Kombëtarja Shqiptare - (Lajme & Komente)

[km92]

Baric "ngaterron kartat"

8 Shkurt Kemi humbur ndaj Maqedonise dhe perseri ne nje ndeshje miqesore, edhe pse per te paren here ne Shqiperi. Por, problemi nuk qendron ketu. Kombetarja kuqezi, me eksperimentet e shumta te trajnerit kroat, Oto Baric, nuk tregoi asnje nga vlerat e saj te verteta. Ishte nje perballje testuese, e shoqeruar gjate gjithe kohes nga reshje te dendura shiu dhe nje ere e forte (ngadonjehere nuk munguan edhe fishekzjarret e ultraseve “Dardane”, per qejfin e te cileve gjyqtari Bertini ndaloi edhe lojen per disa minuta), por, pertej ketyre faktoreve te jashtem, perfaqesuesja nuk bindi edhe ne aspektet e tjera. U luajt ne “Loro Borici” te Shkodres dhe jo me kot, por pikerisht per tifozerine e zjarrte, qe duhet t’i jepte “zemer” kuqezinjve, edhe pse nje gje e tille nuk ndodhi, pasi vetem “zemer” ne fushe nuk u pa ne kete sfide. Nje formacion “miks”, me pozicione te cakorduara te lojtareve, te cilin Baric pati kurajon edhe ta deklaronte nje dite me pare ne konferencen per shtyp, ne “Hotel Adriatik”. Mbrojtja, me Hasin ne qender, Beqirin ne te djathte dhe Deden ne te majte nuk eshte se s’kishte efikasitet. Por, kur shikoje mesfushen, me Dallkun (qe ne pjese te dyte kaloi krejtesisht ne sulm), Lalen si “shkaterrues”, Haxhin, Currin apo edhe Muken, pas sulmuesve Kapllani?Tare, sigurisht qe llogjika ta thoshte se duhet te kishte patjeter nje gabim. “Nuk d e aktivizoj Currin, sepse nuk do te luaje ndaj Sllovenise”, ka thene Baric nje dite me perpara, ndersa dje, Curri, jo vetem qe ka luajtur, por e ka bere kete per 90 minuta te plota. Si te mos mjaftonte “mish?mashi” i formacionit te se ardhmes te Baricit, ne te 30' demtohet edhe kapiteni Igli Tare, i cili per plot kater minuta (koha qe iu desh Maqedonise per te na ndeshkuar) ka qendruar ne fushe duke pritur nderrimin me Berishen. Pesimi i golit i hedh shqiptaret ne sulm, ne kerkim te barazimit, por dyshja Kapllani?Berisha (pervecse prisnin nga mesfusha, qe desh te bente gjithcka vete), nuk kuptoheshin, duke lene disa raste edhe te pashfrytezuara. Nga ana tjeter, Maqedonia vazhdonte te administronte rezultatin. Minuta e 45?te e ndeshjes do t’u jepte fund “vuajtjeve” te kuqezinjve, duke i cuar ata ne dhomat e zhveshjes. Ne pjesen e dyte, Baric duket se ze mend dhe aktivizon Duron, Bogdanin dhe Ervin Bulkun, ne vend te Mukes, Kapllanit dhe Lales. Te fresketit nisin te shtyjne perpara skuadren, teksa ndermarrin edhe shume aksione sulmuese, duke bere qe Maqedonia te terhiqet ne gjysmefushen e saj dhe te lidhet “gardh” ne prapavije, ne pritje te ndonje kundersulmi, me ane te shqiptarit te vetem te skuadres, Pollozhani. Mbrojtja maqedonase peson disa “krisje” momentale, si pasoje e organizimit te perfaqesueses sone (cka sjell edhe largimin nga pankina te trajnerit te Maqedonise, Katanec), por porta mbetet serish e paprekur dhe kjo nuk mund te justifikoje as goditjet e “hidhura” te Duros, as fintet e individualitetin e Berishes dhe te Currit, por as “gjumin” e Bogdanit ne disa raste. Duke pare qe rezultati s’po ndryshonte, Baric mendon t’i jape nje “dore” Hykes, per te marre nje tjeter sinjal prej tij, dhe e aktivizon ate ne vend te Haxhit. Talenti bind plotesisht me lojen e tij, por i vetem duket i pafuqishem per te bere dicka, edhe pse fantazia nuk i mungoi. Perfundimisht, Shqiperia humb ne miqesoren ndaj Maqedonise, duke treguar se nje formacion dhe impenjim i tille, ne ndeshjen ndaj Sllovenise, do te ishte “vetevrasje”. Spikaten Pandev dhe Ristic ? Dy sulmuesit maqedonas, autori i golit te fitores, Ristic, dhe Pandev, ishin me te miret ne fushe per te dy ekipet, duke bere diferencen me te tjeret. Sidomos ne pjesen e pare, ata kane qene shume te rrezikshem, duke vene ne alarm mbrojtjen tone. Hyka dhe Bulku ? Edhe pse nuk luajten nga minuta e pare, loja e te riut Hyka dhe e Bulkut u pelqye nga specialistet dhe u duartrokit nga publiku. Me paraqitjen e tyre, ata kane hedhur nje hap, per ta bindur Baricin per ndeshjet e ardhshme. Fokus n Edhe ne kete ndeshje nuk kane munguar grupet e tifozeve shqiptare nga Kosova dhe Maqedonia, ne mbeshtetje t- kombetares kuqezi. Madje, entuziazmi i tyre ka filluar shume ore perpara fillimit te ndeshjes, neper rruget e Shkodres. n Pasi arbitri italian ka nderprere ndeshjen, per hedhjen ne fushe te fishekzjarreve, ka nderhyre policia, e cila ka nxjerre nga stadiumi grupin e “ultrasve” “Dardanet” n Perpara ndeshjes, eshte mbajtur nje minute heshtje, ne nderim te ish?futbollisteve te kombetares shqiptare te ndare nga jeta, Bahri ishka dhe Arben Minga. n Dy futbollistet e grumbulluar, Memelli dhe Sukaj, e kane ndjkeur ndeshjne nga tribuna.

