: qytetari X që rikonsturkton banesën (realizon një ndërtim të ri etj) elektriciteti (dhe të tjerët si hidrauliku, muratori, pllakaxhiu etj, dhe më pas pronari i mallit (mjete, paisjet elektrike, hidraulike, mobiljet etj) të gjithë këta futen në borxh te njëri-tjetri. Firmat e paliçensuara apo specialistët, madje dhe firma të njohura, e marrin mallin pa lekë (në shumicën e rasteve), ndërkaq qytetarët nuk ua japin në kohë hakun e punës atyre. Kështu, shpesh ndodh që biznese tregtare futen në borxhe për të ricikluar mallin, pse jo dhe falimentojnë. Shkurt të gjithë punojnë me paratë e të gjithëve, duke e shndërruar profesionin jo thjesht në një mjet fitimi e jetesë, por në një makth e bezdi (për të marrë hakun) që vështirëson jetesën.



Skema e qeverisë si "llamba e Aladinit"

Përpara situatës të pakthimit shpesh të borxhit, pronarët e dyqaneve i zbrapsin hallexhinjtë dhe ata trokasin në të tjera dyqane. Pronarët e të 7 dyqaneve ku bëmë sondazh e mësipërm, thanë për gazetën se situata në mos është përkeqësuar është po ajo e viteve të kaluara. Ata thanë se kanë filluar ta presin rrugën e listave por kjo është e vështirë. Tani na del kryeministri që urdhëron ministrat e tij të hartojnë një skemë (me përgjegjësi të madhe) në mënyrë që "qeveria tu përgjigjet këtyre qytetarëve ..." Po si? Eleminimi apo zbutja e varfërisë kërkon politika të mirëfillta dhe jo skema. Duket se kjo është në vazhdën e demagogjisë dhe besoj se nuk mund të jetë, mashtrimi i fundit i Berishës.

Panajot Zoto

07/10/2006

Z.P.

[kurkushi]

Nuk dij saktesisht pse duhet te reagoj une ne kete shkrim!
Une Partine e Berishes(Perishiqit) qe ne fillim e kam quajtur me emrinn e saj te vertete Partia Demagogjike Shkaterruese Shqiptare!...

[Albo]

Cinizmi nuk qendron tek ai qe shkon te marre buken me liste, por tek ata qe e njohin kete realitet, dhe bejne vetem fushata ideologjiko-zgjedhore per te marre votat edhe kete here, si perhere ...

Cinizmi i Berishes, kryeministrit te vetem qe i shtron kabinetit te tij problemin e familjeve te vobekta qe marrin ushqimet me lista, apo cinizmi i atyre barkgjerave socialiste qe nderruan karrigen e kryeministrit me rradhe dhe asnjehere nuk denjuan qofte edhe ta zinin ne goje kete kategori njerezish?!

pra do tu pergjigjet atyre qe realisht nuk kane te ardhura, e per cfare, per te perballuar kafshaten e gojes, pra sa per buken, dhe problemi u zgjidh.

Cfare je duke bere ti per keto familje te vobekta, apo cfare bene ata barkacelet te cilet ti votove ne ato 8 vjetet qe ishin ne pushtet?!

saktesisht pse duhet te reagoj une ne kete shkrim!
Une Partine e Berishes(Perishiqit) qe ne fillim e kam quajtur me emrinn e saj te vertete Partia Demagogjike Shkaterruese Shqiptare!...

Po te lexoje shkrimin, nuk do te tregoheshe aq gafil sa je treguar me lart, qe nuk e di as perse ben fjale tema. Tema nuk eshte per Berishen dhe PD, tema eshte se cfare duhet te beje qeveria shqiptare per familjet e vobekta qe marrin ushqime me lista.

Albo

[hope31]

mbeshtes mendimin e parafolesit

[thorgal]

gjithashtu ,

[DYDRINAS]

Shqipëria, duel dhe fyt më fyt me varfërinë

9 Tetor

Sipas të dhënave, 780 mijë shqiptarë janë të varfër, 130 mijë në skamje

Sipas vrojtimit të fundit për varfërinë një e katërta e popullsisë në Shqipëri jeton në varfëri. Shqipëria është në një duel të vazhdueshëm me varfërinë. E dalë nga tranzicioni në skaj të rrënimit ajo nuk ka arritur ta marrë veten edhe në këto 15 vite tranzicion. Pothuaj në të gjithë raportet ndërkombëtare ka një fjali standarte “Shqipëria është vendi më i varfëriEvropës”. Vetëm Moldavia nga vendet e rajonit ka shifra më të përkeqësuara se vendi ynë, duke e bërë kështu “dinjitoz” qëndrimin në fund të tabelës. Në raportin e PNUD të vitit 2005 për varfërinë në Shqipëri thuhet shprehimisht se “Megjithë arritjet e ekonomisë, varfëria në Shqipëri ka mbetur e lartë dhe të ardhurat për frymë me rreth 2300 dollarë në vit kanë mbetur nga më të ultat në ekonomitë në tranzicion. Shqipëria vijon të jetë një nga vendet më të varfra të Evropës. Megjithatë varfëria e skajshme ashtu siç përkufizohet në linjat e vafërisë për ushqimin është relativisht e ulët, me rreth 5 për qind të popullsisë e cila nuk është në gjendje të përballojë kërkesat bazë për ushqim”. Bëhet fjalë për rreth 130 mijë njerëz që jetojnë si në Afrikë pa harruar se shifra e atyre afër nivelit të varfërisë është edhe një herë sa të varfërit e deklaruar zyrtarisht.

