Oto Baric, mik ne stolin e Olimpikut
E Enjte, 31 Maj 2007
Ne ndeshjen e djeshme, Oto Baric e ka humbur disa here durimin. Ne pjesen e pare, "armiku i tij" ka qene anesori Doda, qe e ka nevrikosur ne disa raste kroatin, ndersa ne te dyten, Baric harrohej ne ecjen e tij dhe e shikonte shpeshhere veten ne zonen e stolit te Olimpikut te Tiranes.
Kombetaren e viziton Indrit Fortuzi
E Enjte, 31 Maj 2007
Skuadra kombetare ka pasur nje vizite te kendshme dje gjate ndeshjes miqesore me Olimpikun. Indrit Fortuzi ka befasuar lojtaret e kombetares me prezencen e tij dhe eshte takuar permallshem me Haxhin, Bushin e shume te tjere. "Zogu" ka ardhur ne Tirane per arsye personale. I pyetur nga "K.J" rreth nje transferimi te mundshem te skuadra e Tiranes, Fortuzi ka buzeqeshur, duke deklaruar se gjithcka do ta vendose pas 30 qershorit.
Baric i ben hesapet pa Bogdanin ne sulm
E Enjte, 31 Maj 2007
"Bogu" ka vetem 1% shanse qe te jete prezent ne fushen e lojes kunder Luksemburgut. Kete e konfirmon fizioterapisti i skuadres kombetare, Akim Bulinger. Bogdani eshte stervitur lehte dje paradite dhe po te njejten gje ka bere edhe ne stadium, perpara miqesores Kombetarja-Olimpik. Bulinger ka pohuar se Bogdani nuk ka gjendje te mire fizike dhe kjo vjen si pasoje e nje problemi ne kofshe. "Bogdani eshte kontrolluar dhe kemi vene re se ka nje problem ne kofshe. Gjithcka eshte bazuar ne seanca te lehta stervitjeje, vrapime apo ushtrime te ndryshme. Prezenca e tij ne fushe do te ishte nje mrekulli. Nuk besoj se ai do te jete ne gjendje per t'u riaftesuar per ndeshjen e pare ndaj Luksemburgut. Nese gjithcka do te shkoje mire, ai do te jete i gatshem per sfiden e dyte ndaj Luksemburgut diten e merkure."
Duka-lojtare, premiot sjellin ngricen
E Enjte, 31 Maj 2007
Ka qene e paparashikuar nga lojtaret e kombetares kuqezi ajo qe ka ndodhur dje. Nje dite me pare ata ishin njoftuar se do te merrnin kestet e premiove te premtuara per dy ndeshjet ndaj Sllovenise dhe Bullgarise, por jane befasuar kur kane pare se per Bullgarine jane shperblyer me nje 1000 euro per koke, ndersa ndaj Sllovenise nuk kishin fare shperblim. Lojtaret i kane kerkuar llogari arketares se federates per kete arsye, sepse presidenti Duka u kishte premtuar te gjitheve nga 2000 euro per barazimin, por realisht ata kane marre vetem gjysmen e premtimit te bere, ndersa per barazimin ndaj Sllovenise, pika e marre nuk eshte vene fare ne hesap nga drejtuesit e federates. Erion Bogdani i ka kerkuar Altin Haxhit, ne cilesine e kapitenit te kombetares, dhe Lorik Canes, qe te bejne nje liste emerore per premiot e Bullgarise dhe kete ceshtje ta sqarojne me presidentin Duka. Lojtaret kuqezinj jane shfaqur shume nervoze dje nga kjo ngjarje dhe kane biseduar gjate me njeri-tjetrin.
Lorik Cana ne 11-shen e vitit te prestigjiozes "L'Equipe"
E Enjte, 31 Maj 2007
Qe Cana eshte me shume sesa nje lider ne skuadren tone kombetare, kjo tashme dihet nga te gjithe. Por si per t'i vene kapak dyshimeve te ndonje skeptiku, ka menduar prestigjiozia franceze "L'Equipe", qe e ka perfshire mesfushorin e kombetares sone dhe te Marsejes ne formacionin e vitit. Kosovari eshte perkrah dy shokeve te tij te skuadres, Nasri dhe Niang, si dhe ndan repartin me Mavuba, Diot dhe Maluda. Loriku u shpreh shume i kenaqur per kete vleresim qe iu be atij dhe ne perfundim te 45 minuteshit te pare ne miqesoren me Olimpikun, u shpreh: "Jam vertet shume i lumtur qe kam marre kete vleresim. Ajo qe me mbetet mua, eshte te mos e le vetem me nje vit, por te perpiqem qe te marr nje vend ne formacionin e vitit edhe here te tjera." Ne skuadren e vitit te "L'Equipe" ishin perfshire: Landru (Paris SG), Sanja (AJ Okser), Skilaci (Lion), Kris (Lion), Belhazh (Sedan) - Dido (Ren), Mavuba (Bordo), Cana (OM), Maluda (Lion), Nasri (OM), Niang (OM).