[Noizy]

Kuqezinjtë e Oto Bariçit largohen si "pula të lagura" në përfundim të disfatës me Maqedoninë.


Shtegtimi i kombëtares së Shqipërisë në drejtim të fatit në stadiumin "Loro Boriçi" ka dështuar me turp. Dje, kuqezinjtë e trajnerit Oto Bariç kanë humbur në një mënyrë shembullore ndaj një skuadre pa shumë pretendime, si ajo e Maqedonisë. Prognoza e këtij takimi ishte shumë optimiste, madje trajneri në moshë të thyer i kombëtares sonë, Bariç, e paralajmëronte nxënësin e tij, Sreçko Katanec, se do ta mundte me një rezultat të pastër 2-0. Por do të ishte fusha e stadiumit "Loro Boriçi" ajo që do ta përmbyste fallin e kroatit 74-vjeçar, pasi maqedonasit fituan mjaftueshëm 1-0. Trajneri kuqezi kishte shpallur me të madhe aksiomën e tij për një rinovim të ekipit kombëtar dhe në këtë ndeshje pritej që të fillonte revolucioni i ekipit. Në funksion të kësaj fushate stafi i kombëtares organizoi në Turqi nga 20-29 janar një grumbullim, nga i cili mund të merrnim emrat e parë për rinovimin e kësaj skuadre.
Ndeshja e djeshme midis Shqipërisë dhe Maqedonisë tregoi fytyrën e vërtetë të kësaj fushate që ka nisur trajneri Oto Bariç, nismë e cila shkon paralelisht me fushatën zgjedhore që po zhvillohet në mbarë vendin tonë. Pra, premtimet e kroatit 74-vjeçar nuk kanë asnjë dallim nga ato të politikanëve që hedhin deklarata bombastike vetëm e vetëm për t'u bërë interesantë në publik. Natyrshëm lind pyetja nëse i vlejti ndeshja e djeshme e kombëtares sonë të ardhmes dhe planit të revolucionarizimit të ekipit. Përgjigjen e kësaj pyetjeje mund ta japë çdo shqiptar që ka pasur dje mundësi për ta parë poshtërimin e kombëtares së tij. Karakteri dhe misioni i ndeshjeve miqësore nuk është arritja medoemos e rezultatit, por përshtatja dhe eksperimentimi i skemave dhe lojtarëve të rinj. Ndërsa dje trajneri i kuqezinjve ka dështuar totalisht në çdo aspekt. Niveli i kombëtares sonë i shkonte për shtat kohës së ftohtë që mbizotëronte në stadiumin "Loro Boriçi". Të gjithë dashamirësit e ekipit kombëtar prisnin që nga takimi me Maqedoninë të gjenin krenarinë kombëtare dhe jo të nëpërkëmbeshin në atë farë mënyre. Pra dje, eksperimenti i vetëm që pamë në fushë ishte se si mund të dështosh në mënyrë të organizuar. Në pjesën e parë të takimit kombëtarja jonë pothuajse nuk ekzistonte. Kuqezinjtë e repartit të mesfushës nuk ishin të zot që të ndërtonin një aksion të thjeshtë në drejtim të portës mike. Mbrojtja edhe në këtë takim vazhdoi rrugën e saj drejt regresit, pasi portieri Arian Beqaj ishte në mëshirë të fatit, sepse për ato që kishte përpara është më mirë të thuhet se ishte vetëm. Sulmuesit kuqezi nuk u panë në asnjë moment, pasi