Kalimera Himare

[Trimi81]

Ne kete teme qe ne fillim ka dicka qe nuk shkon. Ajo hapet me titullin "Kalimera Himara". Dikush ketu mund ta justifikoje se keshtu eshte shkruajtur ne gazeta dhe sa kam shkruajtur une kete artikull. Ne gazete shkruhen shume gjera por te gjithe e dime se shume nga keto gjera jane ose te ndikuara politikisht ose shpifje ose informacion i gabuar. Aq me teper po te marrim parasysh gazetat shqiptare qe shquhen per gafat e tyre. Gjithsesi me behet qejfi qe ka kaq shume shqiptare qe luftojne fort gjithe keto ide se paska toka greke ne Shqiperi. Pershendetje.

[skampin]

ata nuk e duan afrimitetin me ne ata duan qe te jene pronari dhe ne skllavi,prandaj nuk lene gur pa levizur per te na lene mbrapa.zgjidhja per mendimin tim eshte qe dy partite ps dhe pd te bashkohen dhe te bien dakord qe pbdnj leshit te mos kete asnje deputet ne parlament dhe parti si ajo e Nard Ndokes me gjith lsi mos i bejne aq reklame nje partie fantazem si pbdnj me pakte dhe marreveshje.
per nje miting 300 vetash jepet aq jehone sikur ishte miting ne Tirane apo ne ndonje qytet tjeter te madh me mire mos ti japim kaq jehone se i rritet mendja dules dhe kujton se ishte miting 30000 vetesh pastaj.

[Tannhauser]

Do ta popullojme me shqiptar serish, pastaj vetem 3 fshatra jane grekofone te tjeret jane shqiptare.

Te zhvillohet dhe pak Shqiperia dhe do kujdesemi qe Himaren ta mbushim me tropojane

Mund te te duket paradoksale, por shteti shqiptar nuk mund te nderhyje ne rendin demografik ne zonat minoritare.

[PORTI_05]

Himara, parajsa e "pensionisteve"

Shkruan : Ben Andoni

Gjëja më e jashtëzakonshme për njerëzit e moshës së tretë në Himarë është që të mos marrin pensionin e akorduar në Greqi. Kjo epidemi e "ëmbël", që filloi pas dallgëve të para të njerëzve që shkelën në vendin fqinj, tashmë i ka "molepsur" të gjithë himariotët. Që pavarësisht nëse janë apo jo banues në këtë vend, minoritarë apo shqiptarë, kanë rendur duke përgatitur të gjithë dokumentacionin e duhur për të marrë pensionin. E tashmë mund të numërohen me gishta, ata të moshuar që nuk e kanë. Por, kur i flet, që kjo është e pandershme, sepse ata janë nënshtetas shqiptarë, përgjigja është e thatë: "T'i lemë, atëhere, dhe të rrimë me 3.000 lekët e Shqipërisë"?!

