Spartaku, i vetem perball KGB-se socialiste.

[erzeni]

Spartak Ngjela prej disa ditesh po ndeshet me Mafien Socialiste.
Ai po guxon te perballet me SHISH-in e Fatos Klosit por nuk qenka e lehte.
Mobilizimi i rrufeshem i Hajdutve te llojit FINO, te Trafikanteve te llojit Braho, te kryebanditve te llojit Zabit Broka etj po tregon tmerrin qe i ka kapur keta dinosaure staliniste nga nji nderhyrje e lehte vetem siperfaqsore e Deputetit dhe ish te burgosurit politik, Spartak Ngjeles, ne Shpellat e erreta te PPSH-se.


Spiunet jane alarmuar. Me pretekse te dala boje ata po mbrojne mocalisht mocalin e tyre te qelbur.



.........

rd
.......
Drejtori i SHISH i kërkon Komisionit "Ngjela" të mos preket dokumentacioni

Myftari: Nuk i tregoj spiunët e medias

Ballafaqimi i drejtorit të Shërbimit Informativ Shtetëror, Petrit Myftari, me anëtarët e komisionit të posaçëm parlamentar për hetimin e shkeljeve në shërbimet sekrete, menjëherë pas mediatizimit të asaj që në shtyp u quajt "Dosja Xhoana", ka kaluar me një klimë të ndezur e me një ridimensionim të punës së deritanishme të komisionit. Myftari ka kërkuar që gjatë ditëve të mbetura të punës së komisionit të kihet parasysh që shqyrtimi i dosjeve të mos detajohej deri tek informatorët e thjeshtë, por të mjaftohej me vlerësimin e përgjithshëm për rolin që këto dosje kishin luajtur në trafiqe e krime të ndryshme apo edhe në vrasje të karakterit shtetëror. Kryetari i këtij komisioni, Spartak Ngjela, konfirmoi dje se drejtori i SHISH-it kishte shfaqur shqetësimin e tij lidhur me respektimin e një sërë çështjesh e problematikash, të cilat duhet të mbeteshin të shërbimit. Në mbledhje mësohet se polemika ka sjellë kërkesa për deklarimin para komisionit të emrave të gazetarëve dhe politikanëve, bashkëpunëtorë të SHISH-it. Myftari ka mbrojtur të drejtën e sekretit për ata që ai i ka quajtur "informatorë të thjeshtë të shërbimit", duke kërkuar mbrojtjen e tyre më ligj, por edhe nga hetimi i parlamentarëve të komisionit "Ngjela". Burime nga mbledhja e djeshme bënë të ditur se Myftari kishte deklaruar se, "nëse i kërkohej me insistim vijimi i hetimeve edhe për këtë kategori të informatorëve", ai paralajmëronte se do të jepte dorëheqjen. Çështja e informatorëve të SHISH-it në media mori një rëndësi të posaçme pas transmetimit të një emisioni televiziv për lidhjet e hamendësuara të Xhoana Nanos me shërbimin sekret grek si dhe për përfshirjen e mediave në luftën për mbrojtjen e ish-drejtorit të SHISH. "Nuk ka dosje për Xhoana Nano", deklaroi Drejtori i komanduar i SHISH-it, Petrit Myftari, ndërkohë që ka kërkuar trajtimin e gazetarëve që kanë marrëdhënie me Shërbimin Informativ Shtetëror, si të gjithë informatorët e thjeshtë të këtij shërbimi. Kryetari i komisionit, Ngjela, deklaroi pas mbledhjes së ishte gjetur mirëkuptim me Myftarin për vijimin e punës deri në përpilimin e relacionit përfundimtar të komisionit, megjithatë anëtarët socialistë u shprehën të sigurtë dje se do të mbroheshin me çdo kusht të rekrutuarit e shërbimit të Klosit në mediat e vendit.

IIir Nikolla



Dy ditë votim për të thirrur Meidanin për dëshmi

Megjithë krizën që është shfaqur në radhët e anëtarëve socialistë të Komisionit për hetimin e implikimit të strukturave të SHISH-it si dhe të vetë ish-drejtorit Fatos Klosi në trafiqe e vrasje politike, ata kanë qëndruar për dy ditë të bashkuar përballë kërkesës për të thirrur në komision për të dëshmuar ish-presidentin Rexhep Meidani. Pas dështimit të votimit në mbledhjen e dy ditëve më parë, për shkak të numrit të barabartë të votave, dje socialistët kanë refuzuar në unanimitet, e këtë radhë edhe me votën e anëtarit që mungoi në votimin e kaluar, kërkesën për të thirrur Meidanin në komision, lidhur me dhënien e informacionit për rolin e luajtur nga Klosi e SHISH-i në vrasjen e 12 shtatorit e ngjarjet që rodhën më pas, por edhe në përgjithësi për marrëdhëniet e tij të ngushta me shërbimin sekret shqiptar. Fino e Bizhga kanë këmbëngulur se ish-presidenti nuk ishte përgjegjës për veprimet që bënte,
......



Gazeta shqiptare turfullon:

.............


"Nxjerrja e emrave shkatërron shërbimin"

Brokaj: Mund të kërkojmë sërish ndihmën e sigurimsave


--------------------------------------------------------------------------------

TIRANE

"Po shkohet drejt shkatërrimit të Shërbimit Informativ Shtetëror. Duhet të ndalet dalja e sekreteve shtetërore nga ky shërbim, sepse dëmtohet i gjithë shteti", kështu thotë deputeti Sabit Brokaj. Ish-këshilltari i ish-presidentit Meidani thotë se rrezikon që shërbimi sekret të shkatërrohet siç ndodhi në vitin 1992 dhe 1997. "Nga ky shkatërrim që ndodhi në atë kohë u shfrytëzua shumë nga shërbimet e huaja si UDB-ja (shërbimi sekret jugosllav) që infiltroi agjentët e vet. Mesa di unë, në '97-ën, '98-ë, dhe '99-ë u detyruam që të thërrisnim specialistët e vjetër të Sigurimit të shtetit që kishin përvojë në luftën kundër shërbimeve të huaja, që të përballonim këtë sulm të UDB-së", kështu shprehet me shqetësim deputeti socialist Sabit Brokaj. Në një zë më të dje ishin edhe deputetë të tjerë nga pozita dhe opozita. Bert Çaçi i PS-së thotë se dalja e emrave të agjentëve dhe emrave të koduar të tyre do ishte e rrezikshme. Robert Çeku, deputet i PR-së dhe anëtar i Komisionit hetimor për SHISH-in, thotë të njëjtin shqetësim.


.............

Brokajt qe komandoj bandat ne Shkaterrimin e Shtetit me 97 "i qan" zemra per shtetin.
Kulmi ironise.
-------------------

Koha jone, ku militojne dhjetra spiune eshte trembur dhe sot reagon:

"Shpetoni Sherbimin Sekret
Ja ku jemi; Sherbimi Sekret i Shqiperise, kolona vertebrale e funksionimit te nje shteti, eshte sot nje institucion krejt vulnerabel. Nuk ka sot asnje emocion ne te diskutuarit e ketyre problemeve delikate, kur flitet per SHISH, dosje, spiune, bashkepunetore. Duket njesoj si te permendesh hallet e Bashkise se Librazhdit.

Koha Jone, ka sot nje raport te dhimbshem. Disa prej pretendenteve per te drejtuar kete institucion, nuk pranojne me te jene ne gare. Ata kane frike se do ta pesojne si paraardhesi, se do te perfundojne nen lupen Ngjela, se do te behen objekt kamerash e emisionesh pa fund, se do te katandisen si mos me keq, te mos kene mundesi te kapercejne as Tiranen, nese e marrin kete detyre.

Sigurisht, askush nuk eshte kunder kontrollit te aktivitetit te ketij institucione. Madje, lypset mbikqyrje e rrepte. Por nga institucionet e duhura, nga komisionet e pershtatshme dhe nga njerez dinjitoze.

Aktualisht, disa anetare te komisionit te hetimit te aktivitetit te SHISH qe mesaduket kane nje kuptim tjeter per sekretin shteteror po abuzojne me ato qe po mesojne ne punen e tyre dhe krejt te eksituar nga ato qe marrin vesh dalin ne publik dhe i thone te gjithe fije e per pe. Keta anetare akoma pa u mbyllur seanca e komisionit nxjerrin kryet para 10 televizioneve dhe tregojne se cfare u zbulua sot. Nga ana tjeter, transkripte te bisedimeve konfidenciale te bera brenda ne komision shihen te botuara ne gazete pa kaluar as 12 ore.

Ky nuk eshte pra Sherbimi Sekret i nje shteti te konsoliduar. Ky eshte nje teater absurd ne Republiken e Bananeve. Kjo komedi duhet te mbaroje sa me shpejt ne kohen kur eshte kerese e dites ndertimi dhe forcimi i institucioneve. Keshtu sic po veprohet, institucioni krucial i shtetit po peson nje kundravajtje qe do te kerkohe shume kohe te rigjenerohet.

"KJ"
..................

Pra pa autor shkrimi Kohes tone. Nikoll Lesi pra vet zbulohet.
----------------------------

Zeri popullit kerkon ndihme nga fallcifikatori e terroristi Braho:

.......

BRAHO COPTON ligjerisht Ngjelen shkruan ZP.

tirane- Kuvendi i Shqipërisë me vendim nr. 52 datë 31.07.2002 ka ngritur Komisionin Hetimor Parlamentar me objekt hetimin e kushtetushmërisë dhe ligjshmërisë së veprimtarisë së SHISH dhe të drejtorit të tij zotit Fatos Klosin, e mënyrë të veçantë të akuzave të ngritura në debatin me Kryeministrin në datë 2.5.2002

Siç dihet K.H.P, ngrihen për të hetuar çështje të veçanta sipas nenit përcaktimeve të nenit 77/2 të Kushtetutës.

Po në bazë të nenit 4/1 të ligjit "Për organizimin dhe funksionimin e komisioneve hetimore të kuvendit", përcaktohet se KHP ngrihen dhe funksionojnë mbi bazën e parimeve kushtetuese dhe rregullave të përcaktuara në ligj.

Gjykuar nga veprimtaria e deritanishme e KHP si dhe të zhvillimeve që kanë ndodhur kohët e fundit e që lidhen me qëndrime ndaj veprimtarisë së SHISH në përgjegjësi dhe të Drejtorit të saj në veçanti të cilat kanë qënë objekt i hetimeve parlamentare, mendoj se KHP duhet të pushojë veprimtarinë e tij hetimore për këto arsye:

1. Objekt i hetimit parlamentar nga Komisioni i ngritur janë: A) kushtetueshmëria dhe ligjshmëria e veprimtarisë së SHISH dhe Drejtorit të tij bazuar në akuzat e ngritura në debatin parlamentar të muajit prill me Kryeministrin Majko, debat në përfundim të të cilit nuk u miratuan nga kuvendi akuzat dhe kërkesat për shkarkimin e Drejtorit Klosi. Megjithëse Komisioni Hetimore Parlamentar në objektin e hetimit të tij ka tejkaluar përcaktimin që i bën Kushtetuta (neni 77 pika 2) e që lidhet vetëm me Hetimin e çështjeve të veçanta dhe jo me veprimtarinë në tërësi të një organi, tashmë ndodhemi përpara rrethanave të reja që kanë konsumuar objektin e hetimit, të rekomandimeve dhe përfundimeve që duhet të arrijë komisioni i hetimit parlamentar.

Siç dihet Komisioni u konstitua në muajin 30 korrik 2002 dhe filloi punë me datë 2 shtator, ndërkohë që në datë 7.8 2002 Drejtori i SHISH u shkarkua nga Presidenti mbi bazën e propozimit të bërë nga kryeministri pa pritur përfundimet e hetimit të komisionit.

Komisioni Hetimor Parlamentar ka vazhduar punë gjatë muajit shtator e në vazhdim por siç jeni në dijeni në datën 9.10.2002 Kryeministri i është drejtuar organit të Prokurorisë dhe ka bërë me dijeni edhe komisionin për kërkesën për procedimin penal të Drejtorit të SHISH-it për shkeljet që ai ka konstatuar në veprimtarinë e tij të rezultuara nga kontrolli që Kryeministri ka ushtruar ndërmjet përfaqësuesve të tij në veprimtarinë ekonomiko-financiare të SHISH-it. Kjo do të thotë që tashmë që Drejtori dhe disa titullarë të tjerë të SHISH-it janë shkarkuar, dhe se vetë Drejtori është bërë objekt i hetimit nga organi i prokurorisë i cili në bazë të nenit 148 pika 1 të Kushtetutës është organi kompetent i ngarkuar me ligj të kryejë hetime të mirëfillta, të detajuara, të ngrejë akuzë e të penalizojë subjektet e proceduara, janë konsumuar të gjitha masat. Po ashtu ka rëndësi të kuptohet se këto hetime nuk mund të kryejë një komision hetimor me karakter politik. Në këto rrethana veprimtaria e Komisionit Hetimor Parlamentar nuk mund të justifikohet për të nxjerrë në përfundim të hetimit, konkluzione e rekomandime për masa administrative apo penale, siç përcakton neni 4, pika 5 e ligjit "Për organizimin dhe funksionimin e Komisioneve Hetimore Parlamentare", përpara se këto të fundit të konsumoheshin nga organe eprore të SHISH-it, në rastin konkret kryeministri. Në kushtet kur kryeministri ka konsumuar masat administrative dhe ka bërë denoncimin për procedimin penal, vazhdimi i hetimit nga Komisioni do të krijonte dublim, mbivendosje dhe përplasje midis institucioneve.

4. Gjykoj se Kuvendi i Shqipërisë, lidhur me veprimtarinë e SHISH-it dhe Drejtorit të tij duhet të njihet, vetëm pasi organi i Prokurorisë të përfundojë hetimin dhe shqyrtimin sepse hetimet në mënyrë paralele të cilat organi i Prokurorisë pas denoncimit është i detyruar ti fillojë, jo vetëm nuk janë të bazuara në ligj, por ato mund të çojnë edhe në përfundime kontradiktore e përplasje midis Prokurorisë dhe Komisionit Hetimor Parlamentar.