u mungonte edhe mbështetja nga mesfushorët. Humbja e djeshme u paralajmërua që nga njëmbëdhjetëshi që nisi takimin, pasi aty nuk nuk shikohej ndonjë rinovim, madje mosha e kombëtares sonë i ngjason ekipit të Milanit, i cili rreshton në vijën mbrojtëse katër lojtarë që kapin 147 vite. Pra, megjithëse trajneri Oto Bariç kishte shpallur nismën e rinovimit, përsëri edhe në një ndeshje miqësore nuk mundi të shkëputej nga "kockat e vjetra". Pjesa e dytë ishte diçka më pozitive për ekipin tonë, por përsëri skuadra nuk e gjeti rrugën e finalizimit. Ndryshimet që ndodhën në repartin e mesfushës dhe të sulmit sikur i dhanë një dinamikë lojës, por gjithçka ngeli në kuadrin e individualitetit, pasi harmonizimi midis reparteve dhe lojtarëve pothuajse ishte i padukshëm. Megjithëse prej kohësh në vijën mbrojtëse kombëtarja jonë është ku thërret kiameti, pasi edhe dje në rastin e golit mbrojtësit morën rolin e vëzhguesit, përsëri nuk shikojmë ndonjë alternativë shpresëdhënëse. Me sa duket, kroati është dorëzuar në këtë sektor, pasi nuk ka alternativa, pasi edhe dje reparti mbrojtës mbeti i pazëvendësueshëm për plot 90 minuta. Humbja e djeshme me Maqedoninë është një kambanë e madhe alarmi në veshët e trajnerit Oto Bariç, por me moshën që ka nuk mund ta shqetësojnë, pasi po nuk e shkunde nuk merr vesh. Ndaj Maqedonisë pritej që të shikoheshin hapat e parë të rinovimit, por kjo nuk ndodhi, ndërsa situata u përkeqësua më tepër, pasi ndeshja me Slloveninë është në derë dhe me punën që po kryhet kemi pak shanse që më 24 mars Shqipëria të paraqesë një imazh tjetër nga ai i "Loro Boriçit". Me ardhjen e Oto Bariçit në krye të kombëtares sonë u tha që kroati është zgjedhja e duhur për të ngritur një përfaqësuese dinjitoze. Por realiteti dhe rendimenti i punës së Bariçit është shumë i ulët, pasi në pesë takime kroati ka arritur të marrë 1 fitore (me San-Marinon), 1 barazim dhe 3 humbje. Pra, starti i kroatit është shumë i ulët dhe, me sa duket, shpenzimet po shkojnë dëm, sepse aktuali nuk mund të kapë as paraardhësin, jo më ta përmirësojë. Me humbjen e djeshme, kombëtarja e përbalti edhe stadiumin "Loro Boriçi", i cili duhet të mbesë nostalgjik i asaj fitoreje të largët 3-1 me Rusinë. Nga përballja me Maqedoninë, e vetmja shenjë pozitive nga ekipi ynë ishte paraqitja e portierit Arian Beqja si dhe guximi i të riut Jetmir Hyka, i cili për aq minuta që luajti u mundua të japë diçka. Nga takimi i djeshëm midis Shqipërisë dhe Maqedonisë është lëshuar sinjali "SOS" për të shpëtuar "anijen" kuqezi.

[Noizy]

Paraqitja e dobët e kombëtares shqiptare ndaj Maqedonisë vë në lëvizje trajnerin Oto Bariç për ndryshime në ekip.