Pensionet e himariotëve
Në këtë hapësirë përfitimi, bëri llogaritë e tij edhe Telo B, me kombësi shqiptare. Banor, i njërit prej fshatrave të Bregut, 46-vjeçari, vendosi që pasi të gjente një punë në Greqi nuk do ishte keq, që t'i siguronte dhe pensionin të jëmës në fshat. Me këtë shpresë kishte lënë fshatin, aty ndanë Jonit dhe bashkë me të shoqen dhe vajzën, ishin bindur se nuk ia vlente që të mbaheshin më në vendlindje me bagëtinë dhe me ullinjtë. Si ata, të tjerë para tyre, tashmë kishin ngritur shtëpitë me punën në Greqi, por shumë i kishin pajisur dhe pleqtë me pensionin e bujkut të vendit fqinj.
Por, në fillim, nuk ishte e lehtë për himariotët. Të pamësuar mirë me gjuhën, vetëm tre nga vendet e Himarës e flisnin greqishten (edhe këtë me një dialekt tepër arkaik), ndërsa të tjerët e kishin vështirë. Çuditërisht, në ndihmë, u erdhën njerëz, që duket se ishin të interesuar që pleqtë himariotë mos "të vuanin". Plaka e Telos, ashtu si gjithë të tjerët, kishte mbushur një vandak me dokumente: Emrin, fshatin, vendbanimin në Greqi, pasaportën shqiptare, kontratën e shtëpisë, vërtetimin e tatim-taksave. "Ta kisha ditur, mos të kisha ardhur fare", i kishte thënë plaka, kur shikonte sfilitjen e të birit. "E kanë marrë të gjithë. Do e marrim edhe na", i thoshte i biri. E vjetra, rendte të kërkonte vdekjen në shtëpi, paçka se edhe pensioni i pëlqente. Më pas, të dy kishin shkuar në O.G.A, një zyrë pensioni e fshatarësisë, pranë minibashkisë ku jetonin dhe, pasi kishin paraqitur dokumentet kishin pritur sa t'u dilte emri. "Plakën e pyetën ku donte që t'ia sillnin pensionin në shtëpi apo do vinte vetë". E gjora, sikur ta dinte, na e la ne ta merrnim, tregon Telo, që tash ulur para një gotë rakie, shikon valën e detit në një dimër, që e ka mbuluar me errësirë Jalin në Vuno. Në fakt, ashtu si bëri plaka e Telos, një banor duhet që të plotësojë 65 vitet dhe më vonë, pas një kërkese dhe një sërë parametrash duhet të paraqitet në O.G.A (Zyra e pensioneve të fshatarsisë). Pastaj janë ata që shqyrtojnë dhe pasi marrin dhe adresën procedojnë, nëse duhet dhënë apo jo. Autoritetet greke janë të kujdesshme, që nga koha kur është bërë kërkesa, deri në momentin që del, të paguhet, më shpjegon një pensionist, që shfaqet papritur.
Askujt nuk i bën më përshtypje, kjo në Himarë, ndërsa aspekti politik, për ta kthehet në humor, sepse për shumë kohë kanë manovruar në mes të dy vendeve, pa përfshirë këtu vetëm kohën e pas Luftës së Dytë Botërore. Tallen me grekët dhe njësoj me pensionin e Shqipërisë.
Procedura e pensioneve është e njëjtë. Bëhet një kërkesë pranë minibashkisë ku jeton i interesuari në vendbanimin e tij të Greqisë dhe pastaj plotësohen dokumentat. Nga vendlindja, dikush duhet të konfirmojë ekzistencën tënde. Kanë prioritet ata, që janë në hapësirën e ashtuquajtur Vorio-Epir. Deri më tani, këtë e kanë bërë funksionarët e OMONIA-s, ndërsa tani është vetë ambasada me strukturat e saj, që e shikon. Në Greqi, pastaj, tregohet vendi ku banon dhe njeriu përgjegjës për ty ( në rastin e pensionistëve të vjetër) dhe pastaj, në rast se aprovohet, merret pensioni...Ai është 200 Euro dhe në kohën e Krishtlindjeve merret dhe një rrogë plus. Veprimet bëhen në OGA, që është një zyrë për pensionet bujqësore dhe që në rastin e banorëve shqiptarë, në zonën e ashtuquajtur të Vorio-Epirit, akordohet si ndihmë për Diasporën.

