11 Shtator 2001 - 11 Shtator 2012!

**tani_26** · 11-09-2006, 10:03

11 Shtator 2001 - 11 Shtator 2006!

Presidenti Bush përkujton 5-vjetorin e sulmeve të 11 shtatorit

11-09-2006

Amerikanët përkujtojnë sot 5 vjetorin e sulmeve terroriste të 11 shtatorit duke mbajtur disa minuta heshtje dhe duke lexuar emrat e viktimave. Presidenti Bush u bashkua me zjarrëfikësit dhe oficerët e policisë në orën 8:46 sipas orës lokale të Nju Jorkut, koha kur rrëmbyesit përplasën avioni e parë në Qendrën Botërore të Tregësisë duke shkatërruar kullat binjake.

Gajdet buçitën në Kuotën Zero, ndërsa oficerët e policisë marshuan drejt vendit ku dikur ngriheshin kullat binjake. Familjet e viktimave kujtuan të dashurit e tyre. Kryetari i bashkisë së Nju Jorkut Michael Bloomberg tha se pesë vjet pas sulmeve vendi është ende i bashkuar.

Po sot zoti Bush do të marrë pjesë gjithashtu në ceremonitë në Pengaton si dhe në një fushë të Pennsylvanisë, ku avioni i katërt u rrëzua, pasi pasagjerën u përpoqën të merrnin kontrollin e tij nga terroristët. Gati 3 mijë njerëz u vranë në sulmet e asaj dite 5 vjetë të shkuara.

**Zemrushja** · 11-09-2006, 10:16

Sot eshte dita e perkujtimit te 11 Shtatorit.. Nje ngjarje qe eshte perjetuar me te vertet ne menyre dramatike nga populli amerikan. Shume te vrare te cilet do te perkujtohen sot nga shembja e kullave binjake ne New York ne 11 Shtator 2001.

I perjetshem qofte kujtimi i tyre

**tani_26** · 11-09-2006, 10:27

Ja dhe disa foto per te rikujtuar ate dite te 11 Shtatorit 2001, kur terroristet e Al Kaides goditen SHBA.

**tani_26** · 11-09-2006, 10:33

no comment!

**DeuS** · 11-09-2006, 13:13

Ngushellimet e mia, cdo viktime dhe familjareve te tyre, qe humben jeten, ne ate terror qe tronditi boten, qe nenshkroi vdekjen e miliona njerezve te tjere ne Lindjen e Mesme, pushtimin e dy shteteve (te tjere do pasojne), armiqesine midis dy feve dhe shderrimin e nje bote, te cilet po e perjetojme cdo dite...

Ate dite kam qene duke pire nje esspreso me nja dy shoke ne nje bar. Kur kam pare filmimet, me eshte dashur pak kohe te besoj se c'po shoh me sy eshte e vertete dhe jo nje film i rradhes i Hollywood-it. Shprehem te gjithe ngushellimet tona ndaj viktimave dhe te rrenuarve...dhe me pas, ndryshe nga shume te tjere, ne heshtje, kuptova sesa larg arrika te shkoka njeriu (amerikan-jew) ...vetem per pushtet!

Sa per Al-Qaida dhe Bin Laden me shoke...edhe vellezerit Grim do i kishin zili keto personazhe, te cilet jo vetem u krijuan aq bukur, duke thurur nje skenar kaq djallezor e te besueshem, por duke u shoqeruar edhe nga miliona derra injorante te Lindjes se Mesme, qe per kaq shume kohe kishin pritur per nje 'hero me topuz' qe ti shpetonte, bene punen e regjizoreve gjakpires...teper te lehte!

Mgjt te bazohemi tek kjo dite e zeze! Ngushellime edhe nje here...dhe, boll vdekjes, me shume jete!

