Rreziku nga dielli

[Ingenuous]

Po afron stina e plazhit, zhytjet ne uje dhe banjat e diellit: me se fundi erdhen pushimet.

Keshtu po lexoj nje reviste mjekesore Italiane, me qarte nje artikull, ku behet fjale se si te zgjedhim dhe perdorim kremin e plazhit (Solarin).
Me duket interesante, keshtu qe po e perkthej dhe mbase ndihmon per ata si une qe duan te perdorin kremin per te ruajtur lekuren nga rrezet e diellit.

Si te zgjedhim dhe perdorim kremin e plazhit (Solarin)


Rregulli eshte qe kremi i plazhit duhet perdorur nga te gjithe derisa lekura te mos jete e pigmentuar, dhe melanina kerkon te pakten 3-4 dite qe te prodhohet nga organizmi. Me vone faktori mbrojtes mund te zvogelohet gradualisht sipas tipit te lekures.

Persa i perket formulimit te solareve, qe jane mbrojtes apo vetem hidratante, duhet te zgjidhen ne varesi te lekures. Sa me e yndyrshme aq me pak e keshillueshme lloji vajor. E rendesishme eshte se verifikohet nese produkti i reziston ujit. Ne rast te kundert aplikimi i tije duhet bere pas cdo larje ose shpesh edhe nese djersitemi shume.

Si perdoret:
Rregulli eshte i meposhtem vlen per te gjithe.
Solari duhet perhapur ne te gjithe trupin uniformisht, duke u perqendruar ne zona te vogla (nuk duhet harruar asnje centimeter lekure), sidomos ato klasiket, pas gjunjeve, kembet dhe veshet. Gjeja me e rendesishme eshte qe ta aplikojme 20 min para ekspozimit ne diell. Vetem kur produkti eshte perthithur plotesisht nga lekura mund te vistemi e te shkojme ne plazh.

Shpresoj te kem qene i qarte ne perkthim, jam munduar te mos i ndryshoj kuptimin fjalive. Shpresoj gjithashtu mos te keme bere gabime shkrimore

Ciao.

[ChuChu]

O Number1,

nje pyetje mqse e hiqke veten si ekspert Me kane thene qe ne Shqiperi shitej nje lloj krem plazhi me beta karotine qe te jepte nje ngjyre shume te kendshme. Ketu ne usa s'kam gjetur ndonje te tille deri tani, por di ndonje marke te mire ti qe shitet andej nga Europa?

Faleminderit!
Kuqka.

[BeBiVoGeL]

Ketu ka aq shume sa nuk di ke te zgjedhesh Kuqka

[Ingenuous]

Nje Falsitet

Kur flitet per ngjyren e kendeshme te plazhit mendohet gjithmone per karrotat. Pra per te qene me sakte, per betakarrotinen.
Ne realitet te rrisesh sasine e konsumit te betakarrotines nuk ngre livelin e prodhimit te melanise (pra te ngjyres çokollate), thjesht i jep lekures nje ngjyre portokall te mbyllur, paksa te ngjashme me ngjyren e plazhit, por nuk eshte e njejta.

Me pak fjale nuk njoh ndonje marke, pasi per mua eshte nje falsitet.

P.S Keto mendime jane frut i leximeve te mija, pra mund te jene te gabuara

Kaq shume lodhje para dhe gjate ekspozimit ne diell e per ta pare me pas te zduket pas nje jave ngjyren e bukur çokollate?

Eshte e vertete qe mjaftojne dy ose tre dushe qe ngjyra te ike lehtesisht. Nuk mund te bejme asgje. Ne fakt, nese lekura nuk rri me ne diell, pushon se prodhuari melanine, pra nuk ngjyroset me. Po per ta ngadalsuar kete proces ekzistoje disa truke:

* Evitoni te laheni me uje te ngrohte qe e zbut shtresen siperfaqesore te lekures duke e larguar ate;

* Mos perdorni per pak kohe pastures shume te fuqishem. Me pas mund te kerkoni ta riforconi ngjyren:
*Aplikoni ne fytyre nje maske te realizuar me çaj te erret (dy paketa per gjysem litri uje). Aplikojeni me ane te nje pambuku dhe mos e shplani.
*Aplikoni ne trup nje mase te perbere nga: 4 karrota, nje gote qumesht dhe 3 luge vaj ulliri. Duhet te mbahet ne trup 10 minuta.