Si aplikojnë
Në fillim, banorët që kishin vendqëndrimin në Himarë, duhet që të konfirmonin vendqenësinë e tyre në fshatrat e Bregdetit, falë zyrave të Omonias në Himarë. Këto të fundit dërgonin një faks në ambasadë, ku provohej qenësia e tyre. Më pas, kur u shtuan pa fund himariotët, diplomatët grekë vendosën, që pasi dokumentet të liheshin në ambasadë, të vazhdohej me vetë instancat e tyre, që të bënin kontrollin. Në fakt, lista e tyre po shtohej dhe shtohej pa fund dhe kjo i bëri autoritetet të ishin më të kujdesshëm ndaj përfituesve "të padrejtë..". Himariotët i shmangen sa munden muhabetit të pensioneve, ndërsa të gjithë kanë në gojë një justifikim të njëjtë:" pensioni që marrim andej, është ku e ku me atë që marrim ne këtu. Fshatarët marrin 2.700-3.000 lekë. E mban dot frymën me këtë", më thotë një i moshuar. Falë dokumentit në Greqi, ka shkuar deri tek e bija në Gjermani, i patrazuar nga askush, ndryshe nga shqiptarët që prisnin në radhë, më shpjegohet krenar.
Nuk duhet shumë për ta kuptuar qetësinë, por edhe boshnajën e tyre. Ato pensione shërbejnë për t'i mbajtur në vendin e tyre, që me ikjen e moshave të treta, po tretet. Ashtu si më parë, portokallet kanë marrë fushën pas bregut, ndërsa nuk ka më kush t'i mbledhë. Për çdo ditë, banorët e pakët të fshatrave të Bregut (me këtë konvencion gjeografik njihen shtatë fshatrat e Rivierës, nën Himarën) bëjnë një lloj apeli se kush është gjallë. Plakat e pakta, ndonjërën syresh që mund të hasësh rastësisht me ndonjë krah dru, mbajnë të gjitha nga një celular në qafë, ku në butonin e vetëm që dinë të përdorin-u del i biri që u kërkon nëse janë ende gjallë, apo se duhet të dalin në xhade, që të marrë evrot e pensionit."Unë e shkruajta kombësinë shqiptare. Një dreq e di se kush e vuri greke", më thotë me çapkënllëk Pavllo A., 68 vjeç. Eshtë afruar dalëngadalë, por nuk e ka ngritur zërin. Sapo ka ardhur nga peshkimi. "Nuk do më gjeje duke gjuajtur, më thotë, ndërsa me pensionin në kooperativë mezi marr 3.000 lekë", më sqaron. Janë nga të paktit në fshat, kurse bashkë me të shoqen kanë një shtëpi që po e rregullojnë pak nga pak. Gati 120-vjeçare, ajo nuk do t'ia dijë për kohën dhe vitet, ndërsa me pensionin që i lihet tek i biri në Pire, ka mbledhur një sasi lekësh. Jeton i patrazuar me të shoqen dhe që së fundi edhe i ka dhënë mundësi të fusë banjon brenda shtëpisë. "E kam ngjitur rërën nga fshati me kafshë, më thotë. E di sa lekë duhen? Shyqyr, o Zot, që na i kanë dhënë ato evro". Në fakt, nuk është se beson shumë. Ashtu si shumë fshatarë të tjerë në fshatrat e Bregut, i besojnë më shumë politikës së tyre dhe rregullsisë së dokumentacioneve. "Kartat i kemi prej kohësh dhe jemi të rregullt me to. Ndryshe, nuk gjeje këtu". Por besimi nuk i ka afruar aq me kishën, sepse atë kanë filluar që ta braktisin pak dhe nga pak. Vendin e besimit, që është liruar, tashmë e kanë zënë argumentet e pafundme për politikën dhe politikat sociale të vendit fqinj. "Për fundvitin morën një pension shtesë për Krishtlindje dhe një gjysmë për Vitin e Ri. Këto na interesojnë. Të tjerat?! Le t'i zgjidhin vetë", më shpjegon Pavllo.
"Ne këtu nuk jemi as në Shqipëri dhe as në Greqi", më tregon Taso V., 72 vjeç. Eshtë i ngeshëm dhe duket se e ruan kohën e tokës, që ta ketë mbase dhe për andej. "Në kohë të Zogut, - pauzon gjatë - letrat na vinin në adresë të Korfuzit, dhe që andej këtu". Nga Petro Marko di se Zogu shkoi dhe më tej, teksa u përpoq që emrat e fshatrave të Bregut t'i zëvendësonte më të tjera syresh. Nuk ia doli, por njerëzit e Bregut e panë se edhe me qeveritë e tyre nuk do e kishin mirë. Jo më kot vazhdoi kështu edhe me luftën. Luftuan, ndërsa të tjerë rrinin dhe shulloheshin. Ky pasivitet i ndoqi dhe pas lufte, por në këto vende dolën një sërë njerëzish të lidhur me pushtetin, që edhe pse bënë fare pak për fshatrat e tyre, i lanë atij "autonominë". Vazhdoi deri në kapërthimin e dy sistemeve, kohë kur bregdetasit duket se gjetën aleaten e tyre të vjetër, Greqinë. "Ne jemi prej më shumë se 100 vjetësh në Greqi dhe njerëzit e mi, -më thotë Petro M., 40-vjeçar, kanë bërë për Greqinë shumë më tepër se grekët që kanë jetuar dhe nuk kanë lëvizur andej. Ishin me kolonelët. I bën zap punët dhe i zbardhën faqen Greqisë". Ndaj, sipas tij, Greqia e ka mirë që jep pensionet për njerëzit e tyre, që e kanë ndihmuar. "Ore, ata i japin dhe në Aleksandri të Egjiptit. Eshtë fond për Diasporën, më shpjegon burri i ri, që kapardiset në fshat. Janë zyrat e minibashkive që japin këtë pension për njerëzit e diasporës, që paguhen shumë më pak se vendasit".
Kështu janë grekët matanë dhe shqiptarët këtej. Nostalgjikë dhe hipokritë pafund për jetën... "Kështu jetohet në këto bokërrima", e mbyll edhe Telo rrëfimin e tij, që pas një jave do jetë sërish në Athinë... në vendin e tij të ri të punës.

