Refimi i viktimave te prostitucionit

[Beqari002]

BERAT/ Nafije Prendi u riatdhesua dje. Policia kap tutorin

Riatdhesohet prostituta: Dy vitet e mia në semafor


Zylyftar Plaku

BERAT

Pas dy vjetëve prostitutë rrugëve të Milanos, dje nëna e katër fëmijëve është kthyer në shtëpinë e burrit të saj në fshatin Dushnik të Beratit.

Përmes një ankthi dhe dhimbjeje të pafund, 40-vjeçarja Nafije Prendi ka treguar para bluve gjithë dramën e saj, e cila ka vënë në pranga shtetasin Kujtim Zdrava. "Kam hequr një torturë të vërtetë. Më mirë bukë e kripë në shtëpi sesa prostitutë në Itali", thotë Prendi duke kujtuar atë të shkuar të zezë përtej Adriatikut. Historia e Prendit është një copëz nga ato historitë e pafund të femrave fatkeqe. Një shitëse qumështi e cila bridhte gjithë ditën për bukën e fëmijëve, pa pritur ka përfunduar në trotuaret e vendit fqinj. Burime nga Policia e Beratit pohojnë se Prendi, nënë e katër fëmijëve, është riatdhesuar dje sapo ka mbërritur në Rinas. Sipas bluve, viktima ka denoncuar tutorin e saj, Kujtim Zdrava, i cili në vitin 1999 e ka shfrytëzuar dhe pastaj e ka shitur për dy milionë lekë të vjetra te kushëriri i tij Bedri Zdrava në Kuçovë.

Ky i fundit (ish polic në degën e rendit në Kuçovë, i çmobilizuar pasi dyshohej si i implikuar në trafikun e prostitucionit) e ka shoqëruar viktimën në Itali ku e ka detyruar që të punonte prostitutë në Milano. Sipas denoncimit të vetë viktimës, gjatë dy vjetëve që ajo ka punuar prostitutë në Milano është torturuar rregullisht dhe është detyruar që të dorëzonte gdo natë tek Bedriu jo më pak se një milion lireta. Nga 350 milionë lireta të fituara me prostituim, shtetasja Prendi pohon se nuk ka marrë asnjë lek. Tani pas kthimit në Shqipëri ajo ka denoncuar të dy kushërinjtë, të cilët e shkëputën nga bashkëshorti dhe fëmijët e saj dhe e dërguan prostitutë në Itali. E ndihmuar nga një tjetër fatkeqe e rrugëve në Lion të Francës, nëna e katër fëmijëve, Nafije Prendi, ka trokitur në derën e burrit. Ajo këmmbëngul se është mashtruar nga Kujtimi, i cili i ka premtuar martesë.
________________________________________
________________________________________

Oj sharki e lehete si era , a ka ardhur ne Shqiperi pranvera?

[Di68]

Nuk e di mbase jam gabim, por keto historira me duken pak si te njeanshme....Ne shkrim thuhet:
"E ndihmuar nga një tjetër fatkeqe e rrugëve në Lion të Francës, nëna e katër fëmijëve, Nafije Prendi, ka trokitur në derën e burrit. Ajo këmbëngul se është mashtruar nga Kujtimi, i cili i ka premtuar martesë" ...d.m.th. se ajo paska qene e pakenaqur nga kjo martese apo ku di une sa mendjelehte paska qene, se te jesh nene me 4 femije, edhe Brixhit Bardoja me qene nuk vje njeri me te kerku martese...nuk po marr ne mbrojtje tutoret, ato eshte t'i varesh prej aty ku u dhemb me shume, por kam pershtypje se edhe keto gra apo vajza jane nje cike si shume te lehta nga trute e kokes. Mbase jam gabim, une kur jam larguar nuk kishte plasur prostitucioni ne kete fare feje...por fakti qe keto gjera me teper ndodhin ne fshat e ne familje tejet te varfera, sikur thote dicka...Flas per sa kohe nuk ke kaluar detin, se po vajte andej mori fund cdo gje, edhe femra me guximtare do ta kishte shume te veshtire te shpetonte. S'para kam degjuar historira te tilla per kusherirat apo komshijet apo shoqet e mia...keto i degjoj vetem nga gazetat. Do te mireprisja mendimet e juaja per kete problem.

[Brari]

Beqari !


Kur prure lajmin per nafijen duhej dhe te postoje lajmin se Vangjeli , burri i Nafijes e pranon Nafijen ne Shtepi.

Kjo eshte mrekullia qe vangjeli nji njeri i thjeshte eshte me i emancipuar se shume Kollarexhinj te Beratit e Tiranes.

Ai nuk kap kallashin po i hap deren e Shpise nenes se femijve, viktimes Nafije.

Mos harrojme se Berati e vdiq para nji jave nji viktime tjeter me llafet dhe thashethemet tradicionale.

[alvi]

UN se merrsha mrapc sikur 150 kalamoj te kisha me ate femer.
JO per gjo kundra asaj, po nuk do e durosha dot vete, faktin qe ajo kishte flejt me qindra te tjere.
Fatkeqesi, thuj qe mos na rente kurr ne koke, se robit ca nuk i ndodh.

[Di68]

Jo mo Corazon se une s'banoj ne Shqiperi, prandaj varem vetem nga gazetat dhe telefonatat e ca thashetheme andej kendej.

[Tironsja]

Nafija e kerkoj vet ate qe e gjeti.
Te ishte vajze e re mund ta besoja se u mashtrua, po 1 grua 40 vjecare me 4 femij,pak si zor.
Nafija bente mire te shiste at qumesht e te kujdesej per femijet.
Pranimi i saj ne shtepi, me ben te mendoj qe e gjith kjo histori ka qen e planifikuar me pare.Kthimi Nafijes pa asnje leke ne xhep i ka nxehur dy bashkeshortet ,dhe kan vendosur te hakmerren duke denoncuar tutoret.