**DEN_Bossi** · 11-09-2006, 15:04

Padyshim edhe une solidarizohem ne kujtimin e ketyre viktimave te pafajshme te ketij sulmi terrorist. Lus Zotin qe nje ngjarje e tille te mos perseritet me.

Po assesi nuk jam dakord me shkaktaret e kesaj katastrofe njerzore, dhe kurr nuk do jeme dakord perderisa faktet bindese , dyshuese per autoresine e krimit, qe shfaq nje diplomat ameriken ne librin "MASHTRIMI I FRKSHEM" nuk do te hidhen poshte.
Ju keshiloj qe per te krijuear nje ide me te qarte rreth ketij mashtrimi skandaloz te lexoni kete liber.
Te pakten te dini vrasesin e vertete te atyre viktimave fatkeqe, dhe qindra e mijra te tjerve qe i pasuan neper bote, qofte ne sulme terroriste e qofte ne luften antiterroriste.

**ATMAN** · 11-09-2006, 15:36

Aktet e 11 shtatorit janë një përgjegjësi e zyrtarëve të sigurisë dhe të politikës amerikane

Kryetari i Komisionit të politikave të jashtëme dhe të sigurisë në parlamentin islamik të Iranit i ka ciësuar aktet terroriste të 11 shtatorit dhe Bin Ladenin si një trajnim të vet zyrtarëve amerikanë. Alauddin Buruxherdi gjatë një konference për shtyp me gazetarë duke vënë theksin në përvjetorin e ngjarjeve të 11 shtatorit si një pretekst për çuarjen përpara të planeve të përgatitura më parë nga ShBA, ka shtuar se duke patur parasysh gjithë këtë kohë që nga pushtimi i Afganistanit dhe mos arrestimin e Bin Ladenit dhe Mulla Omarit të akuzuarve numër 1 dhe 2 shtohen gjithnjë e më shumë dyshimet në lidhje me aktet e 11 shtatorit. Në vijim zoti Buruxherdi duke shtuar se akoma edhe sot akuzuat për këtë ngjarje bien mbi sionistët dhe shërbimet sekrete amerikane, ka shtuar se kjo ngjarje u krye për të arritur objektivat e caktuara më parë nga ShBA. Kryetari i Komisionit të politikave të jashtëme dhe të sigurisë në parlamentin islamik të Iranit në një pjesë tjetër të fjalës së tij ka deklaruar në lidhje me pasigurinë në Irak dhe Afganistan, duke shtuar se Amerikanët e nxisin më shumë këtë pasiguri për të justifikuar përpara opinionit të brendshëm dhe të jashtëm vazhdimin e pushtimit të këtyre vendeve. Alaudin Buruxherdi në fund ka deklaruar se ata synojnë të gjejnë pretekste për rritjen e prezencës së tyre në botë dhe ngjarja e 11 shtatorit ishte njëra prej tyre.

Do të vijë në atë natë, në dy duart e tij do të ketë dritë,

Ai zbatues i drejtësisë, ai i shenjtë do të vijë vetëm

Zbatues i vetëm i së drejtës, nga dëshira e gëzimi i lindjes së tij

Nga thera e thatë do të mbijë lule Vjosa

Në një dorë mëngjesi, kurse në dorën tjetër aroma e vëllazërimit

Ai do të vijë në një natë në mesin e netëve të një muaji

(Poezi nga poetja Sepide Kashani)