Ben Andoni

[morrison]

Une habitem or vellezer nga gjith himariotet qe kam takuar nje pjese e vogel deklarojne qe jane grek pjesa tjeter jane shqiptar dhe nacionalista biles.Nuk kam arritur ta kuptoj akoma, mos valle na e ka me te futur dhe shteti shqiptar, se nuk shpjegohet ndryshe.

Dhe kur fola me gjyshin e nje shokut tim i cili me fliste greqisht me tha: jam alvanos po lere se c`thone greket, ne u marim ndonje lek dhe u themi qe jemi grek. Per preardhjen me tha se e kishte nga laberia sikurse te gjith pothuajse himariotet pervec 4-5 fiseve te cilet mi permendi dhe me emra. ndersa dhermiasit jane nga kruja me tha.

[tani_26]

Mund te te duket paradoksale, por shteti shqiptar nuk mund te nderhyje ne rendin demografik ne zonat minoritare.

Degjo o profesor....

Ne radhe te pare shteti shqiptar ben cfare te doje ne territorin e tij pa i dhene llogari askujt e ne radhe te pare Greqise.....


Ne radhe te dyte Himara nuk eshte zone minoritare dhe Himaritet kane kombesi shqiptare, 3 fshatera jane greqishtfolese ose grekofone por jo greke..


Greqia i ka mbushur gjithe territoret e saj ne Thrake me rusoponde te ardhur nga Rusia dhe nuk i dha llogari askujt, as Turqise e as BE.....


Himara eshte dhe do te mbetet nje krahine e paster shqiptare....

[ARKIA]

Tannhouser!
Nuk po flet sinqerisht dhe s'te lejohet.
Ndersa per :
''Πάλιν δε Ξέρξου γράψαντος πέμψον τα όπλα, αντέγραψε, μολών λαβέ ''

Shqiperoje kete(me aq sa e lejon niveli juaj) dhe do te behesh rezil.
Ke ndonje ide kush nga (gr apo alb)ka zgjedhur armet(luften) si mjet per te ligjeruar fqinjesine e mire ne fillim te mijevjecarit te trete? Ndersa per ta tu grapsimatos para se te zhdukeshin greket nuk kishte asnje konkurent, kete e dine te gjithe.
Respekte demokratike .

[qafezezi]

Eshte e vertete se nga Elbasani deri ne Athine ndodhej Epiri. Himariotet, banoret e Janines, Permetit, Artes, etj, etj kane qene banore te shtetit te vjeter Epir. Por per fatin e keq te grekeve epiriotet kane folur gjithmone shqip , ata s'kane folur kurre greqisht. Pjesa e jugut te Epirit iu dha padrejtesisht Greqise ne 1825-en.
Puna eshte se sot ne Shqiperi nuk ka greke ose numri i tyre eshte shume i vogel. Asgje per tu shqetesuar.
Greket akoma kane shprese te ndajne veriun nga jugu por kjo tentative deshtoi ne 97-en. Shqiptaret po piqen tani dhe nuk bien me pre e grekut, serbit apo dikujt tjeter.

[Tannhauser]

Ne radhe te pare shteti shqiptar ben cfare te doje ne territorin e tij pa i dhene llogari askujt e ne radhe te pare Greqise.....

Ne radhe te pare, nga momenti qe shteti shqiptar njeh zona minoritare eshte i detyruar sipas ligjeve nderkombetare qe te ruaje edhe rendin demografik. E kunderta e kesaj quhet gjenocid. Politike 'keshtu me do qejfi' nuk u perdor as nga diktatura per statutin e minoritetit (pervec krahines se Himares), ska pse te perdoret ne demokraci.

Ne radhe te dyte Himara nuk eshte zone minoritare dhe Himaritet kane kombesi shqiptare, 3 fshatera jane greqishtfolese ose grekofone por jo greke..