Shpresoj te keme qene i qarte!

Mirulexofshim, Ciao
Redi

[ChuChu]

Ah, per ate ngjyren e portokallit te mbyllur qe merrja ne Vlore pervit po vuaj shume, dhe tani mundohem ta marr artificialisht.

Redi, 'myth' apo jo, une prisja ndonje marke nga ty Mgjte faleminderit qe u pergjigje.

BebiVogel, kam blere e provuar cdo gje. Efektin e deshiruar s'ma ka dhene asnjera (thua te jete faji im ndoshta?) sa se shpejti mendoj te hap nje 'garage sale' e t'i shes keshtu gjysem te perdorura


Qofshi mire!

[BeBiVoGeL]

Kuqalashe ... me thuaj se po vi una te ble disa ... Kam blere 1 krem edhe ai nuk ben fare ashtu te pakten me duket mua ... ahhh

[Albo]

Nxehtësia dhe uji i detit kuron veshkat dhe tiroidet

Si ta mbrojmë lëkurën nga dielli

Lëkura mbulon gati plotësisht të gjithë trupin tonë. E si e tillë na mbron nga traumat, goditjet, rrezatimet etj. Ajo ka funksion termorregullues e frymëmarrës, deri diku. Gjithashtu, lëkura depoziton yndyrnat, vitaminat (vit. D) e ujin. Dielli ndihmon trupin për të prodhuar vitaminën D, e cila nevojitet për të ndërtuar skeletin. Vitamina D ndihmon trupin të marrë kalcium nga zorra.

Djegiet e diellit
Parandaloni kancerin e lëkurës, duke përdorur vajra që përmbajnë faktor mbrojtës ndaj rrezeve UVA dhe UVB. Vëreni produktin me kujdes dhe mos harroni hundën, buzët, veshët dhe këmbët. Përdoreni atë të paktën 30 minuta përpara se të dilni. Përsëriteni pas dy orësh, në rast se bëheni me djersë ose pas notit, si të nevojitet. Përdorni kapele që t'i bëni hije kokës, fytyrës dhe qafës. Mbroni sytë që të parandaloni kataraktet e mundshëm në jetë, duke përdorur syze 99-100% mbrojtje nga rrezet UVA dhe UVB.
Fëmijët poshtë moshës një vjeç duhen mbajtur sa më larg diellit, sepse lëkura e tyre është shumë sensitive. Risku për fëmijët e kësaj moshe që të dehidratoken ose raste të goditjeve nga dielli është shumë i lartë. Mbajini fëmijët në hije të veshur lehtë me rroba që mbulojnë krahët dhe këmbët. Një kapele me vrima është e domosdoshme. Vajrat për të vegjlit nën gjashtë muaj nuk rekomandohen. Disa këshilla të tjera që mund të ndiqen janë: rrezet më dëmtuese janë nga ora 11-16. Mundohuni të qëndroni brenda ose në hije gjatë këtyre orëve. Lëkura dëmtohet në më pak se 15 minuta nga dielli, dhe kjo vihet re plotësisht pas dymbëdhjetë orëve. Retë nuk ju mbrojnë nga efektet e dëmshme të diellit. Kini kujdes nga rëra dhe uji, sepse ato reflektojnë deri në 50% të rrezeve në lëkuren tuaj. Edhe pse mund të jeni në çadër ose në hije, ju duhet të merrni masa të mëtejshme.