Ndersa per sa i perket ballafaqimit te radhes me Luksemburgun, ai nenvizoi faktin se fitorja nuk duhet vene ne diskutim dhe se pavaresisht emrit apo nivelit te kundershtarit, duhet te arshivohet fitorja ne takimin e pare per te pretenduar te njejtin rezultat edhe ne takimin e kthimit: "Takimi eshte delikat, por ne duhet te fitojme dhe te mos e diskutojme marrjen e 3 pikeve. Nje fitore ne kete takim, na hap rruge per te kerkuar te njejtin rezultat 4 dite me pas."
Kuqezinjte s'meshirojne Olimpikun, 13-0
E Enjte, 31 Maj 2007
Kombetarja e Shqiperise zhvilloi dje nje ndeshje miqesore me ekipin e Olimpikut te Tiranes ne stadiumin "Selman Stermasi" te kryeqytetit. I gjithe takimi perfundoi ne shifrat 13-0 ne favor te kuqezinjve. Trajneri Oto Baric, ne pjesen e pare aktivizoi keta lojtare: Beqaj, Dede, Dallku, Curri, Haxhi, Skela, Duro, Cana, Berisha, Bushi dhe Kapllani. Njeshi i bankines sone, ka gjasa qe te perdore kete 11-eshe edhe ne ndeshjen me Luksemburgun. Pjesa e pare e takimit ka perfunduar ne shifrat 7-0 ne favorin e perfaqesueses. Goli i pare eshte shenuar nga Bushi dhe ka vijuar me kater gola te Kapllanit. Me pas, ka qene Skela dhe ne fund e ka mbyllur Kapllani, i cili ka shenuar edhe golin e peste ne 45 minuteshin e pare. Ne pjesen e dyte te takimit, Baric ka ndryshuar te gjithe kombetaren me perjashtim te Dallkut, i cili ishte i vetmi qe ka luajtur 90 minuta. Ne kete 45 minutesh, ne porte ishte Hidi, ne mbrojtje Rustemi, Vangjeli, Vrapi, ne mesfushe, Ahmataj, Dallku, Murati, Bulku dhe Muka, ne sulm u aktivizuan Salihi dhe Xhafaj. Kjo pjese e dyte kishte edhe 6 gola te tjere. I pari ishte goli i Hamdi Salihit, qe me pas u pasua me ate te Xhafajt, Ahmatajt dhe perseri Xhafaj. Me vone edhe dy gola te tjere nga shkodrani Salihi, qe shenoi tre te tille ne 45 minuta. Kjo ndeshje miqesore ishte me qellimin e vetem, qe Baric te testonte 11-shen e duhur per Luksemburgun.
Bushi: Boll te shtyjme topin ne rrjete
E Enjte, 31 Maj 2007
Duket se te gjithe kuqezinjte jane me nje mendje me trajnerin Baric: Luksemburgu duhet te mposhtet qe ne fillim, me pas nuk do te jete kaq e lehte! Kete opinion ndan edhe Alban Bushi, sulmuesi qe aktivizohet ne radhet e Apollon Kallamariase ne kampionatin grek. Dje, ne perfundim te pjeses se pare mes Shqiperise dhe Olimpikut, Alban Bushi ka dhene nje prononcim per mediat, duke e etiketuar ndeshjen ndaj kombetares luksemburgase te veshtire dhe nje takim qe duhet zgjidhur sa me shpejt nga kuqezinjte. "Ne jemi Shqiperia dhe me ekipe te vogla gjithmone kemi vuajtur shume. Ndeshja me Luksemburgun nuk eshte aq e lehte sa duket. Personalisht, kam kujtime te keqija nga ajo skuader, sepse disa vite me pare kemi barazuar 0-0 ne Luksemburg. Ata jane nje skuader qe luajne me nente lojtare ne mbrojtje dhe kjo ta ben ndeshjen shume te veshtire. Megjithate, ne duhet te luajme fort qe ne fillim e te kryejme nje volum te madh pune nga krahet ne drejtim te sulmit", ka deklaruar kryegolashenuesi i skuadres kuqezi.
Por "Loku", i thjeshteson akoma me shume gjerat, kur deklaron se per Shqiperine, gjerat do te ishin shume te lehta nese do te mjaftohej gjate 90 minutave me nje detaj, te shenonte nje gol. "Duke ditur se cfare veshtiresish ka takimi, per ne do te ishte me se e mjaftueshme ta shtynim topin ne rrjete. Me pas gjerat do te vinin natyrshem", kembenguli Bushi ne idene e tij.
Gjithashtu, biseda me goleadorin kuqezi, nuk u ndal vetem ne pergatitjet anti-Luksemburg. Bushit i ka perfunduar kontrata me skuadren e tij aktuale, Apollon Kallamaria, dhe eshte ne tratativa me PAOK. Bushi nuk jep detaje konkrete rreth transfertes se radhes, por dicka e ka te qarte: do te shkoje te skuadra qe ofron me shume. "Aktualisht jam ne tratativa me disa skuadra, por ende nuk kam vendosur gje. Presidenti i Apollonit nuk po ofron te njejten shume si PAOK dhe une jam ende ne dileme. Gjithsesi, situata do te marre trajte me te plote ne ditet ne vazhdim", perfundoi deklaraten e tij Alban Bushi.
Krijoni Kontakt