[Pogradecari]

MI CORAZON
mjaft se na hape barkun ne cplanet jeton ti i ke mbushur 15
arsyeja qe po te flas keshtu eshte sepse une kam punuar si badigar ne bordellot e Athines dhe cfare sme kane pare syte
Kam pare burre qe sillte te shoqen dhe hidheroshe kur ajo kishte kaluar vetem 30 meshkuj ne 6 ore por gezoheshe kur e shoqja kalonte mbi 50 meshkuj.
ka pare me syte e mij femer qe fluturonte nga gezimi dhe e tregonte me mburje qe kishte kaluar 14 meshkuj ne me pak se nje ore aman mos mi kujto se me vjen ndot

[Pogradecari]

lum si ti qe rron me filma
kjo teme eshte per jeten e perditeshme jo per filmat

[Di68]

Me duken te pabesueshme keto qe thua o Pogradecar....shume e trishtueshme, nuk e di por nuk ka fjale per t'u thene per keta monstra, se ata cdo gje mund te jene por vetem njerez nuk jane.

[rezi_Mynihut]

Pogradecar edhe une kam qene dikur afer me djem te Italise te cilet kane femra qe u punojne.
Te gjitha gjerat qe tregove ti me siper jane me vend, kush te kundershton ty ai nuk e ka pare ndonjehere nga afer situaten me prostitutat shqiptare.
Ngadale njehere bre djema me fjalet ata jane monstra......
Prit njehere se me keshtu edukate u rritem qe ne kohen e Enverit ata qe qeveria nuk i donte apo shoqeria, i quante monstera armiqt e pushtetit popullor, por ja qe im ate i njohu ata neper burgjet politike te asaj kohe dhe ishin te gjithe intelektuale qe kishin mbaruar neper universitete qe ju tani sa i keni filluar neper bote.
Me kete mendim u nisa dhe une kur bera muhabet me djem padron te Italise, i kujtoja se do me dilnin monstrat qe me kishin thene........
jo or jo djem normal me dolen si ju e si mua qe jeten e bejne ne ate menyre me femra.........
a mos valle jane ata qe banojne ne Shqiperi e qe merren me njeqind e nje pislliqe e krime qe nga baza poshte e deri politikanet jomonstra???
Monstra ketu e monstra andej......
E kam te qarte qe nje dite sikur te kthehet regjimi perseri totalitar ne Shqiperi dhe qe sot e tutje kush eshte larg Atdheut do konsiderohet Armik i popullit, rinia do na cilesoj edhe ne monstera......si ta edukojne "Te diturit" andej.....

[Di68]

O Rezo, s'po e marr vesh se s'i te erdhi qe je tu fol per burgjet e Enver Hoxhes apo per politikanet e shqiperise...nuk me duket se aludova ndonje gje per ta e as per shkaqet e prostitucionit, une po diskutoja per prostitutat e Shqiperise bashke me tutoret e tyre aq me teper kur ata jane burrat e tyre. Une nuk e kundershtova Pogradecarin por thashe me duket e pabesueshme, ose skandaloze ose cfaredolloj superlativi qe te te pelqeje ty. Edhe vertet po ta them perseri ata jane monstra e kaluar monstrave humori i te cileve varet nga numri i burrave me te cilet shkojne grate e tyre. Nuk besoj se qenke civilizuar aq shume sa qe kjo jete te te duket normale...une s'po i dal ne mbrojtje politikaneve te Shqiperise, as qe dua te di per ta, prandaj dhe kam ikur e s'dua t'i shoh syte...por kur degjoj gjera te tilla qe ndodhin midis cifteve shqiptare, ngelem e shokuar...dhe me vjen turp edhe pse s'kam bere ndonje gje per t'u turperuar.
Prandaj i dashur Rezi, ne se ty te eshte tekur te rrish e te shash politikanet e Shqiperise apo sistemin e Enver Hoxhes, shko andje nga tema Per Ideal te Partise a ku di une se c'jane ca tema te tilla. Hajt me krahe te lehta...

[Beqari002]

DI 68 pajtoj me ju se kete teme dhe qeshtje fatale per bashkkombasit dhe bashkkombaset tona ne duhet kuptuar tamam ashtu si duhet,duhet analizuar asyhtu si e meriton kjo qeshtje e jo te bejme shaka ose te tallemi me te,se per mendimin tim kur Rezo rezonon ai duhet kuptuar realitetin ton te hidhur e jo te behet me perendimor se perendimoret,te kuptoje jeten ton te kuptoj moralin ton.
Mendoj se ketu nuk kemi te bejem me "Emancipim" por kemi te bejm me degjenerim shoqeror te qenjeve njerezore.Se nuk mund ti themi emancipim prostitucionit por ai eshte nje e keqe e madhe te cilen ne e morem nga jashta.
Kete probelamtike do ta kete rrahur ne shkrimete tija edhe poeti yn me i madh i MJERIMIT , Migjeni kur thot:

Mjerimi terbohet ne dashuri epshore.
Neper skaje t errrta, bashk me qeje,mij
mica,
mbi pecat e mykta,te qelbta,te ndyta,
te lagta
lakuriqen mishnat,si zhange,te verdhe
e pisa,
kaperthehen ndjenja me fuqi shtazore,
kafshojne,perpijne,thithen,puthen
buzet e ndragta
edhe shuhet uja dhe fashitet etja
n epshin kaperthyes,ku mbytet vetevetja.

E mendoj se edhe sot kjo e zeze e madhe po rendon mbi familjetr tona,mbi motrat dhe vajzat tona.
Mendoj se nuk eshte mire qe te jemi ata qe mbeshtesim kete,por duhet te jemi ata qe do gjykojme dhe ndihmojm ne eleminimin e kesaj te zeze.

____________________________________
____________________________________

Oj sharki e lehete si era , a ka ardhur en Shqiperi pranvera?

[malli]

ne radhe te pare me vjen keq per te gjithe vajzat shqiptare qe kane rene viktime nga keto meshkuj mashtrusa
nje gje e tille i ka ndodhur edhe shoqes time , sic me ka treguar ka hequr shume cunat shkonin e pinin ne lokale dhe fillonin , ajo e imja ka bere kaq lek , dhe fillonin me radhe te gjithe , dhe kur shkonte kingu ne shtepi e rrihte vajzen sepse e dashura e shokut te tij kishte bere me shume lek.
nuk e di por djemte shqiptare kane bere nje mekat te madh dhe po bejne ,
por ta dine se nje dite do ta paguajne nuk hahet leku i femres
sidomos leku i prositucionit
kaq kisha ciao

[sweet_eyes]

Nuk e di nga ka dalur gjithe ky mllef i shqiptareve me shfrytezuar femrat por di te them qe po mbajne rekord kudo ne evrope. Une degjova ne radio tirana nje nate qe italianet cilesonin qe te gjithe meshkujt shqiptare shesin motrat ose grate e veta per para. A ka gje me te ulet dhe me poshteruese se kjo!!!!