5. Së fundi siç dihet veprimtaria e SHISH është veprimtari specifike dhe mjaft delikate që kërkon kujdes të veçantë në hetim, të cilat lidhen me njohjen dhe zbatimin rigoroz të akteve që normojnë veprimtarinë e tij, të cilat në shumicën e rasteve janë sekrete e nuk duhet të bëhen objekt i diskutimeve publike, pasi prekin interesa të sigurisë kombëtare etj. Rasti negativ - kur Komisioni H.P. tejkaloi kompetencat e tij, madje shkeli ligjin, kur z. Ngjela - paraqiti kërkesa që prekin rëndë sekretin shtetëror dhe statusin e veprimtarisë së organit të SHISH-it, është një tjetër argument që preçizon se është vetëm organi i Prokurorisë ai që mund të kryejë hetime deri në detaje lidhur me veprimtarinë e SHISH-it dhe drejtuesve të tij, e që përgjigjet para ligjit për ruajtjen e sekreteve të hetimit.

Pra, për argumentat e mësipërme të cilat janë të bazuara në Kushtetutë dhe në ligj gjykoj se Kuvendi i Shqipërisë duhet të pushojë veprimtarinë e Komisionit Hetimor Parlamentar sepse vazhdimi mëtejshëm siç po rezulton është jo vetëm i pa bazuar por edhe i dëmshëm dhe po synohet të kthehet në një instrument politik e propagandistik.

Kryetar i Komisionit ligjeve dhe çështjeve kushtetuese

Spartak Braho


----------------------------
Beteja vazhdon


shekulli
---------

Pas Ngjelës, dje, Edi Paloka ka kërkuar leje për të hapur dosjet e gazetarëve dhe të politikanëve të survejuar


Paloka: Do të hyj në arkivin e SHISH-it


"I kam dërguar shkresë Myftarit për të hyrë në arkiv për shqyrtuar se a ka politikanë dhe gazetarë të përndjekur


TIRANË - Edi Paloka dërgoi dje një kërkesë zyrtare pranë drejtorit të komanduar, Petrit Myftari, për të hyrë në arkivin e Shërbimit Informativ Shtetëror për të verifikikuar se a i ka përgjuar, survejuar dhe përndjekur politikanët shqiptarë gjatë viteve të fundit Shërbimi Sekret. Këtë e bëri të ditur vetë Paloka, i cili theksoi: "I kam dërguar shkresë Petrit Myftarit për të hyrë në arkivin e këtij institucioni dhe për shqyrtuar çështjen a ka politikanë, deputetë dhe gazetarë të përndjekur". Kërkesa e Palokës për të hetuar në arkivin e SHISH-it është e dyta e këtij lloji që bëhet në drejtim të këtij institucioni. Kërkesa e parë është bërë nga Ngjela, i cili i kërkon drejtorit Myftari të informojë nëse janë zbatuar procedurat ligjore për ndjekjen apo rekrutimin e politikanëve, gazetarëve gjatë viteve 1997-2002. Kërkesa e Ngjelës ka qenë e tillë: "A ka qeveritarë, deputetë, funksionarë të lartë të partive politike, parlamentarë (kryetarë, nënkryetarë apo sekretarë të përgjithshëm) dhe gazetarë të mediave kryesore (radiotelevizionet dhe gazetat) të cilët janë ndjekur apo vënë në shërbim të SHISH-it?". Myftari nuk i është përgjigjur kësaj kërkese, duke "kërcënuar" me dorëheqjen e tij, nëse komisioni parlamentar hetimor do të vazhdojë në "këtë rrugë" dhe t'i kërkojë atij informacione të hollësishme dhe emrat e informatorëve. Por Paloka shton se Myftarit nuk i është kërkuar të japë "burimin e informacionit", por vetëm procedurat si janë ndjekur politikanët dhe gazetarët".
Kërkesa e tij bëhet mënjëherë pas zhurmës që u bë në këtë komision dhe mes dy forcave më të mëdha politike për çështjen e tejkalimit të kompetencave. Ndërsa socialistët i kërkojnë Ngjelës të mos shkojë më tej me hetimet brenda në SHISH, demokratët bëjnë të ditur se nuk ka asnjë tejkalim kompetencash në punën e komisionit hetimor. Paloka e sqaron se kërkesa e tij nuk ka asnjë tejkalim kompetencash, ajo mbështetet në qëllimin për të cilin është ngritur komisioni, qëllim të cilin e ka votuar edhe Parlamenti i Shqipërisë. Rreth faktit nëse kërkesa e tij për të hyrë në arkivin e SHISH-it është miratuar nga anëtarët e tjerë të komisionit, ai përgjigjet: "Kërkesat nuk kanë nevojë të miratohen në komision, ai vihet vetëm në dijeni për këtë kërkesë". Por Gazmir Bizhga, anëtar i komisionit hetimor, bëri të ditur dje se nuk ishte në dijeni të kësaj kërkese. "Përgjimet nuk përbëjnë objekt hetimi dhe kjo kërkesë është shkelje e kompetencave, pasi edhe vetë SHISH-i nuk ka pasur objekt në vetvete përgjimet e politikanëve, deputetëve dhe gazetarëve",- u shpreh dje Bizhga. Ndërsa Paloka thekson se ai do të hyjë sa më shpejt në arkivin e SHISH-it dhe do të hetojë mes dosjeve, emrat e atyre politikanëve, deputetëve dhe gazetarëve, si të medias së shkruar dhe asaj elektronike, të cilët janë përgjuar në kundërshtim me ligjin e përgjimeve. Sipas tij, e gjithë zhurma e këtyre ditëve, e ngritur nga socialistët, bëhet thjesht për të penguar punën e këtij komisioni. Madje bën të ditur se kërkesa e tij është shumë e mbështetur në ligj, pasi një nga qëllimet e këtij komisioni janë marrëdhëniet e politikës me SHISH-in dhe anasjelltas. "Duke qenë ky një objekt mjaft i gjerë hetimi, përfshin edhe shqyrtimin e dosjeve e përgjimit, përndjekjes së politikanëve apo dhe gazetarëve të ndryshëm",- shprehet Paloka. Më tej, ai bëri të ditur se askush nuk ka të drejtë të mbyllë apo të pengojë punën e këtij komisioni, i cili është ngritur mbi bazën e Kushtetutës dhe funksionon mbi ligjin e miratuar nga Parlamenti shqiptar.
Gilmana Bushati

.................................



RD
.........
PS kërkon bllokimin me çdo kusht të hetimeve parlamentare ndaj Klosit

Fino kërkon ndërrimin e socialistëve që hetojnë SHISH

Kërkesa është injoruar nga deputetët e PD në Komisionin Hetimor, por këmbëngulja e klaneve të caktuara në PS synon të sjellë si rrjedhojë edhe pezullimin e hetimeve

Nënkryetari i Komisionit Parlamentar për Hetimin e Shkeljeve në SHISH, deputeti socialist Bashkim Fino, ka kërkuar dje që të ndërrohen përfaqësuesit e PS-së në këtë komision. Sipas burimeve nga sekretariati i PS-së, ndërrimet kryhen për të pasqyruar më mirë në komision ekuilibrat e reja në PS-së. Të njëjtat burime vlerësojnë si shkak për këtë masë drastike të drejtuesve të partisë më të madhe në mazhorancën e legjislativit të tanishëm, përdorimin e kërkesës së Ngjelës për kapital politik brenda strukturave të PS-së. Zëvendësuesit mësohen se janë deputetë që nuk janë shquar për qëndrime skifterësh në kohët e përplasjeve në gjirin e PS-së, por që janë të besueshëm për të përmbushur detyrën e vënë nga Kryesia e PS-së, atë të neutralizimit të atyre hetimeve që mund të paraqesin pasoja për investiturën qeverisëse të Fatos Nanos. Kërkesa është injoruar nga anëtarët opozitarë në Komisionin Hetimor, por duket se këmbëngulja e klaneve të caktuara në PS synon të sjellë si rrjedhojë edhe pezullimin e hetimeve, derisa Kuvendi i Shqipërisë të homologojë një vendim të ri lidhur me përbërjen e këtij komisioni. Një burim nga Kryesia e PS-së i deklaroi "RD"-së se pezullimi i punimeve të komisionit, edhe pse koha e mandatuar nga parlamenti ishte deri në fund të muajit, synonte sabotimin e disa seancave të rëndësishme të dëshmive në komision, siç ishte ajo e deponimeve të Klosit apo e denoncimit të kryetarit të PD-së, Sali Berisha.

Ilir Nikolla
..........................
Berisha:
Kryetari i PD-së propozon një ligj për ristrukturimin e SHISH-it

Me paratë e SHISH, Klosi bleu trojet e VEFA-s

Berisha: "Klosi ka qenë një shtyllë kryesore e krimit të organizuar dhe krimit politik në Shqipëri, por kupola drejtuese e kësaj veprimtarie gjendet gjetiu"

Lideri demokrat Sali Berisha ka propozuar hartimin e një ligji për ristrukturimin e SHISH-it si dhe ndalimin e ripunësimit në këtë shërbim të ish-oficerëve të Sigurimit të Shtetit. Këto komente, Berisha i bëri dje vetëm pak çaste para nisjes për në Lisbonë, ku do të marrë pjesë në dy veprimtari të të djathtëve europianë. Shefi i opozitës u shpreh për vazhdimin e Komisionit "Ngjela", duke e vlerësuar punën e tij të vleshme dhe brenda ligjit. Berisha siguroi se të martën e ardhme do të dëshmonte para këtij Komisioni Hetimor, siç tha ai, «për hir të transparencës».

Kryetari i PD-së, Sali Berisha, duke iu përgjigjur interesimit të gazetarëve për çështjen "Xhoana" u tha atyre se, "kjo çështje nuk më përket mua" dhe se "po bëhen manipulime mediatike apo të nëndheshme për qëllime të caktuara politike. Zoti Berisha ripërsëriti qëndrimin e PD-së ndaj ish-kreut të SHISH-it, duke kërkuar edhe më tej që ai dhe bashkëpunëtorët e tij të përgjigjen para ligjit.



- Keni shprehur vullnetin për të dëshmuar në Komisionin e SHISH-it, për çfarë bëhet fjalë konkretisht?



Unë ju ftoj ju që të keni durim dhe ajo do të jetë një dëshmi e hapur. Ju do të njiheni gjatë dëshmisë time aty, me të gjitha problemet që kam ngritur për këtë shërbim. Shpresoj që edhe Komisioni Hetimor të ketë bërë një punë serioze në verifikimin dhe dokumentimin e tyre.



- A mendoni se i ka kaluar kompetencat Komisioni "Ngjela"?



Absolutisht nuk i ka tejkaluar kompetencat. Komisioni ka bërë një punë të admirueshme dhe një punë, e cila i ka shërbyer shumë çështjes së sigurisë në vend. Natyrisht, problemi i shërbimit të fshehtë është një problem madhor për vendin. Është e domosdoshme që ligji i këtij shërbimi të ketë ritakime, sepse e ka shndërruar këtë shërbim totalisht në pushtet të një njeriu, i cili emëron aty nga portieri, deri tek drejtorët më të rëndësishëm, çka nuk ndodh askund në botën demokratike. Duhet që ligji të ndalojë veprimtaritë kriminale dhe të pista të shërbimit.

Siç e ngrita edhe dje, por që ju për çudi nuk e pasqyruat, rikthimi i punonjësve të sigurimit të shtetit në punë është në kundërshtim flagrant me rezolutat e KE, që në fakt e detyrojnë Shqipërinë dhe çdo vend anëtar të tij që të mos ripunësojnë në të njëjtën punë anëtarët e policisë sekrete, të cilët janë hequr për shkak se kanë përdorur metoda jo njerëzore në punët e tyre, pra edhe ky është një moment i rëndësishëm për të patur një shërbim të fshehtë efiçent, të respektuar, të nderuar, që vepron mbi bazën e ligjit.



- Një koment ju lutem për rastin Xhoana?



Mendoj se po bëhen manipulime mediatike apo të nëndheshme për qëllime të caktuara politike. Këto çështje nuk më përkasin mua dhe unë nuk merrem me to. Unë nuk jam anëtar i Komisionit Hetimor dhe për këtë unë nuk di se cila është veprimtaria e komisionit. Ju duhet të pyesni anëtarët e komisionit.



- Zoti Berisha, ndryshimin e ligjit për SHISH-in do ta propozoni ju si parti apo komisioni "Ngjela"?



Kjo është për t’u diskutuar. Natyrisht, nuk është vetëm vendosja e Klosit para ligjit dhe e bashkëpunëtorëve të Klosit, sepse Klosi nuk i ka kryer i vetëm ato krime ku përfshihen dhe vrasje. Ai më shumë i ka porositur. Ai nuk ka blerë trojet e VEFA-s me paratë e shërbimit të fshehtë pa dijeninë e bashkëpunëtorëve të tij dhe pa ndihmën e tyre. Abuzimet e tij janë të jashtëzakonshme, por edhe ligji duhet të jetë i atillë që të mos lejojë më këto abuzime.



- Zoti Berisha, ju po flisni për bashkëpunëtorë në SHISH apo në politikë?



Edhe më parë e kam theksuar se Klosi ka qenë padiskutim një shtyllë kryesore e krimit të organizuar dhe krimit politik në Shqipëri, por kupola drejtuese e kësaj veprimtarie gjendet gjetiu.



- Domethënë në politikë?



Sigurisht.



- Cila do të jetë veprimtaria e ardhshme e komisionit?



Se cila do të jetë veprimtaria e komisionit, nuk më takon mua që ta komentoj. Komisioni po funksionon mbi bazën e një ligji të parlamentit dhe unë jam tërësisht i gatshëm për të dëshmuar para tij. Por unë nuk merrem me kërkesat e komisionit, megjithatë ai po funksionon, po mblidhet rregullisht dhe mbi bazën e ligjit.



- Zoti Berisha, a keni menduar lidhur me mandatin e këtij komisioni?



Unë nuk jam anëtar komisioni, kjo është një çështje e vetë komisionit. Në qoftë se jam i gatshëm që për hir të transparencës të dëshmoj në këtë komision, kjo nuk do të thotë të shkoj më tutje se dëshmia ime.

Përgatiti: M. Buçpapaj
-------------------------------






.................................................. ...........................................


Pse tremben "gazetaret" dhe "politikanet" nga Tak NGJELA????

C'behet ne Shqiperi?

[ganoid]

duhet pak kujdes ne keto pune mor djale se ajo qe po ben ngjela vertet qe eshte nje pune e madhe po ka ca kufinj qe sduhen kaluar
ma do mendja se e di mire qe ngjela kerkon te fut njerzit ne vellavrasje me kete qe po ben pasi kushdo e di qe puna e shishit keshtu eshte ka edhe viktima dhe kjo sme duket ide e mire

[Brari]

Nuk eshte e vertete o marigo lonora se Ngjela do vllavrasje por e kunderta ..se kerkon ti jepet fund nji instrumenti mafioz vllavrases 60 vjecar ne Shqiperi.