Thyerja dhe dështimi i njëpasnjëshëm i politikave ndërhyrëse të qeverisë amerikane po ashtu është shndërruar në një prej temave të preferuar të shkrimtarëve dhe redaktorëve të masmediave amerikane. Kristofer Lin, profesor i universitetit shtetëror dhe shërbimeve publike të Texasit në një artikull të vetin në gazetën Financial Times ka shkruar se ShBA nuk ka marrë mësime nga shkatërrimi i perandorive të kaluara, duke menduar se ka një fuqi të pakufizuar dhe mund ta rrijë çdo gjë me anë të dhunës dhe forcës. Në këtë artikull Kristofer Lin përpiqet që t'i tregoj udhëheqësve të vendit të tij rrugët për një përdorim më të besueshëm dhe më të vyer të forcës ekonomike dhe ushtarake amerikane. Profesori i universitetit të Texasit i këshillon qeveritarët amerikanë se supremacia ekonomike dhe ushtarake nuk do të thotë imponimin e fuqisë së saj, dhe se ShBA për përfitimin e kësaj spuremacie duhet që atë ta përdorë për disa objektiva të caktuara dhe çdo lloj synimi. Në vijim të artikullit të tij profesor Lin i fton zyrtarët amerikanë të marrin shembullin e Vietnamit në pushtimin e Irakut. Dështimi i fuqive të mëdha në Vietnam, Indonezi dhe Algjeri tregon se fuqitë e mëdha janë humbëset e luftërave të vogla. Lin ndarjen e botës në dy pjesë me njërezit e mirë dhe ata të këqij e sheh si një nga arsyet e dështimit të politikave agresive amerikane në botë. Kristofer Lin e përfundon artikullin e tij duke cituar një pikë të rëndësishme se nëse ShBA dëshiron që të mos dali më si një fuqi që i ka ikur vakti dhe e pafuqishme duhet që të heqë dorë nga synimet dhe objektivat e largëta dhe të parealizueshme jashtë Amerikës, dhe se ky vend nuk mundet që politikën e ndërlikuar ndërkombëtare ta kufizoj në të mirë dhe të këqij.

**friendlyboy1** · 11-09-2006, 16:39

kush e mban ment ku ishtit 5 vjet me par kur moret vesh se amerika po sulmoej.
Un vet isha ne pun ne supermarket dhe shifja njerez qe vinin bleni dhe flisnin me ze te ulet. Nuk e kuptoja pse dhe mendova do ket humbur ndonje ndeshje baseball, kur tha njeri qe kan qelluar pentagonin u shqetesova. Kur vajta ne shtepi pash ne tv dhe nuk e besova. Ate dit ne radio nuk pushonin telefonatat e njerzve me indinjat kerkonin bomben atomike per vended islamike.

Ishte e cuditshme ateher than njerzit nga na erdhi pa e kuptuar se shejtanin e kishin futur vet brenda. ABC transmetoi nje film mbrem per ngjarjet qe cuan 11 shtatorin pseja e dyt esht sot. Aty dukej qart se fajin e kishte qeveria e bill klinton qe e kishte trajtuar terrorizmin si ceshtje krimi ordiner, duke i len njerzit ne hije per ate qe po ndodhte ne bot gjat viteve 90.

**Brari** · 12-09-2006, 00:49

RD

--------

Shërbim për atdheun tënd

Marci B.RIES

Sot, jemi këtu për të kujtuar 3.000 njerëzit e pafajshëm që humbën jetën në Nju Jork, Virxhinia e Pensilvani më 11 Shtator 2001. Në ceremoni si kjo, anembanë Amerikës dhe të gjithë botës, ne risjellim në mend një tragjedi dhe u përcjellim dhembshurinë tonë familjes dhe miqve që ata lanë pas. Sot, jemi këtu edhe për të falenderuar burrat e gratë e shërbimit publik që demonstruan aq kurajë e vendosmëri atë ditë dhe në ditët e javët që pasuan. Kujtojmë përpjekjet heroike të zjarrfikësve, agjentëve të sigurisë, ushtrisë, policisë e qytetarëve më 11 Shtator 2001. Duke sjellë në mend përpjekjet e tyre, si edhe humbjet e tyre, kujtojmë kuptimin e vërtetë të shprehjes "shërbim për atdheun tënd".