[malli]

ke te drejte ( sweet eyes) e kush po merr vesh

[erzeni]

Sa shume bandite ka?
Kush i polli tere keta?


............

Ëngjëlli është dënuar me 18 vjet burg për grabitjen me armë të pagave të punëtorëve të Komanit
Interpoli ekstradon shkodranin

Leonard Ëngjëlli, 31-vjeç, u arratis nga burgu qysh në trazirat e vitit 1997

Aleksandra Bogdani
TIRANË- Ekstradohet nga Italia 31 -vjeçari shkodran i dënuar me 18 vjet heqje lirie. Sipas burimeve në Ministrinë e Rendit Publik mësohet se paraditen e djeshme ka mbërritur i prangosur në Rinas, i shumëkërkuari Leonard Ëngjëlli. Ekstradimi i tij në Shqipëri është bërë i mundur nga agjentët e interpol Tiranës, të cilët muaj më parë kanë shpallur në kërkim ndërkombëtar 31- vjeçarin. Ëngjëlli kërkohej nga policia shqiptare për veprat penale të vjedhjes me armë dhe armëmbajtjes pa leje. Por krimi që e ka pozicionuar Leonard Ëngjëllin në listën e "kriminelëve vip", ka qënë grabitja spektakolare e pagave të punëtorëve të Komanit, ngjarje kjo e ndodhur në vitin 1996. Në këtë vit është bërë i mundur edhe arrestimi i parë i Ëngjëllit, i cili më pas ka përfunduar në burg. Gjykata e Shkodrës e ka dënuar atë me 18 vjet heqje lirie, për grabitjen e pagave të punëtorëve të Komanit. Por gjatë trazirave të vitit 1997, Ëngjëlli është arratisur nga burgu. Sipas burimeve policore, mësohet se ai ka qëndruar për pak kohë në Shqipëri, dhe më pas është larguar në drejtim të Italisë. Ndërsa policia shqiptare është detyruar ta shpallë për së dyti Leonard Ëngjëllin në kërkim, për të njëjtën vepër penale që i kishte dhënë atij dënimin prej 18 vjetësh burg. Emri, fotografia dhe dosja e Ëngjëllit ka kaluar kufijtë shqiptarë dhe ka përfunduar në "duart" e 172 policive të vendeve të ndryshme, të cilat kanë filluar më pas kërkimet për 31- vjeçarin shkodran. Por sipas të dhënave që policia shqiptare ka pasur, Leonard Ëngjëlli ishte larguar në drejtim të Italisë, vend në të cilin edhe u arrestua. Leonard Ëngjëlli është arrestuar pak muaj më parë, nga policia e Romës. Ndërsa menjëherë pas këtij arrestimi, janë lajmëruar agjentët e Interpol Tiranës, të cilët kanë filluar procedurat për ekstradimin e Ëngjëllit. Gjatë paradites së djeshme, ai ka mbërritur në aeroportin "Nënë Tereza" të Rinasit me linjën ajrore "Albania Airlines". Ndërsa në aeroport ai është pritur nga forcat e policisë së Shkodrës, të cilat kanë bërë të mundur transportimin e Ëngjëllit, në kushte të larta sigurie, drejt komisariatit të policisë së Shkodrës. Pritet që Leonard Ëngjëlli të paraqitet edhe një herë para gjykatës së Shkodrës, e cila do t'i komunikojë atij masën e sigurisë. Ndërkohë, pas kësaj proçedure, 31 -vjeçari i ekstraduar nga Roma pritet të dërgohet në qelitë e njërit prej burgjeve të vendit, ku do të vuajë pjesën e mbetur të dënimit prej 18-vjetësh heqje lirie, për veprën penale të grabitjes me armë të pagave të punëtorëve të hidrocentralit të Komanit.

.........
VENDIMI
Gjykata vendosi dje masën e sigurisë arrest me burg për grupin që kishte planifikuar pengmarrjen

Burg pa afat për 5 "rrëmbyesit" e Beckhamit

LONDËR- Pesë personat e arrestuar për tentativën e rëmbimit të Victoria Beckhamit do të qëndrojnë në burg pa afat. "Horseferry Road Magistrates Court" (një nga gjykatat e Londrës), ka vendosur dje masën e sigurisë për të arrestuarit. I njohuri si Luli Azem Grifsha, 30- vjeçar, banues në Londër, emri i vërtetë i të cilit është Lulzim Balliu; Joseph Rivas, 24- vjeçar nga Londra; Adrian Razvan Pasareanu, 28- vjeçar rumun, banues në Londër; Rusu Sorin, 31- vjeçar, rumun, banues në Londër dhe Alin Turcu, 18- vjeçar rumun, banues në Londër, janë të arrestuarit. Ata do të përgjigjen për akuzën e vjedhjes së bizhuterive dhe veprave të artit ndërkohë do të hetohen edhe për rrëmbimin e dështuar të Victoria Beckham dhe të dy fëmijëve të saj. Lajmi është pohuar dje nga agjencia e lajmeve Reuters. Fillimisht policia angleze arrestoi nëntë persona në lidhje me këtë çështje. Më pas rezultoi se një grua, e cila ishte akuzuar së bashku me bandën, ishte e pafajshme dhe u la e lirë. Ndërkohë, tre personat e tjerë, edhe pse u lanë të lirë nga policia angleze, janë ende nën hetim për këtë çështje. Policia angleze nuk ka shumë prova konkrete për tentativën e rrëmbimit por disponon të dhëna për aktivitetin tjetër kriminal të grupit. Pesë personat akuzohen për vjedhjen e një çallme me gurë të çmuar me vlerë 250 mijë stërlina, që i takonte shoqërisë së ankandeve Sotheby dhe për komplot për të grabitur një person që punonte për Sotheby. Gjatë kohës që pesë të arrestuarit do të qëndrojnë në burg për akuzat e mësipërme, policia angleze shpreson të ketë grumbulluar prova edhe në lidhje me tentativën për rrëmbim. Kjo nuk është hera e parë që familja Beckham bëhet objekt i të tilla ngjarjeve. Në fillim të vitit 2000 ata punësuan një truprojë pasi zbuluan se disa persona kishin planifikuar rrëmbimin e Victorias. Dy vjet më parë, një person u arrestua pasi kishte prerë fijen e frenave të "Ferarit" të familjes Beckham. Në postën e tyre ishin gjetur edhe disa plumba. Korrikun e kaluar një fanse e çmendur e çiftit hyri me forcë në rezidencën e tyre dhe rrëmbeu postën e familjes. Këto ngjarje e kanë shtyrë çiftin që të harxhojë 233 mijë dollarë amerikanë për të blerë një Mercedes në gjëndje të përballojë plumbat, sulmet me gaz madje edhe minat e vendosura në tokë.
E.Janina