Keshtu vajz e mbare..
Kete ke mesuar ti ne Pragen e Havelit..qe te bej qejf KEXHEBIJA edhe 100 vjet te tjera??
Qe nji pale vetem te vrasin e presin sipas qenefit e te tjeret te kene te drejte vec te han plumba e burgje pa fund??

shum kuq marigoja e Leonores.

[erzeni]

Vazhdon paniku ne KOHA JONE dhe ne Prapavijen e KOHA JONE..

Spiunet po mobilizohen dhe po rrjedh qelbi tyre demagogjik..

Ec Tak Ngjela mos u tremb..


--------------

KJ sot
..................

Maskarada e nje komisioni
Nga Mentor Kikia/

Ne vitin 1996, ish-shefi i Sigurimit te Shtetit u ndje shume ngushte, kur u detyrua te tregonte disa nga te fshehtat qe kishin te benin me organizimin e ish-sherbimit sekret komunist. Nje gjyqtar qe vinte nga Fakulteti i Veterinarise, i quajti oficeret e Sigurimit pulangrenes. Ketu Zylyftar Ramizi u merzit dhe tregoi disa gjera. Si ishte ndertuar Sigurimi, cili mund te titullohej oficer i tij dhe si rekrutoheshin bashkepunetoret. "Njeri, tha ai ka sherbyer per rreth 35 vjet ne disa shtete. Ka levizur me pasaporte amerikane, australiane dhe zelandeze". Te gjithe sa ishin ne sallen e gjyqit kishin heshtur nga fjalimi disaoresh i Zylyftarit, i cili, i bindur se po tregonte disa gjera qe quheshin sekrete ne punen qe kishte bere per disa vite radhazi, ishte lare i teri ne djerse. Pasi mbaroi se foluri dhe merzia me gjykatesin i ra disi, ai i tha avokatit te tij se perse e kishte lejuar te fliste per te tilla gjera. Sigurimi nuk ekzistonte me, ndersa ish-shefi i tij, pas disa ditesh, u denua me vdekje. E, megjithate, sekretin e asaj pune, per te cilen po denohej, ai e cmonte si gjene me te rendesishme.

Sigurimi iku dhe, per fat te mire, arkivat nuk u hapen, duke shmangur keshtu nje katastrofe qe do te vinte nga hakmarrjet e pakontrolluara. Vendin e tij e zuri nje sherbim inteligjent pa pike inteligjence. Ne vitin 1997, pas bastisjes se vendit, ne zyrat e ketij sherbimi, ata qe shkuan atje nuk gjeten as borderote e rrogave. Nisi keshtu themelimi i nje tjeter sherbimi sekret, per fat te mire me civil dhe me larg politikes. Por, pas pese vjetesh aktivitet, kemi serish nje situate tragjike. Fjala shiks vazhdon te jete e urryer, po aq sa fjala sigurims disa vite me pare. Ata qe kane bashkepunuar me sherbimin sekret jane ne ethe. Nje njeri qe ka mandatin e deputetit i jep te drejte vetes te kerkoje llogari dhe te rremoje ne sirtaret e Sherbimit per te mesuar c'te doje. Politika e mbrapshte, ne rastin me te mire, po e mallkon serish punen e atyre qe rendom quhen spiune. Madje, edhe nese guxon te shkruash ne mbrojtje te punes se tyre, quhesh shikas dhe spiun i shitur. Historia e trishte vazhdon. Ajo, qe ne cdo vend te botes eshte nje nga punet me te vleresuara dhe patriotike, ketu eshte serish nje gje e peshtire.

Po, perse po ndodh zhurma me SHISH-in? Perse disa deputeteve u jane dhene celesat per te kontrolluar letrat e sirtareve te nje institucioni qe tani vetem emrin ka sekret? Fatos Klosi eshte zhdukur nga qarkullimi dhe nuk eshte cudi qe ndonje dite te mesojme se ate po e kerkojne per ta arrestuar. Dhe pakkush mund ta besoje se kjo behet per abuzime me faturat e sherbimeve ne rrethe dhe dietave, apo honoraret e bashkepunetoreve, emrat e te cileve po fillojne te botohen ne gazeta. Vete Klosi, dy jave me pare, deklaroi ne nje emision te drejtperdrejte ne Top Channel (edhe ky i akuzuar per kete arsye nga disa qarqe si televizion shiks), se politikanet e kan-_ike sherbimin sekret. Po perse ata i tremben ketij sherbimi? Cfare di ai per ta, cfare ka ne ato sirtare per ta? Perderisa ata i tremben, do te thote se ka nje arsye. Agjentet nuk flasin kurre, pasi ata jane gjithmone askushi, por, nese do te flisnin, te gjithe do te mesonim se ata dine shume fije te levizjes se cigareve dhe mallrave te tjere kontrabande me fitime kolosale (atje ka nje drejtori per krimin ekonomik). Ata dine shume fije te trafikut te droges dhe elemente te tjere te krimit te organizuar, madje, edhe emrat e atyre politikaneve dhe doganiereve qe i merrnin bakshishe UCK-se per te lejuar kalimin ne Portin e Durresit te armeve qe vinin nga Zvicra, ne kohen kur ne Kosove po behej lufte. Dhe keto informacione, sherbimi sekret ia percjell zyrtarisht qeverise. Atje duhet te kete vertet shume gjera qe nuk duhen mesuar, te pakten tani per tani. Ende sot e kesaj dite dalin ne drite dokumente te sherbimit nazist, te cilet publikohen per here te pare. Ne Amerike besojne se CIA ka vrare Presidentin Kenedi, por arkivat nuk hapen. Ndersa zelli i Nanos dhe i Berishes per te mesuar te fshehtat e Sherbimit tone, permes mekanizmit Ngjela, eshte i habitshem.


..............

llogjika e bukur e mafies.. si skane turp spiunet..

[erzeni]

Te shohim kte jave a do bej me shume Zhurme ngjela me Kontrollin e "befasishem" apo shashkat qe hodhi dje Rudina Kokxhunga.


koha jone
--------------

Ngjela: Te henen fillojne suprizat
-Ne debatet e fundit mbi veprimtarine e komisionit parlamentar per hetimin e punes se SHISH, jo vetem qe diskutohet shkarkimi juaj si kryetar i ketij komisioni, por edhe penalizimi. Cili eshte reagimi juaj?

Komisioni i hetimit parlamentar ka mberritur perfundimisht ne nje nga sukseset me te medha ne funksion te demokracise shqiptare. Ata qe cenohen prej tij, natyrisht qe do te bejne zhurme dhe mos e merrni seriozisht zhurmen e njerezve qe nuk njohin shtetin, nuk njohin ligjin dhe nuk kane bere ende deri me sot asgje per kete shtet, per ligjin ne pergjithesi ne Shqiperi dhe asgje per demokracine shqiptare ne funksion te nje demokracie te paster.

-A e konsideroni te perfunduar misionin e ketij komisioni?

Komisioni eshte ngritur me objekt te kerkuar nga opozita. Une sot kam pergezuar grupin e PD dhe opozites, per punen e shkelqyer me sakrifica dhe korrekte, qe ka bere per zbardhjen e enigmave te medha, qe rendojne mbi opoziten Shqiptare.

-Ministri i rendit Luan Rama ka folur mbreme ne nje emision televiziv, per nje takim te Arkanit me ish shefin e SHISH-it Gazidede ne Shkoder ne vitin 1995.A jeni ne dijeni te ketij fakti?

Komisioni yne nuk heton perpara shtatorit te 1997, sepse ka mandat te caktuar nga parlamenti. Ne klasen politike shqiptare, ne pjesen derrmuese te saj ka mangesi ne karapiten e shtetit. Ose nuk e do demokracine ose nuk e njeh. Ose nuk e do shtetin demokratik ose nuk e njeh. Keto jane ceshtje qe i sqaron koha. Komisioni yne ka mandat te kufizuar: shtator '97, kur ka hyre F.Klosi ne kete institucion deri kur eshte shkarkuar Klosi nga ky institucion. Kemi objekt shkeljet kushtetuese, raportin e ketij sherbimi me opoziten, me ceshtjen Hajdari. A ka patur raste kur eshte abuzuar me shtypin? A ka abuzuar me shtypin SHISH-i? A ka rrjedhur informacion ne shtyp per qellimet e SHISh-it? Te gjitha keto ne i kemi hetuar dhe jemi ne konkluzionet tona te sakta. Ne i kemi bere nje sherbim shume te madh demokracise ne Shqiperi, por ju do te degjoni shume gjate hiringut te dites se hene, pasi pa degjuar palet nuk mund te flasesh. Kemi dokumentat shkresore, por nuk kemi ende pergjigjen e paleve. Palet do te vijne te pergjigjen ne hiring, i cili fillon te henen me F.Klosin, te marten eshte Sali Berisha, te merkuren jane kreret, e keshtu me radhe. Kemi kerkuar edhe ish presidentin Mejdani, pavaresisht se nuk na ndalon njeri per ta thirrur, fakti qe krijoi tension tek grupi i socialisteve beri qe ne te terhiqeshim. Por duhet ta dini se do te dalin gjate hiringut shume ceshtje, qe kane te bejne me te.

-Terheqja eshte nje oportunitet qe rrjedh nga marreveshja ose klima?

Jo, terheqja eshte nje paqartesi e ligjit, te cilin do ta rregullojme, gjithmone ne favor te opozites.



-Kur ju shpreheni se rendojne enigma mbi opoziten , c`fare keni parasysh?

Jo enigma mbi opoziten, mbi shpatullat e saj. Enigmat jane keto: vrasja e Azem Hajdarit a ka pasur ndjekje sistematike nga SHISh-i per opoziten? Nese ka patur, te cfare forme jane? Cfare kane dashur te bejne? Si jane organizuar? Ju do te degjoni shkalle-shkalle.

-Perse deklarata e Ministrit te Rendit, Rama, per Arkanin dhe Gazideden, vjen pikerisht ne te njejten kohe, kur publikohen deklaratat e krereve te komisionit?

Ne dokumentat i morem nga SHIK-u i sollem ne zyra, tani i ka pare edhe pala tjeter. Kemi sjelle me pak se 1/3 e atyre qe kemi hulumtuar. Kemi sjelle ato me te cilat ne mendojme se provojme idene tone. Kjo do te ngreje tension natyrisht. Ata qe duan shtetin, qofshin ne maxhorance, qofshin ne opozite duhet te gezohen per faktin qe po i sherbehet shtetit, qe ta kthejme ate ne nje strehe te sigurt per te gjitha palet qe luftojne ne politike. Ata qe nuk e kuptojne kete, natyrisht qe do t'u ngrihet tensioni. Por kohe pas kohe, do ta kuptojne edhe ata. T'i leme ne ujin e tyre, te notojne si te duan.

-Perse nje pjese e atyre qe kane punuar ne sherbimin e fshehte, por edhe perfaqesues nga maxhoranca e majte jane shprehur ne menyre alarmante per rrezikun e shkaterrimit te sherbimit informativ?

Ata filluan tensionin kur ne kapem dokumentat. Ne rast se ky sherbim quan pune normale presionin ndaj opozites, ndjekjen e opozites, krijimin e skemave fallso etj, ky nuk quhet sherbim, por organizate joligjore. Ne kerkojme ta kthejme brenda ligjit. Ne nuk kerkojme dhe nuk do te kerkojme kurre, jo vetem per SHISH por per asnje institucion, qe te kufizohet ne veprimtarine e tij ne mbrojtje te shtetit. Ne nuk kerkojme t'i vendosim kembet ne nje kepuce sherbimit informativ, ne kerkojme t'ia vendosim kembet ne kepuce. Ai sot eshte pa kepuce fare, bredh si te doje dhe ecen si te kete qejf. Ne kete nuk mund ta lejojme me, sa te kemi ymer dhe sa te kemi jetegjatesi ne politiken shqiptare, deri sa ta bejme.

-Ndoshta eshte pa kepuce per ta bere punen pa zhurme zoti Ngjela?

Jo eshte pa kepuce per te shkelur mbi te drejtat e te tjereve.

-Ju jeni nje nga perfaqesuesit me insistues te komisionit hetimor, qe kerkoni njekohesisht edhe zbardhjen e atyre qe quhen relacione te krijuara mes sherbimit te fshehte dhe perfaqesuesve te medias. Cfare keni parasysh me kete dhe a do te perfshihet ne raportin tuaj nje raportim me i hollesishem per keto lloj lidhjesh?

Dy jane kolonat qe mbajne demokracine ne nje shtet demokratik: parlamentarizmi dhe shtypi i lire. Nese keto dy kolona nuk funksionojne te gjitha te tjerat quhen diktatura. Ne Shqiperi nuk kane funksionuar dy kolonat kryesore, as parlamentarizmi dhe as shtypi i lire. Dua te them jo shtypi i lire qe te thuash gjithcka, por shtypi i kontrolluar. Shtypi i kontrolluar nuk mund te quhet i lire. Nese sherbimi sekret abuzon me shtypin per qellime politike, per qellime te segmenteve caktuara te politikes, por pa pushtet, ne menyra agresive, ky nuk mund te quhet sherbim dhe ky nuk mund te quhet shtyp. Atehere, erdhi koha qe ne duhet te bejme nje revolucion kopernikas ne demokracine shqiptare. Te heqim sherbimin sekret nga qendra e gravidacionit ku vertitet gjithcka dhe te vendosim shtypin e lire dhe parlamentarizmn. Por qe te behet kjo duhet, qe nga sherbimi sekret te priten deget, qe ai ka ne parlament ne radhet e opozites dhe tek shtypi ne radhet e gazetareve. Atehere pyetja ime eshte per ju: eshte pozitive kjo apo eshte negative? Nese eshte negative, beni si te doni, por nese e ndjeni si pozitive, atehere ne c'do gazete duhet te dilni me okelio te medha, per ta shpetuar njehere e mire shtypin e lire nga agresiviteti i sherbimit sekret.

-A do te kete publikime te emrave te gazetareve te lidhur me sherbimin sekret?

Ne nuk kemi kerkuar asnjehere emra. Ne kemi kerkuar nese ka ose s'ka, qe n.q.s.ka(te jeni te bindur qe ka), qe ne te ushtrojme te drejten tone ligjore ne parlament, te nxjerrim ligjin perkates me ane te te cilit te ndalojme perfundimisht, qe keto dy kolona te demokracise te mos preken.