Varfëria shqiptare

“Varfëria është një dukuri e ndërlikuar që përfshin përmasa të ndryshme mungesash. Varfëria është uri, varfëria është të jesh i pastrehë, i sëmurë dhe pa mundësi për të marrë kujdes mjekësor. Varfëria është të jesh i papunë dhe të kesh frikë nga pasiguria për të ardhmen, varfëria është të jesh analfabet, të të mungojnë shumë shërbime e mjete për jetën e përditshme”. Mjafton ky përkufizim për varfërinë për të bërë një analizë të saj, çka nuk është shumë e vështirë për asnjë shqiptar të detyruar të përballojë një realitet të rëndë. Përmasat e mungesës së të ardhurave si përbërësja e varfërisë dhe pabarazitë në kushtet e jetesës janë më të theksuara sesa ata që duken lehtë duke vështruar vetëm përmasën e të ardhurave. Mbulimi i shërbimeve themelore është pothuaj i përgjithshëm në zonat urbane por shumë më i pakët në zonat fshatare dhe në ata rreth qyteteve të populluara kohët e fundit. Kjo nuk do të thotë se zonat e qyteteve nuk kanë asnjë problem. Madje edhe nëse është mundësia e pasjes në teori shërbimet vuajnë rëndë nga problemet e lidhura më cilësinë e keqe dhe mungesën e sigurisë. Janë pikërisht këto fakte që i rendisin shqiptarët në më të varfërit e kontinentit dhe që janë të detyruar të kacafyten përditë me këtë dukuri.

Varfëria në shifra

Sipas të dhënave të INSTAT 780 mijë shqiptarë, në një popullsi 3 milionë banorëshe janë të varfër zyrtarisht. Prej tyre 130 mijë jetojnë skamjen. Por shifrat zyrtare tregojnë se është shumë më e madhe sasia e atyre që janë shumë afër linjës së varfërisë. Në vlerësimet më të fundit të bëra nga Banka Botërore 60 deri në 65 për qind e popullsisë së Shqipërisë ende jeton në kushte varfëria ose pranë varfërisë. Është kjo përqindje shumë e madhe e njerëzve që jetojnë në të njëjtën shtresë social ekonomike e cila jep një ndihmesë të madhe në nivelin e pabarazisë shqiptare. Por edhe pse llogaritet cereku i popullsisë shqiptare siivarfër në rajonë të caktuara vecanërisht në verilindje linjën e varfërsië nuk e kalon gati gjysma e popullsisë. Në këto kushte në Shqipëri e theksuar mbetet edhe pabarazia. Të mirat materiale përfitohen në shumicë nga një grup gjithnjë e mëivogël. 20 për qind të varfër, 5 për qind ekstremisht të varfër, 10 për qind të pasur nga të cilët vetëm 5 prej tyre shumë të pasur. Shresa që mbetet grin ë shifrat zyrtare nuk figuron si e varfër porn ë fakt realiteti tregon tjetër gjë.

Partitë politike dhe varfëria

Asnjë objektiv specifik i trajtuar si i tillë në platformat politike të 4 viteve të ardhshëm. Partitë politike dukët se po luftojnë me platforma në këtë fushatë elektorale por luftën kundër varfërisë e shikojnë si një agregat që do të rrjedhë nga zhvillimet e tjera. As në platformën socialiste e as në atë demokrate varfëria nuk përbën një kapitull apo ndarje më vete, ndonëse është problemi më i madh që po përjetojnë shqiptarët. Është e natyrshme se nëse realizohen të gjitha ata që premtojnë portië në fushatë vendi nuk do të ketë më të varfër. Por ti luftosh ata “duke i rënë nga Kina” duket se sa seriozisht është marrë. Ky është edhe shkaku se në 4 vjet shifrat e varfërsië jo që nuk kanë filluar reduktimin por në disa tregues ka edhe përkeqësim. Gjithsesi me letra varfëria po luftohet dhe për fushatë kjo mjafton.

Varfëria që mbizotëron në fshat është 66 % më i lartë se në qytet

Shtrirja e varfërisë, fshati në mjerim të thellë

Varfëria në Shqipëri ka arritur përmasa hapësire duke patur zona fshatare dhe malore në mënyrë të ndjeshme më të varfra sesa pjesa tjetër e vendit, sipas të gjithë përkufizimeve të varfërisë. Llogaritja për frymë e varfërisë në zonat fshatare është 66 për qind më e lartë se në Tiranë dhe 50 për qind më e lartë se në zonat e tjera urbane. Familjet në krahinat më të thella në zonat malore në veri e verilindje të vendit janë më shumë se gjysma të varfëra kurse më tepër se një e pesta e tyre jeton në varfëri të skajshme.

Numri i njerëzve që marrin ndihmë financiare është shumë më i lartë në zonat fshatare duke arritur në 75 për qind të numrit të përgjithshëm që jetojnë në varfëri. Numri i njerëzve në varfëri ekstreme llogaritet të jetë mbi 130 mijë, pjesa më e madhe e tyre në zona të vecanta si Dibër, Kukës, Elbasan e Shkodër.

Nivel i ivarfërisë ekonomike (sipas të ardhurave) është më i lartë në veri e verilindje të vendit. Kjo vjen për shkak të mundësive të kufizuara për vende pune dhe të ardhurave të ulta kryesisht prej bujqësisë. Në këto zona 70 për qind e familjeve zotërojnë më pak se 100 metër katrore tokë për frymë dhe përgjithësisht ajo është me cilësi të keqe. Faktorë të tjerë që e rëndojnëm më tej gjendjen janë mundësitë e kufizuara për të pasur shërbime publike të kushtëzuara nga infrastruktura e dobët. Zonat e thella maloreikarakterizon një varfëri më e madhe sesa zonat pranë qyteteve. Infrastruktura e papërshtatshme e rrugëve dhe mundësia e pakët për të dalë në tregje prekin varfëerinë ekonomike por një factor tjetër është edhe rrënimi i burimeve natyrore ekzistuese si uji, pyjet, kullotat, peshku etj.

Varfëria ekonomike është e zakonshme edhe në vendbanimet e reja rreth qyteteve, të krijuar prej shpërnguljes së gjerë nga fshati në qytet. Migrimi drejt zoanave me potencial më të madh ekonomik si Tirana dhe Durrësi ka sjellë tek krijimi i vendbanimeve të paligjshme një rritje të shpejtë të familjeve të shpërngulura që jetojnë në varfëei të skajshme ekonomike për mungesë të të ardhurave. Trualli ku kjanë ndërtuar nuk u përket atyre dhe masivisht mungojnë kanalizimet. Meqë kanë braktisur vendbanimet ata nuk përfitojnë as nga ndihmat sociale duke ngelur kështu skajshmërisht pa të ardhura.