........
Balliu është nga fshati Labinot-Fushë, ai u largua nga Shqipëria më 1993, pasi ishte skeduar në listat e policisë
Elbasanasi, kreu i rrëmbyesve të Viktorias

Kosovari i identifikuar si Luli Azem Krifsha, është emri i rremë i 30-vjeçarit Lulëzim Balliu

Në krye të grupit që do të kryente një nga pengmarrjet më spektakolare në historinë e Britanisë rezulton të ketë qenë shtetasi shqiptar Lulzim Balliu, 30-vjeç, nga fshati Labinot-Fushë i rrethit të Elbasanit. Lajmi është konfirmuar dje nga burime të sigurta të prokurorisë shqiptare dhe Interpolit. Në median angleze Balliu është identifikuar me emrin Luli Azem Krifsha, 30-vjeç nga Kosova dhe banim në Londër. Në të vërtetë, dokumentet që elbasanlliu ka përdorur gjatë qëndrimit në Angli dhe marrjes së azilit, mbajnë identitet të rremë. Sipas burimeve të cituara dje nga gazeta "Shekulli", rezulton se Lulëzim Balliu nuk ka qenë një personazh i panjohur për policinë shqiptare. Balliu ka qenë i skeduar si element kriminal në skedarët e policisë së Elbasanit, ku dyshohej si i implikuar në trafiqe të ndryshme, sidomos në trafik prostitucioni dhe prostitutash. Ai është larguar nga Shqipëria në vitin 1993, dhe ka qëndruar për disa kohë në Itali. Më pas Balliu ka falsifikuar dokumentet e identifikimit dhe ka emigruar në Londër, duke u paraqitur si shtetas jugosllav me kombësi shqiptare. Dokumentet e falsifikuara e kanë ndihmuar Balliun të përfitojë statusin e azilantit dhe të lëvizë i lirë në ishullin britanik me dokumente të një emigranti kosovar. Më poshtë po botojmë të plotë artikullin e gazetës britanike News of the World, reporterët e së cilës ndihmuan në zbulimin dhe parandalimin e këtij akti kriminal.
"Ne e çojmë atë në një vend të sigurt, një shtëpi në Brikston dhe të presim derisa paratë të transferohen në llogarinë tonë bankare",- thotë emigranti shqiptar Lul Azem Krifsha. Një anëtar tjetër i këtij grupi, një rumun i quajtur Xhei Sorin, i thotë njeriut tonë se: "Nëse fëmijët janë me të është më mirë. I kërkojmë Devid Bekam 5 milionë stërlina. Është një qind për qind e sigurt që ai do të paguajë. Por nëse ndodh diçka dhe ai nuk paguan, Viktoria do të vdesë".
Hetuesi jonë kupton që nga fillimi për operacionin që ishte duke u përgatitur. Ishin gjithë ato detaje, më parë plani, survejimi, kapja dhe pagesa për projektin, që këtë plan e veçon nga rastet e tjera të grabitjes së njerëzve të njohur. Ky plan ishte me të vërtetë serioz dhe ishte gati të vihej në jetë. Kjo u bë më e kuptueshme kur një informator na kërkoi të futej në një bandë kriminale, e krijuar më së shumti nga rumunë dhe shqiptarë, që të gjithë azil kërkues. Ishte një "detyrë tepër e vështirë". Operatori jonë hyri në këtë bandë rreth tre javë më parë.
Burgu
Për njeriun tonë siguruam një CV që përfshinte shumë raste kriminale plus emrin e "arbitrit" brenda në burgun e Strainxhueis të Mançesterit i cili do të ishte ndërlidhësi për njeriun tonë. Ky "arbitër" do të priste një takim me një nga anëtarët e kësaj bande gjatë orarit të vizitave. Një hetues i dytë, i cili kishte po të njëjtën biografi krimi si i pari, do të pretendonte se ishte krahu i hetuesit të parë. Na thanë që të paktën njëri nga anëtarët e bandës rrinte gjatë gjithë kohës i armatosur. Çdo takim mund të kishte përfunduar me ndonjë fatkeqësi. Por grupi jonë mori vesh që ata ishin aty, kur, tre të shtuna më parë, udhëheqësi i bandës Luli ra dakord të takonte një njeri, i cili ishte po hetues i joni, në hotelin Kulla e Londrës, e cila gjendet ngjitur me Kullën e Urës. Ai donte të diskutonte shitjen e një kurore me xhevahire me origjinë arabe që kushtonte rreth 250 mijë stërlina, kjo ishte vjedhur në shtëpinë e ankandeve Sothesby. Ai ishte krenar ndërsa tregonte diamantet. "Këto stoli janë të shekullit XVIII dhe vijnë nga Sothesby. Vlejnë rreth 4 milionë stërlina dhe nuk duhet të tregohen se janë të vjedhura". Ai gjithashtu tha se kishte një pikturë të shekullit XVII e pikturuar nga një mjeshtër hollandez plus dhe libra të rrallë. "Këto mund t'i keni vetëm për 45 mijë stërlina", tha ai. Njeriu ynë i kërkoi kohë për të menduar për këtë marrëveshje. Shtëpia e ankandeve Sotheby nuk dinte gjë për vjedhjen e stolive derisa i thamë ne. Por grabitja e Viktoria Bekam ishte projekti i tyre më ambicios. Njerëzit tanë ishin të tmerruar