Jemi të nderuar që anëtarë të forcave të armatosura, Sigurisë Diplomatike dhe Byrosë Federale të Hetimit të Sh.B.A., të cilët dhanë atëherë - dhe vazhdojnë të japin - shërbim për atdheun e tyre - janë bashkë me mua këtu sot. Në ditët pas sulmit, Sue Ostrobinski dhe Daniel Garrabrant punuan ditë e natë, për ditë e javë me radhë, duke bashkërenduar me të gjitha nivelet e ligjzbatimit, për të filluar gjurmimin e atyre që sulmuan Sh.B.A.

Ata janë këtu, në Shqipëri, për t'ua përcjellë ekspertizën e tyre nëpërmjet Programit të Departamentit të Shtetit për Antiterrorizmin, bashkatdhetarëve tuaj, të cilët përfaqësohen sot nga pesë oficerë të Policisë së Shtetit që janë këtu me ne. Është po aq e rëndësishme të luftohet për vlera dhe parime që janë universale. Humaniteti që ne të gjithë ndajmë, i kapërcen të gjithë kufijtë.

Ndërkohë që ngjyra e lëkurës sonë, gjuha që flasim apo mënyra se si adhurojmë, mund të jetë e ndryshme, njerëzit kudo aspirojnë të shprehin mendimin e tyre, të marrin pjesë lirisht në shoqërinë e tyre, të rendin pas mundësive për familjet e tyre dhe të jetojnë në paqe dhe siguri. Për këtë arsye po punojmë së bashku për të mposhtur ideologjinë e urrejtjes dhe për të ushqyer një klimë shprese dhe mundësie.

Amerikanët dhe shqiptarët po punojnë së bashku për të siguruar jo vetëm kufijtë e këtij vendi, por edhe për të promovuar sigurinë dhe begatinë për qytetarët në Afganistan, Irak dhe tjetërkund. Tek hedhim sytë pas më 11 Shtator, nderojmë ata që kanë bërë betimin për t'i shërbyer bashkatdhetarit të tyre me besimin që, me forcë dhe unitet, si dhe me besimin që të gjithë njerëzit kudo janë të barabartë dhe meritojnë njësoj drejtësi, respekt, mundësi dhe dinjitet. Ju përgëzoj të gjithëve ju dhe të tjerët që përfaqësoni, për shërbimin dhe përkushtimin tuaj - dhe vërtet, edhe kurajon - në angazhimin tuaj për të mbrojtur bashkëqytetarët tuaj dhe vlerat në të cilat të gjithë ne besojmë. Ju lutem, të bashkoheni me mua për një minutë heshtje për të kujtuar ata që kanë rënë dhe për të nderuar ata që do të vazhdojnë të na shërbejnë dhe të na mbrojnë të gjithë ne!

Faleminderit. Do t'i kërkoja zotit Bajram Ibraj, Drejtor i Përgjithshëm i Policisë së Shtetit, të më ndihmojë për të mbjellë një pemë magnolia jo vetëm si një simbol për ata heronj që nuk janë më me ne, por edhe për ata që do të ndjekin shembullin e tyre.

Pllakati pranë pemës ka një citim nga një prej shkrimtareve më të shquara amerikane, Maja Anxhelou:

"Historia, pavarësisht nga dhimbja ndrydhëse,

nuk mund të zhbëhet,

por, nëse përballet me kurajë,

nuk ka pse rijetohet".

---------

Kryeministri deklaron se toleranca zero ndaj krimit është luftë kundër terrorizmit