Varfëria dhe papunësia

Shkaku kryesor i varfërisë ekonomike është niveli i artë i papunësisë, sidomos papunësia afatgjatë. Norma e papunësisë tek të varfërit është pothuaj sa dyfishiinormës tek jo të varfërit. Shtresa e varfëeisë së skajshmeika shifrat e papunësisë edhe më trishtuese. Këtu shifra e papunësisë është trefish më e lartë dhe në zonat urbane 7 herë më e lartë se në zonat fshatare. Por në këto shifra nuk është e përfshirë poapunësia e fshehtë e cila mbizotëron kryesisht tek familjet fshatare që marrin assistencë të pjeshme sociale nga shteti. Papunësia e pjeshme është tipar kryesisht i zonave malore dhe kryesisht është e përqëndruar në verilindje. Tranzicioni nga ana tjetër ka përkeqësuar pozitën për punë të rinisë, dhe papunësia historikisht më shumë prek gratë. Janë këto zhvillime qëikanë bërë shqiptarët ndër popujt më të lëvizshëm të rajonit. Një e katërta e popullsisë ka emigruar në 15 vjet ndërkohë që shumë të larta janë edhe shifrat e migrimit të brendshëm.

Shkaqet e varfërisë në Shqipëri sipas PNUD

Mungesa e aftësive të shtetit për të hartuar politika e strategji në ndihmë të të varfërve

Papftësia për të përcaktuar përparësitë për pasojë të mungesës së të dhënbave të sakta

Mungesa e aftësive vendore planifikuar dhe mobilizuar burimet

Mungesa e koperimit për shkak të mentalitetit

Mungesa e kapaciteteve për të gjetur burime financiare

Mungesa e financimeve për të përballuar problemet e ngutshme

Objektivat e luftës kundër varfërisë SKZHES

Përcaktimiiluftës kundër varfërisë si prioritet

Përmirësimiishërbimeve të arsimit, shëndetësisë dhe infrastrukturës

Nxitja e zhvillimit ekonomik dhe ruajtja e stabilitetit makroekonomik

Sigurimiishpërndarjes së përpjestuar të arritjeve të rritjes ekonomike

Plotësimiipolitikave për shërbime sociale

Luftë varfërisë, e dimë si po me cfarë?

Eleminimi i varfërisë ekstreme urisë dhe dimensioneve të tjera të varfërisë përbën të parin e objektivave të mijëvjecarit. Ky objektivimadh dhe shpresëdhënës në paraqitje në rastin shqiptar është ndarë në 6 objektiva specifikë. Së pari përgjysmimi i numrit të të varfërve aksteme në harkun kohor deri 2015, së dyti ulja e numrit të njerëzve që vuajnë nga kequshqyerja, së tretë ulja e papunësisë në standarte evropiane, së katërri një treg gjithpërfshirës për të siguruar rritje ekonomike, së pesti futja e teknologjive të komunikimit dhe së fundi rritja e aksesit për furnizim me energji. Por ndërkohë që tashmë të gjithëikanë të njohura shkaqet e një varfërie të madhe në Shqipëri dhe kur objektivat janë përcaktuar nevojiten burimet financiare. Në këtë drejtim shteti shqiptarika ngritur duart lart para të huajve. Në koston prej 42 miliard dollarë që duhet për të realizuar të gjithë objetivat e mijëvjecaritipariityre varfëria ka një cmim 36 miliardë dollarë. Por nga këto qeveria cilëson si të gjetshme vetëm 15 miliardë. Mungojnë plot 21 miliardë të tjera që e bëjnë të shpjegueshëm përparimin shumë të ngadaltë në realizimin e objektivit packa se vitet ecin e varfëria mbetet.

Gazeta Metropol
09-10-2006

[njemik]

kjo eshte tema e vaskes se floririt..???
Per ate shprehejn e famshme te ber-ishes qe eshte e papranueshme qe disa te lahen ne vaska floriri e disa te mos kene buk me ngren...
edhe une jam dakord qe berisha tja mari vaskat e floririt kulakeve ti shesi dhe me leket e fituara ti japi buke popullit se pune arsimim dhe kujdes shendetesor nuk ka obligim ti japi se votat i ka mare per buken e gojes
dmth atyre qe jane me te zotet e hapin vende pune tjua marim qe te mos hapin vende te reja pune dhe njerezit ta fitojne me djerse buken e gojes por te ikin ti cojne leket jashte shqiperise e ketu te na ngelen vetem varfanjaket qe mos te mendojne me shume se buka e gojes dhe berisha te na behet perandor i perjetshem

bravo berisha sqenka aq budall zuzari... ka fillu me mesu nga shoku fatos...

P.S.1 edhe ata te vaskave te floririt skane pse ti merziten berishes me vask floriri apo jo kur ska uj me u la vend zhulsash ke me ngel

P.S. 2. Ore mos ja kan fut ketij berr-ishes.. mos i kane ndru kapaket e librave dhe lexon veprat e enverit e i duket sikur lexon librin "Hyrje ne ekonomin e tregut"
tung...

[Brari]

Rendesi ka o panajot i zoti i zp-se qe kte radhe shqipot kan kryeminister nje kal te punes jo te orgjive.. si te tute o pano..