nga fakti që ky plan ishte planifikuar me gjakftohtësi. Vetë Luli na shpjegoi planin e kapjes. "Të kapësh Viktorian do të jetë e vështirë. Duhet të jemi të sigurtë që do të marrim paratë, kjo është pjesë më e vështirë. Nuk e besoj që sigurimi i saj është kaq i keq. Kam një shok tek parukeria ku Viktoria bën flokët. Në këtë rast truproja e saj do të jetë jashtë dyqanit". Plani ishte që të hyhet me forcë dhe të bllokojmë secilin me kloroformë tip sprai, i cili ishte blerë në Itali. "Nëse nuk ia drejtoni sprain në fytyrë ai gjithsesi funksionon", - ka shpjeguar Luli, i cili banonte në një apartament në Batersia, në jug-perëndim të Londrës.
Shishet
"Do të duhet rreth tre sekonda punë dhe personi do të flejë për rreth gjysëm ore". Xhei, i cili ishte me të në takim, theksoi se: "Kur e hidhni atë, do të duket si gaz. Terroristët e përdorin atë. Atë e merrnin gjithashtu në shishe të vogla, nëse do i thyeni ato, gjithësecili do të bjerë në gjumë". Nga aty Viktoria së bashku me dy fëmijët, tre vjeçarin Broklin dhe Romeon dy muajsh, nëse ata do të jenë me të, do të transferohej në makinën e bandës në një shtëpi në Brikston, në jug të Londrës, ku një dhomë e siguruar mirë do t'i presë ata. Në këtë moment do të hynte në aksion njeriu ynë. Xhei shtoi: "Ajo duhet të zhduket, askush nuk mund të shohë fytyrën e saj, asgjë. Viktoria dhe Bekam janë çifti më i dashur në Britanik. Ne mund të jemi të sigurtë që policinë do ta kemi nga pas". "Do të presim në Brikston derisa paratë tona do të transferohen në një llogari bankare diku jashtë", - thotë Luli.
Specialiteti i Xheit ishte të kujdesej për transferimin e parave. "Nëntëdhjetë e tre për qind të grabitësve kapen kur ata përpiqen të marrin paratë",- tha Xhei, i cili kishte dy shtëpi në Uest Kroidon. Ndërsa ne përgatisnim takime me anëtarët e tjerë të grupit, duke krijuar lidhje dhe besim. Një nga takimet e para u bë pak kohë më vonë, ndërsa kishte mbaruar marrëveshja për stolitë e Sothesby. Ai takim u zhvillua në lokalin "Princi i Uellsit" në Brikston. Aty shoferi ynë u takua me të dhunshmin Xhozef Rivas. Ai na pa me dyshim, por gjithsesi na pranoi. Gjatë kësaj kohe ne vazhdonim dialogun me Lulin dhe zbulonim më shumë rreth komplotit. Takimi i dytë u bë pas pak kohe në lokal tjetër në jug të Londrës. Këtë herë ne takuam Adrianin, njeriun e armatosur. "Ai do të na japë jetën, jo vetëm paratë e tij, për gruan e tij",- tha Adriani. Më vonë na tregoi armën 9 milimetër. "Kjo është shoqja ime më e mirë, e mbaj gjithnjë me vete, është një mauzer, tepër e besueshme, e fuqishme dhe nuk bën shumë zhurmë". Ndërsa na foli për planin na tha se "Shefi ka pranuar se ju do të merrni 15 mijë stërlina secili".
Rreziku
Mbasditen e së martës së kaluar u bashkuam me shokun e Lulit, Xhei, dhe dy nga anëtarët e tjerë të bandës duke përdorur emrat Peter dhe Xhon dhe u nisëm për një shëtitje nga Saubridgjeuorth në Hertfordshire. "Kemi vetëm tre sekonda kohë përpara se ajo të kuptojë se çfarë po i ndodh", - tha Xhei. Javën e kaluar, gjithashtu, një njeri i gazetës "News of the World' ishte paraqitur kur Luli dhe banda e tij mbajtën një takim tek një restorant i quajtur Atoka në Uandsuorth, në jug të Londrës. "Do t'i kërkoj Bekamit 5 milionë stërlina, për të janë sikur po harxhon pak peni për një kafe",- tha Luli. Një rumun i quajtur Adrian propozoi që t'i kërkohej një milion, shumë e cila duhet të paguhej shumë shpejt. "Ata do të paguajnë në më pak se 24 orë",- tha ai. Luli qeshi me propozimin. "Ti mendon se do të rrezikoj burgun vetëm për një milion stërlina. Njerëz si ata mund të transferojnë menjëherë miliona nga numri i llogarisë". Adriani ia ktheu: "paratë nuk janë problem për ta, ne e dimë tashmë. Problemi është si t'i marrim paratë". Xhozefi, i cili kishte përfshirë në vjedhjen në Sothebai, tha i vendosur: "Ne do t'i kërkojmë 5 milionë stërlina". Me këtë takim përveç Xheit ishte dhe anëtari më i ri i bandës Aliu 19- vjeçar. "Aliu do të na ndihmojë për të ruajtur Viktorian", shpjegoi Xhei. "Ai është shumë i mirë në këtë detyrë". Grabitësit u kapën kur policia e shërbimit sekret përgjoi telefonatat mes anëtarëve të bandës. Çifti Bekam, i cili ka një pasuri prej 30 milionë stërlinash u vu në dijeni për këtë plan. Banda kishte vendosur ta grabiste Viktorian përpara Krishtlindjeve.