Miqësorja e dy ditëve më parë në "Loro Boriçi" midis Shqipërisë dhe Maqedonisë la një shije të hidhur te të gjithë tifozët kuqezinj, të cilët prisnin një paraqitje ndryshe të kombëtares shqiptare. Pavarësisht humbjes minimale, ajo që zhgënjeu më shumë opinionin sportiv ishte loja e dobët që paraqiti kombëtarja në atë ndeshje. Të tri repartet ishin larg njëri-tjetrit dhe pothuajse nuk funksionuan fare. Eshtë folur shpesh herë nga stafi teknik i kuqezinjve për një rinovim të kombëtares, por edhe në këtë takim, përveç aktivizimit për herë të parë të të riut Hyka, nuk kishte asgjë të re. 19-vjeçari Hyka, edhe pse luajti pak minuta, e justifikoi me paraqitjen që bëri në fushën e lojës. Përveç Hykës, të grumbulluar për miqësoren me Maqedoninë ishin edhe tre emra që thirreshin për herë të parë, si Migen Memelli, Xhevahir Sukaj dhe Kristi Vangjeli (ky i fundit e kishte të pamundur të aktivizohej për shkak të një dëmtimi). Gjithsesi, ajo që nuk u kuptua, madje dhe nuk u shpjegua saktë nga Bariçi në konferencën për shtyp pas ndeshjes, ishte qëndrimi në tribunë i Memellit, për të cilin vetë Bariçi ka folur me superlativa dhe priste që ta shikonte në këtë takim. Në formacionin bazë kemi pasur disa lëvizje të dyshimta, ku edhe pse një ditë përpara takimit, kroati i kombëtares e përfshinte sulmuesin Besart Berisha në formacion, pak çaste përpara takimit ai lihet në stol, ndërkohë që vendin e tij e zë Debatik Curri. Ky i fundit nuk luan për shkak kartonësh në takimin me Slloveninë dhe normalisht nuk do të ishte keq të guxohej që nga fillimi, për të fituar ndoshta një lojtar të ri. Lëvizjet e Bariçit nuk u kuptuan kurrë, sepse të gjithë prisnin të shikonin në fushë emra të rinj, por në tapetin e "Loro Boriçit" doli e njëjta kombëtare, ku pjesa më e madhe e atyre që u aktivizuan janë në perëndim të karrierës. Me të drejtë lind pyetja: për çfarë i shërbeu trajnerit kjo miqësore? Gjithsesi, e vërteta është që si trajnerin Bariç ashtu dhe FSHF-në i ka alarmuar paraqitja e lojtarëve me Maqedoninë. Duke pasur parasysh që takimi eliminator me Slloveninë është shumë afër, tanimë nuk ka kohë për t'u menduar. Sipas informacioneve, në takimin me Maqedoninë stafin teknik të kombëtares e ka zhgënjyer më shumë reparti i mbrojtjes. Tashmë, kur gjithçka është parë mirë, duket se Bariçit i është mbushur mendja për të guxuar dhe të sjellë në kombëtare lojtarë të rinj, të cilët mund të plotësojnë lojën e çalë të kombëtares në mbrojtje. Edhe pse janë përfolur shumë emra, duke parë gjendjen e momentit, Oto Bariç u ka bërë kërkesën e parë drejtuesve të FSHF-së. Bëhet fjalë për të pajisur me pasaportë shqiptare mbrojtësin kosovar që aktivizohet në Gjermani me ekipin U-23 të Borusia M'gladbah, Blerim Rustemaj. Ky i fundit është në plan të parë për t'u pajisur me pasaportë nga emrat kosovarë që përfliten, ndërkohë që të tjerët do të jenë nën vëzhgim gjatë kësaj kohe, ku gjithnjë bëhet fjalë për lojtarë të repartit mbrojtës. Një lojtar që pritet të shikohet me interes të madh është edhe mbrojtësi shqiptar që aktivizohet në Greqi me Arisin, Kristi Vangjeli. Burime të sigurta bëjnë të ditur se kroati i kombëtares ka folur vetë me mbrojtësin Vangjeli dhe do të ndjekë gjatë kësaj kohe ecurinë e lojtarit në takimet e kampionatit grek. Gjithsesi, gjithçka që flitet tregon se paraqitja e kombëtares i ka vënë në alarm të gjithë. Trajneri i moshuar i kombëtares shqiptare ka qenë shumë kontradiktor kohët e fundit, madje zgjedhjet që ka bërë kanë qenë të dyshimta. Alarmi tashmë është dhënë dhe normalisht na ngelet të presim se çfarë do të ndryshohet në këtë kombëtare, sepse deri tani më shumë është bërë sikur ka ndryshuar, se në të vërtetë gjithçka ka ngelur në vend.