----

RD

Qeveria ka ndërmarrë rritjen më të madhe të pagave dhe pensioneve gjatë 15 viteve të fundit


Nga 1 dhjetori asnjë pension në qytet nën 100 mijë lek


"Zbatimi i kësaj skeme do të fillojë më 1 dhjetor për qytetin dhe më 1 janar për fshatin. Me këtë hap, duke iu përgjigjur edhe kureshtjes së ligjshme në lidhje me pyetjen se cila do të jetë skema e "kafshatës", unë informoj se ky është hapi i parë i rëndësishëm, i drejtë, i ndershëm, i pastër, jashtë të gjitha procedurave të abuzimit". Në këtë mënyrë, kryeministri Sali Berisha ka ritheksuar dhe ka bërë të ditur për të gjithë shtresën në nevojë të pensionistëve rëndësinë e kësaj skeme që qeveria ka ndërmarrë, dhe ka bërë gati për ta vënë në zbatim, për të shkuar me të drejtë zgjidhjes së këtij problemi madhor social. Këtë deklaratë, kryeministri Berisha e ka bërë gjatë mbledhjes së sotme të Këshillit të Ministrave. Duke u ndalur në fjalën e tij në gjendjen ku ishin pensionet në kalimin e dy sistemeve, kryeministri Berisha tha se "të gjetur në kalimin e dy sistemeve, pasi kanë shkrirë energjitë e tyre në një sistem çnjerëzor, përballen në kushtet e tregut, në rrethana realisht të disfavorshme. Zero ka qenë arka e sigurimeve shoqërore pas shembjes së diktaturës si dhe fondi i pensioneve. Rikujtoj sot, se e tërë rezerva e këtij vendi ka qenë 4 milion dollarë me Bankën Qendrore e me të gjitha". Duke bërë të ditur punën me ministritë përkatëse, lidhur me këtë hap të rëndësishëm të ndërmarrë, kryeministri tha se "sot, dua të ndalem dhe t'ju informoj se gjatë kësaj periudhe, me Ministrinë e Financave, Ministrinë e Punës, Institutin e Sigurimeve Shoqërore janë zhvilluar diskutime të shumta dhe është bërë një punë shumë e madhe në adresimin, do të thosha, të njërit prej problemeve më madhore të trashëguara, jo vetëm të Shqipërisë, por të të gjitha vendeve ish-komuniste, siç është problemi i pensioneve". Ai theksoi se "në përfundim të kësaj pune të zgjatur u arrit që të shënohet një kthesë reale rrënjësore në qëndrimin ndaj këtij prolemi, u arrit që t'iu dëshmohet pensionistëve shqiptarë se kjo qeveri ndjen thellësisht detyrimin që ka shoqëria shqiptare ndaj tyre dhe se është shumë e vendosur të shqyrtojë dhe t'iu japë zgjidhjet më të mira të mundshme problemeve të tyre". Kryeministri theksoi se "është shumë e rëndësishme që kjo skemë të zbatohet me shpejtësi. Nuk është e thjeshtë. Nuk kemi të bëjmë me 100 e ca mijë punonjës, por kemi të bëjmë me pensionistë, të cilët në fshat marrin nën 50 mijë lekë dhe në qytet marrin nën 100 mijë lekë".






Angazhim për realizimin e skemës, hapa të tjerë në vazhdim


Kreu i ekzekutivit bëri të ditur se është e nevojshme që të ketë një përkushtim të madh në realizimin e skemës nga të gjithë aktorët e përfshirë në këtë proces. "Janë gjithsej 389918 pensionistë. Këtu përfshihen pensionet familjare, të cilat janë të gjitha nën 100 mijë lekë, përfshihen pensionet e invaliditetit, 85% e të cilave janë nën këtë shifër. Ky kontigjent i madh kërkon një angazhim të punonjësve të institucioneve përkatëse, por edhe mbështetjen nga ana e Ministrisë së Financave, e cila, për hir të së vërtetës, është autore e kësaj skeme" . Kryeministri Berisha paralajmëroi se do të ketë akoma hapa të tjerë që do të ndërmerren në të ardhmen sërish në këtë drejtim. "Ne nuk do të ndalemi me kaq. Hapa të tjerë të rëndësishëm do të ndërmerren në të ardhmen", tha kryeministri. Kreu i qeverisë ritheksoi se "një grup i gjerë, së bashku me Bankën Botërore, po shqyrton hapat e ardhshëm që duhet të shënojmë, por ky ka qenë një hap jashtëzakonisht i rëndësishëm, i merituar plotësisht, por edhe i kushtueshëm". Duke risjellë sërish në vëmendje shifrat që do të bëjnë të mundur realizimin e skemës sociale në terma realë financiarë, kryeministri tha se "janë angazhuar nga 1 korriku deri më 1 janar të vitit të ardhshëm rreth 72 milion dollarë nga fondet e buxhetit të shtetit, një shifër kjo më e madhe se ajo që u përdor për rritjen e ndjeshme, që ishte rritja më e madhe e 15 viteve, të rrogave të punonjësve të administratës, por mendoj se ka qenë shumë e domosdoshme".






Mbledhja e të ardhurave trefishoi faturën sociale


Shefi i ekzekutivit ka vlerësuar ata që bënë të mundur që buxheti i shtetit të rritet me të ardhurat nga doganat e tatimet dhe sasia e të ardhurave në të të përballojë investime publike të tjera, dhe rritje deri në trefishim të faturës financiare. "Edhe njëherë dua të shpreh vlerësimin tim të madh për të gjithë ata punonjës që e bënë të mundur, pasi ky është një funksionim shumë më i mirë i institucioneve të doganave, tatimeve, financave në tërësi, prokurimeve publike, punërave publike, zbatimit të ligjit, etj. Pra, në rast se u arrit që në këtë buxhet vërtet të ndryshohet tërësisht buxheti i vendit, të sigurohen rreth 700 milion dollarë për investime në punëra publike dhe investime të tjera, u 2-3 fishua fatura sociale në tërësinë e saj", theksoi kryeministri. Berisha tha se "kjo u arrit në sajë të një kthese rrënjësore që u shënua, kthesë që bëri të mundur të mbrohen, të mblidhen, të mos shpërdorohen jo më pak se 504 milion dollarë në një vit".

Duke vijuar, kryeministri tha se "efektet janë pozitive edhe për reformat, sepse realisht skema e pensioneve të vendit vendoset në një platformë të re dhe ecën drejt konsolidimit. Kjo kishte një rëndësi të madhe, sepse këto 504 milion kanë rritur në mënyrë shumë të madhe kredencialet e qeverisë shqiptare në interes të qytetarëve". Kryeministri Berisha tha se "është rritur në mënyrë shumë të ndjeshme besueshmëria e funksionimit të kësaj qeverie, që do të thotë ndihma shumë më të mëdha për Shqipërinë, fonde shumë më të mëdha për Shqipërinë, do të thotë çlirim i lakut, sepse ky vend ka patur një lak që ngushtohej nga korrupsioni dhe efektet shfaqen direkt në këtë buxhet. Fondet që do të angazhohen gjatë vitit të ardhshëm, janë fonde jashtëzakonisht të rëndësishme".