.............
I KËRKUARI
Kapet në Rinas tutori nga Berati

TIRANË- Kërkohej nga policia e Beratit për shfrytëzim prostitucioni, arrestohet në aeroportin e Rinasit . Sipas Drejtorisë së Policisë së Tiranës, mësohet se paraditen e djeshme, ka përfunduar në prangat e policisë 25- vjeçari Arben Eshaj.Ky person është riatdhesuar nga Zvicra, me linjën ajrore Crossair Zyrih, pasi është kapur në këtë shtet pa dokumente. Por sapo ka mbërritur në aeroportin "Nënë Tereza" të Rinasit, Eshaj është përballur edhe një herë me forcat e policisë. Uniformat blu të policisë së Rinasit kanë mundur të verifikojnë emrin e 25- vjeçarit në listat e personave të shpallur në kërkim, për veprën penale të shfrytëzimit të prostitucionit për qëllime përfitmi. Eshaj është shpallur në kërkim nga policia e Beratit, ndërsa gjykata e këtij rrethi ka dhënë masën e sigurisë "arrest me burg" në mungesë për të. Ndërsa menjëherë pasi është arrestuar në Rinas, Arben Eshaj është transportuar në drejtim të Beratit, ku edhe ka kryer veprën penale. Ndërsa pritet që ai të paraqitet para gjykatës, ku do t'i komunikohet masa e sigurisë e dhënë në mungesë.
A.B

.............
Autori i krimit është larguar në drejtim të paditur. Policia: ishte i paarsimuar dhe i padalë


Ekzekuton kushëririn se i vrau qenin


Viktima ishte duke lojtur futboll me shokët kur u qëllua me një plumb në bark


KUKËS- Vret kushëririn se i kishte vrarë qenin. Krimi i kryer për një motiv banal ka ndodhur në orët e vona të së dielës në fshatin Kostur, të rrethit të Hasit. Burime të policisë së Hasit thanë për gazetën se Ylli Gjoni, 28 vjeç, është viktima e tij. Si autorë të kësaj vrasjeje policia ka akuzuar Shpëtim Gjonin, 22 vjeç, banor i fshatit Kostur. Sipas burimeve të policisë, 22-vjeçari i identifikuar si autor i krimit është larguar në drejtim të paditur, ndërkohë që forcat e policisë së komisariatit të Hasit po punojnë për kapjen e tij.
Konflikti që çoi në vrasje
Viktima Ylli Gjoni, para disa ditësh, i kishte vrarë qenin kushëririt të tij, Shpëtimit. Që nga ai moment, midis viktimës dhe të dyshuarit si autor i vrasjes kishin filluar konfliktet të cilat sa vinin e acaroheshin. Burime të policisë së rrethit të Hasit, duke iu referuar hetimeve të para lidhur me këtë ngjarje, thanë për gazetën se Shpëtim Gjoni ishte përgatitur për të kryer krimin dhe për të realizuar atë priste momentin e duhur. Viktima Ylli Gjoni ka qenë duke luajtur futboll me një grup shokësh, ku në afërsi të vendit ku ata po luanin është afruar kushëriri i tij Shpëtim Gjoni. Sipas burimeve të policisë që i referohen edhe dëshmive në vendngjarje, 22-vjeçari mbante një automatik kallashnikov që e kishte fshehur poshtë xhupit dhe priste momentin e volitshëm për të gjetur shkak dhe për ta shkrehur atë në drejtim të kushëririt. Por edhe për këtë ai kishte menduar. Autori i vrasjes është futur në fushën e lojës, duke e prishur atë, ndërkohë që për këtë veprim ka hasur në reagimin e kushëririt të tij, viktimës Ylli Gjoni i cili ka thënë që të dilte jashtë fushës dhe të mos i pengonte në lojën e tyre. Kaq i është dashur autorit të krimit që të nxjerrë menjëherë kallashnikovin që e kishte fshehur poshtë xhupit, duke e shkrehur në drejtim të kushëririt të tij. Një plumb e ka goditur në bark Shpëtim Gjonin duke e lënë të vdekur në vend. Po sipas burimeve të policisë që i referohen dëshmitarëve okularë, autori i vrasjes ka hedhur xhupin dhe me automatik në krah është larguar me qetësi nga vendi i ngjarjes. Punonjës të policisë së Hasit, të cilët kanë qenë në vendngjarje bëjnë të ditur se në të dyja familjet, mbizotëronte një varfëri e madhe. Të njëjtit punonjës policie bëjnë të ditur se autori i vrasjes ishte person i paarsimuar, i padalë. Viktima kishte një vëlla emigrant në Itali dhe për këtë qëllim, varrimi i tij është shtyrë deri në ardhjen e vëllait nga Italia.
Bashkim Shala



............

Prej 8 ditësh nuk kishte shkuar në shtëpi. Prindërit e dinin në punë


Gjendet i varur bariu 16-vjeçar

SKRAPAR - Gjendet i vetëvarur një bari 16- vjeçar, i cili prej 8 ditësh nuk kishte shkuar në shtëpinë e tij. Fatjon Musaj banor i fshatit Vendreshë, është gjetur i varur nga barinjtë e dhenve të fshatit Çërravë, 18 km në jug të qytetit; thanë për gazetën burime të policisë që shkuan në vendngjarje pas njoftimit të marrë. Adoleshenti është gjetur i varur në një degë lisi dhe ai është identifikuar menjëherë nga barinjtë që e kanë parë. Më pas barinjtë kanë lajmëruar familjarët si dhe policinë e cila së bashku me grupin e ekspertëve ka mbërritur në vendngjarje. Familjarët, sipas burimeve të policisë, kanë pohuar se djali i tyre kishte 8 ditë që nuk ishte kthyer në shtëpi, ndërsa prindërit e dinin se ai ishte në punë në familjen Hataj në Munushtir, ku ishte punësuar për të ruajtur kopenë e dhenve. Burime të policisë thanë se në vendngjarje ka mbërritur edhe grupi i prokurorëve, të cilët po punojnë për të zbuluar shkaqet e vërteta që e detyruan 16-vjeçarin që t'i japë fund jetës. Megjithëse ende nuk dihet motivi i vërtetë i kësaj vetëvarjeje 16-vjeçari Fatjon Musaj kishte përdorur si mjet t'u varur bluzën e tij.
Mësohet se kufoma e adoleshentit është përcjellë për në morgun e spitalit. Mësohet gjithashtu se kishte filluar dekompozimi i organeve të brendshme dhe mendohet se ai ka 3 ditë që është vetëvarur. Gjithashtu mësohet se në trupin e tij nuk ka pasur asnjë shënjë dhune. Me rastin e djeshëm shkon në dy numri i të vetëvarurve në komunën e Vendreshës, pas asaj të 15-vjeçares M.C që u var në kasollen e bagëtive. Ndërsa numri i të vetëvrarëve në qarkun e Beratit shkon në 18 vetë, mes tyre 4 vajza. I pyetur nga gazeta mjeku psikiatër Miltjadh Veveçka thotë se "shkak i vetëvrasjeve janë depresionet e ndryshme të shkaktuara qoftë edhe nga një grindje e çastit ose nga shkaqe madhore në familje, të cilat janë problemet sociale, ekonomike, shoqërore, etj".
Sulo Gozhina

........

