E Lumja Nene Tereze, flake e dashurise!

[NoName]

“Ambasadorë të Zotit !”

Lutja shkruar nga Pali VI për bashkëpunëtorët e Nënë Terezës





Për sot kam shkëputur një lutje që Papa Pali VI pati shkruar për bashkëpunëtorët e Nënë Terezës.

Siç dihet shtylla themeltare e shoqatës të bashkëpunëtorve të Motrave Misionare të Dashurisë ishte lutja. Ata e kishin për detyrë të luteshin çdo ditë në bashkim e përkim me motrat rregulltare, duke kërkuar prej Zotit hirin e bekimin e meritës për t’iu shërbyer të varfërve që shikoheshin e konsideroheshin si “ambasadorë të Zotit”. Ja lutja e tyre, shkruar nga papa Pali VI:

O Zot, na bëjë të denjë,
Ti shërbejmë të ngjashmit (afërmit) tanë
Në çdo pjesë të botës
Ku jetojnë e vdesin
në varfëri e në uri.
Jepu atyre sot, përmes duarve tona,
Bukën e përditshme ;
E përmes dashurisë sonë e mirëkuptimit tonë,
Dhurona paqen e gëzimin.
Amen.

[NoName]

Nesër më 26 gusht bie 96 vjetori i lindjes
së Bonxe Bojaxhiut, të Lumës Nënë Terezës



Pasurinë e saj të jashtëzakonshme shpirtërore na tregon lutja që ajo çdo ditë ia drejtonte Jezusit : « më mëso, o Jezus, të lutëm ! » Kjo lutje shpreh thellësinë e spiritualitetit të jashtëzakonshëm të paqes e të dashurisë që e Lumja Nënë Tereza kultivonte e rrezatonte në veprimtarinë e saj ungjillore e njerëzore. Ja edhe lutja që dua t'iu propozoj për sot:

O Jezus, eja në zemrën time,
lutu me mua,
lutu në mua,
që unë të mësoj prej Teje, të lutëm.
Amen !

[NoName]

E lumja Nënë Tereze, flakë e dashurisë!

"Cdo gjë në dorë të Zotit!"





Për sot, dëgjues të nderuar, kemi shkëputur një lutje të Shën Injacit të Lojolës, themeluesit të Jezuitëve, për të lënë gjithçka në dorë të Zotit, të cilën lutje motrat e Nënës, Misionaret e Dashurisë e lusin në mbarimin e orës së tyre të meditimit në kapelë para të Shenjtueshmit Sakrament.

Ja edhe Lutja për lëshimin total e të plotë në dorë të Zotit:

O Zot, merre e pranoje krejt lirinë tonë, tërë kujtesën tonë,
mirëkuptimin tonë e krejt vullnetin tonë, çdafërdo sendi që kemi.
Ti na i ke dhënë të gjitha këto sende; e ty, o Zot,
po ti falim, bëjë çka të dëshirosh
sipas vullnetit tënd. Dhurona dashurinë tënde e hirin tënd,
sepse këto janë ato çka neve na mjaftojnë.

[NoName]

Motër Nirmala në përvjetorin e lindjes së Nënë Terezës

“Dashuria është përgjigjia e vetme për botën”




Misionaret e dashurisë kanë kremtuar më 26 gusht 96 vjetorin e lindjes së themeluesës së tyre, të Lumës Nënë Terezës. Motër Nirmala Joshi, zëvendëse e së Lumës në krye të kongregatës rregulltare, tha se mesazhi i dashurisë “është përgjigjja e vetme për botën e sotme, plotë luftëra e urrejtje”. Rregulltarja ta takuar mjetet e komunikimit shoqëror të Indisë në shtëpinë amë të kongregatës në Kolkata (ish Kalkuta), aty ku Nënë Tereza pati filluar veprën e saj.

[NoName]

"Hapna sytë tanë, o Zot!"



Vijojmë me temën kushtuar të Lumës Nënë Terezës në muajin e lindjes, gusht dhe në muajin e kalimit të saj në amshim, shtator.

Për sot kam zgjedhur një lutje të Nënë Terezës drejtuar Zotit që të na ndihmojë të duam njëri-tjetrin kurdoherë: ‘‘Hapna sytë tanë, o Zot!”

O Zot, hapna sytë tanë, që të mund të shohim Ty
në vëllezërit e motrat tona.
Hapna veshët tanë, që të dëgjojmë thirrjet
e atij që ka uri, ftohtë, frikë,
të atij që është i shtypur.
Hapna zemrën tonë, që të mund të mësojmë
ta duam njëri tjetërin
ashtu si na do Ti.
Përtërie vazhdimisht në ne, Shpirtin tënd, o Zot,
Që të bëhemi të lirë e të bashkuar. Amen

[NoName]

'Rrëmimin e ndërgjegjes” para Zotit'



Për sot kam zgjedhur një kërkesë që Nënë Tereza i bënte Motrave të veta misionare për “Rrëmimin e ndërgjegjes” para Zotit. Kërkesë e cila vlenë edhe për secilin prej nesh.

“Reflekto për një moment mbi praninë e Zotit,
dhe adhuroje Atë......
Falënderoje Atë për Dashurinë e Tij...
Kërkoji dritë për të parë vetveten, ashtu sikur Ai të shehë ty !”
“Të ndriçuar nga drita e Tij Hyjnore, mund të fillojmë qysh sot
të eliminojmë çdo pjesë të krenarisë sonë që kemi në zemër!
Sepse kjo është shkaku i varfërisë sonë njerëzore e shpirtërore,
që na ndanë nga përdëllimi i Zotit!”

[NoName]

Një lutje të saj drejtuar Zojës së Bekuar, Virgjërës Mar!





Sonte është nata e festë liturigjike për nder të së Lumës Nënë Terezës. Kështu, forumista të nderuar, festa e së Lumës Nënë Terezës nesër do të kremtohet solemnisht në të gjitha Kishat kudo në botë, e në mënyrë të posaçme në trevat shqiptare.

E po e përfundojmë këtë hapësirë kushtuar të Lumës Nënë Terezës, me një lutje të saj drejtuar Zojës së Bekuar, Virgjërës Mari:

O Zoja Mari, ty të kemi zgjedhur për Nënë. Nuk ke pasur kurrë bija kaq të pandenja, të ligshta e të lodhura sikur jemi ne. Ti pra të jesh forca jonë e mbështetja jonë. Nuk kemi burime e shpesh as para.

O Nënë e mëshirshme! Bën që të mund të gjejmë bukë për të varfërit tanë shumë të dashur. Jemi porsi foshnje të pambrojtuar, të ekspozuara para të këqijave të botës. Bëj, oj Nënë Qiellore, që të mos dëmtohemi, por të mund të jetojmë për lavdinë e Zotit e ta përhapim Fjalën e Tij sipas vullnetit të Tij Hyjnor. Amen!

[xixe xixellonja]

...NoName, Urime per Temen eshte nji Tem e Shkelqyeshme...
Pershendetje, dhe Çdo te mire ... ... Me Nderime dhe Respet nga xixa.