Ekspozimi
Dermatologët këshillojnë që nuk duhet të ekspozohemi në diell nga ora 11.00 e deri në orën 16.00, për shkak se në këtë orar rrezet e diellit janë më të dëmshme. Megjithatë, nga sondazhet e bluzave të bardha rezulton se janë shumë pak ata plazhistë që e kufizojnë ekspozimin në diell në këto orare. Po ashtu, gjatë gjithë kohës së banjës së diellit, është i rekomandueshëm përdorimi i kremit sa herë që të futeni në det e të dilni që andej. Specialistët thonë se çdo një orë duhet përsëritur mbulimi me krem solar. Gjithashtu sipas dermatologëve, nuk duhet tepruar me ngjyrën çokollatë të trupit. Plazhi shihet si një mënyrë për të larguar stresin. Të gjithë, sapo hyn stina e verës, mendojmë pushimet në bregdet. Synojmë që nën rrezet e diellit të marrim ngjyrën çokollatë të dëshiruar, edhe pse e dimë që ajo s'është gjë tjetër veçse teprim me qëndrimin në diell. Por, ngjyra çokollatë e trupit është teprim edhe me një pigment kanceroz. Njerëzit që jetojnë dhe punojnë në mjedise të mbyllura gjatë gjithë vitit në verë, në mënyrë të parregullt dhe jograduale, marrin rrezet e forta të një dielli nën temperatura të larta, pa u mbrojtur prej tij. Këta njerëz nuk i bind as fakti shkencor se nxirja është shfaqje e dukshme në lëkurë e një mbidoze rrezesh ultravioletë

Deti
Terapia e detit kuron me sukses mjaft sëmundje dhe lehtëson përparimin e shumë të tjerave. Por nuk duhet abuzuar me dëshirën për banjë dielli, pasi rekomandimi i saj ose jo, mësohet vetëm në kontaktet me mjekun. Dihet që një numër sëmundjesh përkeqësohen dhe për disa të tjera, dielli mund të jetë me pasoja për jetën. E mira është që të bëhen banja ajri në hije dhe në orët e mëngjesit. Banjat e mëngjesit janë të këshillueshme për sëmundjet e kockave dhe muskujve. Banjat e detit kanë veprim pozitiv në shërimin e reumatizmës që ka kaluar fazën e acarimit para 6 - 7 muajsh. Për të tillë të sëmurë këshillohen banja ajri dhe pas një jave banjat e diellit në orët e mëngjesit. Bëhen 15 - 20 seanca të përgjithshme. Mund të bëhen edhe banja dielli të pjesshme, duke zbuluar vetëm kyçet e sëmura në 2 - 3 seanca. Nëse nuk ka prirje për t'u përsëritur sëmundja, përdoren edhe banjat e ujit, por për këtë, i sëmuri duhet ambientuar mirë, duke u lagur me ujë deti disa herë. Temperatura e ujit në fillim duhet të jetë 34 gradë Celsius, pastaj mund të zhytesh në ujë që zbret në 22 gradë.

Keshilla

1- Mbani syze dielli
2- Kremin kundra diellit përdoreni 30 minuta para se të dilni nga shtëpia
3- Evitoni lëvizjet nga ora 11 deri në orën 16
4- Vishuni lehtë, dhe tregoni kujdes për fëmijët deri në moshën 10- vjeçare
5- Fëmijët deri në 6 muaj, nuk duhet të lyhen me vajra plazhi
6- Mbani gjithë kohën ujë mineral me vete (ndihmon në qarkullimin e gjakut)
7- Shtojini menysë së përditshme sa më shumë sallata dhe lëngje
8- Uji i detit bën mirë për gjëndrat tiroide
9- Nxehtësia e verës kuron veshkat

Djegia nga dielli

Banjat për frakturat dhe plagët
Në raste të frakturave ose të plagëve veprojnë mirë banjat e ajrit prej 15 - 20 minutash e deri në dy orë, dy - tri herë në ditë në temperaturën e ajrit 16 - 22 gradë. Banjat e diellit përdoren të pjesshme dhe të përgjithshme. Të pjesshme, kur plagët mbyllen me vështirësi.

Nxehtësia, e dobishme për veshkat
Banjat e diellit veprojnë mbi veshkat. Krahas me zgjerimin e enëve të gjakut të lëkurës, zgjerohen edhe enët e gjakut në veshka. Nëse shtohet djersitja në lëkurë, nuk ka ndonjë ndryshim në funksionin e veshkave, por kur nuk shtohet djersa, banjat e diellit shkaktojnë rritjen e punës së veshkave.