Sa mire do qe te varin veten keta banditet. Eh sa e duan koken e tyre. Te mencur jane.

[erzeni]

Odisea e Nafijes, nga Dushniku Beratit ne Cote d' Azur.



.................................................. ..........................................

Shekulli/ Viktima e prostitucionit i kërkon drejtësisë që të ndëshkojë tutorin dhe t'i kthejë gjysmat e lekëve të fituara


Nëna e 4 fëmijëve rrefen sesi u bë prostitutë


Dëshmia; "Si më shndërroi në prostitutë klienti që e furnizoja me qumësht çdo ditë"

BERAT - Një 35- vjeçare që është trafikuar në Itali ka dëshmuar dje përpara hetuesve të Beratit duke treguar edhe tutorin e saj të vërtetë. Ndërsa për këtë rast policia ka arrestuar pak ditë më parë Kujtim Zdravën, denoncuesja ka thënë se njëriu që e bëri atë prostitutë është Bedriu, vëllai i të arrestuarit. Burimet nga prokuroria thanë për gazetën se Nafije Koxhaj, nënë e 4 fëmijëve dhe banore e fshatit Dushnik, në prezencë të burrit të saj Vangjelit, ka rrëfyer me hollësi të gjithë itinerarin dhe peripecitë që kishte kaluar gjatë qëndrimit në Itali, por nuk ka nguruar të flasë edhe për gazetën. Ajo ka treguar se familja me 6 pjesëtarë mbahej gjallë vetëm me 2000 lekë pension invalidi, që merrte i shoqi si dhe me të ardhurat që ajo fitonte nga shitja e qumështit. Ndërsa bën fajtor për trafikimin e saj Bedri Zdravën, nëna e 4 fëmijëve tregon se në këtë familje çonte çdo ditë nga 2 bidona koka-kola me qumësht. "Ishin klientët më të rregullt që kisha. Çdo ditë më jepnin paratë në dorë, por një ditë Kujtimi nuk kishte lekë në xhep dhe më tha që të shkoja tek shtëpia për t'i marrë. Më futi në shtëpi dhe më serviri një kafe. Vëllai i tij Bedriu më propozoi të shkoja në Itali, ku ai kishte mundësi të më siguronte një punë. Më premtoi se të gjitha shpenzimet e rrugës do t'i paguante ai",- thotë ajo. 35-vjeçarja tregon se duke qenë e varfër e pranoi këtë ofertë, ndërsa kurrë s'e kishte menduar se do të punonte si prostitutë. Denoncuesja kujton se ishte maji i vitit 2000 kur ajo ka ikur me një skaf nga Vlora pa i thënë gjë burrit të saj. "Me një skaf nga Vlora, mbërritëm atje, në fillim në Milano. Të nesërmen Bedriu më tha se që nga ajo ditë unë do të bëja çdo më thoshte ai. Ditën e parë më siguroi 11 klientë, që nuk di sa paguanin. Më pas për çdo natë mesatarisht vinin 15 klientë. Fitoja 1 milion lireta në natë. Por mua nuk më binte asnjë lekë në dorë. Bedriu nuk ishte i kënaqur. Ai më torturonte dhe kërkonte që unë të fitoja 1.5 milionë, ndërsa më kishte premtuar se të gjitha fitimet do t'i ndanim në mes. Do të rrinim atje, për sa kohë të vinim një sasi të mirë parash. Më pas do të ktheheshim të dy në Shqipëri, ku secili do të shihte hallet e tij. Në Milano qëndruam vetëm për 3 muaj. Pastaj shkuam në Xhenova ku dhe policia nuk na bezdiste shumë, madje kishte dhe policë që bënin dashuri me ne prostitutat, vazhdon të rrëfejë ajo. Unë vetë nuk pata ndonjë rast të tillë. Nga fundi i vitit 2001 vendosa të kthehem sepse më kishte marrë malli për fëmijët. Këta ia thashë edhe Bedriut. I kërkova të më jepte lekët, por ai nuk pranoi. Madje, më kërcënoi se nëse do të ikja me kokën time ai do të më vriste. Deri atëherë, kisha bërë 350 milionë lireta që i administronte Bedriu. Një shoqe më ndihmoi të ikja në Francë, ku dhe qëndrova 6 muaj. Një familje në Lion të Francës, më mbajti në shtëpi për humanizëm. Më trajtoi si njeriun e saj dhe kur ika më dha një sasi të konsiderueshme frangash që me tonat bënin rreth 5 milionë lekë. Përpara se të nisesha fola me burrin në telefon. E pyeta nëse do të më pranonte më për grua. Kishin mbi 2 vjet pa folur me njëri-tjetrin dhe ai më dinte të vdekur. Sapo mbërrita këtu, e denoncova tutorin tim. Tutori im ishte Bedri Zdrava dhe jo vëllai i tij Kujtimi që policia e arrestoi pak ditë më parë. Në prokurori kërkova të ndëshkohet ligjërisht dhe të më kthejë gjysmat e parave, përfundon rrëfimin .

Sulo Gozhina

[Pogradecari]

Në prokurori kërkova të ndëshkohet ligjërisht dhe të më kthejë gjysmat e parave, përfundon rrëfimin .

KERKON ME GJYQ GJYSMAT E PARAVE TE FITUARA NE MENYRE TE PALIGHESHME

O e shkreta shqiperi per shqiptaret qe ke

[Brari]

Rrëfimi i Sotirit: Më mungojnë miqtë dhe paratë për dasmën

Dhëndri i jetimores: Nuk kam shtëpi për nusen


--------------------------------------------------------------------------------

Ilir Bushi

Më 28 dhjetor do të martohem, por dasma ime do të jetë e ndryshme nga ato të qytetarëve të Tiranës, sepse unë jam jetim dhe nuk kam shtëpi ku të pres dasmorët".