[Noizy]

Në takimin miqësor Shqipëri-Maqedoni u vunë re disa banderola rreth stadiumit, në të cilat mbizotëronin disa mbishkrime nacionaliste. Nuk mjaftuan vetëm banderolat, por gjatë pjesë së dytë të takimit tifozët hodhën disa fishekzjarre në fushë. Këto ngjarje janë të dënueshme nga UEFA dhe kombëtarja shqiptare është gjobitur disa herë për hedhjen e fishekzjarreve në fushë dhe të sendeve të tjera. Me Maqedoninë ishte miqësore dhe, për fat të mirë, nuk gjobitet FSHF-ja, por duke pasur parasysh që në prag është takimi eliminator me Slloveninë, FSHF-ja është e shqetësuar nga këto ngjarje, pasi në rast përsëritjeje të këtyre episodeve, ndëshkimi nga UEFA mund të jetë drastik. Sipas zëdhënësit të FSHF-së, Lysien Nurishmi, intitucioni më i lartë i futbollit shqiptar u bën thirrje tifozëve shqiptarë që të jenë të përmbajtur dhe të mos kryejnë gjeste të tilla, që nuk u kanë hije tifozëve të zjarrtë kuqezinj.

[Qerim]

Trajneri i njohur është shprehur kundër ndarjes së kombëtares shqiptare


Speciale nga Bekri Ajdini

Shkup, 9 shkurt - Trajneri kosovar i Milanos së Kumanovës, Bylbyl Sokoli ka shprehur qartë qëndrimin e tij rreth çështjeve që kanë filluar të diskutohen për futbollin shqiptar. Ai i ka thënë se është për një kombëtare të futbollit dhe për një Ligë të futbollit shqiptar.
“Unë jam për një kombëtare të fortë të futbollit ku do të gjejnë veten të gjithë shqiptarët gjithandej ku ndodhen. Me këtë kombëtare futbolli duhet të krenohen të gjithë shqiptarët”, tha fillimisht Sokoli.
Ai ka vazhduar të sqarojë edhe mundësinë e formimit të kombëtares së futbollit të Kosovës, që mundë të pranohet në FIFA dhe UEFA pas pavarësisë.
“Shikoni duhet të kemi një kombëtare, por nuk do të thotë se nuk mundë të ekzistojnë edhe dy përfaqësuese, pra një e Shqipërisë dhe një e Kosovës. Megjithatë skuadra e kombëtares shqiptare të futbollit duhet të jetë një, ku do të bëjnë pjesë lojtarët më cilësorë”, sqaron Sokoli.
Sipas trajnerit kosovar duhet të ekzistojë vetëm një Superligë, në të cilën do të marrin pjesë 16 skuadra duke përfshirë këtu edhe ato nga Shqipëria, por edhe ato nga Kosova.
“Ne duhet të ngremë cilësinë e futbollit. Këtë mundë ta bëjmë vetëm duke pasur një Superligë, e cila do të ketë 16 skuadra. Në këtë ligë do të duhej të marrin pjesë skuadra nga Kosova dhe Shqipëria. Ju garantoj se nëse arrihet kjo, atëherë futbolli shqiptar do të jetë në një nivel mjaft të lartë. Kemi talente, kemi futbollistë cilësor, por na duhet një kampionat dhe një Ligë ku rivaliteti do të jetë më i madh”, tha ai.
Sokoli ka mohuar se kjo ide mundë të ketë pasoje negative dhe nuk do të mbështetej nga UEFA dhe FIFA.
“Nuk mundë të ketë asnjë pasojë negative. Pse është formuar Liga e Kampionëve në Evropë, pikërisht për të ngritur cilësinë e futbollit. Edhe ne këtë duhet ta bëjmë vetëm për këtë qëllim. Atëherë do të mbushen stadiumet me shikues, lojtarët do të angazhohen më shumë dhe interesimi për futbollin do të jetë më i madh”, shtoi Sokoli.
Gjithashtu vetë Bylbyl Sokoli është shprehur qartë edhe për mundësisë e largimit të futbollistëve me prejardhje nga Kosova nga kombëtarja shqiptare.
“Futbollistët kosovar që aktualisht janë pjesë e kombëtares shqiptare, në asnjë mënyrë nuk duhet të largohen nga kjo skuadër. Pikërisht duhet të ftohen edhe ata futbollistë të tjerë shqiptar të cilët nuk kanë veshur fanellën ‘kuq e zi’”, përfundoi Sokoli.

[Noizy]

Drejtori i "Qemal Stafës", Perikli Dhales, është gati ta vërë stadiumin edhe falas në dispozicion të kombëtares.