Pergatiti: Juli Xhokaxhi

[ganoid]

O BA BARI po nuk e di se ku te ka ngec ti lal po mesa po shof une ti se ke idene fare ca po ndodh dhe ca ka ndodh ne shqiperi.nuk e di se ku jeton pasi dhe vendin se ke vene.Ti derman besoj se e ke ndopak idene qe ngjela po nxjerr disa sekrete pak si te rrezikshme per shqipetaret.ti ba bam e di qe shqiptaret vriten per nje te shame e jo me kur e dine qe ju ke vra dike te afert.
Sa per pragen e Havelit i rrofsh vezet ti hajvan se i kane ndertesat qe ketu e qindra vjet me pare ndersa ne i shembim cdo 5 vjet se sna pelqejne.
Praga e Havelit eshte kandidatja e pare per futjen ne BE nga te gjitha vendet is komuniste kurse shqiperia e Ngjeles Sales Tosit Gjinushit mezi moren nje premtim qe te futen ne grupin e dyte se sna lene gerci mercet dhe njerzit si puna tende grindaveca cares cari antare te nderuar.

[Brari]

ARmata pro Klos bie ngushte nga deklarata e Gramshit.
Prokurori i Gramshit i nxjerr bojen Nafiz Spiunit veteran dhe gangstereve Fino, Bizhga, Gjinushi e kompani.



.......Koha jone......

"Grushta" mes Ngjeles e Finos


Nevila Perndoj /

Komisioni per hetimin e veprimtarise se SHISH-it degjeneroi dje ne sharje dhe fyerje mes anetareve te ketij komisioni. Shkak per fillimin e nje perleshje te mundshme me grushta mes njeri-tjetrit ishte deklarata e forte e ish-prokurorit te Gramshit, i cili sipas anetareve te komisionit ka pranuar se Kryetari i SHISH-it, Fatos Klosi, ka qene ne kete qytet diten e lirimit te dy denuarve, te akuzuar per vrasjen e Azem Hajdarit. Ngjela dhe Fino, jane share dhe fyer mes tyre gjate mbledhjes se komisionit per shkak te nje ironie pa vend te Ngjeles. Ky i fundit i ka cilesuar "budallenj" socialistet e komisionit dhe Fino, duke mos e duruar dot kete turp, eshte ngritur ne kembe per te qelluar Ngjelen. Deputeti Edi Paloka eshte bere ndermjetesi per te ndare kryetarin dhe nenkryetarin e komisionit, te cilet ishin gati ne perleshje me grushta ne sallen e Kuvendit. Gjithcka nisi pas deponimit ne kete komision te prokurorit dhe gjyqtarit te qytetit te Gramshit.

Kryetari i komisionit Ngjela ka pyetur gjyqtaren e ketij qyteti rreth asaj qe "deponoi" prokurori, i cili pranoi prezencen e Klosit ne Gramsh ate dite, por ajo deklaroi se nuk kujtonte asgje. Ne kete moment anetaret e maxhoranes i jane drejtuar Ngjeles se ky i fundit po bente presion mbi "deshmitaren". Ndersa vete Ngjela i eshte drejtuar gjyqtares, duke i thene se "nuk mund te mbrohej nga budallenjte per nje pyetje te drejtuar nga i mencuri". Kjo e ka nxehur jo pak nenkryetarin e komisionit Bashkim Fino. "Ti nuk mund te na quash ne budallenj", ka reaguar ai shume i irrituar. Ngjela ka vazhduar me tej duke thene se fjala nuk ishte per ata. "Pse te djeg ty Fino?" ka vazhduar Ngjela. Por kjo e ka shqetesuar me shume nenkryetarin Bashkim Fino, i cili eshte cuar ne kembe dhe i irrituar i eshte drejtuar Ngjeles per t'i qelluar me grusht. Ky i fundit vazhdonte te qendronte ulur ne karrigen e tij. Ne kete moment irritimi deputeet e opozites hyne ne mes per t'i ndare kryesuesit e komisionit, per te mos e vazhduar me tej sherrin. Debatet dhe sharjet reciproke kane bere qe anetaret e maxhorances te linin sallen e madhe ku po zhvillohej mbledhja. Ata kane dale te irrituar duke mos dhene asnje qendrim per shtypin ne ato momente. Nderkohe, pavaresisht se ne pakice anetaret e opozites bashke me kryetarin e tyre, kane vazhduar te mbanin ne pyetje edhe per disa minuta gjyqtaren. Nderprerja e seances se djeshme ka bere qe pese inspektore te SHISH t'i pergjigjen pyetjeve te pergatitura nga anetaret e komisionit vetem diten e neserme. Nje pike e forte e debatit, por qe nuk ka nxjerre shume gjera ne drite ka qene edhe deponimi i ish-Drejtorit te SHISH ne Shkoder gjate periudhes qe pretendohej se me daten 10 dhe 11 shtator te vitit 1998 po pergatitej nje kryengritje "islamike" qe do te fillonte me Shkodren dhe do te perfundonte ne Tirane. Anetaret ne komision deklaruan dje per "KJ" se titullari ne fjale eshte shprehur se nuk mbante pergjegjesi per raportin qe kishte shkruajtur, madje me shaka i eshte drejtuar edhe Ngjeles duke i thene: "Ti duhet te ishe mire per kryetar i SHISH". Anetaret e opozites kane deklaruar se, nje kryengritje e cilesuar islamike nuk mund te drejtohej nga 4 njerez katolike. Megjithate, mbledhja e djeshme u mbyll duke mos marre te plota pergjigjet e te gjithe deshmitareve.


--------------

Pra Klosi ka qene ne Gramsh ..pik..kjo mjafton.

[Brari]

RD
---------


Kryetari i PD zbardh një nga takimet e Klosit me vartësit e tij para zgjedhjes së drejtuesit të shtetit

Sulm ndaj opozitës, infiltrime në polici, Meidani-president

Berisha: "Si ka mundësi që më datën 10 ishte njoftuar kryengritja e armatosur, ndërsa kreu i shtetit na shkonte në vizitë jashtë shtetit. A mund të imagjinoni ju se si kryetari i shtetit mund të largohej kur ishte njoftuar se do të bëhej kryengritje e armatosur, jo nga një informator i thjeshtë ordiner, por nga ish-kryetari i SHIK-ut"?

Deputeti socialist Gazmir Bizhga, në përfundim të dëshmisë që lideri demokrat Berisha dha dje në Komisionin Hetimor parlamentar të SHISH-it, bëri një bllok pyetjesh të parapërgatitura. Gjatë kësaj seance, Berisha shprehu angazhimin dhe mbështetjen maksimale të PD ndaj organit të Prokurorisë, ndërkohë që ftoi Komisionin Hetimor parlamentar të SHISH-it të shtrijë hetimet në të gjitha rastet që implikojnë Klosin. Kjo duket fare qartë në përgjigjet që kryetari i PD-së dha rreth pyetjeve të deputetit të PS-së, Bizhga.

Bizhga: Zoti Berisha, a keni dijeni ju për një bisedë të kryer nga zoti Muharrem Haklaj me të ndjerin Hajdari, në zyrën e tij të fundit, në selinë e PD-së?



Berisha: Lidhur me takimin me Muharrem Haklajn, e kam mësuar me vonesë.



Bizhga: Zoti Berisha, përse nuk keni pranuar ju të dëshmoni asnjëherë në çështjen "Hajdari", jo më në Prokurori, sepse për të keni thënë se ish-prokurori i Përgjithshëm ka qenë bashkëpunëtor i Klosit, por në Gjykatë. Dëshmia juaj këtu do të ishte një dëshmi ligjore, e cila do të ngelej në analet e shtetit shqiptar dhe nesër do të vlerësohej sërish juridikisht edhe në shkallët e tjera të proceseve gjyqësore.



Berisha: Kjo është pyetje me interes. Nuk kam pranuar, sepse unë isha i pari që vetëm 35 minuta pas ekzekutimit, zbardha, jo të gjithë se ata ishin shumë, por të paktën skuadrën e pushkatimit në rrugë dhe pjesërisht dhe krahët mbështetës të kësaj skuadre natën e krimit. Çfarë ndodhi? Ata jo vetëm që nuk u arrestuan, por u graduan. Çfarë ndodhi tjetër?

Dëshmitarët okularë janë mbi pesë, por për hir të së vërtetës ka patur prej tyre trima që natën e parë kanë vrapuar në media publike të thoshin ato që kishin parë.

Bëtë mirë që e ndatë gjykatën nga prokuroria, sepse edhe unë i ndaj, sepse gjykatësi klasor ka paturpësinë të marrë çështjen me urdhër të Fatos Klosit dhe kjo është histori turpi e jo histori drejtësie.

I nipi i Shefqet Peçit veproi në një mënyrë të verbër dhe me një pasion prej të çmenduri shpalli në kundërshtim me gjithë Shqipërinë dhe mbarë opinionin ndërkombëtar, se kjo s’ishte një vrasje politike.

Për hir të së vërtetës, tek gjykata dua t’ju bëj një kundërpyetje: Ç’është kjo qeveri socialiste që vendos, që qeveria të mos i kërkojë Sali Berishës të shkojë të dëshmojë në këtë gjyq?

Ai ishte një manipulim politik, një organizim i ndyrë i Fatos Klosit. Gjykata kishte të njëjtin qëllim si dhe Klosi, të destabilizonte vendin me çdo kusht, sepse dikush duhej të bëhej president. I takoni pak shefat e SHISH-it të prefekturave dhe besoj se do të ketë të ndershëm midis tyre, që do të pohojnë cilat qenë udhëzimet që ata morën në prill. Instruktazhi i Klosit për vartësit e tij ishte: Sulm ndaj opozitës, infiltrime në polici, Meidani-president.

Në atë periudhë klosarët bënë të jashtëzakonshmen të më bindnin mua se ishte Ilir Meta njeriu që po bënte çdo gjë, që unë të paraqitesha aty. Mirëpo unë nuk isha në një valë me atë problem. Më duhej të udhëtoja çdo javë në Europë me dosjet e zgjedhjeve.

Po kush e organizonte këtë? Një nga vrasësit që sot ndodhet në Sigurimin e Shtetit dhe që do i dalë emri, një farë Artan Meçe, drejtor i zbulimit, i cili i kishte dhënë Jaho Salihit të vëllanë, Vladimir Meçen, për avokat (i cili për hir të së vërtetës e kishte sjellë Jaho Salihin nga Kosova në Tropojë).



Bizhga: Nga dëshmitarët në proces është deklaruar se i ndjeri deputet, zoti Azem Hajdari, kishte dalë se do të kontrollonte jashtë selisë së PD-së për një furgon me armë ose me eksploziv. Kush ishte njeriu juaj me pushtet në PD që e orientoi zotin Hajdari për të dalë atë natë jashtë dhe për të kontrolluar furgonin me eksploziv, kur dihej se zoti Hajdari ishte eksponent i lartë i PD dhe jo roje apo ekspert i eksploziveve?



Berisha: Përsa i përket furgonit me armë, çdo gjë që iu intereson ju lidhur me këtë pyetje është në deklaratën time me ambasadorin e SHBA-ve, por shtroni pyetjen pse shkoi më tutje kjo punë? Merr e lexo deklaratën që e ka botuar nën kujdesin e Fatos Klosit dhe të Arben Rakipit një revistë periodike, e cila si çdo revistë tjetër e botës do ta botonte po t’i binte në dorë një dokument i tillë (s’kam asgjë me botuesin, megjithëse ka qenë kapiten zbulimi, jo i SHIK-ut, ka qenë oficer i dalluar) dhe do kuptosh mirë të vërtetën.



Bizhga: Si ish-kryetar shteti, a keni patur dijeni se SHIK-u i Gazidedes, që varej drejtpërdrejtë nga ju, ka patur një dosje gjurmimi për zotin Hajdari, siç është deklaruar dje në Komisionin Hetimor?



Berisha: Nuk kam asnjë dijeni se ka patur dosje dhe këtë e kam mësuar nga Komisioni Hetimor për SHIK-un, në ngjarjet e ‘97-ës. Kjo është bërë e qartë.



Bizhga: Çfarë informacioni keni patur për implikimin e ish-truprojës tuaj në vrasjen e zotit Hajdari, i cili është deklaruar si një nga pjesëmarrësit në këtë vrasje?



Berisha: Lidhur me ish-truprojën, të përzënë nga unë para se të largohesha si president, dua të them se 80% e atyre që morën pjesë në ekzekutimin e Azem Hajdarit kanë qenë agjentë të SHIK-ut. Dhe ata s’kanë qenë pak, kanë qenë rreth 80 vetë. Se cili ka qenë qëndrimi im, lexo deklaratën time që është botuar tek revista periodike, por dhe dëshmitarët kanë bërë denoncimin publik që natën e parë, që të nesërmen.



Bizhga: Po sot që Prokurori i Përgjithshëm është vendosur me pëlqimin tuaj, përse nuk i denonconi këto që po i thoni këtu përpara komisionit parlamentar, duke përfshirë edhe ato krime për të cilat ju na i renditët që janë jashtë objektit të Komisionit Hetimor për SHISH?

A shikoni ju ndonjë lidhje midis atyre që dogjën dy herë qytetin e Shkodrës me eksponentë të partisë suaj, sepse dalin nga dosjet hetimore që ne kemi kontrolluar? A shikoni ndonjë lidhje midis atyre që dogjën institucionet e shtetit, duke përfshirë edhe këtë sallë më 14 shtator, me eksponentë të veçantë të partisë suaj?



Berisha: Së pari, dua të shpreh qëndrimin tim. Prokuroria ka mbështetjen, besimin dhe inkurajimin tonë, dhe dua të garantoj komisionin se në çdo rast, unë dhe e tërë Kryesia e PD-së mbetet e hapur për çdo çështje, të çdo kohe, të bashkëpunojë me këtë institucion, i cili po dëshmon se ka vullnet të bëjë ligjin dhe jo antishtetin.

Le të vijmë pak tek eksponentët. Nëqoftëse me eksponentë ju kuptoni drejtues, unë ju them juve me përgjegjësinë më absolute dhe me fakte se në Shkodër, drejtuesit e PD-së pa përjashtim kanë bërë veçse shuarjen e konflikteve. Dhe në rast se ju keni interes dhe është në fushën e hetimit tuaj, rishikoni dokumentacionin, dhe unë me atë telefonin tim, në mënyrën më konstante kam dhënë vetëm instruksionet e shmangies dhe të parandalimit me çdo kusht të të këqijave.

Nëqoftëse me eksponentë kupton ti manipulatorët, të manipuluarit e Klosit, të cilët në krah timin flisnin me bashkëpunëtorët kur unë ndodhesha rastësisht në një kafe, atëherë mos i kërko tek unë. Unë kam mbajtur neutralitet të plotë, nuk kam përzënë njeri, sepse kam patur konceptet e mia dhe u kam qëndruar këtyre koncepteve. Natyrisht nuk janë më, shih ku janë, merri faktet, bëj një replay të atyre sekuencave dhe shih se ku do t’i gjesh tani. Po kjo s’është puna ime.