Tiroidet, si kurohen ne pyje dhe bregdet
Sëmundjet e këtyre gjëndrave janë të lidhura me funksionin e prishur të tyre nga shumë faktorë. Sëmundja që do mjekim klimaterik është tireotoksikoza e gradës së mesme dhe të rëndë, por pa çrregullime të thella. Kanë efekt të mirë vendet klimaterike në pyje dhe bregdet.

Përgaiti: Blerina KACA

[el7]

Aldo pse na fut friken kot ,faleminderit per keshillat

[Albo]

Rregullat dhe frutat që duhet të kihen parasysh gjatë pushimeve

Kremi i plazhit, si ta zgjedhim

Po afron stina e plazhit, zhytjet në ujë dhe banjat e diellit: më së fundi erdhën pushimet! Të gjithë pyesin se si duhet të zgjedhim dhe përdorim kremin e plazhit (solarin). Rregulli është që kremi i plazhit duhet përdorur nga të gjithë derisa lëkura të mos jetë e pigmentuar dhe melanina kërkon të paktën 3-4 ditë që të prodhohet nga organizmi. Më vonë faktori mbrojtës mund të zvogëlohet gradualisht sipas tipit të lëkurës. Përsa i përket formulimit të solarëve, që janë mbrojtës apo vetëm hidratantë, duhet të zgjidhen në varësi të lëkurës. Sa më e yndyrshme, aq më pak i këshillueshëm lloji vajor. E rëndësishme është se verifikohet nëse produkti i reziston ujit. Në rast të kundërt aplikimi i tij duhet bërë pas çudo larje ose shpesh edhe nëse djersitemi shumë.

Si përdoret:
Rregulli i më poshtëm vlen për të gjithë.
Solari duhet përhapur në të gjithë trupin uniform, duke u përqendruar në zona të vogla (nuk duhet harruar asnjë centimetër lëkure), sidomos ata klasikët, pas gjunjëve, këmbët dhe veshët. Gjëja më e rëndësishme është që ta aplikojmë 20 minuta para ekspozimit në diell. Vetëm kur produkti është përthithur plotësisht nga lëkura mund të vishemi e të shkojmë në plazh. Kur flitet për ngjyrën e këndshme të plazhit mendohet gjithmonë për karotat. Pra për të qenë me saktë, për betakarotinën. Në realitet të rrisësh sasinë e konsumit të betakarotinës nuk ngre nivelin e prodhimit të melanisë (pra të ngjyrës çokollatë), thjesht i jep lëkurës një ngjyrë portokall të mbyllur, paksa të ngjashme me ngjyrën e plazhit, por nuk është e njëjta.

Ekspozimi
Dermatologët këshillojnë që nuk duhet të ekspozohemi në diell nga ora 11.00 e deri në orën 16.00, për shkak se në këtë orar rrezet e diellit janë më të dëmshme. Megjithatë, nga sondazhet e bluzave të bardha rezulton se janë shumë pak ata plazhistë që e kufizojnë ekspozimin në diell në këto orare. Po ashtu, gjatë gjithë kohës së banjës së diellit është i rekomandueshëm përdorimi i kremit sa herë që të futeni në det e të dilni që andej. Specialistët thonë se çdo një orë duhet përsëritur mbulimi me krem solar. Plazhi shihet si një mënyrë për të larguar stresin. Të gjithë, sapo hyn stina e verës mendojmë pushimet në bregdet. Synojmë që nën rrezet e diellit të marrim ngjyrën çokollatë të dëshiruar, edhe pse e dimë që ajo s'është gjë tjetër veçse teprim me qëndrimin në diell. Por ngjyra çokollatë e trupit është teprim edhe me një pigment kanceroz. Njerëzit që jetojnë dhe punojnë në mjedise të mbyllura gjatë gjithë vitit, në verë, në mënyrë të parregullt dhe jograduale, marrin rrezet e forta të një dielli në temperatura të larta, pa u mbrojtur prej tij. Këta njerëz nuk i bind as fakti shkencor se nxirja është shfaqje e dukshme në lëkurë e një mbidoze rrezesh ultravioletë.

