Arkitektura e Shpirti

[Spirituoziii]

Duke ec me Lotin që ka vetëm një Sy
dhe Syrin që ka një deti Lot,
duke ec përmes teori komplotësh, shpërndarës mjerimi
ata që vjedhin Nënën në Cicë
e me Cicë fëmiu nis Jetën,
duke ec mbi kombin e revoltës
përtypur thellë recitalet politike
theva kodin e jetës
Idealiste
për të jetuar tash i lirë
Unë vetëm me malin
e Mal është vetvetja ime
mbrenda arkitekturës shpirtërore
edhe njiherë i mashtruar
mbas rrezeve të Diellit !

[Spirituoziii]

NJË MINUTË HESHTJE

Mbreme isha ne sheshin "Skenderbe"
me i ftohte se vete shpatullat e tij
pashe arkivole duke shperndare testamente politike
qe here ecinin si breshka here vraponin si kuajt
njeri kishe nxjerre gjuhen i ardhur nga jugu
tjetrin e kishin nisur drejt veriut
vendtakim kishin mjegullen
krejt pas shpines se Atdheut

Mbreme nuk i besoja jetes
per kete i thashe edhe Skenderbeut
se keto unaza te arkivoleve do te kalonin
e do te martonin edhe pishtaret
matane shtegut qe ende ruante bujarine

Mbreme isha i fundit ne radhe
duke pritur te shoh Art
por artistet ishin ne greve
me shkronjat ne krah
nuk donin t'ua linin as derrasat
atyre qe ua groponin teatrin
donin te vdisnin per artin

[Spirituoziii]

PO DESHËT

Po deshët të takoheni me mua
ngjituni shkallëve
brinjëve të mi

Po deshët të groponi hijen time
zbritni shkallëve
parmakeve të zi
thyer brinjeve të mi

Po deshët shkallët
hiqni parmaket
se të dyja nuk janë të njëjta
se të dyja nuk janë një

[Spirituoziii]

POETI GUR

Çdo dite mbaj gurë
thyej gurë
barti gurë

Çdo ditë eci gur
shkeli gurë
e gurët i kam sipëri çdo ditë

Më shihni
çdo ditë gdhend gurë
e prapë me guri në qafë
më tha poeti Gur*

[Spirituoziii]

VARGU

Ulu vargu iM i përjetshëm
ti në baltën e Kosovës
unë në baltën e Evropës
ti andej
unë këndej
dhe që qëndisim jetën e irnosur
flakë
në unazën e njëzet e një
që ka nisur të më lakojë kurrizin

[Spirituoziii]

VARGU IM

Varg o barg o varg nomadë
që lëviz e nuk ke prehje
që ecën e nuk bën hap
që rri ndalur edhe kur ecën

Varg o krushk i pa dëgjuar
buzë ndezur dhe i tharë
mysafir i leckosur salloneve solemne
kur Diellit do i ulesh këmbëkryq

Varg o varg o varg nomadë
pushuar shpesh në Via Egnatia
kthema kujtesën
dhe bëma varg
më nuk po të mbaj mend varg

[angert]

Je shum i mir ne vargje te pergezoj spirituozi

integro_fat@hotmail.com