Dua të shtroj një pyetje, të nderuar deputetë dhe gazetarë. Si ka mundësi që më datën 10 ishte njoftuar kryengritja e armatosur, ndërsa kreu i shtetit na shkonte në vizitë jashtë shtetit. A mund të imagjinoni ju se si kryetari i shtetit mund të largohej kur ishte njoftuar se do të bëhej kryengritje e armatosur, jo nga një informator i thjeshtë ordiner, por nga ish-kryetari i SHIK-ut?

Kurse për vete, Klosi thotë: Unë u nisa për Ohër, por se ku u nis, ajo është çështje tjetër!

Një gjë është e sigurtë, që dy nga shtyllat e Këshillit të Sigurimit Kombëtar, ditën e "kryengritjes" ia bënë si një kapiten grek në luftë që u thoshte ushtarëve: "Para djem, mbrapa u vjen Jani".

Jam i hapur t’i rikthehemi asaj date, pasi më datën 14 shtator nuk kam bërë asgjë tjetër veçse mbrojtjen e institucioneve nga mëngjezi deri në darkë, me atë që kam patur mundësi, në një situatë që askush s’e kontrollonte, në një situatë në të cilën ata që kishin përgatitur skenarin, përpiqeshin të shkatërronin çdo gjë në Tiranë, në mënyrë që të realizohej kryengritja.

Kam nisur deputetë nga zyra ime drejt Radiotelevizionit, i kam kërkuar në mënyrën më konstante Presidentit të Republikës, i cili nuk dihej se ku ishte fshehur (për hir të së vërtetës, dy vetë ka patur në zyrë: Sali Berisha dhe Perikli Teta, i cili më ka marrë në telefon dhe i kam thënë të qëndrojë, dhe e ka bërë këtë).

Çoja dërgatë pas dërgate tek Presidenti i Republikës, ish-bashkëpunëtori im Preç Zogaj kishte marrë funksionet e tij.

Nuk mund të më mungojë mua kurajo, t’i shoh të vërtetat në sy. Do të dalë e vërteta e 14 shtatorit. Ne po japim një kontribut sot, nuk mund ta japim tërësor, por gjërat do të kthjellohen.

Përgatiti:

Halil RAMA

[Brari]

Kryetari i PD dëshmon para Komisionit Hetimor parlamentar mbi ngjarjet dhe autorët e destabilizimit të vendit

Berisha: Ju rrëfej krimet Klosit

E vërteta e djegies së Shkodrës, si u minua nga SHISH tryeza pozitë-opozitë për Kushtetutën. Të gjitha ngjarjet që çuan në eleminimin e Azem Hajdarit, lirimi në Gramsh i dy prej vrasësve nga vizita e Fatos Klosit, lirimi nga SHISH në Spitalin Ushtarak i Fatmir Haklajt. Kush urdhëroi nxjerrjen nga spitali i burgut të Jaho Salihit, i cili akuzohej nga dëshmitarët për vrasjen e Azemit, por dhe vrasje të tjera në Tropojë. Vrasja e Bujar Sulit, trafiku i drogës nga agjentët e SHISH-it dhe abuzime me tenderat

Dje, në Komisionin parlamentar Hetimor për SHISH-in dëshmoi kryetari i Partisë Demokratike, Sali Berisha. Në një klimë të tendosur, pas polemikave në seancën e një dite më parë, ku kishte dëshmuar ish-drejtori i SHISH-it, Fatos Klosi, komisioni ka marrë në konsideratë kërkesën e Klosit dhe ai së bashku me konsulentin N.Bezhani kanë marrë pjesë si dëgjues gjatë dëshmisë së liderit demokrat. Në hapje të mbledhjes, kryetari i Komisionit "Ngjela" kujtoi se Berisha ishte para komisionit me dëshirën e tij dhe se do të sillte denoncimin e vet mbi shndërrimin e Shërbimit Informativ Shtetëror në një vegël për likuidimin e opozitës. Pas denoncimit të Berishës, i cili zgjati rreth 60 minuta e u shoqërua gjatë gjithë kohës me nervozizëm nga Klosi, pyetjet më të shumta janë drejtuar nga deputeti socialist Gazmir Bizhga, kryesisht lidhur me rrethanat e vrasjes së deputetit demokrat Azem Hajdari. Berisha ka përsëritur se kryesisht dëshmia e tij tashmë ishte publike, pas deklaratës së përbashkët të nënshkruar me ambasadorin amerikan Frouik, deklaratë të cilën e ka administruar edhe Prokuroria. "Unë s’mund të dëshmoja para Prokurorisë dhe Gjykatës, iu përgjigj Berisha interesimit të deputetit socialist, pasi ato institucione kishin qenë bashkëpunëtore në vrasje, e më pas e shitën dëshminë time në media, çka solli edhe likuidimin e shumicës së atentatorëve dhe dëshmitarëve okularë". Lideri demokrat u ndal në shndërrimin e SHISH-it në një organizatë, që organizonte trafik të paligjshëm, kryente trafik influence e terrori në Partinë Socialiste dhe nisi të ndërhynte edhe në qeverisjen e vendit, duke kërkuar të mbante një klimë të tensionuar politike e të favorizonte zgjedhjen e një presidenti të caktuar. Pas dëshmisë që kaloi pa polemika, anëtarët e komisionit presin sot dëshmitë e disa prej funksionarëve të lartë të SHISH-it, para se të vendosë nëse duhet të thërrasë sërish për një dëshmi të dytë kryeministrin e vendit, Nano, dhe nëse duhet të dëgjojë edhe njëherë shpjegimet e ish-drejtorit Klosi, para se të fillojë hartimin e raportit përfundimtar mbi shkeljet në SHISH.



Përshëndes komisionin parlamentar dhe e siguroj atë se ka patur dhe ka vlerësimin tim, që prej fillimit të tij, si një eveniment jashtëzakonisht i rëndësishëm në jetën e demokracisë shqiptare, në zhvillimet dhe konsolidimet e saj. Me këtë akt, ligjvënësit shqiptarë kanë ngritur reputacionin e institucionit të parlamentit, si një institucion themelor i vullnetit demokratik të qytetarëve me normat e institucioneve të tilla analoge, në vendet më të zhvilluara demokratike.

Ndaj dhe unë, gjatë gjithë kësaj kohe, e kam ndjerë si detyrë që të dëshmoj, që të shpreh para jush ato të cilat kam shprehur pesë vjet me radhë në media, në konferenca, në takime publike, por edhe sallën e parlamentit. Askush nuk mund të mohojë se vitet 1997-2002, deri para marrëveshjes së forcave politike, u karakterizuan nga një konfliktualitet jo ekstrem, por pothuaj ekstrem, me momente tejet dramatike. Askush nuk mund të mohojë se në këto vite Shqipëria, në vend që të ecte drejt hapësirave që i takonin, u konsumua në energjinë e saj të brendshme, me konflikte të rënda. Çdo ditë, shtypi, qytetarët dhe politikanët shtrojnë pyetjen, të cilën unë e dëgjoj me vëmendje të madhe, se pse u bë marrëveshja kaq vonë? Unë mendoj se kësaj pyetje duhet t’i japim një përgjigje. Do të ishte e gabuar nëse pyetjeve të drejta t’u anashkalonim, nuk do të ishte aspak e ndershme dhe aq më teper kur kalon një farë kohe, pasi sa më larg që të jetë distanca, aq më shumë përgjegjësi ke për të qartësuar, për të bërë transparencën e asaj që kundërshtarët apo mbështetësit kundërshtojnë me të drejtë.

Ju si Komision Hetimor keni një detyrë shumë fisnike. E rëndësishme për këtë komision është që shqiptarët të marrin vesh se ajo që ndodhi tani, nuk mund të ndodhte më parë. Përse nuk ndodhi në ‘98, ‘99, 2002?

Unë do të doja shumë që ju si komision të dilnit me propozime konkrete, në mënyrë që situata analoge të mos mund të përsëriten më, sepse asgjë më të rëndësishme se sa suksesi i këtij komisioni, mendoj unë, momentalisht nuk kemi.

Unë kam ardhur sot këtu për të dëshmuar se ligji i institucioneve demokratike ka qenë dhe mbetet përkushtimi ynë më madhor. Mund të ketë dëshira, vullnete, idera po asnjë prej tyre nuk mund të më pengojë mua të respektoj ligjin dhe institucionet. Në këtë kontekst, jam para jush këtu edhe si ish-kryetar shteti dhe dua të jem i hapur. Unë kam patur dhe kam një vlerësim të palëkundur për SHISH-in, si një institucion absolutisht i domosdoshëm për mbrojtjen e interesave publike, për mbrojtjen e interesave kombëtare, të shoqërisë dhe të vendit. Kam patur dhe kam një respekt të palëkunder për ata qindra e qindra informatorë, të cilët kredon, mençurinë, përkushtimin e tyre, e vënë në funksion të mbrojtjes së këtyre interesave. Ata punonjës të ndershëm të SHISH-it, të cilët njohin objektivitetin, të cilët sekretin kanë në objektiv të punës së tyre kombëtare, meritojnë nderimin e mbarë shoqërisë tonë.

Por ju mund të më shtroni pyetjen se si shpjegohet që ju, si ish-president i vendit, tani kryetar i forcës politike kryesore, gjatë gjithë këtyre pesë vjeteve të fundit keni vënë në shënjestër të kritikave më shumë se këdo tjetër SHISH-in, dhe kryetarin e saj?

Unë e kam bërë këtë me bindjen më të thellë të qytetarit, të politikanit, të shtetarit, se ky Shërbim ishte organizatori numër një i të gjitha akteve destabilizuese të vendit. Unë jam këtu para jush edhe si ish-president i vendit. Ajo detyrë më ka bërë mua të njoh sekretin e shtetit, më ka bërë mua që t’i shoh të gjithë njerëzit si të barabartë para ligjit, si ata që i përkisnin dje PD, ashtu edhe atyre që dje ishin në opozitë. Ky koncept demokratik, që përbën edhe bazën e një shteti juridik, i tillë do të mbetet për mua vazhdimisht.

Gjatë këtyre viteve të fundit, unë nuk mund të mos ngrija zërin, nuk mund të mos denoncoja kur shihja bashkëpunëtorët e këtij shërbimi të skaduar. Unë tani nuk dua të prononcoj asnjë emër informatori, sepse ky komision ka për qëllim nxjerrjen e një të vërtete të madhe dhe ky do të jetë, mendoj unë, shërbimi më i madh që i bëni vendit në mënyrë që ajo të mos përsëritet.

Sepse kur unë i kam parë këta të transformuar, në rolin e organizatorit, në rolin e provokatorit, në rolin e informatorit, kam ndjerë dhimbje. Kjo ka qenë arsyeja që unë, si ish-kreu i këtij vendi, detyrohesha të denoncoja SHISH-in. Kjo është e vërtetë edhe për Shkodrën. Do t’ju bëj një ftesë ju zotërinj deputetë. Gjatë pesë vjetëve, më shumë se për integrim në Shqipëri, u fol për kryengritje të armatosur. Kush u fut në burg dhe kush është sot atje për kryengritje të armatosur?



Autori i akteve

destabilizuese

ishte SHISH



Mos bëmë ndonjë amnisti me zotin Nano? Jo, ne nuk bëmë asnjë amnisti. Nga ajo marrëveshje që bëmë nuk parashikohej ndonjë amnisti. Por a ka njerëz, të cilët vërtet duhet të ndëshkoheshin dhe penalizoheshin për aktet e dhunshme? Absolutisht, po. Dhuna nuk është platforma jonë, dhuna nuk është platformë politike. Mirëpo ju jeni dëshmitarë se si janë përdorur të gjitha llojet e akuzave në këtë vend, biles edhe jashtëtokësore, derisa edhe një njeri i pafajshëm është akuzuar për krime kundër njerëzimit! Por vendime të gjykatës nuk ka, nuk ekzistojnë. Unë ju garantoj ju se nuk ka patur një kryengritje, por ka patur akte madhore destabilizuese ndaj të cilave shteti duhet të qëndronte, por nuk mund të qëndronte, sepse ato i organizonte SHISH. Sepse autorët e vërtetë ishin pikërisht ky kontigjent që unë nuk dua të përdor epitet për ta, por do t’i quaj thjesht ushtarë të Fatos Klosit, të cilët bënin edhe informatorin, edhe provokatorin, edhe manipulatorin, dhe organizatorin.

Ju lutem, rikthehuni në rrethimin e Shkodrës! Kujtoni të nderuar gazetarë, por edhe ju qytetarë shqiptarë dhe deputetë, urën e Bahçallëkut. Ajo ngjante me skenat më surealiste për çdo njeri, sepse aty shihje një skenar të fëlliqur, ku vetem heroi, i cili nuk shkoi në asnjë ngjarje, na futej dhe na e zgjidhte nga brenda. Në fund dilte teza zyrtare se Berishës i dështoi mitingu. Këto janë gjëra qesharake që nuk mund t’i zësh me gojë. Askush nuk djeg një qytet, anjë qytetar i përgjegjshëm i çfarëdo spektri politik qoftë, nuk mund të bëjë një gjë të tillë. Unë mund të pyes se pse para djegies u hoqën dokumentat e SHISH-it? Unë mendoj se ai ishte një skenar i financuar nga brenda dhe nga jashtë vendit. Tani nuk është problemi se ku janë personat, të cilët ishin me të vërtetë pengmarrës, por një gjë do t’ua them unë sot, se pengmarrësi është një terrorist dhe të tillë e kam trajtuar gjithë jetën time. Përsëri pyes se ku janë pengmarrësit . . . ?!

Problemi është se këto veprime u kryen të programuara sipas një skenari, i cili kulmon në gusht-shtator dhe unë dua të jem fare i hapur me ju.



Arrestimi i të

gjashtëve, shtyrje

e vendit drejt

konfliktit civil



Si kryetar i opozitës kam bërë një seri ftesash, pasi qeveria e Pajtimit Kombëtar u zëvendësua me një qeveri tërësisht të PS-së. I kam bërë këto ftesa me qëllimin e vetëm që ajo çka ishte akumuluar pozitive gjatë këtyre viteve, t’i transferohet vendit, sepse ai është një investim i tërë shoqërisë dhe i vendit, dhe si i tillë nuk mund të bëhej i paqenë.