Shqipëria, zgjerim bashkëpunimit në koalicionin anti-terrorizëm

Në përkujtim të vitit të 5-të të tragjedisë së sulmeve terroriste të 11 shtatorit në Shtetet e Bashkuara të Amerikës, kryeministri Sali Berisha shprehu mbështetjen dhe vendosmërinë e Shqipërisë për të zgjeruar bashkëpunimin me koalicionin botëror në luftën kundër terrorizmit, si një armik i përbashkët i njerëzimit. Kryeministri Berisha e deklaroi këtë gjatë mbledhjes së Grupit të deputetëve të PD-së. Kryeministri Berisha përkujtoi 5- vjetorin e tragjedisë. "Sot, mbarë bota kujton 11 shtatorin si një ditë në të cilën terrorizmi kreu aktin më të rëndë e më të shëmtuar dhe u demonstrua si armiku kryesor i lirisë për vendet e lira", tha kryeministri Berisha. Kreu i qeverisë shqiptare tha se kjo ngjarje e madhe historike ndryshoi botën, ndërsa nga ana tjetër, Shqipëria, si pjesë e koalicionit botëror, është e vendosur të zgjerojë bashkëpunimin në luftën nga armiku i përbashkët. "11 shtatori ndryshoi botën dhe, para së gjithash, ndërgjegjen e njerëzimit mbi këtë rrezik të madh, i cili duhet përballuar. Në këtë kontekst, Shqipëria, e rreshtuar në koalicionin botëror kundër terrorizmit, është e vendosur të bëjë të gjitha përpjekjet dhe të zgjerojë bashkëpunimin me të gjitha vendet mike në luftën ndaj këtij armiku të përbashkët", theksoi kryeministri Berisha. Më tej, kreu i ekzekutivit shqiptar ka siguruar se bashkëpunimi i Shqipërisë është i shkëlqyer. "Bashkëpunimi ynë me SHBA-të dhe vendet e tjera në luftën kundër terrorizmit është i shkëlqyer. Ne jemi krenarë për këtë bashkëpunim dhe të vendosur ta konsolidojmë atë më tej", tha kryeministri Berisha në fjalën e tij para Grupit parlamentar të demokratëve. Kryeministri Berisha e ka cilësuar si një kontribut të çmuar në ndihmë të kësaj lufte dhe tolerancën zero ndaj krimit të organizuar. "Jam i bindur se lufta me tolerancë zero ndaj krimit të organizuar dhe trafiqeve kriminale është një kontribut real që Shqipëria, gjatë këtij viti, dha për paqen dhe sigurinë në Shqipëri, por dhe më gjerë", theksoi kryeministri Berisha në fjalën e tij. Kryeministri ka vijuar më tej duke e konsideruar krimin e organizuar dhe trafiqet kriminale si aleatë potencialë të terrorizmit ndërkombëtar, si burime të mëdha potenciale financiare të tij. Ndaj për këtë kryeministri u shpreh se "ne jemi të vendosur të vazhdojmë luftën tonë me tolerancë zero ndaj krimit të organizuar dhe trafiqeve kriminale, luftë e cila ka patur rezultate thelbësore dhe do të vazhdojë të konsolidohet më tej".

Xhumelina Dervishi

--------

**ATMAN** · 12-09-2006, 08:58

Në përvjetorin e 5-të të sulmeve të 11 shtatorit kërcënohen të gjitha qeveritë që mbështesin SHBA-në

"Tani rradha e Gjirit dhe Izraelit"