Pasojat e plazhit
Njolla, myk, quka, djegie të thella, dehidratim, por edhe skuqje, infektim janë disa nga "pasojat" e plazhit. Më të ndjeshëm ndaj këtyre janë fëmijët e vegjël, gratë dhe të rinjtë. Lëkura dhe organizmi në njëfarë mënyre janë të rrezikuar nga dielli. Pas plazhit shfaqet tharja e lëkurës dhe të tjera probleme që shkojnë deri në infeksione serioze, si të mykut mbi lëkurë etj. Problem serioz për plazhistët dhe njerëzit që ekspozohen ndaj rrezeve të diellit janë djegiet e lëkurës. Ato nuk mund të shmangen ndryshe, përveç se me anë të përdorimit të solarëve, me mbrojtës me filtër të lartë, si edhe duke mos u ekspozuar në diell pas orës 10.00.

Keshilla per kremin

1- Kremi i plazhit duhet të përdoret 20 minuta para se të shkojmë në det
2- Solari duhet të përdoret sa herë të dilni nga deti
3- Kremi dhe solari i plazhit duhet të jetë me karota
Si ta ruajmë ngjyrën e plazhit
1- Evitoni të laheni me ujë të ngrohtë që e zbut shtresën sipërfaqësore të lëkurës duke e lagur atë
2- Mos përdorni për pak kohë pastrues shumë të fuqishëm. Më pas mund të kërkoni ta riformoni ngjyrën:
3- Aplikoni në fytyrë një maskë të realizuar me çaj të errët (dy paketa për gjysmë litri ujë). Aplikojeni me anë të një pambuku dhe mos e shpëlani.
4- Aplikoni në trup një maskë të përbërë nga 4 karota

Plazhi

Krem hidratues pas plazhit
Është e këshillueshme që pas plazhit të përdoren kremra hidratues "pas diellit" për lëkurën, pasi nga plazhi lëkura thahet jashtë mase. Në raste djegiesh të thella rekomandohen edhe preparate në formë xheli. As qëndrimi nën çadër nuk të mbron nga dielli, pasi edhe rëra, edhe gurët rrezatojnë.

Nishanet, dëmtohen nga rrezet e diellit
Probleme shkakton rrezatimi diellor edhe te nishanet mbi lëkurë. Njëlloj ndodh me njollat dhe qukat, prej të cilave ankohen shumica e njerëzve që vuajnë nga shfaqja me tepri e pullave të bardha mbi lëkurë, pa pigment. Zakonisht për mykun dhe njollat rekomandohen preparate me ekstrakte bimore.

Këshillat pas ekspozimit në plazh
Pas çdo banje në det ose në pishinë trupi duhet të shpëlahet me ujë të pastër. Pas shfaqjes së mykut mbi lëkurë duhet të ndërpritet plazhi dhe të niset kura. Në raste djegiesh jo të lehta duhen përdorur antibiotikë dhe xhel "pas diellit" Për njollat dhe qukat duhet të përdoret mbrojtësi me filtër maksimal.

[Davius]

Organizata Botërore e Shëndetësisë ka paralajmëruar se rreth 60 mijë vetë vdesin çdo vit nga dielli i tepërt. "Shumica e vdekjeve janë të lidhura me kancerin e lëkurës të shkaktuar nga qëndrimi i tepërt në rrezet e dëmshme ultraviolet ," thotë OBSH.

OBSH thotë se masa të thjeshta si mbulimi i trupit gjatë qëndrimit në diell mund të shkurtojë shumë numrin e vdekjeve. Gjithashtu OBSH këshillon që njerëzit të shkurtojnë kohën e qëndrimit në diell, që të veshin rroba mbrojtëse, përfshirë kapele dhe syze dielli si dhe të përdorin krem mbrojtës nga dielli i fuqishëm me minimum 15 + .

Të gjithë janë të ekspozuar ndaj rrezatimit ultraviolet nga dielli. Sasi të vogla të këtij rrezatimi janë të shëndetshme dhe luajnë një rol themelor në prodhimin e vitaminës D. Megjithatë, sasi të tepërta të këtij rrezatimi shkaktojnë probleme të shumta shëndetësore që mund të çojnë edhe në vdekje.

1. Sa real e vlerësoni ju se është ky rrezik?
   
2. A e dini se si duhet të ruheni nga rreziku nga dielli?
   
3. Sa orë kaloni në diell kur jeni në plazh?