Në këtë frymë ishte edhe ftesa që unë i adresova kryeministrit të asaj kohe, Fatos Nano, për tryezën e 31 Gushtit të vitit 1997, për çështje të kushtetutës. Ju mund të shikoni se si vetëm dje u bë e mundur hapja e dritës jeshile për Shqipërinë për negociatat me BE-në. Unë ju garantoj se kushtetua ishte rasti më i shkëlqyer i hapjes së kësaj drite jeshile.

Në vlerësim të ftesës që dërgova, unë mund t’ju them ju se kur shumë të tjerë, muajin gusht të atij viti e kaluan me pushime, unë e konsumova këtë muaj vakance bashkë me një grup juristësh dhe bashkëpunëtorësh të mi, duke punuar në një orar shumë të zgjatur mbi nenet e një projekti kushtetute, që më datën 31 gusht së bashku me përfaqësuesit e qeverisë dhe

vijimi (kliko)
Kryetari i PD dëshmon para Komisionit Hetimor parlamentar mbi ngjarjet dhe autorët e destabilizimit të vendit

Berisha: Ju rrëfej krimet Klosit

E vërteta e djegies së Shkodrës, si u minua nga SHISH tryeza pozitë-opozitë për Kushtetutën. Të gjitha ngjarjet që çuan në eleminimin e Azem Hajdarit, lirimi në Gramsh i dy prej vrasësve nga vizita e Fatos Klosit, lirimi nga SHISH në Spitalin Ushtarak i Fatmir Haklajt. Kush urdhëroi nxjerrjen nga spitali i burgut të Jaho Salihit, i cili akuzohej nga dëshmitarët për vrasjen e Azemit, por dhe vrasje të tjera në Tropojë. Vrasja e Bujar Sulit, trafiku i drogës nga agjentët e SHISH-it dhe abuzime me tenderat

vijon

mazhorancës do të konfrontoheshim. Gjithë kjo punë ka ndodhur në kohën kur prapa krahëve tanë, SHISH dhe kupola që e drejtonte atë kishte sajuar dhe po drejtonte një kryengritje të armatosur.

Mund t’ju them me një sinqeritet absolut, se armët e mia, revolet, pushkët, topat e mbushur siç spekullohej më vonë, ishin në amendamentet e kushtetutës. E them këtë haptas, me një pasion jo të paktë, sepse kam kaluar shumë vite duke lexuar kushtetuta dhe doja që të kishim një kushtetutë të pranueshme nga të gjithë shqiptarët, nga forcat kryesore politike. Ai tekst është aty akoma, si dëshmi e përpjekjeve tona, por dikujt kjo gjë nuk i interesonte dhe pse duhet thënë se për hir të së vërtetës, ajo ftesë ishte pranuar dhe nga pala tjetër, ishin ftuar ekspertë të huaj. Ne do të uleshim në atë tryezë dhe do të firmosnim një draft, pra nuk kishte vend për lavdi personale. Qëllimi ishte për të bërë vendin me një dokument themelor, për të ndërtuar një shtet modern të bazuar në ligje moderne. Ky ishte qëllimi që nuk u realizua dot, pasi në mesnatë, sipas skenarit të errësirës, u arrestuan me metodat më staliniste gjashtë zyrtarët më të lartë të PD.

Siç e dini edhe ju, kryetari i qeverisë deklaroi në atë kohë, po për hir të së vërtetës, dokumentat aktuale provojnë atë që thotë, se ai nuk kishte dijeni. Megjithatë, komisioni le të hetojë këtë çështje, e cila i ka kushtuar shumë demokracisë dhe jetës politike e sociale të këtij vendi. Të arrestosh në mesnatë gjashtë eksponentë kryesorë të opozitës, të cilët nuk kishin shkelur asnjë ligj apo rregullore të këtij vendi, apo të dikasterit që kishin drejtuar, por vetëm për motive politike, ajo ishte një çmenduri.

Ata u ndaluan me akuzën monstruoze të krimeve kundër njerëzimit, akuzë e cila nuk ekziston kurrë në tentativë dhe në asnjë kohë. Ju nuk duhet të harroni se ata sot kanë të gjithë pafajësinë nga gjykatat shqiptare!

Të arrestosh këta njerëz në mesnatë, vetëm një natë para tryezës, do të thotë se kishte një qëllim të qartë, të shtyje vendin drejt konfliktit civil. Në histori, vrasje dhe akte të tilla kanë shërbyer si motive të shpërthimeve të gjendjeve të pakontrolluara dhe konflikteve civile. Këto janë të njohura. Dhe ishte fiksuar data 10. Unë, të them të vërtetën, çdo ditë lexoja gazetat kur punoja për kushtetutën dhe ndihesha jashtëzakonisht i dëshpëruar nga ajo strategji dhune dhe tensioni që po montohej, sepse unë e kuptoja që diçka po montohej.



Dënimi i Azem

Hajdarit nga

Fatos Klosi



Tani, do të ndalem pak në një moment të rëndësishëm, sepse askush në Shqipëri nuk mund të mohojë kontributin e Azem Hajdarit në zhvillimet demokratike. Unë e kam akuzuar Klosin për implikim dhe dua të ndalem në faktet dhe argumentat që më kanë shtyrë në këtë akuzë. Është akuzë e rëndë, shumë e rëndë. Nuk e kam akuzuar që ka qenë në vendngjarje, sepse nuk ka qenë atje në dijeninë time. Di, që më 11 dhe 12 shtator makinat e tij kanë larguar të gjitha dokumentat nga SHISH dhe këtë e kam denoncuar në atë kohë publikisht. Di që në Gramsh, në të kundërt të asaj që Klosi deklaroi para këtij komisioni, ai ka qenë atje javën e fundit të gushtit. Nga kush më vjen informacioni? Nga punonjës të rëndësishëm të administratës shtetërore shqiptare, të cilët janë gati t’ia thonë në sy edhe orën, edhe vendin. Pra, ai u angazhua në lirimin e dy prej personave, të cilët jo vetëm opozita, por edhe zhvillimet e mëvonëshme pohuan se kishin marrë pjesë në skuadrën e ekzekutimit të Hajdarit.

Do të shkojmë pak më tutje. Kam një dëshmi tjetër. Radiot e komunikimit të bandës ekzekutore të Azemit, sipas dëshmitarëve okularë, kanë qenë radio të SHISH-it, dhe jo të policisë. Dje, Klosi deklaroi se në qershor kishte njoftuar Perikli Tetën se Azemi kërcënohej, ndërkohë që ju e dini se SHISH ka për detyrë parandalimin e akteve terroriste. Por po ky shërbim shpalli Hajdarin komandant të kryengritjes së armatosur. Do t’ju pyes ju, se në cilin vend demokratik dhe kushtetues komandanti i një kryengritje të armatosur nuk merr atë që meriton? Rendi kushtetues mbrohet me të gjitha mjetet. Praktikisht, duke e deklaruar komandant të kryengritjes së armatosur, Fatos Klosi dënoi me vdekje Azemin, shpalli dënimin e tij me vdekje. Nëse një politikan merr përsipër të përdorë armët për organizimin e kryengritjes për të përmbysur rendin kushtetues, kushtetuta mbrohet me të gjitha mjetet. Faktikisht, në datën 12 u ekzekutua Azem Hajdari. Klosi deklaroi dje para jush se tre muaj më vonë ka dorëzuar listën e plotë të vrasësve. Unë po ju them ju se 11 muaj më vonë ka liruar nga spitali i burgut së bashku me Rakipin dhe Agim Tiranën, vrasësin më kryesor të Hajdarit, Fatmir Haklajn.

Në muajin qershor, vjen një ambasador i nderuar amerikan me të cilin unë kisha patur bashkëpunim qysh në vitet ‘90 për problemet e rajonit dhe të Drejtave të Njeriut, Frouik. Ai shpreh vullnetin që të kontribuojë në zgjidhjen e këtij problemi madhor për vendin. Dhe unë i jap atij një deklaratë, siç e quajtëm atëherë, të firmosur me të gjitha gjërat, e bërë publike dhe që në rastin konkret mori pamjen zyrtare. Ai më pyeti a mund t’ia jap Prokurorit të Përgjithshëm? Mund t’ia japësh i thashë unë, duke i kujtuar se unë nuk i besoja, megjithatë nuk i kërkova që të kishte të njëjtin qëndrim, të cilin e kisha unë ndaj tij. Ndërkohë u organizua prita në Tropojë me mina. Po atë ditë u ekzekutuan në orën 11 nga Jaho Sali, dy qytetarë të pafajshëm në prani të dhjetra qytetarëve të tjerë.

Në Shqipëri kishin ardhur ekspertët ndërkombëtarë për çështjen « Hajdari » dhe unë lë një takim me ta dhe u them, se « natyrisht unë kam një problem dhe problemi është ky, se unë e konsideroj të papërshtatshëm faktin që unë komunikoj me ju dhe nuk komunikoj me prokurorin e Shqipërisë. Unë nuk e bëj këtë, sepse Prokurori i Shqipërisë dhe kreu i SHISH janë bashkëpunëtorë në vrasje dhe vrasësit janë bashkëpunëtorë të tyre dhe ju do ta harroni këtë, derisa unë t"ua faktoj ». Çështjen e ndiqja që nga momenti që Jaho ishte në spital dhe unë iu bëra pyetje, përse nuk arrestohet Jaho Salihi për vrasjen e dy qytetarëve? Nuk pranon, thanë, prokurori, sepse nuk e zbaton urdhërin policia. Ndërkohë, ministri i Rendit sqaron se e zbaton urdhërin, por nuk i vjen një urdhër i tillë.

Arben Rakipi dhe grupi i prokurorëve dërgojnë dëshmitarët në Spitalin e Burgut ku mund t’u them ju, se dëshmitarë të lidhur dhe të zgjidhur siç ishin thanë po ky është, këtë kemi parë.

Ne rregull i njoftoi gjykatësit, thotë se kjo ka ndodhur dhe do ta lironi, - jo thonë ata, është e pamundur. Nga aty e transferojnë në Spitalin Ushtarak, i njoftoi sërish gjykatësit për ta liruar. Në Spitalin Ushtarak i bënë gjykim, morën një trup gjykues dhe e liruan. Atëherë takoi gjykatësin ndërkombëtar dhe i them, a isha unë korrekt me deklaratën time? Ai la detyrën iku në punën e tij, dhe unë u ktheva në punën time. Pra ky ishte njeriu që deklaroi, se jam i larë nuk kam një lidhje. E kam akuzuar se ka përgatitur, ka transformuar vrasës në dëshmitarë, dhe e ka bërë këtë duke përdorur leva familjare në mënyrë të përsëritur. Një gjë mund të them, pas deklaratës që unë kisha bërë me ambasadorin Frouik, filloi ekzekutimi i një pas një i autorëve të vrasësve të Azem Hajdarit. Mirëpo ata që e bënë atë, kanë bërë gabim, kanë bërë një krim të shëmtuar. Ata ishin kriminelë, por nuk ishin për t’u ekzekutuar pa gjyq. Madje nuk ishin për t’u ekzekutuar, pasi Shqipëria kishte hequr dënimin me vdekje.

Dhe unë isha pyetur nga komuniteti ndërkombëtar, a jeni dakord për heqjen e këtij vendimi, pavarësisht se vrasësit e Azem Hajdarit mund të mos dënohen me vdekje. Unë nuk mund të mbaja vendin peng me nje masë, e cila është bërë kriter standart i Evropës. Pra çfarë ndodhi? Filloi eleminimi i tyre dhe jo gjykimi i tyre.



Skenaret e krimit

dhe destabilitetit

e mbajtën në

këmbë Klosin



Dua të shtroj pyetjen se mos ato skenare mbajtën atë në këmbë, sepse ishin implikuar në këto ngjraje? Në fakt as disa nga klosarët më fanatik që mbushën mbrëmë disa ekrane televizive nuk qenë në gjendje ta mohojnë këtë.

Çfarë ka këtu, unë e ftoj komisionin të hetojë, këto pyetje, pse u mbajt në detyrë ky shef shërbimi pas një Vrasje të Shekullit për Shqipërinë. Pse u mbajt shef shërbimi ky, pasi kryeministrat socialist njëri pas tjetrit kërkuan shkarkimin e tij. Unë gjykoj se ka vetëm një rrethanë me të cilin shefi i shërbimit mund të qëndrojë në detyrë përballë kryeministrit, kur kryeministri ka konsumuar tradhëtinë kombëtare dhe në momentet e fundit para goditjes. Në asnjë rrethanë tjetër nuk mund të prevalojë një shef shërbimi para kryeministrit. Sepse ai kryeministër ka mandatin e parlamentit, edhe gabim po ta ketë kryeministri, ka të drejtën e krijimit të një kabineti dhe ky nuk është anëtar kabineti me të cilin thotë unë bashkëpunoj dhe nuk bashkëpunoj. Sepse, kështu është në kulturën e demokracisë dhe kjo është në kulturën e saj. Pra u mbajt si u mbajt dhe mbijetoi edhe me kryeministrin Nano, edhe me kryeministrin Majko, dhe për hir të së vërtetës mbijetoi dhe mori pjesë në përmbysjen e kryeministrit Meta. Për llogari të Berishës e bëri këtë thoni ju, absolutisht jo, e keni gabim, por për llogari të dikujt e bëri dhe është shumë e rëndësishme t’i jepni ju përgjigjen kësaj pyetje. Se atëherë do të mund të kuptohen shumë gjëra qartë në zhvillimet politike të vendit, do të mund t’i jepni përgjigjen më të mirë pse ishin këto pesë vjet kaq konfliktuale dhe Shqipëria mbeti vend nuk po them i damkosur, por me imazh të prishur dhe këtë nuk mund ta mohojnë.

vijon (kliko)
Kryetari i PD dëshmon para Komisionit Hetimor parlamentar mbi ngjarjet dhe autorët e destabilizimit të vendit

Berisha: Ju rrëfej krimet Klosit

E vërteta e djegies së Shkodrës, si u minua nga SHISH tryeza pozitë-opozitë për Kushtetutën. Të gjitha ngjarjet që çuan në eleminimin e Azem Hajdarit, lirimi në Gramsh i dy prej vrasësve nga vizita e Fatos Klosit, lirimi nga SHISH në Spitalin Ushtarak i Fatmir Haklajt. Kush urdhëroi nxjerrjen nga spitali i burgut të Jaho Salihit, i cili akuzohej nga dëshmitarët për vrasjen e Azemit, por dhe vrasje të tjera në Tropojë. Vrasja e Bujar Sulit, trafiku i drogës nga agjentët e SHISH-it dhe abuzime me tenderat

95 % e punonjësve janë ish-sigurimsa

në sektorin operativ

të SHISH-it



Një ditë, një deputet socialist më pyeti se « si ka mundësi që këto trafiqe u rritën kaq shumë»? Po i përgjigjem unë bashkëbiseduesit, është shumë e thjeshtë, sepse Fatos Klosi riktheu tërësisht në SHISH, ish-oficerët e lartë të Sigurimit të Shtetit. Sigurimi i Shtetit ishte një shkollë që bazohej në principtet më çnjerëzore, ai ishte instrumenti më i egër i një diktature, biles më i egër se gjykatat, më i egër se Prokuroria. Pranndaj edhe të gjitha vendet ish-komuniste e shkrinë atë me ligj, siç bëmë ne në ’91, bashkërisht me mazhorancën e asaj periudhe. Tani ai qarkullon një shifër prej 27%, por kjo e dhënë është vetëm një mashtrim. Nga 95% të ish-sigurimsave janë sot në sektorin e shërbimit operativ, pastaj janë në sektorin e mushkave dhe të pastrimit, këto nuk kanë rëndësi. Sektori operativ i SHISH-it aktual mbi 95 % të punonjësve i ka ish-sigurimsa. Ish-hierarkë të Sigurimit janë drejtues të lartë në SHISH, përfshirë dhe dy drejtorë të përgjithshëm. Ju them me sinqeritet, kur para dy javëve, po u thoja miqve të mi evropianë se kanë qenë ende në detyrë, nuk mund ta besonin, nuk e konceptonin. Po pse erdhën këta, edhe kjo duhet parë, nuk mund të them se i emëroi kryeministri, do të doja të akuzoja një kryeministër socialist, por nuk e them dot. Se çfarë bëri ky zotëria, ndërroi ligjin nga një ligj, në të cilin drejtorët e vartësit e tij i emëronte qeveria, e bëri një ligj me ndihmën e Kryetarit të Parlamentit Gjinushi, të cilit i dërgonte relacione speciale, sepse ashtu e kishte oreksin, e kështu bëri një ligj në kundërshtim flagrant me çdo princip, sipas të cilit drejtorët i emëronte vetë.