Kjo është fjalia e parë me të cilën nis ligjërata e 37-vjeçarit Sotir Neçka, i cili klasën e parë e ka filluar në Pogradec, ndërsa klasën e katërt e ka mbaruar në Korçë. Më tej, Sotiri ka nisur klasën e shtatë në Sarandë dhe ka dhënë provimet e lirimit në kryeqytet. Ky ka qenë edhe intinirari i transferimeve të tij, nëpër befotrofet e Shqipërisë, qysh kur babai i tij braktisi të jëmën dhe sidomos qysh kur nëna e tij u largua përgjithmonë nga djali i dyvjeçar, për të filluar jetën e saj nga e para.

Dasma
"E veçanta e dasmës time qëndron në faktin se ajo do të zhvillohet vetëm të shtunën dhe vetëm në familjen e vajzës". Kështu shprehet djaloshi i jetimores, i cili megjithatë ka dëshirë që të organizojë një dasëm të thjeshtë, ku të ftojë të gjithë jetimët e Shqipërisë, por i mungojnë të ardhurat financiare. Ai nuk ka shtëpi dhe as punë. Megjithëse është një djalë punëtor dhe inteligjent, përsëri, nuk ka mundur të integrohet në jetën sociale deri në atë masë sa të garantojë bukën e përditshme. "Kjo ka ndodhur sepse fëmijët e befotrofëve nuk kanë shanse të barabarta me fëmijët e tjerë, për të fituar vendet e punës apo të drejtat e shkollimit", thotë ai. Aktualisht ka mundur të sigurojë përkohësisht një dhomë në rrugën e Kavajës, por kjo dhomë është në katet përdhese dhe pa banjo. Dhoma nuk ka as çezëm dhe as dritare. Sa herë që Sotiri ndjen që ka për të kryer nevojat personale vrapon drejt Ushtarit të Panjohur, ose pranë rrugës së trenit, ku ai e di se ndodhet një banjo pa pagesë. Por paradokset nuk kanë të mbaruar. Sotiri dëshëron të martohet, ashtu si të gjithë moshatarët, por nuk ka kushte ku të vendosë familjen e tij të re. "Vajza është nga një familje shumë e mirë në Bërxull të Tiranës dhe unë besoj se do të ndërtoj një të ardhme të lumtur me të, por aktualisht gjendem në pozitë të vështirë për të blerë mobiljet dhe për të gjetur një apartament modest", shton Sotiri.

E diela
Sotiri ka parashikuar që në mbrëmjen e së shtunës të paraqitet i vetëm në shtëpinë e nuses, sepse ai nuk ka asnjë marrëdhënie me nënën dhe babanë e tij. "Nëna më ka mbajtur deri në moshën 2-vjeçare, ndërsa babai nuk më është afruar kurrë", thotë Sotiri. Ai tregon se dy-tri herë ka qëlluar përballë tij dhe ka dashur që t'i flasë, por pastaj është tërhequr sepse i ruhej ndonjë incidenti të pakëndshëm. "Nderi i dasmës e kërkon që unë të paraqitem në tryezë me njerëzit e mi, por jam i vetmuar dhe pa asnjë përkrahje", shpjegohet ai, për të shtunën. Ndërsa të dielën, daullja dhe gërneta do të heshtin. Sotiri nuk ka mundësi të organizojë as edhe një darkë modeste. Pastaj pasmesnate, kur bota e tërë të bjerë në qetësi, ai do t'i tregojë nuses së tij, dhomën e vjetër, duke i paraqitur emrat e njerëzve, të cilëve do të mund t'i kërkojë ndonjë lekë borxh.

Jetimët, mirënjohje për Xhoanën dhe Lidrën


--------------------------------------------------------------------------------

"I kërkoj zonjave, Xhoana Nano dhe Lidra Meidani të ndikojnë me influencën e tyre për të ndihmuar jetimët e moshave të rritura në integrimin social". Kështu është shprehur, Sotir Neçka, i cili ka falenderuar dy gratë e politikanëve të lartë, të cilat janë të njohura për kontributin e tyre publik ndaj jetimëve. Me këtë rast ai ka përmendur ndihmën ekonomike të Xhoanës ndaj jetimores, si edhe dy fëmijët e shkollës "Zyber Halluni", të cilët trajtohen ekonomikisht nga familja Meidani.

[Brari]

Minorenja flet në gjyq

"Si më shfrytëzuan dy vjet në Greqi"


--------------------------------------------------------------------------------

fa.po

ELBASAN

"Unë nuk e tërheq denoncimin, sikur të ma presin mishin me thikë, siç bëjnë shumë të tjera që kanë pasur fatin tim". Kështu është shprehur dje në sallën e gjyqit 17-vjeçarja E.D. nga Topojani i Gramshit. Ajo ishte e thirrur si dëshmitare e akuzës në procesin gjyqësor të sapofilluar, në ngarkim të 32-vjeçarit Andrea Llani, të cilin ajo e ka denoncuar për shfrytëzim prostitucioni. Llani, nga Sheqerasi i Korçës, së bashku me Florian Nasufin, Besnik Kishtën, Miranda Kishtën e Bardhyl Sollakun, të cilët gjykohen në mungesë, e kanë mashtruar vajzën, duke e çuar në Sheqeras. Dhe, pasi e kanë torturuar për disa ditë, e kanë nisur për në Greqi, ku ia kanë shitur një tjetri.

"Më thanë se do takohesha me një njeri, i cili më kërkonte. Sapo shkova në Sheqeras, filluan torturimet nga të gjithë dhe pas dy apo tri ditësh më nisën në Greqi. Atje më shitën te Vasil Lila, i cili ndodhet në burg, në Greqi, i dënuar me 17 vjet". Kështu ka thënë vajza dje në gjykatë, e cila për një vit e gjysëm ka prostituuar rrugëve të Athinës. "Sapo u arrestua Lila, unë u ktheva në Shqipëri, ka treguar 17-vjeçarja. Denoncova atë që ma bëri këtë të keqe. Kam pasur shumë kërcenime për ta tërhequr denoncimin, por këtë nuk kam ndërmend ta bëj, që të shpëtoj një herë e mirë".