Mustafaj kërkon liberalizim vizash në takimin e BEDZ


Më 1 nëntor 2006, në Moskë, zhvilloi punimet Takimi i 15 i Këshillit të Ministrave të Jashtëm të vendeve anëtare të Organizatës së Bashkëpunimit Ekonomik të Detit të Zi (BEDZ). Në këtë aktivitet vendi ynë u përfaqësua me një delegacion i kryesuar nga ministri i Punëve të Jashtme, Besnik Mustafaj. Në fjalën e tij në këtë takim, Mustafaj, nënvizoi rëndësinë që vendi ynë si bashkëthemelues i kushton Organizatës së Bashkëpunimit Ekonomik të Detit të Zi, e cila mbetet një partner i rëndësishëm për arritjen e stabilitetit, sigurisë dhe zhvillimit rajonal. Më tej, ministri theksoi se "bashkëpunimi i vendeve në kuadrin e Detit të Zi, tashmë ka hyrë në një periudhë të rëndësishme, e cila po orientohet gjithnjë e më shumë drejt projekteve. Realizimi i axhendës ekonomike të BEDZ kërkon shfrytëzimin sa më efektiv të mundësive që ofrohen në nivelin e arritur të bashkëpunimit dhe rritjen e efikasitetit të grupeve të punës". Duke vijuar ministri i Jashtëm tha se, "në mënyrë që iniciativat brenda kësaj organizate të jenë sa më të frytshme, duhet të bëhet sa më parë liberalizimi i vizave midis vendeve anëtare, duhet të promovohen projekte të bashkëpunimit në sektorin energjitik, të transportit". Mustafaj vlerësoi se intensifikimi i përpjekjeve për të zgjeruar bashkëpunimin ndërmjet BEDZ-it dhe BE-së duhet të mbetet një nga objektivat e Organizatës. "Shqipëria, prioritet i së cilës është integrimi në strukturat europiane dhe euroatlantike, ka mbështetur hapat e ndërmarra në këtë drejtim", theksoi Mustafaj. Ai parashtroi gjithashtu kërkesën për forcimin organizativ dhe strukturor të organizatës, e cila duhet të mbetet një sfidë e prioritet për punën e saj. Gjatë punimeve të këtij ministeriali, ministri Mustafaj u takua me homologun e tij rus, Sergey Lavrov, ministrin e Jashtëm turk, Abdullah Gyl, dhe atë serb, Vuk Drashkovic.


Xhumelina Dervishi

[Albo]

Ministria e Punës publikon dokumentet që duhen plotësuar për të marrë ndihmën ekonomike

Asistenca, në prill 40 % më shumë

Blerina KACA

Familjet e varfra do të përfitojnë rreth 40 për qind më shumë në muaj ose ndryshe, 73 mijë lekë (të reja) më shumë në muaj, duke nisur nga muaji prill i vitit 2007. Ministria e Punës dhe Shanseve të Barabarta ka hartuar të gjithë skemën e personave që marrin asistencë, ndërkohë drafti ka kaluar për miratim në Këshillin e Ministrave. Qeveria ka vendosur që në prill të këtij viti shtesa në pagesën e papunësisë të merret që në muajin prill. Nga kjo pagesë përfitojnë rreth 165 mijë familje të varfra në vend. Aktualisht, pagesa maksimale që merr një familje e varfër në formën e ndihmës ekonomike, është 40 mijë lekë në muaj, dhe vitin e ardhshëm pritet të marrin 75 mijë lekë.

Pagesa e papunësisë
Të gjithë personat që kanë bërë 12 muaj punë të siguruar, në momentin që dalin pa punë si pasojë e shkurtimit të vendit të punës, apo arsye të tjera, përfitojnë për një vit pagesë papunësie. Baza e kësaj pagese është 4 mijë lekë (të reja) në muaj. Mbi këtë pagë shtohen edhe pagesat për kompensimin e energjisë dhe pagesa të tjera, si, për shembull, në rast kur personin që del papunë, ka persona të tjerë të familjes në ngarkim. Me gjithë këto shtesa, pagesa e papunësisë shkon maksimalisht 7 mijë lekë. Pikërisht mbi këtë shumë do të bëhet edhe rritja prej 10 për qind në fillim të muajit prill. Kështu një person i papunë, që aktualisht merr 7 mijë lekë asistencë, vitin e ardhshëm do të marrë 7 mijë e shtatëqind lekë në muaj. Sipas specialistëve në Ministrinë e Punës dhe Shanseve të Barabarta, pagesa e papunësisë është e njëjtë për të gjitha kategoritë e punëtorëve. Pra nuk ka rëndësi se ku ke punuar, në një detyrë të lartë shtetërore, apo si nëpunës i thjeshtë, të gjithë të papunët përfitojnë pagesë të njëjtë. Ajo çka e ndryshon pagesën, janë shtesat që i bëhen, pasi ato janë të ndryshme, në varësi të kushteve sociale të personit që përfiton asistencë.

Ndihma ekonomike
Familjet e varfra që jetojnë nën minimumin jetik do të përfitojnë një mijë lekë më shumë nga shuma që marrin aktualisht në formën e përkrahjes sociale. Në këtë kategori futen të gjitha ato familje që nuk kanë të ardhura mujore, si rezultat i papunësisë, pra janë familje që mbahen me asistencë. Pagesa që marrin familjet varfra ndahen sipas kategorive, pra shuma që përfiton secili pjesëtar i familjes nuk është e njëjtë. Kështu, kryefamiljari përfiton deri në 95 për qind të pagesës së papunësisë (pra 95 për qind të 4 mijë lekëshit).