Siç e dini, unë për pesë vjet jam marrë me qeverinë, nuk jam marrë me kupolën, sepse mua më takon të merrem me qeverinë, jam opozitë. Por e vërteta është që ata, qeveria, nuk i ka emëruar. Përkundrazi, ka patur një përpjekje të hapur për largimin e tyre, ka patur edhe një kërkesë ndërkombëtarë për largimin e tyre. Kjo është një e vërtetë që nuk mund ta mohoj. Edhe pse unë nuk jam për persekutimin e askujt, sepse nuk them të hiqet e drejta e të zgjedhurit dhe zgjedhjes, Rezoluta e KE-së përcakton në mënyrë taksative, se nuk mund të ripunësohen në Policinë Sekrete ata anëtarë të kësaj policie, të cilët janë larguar për shkak se kanë përdorur metoda johumane. Unë e kam akuzuar Klosin për vrasje politike, nuk është vetëm Hajdari, në të cilën Klosi del mirëfilli. Ai del edhe nga rastet që unë paraqita këtu lidhur me vartësit e tij. Klosi ka kryer krime të tjera shumë të rënda, me të cilat i ka vënë një damkë të rëndë vendit, por nuk është kjo objekt i këtij hetimi.



Vrasja e Bujar Sulit



Tani do të ndalem në një rast tjetër. Krimet nuk fshihen, bota bëhet gjithnjë dhe më transparente dhe kjo është fatkeqësia e kriminelëve e ana pozitive e shoqërisë. Unë do të ndalem tek Bujar Suli. Ju ftoj ju zotërinj të komisonit, të njiheni me dëshminë e gjeneral Astrit Mehjes, i emëruar nga kryeministri socialist shef komisariati i Fierit, se çfarë dëshmon ai për veprimtarinë direkte të Fatos Klosit në destabilizimin e Fierit, vetëm se duhej që skanari i djegijeve të kalonte nga qyteti në qytet. E meqënëse në Fier jeton një komunitet kosovarësh qysh në vitet 20-’30, vetëm ai mund ta digjte atë. Fillon beteja donkishoteske dhe e turpshme kundër skenarit të djegijes së Fierit. Unë do të dëshiroja shumë që të dëgjoni zotin Mehja, që do të provojë se si shefi i SHISH-it i Fierit ndante të njëjtat mendime për gjendjen dhe stabilitetin e rrethit. E vërteta është se qyteti kishte 2 muaj pa vrasje, e vërteta është se zoti Mehja e vendosi rendin, si një ekspert policie me eksperiencë. Dhe unë, më thotë Mehja në një takim që pata, mbetesha i habitur kur njoftimet që më vinin nga Tirana bënin fjalë për një djegije eminente dhe në fund u detyrova që të vihesha në kontakt direkt me zotin Klosi. Dhe Klosi i tha se, ai nuk i dinte të gjitha, se i kishte ai informacionet. Po nga i ke ti këto informacione, i thotë Mehja, sepse me shefin tënd në Fier unë kam ngrënë drekë sot dhe as ai e as unë, nuk kemi asnjë informacion. Por duhet dëgjuar, unë kam këtu foton e shtëpisë së Bujar Sulit, e cila është gjuajtur me flakëhedhëse, dhe jo nga policë të Fierit, por nga një falangë e dërguar nga Tirana. Dhe për fat të keq, janë vrarë edhe dy policë; pra kemi tre të vrarë dhe tani dua t’u njoftoj ju, se Bujar Sulin, të gjithë këshilltarët, demokratë dhe socialistë e kanë shpallur qytetar nderi të Komunës së Levanit, por u vranë dy policë, u vra edhe Bujari në prani të fëmijëve të tij, iu dogj shtëpia me flakëhedhës, një armë kategorikisht e ndaluar për forcat e policisë së çdo vendi.



Implikimi i SHISH-it të Klosit në trafikun

e drogës



Dua tani të kërkoj vëmendjen tuaj për dy çështje të tjera, për të cilat e kam akuzuar Fatos Klosin. E kam akuzuar për trafik droge. Po, por shoferi i Vladimir Laskut, për hir të së vërtetës do të më fali, por si ish-bashkëpunëtor i Sigurimit të Shtetit do t’ia them, se është gjetur në një vepër të mbrapshtë dhe nuk mund të mos ia them këtu. Aktualisht drejtori i SHIK-ut të Tiranës, ndiqet nga njësiti i Antidrogës për ngarkesë droge në makinë, pasi e çon çështjen deri në një përleshje me armë me njësitin e Antidrogës shkon dhe futet në strofullën e tij dhe para zyrave të Fatos Klosit e parkon makinën. Arben Saliu, atëherë Drejtor i Kontrollit në SHIK, i njoftuar nga policia, zbaton ligjin dhe i vë që të dy në arrest, shoferin dhe shoqëruesin, u bllokon makinën aty dhe bën detyrën e shtetit. Por Arben Saliu e pagoi me largimin nga detyra. Dhe Fatos Klosi, i liroi që të dy. Duhet të ndalem pak këtu, sepse kur erdhi puna për shoferin e Adi Shamkut, ju them se telefonat e parë në Shqipëri kanë rënë në shtëpinë time, për të më thënë se u arrestua shoferi i Monika Kryemadhit, dhe se u kap me drogë, etj, etj. Shoferi i Shamkut që u kap në Kukës, në Qafë të Morinës u arrestua, kurse shoferi i Vladimir Laskut, para zyrave të Klosit lirohet. Nuk po i marr rastet e ndalimit të oficerëve të SHIK-ut me ngarkesa droge nga policia dhe nuk e akuzoj se ka patur lidhje me to, po kjo është evidente. Nëpërmjet Rakipit, i liruan dhe njëri prej atyre oficerëve iku në Itali. Shikoni pra qëndrimin e tij ndaj një krimi, dhe këtu qëndron shkaku pse ne u bëmë një vend kryesor trafiqesh. Nuk po ndalem në disa probleme të tjera, por dua të theksoj dëmet financiare. I keni aktet, por unë do të ndalem shkurtimisht. Ka dhunuar ligjin me dhjetra herë.



Vjedhja me tenderat



Çdo të thotë të shpallësh tenderin e naftës pa u miratuar në Parlament Buxheti i Shtetit. Zotërinj, ai ligj është i detyrueshëm, si për kryeministrin e për qeveritarin, si për shtetarin edhe për qytetarin. Kjo do të thotë, se po kërkon të mbushësh xhepat, sepse arsyet për të justifikuar tenderin e naftës në dhjetor, kur akoma buxheti nuk ishte miratuar, lidhen vetëm me vjedhjen. Del se nafta është marrë me 900 lek në një kohë kur çmimi i saj brenda pak muajsh ka rënë nga 800 në 600 e më poshtë, sepse nga 32 dollarë fuqia zbriti në 18 dollar në një moment të caktuar. Ka përlyer rëndë bashkëpunimin e shërbimit. Shërbimet mike e kanë ndihmuar shërbimin, por Fatos Klosi ka vjedhur. Ju ftoj të kontrolloni të gjitha donacionet e tyre, se bashkëpunimi është delikat dhe kërkon ndershmëri e mirëbesim. Këtu në dokumentat e mija ekzistojnë shpërblime deri në 80 dollarë ditën dhe me afat të pacaktuar. Këta persona, thotë shefi, do të shpërblehen me kaq, për aq kohë sa atij do t’i duhet të mbulojë vjedhjen dhe shpërdorimin që ka bërë. Eshtë pronar i paligjshëm dhe komisioni mund të kërkojë atje ndërtimet dhe pronat që ka krijuar me emra të tjerë. Ka funksionuar si një trafikant influence dhe terrori për institucionet shtetërore, gjithashtu edhe për zyrtarët. Ka patur një bashkëpunim të sëmurë, të mbërdhirë me kryetarin e KLSH. Dosjet, që të gjitha, pa përjashtim, para se të shkonin në qeveri kalonin nga Klosi. Edhe ky shpërblehej me ca qera, ku një veturë e ku diçka tjetër. Kjo e ka dëmtuar shumë vendin, sepse pikërisht për shkak të mosfunksionimit mbi bazën e ligjit, të Komisionit të Kontrollit të Shtetit, Shqipëria u ngjit në nivelet më të larta të korrupsionit. Pa dhunuar mediat, e them edhe njëherë se sulmet kundër gazetarëve, pse ato janë informatorë, për mendimin tim, janë shumë të gabuara. Dua t’u deklaroj këtu, se nuk ka Shërbim Informativ në botë që nuk punon me gazetarët dhe gazetarët me shërbimin. Ata investigues janë, që të dy palët. Në ndonjë rast, për interes të profesionit mund të bashkëpunojnë. Katastrofë dhe e dënueshme është përcaktimi i politikave të botimit nga Shërbimi Informativ. Kjo është e dënueshme, dhe unë ju garantoj se, në shtypin shqiptar nuk ka gazetar që përcakton politikën, janë botuesit, janë kryeredaktorët, ndaj dhe e ftoj komisionin të injorojë totalisht këtë kapitull. Unë edhe një herë, duke shprehur nderimin tim për punën tuaj, ju ftoj që këtë komision të parë në llojin e tij, ta shndërrojmë në një sukses të vërtetë, natyrisht askush nuk duhet të harrojë se ajo që quhet marrëveshje e forcave politike apo një marrëveshje Nano-Berisha, por nuk është asgjë tjetër në thelbin e saj përveçse zbatim dhe respektim i ligjit dhe funksionim i shtetit ligjor. Kujt i vjen dhe kujt nuk i vjen përshtat kjo, është çështje tjetër. Vendit dhe shoqërisë shqiptare kjo i vjen shumë për shtat. Ishte kjo një nga faktorët kryesorë që dje u vendos hapja e negociatave, dhe kjo do të jetë një nga faktorët kryesorë që do të afrojë nënshkrim/firmosjen e kësaj marrëveshje.

Dëshmia e plotë e Kryetarit të PD, dhënë Komisionit Hetimor Parlamentar për SHISH

[gjethi]

Falenderoj Ersenin per hapjen e kesaj teme qe ka per te ngelur ne historine shqiptare.
Spartak Ngjela eshte figura me e pergatitur qe ka nxjerre Shqiperia gjate ketij 60-vjecare.
Do te deshiroja te shtoja qe kjo figure kaq e pergatitur sa Ngjela zor se mund te gjesh anembane Shqiperise.
Ceshtja Hajdari dhe komisioni i saj hetimor kane marre persiper te zbulojne krijuesit makaber te ketij krimi ndaj nje deputeti dhe ndaj nje anetari te levizjes se dhjetorit.
Ky komision me kujton ate filmin amerikan qe flet per jeten, dhe vrasjen e Kenedit e me pas nje komision hetimor qe u mor personalisht per tye gjetur vrasesit e presidentit Kenedi por qe ishin pa rezultat.
Ndoshta edhe vrasesit e Hajdarit do ngelen pergjithmone mister sepse KGB socialiste nuk do lejoje kurre te dalin vrasesit e ketij deputeti.
Nuk me duket shpresedhenes ky komision perderisa ne pushtet jane ishkomunistat.
Pershendetje

[erzeni]

Kryetari i komisionit hetimor në SHISH deklaron se do t’i shkojë deri në fund hetimeve

Ngjela: Kemi zbuluar kombinacione të SHISH-it kundër PD

"Kam një obligim për Azem Hajdarin, për zbulimin dhe zbardhjen e vrasjes së tij, sepse ka qenë miku im, lider i demokracisë, aq më tepër që ka qenë personi, i cili me grupin e vetë të nismëtarëve të PD-së më liruan nga burgu. U jam mirënjohës. Plus asaj, mund t’ju them, nëqoftëse do të më kishte ndodhur mua ajo që i ndodhi Azem Hajdarit, për miqësinë që kishte me mua, për konsideratën që kishim për njëri-tjetrin, zbardhja e vrasjes nuk do të kishte shkuar më shumë se katër muaj. Është kënaqësi e veçantë për mua, që të paktën arrita ta zbardhë për katër vjet"

- Zoti Ngjela, sipas jush, ku konsiston kërkesa e përfaqësuesve socialistë në Komisionin Hetimor të SHISH për shkarkimin tuaj nga kreu i këtij komisioni?