"Kombëtarja të kthehet në shtëpinë e saj, aty ku e meriton të luajë, ku i krijohen të gjitha kushtet për të zhvilluar një ndeshje normale, sipas parametrave që kërkon edhe UEFA." Ky ka qenë thelbi i deklarimit të djeshëm të drejtorit të stadiumit të vetëm ndërkombëtar shqiptar "Qemal Stafa", Perikli Dhales, i cili ka pohuar ekskluzivisht për "Sportin shqiptar" se nuk bëhet kurrsesi pengesë që ndeshja me Slloveninë të degdiset në stadiume të tjera, kushtet e të cilave lënë për të dëshiruar. Ai mbështet deklarimin e trajnerit Oto Bariç, pas miqësores me Maqedoninë në Shkodër, sipas të cilit terreni ishte i vështirë dhe e pengoi kombëtaren në lojën dhe objektivin e saj, ndërkohë që është i gatshëm t'u ofrojë kuqezinjve tapetin e blertë të impiantit sportiv që drejton. Një kërkesë të tillë pranë tij e kanë paraqitur edhe drejtuesit e federatës sllovene, kur inspektuan stadiumin e Shkodrës dhe "Qemal Stafën" para pak kohësh. Dhales thotë se ka dëgjuar shumë argumenta zyrtarë të FSHF-së, se përse ndeshja me Slloveninë nuk mund t'u luajtka në "Qemal Stafa", por nuk e pranon kurrsesi se ai është shkaktari. Madje, për të vërtetuar të kundërtën e atyre që janë thënë për mosmarrëveshje financiare mes drejtorisë së stadiumit ndërkombëtar shqiptar dhe qeverisë së futbollit, Dhales propozon që çmimet e biletave të ndeshjes në fjalë të jenë simbolike, ose hyrja të jetë falas, në mënyrë që përkrahja e tifozëve të zjarrtë kuqezinj të mos i mungojë kombëtares. Për këtë, që në fillim të fjalës së tij, drejtori Dhales nënvizon: "Si fillim dua të hedh poshtë çfarëdolloj aludimi të ndonjë zyrtari të futbollit në qendër, se unë qenkam bërë pengesë për zhvillimin e ndeshjes së 24 marsit, mes Shqipërisë dhe Sllovenisë, në stadiumin "Qemal Stafa", që unë drejtoj. Të gjithë e dinë se unë jam njeri i sportit, kështu që e di mirë se çdo të thotë kombëtare, pasi kam qenë vetë pjesë e saj. Kombëtarja u përket të gjithë shqiptarëve, kësisoji nuk mund të merret "peng" nga asnjë institucion, as nga drejtoria e stadiumit "Qemal Stafa", as nga federata e futbollit. Pra, të gjithë së bashku duhet t'i krijojmë asaj kushtet maksimale që të arrijë sa më shumë rezultate pozitive. Po kështu, duhet të përpiqemi t'u krijojmë mundësi edhe tifozëve kuqezinj, që vijnë edhe nga larg, që ta përkrahin kombëtaren e tyre. Si pjesë e shoqërisë shqiptare, e di fare mirë se sa janë mundësitë e atyre tifozëve që e duan me shpirt kombëtaren, që të blejnë një biletë për të parë kuqezinjtë në stadium. Kësisoji, jo për sfidë të askujt, por për t'u dhënë mundësinë të gjithëve, që të blejnë një biletë për këtë ndeshje dhe ta mbushin plot e përplot stadiumin ndaj Sllovenisë, si drejtor i ndërkombëtarit të vetëm në Shqipëri, "Qemal Stafa", propozoj çmime simbolike të biletave për këtë ndeshje. Madje, në pozicionin që kam, e deklaroj publikisht se jam i gatshëm ta vë në dispozicion stadiumin kombëtar "Qemal Stafa" për kombëtaren edhe falas, që hyrja e tifozëve të jetë e lirë për këtë ndeshje, e cila konsiderohet deçizive për kuqezinjtë. Nëse merret mendimi im, dua t'u them drejtuesve të FSHF-së që ta materializojnë këtë propozim, në të mirë të kombëtares, por edhe në të mirë të tifozëve kuqezinj, shumica e të cilëve nuk kanë mundësi të blejnë bileta, që variojnë nga 10 euro deri në 50 euro, siç ka ndodhur deri tani, pa llogaritur këtu rritjen e çmimit të tyre në tregun e zi. E them me bindje se ky propozim i imi, në rolin e drejtorit të stadiumit kombëtar "Qemal Stafa", do të gjejë edhe mirëkuptimin dhe miratimin e ministrive përkatëse, nga varemi si institucion. Me një fjalë, dua t'u them zyrtarëve të federatës së futbollit se Perikli Dhalesi nuk bëhet pengesë që kombëtarja të "migrojë" në stadiume të tjera të vendit, që nuk plotësojnë kushtet për një ndeshje të kësaj rëndësie. Tani u mbetet atyre për të treguar se sa të ndjeshëm janë ndaj propozimit tim, që në fakt përmbush edhe dëshirën e mijëra tifozëve kuqezinj, të atyre që e duan me gjithë shpirt kombëtaren, por që nuk kanë mudësi ekonomike të blejnë një biletë dhe të vijnë në stadium. Ideja dhe dëshira ime është që ndeshjen me Slloveninë të kenë mundësi ta shikojnë jo vetëm ata që kanë para, por edhe një qytetar që merr përkrahje sociale, edhe një pensionist, edhe një student, edhe një gjimnazist shkolle." Pra, ky propozim i drejtorit Perikli Dhales duket se do të hapë një dritë jeshile për zhvillimin e ndeshjes Shqipëri-Slloveni në "Qemal Stafa". Deri tani, vendi i zhvillimit të kësaj ndeshjeje konsiderohet stadiumi "Loro Boriçi" i Shkodrës, për të cilin është njoftuar edhe UEFA.

