Luigj Gurakuqi, kompozitori i parë shqiptar

[Albo]

Homazhe regjizorit të parë shqiptar të operas shqiptare, Luigj Gurakuqit

Dje, me shumë dhimbje kolektivat artistike të TKOB-it i dhanë lamtumirën e fundit njërit prej artistëve më të shquar të këtij institucioni, regjizorit të mirënjohur Luigj Gurakuqi. Nëndrejtore e TKOB-it, zonja Edit Mihali tha se “Luigj Gurakuqi përfaqëson brezin e artistëve që sakrifikuan gjithçka për ecurinë e artit tonë skenik dhe atij operistik në veçanti. Artist me një bagazh e kulturë të gjerë, korist, spiker, regjizor, pedagog, përkthyes, publicist, dhe mbi të gjitha njeri. Luigji me veprën e tij ka hyrë në fondin e artë të historisë 50-vjeçare të Teatrit Kombëtar të Operas dhe Baletit e më gjerë”. Luigj Gurakuqi ndërroi jetë në mëngjesin e 13 shtatorit papritur. U lind në Tiranë më 13 janar 1928. Jetën e tij artistike do ta fillonte në vitin 1944 si korist pranë Korit të Përgjithshëm të Shtetit. Në vitet 1950-1955, ka punuar në korin e Ansamblit Artistik të Ushtrisë, ndërsa në vitin 1956 fillon punë si sufler dhe konferiencer pranë Teatrit të Operas dhe Baletit. Në vitin 1959 do të vazhdojë studimet e larta për regji opere në Moskë, pranë Institutit Teatror GITSI. Pas ndërprerjes së studimeve në Moskë i vazhdon ato në Shkollën e Lartë të Aktorëve “Aleksandër Moisiu” pranë Teatrit Popullor. Në vitin 1964 mbron diplomën me vënien në skenë të operas “Peshkatarët e Peralve” në TOB. Pas mbarimit të studimeve, Luigj Gurakuqi punon në Teatrin e Operas dhe Baletit deri në vitin 1978. Në këtë institucion ka vënë në skenë dhjetëra opera dhe opereta shqiptare dhe të repertorit botëror. Regjizor i shumë veprave skenike nacionale si operave: “Mrika”, “Lulja e Kujtimit’, “Komisari”, “Skënderbeu” (bashkëautor) etj, i disa operetave dhe i qindra e mijra koncerteve, spektakleve, bisedave e takimeve të ndryshme, Luigj Gurakuqi krahas repertorit nacional me shumë sukses vuri në skenën e TKOB disa nga kryeveprat e operistikës botërore si “Rigoleto’, “Peshkataret e perlave”, “Bohema”, etj. Ai ishte krijuesi i klasës së operas në Akademinë e Arteve, autor i qindra shkrimeve të karakterit historik, problemor, e kritik, autor i librit “45-vjetori i TKOB” e të tjera. “Familja humbi njeriun më të dashur, miqtë, shokët dhe kolegët humbën artistin e shquar. Institucioni ynë humbi një nga pionierët dhe artistët më të shquar të tij. I paharruar qoftë kujtimi i tij”, tha Edit Mihali. E pranishme në këtë ceremoni zëvendësministrja e Kulturës zonja Zana Turku tha se “Sot po ndahemi nga një artist i shquar i artit dhe kulturës sonë kombëtare, një nga regjizorët më në zë të Teatrit Kombëtar të Operas dhe Baletit. Luigj gurakuqi u lind në një familje të shquar shkodrane. Regjizori Luigj Gurakuqi ka qenë artist i gjithanshëm me një kulturë të gjerë profesionale. Zoteronte disa gjuhë të huaja. Kishte prirje letrare, kritike dhe studimore. Ishte përkthyes i zoti dhe mbi të gjitha ishte artist me një disiplinë të lartë artistike e shtetërore. Krijuesi i klasës së operës në Akademinë e Arteve ku përgatiti me dhjetra studentë të suksesshëm. Ai ishte i pranishëm në sukseset e TKOB, gjatë 2 dekadave ku vendin e regjizorit në teatër, sot e ka i biri Nikolin Gurakuqi”. Zonja Turku pohoi se me vdekjen e tij arti dhe kultura jonë kombëtare humbën një njeri me vlera të shquara. TKOB humbi një artist të madh...”.

[Brari]

Ngushellime Familjes !

Pra jan 2 Gurakuqa Luigj..

Njeri .. ai i Pamvaresise e tjetri i viteve tona..i Muzikes..