Kërkesa konsiston në faktin që unë me gjithë grupin tim kam kapur kombinacionin e SHIK-ut të Fatos Klosit kundër Partisë Demokratike. Ju e keni dëgjuar dhe procesin e rihingut të Klosit, keni dëgjuar dhe rezymenë që bëri zoti Berisha, por akoma nuk keni dëgjuar mënyrën dhe formën e kombinacionit. As ata, të pestët socialistë, natyrisht të kufizuar në inteligjencë profesionale të këtij niveli, nuk e kanë kuptuar ende që ne e dimë kombinacionin, por dyshojnë. Nuk kanë bërë asnjë hetim, por bëjnë vetëm zhurmë. Të kujtojnë zhurmuesit e stacionit, të kujtojnë zhurmën që i bëhej "Zërit të Amerikës" në kohën e komunizmit, të kujtojnë zhurmën që u bëhej stacioneve televizive perëndimore në kohën e diktaturës. Ata janë zhurmues dhe asgjë tjetër, megjithatë ne i kemi pranuar brenda kompozicionit. S’kanë marrë pjesë në asnjë hetim dhe s’kanë asnjë të drejtë. Komisioni është i yni, barra e represionit të SHIK-ut ka qenë mbi opozitën dhe jo mbi ta. Ata kanë patur përfitime si grup partiak. Ne kemi të dhëna të plota që SHISH i Fatos Klosit ka financuar në zgjedhjet e fundit Partinë Socialiste, edhe njerëz të veçantë, por më e rënda është që ne dora-dorës po vërtetojmë që vetë Klosi rezulton i dyshimtë, si pjesëmarrës në vrasjen e Azem Hajdarit. Në ç’formë? Në forma të dyshimta që ka krijuar, me lirimet nga burgjet e personave që kanë qenë drejtpërdrejtë ekzekutorë në çështjen "Hajdari".

Aspekti i dytë, pse janë mërzitur socialistët është, sepse ata, edhe e dinë që SHIK ka qenë armë e partisë së tyre, por nuk arrijnë ta kuptojnë që edhe ata përfitojnë nëse ky institucion nuk është më një armë partiake.

Defiçensat, defiçiti kulturor që kanë në funksion të kulturës shtetërore, natyrisht që i irriton. Janë të mërzitur për vete apo politikisht për partinë, a për segmente të caktuara të kësaj partie, këtë nuk e dimë, vetëm se dora-dorës konstatohet që Klosi ka bërë politikë personale të klaneve të caktuara, përkatësisht të një klani të caktuar të PS-së. Se në çfarë klanesh bëjnë pjesë këta të pestë (përfaqësuesit socialistë në Komisionin Hetimor të SHISH), unë nuk e di.



- Ç’përbën për zotin Ngjela fakti që brenda tyre ka nga ata, si zoti Gazmir Bizhga, të identifikuar dukshëm tashmë në mbështetje të ish-kreut të SHISH, Klosi?



Koment timin për këtë nuk ka, sepse qëndrimin e tyre e ka tashmë të qartë vetë opinioni publik, sepse kur t’i mbron një kryetar shërbimi të pushuar nga kryeministri yt, kuptohet që diçka më tepër luan në këtë mes. Ne nuk kemi pse merremi më me prova edhe për njerëz të parëndësishëm. Ne po hetojmë Klosin dhe Shërbimin, të cilët rezultojnë të implikuar. Ka një skemë permanente, kombinacion permanent për eleminimin e opozitës, duke dashur të bindin opinionin publik për ato që mendohej të ndodhnin dhe opinionin ndërkombëtar gjithashtu. Por, siç del, as opinioni publik shqiptar nuk ua ka pranuar dhe as ai ndërkombëtar. Tani, flasin faktet. Mungesa e ekuilibrit që konstatohet, ka të bëjë me faktin pse unë kam hyrë në arkivë. Kam hyrë atje, sepse jam deputet.



- Nëse si grup apo ndonjë përfaqësues i PS tërhiqet nga Komisioni Hetimor i SHISH, si e shihni ecurinë e procesit?



Nëse ndodh kjo, atëherë parlamenti, menjëherë brenda tre ditësh duhet t’i zëvendësojë me persona të tjerë. Këta nuk e njohin ligjin. Nëqoftëse duan të ikin, le të ikin. Unë nuk kam ndërmend të iki, sepse do ta çoj këtë çështje deri në fund. E para, sepse kam një obligim për demokracinë në Shqipëri, të cilin e kam filluar shumë herët.

E dyta, sepse kam një obligim për Azem Hajdarin, për zbulimin dhe zbardhjen e vrasjes së tij, sepse ka qenë miku im, lider i demokracisë, aq më tepër që ka qenë personi, i cili me grupin e vet të nismëtarëve të PD-së më liruan nga burgu. U jam mirënjohës. Plus asaj mund t’ju them, nëqoftëse do të më kishte ndodhur mua ajo që i ndodhi Azem Hajdarit, për miqësinë që kishte me mua, për konsideratën që kishim për njëri-tjetrin, zbardhja e vrasjes nuk do të kishte shkuar më shumë se katër muaj. Është kënaqësi e veçantë për mua, që të paktën arrita ta zbardhë për katër vjet.



- Së fundi, a mendoni se do të përmbushet misioni juaj në këto pak ditë të mandatit ligjor të Komisionit Hetimor për SHISH?



Synimi për të cilin është ngritur komisioni është që të hetonte presionin e SHISH ndaj opozitës dhe kombinacionet që ka bërë ndaj saj. Ne tashmë i kemi kapur. Problemi i dëgjimit është vetëm që personat që implikohen, të mbrohen. Pra, ne i kemi kapur me dokumenta. Këta nuk kuptojnë dot, ata që duan dorëheqjen time, kjo s’ka për të ndodhur. Ata le të ikin, të vazhdojnë punën e tyre ashtu siç e kanë bërë, të pinë nga një gotë raki dhe të vazhdojnë jetën e tyre normale, sepse ashtu siç hynë, dolën nga kjo lojë.

Bisedoi: Halil RAMA

[Brari]

GON Vesh Llapushi
veshet pipez kuqalushi

------

shekulli
-------------

Komisioni "Ngjela" vijoi dje me dëgjimin e ish-punonjësve të lartë të shërbimit sekret


SHIK: Kemi përgjuar telefonin e Berishës
"Me vendim gjykate pas 14 shtatorit është përgjuar telefoni i sekretares së Berishës"


TIRANE- Konfirmohet nga vetë drejtuesit e lartë të SHIK-ut, përgjimi i telefonit të kreut të PD-së Sali Berisha. "Pas ngjarjeve të 14 shtatorit 1998 telefoni i sekretares së kryetarit të Partisë Demokratike është përgjuar nga Shërbimi Informativ Kombëtar sipas një vendimi të gjykatës, që ju mund ta lexoni të zbardhur". Kështu është shprehur dje para anëtarëve të komisionit "Ngjela" Agron Ismailati, drejtor i Drejtorisë numër 5 të Përgjimeve. Pyetjeve të shumta të deputetëve të opozitës, ai është i përgjigjur si dhe kolegët e tij dje me Jo, të thata, ndërsa për rastin e telefonit të sekretares së Berishës, ka pranuar përgjimin, por vetëm pasi më parë gjykata ka dhënë lejen për ta bërë një gjë të tillë. Sipas Ismailatit kjo është bërë pas ngjarjeve të 14 shtatorit, për të cilat ai shtoi se "Ato janë ndodhi që nuk kërkojnë koment". Nga ana tjetër, dje punonjës të lartë të SHIK-ut thanë se për përgjimet është ndjekur dhe zbatuar vetëm ligji dhe rregullat në fuqi. Në përgjithësi punonjësit e SHIK-ut kanë kundërshtuar pohimet e tjera të deputetëve të opozitës, duke shmangur edhe debatet e ditëve të fundit. Përgjimin e telefonit të sekretares së Berishës e ka pranuar edhe Klosi gjatë një interviste në një stacion televiziv. Ndërkaq Frederik Ymeri drejtor i Drejtorisë së SHISH-it së Lezhës është shprehur dje në komision se me pagat që trajtohen punonjësit e shërbimit sekret nuk duhet pritur që të dalë në dritë ndonjë gjë e madhe. Sipas tij edhe legjislacioni e ka kthyer SHIK-un në një OJQ.
Meja
Komisioni gjithashtu dje ka vendosur që të thërrasë ditën e hënë ish-shefin e komisariatit të Levanit të Fierit, pasi ai u akuzua nga PD dhe Berisha për vrasjen e Bujar Sulit militant i PD-së. Gjatë dëshmisë së tij në komision, Berisha e ka përmendur në një kapitul të veçantë këtë çështje, ku sipas tij, edhe SHISH ka pasur pjesën e tij. Nga ana tjetër, zërat për një thirrje të mundshme të kryetarit të Gjykatës së Lartë Thimio Kondi në komision, dje nuk u vërtetuan. Komisioni nuk e mori fare në shqyrtim këtë çështje.
Ngjela:
Në përfundim të mbledhjes kryetari i komisionit Ngjela tha se "sot vazhdoi thirrja e personave të rëndësishëm të shërbimit informativ, të cilët sqaruan për çështjet e përgjimeve për problemet e asaj të ashtuquajtur kryengritje". Sipas tij, edhe dje janë dëgjuar fakte konkrete. "Konkluzionet e komisionit bëhen në fund, sot dhe deri sa të vijë vendimi, ose qëndrimi përfundimtar i komisionit, nuk mund të flitet për shkelje ligjore, sepse ato po vërtetohen shkallë-shkallë, ne deri tani kemi konstatuar shkelje të cilat ia kemi bërë të qartë në ditën e parë të dëgjimit të Klosit, i kemi dëgjuar nëpërmjet seancave të tjera do të vazhdojmë që t'i dëgjoni në seancat e tjera derisa të mbyllet",-tha ai. Përveç ish-shefit të komisariatit të Levanit, të hënën në komision do të jetë përsëri ish-shefi i SHIK-ut Fatos Klosi, i cili do të pyetet rreth raporteve të organit që ka drejtuar dhe medias.

[gjethi]

Se cfare eshte bere nga 1998 deri 2001 ose 2002 te gjithe e dime dhe eshte fatkeqesi qe ata qe drejtuan pereth 50 vjet te drejtojne edhe nje here kete vend me keto lloj metodash staliniste.
Nuk eshte cudi qe keshtu te ngjase, sepse ata qe mesuan keto lloj teorish jane qener te rritur me mish dhe si te tille ata vetem dine te terbohen, te vrasin ,e te hane mish te gjalle.
Neqoftese Spartak Ngjela do te i arrije te nxjerre ne drite vrasesit e liderit te dhjetorit Azem Hajdari,kjo do te tregoje qe ai eshte nje njeri shume e i zote dhe me perspektive te madhe ne te ardhmen.
Edhe nje here Erzen pershendetje.

[ganoid]

ai spartaku po perpiqet dhe une jam dakort te zbardhi sa me shume ceshtje dhe mbi te gjitha ate te azemit .
por ai duhet ta kuptoje se ku e ka kufirin dhe jo te iki si pordha neper brek vetem te mbaje ere (duke nxjerre cdo sekret i cili mund te perdoret nga sherbimet e huaja ) dhe te mos beje asgje

[gjethi]

Jo jo Maringlenora nuk eshte ashtu si thua ti.
Shiko cfare i bene Spartak Ngjeles tashme.
Edhe po e tallin fatbardhin, si ne mbledhjet e partise.
Ata qe mbrojne Fatos Klosin nuk jane gje tjeter vecse antishqiptare.

[ganoid]

te them te drejten gjeth sa per ate punen e talljes ai ka talle vetveten po te duash ti numeroj.vetem ne emisionet e klanit qe kam pare une me fevziun ate e ka tallur shume .po nejse
ai eshte nje njeri me vlera dhe si i tille i duhen dhene meritat qe ka. mua me vjen keq qe perfundoi keshtu kjo puna e azemit qe nuk u denua ai qe duhej.prapseprap avokati e teproi me ato nxjerrjet e sekreteve pa hedhur gje ne drite. mbi kete ceshtje nuk lejoj anashkalime te asnjelloj tipi edhe kur behet fjale per nje emer si azem hajdari se me shume se sa ndreq pune avokati prish pune.

[gjethi]

Maringlennora:
Keta lloj komunistash kane nje menyre te vecante talljeje.
Eshte shume e veshtire te besh ndarjen e talljes me seriozitetin e saj.
Spartaku i eshte pergjigjur hapur dhe talljen e ka perdorur pa ate dozen e seriozitetit keshtu qe vetem zoti Ngjela del qe na paskash qene tallur me keta lloj komunistash.
Po komunistat qe u tallen per 50-vjet + 12 tashme?
Njerezit e zgjuar i kuptojne keto gjera dhe dine te i ndajne gjerat ashtu sic jane.
Me shume zoti Ngjela ka mbrojtur nderin e verioreve te persekutuar, kur fare mire shohim se cfare talljeje ka perdorur opozita e athershme qe eshte pozita e sotshme me 70% te deputeteve nga jugu dhe 90% te ministrave sebashku me kryeministrin .
Gjerat do dalin me vone por uroj qe te mos kete carje me te madhe se sa kjo qe ndodhi.
Shiko me vemendje se kush drejton ne Shqiperi sot dhe do te kuptosh edhe klanet qe jane krijuar.

[ganoid]

me vjen keq qe flet keshtu gjethi !!!!!!!!!!!!!

[gjethi]

Me fal Mari por e verteta duhet te dale ne shesh.
Albasouli ka krijuar nje staf dhe administratori eshte nga nje qytet jugor besoj, flas ate qe me kane thene.
Une i respektoj keta njerez atdhetare sepse keta i flasin gjerat ashtu sic jane dhe jo ashtu si duan ata.
Eshte keshtu apo jo?
Hyj ne faqen e albasoulit dhe aty gjej nga gjerat me te larmishme qe edhe forumet tjera do te i kishin zili.
Pra sepse ndodhen nje dore hajdutash dhe mercenaresh ne pushtet dhe jane na jugu, kjo nuk e perjashton mundesine qe ata te mos ofendohen.
Nga une nuk ka urrejte por se ata njerez me shume mendojne si te vjedhin se sa te bejne dicka per popullin e tyre.
Kur them jane nga jugu kam parasysh edhe klanet komuniste te viteve 45-90 qe ne njeren ane bene ca gjera te mira per popullin por ne anen tjeter i dhjene ato dhe bene njemije e ca te zeza.
Nuk eshte Sali Berisha qe drejton pushtetin sot, edhe ne kohen e Sales nuk ishte Berisha por merimanga e vjeter ishkomuniste.
Pra ata njerez mund te i prishin imazhin vellezerve te tane jugore, le qe ata nuk i kane ato mundesi edhe sepse jane kasape te lekut, te vjedhjes te kontrabandes etj.

E verteta djeg por eshte nje e vertete qe na hap syte te shohim me larg se cpame.
Faleminderit