Al-Kaeda paralajmëroi në një video të transmetuar në përvjetorin e pestë të sulmeve terroriste të 11 shtatorit, se aleatët e Shteteve të Bashkuara, Izraeli dhe shtetet arabe të Gjirit Persik, do të jenë shënjestrat e reja në fushatën që do të godasë ekonominë e Perëndimit. Numri dy i Al-Kaedës, Ayman al-Zavahiri, duke iu drejtuar liderëve perëndimorë tha: "U them të gjithëve të mos shqetësohen për trupat e tyre në Irak dhe Afganistan. Këto forca janë të destinuara të dështojnë". Al-Zavahiri dënoi gjithashtu edhe forcat e Kombeve të Bashkuara në Liban, duke i quajtur ato "armike të islamit". Ky ishte i pari kërcënim i tërthortë kundër paqeruajtësve ndërkombëtarë. Kërcënimi i Al-Zavahirit për sulme në Gjirin Persik, rajoni numër një në botë për eksportin e naftës, pason të tjera kërcënime të liderit të Al -Kaedës, Osama Bin Laden, për vënien nën shënjestër të impianteve të nxjerrjes së naftës, si mënyra më efikase për të dëmtuar Perëndimin. Al-Kaeda, në të shkuarën, ka kërcënuar gjithashtu qeveritë aleate të SHBA-së në Lindjen e Mesme, duke i quajtur ato tradhtare dhe të pafe. Ajo ka shfrytëzuar këtë lidhje të këtyre qeverive me Perëndimin, për të justifikuar sulmet e saj. Zyrtarët amerikanë ende nuk kanë provuar autenticitetin e kasetës, por besojnë se ajo është reale. "Ajo që ne kemi në dorë është një kasetë propaganduese nga një organizatë mizore, e cila vret myslimanë të rinj dhe trazon botën islame", tha një zyrtar i zbulimit amerikan, duke folur në kushte anonimiteti. Në video, Al-Zavahiri paralajmëronte "zhvillime të reja" dhe theksoi se politikat e vendeve perëndimore po u jepnin militantëve një "justifikim të ligjshëm" për t‘i luftuar ata. Pjesë të kasetës janë transmetuar edhe nga CNN, ku Zavahiri u bënte thirrje myslimanëve të ndërmerrnin sulme kundër SHBA-së dhe Perëndimit. Në kasetë, Al-Zavahiri kritikonte Rezolutën e Kombeve të Bashkuara për armëpushimin në Liban. "Problemi më i madh me atë rezolutë dhe me të tjera, të ngjashme me të, që synojnë të poshtërojnë myslimanët, është se ajo përbën një shpallje të ekzistencës së shtetit hebre", tha Zavahiri. "Ajo rezolutë, gjithashtu, izolon muxhahedinët në Palestinë, nga myslimanët në Liban, nëpërmjet forcave ndërkombëtare, që janë armiq të islamit", vijoi ai. Forca e Kombeve të Bashkuara, e njohur si UNIFIL II, po vendoset në Jug të Libanit, pas marrëveshjes së 14 gushtit. Ajo do të përmbajë trupa nga vendet myslimane dhe ato perëndimore. Liderët e vendeve arabe të Gjirit Persik kanë të gjithë lidhje të ngushta me Uashingtonin dhe organizata terroriste i ka vendosur ato në qendër të sulmeve të shumta. Sipas ekspertëve, kjo kasetë është pjesë e fushatës propaganduese të Al-Kaedës, për të shënuar përvjetorin e pestë të sulmeve të 11 shtatorit.

Kërcënimi

"Juve ju duhet të forconi mbrojtjen tuaj në dy zona... e para është në Gjirin Persik, nga i cili do të dëboheni me vullnetin e Zotit, pasi të jeni mundur më parë në Irak dhe rrënimi ekonomik të jetë në prag", tha Al-Zavahiri në një video të transmetuar pjesërisht në televizionin arab "Al-Xhazira". "Shënjestra tjetër është Izraeli. Lufta e shenjtë që po zhvillohet aktualisht po shkon drejt fundit dhe fundi juaj atje, do të zhdukë edhe supremacinë sioniste të kryqëzatave"

Ayman al-Zavahiri

Krahu i djathtë i Osama Bin Ladenit ka qenë një kirurg i syve dhe ka ndihmuar në ngritjen e grupit militant egjiptian, "Xhihadi Islamik". Mendohet se ai është shefi ideologjik i Al-Kaedës. Ekspertët thonë, madje, se ai ka qenë truri i sulmeve të 11 shtatorit në SHBA. Al-Zavahiri është i dyti pas Bin Ladenit në listën e 22 terroristëve më të kërkuar të qeverisë amerikane dhe për kokën e tij ka një çmim prej 25 milionë dollarësh.