Asistenca rritet edhe për paaftët
Të paaftët për punë përfitojnë 75 për qind të pagesës së papunësisë. Pagesa më e ulët është për personat e aftë për punë, por që nuk janë të punësuar. Për këta persona pagesa është 25 për qind e pagesës së papunësisë. Sipas drejtorit të Pagave, Kuka, ndihma ekonomike aktualisht shkon në 100 mijë lekë në muaj, ndërsa me rritjen prej 10 për qind, ajo mund të shkojë deri në 110 mijë lekë për familje. Nga ana tjetër, specialistët sqarojnë se “kjo shumë nuk është e njëjtë për të gjitha familjet, pasi llogaritet në bazë të numrit të personave të familjeve”. Ndërkohë që një familje e madhe nuk përfiton më shumë se një familje vogël edhe pse të gjithë pjesëtarët e saj mund të jenë të papunë, pasi është vënë një pagë tavan, prej 11 mijë lekësh, pra kjo është shuma maksimale që do të marrë një familje e varfër në muajin prill të këtij viti.

Tirana Observer

[Albo]

Dokumentet per te perfituar asistencen

1. Deklaratë “tip” për gjendjen social-ekonomike të familjes, e cila plotësohet nga kryefamiljari një herë në vit

2. Deklaratë “tip” që plotësohet detyrimisht çdo muaj nga kryefamiljari dhe anëtarët madhorë të familjes

3. Certifikatë e gjendjes familjare, ku shënohet data e regjistrimit në regjistrin themeltar dhe vendbanimi i mëparshëm

4. Dokument pronësie lëshuar nga Zyra e Regjistrimit të Pasurisë së Paluajtshme (Kadastra) për tokat bujqësore, duke shënuar sipërfaqen dhe kategorinë e tokës.

Shënim:
Deklarata “tip” përgatitet sipas modeleve të përcaktuara nga Ministria e Punës, Çështjeve Sociale dhe Shanseve të Barabarta.
Pagesa mujore e ndihmës ekonomike jepet në formën e një kësti mujor (në lekë).

Tirana Observer

[Albo]

Shtesat e reja, si dhe të gjitha ndryshimet që i janë bërë legjislacionit

Ligji i plotë për përfituesit e ndihmës ekonomike

Blerina KACA

Veç rritjes që do t’iu bëhet kategorive që përfitojnë asistencë, ndryshe, ndihmë ekonomike, është riformular edhe ligji bashkë me të gjitha nenet përkatëse. Kështu, janë shtuar pika të reja, në mënyrë që në skemë të përfshihen edhe kategori të tjera, të cilat nuk mund të sigurojnë dot minimumin jetik. Gazeta “Tirana Observer” boton të plotë të gjithë ligjin me të gjitha ndryshimet në dispozitat ligjore.

Tabela

Kategoritë që përfitojnë asistencë:

1. Persona me aftësi të kufizuar, të cilët deklarohen të paaftë për punë me Vendim të Komisionit Mjekësor të Caktimit të Aftësisë për Punë (KMCAP).

2. Paraplegjikët dhe tetraplegjikët, të cilët deklarohen me Vendim të Komisionit Mjekësor të Caktimit të Aftësisë për Punë dhe janë bërë të tillë pavarësisht nga shkaku dhe mosha.

3. Të verbrit, me mungesë të plotë ose të pjesshëm të shikimit, të lindur ose të fituar, të cilët janë deklaruar të paaftë për punë me Vendim të Komisionit Mjekësor të Përcaktimit të Verbërisë (KMPV).

Shënim
Pagesa për personat e paaftë jepet në formën e një kësti mujor (në lekë) dhe masa e pagesës për to përcaktohet me Vendim të Këshillit të Ministrave.
Përfituesit të përcaktuar me vendim të komisioneve mjekësore të aftësisë në grupet e dyta të paaftësisë, humbasin të drejtën e pagesës së aftësisë së kufizuar në çastin e punësimit të tyre.

Përfitimi i pagesës së paaftësisë
Për personat e paaftë sipas V.K.M. nr. 311, datë 11.07.1994, masa e përfitimit të paaftësisë është 6 400 lekë.
Personat e paaftë të përcaktuar sipas pikës 1 të V.K.M. nr. 311, datë 11.07.1994, “Për përfitimin e paaftësisë”, që kanë punuar në ndërmarrjet shtetërore jo më pak se 5 vjet dhe kanë humbur vendin e punës pas datës 01.01.1991 dhe nuk përfitojnë pension invaliditeti, sipas ligjit nr. 7703, datë 11.05.1993, “Për sigurimet shoqërore në Republikën e Shqipërisë”, marrin përfitim paaftësie në masën 150% të pagesës së përfitimit të paaftësisë.
Dokumentacioni që paraqesin personat për përfitimin e paaftësisë në zyrat e ndihmës ekonomike dhe përkujdesjes shoqërore është si më poshtë:
1-Certifikatë të gjendjes familjare të personit të paaftë
2-Certifikatë personale me fotografi e personit të paaftë
3- Vendim i KMCAP, i cili vërteton paaftësinë e personit
4- Fletë-drejtimi për në KEMP që jepet vetëm kur del në komision për herë të parë
5- Vërtetim nga Zyra e Punës, e cila vërteton që personi i paaftë nuk është në marrëdhënie pune (vetëm për personat që janë në moshë pune).
Masa e përfitimit të pagesës së paaftësisë është 6 800 lekë në muaj.