[Noizy]

Trajneri Sreçko Katanec flet për Slloveninë e vitit 1999 dhe atë të 24 marsit, që do të luajë me kuqezinjtë.


Trajneri i kombëtares së Maqedonisë, Sreçko Katanec, nga Sllovenia, më 1999, me përfaqësuesen e vendlindjes së tij i ka mposhtur me rezultat identik, si të mërkurën ë shkuar në Shkodër, shqiptarët (1-0). Në një bisedë ekskluzive për "Sporti shqiptar", ai ka folur për kombëtaren aktuale të Sllovenisë dhe për kuqezinjtë, para përballjes së 24 marsit. "Nuk di nëse mund të bëj një krahasim për kombëtaren shqiptare të vitit 1999, kur luaja vetë kundër saj dhe asaj aktuale. Në miqësoren ndaj Maqedonisë, që unë drejtoj aktualisht, shqiptarët në pjesën e dytë kanë
luajtur shumë më mirë, ndoshta edhe pse ne u krijuam mundësi me disa zëvendësime. Ndoshta ishin edhe zëvendësimet e profesorit Bariç të qëlluara. Kombëtarja shqiptare ka arritur disa rezultate të mira pas vitit 1999, si fitorja me Greqinë apo edhe ajo ndaj Rusisë," - thotë Katanec.
Ai beson se loja e kuqezinjve, e zhvilluar në pjesën e dytë ndaj Maqedonisë mund t'u sjellë tri pikë atyre në përballje me të gjelbrit e Sllovenisë. "Mendoj se, me lojën e treguar në pjesëlojën e dytë ndaj Maqedonisë, Shqipëria mund ta mposhtë Slloveninë," - nënvizon më tej trajneri slloven. Gjithsesi, ai e pranon se nuk është shumë në brendësi të problematikës se kombëtares së vendit të tij, Sllovenisë. "Nuk e përcjell edhe aq shumë përfaqësuesen e vendit tim, por di të them se ka pasur disa probleme. E kanë ndërruar së fundi edhe trajnerin, prandaj edhe nuk kam ndonjë pasqyrë më të theksuar të tyre, ndonëse jetoj aty. Por, e sigurt është se kombëtarja aktuale sllovene nuk është as për së afërmi në kualitete me atë që ka luajtur në Shqipëri më 1999 apo që është kualifikuar në Botëror më 2002," - shtoi Katanec.
Ndërkohë dihet që Sllovenia, më 7 shkurt e ka mposhtur si mikpritëse Estoninë në një miqësore me rezultatin minimal 1-0, duke paralajmëruar edhe kuqezinjtë për sfidën e 24 marsit në Tiranë. Shorti i hedhur dje për eliminatoret e Kampionatit Europian 2009 të U-21 e vendos kombëtaren Shpresa në grupin-1

[Noizy]