Qe te mos e gjej veten te perjashtuar, per te njejten teme (Himaren) te rekomandoj te lexosh postimin tim (me fakte nga AQSH) ne temen per shkollen. Ose meso te pakten se historia e Himares, eshte shumeshekullore, nuk fillon me 1946 (te te kujtoj se me 1946 iu hoq statusi i minoritetit). Pse para ketij viti Himara gezonte te drejtat e minoritetit (me shkolla greke etj)?

Greqia i ka mbushur gjithe territoret e saj ne Thrake me rusoponde te ardhur nga Rusia dhe nuk i dha llogari askujt, as Turqise e as BE.....

Ne Thrake nuk ka minoritet kombetar por fetar. Dhe nga sa di une ata qe shtohen jane myslymanet.

Himara eshte dhe do te mbetet nje krahine e paster shqiptare....

Ke vajtur ndonjehere ne Himare? Mos flasim per ndonje krahine tjeter? Se mesa pash une ne Gusht kete pasterti qe po me thua e prishnin disa greke...

Shqiperoje kete(me aq sa e lejon niveli juaj) dhe do te behesh rezil.

Eja ti marresh! (me te gjitha kuptimet)

[King_Arthur]

Njoftim !!! Peticion

--------------------------------------------------------------------------------

PETICION
Drejtuar :
Presidentit të Republikës së Shqipërisë Z. Alfred Moisiu,
Kryeministrit të Republikës së Shqipërisë Z. Sali Berisha,
Deputetëve të Kuvendit Popullor të Republikës së Shqipërisë

Para pak kohësh qeveria greke ka marrë vendimin për dhënien e nënshtetësisë greke të gjithë shqiptarve që pajisur ose që do të pajisen me kartën e homogjenisë. Vitet e fundit, nën presionin e vazhdueshëm grek, një pjesë e mirë e emigrantëve shqiptarë në Greqi ndryshuan emrat dhe fenë e tyre për të mundur të qëndrojnë e punojnë atje. Sot duke reklamuar fundin e kalvarit të tyre shumëvjeçar, shteti grek u kërkon të ndërrojnë edhe kombësinë. Nesër këta shqiptarë e pasardhësit e tyre nuk do të konsiderohen më si të tillë, por si grekë, duke qenë se në pasaportat greke preçizohet kombësia. Ne ju kërkojmë të keni parasysh se:

rritja e shumëfishtë dhe artificiale e minoritetit grek në Shqipërinë e Jugut.
ndërtimi i varreve te ushtarëve grekë në katër pikat e kufirit të të ashtuquajturit prej tyre, Vorio Epir, të mbushura me eshtrat e bijve të Ilirisë.
hapja dhe ndërtimi i shkollave ne gjuhën greke në fshatra shqiptare ku shteti ynë nuk është i zoti të mbajë në këmbë shkollat shqipe.
greqizimi i Kishës Autoqefale Shqiptare.
nuk tregojnë gjë tjetër , përveçse tendencën e shtetit grek për ta bërë realitet ëndrrën e vjetër të qarqeve ekstremiste greke, « greqizimin e Epirit të Veriut ».

Duke marrë parasysh që një politikë e tillë mbi kombin tonë, ne rastin me ekstrem mund të na kushtojë një humbje të re të territoreve të Shqipërisë ne kerkojmë që qeveria shqiptare :

Të ndalojë një fenomen të tillë, me anë të një ligji sipas të cilit çdo qytetar shqiptar duhet ta vërtetojë pranë organeve shqiptare që i përket një kombësie tjetër.
Te sensibilizojë mbarë opinionin kombëtar për diferencën midis dyshtetësisë/nënshtetësisë dhe ndërrimit të kombësisë, në mënyrë që askush të mos mendojë se do mund të quhet Shqiptar (me kombësi) nqs merr kartën e homogjenisë.
Të kërkojë me ngulm që qeveria greke të respektojë të drejtat e emigrantëve dhe ajo pjesë e tyre që ka plotësuar vitet e qëndrimit, të marrë dyshtetësinë pa ndryshuar emrat e kombësinë.
Të denoncojë politikën greke pranë autoriteteve ndërkombëtare.

Faleminderit të gjithë nënshkruesve të këtij peticioni për kohën që do i kushtojnë çështjes shqiptare


per me shume www.peticioni.org

behuni dhe ju pjese e ketij peticioni .
__________________