shenim
Për rastet kur personi i paaftë vazhdon shkollën e mesme apo të lartë, me apo pa shkëputje nga puna, duhet të paraqesë këto dokumente shtesë:
1-Vërtetim të firmosur nga titullari dhe sekretari i shkollës, i cili duhet të përmbajë:
a)- emrin e personit përfitues
b)- llojin e arsimit që ndjek
c)- vitin shkollor
Personat e paaftë, të cilët ndjekin arsimin e mesëm përfitojnë dyfishin e pagesës së paaftësisë.
Personat e paaftë që ndjekin arsimin e lartë ose studime pasuniversitare përfitojnë trefishin e pagesës së paaftësisë.
Përfitimi i paaftësisë për rastet e ndjekjes së shkollës së mesme, të lartë, me ose pa shkëputje nga puna apo studime pasuniversitare, jepet vetëm për periudhën e vitit shkollor.
Dokumentet për përfitimin e Pagesës së Kujdestarisë së Paaftësisë
1-Certifikatë e gjendjes familjare të personit kujdestar
2- Deklaratë që personi kujdestar është i zgjedhur nga familja
3- Vërtetim që familja e personit që përfiton pagesë paaftësie është në skemën e ndihmës ekonomike
4- Raport mjeko-ligjor i personit kujdestar që është i aftë fizikisht dhe mendërisht.
Masa e përfitimit të pagesës së kujdestarisë është 5 700 lekë në muaj.
Përfitimi i pagesës së invalidit paraplegjik dhe tetraplegjik
Personat që plotësojnë kërkesat e Ligjit Nr. 8626, datë 22.06.2000 “Për statusin e invalidit paraplegjik dhe tetraplegjik”, duhet të paraqesin kërkesën e tyre në zyrat e Ndihmës Ekonomike dhe Përkujdesit Shoqëror ku ata janë të regjistruar sipas gjendjes civile.
Krahas kërkesës për trajtim, pretenduesi duhet të paraqesë dhe dokumentet e mëposhtme:
1-Certifikatë personale me fotografi, e cila përsëritet domosdoshmërisht çdo vit
2-Vendimin mjekësor të lëshuar nga KMCAP, ku të jetë përcaktuar:
3- shkalla e invalidit tetraplegjik, paraplegjik
4- nevoja për kujdestar
5- periudha e përfitimit
6- Kopje të librezës së invalidit paraplegjik dhe tetraplegjik
7- Të deklarojë para administratorit përkatës emrin e kujdestarit, kur ai me vendim e përfiton kujdestarinë, duke paraqitur deklaratën noteriale të nënshkruar nga invalidi dhe kujdestari.
Masa e përfitimit për shkak të invaliditetit e përcaktuar në pikën 1 të V.K.M. Nr. 302, datë 27.063.2002 dhe V.K.M. Nr. 588, datë 28.08.2003 është 6 800 lekë në muaj.
Tërheqja e pagesës së përfitimit mund të bëhet nga vetë invalidi, i shoqëruar nga kujdestari ose nga një pjesëtar i familjes, kur ky i fundit është i pajisur me një prokurë.
Pagesa e përfitimit për shkak të invaliditetit është mujore, dhe në rastet e mos tërheqjes për arsye të ndryshme mund të tërhiqet në muajt pasardhës.
Dokumentet për përfitimin e pagesës së kujdestarisë së invalidit paraplegjik, tetraplegjik
1-Certifikatë e gjendjes familjare të personit kujdestar
2-Deklaratë që personi kujdestar është i zgjedhur nga familja
3- Vërtetim që familja e personit që përfiton pagesë paaftësie është në skemën e ndihmës ekonomike
4-Raport mjeko-ligjor të personit kujdestar që është i aftë fizikisht dhe mendërisht.
Masa e përfitimit të kujdestarisë së invalidit paraplegjik dhe tetraplegjik është në masën 6 800 lekë në muaj.
Përfitimi i pagesës së verbërisë
Në bazë të V.K.M. nr. 671, datë 15.12.2000, si dhe Udhëzimin nr. 74, datë 11.01.2002 për personat pretendues për të përfituar Pagesën e Verbërisë duhet të paraqesin në zyrat e ndihmës ekonomike dokumentet e mëposhtme:
1-Certifikatë e lindjes me fotografi
2-Fletë-drejtimi për K.M.P.V
3-Kërkesë me shkrim për përfitimin nga “Statusi i të verbërve” e lëshuar nga ai ose nga persona që e kanë në ngarkim pretenduesin për përfitimin e këtij statusi.
4-Vërtetimin e vendimit të KMCAP pranë drejtorive të sigurimeve shoqërore, n.q.s ai ka dalë si invalid pune për shkak të dëmtimit të shikimit.
Shënim:
Personi duhet të deklarojë para administratorit përkatës emrin e kujdestarit, kur ai me vendim përfiton kujdestarinë, duke paraqitur deklaratën noteriale të nënshkruar nga invalidi dhe kujdestari.
Masa e përfitimit për shkak të verbërisë është 6 800 lekë në muaj.
Dokumentet e pagesës së kujdestarisë së verbërisë
1-Certifikatë e gjendjes familjare të personit kujdestar
2- Deklaratë që personi kujdestar është i zgjedhur nga familja
3-Raport mjeko-ligjor i personit kujdestar që është i aftë fizikisht dhe mendërisht.
Masa e përfitimit të kujdestarisë së verbërisë është në masën 6 800 lekë në muaj.

Tabela

Përfituesit e ndihmës ekonomike Përfitues të ndihmës ekonomike janë:

1) Familjet në nevojë
2) Jetimët mbi 25 vjeç të papunë, të cilët janë në kujdestari ose nën kujdestari.
3) Prindërit me më shumë se 2 fëmijë të lindur njëherësh dhe që u përkasin familjeve në nevojë.
Kriteret e përfitimit të ndihmës ekonomike
Ndihma ekonomike që përfitojnë familjet në nevojë është e plotë dhe e pjesshme:
Ndihmë ekonomike të plotë përfitojnë familjet ose individët që nuk kanë të ardhura nga:
a) veprimtari ekonomike
b) programe të ndihmës dhe të shërbimeve shoqërore ose ndonjë sistem tjetër i mbrojtjes shoqërore
c) kapitali
d) pjesëtarët e familjes që janë në emigracion
Ndihmë ekonomike të pjesshme përfitojnë familjet që kanë të ardhura të pamjaftueshme nga:
a) toka
b) bagëtia, shpendët, bletët, vreshtaria dhe kopshtaria
c) pensionet dhe të ardhura të tjera.
Neni 4
1. Ndihma ekonomike u jepet familjeve të shtetasve shqiptarë që kanë të ardhura të pamjaftueshme ose nuk kanë të ardhura e burime materiale jetese nga:
a) veprimtaria ekonomike;
b) sigurimet shoqërore ose ndonjë sistem tjetër sigurimi;
c) kapital.
2. Persona që nuk janë shtetas shqiptarë, mund të përfitojnë ndihmë dhe përkujdesje shoqërore pasi të kenë banuar 10 vjet në Shqipëri.
3. Nuk kanë të drejtë të përfitojnë ndihmë ekonomike, anëtarët e familjeve që kryejnë veprime të qëllimshme për ta përfituar atë.
Neni 5
1. Ndihmë ekonomike mund t’u jepet dhe familjeve që përkujdesen për një anëtar të saj, i cili është:
a) i verbër;
b) i paaftë mendor;
c) invalid i rëndë që prej fëmijërisë;
ç) person i paaftë që nuk mund të kujdeset për vetveten dhe për pasojë ka nevojë për ndihmën e një personi tjetër, me kusht që ky anëtar i familjes të ketë të ardhura të pamjaftueshme ose t’i mungojnë fare ato, të mos përfitojë nga sistemi i sigurimeve shoqërore dhe të mos jetë i vendosur në ndonjë institucion publik të përkujdesjes shoqërore.
2. Administratori ka të drejtë t’i propozojë këshillit të bashkisë ose të komunës të ndërhyjë, në rastet kur:
a) familja nuk tregon kujdesin e duhur për personin e përmendur në paragrafin 1 të këtij neni dhe
b) nevojat e personit kërkojnë vendosjen e tij në spital ose azil.
Neni 6
Familjeve bujqësore u jepet një ndihmë ekonomike e pjesshme për të plotësuar të ardhurat e tyre të pamjaftueshme, me kusht që ata të mos kenë të ardhura nga burime të tjera, përveç sipërfaqes së tokës, sipas kritereve të përcaktuara nga Këshilli i Ministrave.
Neni 6/a
Ndihmë ekonomike e pjesshme mund t’u jepet edhe familjeve të mëdha, me kusht që:
a) këshilli i bashkisë ose komunës të ketë burime materiale të mjaftueshme për të bërë një gjë të tillë;
b) kjo ndihmë të mos prekë interesat e familjeve të tjera që nuk kanë asnjë të ardhur.
KAPITULLI III
NDIHMA EKONOMIKE
Neni 7
1. Ndihma ekonomike e plotë dhe e pjesshme jepet periodikisht si pagesë e menjëhershme.
2. Këshilli i bashkisë ose i komunës vendos për masën e ndihmës ekonomike, duke mbajtur parasysh fondet e parashikuara në buxhet dhe kriteret e përcaktuara nga Këshilli i Ministrave.
Masa e ndihmës ekonomike mujore për familjen do të jetë jo më pak se 70 për qind dhe jo më e madhe se 100 për qind e dy asistencave.
3. Kriteret për vlerësimin e nivelit të ndihmës, mungesës së të ardhurave dhe burimeve materiale për të përfituar ndihmë ekonomike, si dhe sasia minimale e pagesës së kësaj të fundit, mund të përcaktohet nga:
a) Këshilli i Ministrave, me propozimin e Ministrisë së Punës, Emigracionit, përkrahjes Sociale dhe të Përndjekurve Politik dhe
b) Këshilli i rrethit, bashkisë e komunës, duke mbajtur parasysh fondet e përcaktuara për këtë qëllim.
Neni 8
Dhënie e ndihmës ekonomike
1. Sasia e ndihmës ekonomike i jepet familjes, në bazë të vendimit që merret nga këshilli i bashkisë ose i komunës, pasi janë analizuar nevojat e saj.
2. Ndihma është:
a) e plotë, për rastet kur mungojnë të ardhurat krejtësisht sipas përcaktimit të neneve 4 dhe 5;
b) e pjesshme, kur plotëson të ardhurat e pamjaftueshme në bazë të vendimit të këshillit të bashkisë a të komunës, sipas përcaktimit të nenit 4 e 6.
3. Dhënia e ndihmës së pjesshme vlerësohet sipas të ardhurave të familjes. Masa e saj nuk është më e madhe se masa e plotë e ndihmës që marrin familjet pa asnjë të ardhur.
4. Familja që paguan qira banese, mund të marrë një shumë shtesë për pagimin e saj.
Këshilli i Ministrave përcakton masën e shtesës që i jepet familjes për qiranë e banesës.
Neni 9
Periudha e përfitimit
1. Këshilli i bashkisë ose i komunës përcakton periudhën e përfitimit në përputhje me natyrën e tij. Periudha e përfitimit, si rregull, nuk e kalon afatin një mujor.
Familja dhe personat që e përfitojnë ndihmën, deklarojnë se kushtet e tyre nuk kanë ndryshuar, në mënyrë që të përfitojnë pagesën për periudhën pasardhëse. Deklarimi shoqërohet me vërtetimin e zyrës së punës përkatëse, se nuk ka mundësi punësimi.
2. Në rastet kur nuk pritet ndryshim i shpeshtë i gjendjes të varfërisë, në rastet e paaftësisë, moshës më të vjetër se 70 vjeç, pronarëve të varfër të tokave, periudha e përfitimit mund të zgjatet në çdo rast deri në një vit.
Neni 10
Dhënia e pagesës së njëhershme
Ndihma ekonomike mund të jetë e njëhershme në raste të veçanta, të njohura nga këshilli i bashkisë ose i komunës, për të mbuluar shpenzimet e papritura që janë të domosdoshme për të jetuar.
Neni 11
Ndihma ushqimore
Në rastet kur është e domosdoshme dhe e përshtatshme, në vend të ndihmës ekonomike në para, këshilli i bashkisë ose i komunës mund të ofroj ndihmë ushqimore, në rastet kur:
a) sigurimi i ushqimit në komunë është i vështirë ose i pamundur, duke bërë ndihmën në para të pavlefshme, ose
b) është e nevojshme për arsye të veçanta shëndetësore.

Tirana Observer

[martini1984]

Rilindja e demokrateve qe ju jepnin te pa afteve per pune apo invalideve 32.000 leke te VJETRA.
Perse skipetaret jane bere MIZERABEL?

Naten e mire.