Procedurat për të pajisur me pasaportë shqiptare mbrojtësin kosovar Blerim Rustemaj janë bërë gati në një kohë rekord nga ana e sektorit të ekipeve kombëtare në FSHF. Sipas shefit të këtij sektori, Besnik Çela, i gjithë dokumentacioni i futbollistit është bërë gati dhe tani pritet që të dorëzohet në Ministrinë e Turizmit, Kulturës, Rinisë dhe Sporteve. "Çdo gjë është gati për sa i përket dokumentacionit të futbollistit kosovar, Blerim Rustemaj. Sektori i ekipeve kombëtare gjatë këtyre ditëve do t'ia dorëzojë dokumentacionin MTKRS-së. Më pas, kjo e fundit do t'ia propozojë Presidentit të Republikës për ta dekretuar. Shpresojmë që një gjë e tillë të ndodhë sa më shpejt dhe futbollisti të pajiset me pasaportë shqiptare,"- deklaroi për "Sportin shqiptar" shefi i sektorit të ekipeve kombëtare në FSHF, Besnik Çela. Trajneri i përfaqësueses shqiptare, Oto Bariç, i ka kërkuar FSHF-së që t'i përshpejtonte procedurat për qendërmbrojtësin 23-vjeçar Rustemaj, sepse kërkon ta ketë të gatshëm qendërmbrojtësin që në takimin eliminator me Slloveninë. Për futbollistin tjetër kosovar, Labinot Haliti, i cili aktivizohet në Australi me Njukasëll Xhetsin, ende nuk kanë filluar procedurat për pajisjen e tij me pasaportë shqiptare. Bariçi ia ka bërë të qartë lojtarit, që duhet të aktivizohet në Europë në qoftë se dëshiron të aktivizohet me kombëtaren shqiptare.

[Noizy]

Trajneri i ekipit Shpresa pohon se takimet eliminatore do të jenë një test i veçantë për lojtarët.


Të martën, në Stokholm të Suedisë, u hodh shorti i eliminatoreve të Kampionatit Europian 2009 për përfaqësueset U-21. Ekipi ynë Shpresa u vendos në grupin 1, me Italinë, Greqinë, Kroacinë, Azerbajxhanin dhe Ishujt Faroe. Ky është një nga grupet më të forta, ku tri skuadrat e para janë edhe pretendentet kryesore për t'u kualifikuar në Europianin e 2009-ës. Në një prononcim për "Sportin shqiptar", trajneri i kombëtares Shpresa Artan Bushati (ishte pjesmarrës në short) shprehet se objektivi kryesor i këtyre eliminatoreve është formimi i një grupi të mirë futbollistësh, të cilët t'i shërbejnë në të ardhmen edhe ekipit kombëtar A. "Shorti na ka vënë përballë skuadrave mjaft të forta, të cilat shquhen për nxjerrjen e mjaft talenteve të kësaj moshe. Gjithsesi, edhe ne kemi pretendimet tona për këto eliminatore. Natyrisht, nuk mund të them që kërkojmë kualifikimin, por nuk duhet të harrojmë që misioni ynë është përzgjedhja e një grupi të mirë futbollistësh, të cilët t'i shërbejnë më vonë edhe kombëtares A. Do të jetë një test i veçantë për të gjithë lojtarët që do të grumbullohen, sepse do të përballen me skuadra mjaft të mira, si Italia, Kroacia etj., pa nënvleftësuar këtu Azerbajxhanin dhe Ishujt Faroe. Do të jetë një eksperiencë e bukur për ta, duke pasur parasysh që do të luhen gjithsej 10 takime, vajtje-ardhje. Lojtarët do të kenë mundësi të tregojnë vlerat e tyre të vërteta në këto takime. Do të punojmë shumë në mënyrë që të jemi sa më të përgatitur në takimet e para, të cilat do të luhen në fillim të muajit qershor. Kryesorja për mua si trajner është të paraqitemi mirë dhe në funksion të paraqitjes së mirë, shpresoj të arrijmë edhe rezultate pozitive, pasi oreksi vjen duke ngrënë. Grupi ku bëjmë pjesë është mjaft i fortë dhe, të them të drejtën, njohje kam vetëm për skuadrën greke, me të cilën u përballëm në muajin shkurt. Për kombëtaret e tjera nuk kam njohje, sepse edhe ato janë në periudhë seleksionimi, pasi brezi i datëlindjes '84-'85 nuk aktivizohet më me kombëtaren U-21,"- deklaroi për "Sportin shqiptar" trajneri i kombëtares Shpresa, Artan Bushati.

[eagle's son]

ketij baricit ishalla i kane prenotuar ndonje cope toke 2x1 metra ne sharre ose ne tufine

sma do mendja se e ze gjalle viti i ri...