Ngjarjet tragjike të Kosovës, në filmin “Kësulat”

[ClaY_MorE]

Një tjetër regjisor i huaj frymëzohet nga lufta në Kosovë, duke i shtuar kështu galerisë së filmave me këtë temë, një tjetër prodhim.

Dje në Prishtinë regjisori anglez Alan Troë, së bashku me producentin dhe skenaristin Jimi Tihofsi zhvilluan një audicion për të zgjedhur aktorët që do luajnë në filmin e ri, “Kësulat”.

Kështu mes aktorëve të zgjedhur janë Selman Jusufi, Aurita Agushi, Bislim Muçaj dhe Blerta Syla.

Regjisori Alan Troë u shpreh se ishte i kënaqur me aktorët që kaluan “garën” dhe theksoi se të përzgjedhurit janë aktorë me temperament.

Skenari ka në qendër ngjarjet tragjike në Kosovë.

Historia zë fill gjatë bombardimeve të NATO-s ku shpërthen dhe konflikti midis dy etnive serbe dhe kosovare.

Aktorja Blerta Syla do të luajë rolin e një gruaje serbe.

Për të realizimi i këtij roli në mënyrë sa më mjeshtërore nga ana e saj do të jetë një sfidë.

Ende nuk është gjetur një aktor i spikatur që do të luajë rolin e personazhit protagonist serb.

Regjisori i filmit, Troë, premton se koncepti regjisorial i filmit do të jetë europian dhe nuk do të bjerë në përsëritje me filma të tjerë që kanë marrë shkas nga ngjarjet e gjatë, apo pas luftës në Kosovë.

Xhirimet e filmit do të nisin pas disa muajsh.


Marre tek: http://www.a1tv.com.al